Pagkalabas ni Samantha at Arya sa boutique ay kaagad na silang umalis sa Elegance. Hindi na nila pareho matagalan ang ambiance doon.
"Haah!"
Napabuga sa hangin si Samantha noong makarating na sila sa pinaka-sentro ng Siudad.
"I-i'm sorry ate,"
Sandaling lumingon si Samantha sa dalagita. Pagkatapos ay ngumiti siya ng pagkatamis-tamis dito.
"Why are you saying sorry? It's not even your fault. May mga tao lang talaga na habang tinitingnan mo ng matagal, masusuka ka," nakangiwing saad ni Samantha.
Bumalik na naman sa isipan niya ang masagwang ngiti nang lalaki.
Siguro iniisip niya na ang gwapo, gwapo niya sa ngiti niyang iyon. Eww!
"Well, nakabili na tayo ng wedding dress. May bagong shoes naman ako sa bahay na pwedeng i-pareha so let's go home. I want to wash my eyes!"
Nangingiting sumunod naman kaagad si Arya. "Okay ate!"
Nakahawak sa braso ni Samantha si Arya habang naglalakad sila sa may gilid ng daan. Hinahanap na nila ang paradahan noong biglang tumigil sa paglalakad si Arya.
"Bakit?"
"A-ate...may wedding ring na kaya na binili si kuya? H-hindi ba mahirap pa sa daga ang taong 'yun?"
Umigkas pataas ang kilay ni Samantha.
Pagkatapos ay humagalpak siya ng tawa pagkarinig sa huling sinabi ni Arya. Talagang wala itong pakialam sa nararamdaman ng kuya nito.
Nakikita ni Samantha na gustong-gustong mapalapit ni Arem sa mga kapatid, at tanging si Arya lang ang hindi nito makausap ng heart to heart dahil palaging umiiwas ang dalagita dito.
"Don't worry. Marami akong alahas sa bahay hindi ba? May nakita akong magkapares na singsing doon. Oks na 'yun kesa bumili pa ng bago. Ay oo nga pala, umorder tayo ng wedding cake, tapos letson... tapos," napaisip sandali si Samantha. "Aha!" Nangingislap ang mga matang tinitigan ni Samantha si Arya. Samantha claps her hand, and her beautiful face lights up.
Nagtatakang napatitig naman ang dalagita sa dalaga. Pero hindi nito mapigilan ang ma-excite sa sasabihin ng ate Sam niya. Panigurado, kung hindi masarap na pagkain ang iniisip ng bilas niya ay magandang bagay iyon.
"Magpa-catering na lang tayo. Kahit wala tayong bisita bukas, at least marami tayong kakainin. Tapos hindi pa tayo napapagod kase sila na rin ang mag-aayos sa gagawin nating venue," ani Samantha na para bang nai-imagine na niya kung ano ang kalalabasan ng kasal niya bukas.
Sunod-sunod na tumango naman kaagad si Arya. Syempre, sino ba naman ang tatanggi sa masarap na pagkain? Sino ba namang tatanggi sa alok ng ate Sam niya na kukuha na ito ng ibang maglilinis at mag-aayos ng venue. At least, makakapag-focus siya sa kanyang ate Sam bukas.
"Invite niyo ang mga close friends niyo. O kaya kung may malapit kayong kaibigan na kapitbahay, invite niyo rin," ani Samantha.
Para naman hindi nilalangaw ang unang kasal niya. Kahit man lang ba magkaroon ng tatlo o limang tao na magsi-celebrate ng kasal niya, okay na iyon sa dalaga.
Although they're not a real couple, it's still a real marriage. So the wedding must be legit kahit na magdi-divorce pa sila in the future.
"Okay, ate,"
Excited din si Arya nang marinig ang suhestiyon ng kanyang ate Sam.
Kung may tao man na pinakamasaya sa lahat, siya na yata iyon.
Paano ba namang hindi mapupuno ng saya ang puso niya, eh bumili ng wedding dress ang ate Sam niya. Kukuha ito ng wedding ring sa sariling alahas nito na ayon pa dito ay family heirloom daw, at pagkatapos ay ito, willing itong mag-ayos at maghanda ng husto para sa gaganaping kasal bukas.
Ibig bang sabihin noon ay kinalimutan na ng kanyang ate Sam ang tungkol sa divorce?
Willing na ba itong tanggapin ang walang silbi niyang kuya para maging sister-in-law niya ito sa panghabang panahon?
Nakaramdam ng kilig si Arya.
Kinikilig siya hindi para sa walang silbi niyang kuya. Kung hindi, dahil nalalapit na ang araw na buong pagmamayabang niyang masasabi sa lahat na sister-in-law niya si Ate Sam.
Wala nang ibang pwedeng kumontra at wala ng ibang magsasabi na bilas na hilaw niya ang maangas, astig pero super bait sa kanila na Ate Samantha niya.
Sa wakas ay may maayos na din siyang dahilan para imbitahin sa bahay nila ang dalawa niyang kaibigan sa school. Nahihiya kase talaga siyang ayain ang mga ito sa bahay nila dahil unang-una, baka hindi sanay sa ibang tao ang sister-in-law niya.
Kahit na sabihin pang kanilang bahay iyon, pero ito naman ang nagpa-renovate noon. At bukod pa doon, ito rin nagpapakain sa kanila at nagbibigay ng baon sa tuwing papasok sila sa paaralan.
Kaya ayaw ni Arya na i-by-pass ang kanyang ate Sam.
Sa hindi na niya mabilang na pagkakataon, muling sinulyapan ni Arya ang sister-in-law niya.
Magagaan ang mga hakbang na sinamahan ni Arya sa pag-ikot ang kanyang ate Sam. Tuluyan na niyang nakalimutan ang pinsan niyang si Chandra.
Makalipas ang dalawang oras na pag-iikot ay natapos na ni Samantha at Arya ang pagpapa-book ng catering para sa kinabukasan. Lagpas alas kwatro na ng hapon noong makarating silang dalawa sa paradahan.
May dala silang nga prutas, gulay at mga tinapay, bukod pa ang magandang kahon ng white dress.
"Ayon ate, malapit na napuno ang jeep!"
Tiningnan naman ni Samantha ang itinuturo ni Arya.
"Lima na lang! Lima na lang!"
Nang sumigaw ang jeepney barker ay mas lalong binilisan nina Samantha at Arya ang paglalakad nila. Gusto na nilang makasakay sa naturang jeep kesa maghintay na naman ng pagpuno sa susunod na jeep.
Pero bago tuluyang makarating sa kabilang panig ng kalsada, bigla na lang huminto da tabi nila ang isang humahagibis na kotse.
Mabilis na hinila ni Samantha si Arya sa may bandang likuran niya para mas madali niya itong mapo-protektahan sa anumang panganib na maaring mangyari.
Pero sa halip na panganib ang kanilang kaharapin...
Magkasabay na kumunot ang mga noo nina Samantha at Arya nang makita ang nilalang na buong kakisigang bumababa sa magarang kotse.
Feel na feel ng lalaki ang suot nitong salamin.
Dahan-dahang itong lumapit sa kinaroroonan ng dalawa at noong nakatayo na ito sa harapan ni Samantha ay ngumiti ito ng simpatiko.
Pero sa halip na matuwa ang dalawa ay pareho lang sumama ang timpla ng magaganda nilang mga mukha.
Paulit-ulit na sumisigaw ng 'EWWW!' ang isipan ni Samantha. Habang si Arya naman ay nababahala. Kilala niya ang lalaki. Boyfriend ito ng magaling niyang pinsan na si Chandra at masyado itong playboy.
Oh no! Paano kung magkagusto sa kanya si Ate Sam? He smiled so nicely and friendly. Unlike my elder brother who only knows how to scowl!
Walang kamalay-malay ang dalagita na ni hindi kailanman sumagi sa isipan ni Samantha ang salitang 'nice at friendly' sa tuwing pinagmamasdan ng dalaga ang nakangiting mukha ng lalaki.
Sa halip ay nandidiri siya dahil hindi nakaligtas sa mapagmasid na mga mata ng dalaga ang kakaibang tingin na ipinupukol sa kanya ng lalaki na kagaya rin kanina lang sa boutique. Para bang hinuhubaran siya nito at hindi niya gusto iyon.
"Miss Beautiful, ihatid ko na kayo,"
The man said in a pleasant voice and flashed his killer smile.
Nagsalubong lang ang magagandang kilay ni Samantha. Sa halip na kausapin niya ang lalaki ay itrinato niya na lang itong parang hangin. Iisipin niya na lang na wala talagang nagsasalita sa harapan niya.
Na minamaligno lang siya sa mga sandaling iyon.
After what happened to her in her past life, masyado ng sensitibo si Samantha pagdating sa mga taong manloloko ng kapwa.
Hangga't maaari ay gusto niyang umiwas sa mga ito.
Kaya nga sa unang pagkikita pa lang nila ni Arem ay ipinagtapat na kaagad ni Samantha ang kanyang plano at tunay niyang pagkatao dahil ayaw niya ng may niloloko siyang tao. Minsan na siyang naloko at humantong iyon sa kanyang hindi makatarungang kamatayan. Kaya hangga't maaari ay ayaw niyang matawag na mapagsamantala.
"Walk faster Arya. Maiiwan na tayo ng jeep!"
Umikot si Samantha sa likurang bahagi ng kotse at saka lakad takbong tinungo ang jeep na naghihintay pa rin sa kanila.
Mabilis kumilos si Arya.
Kanina pa siya naghihintay ng pagkakataon na makaalis doon at maitakas ang ate Sam niya kaya naman nagdiwang kaagad ang kalooban ni Arya noong si Sam na mismo ang umikot palayo sa lalaki at sa nakakaduling nitong sasakyan.
Hmp!
Mas masarap pa rin sumakay sa jeep ano!
Laking pasasalamat nang dalawa noong kaagad na umalis ang jeep pagkasakay na pagkasakay nila. Ni hindi na lumingon si Samantha sa lalaki.
Unlike Arya.
Tiningnan na ng dalagita ng masama ang lalaki mula noong pagkaupo sila sa jeep hanggang sa mawala na lang sa paningin niya ang nakakairita nitong anyo na nakasunod din ang tingin sa kanila. Rather, sa ate Sam niya.
Malakas ang pakiramdam ni Arya na tinamaan ang hudas sa sister-in-law!
Napakagat labi si Arya.
Kakausapin niya ng masinsinan ang magaling niyang kuya mamaya. Tuturuan niya ito kung paano ang tamang pagbabakod sa bakuran na pag-aari nito.
At kung sa bandang huli ay hindi nito magagawa iyon, siya na lang. Siya na lang ang magbabakod sa ate Sam niya para walang ibang lalaki o ibang pamilya na umangkin dito!
She is her dearest sister-in-law, and no one can take her away from their family.