Kunal nayi nahu ke saath apne Maa ka aashirvaad lene jaata hai jab achanak ek aurat jor se bolti hai, "Kunal, apni saas ka aashirwaad nahi loge?"
"Shreeja?" Maya ko apni aankh par bharosa nahi hota hai, jaise use jor ka jhatka laga ho. "T-tum?"
"Shreeja, tum yahan kaise? Tum to mar gayi- ham sab ne dekha tha, tum, yeh, phir yeh..." Ronit bhi chauk jaata hai apni patni ko jinda dekh kar. Dheere dheere use gusse aane lag jata hai. "Itne saal tum jinda thi lekin tumne sab ko dhokhe mein rakha, apne bacchon ko dukh diya. Pandraa (15) saal pehle tamasha karne ke baad bhi tum muh utha ke yahan aa gayi, besharam aurat!"
"Ronit," Shreeja aaram se kehti hai, "Shaant ho jao, warna BP badh jayega. It's not good for your health, na. Tum to aise dar rahe ho jaise tumne koi bhoot dekh liya ho. Phir shayad tumne bhoot dekh hi liya." Shreeja pehle Maya ko dekhti hai, phir Sonia aur Raj ko, phir shaadi ke mandap par khade dono naye vyavahik jode ko. "Everyone, surprise!"
"Shreeja, kamini, yahan kya kar rahi hai tu, dayan? Mari hi rehti."
"Arrey Samndhan ji, aapko to gale milna chahiye, hamare bacchon ki shaadi ho gayi hai. Apne Samdhan ke liye asie shabd achhe nahi lagte." Shreeja dheere dheere chal ke, kamar matka- lachka ke Sonia ke paas jaati hai, lekin Raj ke saamne khadi ho jati hai. "Raj, I missed you. Apne Samdhan ke gale nahi lagoge?"
"Behaya aurat, door reh mere pati se warna teri kasam tujhe isi havan kund mein swaha kar dungi!" Sonia gusse se kehti hai. "Main jaanti hoon tere lakshan sahi nahi hain. Ronit ji, aap shukar manaiye aapke bacche isse door rahe hain, kam se kam achhe sanskar to mil saka unhe."
Shreej agla Maya ke paas jaati hai. "Maya, tumne to mujhe miss kiya hi hoga. Bacchon, pata hai, main aur Maya bachpan ke dost hain. Ham hamesha sab aapas mein share karte the, hai na Maya? Phir chahe wo-"
"Shreeja! Bas karo apni besharmi aur chup ho jao. Tumne mere pariwaar ko pandraa saal pehle sharminda kiya tha, kam se kam aaj to tamasha mat karo. Main jaanta hoon beti ki chinta nahi hai tumhe, lekin aaj uski shaadi hai, thoda to-"
"Maan ki shaadi hai isi liye to main aayi hoon, apni beti ki shaadi dekhne. After all, har maa ka sapna hota hai beti ki shaadi."
"Bas karo, Shreeja, aur jhoot mat bolo. Baki maa ka hota hoga, lekin tum to apne janme bacchon ke liye maa tak nahi ban saki."
Isse pehle ki behes aage badhe, Kunal ki patni behosh ho jati hai.
"Arrey, ise kya hua? Yeh behosh kyun ho gayi? Maan, tum theek ho, beta?"
"Sonia, ghabra mat. Ek to havan kund, upar se itna lamba ghoonghat, garmi ke maare behosh ho gayi hogi. Tu iska ghoonghat utha aur Maya, puttar Pani mangwa."
Maan behosh ho gayi? Main to yahan hoon phir behosh- kahin Kunal ki shaadi...
Maan apna ghoonghat uthati hai aur dekhti hai ki Kunal dusre mandap par hai, aur apne bagal mein dekhti hai to Anshuman bhi apna sehra hata chuka hota hai. Dono ek dusre ko dekh kar gussa hone lagte hain. Kisi ne unhe dekha nahi kyunki sab Kunal ki patni ko lekar ghabraye hue hain.
Sonia ghoonghat uthati hai aur wahan Bela ko dekh kar lagbhag behosh ho jati hai. "Yeh ladki yahan kya kar rahi hai? Aur yeh behosh kyun ho gayi? Agar yeh yahan hai to Maan kahan hai? Kahin isne Maan ke saath kuchh kar to nahi diya? Jaroor isne Maan ko kuchh kar diya hoga taki yeh shaadi kar sake Kunal se-"
"Maan theek hai, wo yahan hai," Anshuman apna sehra phekte hue kehta hai.
Sab un dono ki ore dekhte hain aur unhe teesra jhatka padta hai. Pehle Shreeja aur phir Bela aur Kunal ki shaadi ke baad ab pata chalta hai sabko ki Adhij aur Aarohi ki jagah Anshuman aur Maan ki shaadi ho gayi.
"Haye, yeh kya ho raha hai is ghar mein?"
"Maan, tum bataogi ya main bataun?"
"Kya batana hai? Ab aur kya baki reh gaya? Aaj mujhe heart attack dekar hi maanenge yeh sab. Anshuman, tu mandap mein kya kar raha hai? Tune shaadi kyun ki? Aarohi aur Adhij kahan hain?"
"Kisi ne Aarohi ko kidnap kar liya hai. Mujhe blackmailing messages aa rahe the ki agar main mandap mein nahi baitha to wo Aarohi ko hurt karega. Wo hampar nazar rakh raha tha, wo hamare beech hi tha, to use pata chal jata. I couldn't take risk, Aarohi ka sawal tha. Par ab lagta hai shayad wo Maan hi thi. It makes sense, Maan har samay yahin rehti hai, uske liye hampar nazar rakhna asaan hai."
"Are you crazy, Anshuman? Meri shaadi Kunal se ho rahi thi, I love him. Main tumhe blackmail karke tumse kyun shaadi karna chahungi? Baat karne se pehle thoda dimaag laga liya karo."
"Tum bataogi ya main bataun?"
"Kya bataoge? Tote ki tarah ek hi line bol rahe ho. Jo batana hai batao, I don't care."
"Yahi ki yeh sab tumne kiya hai."
"Are you deaf or are you slow? Maine abhi kaha maine kuchh nahi kiya."
"Tumhi ne kiya because you are a lying, greedy and a cheating two faced bitch! Agar aap sab ko haldi wala din yaad hoga to Kunal ne Bela ko ghar se nikal diya tha kyunki uske phone mein important footage tha. Lekin it wasn't possible for her to get it at our home, kyunki Bade Papa ne us document to destroy kar diya tha. Yani jisne bhi Bela ka phone hack karke uske phone mein wo footage add kiya uske paas wo footage 15 years se hai and they're making a come back aur unka pura intention tha us video ko use karne ka. Ismein Bela scapegoat ban gayi. To ham teeno bhaiyon ko laga ki agar vo Bade Papa ke liye important document hai to shayad Kunal ki company ko khatra hai so he transferred all his shares to me and Veer. Yahi baat Maan ko pata chal gaya and hence this bride, and groom, switch. I can't believe tumne lalach ke liye Aarohi ko kidnap karwa liya."
"Ugh! Are you crazy, Anshuman? Are you hearing yourself? Kya bakwas kiye ja rahe ho? Mujhe tumhare paise aur shares se koi farak nahi padta hai. If you're forgetting it, main ek model hoon. Aur mere Papa bhi businessman hain. He's as rich as you are. Mujhe tumhare paison ki zaroorat nahi hai."
"Tum apna fashion line shuru karne ka soch rahi thi. As far as I know, it's already in progress. Tumhe sirf funding ki jaroorat hai."
"Mere Papa mujhe fund-"
"Nahi kar sakte hain. Unhe company mein loss ho raha hai. He's in debt and you know it."
"Anshuman, tumhe kaise pata yeh sab? Are you sure?"
"Yes, Bade Papa. Jab Aarohi ki kidnapping ki baat mujhe pata chali aur mujhe blackmailing messages aane lage, to mujhe laga I should look through all our possible enemies and rivals. To is liye maine apni PA, Suhani, se kehkar Randhawas ka bhi background check karwaya and that's how I found out. Unfortunately, Aarohi ka hamein koi lead nahi mila."
Raj Ronit ki ore dekhta hai. "Ronit, tumne mujhe bataya kyun nahi? Itni badi baat chhupayi?"
"Raj, abhi in sab ka time nahi hai. Business ki baat baad mein ho sakti hai," Sonia apne pati ko samjhati hai.
"Ronit, we need to talk."
"Ugh, yeh sab kuchh jo tumne bola, sab galat hai." Maan kehti hai Anshuman ko.
"Galat hai?" Anshuman Maan ka baanh zor se pakadta hai. "Tumhe nahi pata tha ki Uncle ji ki company loss mein chal rahi hai? Tumhe apni company ke liye funds ki jaroorat nahi thi?"
"Yeh baat mujhe pata tha, of course pata tha, lekin share transfer ke bare mein mujhe kuchh nahi pata tha. Mujhe to yeh bhi nahi pata tha ki Kunal ne Bela ko job se kyun nikala."
"Main tumhe Bela ke baare mein kuchh nahi keh raha hoon. Par, yeh bhi jhooth hai. Haldi wale din hi tum Bela ko milne bulayi thi, usse baat karne. I don't imagine usse shaadi ka lehenga discuss karna tha tumhe, after she was kicked out. You didn't even like her."
"Why I didn't like her is a different topic. Main use laake Kunal ke bagal mein nahi baitha dungi shaadi karne ke liye. Not when I love Kunal and I-"
"Ek hi baat tote ki tarah mat repeat karo, it'll seem like you're desparate to make everyone believe what you're saying. Yeh batao, tumhe pata tha ya nahi ki Aarohi ka kidnap hua hai? And don't even think of lying. Main tumhara expression dekh raha tha jab maine yeb baat kaha."
"Fine, yes, mujhe pata tha. But there's a good explanation to this. Aise mujhpar ungli mat uthao jab tumhe saari baat nahi pata hai."
"I find that hard to believe, lekin chalo, to be fair, tumhara bhi explanation sun lete hain."
"Yeh sab Niharika Didi ki wajah se hua hai. Wo Kunal se shaadi karna chaahti thi is liye wo mujhe kidnap karne wali thi. Aur wohi hai jo nahi chaahti thi ki Adhij aur Aarohi ki shaadi ho."
"Bas karo Maan," Adhij Niharika ke saath dramatic entry maarte hue kehta hai. Sab koi Niharika ke bikhre baal aur ghav lage chehre ko dekhkar chauk jaata hai.
"Apni behen ke saath aisa karne baad tum unhi par ilzaam daal rahi ho? Kya ho gaya tumhe? Kyun kar rahi ho yeh sab?"
"Adhij, tum to kuchh bolo hi mat. Tumhe to Aarohi se shaadi bhi nahi karna tha."
"Stop it, Maan. Itna jhooth mat bolo ki jhooth ki jaal mein khud phas jao."
"Tumne Aarohi ko kidnap karwaya taki tumhari shaadi na ho sake usse. Isi liye tumne Anshuman aur Radhika ko replacement chuna. This is all on you."
"Kya keh rahi ho, Maan? Tum pakdi gayi to saara blame ham dono par shift kar rahi ho? How can you do this to your own-"
Ronit Adhij ko thappad maarta hai. "Nalayak, nikamma kahin ka. Besharam, apni behen ki zindagi se khel kar tujhe jara bhi guilt nahi feel hua? Aur yahan khada hokar ise zaleel kar raha hai." Ronit Mehrotras ki ore mudta hai, "Mujhe nahi pata kya hua aur kyun hua, par yeh sab ek bohot badi galat fehmi hai. Aaj der ho gayi hai, hamein kal baith ke baat karna chahiye ki aage kya hoga."
"Aur yeh shaadi jo ho gayi uska kya?" Maya puchhti hai.
"Shaadi hui hai to nibhana padega," Dadi kehti hai.
"Arrey wah, Maan, tum to mujhse bhi do kadam aage nikli. Main Kabir ko aaj tak nahi pa saki, but you successfully bagged his son. After all, meri hi beti ho."
"I am nothing like you. Aapke jaise koi ho hi nahi sakta. Aap to apne hi bacchon ko chhod kar chali gayi thi."
"Main chhod ke gayi thi, maine apne bacche ko maar to nahi diya tha."
"Shreeja, apni bakwas band karo. Kisi ko tumhare drama mein koi interest nahi hai, to apni yeh sob story lekar dafa ho jao."
"Main bakwas nahi kar rahi hoon, Sonia. Puchho apni hone wali thi par hui nahi bahu se ki jab wo teen saal ke liya paanch saal pehle abroad gayi thi tab wo kar kya rahi thi. Aur jab plan do saal ka tha to usne ek saal badha kyun diya. Puchho na, Sonia."
"Main saanp par vishwas kar loon par tujhpar vishwas kabhi nahi karungi, kyunki main saanp ki fitrat jaanti hoon lekin tum girgit ki tarah badalte rehti ho. Hamesha lagta hai tum isse zyada nahi gir sakti ho lekin main har baar galat sabit ho jaati hoon."
"Mujhe attack mat karo aur puchho Maan se. Maya, tum puchho apni bahu se ki usne kya kiya un teen saalon mein." Jab koi kuchh nahi kehta hai to wo Maan ke taraf mudti hai. "Koi nahi puchhega to main bata deti hoon. Maan, Umang Shah yaad hai? Anshuman, tum to use jaante hi hoge, tumhara business partner jo reh chuka hai."
"Yes, I know him. Hamara deal finalize hua kuchh din pehle, this is the second project jahan ham saath kaam karenge."
"Kya usne tumhe apni patni ke baare mein bataya?"
"Haan, usne bola uski wife ka death ho gaya hai. Yeh khabar news mein thi us samay."
"Reason bataya? Nahi bataya hoga, lekin main bata deti hoon. She suicided. Reason? Maan. Maan Kunal ko date kar rahi thi jab usne ne ek aadmi ko pataya yeh jaante hue ki wo shaadi- shuda hai. Usne apne limits is had tak cross kar diya ki she got pregnant with his child taaki Umang apni wife ko chhod kar iske saath rahe. Maan ne uski wife ko bata diya who suicided because of that. Umang mein thodi insaaniyat baki thi ki apne wife ke death ke baad wo sudhar gaya. Jab Umang ne isse shaadi karne se mana kar diya, to isne apna baccha gira diya. Maan ko bhi wahi kahenge jo tumne mujhe bola tha pandraa saal pehle, rakhail."
"Sharm nahi aati tumhe, Shreeja, apni beti ki kaale chitthe sabke saamne kholte hue?"
"Arrey arrey, tum gussa kyun kar rahi ho? Main to bas tumhe bata rahi hoon ki tumhare bahu kaisi hai."
"Baat ko ghumana koi aapse seekhe. Aap yeh sab kyun kar rahi hain? Agar aap maa nahi ban sakti to kam se kam insaan to baniye. Kya milega aapko mujhe aise zaleel karke?"
"Kya baat hai, Maan, aaj sab hi tumhe zaleel kar raha hai? Sab jhooth kyun bol rahe hain tumhare baare mein? Tumhare bhai- behen, yahan tak ki tumhari maa bhi."
"She's not my mother!"
"Chillao mat, Maan. Khoon to unhi ka behta hai tumhare andar. Dhokha dena, lalach, fareb, makkari to tumhare khoon mein hai."
"Jis baare tum jaante nahi ho us baare mein mat bolo."
"Warna kya, Maan? Mujhe bhi kidnap karogi?"
"Maine koi kidnap nahi kiya hai."
"Ansh, chup ho ja," Sonia kehti hai. "Meri Maan ko koi pareshaan nahi karega. Sab use akela chhod do."
"Bhabhi, aapki achhai ka fayda utha rahi hai yeh ladki. Aap ise itna sir par chadha kar rakhte ho is liye aaj yeh hamara gala ghotne ko tayyar hai."
"Maya, kaisi baat kar rahi ho tum? Maan apni bacchi hai, bachpan se ise dekhte aaye hain ham, hamne milkar ise bada kiya hai."
"Lekin yeh Shreeja ki beti hai. Ispar bharosa nahi kar sakte hain."
"Tum kya kar rahi ho, Maya? Shreeja ki baat mein aa rahi ho? Tum jaanti ho wo kaisi hai par phir bhi tum uspar vishwaas kar rahi ho?"
"Bhabhi, main Shreeja par bharosa nahi kar rahi hoon, par mujhe Maan par bhi bharosa nahi hai. Aur koi itne bade baat ko lekar jhooth kyun bolega? Koi to buniyaad hoga na."
"Mujhe hai Maan par bharosa, aur agar mujhpe tumhe bharosa hai to abhi kuchh mat kaho, Maya, please."
Ronit aage aata hai, "Aaj bohot siyyapa hua hai, bohot tamasha bana aur sabki izzat uchhli hai mere pariwaar ke wajah se, main maafi maangta hoon uske liye," Ronit apna haath jodta hai. "Hamein kal milkar baat karna chahiye aage kya karna hai."
"Ronit sahi keh raha hai, ham kal baat karenge," Dadi kehti hai.
"Kunal kahan gaya? Aur wo yahan se kab nikla?"
"Jab yeh Aunty Maan Bhabhi ke baare mein bakwas kar rahi thi, I think tab hi Bhaiya Bela Bhabhi ko lekar ghar chale gaye," Veer sabko batata hai. "Bhaiya ne bataya ki Aarohi ghar aa gayi hai, aur Bhaiya ne uske liye doctor bhi bulwa liya hai. Doctor ne kaha sab theek hai, bas behosh hui thi sleeping pills ki wajah se."
"Bhagwaan ka lakh lakh shukr hai," Sonia chain ki saas lete hue kehti hai.
"Chalo sab, ghar chalo. Ronit, puttar tum bhi ghar jao aur araam karo. Kal baat karenge."