part 50
- انت اكيد مجنون بنتي ايفين لا اتريد تذكرك ولا تذكر ذيج الايام مخبل اني ارجعها لذيج الايام واذا عبالك لان مطلكة محد ياخذها غلطان كومة يريدوها
- ايفين وياية بالكلية
-شنو
-ايفين وياية بالكلية يعني باليوم اتشوفني اكثر من ٣ مرات وحجينا بهل موضوع من زمان وهي موافقة روح اسالها
- يعني هي تدري انت جاي
- لا اريد موافقتك بالبداية
- اذا ما وافقت شتسوي
- ذيج المرةجانت غصب عنك ومو باختيارك بس هلمرة برضاك وموافقتك عدة هذا محسوي شي بس اتمنى متفكر بالي راح فكر وروح اسالها وشوف رايها شنو
كام من الطاولة وراح ضليت اشرب الكهوة
- اظاهر محتمشي الامور بسهولة ...... الحساب بلة زحمة
وصلت للجامعة طلعت تلفوني داكة علية فوك العشرين مكالمة دكيت عليها
- الو
- وينك انت
- بالكلية
- وين جنت ليش متجاوب
- انتي وين وويامن
- بالكافتريا كاعدة وياية بنات
- ودتحجين كدامهم
- لا كمت ورديت
- ماشي
-تعاي لمكانة
سديتة ورحت بالطريق شفت الكافتريا طلعت منها صح مزاجي مو زين بس من شفتها راسا ابتسمت شفت واحد اجة حجة وياها حسيت دقيقة اثنين شو ما وخر وهي متفاعلة بالحجي رحتلهم وصلت يمها وكفت يمها وباوعتلها
- شو اتاخرتي .. اوه منو هذا
- اني ممثل الشعبة انت منو
- مو مهم تعرفني خلصتوا مو
-عود بعدين اجيبلك المعلومات مصعب
-ماشي اخذي راحتج عيني
من راح عفتها ومشيت ضلت مشت وراية بسرعة اسمع صوت الكعب مالتها وتهمس
- سيف سيف دقيقة اوكف
صح غاضب بس انقهرت عليها وخفت لتوكع وكفت وهي وصلتلي حطت ايدها على جتفي راسا وخرت ايدها
- شبيج احنا بالكلية
-اي دوكف والله راح نفسي شبيك هذا الممثل مال الشعبة وراد مني شغلات عمود ينطونة السعيات يعني اكو مش
-اني مسالتج
- سيف لتسوي هيج وياية اليوم يلى رجعت نفسيتي وشوية ارتاحيت حباب لتاذيني
-لزمت ايدها ماشي اسف
باوعتلي هيج رافعة حواجبها وهمستلي
- احنا بالكلية
- هههههههه يلى امشي خلي انروح
مشينا وصلنا وكعدنا
- وين اختفيت
- جان عندي كم شغلة
- اكدر اعرفهن
- جنت يم ابوج
- بابا ؟! ليش شنو صار شكلتلة
- دقيقة اول شي اهدئي باعي خطبتج
- خطوبة خطوبة هاي الي يلبسون حلقات وهيج خطوبة
- لا يلبسون تيشرتات ويضربون طوبات ايفين صحصحي
- شكال
- هي هنا المشكلة
- مقبل مو اي اني اعرف حظي اوفف
- هو مو مقبل ولا قبل ايفين ابوج المفروض ميقبل حتى لو ازحف على رجلي شلون واحد ينطي بنتة بايدة لواحد مثلي
- شبيك انت عمري
- ايفين
- يعني جنت بعصابة ومجبور
- اصبري ابوج درة انتي وياية بالكلية اول شي حيمنعج من الكلية وميخليج اداومين فترة الة يتاكد من شغلة يلى يخليج
- شنو
- وحيجي يسالج على الموضوع
- سيف اني محقبل هيج اول ما ارجع حكولة موافقة واريدك
- ايفين
- لتصيح شبيك
- اسمعي الي دا اكولة ومتخالفيني ولا بشعراية افتهمتي لو لا جاوبي
- اي افتهمت
- خلي انشوف شحيسوي يجوز حتى منكدر نتواصل اني وياج اريد منة شغلة وحدة بس انو لتخافين اني موجود وياج ومحهدج وححاول ويا اكثر من مرة الى ان يوافق دتفتهمين الي اكولة لتفكرين ولو مرة انو اني مموجود او مختفي او سافرت او اي شي
- سيف
- ايفين حبيبي لتصيرين ضعيفة ماشي خلي انواجه هاي المشكلة سوة
دك التلفون وفززنا ثنينة
- سيف هذا ابوية سيف
- ششش سوي روحج طبيعية
- الو هلو بابا ... ها اي بقالي محاظرة وحدة .... ليش بابا هما صاير شي بالبيت ... اوكي اوكي جاية تمام حبيبي بيباي
- ها
- واكفلي برة الجامعة يريدني اروحلة
- ميخالف ابوج ويخاف عليج لتخافين من شي واني موجود وياج ماشي بكل مكان اني وياج ماشي حبيبتي
- سيف حباب لتعوفني ابد
- مثل ما وعدتج
طلعنا اني وياها ومن وصلنا قريب الباب عفتها اتروح وحدها شفتها من بعيد ركبت ويا اني صعدت بسيارتي ورحت وراهم وصلوا للبيت ودخلوا عادي اكو ابتسامة على وجهة يعني مصار شي بالسيارة الخايف منة انو يمنع التواصل بيني وبينها واني متاكد حيسويها
من طلعت للخط الكل يسالني شكو اليوم عود لان طالعة حلوة وحتى بالجامعة جنت متحمسة اشوفة بس شو ماكو دكيت علي مجاوب دكيت دكيت ماكو خفت بس وخرت كل الافكار عن راسي ورحت وية البنات نتريك شفت تلفوني يدك كمت من الميز وحجيت ويا مدري صوتة ابد مو زين بالطلعة شفت مصعب كبالي
- هلو ايفين شلونج
- هلو مصعب الحمدلله
- بس اريد منج كم شغلة
جنت واكفة دا اجاوبة ما اشوف الة سيف من بعيد جاي كلش خفت
اني واكفة بينهم مثل الاطرش واباوع على هذا وهذا وانوبة نظراتهم عبالك واحد حياكل الثاني الحمدلله مصعب راح شو سيف مشى سريع اريد الحك بي ماكو وانوبة لابسة كعب كلش عيب اركض بالكلية هو وكفلي وصالحتة
بس سيف مو سيف وجهة عبالك ضايج او مخنوك من شغلة مالة واهس شي اول مجاب طاري ابوية هواية امور طخت براسي من كالي خطوبة كلللش فرحت حسيت كلبي طار وممصدكة كلت ايد بابا وافق بس العكس وبدت خوفة جديدة تحتل كلبي
اول مصعدت وية بابا بالسيارة
- السلام عليكم
- وعليكم السلام هلة بابا شلونج
-الحمدلله بس طمني اكو شي بالبيت شعجب جايلي
- لا بس هيج ردت اعزمج جايب اكل من برة وردت ناكل سوة
- اها تمام شجايب
- هناك اتشوفي شلونج بالدراسة لو ملتهية عنها
- الحمدلله حاطة بالي يمها اريد انجح
- اي عفية ببنيتي
وصلنا للبيت ونزلت مزل هو وراية طبينا للبيت
- بسم الله هاي شنو جاين سوة ومن وكت شصاير
- بابا جايب اكل من برة لهذا رادنا ناكل سوة
- اي والله صالنا شكد ممجتمعين على سفرة وحدة
- يلى ام علاوي صبيلنا خلي ناكل
رحت ساعدت امي بالاكل وكفت يم الثلاجة طلعت تلفوني دزيت رسالة لسيف
- سيوفي لتخاف علية لحد هسة كلشي ماكو محجة شي وياية اذا صار اني اكلك عود ...احبك
ضميت التلفون وكملت ورحت كعدت على الميز اجة بابا كعد
-لعد علي وين
- بالدوام
- ها
كعدت امي وابوية عادي تصرفاتة كلة كلشي محجة كملنا اكل وصبينا جاي
-عاشت ايدك بابا يجنن الاكل
- بالعافية اني شفتة طيب لان انتي كبالي كاعدة
- يوووه بابا خجلتني هاي شنو
- واني عيني شو نسيتني
- انتي الاصل والفصل كله عدي فد موضوع اريد اكولة
- اي كول نسمعك
كلبي كام يدك سريع ومعدتي تعصرني عصر
- اكو واحد وياية بالدوام مهندس شاب مصمم كلش مرتب واخلاقة عالية من جاي ذيج المرة شايف ايفين واتقدملها اليوم الي واني هذا الولد اعرفة كلش زين حتى الولد ما شاء الله جميل من كصت علاوي وهاي الشباب المرتبة
- بس ابو علي انت نسيت ايفين
-قبل لتكملين اني اول شي اريد اشوف راي بنتي بالزواج وبعدين اكمللكم
حسيت روحي ذابت ودموعي صارت بطرف عيني حتى اطرافي خدرت صار شكل سيف بين عيوني احس دا اطعنة
- لا بابا ما اريد الزواج
اول مرة بابا يباوعلي بعيني بهيج موضوع بالعادة ميجيبون طاري الزواج كدامي بس هسة نظارتة تختلف
- ليش بابا اذا عمود الطلاك فهو الولد اني اضمنة الج انو حيوافق على هذا الموضوع فالولد ما بي عيب ليش اترفضي
- ماكو شي بابا بس ما اريد زواج
- ايفين باوعي لابوج من تحجين متاكدة متريدين الزواج
وكعت بين نارين اذا كلت لا يعني حيوصل لسيف انو اني رفضت الزواج واذا كلت اي حيطيني لهذا الولد زين شنو اسوي شنو اختار مجان عدي مفر حست الدنيا ضاكت وادموعي ترست خدي مجان عدي اي جواب
- سالم عوف الابنية دشوفها اختنكت من الموضوع مصدكت ترجع ضحكتها للبيت كومي ماما كومي
- دقيقة ايفين باوعيلي باوعيلي دا اكلج
باوعتلة
-ليش دتبجين ها جاوبيني ليش دتبجين عبالج دمعتج رخيصة عندي اني ابوج ايفين اني اعرفج من عيونج من قبل متحجين اعرف شنو تريدين اتكولين الي اجاني اليوم انتي تعرفي زين وتعرفين كلشي عنة حتى شغلات اني ما اعرفها صح لو لا
- هاي شنو اني كلشي مدا افتهم فهموني
باوعتلة هو ديقصد سيف بس شنو اكولة اكلة اي اريدة
-ايفين بابا اني مجبتج حتى اضربج او ااذيج واني اعرفة الولد الزين ووكف وكفة ما احد يوكفها الي بس اهلة ايفين اهلة بيئتة الي اتربية بيها هواية امور اتخليني كاب ما اوافق عليها بس اني اثق بيج وبقراراتج اذا هسة كلتيلي اضمنة الك انو مياذيني بيوم وحيحميني من نفسة قبل العالم اني اوافق علي فانتي شتكولين
- بابا انت او امي او اي احد معاش الي عشتة ولا شاف الي شفتة هناك من اجيت مسولفت لاحد لا كلت لاحد شنو صار طمنتكم على شغلة وحدة حاربت بروحي حتى احميها بس مو اني الي حميتها هو حماها هو حماني من كلشي خسر هواية امور حتى بس يطلعني من ذاك المكان هو حتى خسر نفسة وجتى من طلعت ضل يحمني من بعيد اذا هذا كلة ميثبتلك الي كلتة شنو الي يثبت
- يعني انتي رايدتة مثل ما هو رايدج
- همم
-اي لو لا
-اي رايدتة
- تمام وصلني كلشي اريد اعرفة انتي كلتي عشتي شغلات محد عايشها واتاذيتي هواية
اني محاذيج
ولا اضرج بس اطمن كاب من كم شغلة وانطيكم رايي بس لازم يتحملني
كمت من مكاني ورحت لحضنة حضني وايدي حاوطت جسمي
- شكرا بابا
-بعدين مموافق ترة
-احد يفهمني شنو صاير بلة زحمة
كمت من حظن بابا ورجعت لمكاني
- اكو احد متقدم لبنتج هو نفسة طليقها
- نعم ؟!!! الي يشتغل وياهم وانت حتوافق!!!
- الولد جان مجبور يشتغل غصبن ما علي لان لازمين اختة ويهددوا بيها وشفتي شلون طلع بنتج ووصلها لحضنج
- بس
- بدون بس اني حتاكد من كم شغلة ومثل مشفتي بنتج الخاتون موافقة ورايدتة والمشكلة وياها بالكلية هم فيعني طالب وشاب
فرحت من شفت ابوية ديدافعلة وسوالة قصة اتقنع امي بيها وهو يكول مموافق ديلعب علية حسيت روحي طير وطاير بس ميصير ابين هلشي اني افكر وهمة يتناقشون كبالي
- يلى اني رايح للدوام مع السلامة
- مع السلامة
شفت بقيت اني وامي وحدنا عرفت حتستلمني هستوني دا اكوم
-وين وين اكعدي عيني
-ها ماما
- اني مو كتلج انتي وراج رجال وعاشگة اوف منجن
- يمة يا عشك يا دنيا كلشي ماكو بس خطبني بالكلية واني وافقت بس كتلة اهلي اهم شي وهاهية
- اي واضح واضح بس اني الج بسيطة
✋🏻🙃🙃✋🏻
رايكم 💓يهمني