بســم ﷲ الرحمــن الرحيــم
السـلام عليڪم
#بيـن انيابهـم
#بقلمـي أنـا: زهــࢪاء
حساب الانستا: zaii1_8
لا تنسون التصويت +التعليق بين الفقرات
+احبڪم زهوراتـي 💋
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تـــــاج
طلعت برة و طفرت من الباب الي مخلينة بنهاية الدرج و صعدت بسرعة و اني اعد انفاسي واعد الوقت طلعتي منا رفعت المفاتيح و بديت اجربهن واحد واحد الحد ما انفتح الباب ابتسمت ودفعتة ودخلت
اباوع للبيت صالة وبيها غرفتين مقفولات.... اتنهدت واباوع للارجـاء هذا المڪان الي يا ما وياما ردت ادخل الة بس اتردد
رڪضت الواحد من البيبان جربت عليه المفاتيح وانفتح دخلت للغرفة وطكت بوجهي ريحة مو حلوة خليت ايدي على خشمي واباوع للمڪان ڪُلة تراب واكو ڪـراتين على صفحة و الصفحة الثانية بيها سدية مالت مستشفى طلعت الموبايل من جيبي وفتحتة دخلت على الكاميرا وبديت اصور ڪُلشي السدية والڪراتين
اتقدمت اڪثر يم الڪراتين ورفعت مفتاح وشڪيت الكارتون طلعت الاشرطة البي وصورتهن
رجعتهن بشكل عشوائي وطلعت بسرعة للغرفة الثانية فتحت الباب بنفس الطريقة وقبل لا ادخل مسحت ڪصتي من العرق والتوتر دخلت للغرفة وشغلت الضوة واتفاجئ بڪمية الرفوف الموجودة وعليهن طن ملفات
رمشت بصدمة و احتاريت بشنو ابدي و شنو اعوف رڪضت بسرعة الواحد من الرفوف مڪتوب عليه
"2006"
بلعت ريڪي وضلت عيوني تنتقل عليهن و على ڪُل فايل اكو اسماء اشخاص اني قرايتي بطيئة والفايلات هوايه طولت بيهن الحد ما وصلت الاسم مشتاق!
بسرعة سحبت الملف وڪعدت بالكاع فتحتة وفتحت الموبايل وصورت
انتبهت اليوم تاريخ وفاتة لميت شفتي للداخل وسديتة وڪمت رجعت اقرة من نفس المڪان الحد ما وصلت الاسماء البنات خلود ونورة وغيرهن صورتهن ڪُلهن ورجعت ادور الحد ما قريت اسمي على الفايل
... تـــــاج حـسام
دمعن عيوني وسحبتة صورتة ولڪيت بداخلة جنسيتي اخذتها بسرعة وضميتها بجيبي ورجعت للفايل شڪڪتة ڪُلة وما خليت بي حرف واضح رجعت اريد ادور على فايل شُــذير ما لڪيتة خلص رف 2006 وما موجود لا هوَ ولا جنسيتها
بللت شفتي وما يأست ڪلت اكيد هسه الكاه
رجعت اقرة بغير رف وبغير سنة اقرة ببطئ وبصعوبة اجمع الاحرف واكو اصورهن واكو لا الحد ما وصلت الاسم جفلني جفل اسم عدنان!
بسرعة سحبت الملف اريد امزقة وانتبهت السبب الوفاة عقدت حاجبي وقريتة بصعوبة السبب... اطلاق نار!
بلعت ريڪي وطكيتلي صفنة ما مفتهمة الوضع شلون عدنان مات بطلقة؟ لعد مو مات من اني قتلتة؟
اخذت للسبب صورة واتخلصت من المفايل
رفعت راسي اريد ارجع اكمل وانتبهت الضرف صاير فوك الرفوف
رفعت نفسي على اطراف اصابعي وجريتة صار التراب بوجهي و وكع من ايدي ضليت اكح وعيني على الصور الي اطشرن فتحت عيوني بتفاجئ من شفت صورة الي واني ابيع الواحد وصورة ثانية واني اخذ فلوس لا وهالصور بدون لثام!! يعني قديمة وهيَ واضحة بـ 2012 او 2013
بسرعة جريتهن وشككتهن ضليت ادور على اي صورة الي واشڪها شفت صورة بالكاع على ضهرها سحبتها بسرعة واتفاجئ بصورة النة اني وشُــذير و احنه نايمات عالسريع صورتها وشككتهن ڪُلهن وكمت
اخذت نضرة على الغرفة ڪُلها اوراق مشڪكة ابتسمت وحجيت
تـــــاج... اوراقڪم احترڪت بناࢪي
رجعت ادور وحسيت اكو صوت برة بسرعة ضميت التلفون بصدري وسڪنت عن الحرڪة بلعت ريڪي ورجعت ليورة
بطئت انفاسي ومشيت بأتجاه باب الغرفة طلعت من عدها المڪان فارغ زفرت بهدوء و اتراجعت بخطواتي اجيت ادخل وانتبهت الباب البيت مفتوح شوية بسبب الهوى مشيت بأتجاها حتى اسدة خاف احد يعبر بالشارع وينتبه للضوة
وصلت الة اجيت اريد اسدة ما احس الة اندفع الباب بقوة ودخل قاسم
فتحت عيوني بصدمة ورجعت ليورة وهوَ اتقدم ناحيتي
صحت بصوت عالي
تـــــاج..... ديرررررر بالك تتقددددم
ابتسم ومن ابتسامتة عرفت انتهيت حاولت ما ابين خوفي اجيت اغافلة و اركض ما احس الة ركض بأتجاهي ويحاول يڪضني من خصري ضليت ادفع بيه واصيح
تـــــاج.... عوفنييييييي ياااااناااا
ما خلاني اكمل خلة ايديه على حلڪي واني اتخبلت ضليت ادافع بڪُل قوة عن شرفي و ادموعي ينزلن دفعني بالڪاع وصار فوڪي دفعتة برجلية وضليت انازع بأيديه خلة راسة برڪبتي واني صلبت نفسي ورفعت راسي ليفوك واباوع للسما وعيوني المملية ادموع تشرح حالي خلة ايديه على تشيرتي وراد يشڪة ما احس الة صوت ابتهال وهيَ ترعد
ابتهال...شجاااااااااي يصيرررررر لللللج ****
بسرعة ابتعد قاسم عني واني من الرجفة بصعوبة كمت الم بشعري وابجي اريد احجي من الشهڪة ما اكدر رفعت نضري اريد اباوع ما اشوف بوضوح من الدموع ما احس الة الضربات ما اعرف منين تجيني من ابتهال تضرب بحرڪة وتصيح
ابتهال.....***** ام الزلللللم اتفلفلتيييي عينننننج عللللليه مووووو ايي اعررررررفج صاااارلج فتررررررة تحووووومين علللللييييه ولجج خللليييتج ابيتييي لو ما اننني جا هسه انتت ماكوو **** ما شابع بييييج
دفعتها عني وحجيت
تـــــاج... ابدددال ما تحاسبينيي حااسبي رجلج
ضربتني على حلڪي وصاحت
ابتهال.... طلعيي بررررة البيتت كعددة ما الللج هنااااااا
خليت ايدي على شفايفي واباعت الها بأستغراب وما مصدڪة الي ڪالتة
ابتهال.... برررررررة يلاااااا
تـــــاج...هذااا الكدرتي عللليه؟..... يووم عيد وادعتج هسه اخذ اختي واطلع
اجيت امشي وصاحت
ابتهال.... تحلمييين تاخذينهاا ما الهاااا طلععععة مناا يلا برررررة
جرتني من كتفي واخذتني برة واني اصيح
تـــــاج... ابتهاااال اختيي وياااااي ما اررريد اطلللع انطينيي اختييي وما تشوفييين ركعععة وجهي بعددد
وصلنة للباب الرئيسي فتحتة ودفعتني برة رجعت اريد ادخل سدتة بوجهي بسرعة دكيت الباب وصحت
تـــــاج.... ابتهااااال فتحيييي الباببببب اررريد اختتتتتتتتتي فتحيييييي
ما جاوبتني شهڪت وحجيت
تـــــاج... فتحي الباااب ما اررريد اطلع بدون اختيي ابتهاااال لا تسسسسوووينهااااا شتردين اسوووي اسويلللج بس فتحيي خلي اشوووفهاااا
بجيت من حسيتها سوتها صدك ايدي طاحت من الدك ومحد يفتح الباب
تـــــاج... ابوووس ايدڪممم فتحوووو الباااااب ارررريد اختتتتتتي ....... شُــــــذيرررررررررررر
تعبت ورحت ڪعدت على الرصيف كبال الباب ضميت رجلية الصدري وادموعي ينزلن معقولة تسويها صدك وتحرمني من اختي؟
هيج بهالسهولة هايه تعوفني لو عدها غاية
رفعت نضري واباوع للفرع ضلمة وصوت الجلاب واضح قوست شفايفي وضلت عيني على الباب انڪسرت هالمرة صدُك ومهمه كانت قوتي ما عندي جرأة ابقة برة وخاصتاً منطقتهم خطرة ويدخلونها اشڪال والوان
غطيت وجهي بأيدي وبجيت....
طلعت الشمس واني على كعدتي ووجهي دبك من البجي وعيوني ما اكدر افتحهن
طلعت الموبايل وباوعت للساعة بالستة الصبح
ضميتة بجيبي وكمت من مكاني جسمي ڪُلة متڪسر اتوجهت للباب ودكيتة بڪُل حيلي وصحت بصوت مبحوح
تـــــاج... فتحو البااااااااب شتردون اتسوون بية سوو بسس خلوووني يم اختتتتي.... ابتهاال فتحيي اعررفج تردين تبيعينهاا فتحييي وداعت اهلللي وشوغتي عليهمم اذا سويتهااا اكتلللج وانيي انفذذذ ما اهددد ابتهااااال فتحيييي الباااااب
ما ڪو اي جواب رفست الباب برجلي
تـــــاج...بسيطة ام الوصخ الرفش الهايشة اطرديني مووو
انفتح الباب وطلعت ابتهال دفعتها ردت ادخل رجعتلي الدفعة ارتديت ليورة وصحت
تـــــاج... وخررري منا خلينيييي ادخلللل
ابتهال.... جاااااي اكلللج ما الج مكااان بيتييي
شهكت وجريتلها زيج
تـــــاج.... درووووحي لج من حلات بيتج عاد لو ما اريد اختي فلا اباوع بوجهج الخايس
ابتهال.... حقج مليتي ما تردين اتكعدين بالبيت تردين تبقين بالشارع حتى الرايح والجاي **** بيج والجاي تحجين عنها مو اختج هيَ ولو تموتين ما انطيج اياها ابيعها استفاد منها
رفعتلها حاجبي وحجيت
تـــــاج.... اروح ابلغ عليكم
طڪتها بضحكة عالية عقدت حاجبي واستغربت منها
ابتهال..... ههههههههههههههه ومصدكة يعترفون بيج لج بابا جماعتنة يسدون عين الشمس ننسجن ساعة ساعتين ونطلع هاي اذا صدڪو واجو اخذونة
بهتت بوجهة وسدت الباب كلت ايجوز اتريد تضحك بحجيها عليّ.... مشيت بأتجاه الشارع وقررت استغل الصور العندي ضدهم واروح اشتڪي ومن كد ما متوترة وتعبانة ما وزنت افكاري وڪلت منو يصدڪني؟
بنية صغيرة ڪُلة ڪُلة عمري 18 سنة وهما ضهورهم مسنودة بـناس اتسد عين الشمس
وڪفت على الشارع وطكيتلي صفنة هسه شلون اروح للمرڪز و وين صاير وحتى ما عندي فلوس أجر تڪسي خليت شعري ورة اذني وعضيت شفتي بتفڪير ما عندي حل غير اروح مشي بس هوَ منين صاير
خليت ايدية بجيوب البجامة مالتي ومشيت بأتجاه المحلات دخلت الاسواق حجة الرجال الموجود
... صباح الخير تفضلي خيتي
حجيت واني اباوع للأسواق والغراض
تـــــاج... وين صاير مرڪز الشرطة
... صباح النور..... بعيد منا
مسحت على وجهي وحجيت بنفاذ صبر
تـــــاج... اعرف بعيد مو غبية اني دا اكُلك اريد المكان بالضبط اقرب مركز شرطة وييييين؟
... ما اعرف ما اورط روحي وية هيج شڪولات
رفعت حاجبي ومشيت بأتجاه الميز مالتة دڪيت بأيدية عالميز وحجيت بتهديد
تـــــاج... اذا ما وصلتني للمرڪز اورطك وياي بتهمة ما يطلعك منها اڪبر واحد
بلع ريڪة وصاح
...منوو انتِ يااهو الدازززج عللللية
تـــــاج... حضك الاغبر جابني الك هسه توصلني؟ لو تتورط وياي؟ تدري هالشكولات التحجي عنها بشنو متورطة؟
... خافي الله خيتي عندي عايلة ومرتي حامل
تـــــاج... واني شلي علاقة ؟ دكتورة نسائية؟ تريدني اجيب مرتك؟ توصلني لو لا؟
... وين اوصلج
تـــــاج... للمرڪز
.... وتعوفيني بحالي؟
حجبت بڪلبي زلمة بعد منة
تـــــاج... اعوفك بس ادفع فلوس التڪسي
كام بسرعة من مكانة طلعت وهوَ طلع وراي صاح الولد مبين يعرفة خلاه بالمحل ورحنة للشارع رفع ايدة واجر تڪسي انتبهت الايدة ترجف وعرك لميت شفتي للداخل وانڪسر خاطري عليه يمڪن صدُك خاف وڪف تڪسي وكلالة يوصلنة المركز الشرطة اتحمحت وحجيت
تـــــاج... ادفع فلوس التڪسي وارجع للمحل
اول ما سمع طلع جوزدانة شمر عشرة الاف عالسايق وشرد هزيت ايدي وصعدت ورة وسديت الباب حجة السايق
.... شبي هذا؟
تـــــاج.... خطية مرتة جابت
سڪت وحرك السيارة سندت راسي على الڪشن ياترى يصدكوني؟!
لو اطيح بيها بس اني؟!
اكيد بس اني لأن يصدكونهم بس افضل حل ما اجيب الهم طاري اي شي اشتغلة واذكر الهم بس شغلهم وساعتها اذا شفتهم مصدڪيني احجي الهم ڪُلشي عني
بدن عيوني يغفلن من وحدهن فرڪتهن وهزيت راسي بهستيرية بلڪي اتروح النعسة
صحصحت وفتحت الجامة وضليت اباوع للناس ڪُلها لابسة اسود و اكو مواكب عالشارع درت وجهي للجهة الثانية ونزلت نضري الملابسي لابسة اتراك الوان وشڪلي وشعري ملفت للنضر اجت عيني على المراية الصايرة يم باب السيارة اكو كدمات بوجهي واضحة مالت ضرب خليت شعري ورة اذني وحجيت بهمس
تـــــاج.... ما ينلام ابو الاسواق من خاف مني عبالك مطلقة طالعة من السجن
اتنهدت ورجعت ضهري عالكشن ياترى الدنيا هالمرة راح تنصفني...
لو نفس ڪُل مرة انضلم واضيع اڪثر من الي قبلها
وكف السايق السيارة باوعت للمركز وفتحت الباب ونزلت اجيت اروح وصاح ابو التڪسي
... اوكفي خوية هاي 5 الاف الرجال انطاني عشرة وكروتها 5
درت الة و اخذتهن منة ضميتهن بجيبي ومشيت بأتجاه المرڪز اجيت ادخل وصاح الشرطي
.... تفضلي محتاجة شي؟
بلعت ريڪي وصفنت شجاوبة هسه
تـــــاج....عندي ابلاغ
... ابلاغ عن شنو؟
فرڪت ايد بأيد
تـــــاج.... ما اڪدر احجي الاي احد المعلومات العندي خطيرة
اشرلي براسة بمعنى دخلي
دخلت للمرڪز واني رافعة راسي رغم توتري وخوفي منهم وڪفت بالباب واشوف الشرطة وبيهم ضباط ما اعرف شنو يفترون واكو كم رجال لابسين مدني كاعدين ويتناقشون ما اعرف اذا هم نفسي جايين يقدمون شكوة او لا
لميت شفتي للداخل واتوترت بسبب كم واحد صارت عينة عليّ نزلت ايدي الطرف التشيرت ونزلتة اكثر حتى يطول اتحمحت وحجيت موجهة كلامي الواحد تعدة كبالي
تـــــاج... اريد اقدم شڪوة
باوعلي بتفحص وحجة
.... اي تفضلي للمڪتب
مشة كدامي ضليت واكفة بمكاني وخايفة بنية وحدي بين هالكم الهائل من الزلم اجيت اتراجع و اتذكرت شُــذير ما عدها غيري مشيت وراه ببطئ وتردد فتح باب المڪتب ودخل دخلت وراه التفت عليّ وحجة
.... ضلي هنا على ما يوصل العقيد صفاء
هزيت راسي وكعدت خليت ايدية بحضني واباوع الهن يرجفن ورجلي تهتز بتوتر طلع هذا الضابط واني بقيت كاعدة
بس الرجف ماخذني والخوف رفعت نضري للساعة بالسبعة ونص عضيت على شفتي وما اتحملت غصيت بالبجي على وضعي الكسيف اي واحد ما يرضا بيه بين الغربة وحيدة ومڪسورة بتهم ما الي ذنب بيها
حياتـي شنو وشبابي وينة؟ الحد هسه ڪُلشي ما شايفة من عدنة التعب ماخذني وجسمي ڪُلة يأذي واحس ڪلبي راح يطلع من مكانة من كد الوجع
رفعت راسي و مسحت ادموعي بأيدي وصبرت نفسي خلص الاصعب من هذا وتجاوزتة
شوية وانفتح الباب دخل ضابط بس شكلة ابد مو راحة عدلت كعدتي وهوَ اول ما شافني حجة
... و اني اكول المكتب ريحتة حلوة اثاري بيه ريحة نسـوان
بعدت نضري عنة بسرعة وعرفتة من النوع الي ايدور نسوان ڪال ريحة حلوة ڪال الجذاب ريحتي تراب من امس نمت بالكاع
كعد عالمڪتب وجر ورقة
... كالو جاية تشتڪين
هزيت راسي بأي
لزم القلم وكال
...شسمها الحلوة
اتحمحت وحجيت
تـــــاج.... تـــــاج حســـام
سجلة يمه ورجع رفع راسة
... جنسيتج؟
مديت ايدي الجيبي وانطيتها الة اخذها مني و اتعمد يلمس اصابعي بسرعة سحبت ايدي وهوَ حك شفايفة وقرة الجنسية عقد حواجبة وحجة
....اسمج بالجنسية تـــــاج قاسم وكلتيلي بالاول تـــــاج حســـام يعني نستقبل اول جذبة
تـــــاج.... قاسم مو ابوي وهاي الجنسية مية بالمية موزرة
عاف القلم وسكت يستمع الي
طلعت الموبايل و دخلت على اول صورة
تـــــاج... الي الامان؟
هز راسة بأي
تـــــاج.... اني عايشة بمڪان ووية ناس مو اهلي خطفوني من واني صغيرة ما اتذكر عمري بالتحديد و وياي مجموعة من الاطفال تاجرو بيهم عد واحد اسمة ابو لبدة واسمة الحقيقي *****
مجرد ما سمع اسمة كام وحجة بصياح
.... طلعي برررة ما عايزني جذب كل يوم جاي واحد ومسوي سيناريو كدامي
كمت و حجيت بتوسل
تـــــاج.... سيدي صدڪني هالناس يتاجرون بأعضاع ويبيعون مخدرات وهاك تكدر تشوف
انطيتة الموبايل اخذة وباوع للصورة وضل يكلب بيهن سداه وشمرة عالمڪتب وصاح
.... حتى لو صدك ما اريد اتورط وية هيج ناس ولا تتورطين اخذي تلفونج واتوڪلي برة
فقدت اعصابي وصحت
تـــــاج.... اذاا مو انتمم تصدڪتوونة المممن انررروح؟؟ موو انتم تحاربون الفساااد عشتووو اشوو ڪُلشي ما جاي انشوف شبابنة راح وانتم السبب ومن واحد يضيع بين الرجلين تڪعدون تحاسبونة وترتفع رتبڪم بسبب تدميرنة احنه
ما جاوبني اخذت موبايلي ودرت وجهي اجيت اطلع وصاح
... بيش الليلة
التفتت الة وابتسمت بطرف شفتي
تـــــاج... شنو رأيك انطيك طرف من شعري تخـلي شوارب الك بلكي يصير عندك رجولة و غيرة يا فاقدهن اثنينهن
طلعت وسديت الباب واني عيوني تدمع ودمي يفور بحيث لو ينذب عليّ مي يطلع مني دخان ما صدڪوني هالكد ضهرهم قوي الدرجة الضابط شاف الصور وما اهتم؟
طلعت من المركز واني ادموعي تنزل وحدة ورة اللخ و ارجع امسحهن رفعت ايدي واشرت الـتڪسي وكفت الي سيارة هدأت نفسي وحجيت
تـــــاج... توصل لل........؟
انطيتة اسم المنطقة البيها بيت قاسم وابتهال صعدت بالسيارة وحجيت
تـــــاج... شكد الكروة؟
... سبعة الالف
تـــــاج.... ما عندي غير خمسة
طلعت الخمسة الاف وانطيتهن الة اخذهن وسكت وحرك السيارة
خليت ايدي على حلڪي واكتم شهڪتي وين اروح هسه ومنو يستقبلني حتى ما اعرف احد هنا توجعت حييييل وعبالك سجينة وتطعن بجسمي اذا ما قبلت ادخلني وين اروح وشُــذير شيصير بيها اذا اني حتى مڪان اهلي ناسيتة وين اولي
دخلنة بمڪان قريب على البيت وكف السايق السيارة وحجة
... ما اكدر ادخل بعد
افتهمت نزلت وسديت الباب كملت طريقي للبيت لڪيت الباب مفتوح رڪضت بسرعة دفعتة ودخلت صحت واني بباب المطبخ
تـــــاج.... شُــذيررررر
••••••••••••••••••••••••••••••••••••
شُــــذير
فزيت على صوت هوسه برة فتحت عيوني بسرعة وڪمت من مڪاني حسيت الدنيا تفتر بية عصرت راسي وحاولت اسيطر على توازنـي فجأة سمعت صوت تـــــاج وهيَ تصيح فتحت عيوني وباوعت للساعة بالوحدة بالليـل
بسرعة رڪضت فتحت الباب وطلعت من الغرفة رحت ورة مصدر الصوت برة وڪفت بباب المطبخ بخوف واباوع الابتهال نزلت هيَ و تـــــاج من الدرج وتجر بيها البرة البيت و تـــــاج تتوسل بيها وڪفت بمڪاني وادموعي بدت تنزل وهيَ ما منتبها الي
مشيت بأتجاهن اريد اروح وراها ما لحڪت طلعتها برة وسدت الباب وضلت تغلط وتدعي نزل قاسم من الدرج يعدل بملابسة دارت هيَ رادت تحجي وشافتني وصاحت
ابتهال.....اخللللللص من **** تطلعلللي الثاااانية ساااعة السووووودة الجبتجنننن بيهااااااا
شهڪت بدموع وصحت
شُــذير....ما مجبووورة تتحملييييينة ڪااافي اعتقييينة اني واختتتي ما مليتيييي شتڪوووولين لله ما تخاافييين من آخرررتج
مجرد ما ڪلت هيج رڪضت بأتجاهي ومبينة اتريد تضربني بسرعة رڪضت و دخلت للغرفة سديت الباب وڪعدت ورة الباب ابجي وصياح ابتهال وقاسم يرن براسي وصوت الباب يندك وڪلام تـــــاج مردني مرد
خليت ايدية على اذاناتي وصرخت بصوت عالي ياربـي تعبت ڪافي اريد نرتاح اني واختي المن عايشين لا بيت يلمنة ولا اهل عدنة مثل الاوادم
ضميت رجلية الصدري وخليت راسي عليهن وابجي بحرڪة الدرجة حسيت عيوني جمر ويشتعل بيهن بسس اااااخ جمر ڪلبي محترك اڪثر
اجت عيني على ملابس تـــــاج مشمورة بالڪاع غصيت بالبجي ومديت ايدي وجريت تشيرتها وضميتة الصدري وابجي بقهر وبصوت تعبت تـــــاج هوايه وتعبتها انـي ڪُلة بسببي ضالة هنانه
بست تشيرتها واتذڪرت شڪد جنت احجي عليها لأن ملابسها ملابس ولد انفجرت بالبجي اڪثر
فقدت الادراك وانعزلت عن العالم الخارجي اتمددت بالڪاع وحسيت راسي شرايينة تتمزغ اتمدتت وضليت صافنة عالسڪف وادموعي ينزلن بدون اي ردة فعل مني لا ارادي ضلت عيوني تقفل غمضتهن وما اعرف اذا انغمى عليّ او غفيت
فزيت على صوت باب الغرفة وهوَ يندك بقوة وابتهال تصيح
ابتهال.... قافلللة الباب بت ****** شعندددج فتتتتتحي يلااااا
غمضت عيوني بيأس وجريت نفسي وڪمت فتحت الباب بعدني ما مستوعبة والنعسة بعيني جرتني من شعري وصاحت
ابتهال.... شووفي لج اني ما اتحمل وحدة عايقة و **** نفسج العصر يجي واحد يشتريج حلڪج ما ينفتح لا بالله موتج على ايدي
دفعتها عني وصحت
شُــذير.... بررري منج الله لا تحلفييين باللسانج النڪس
رجعت جرتني من شعري اقوى من قبل واتوالت علية بالضرب ما اعرف منين ضل يجي بحيث نفسي ما ڪدرت اجرة ضليت اصرخ بين ايديها وما اعرف استنجد بمنو الحد ما تعبت عافتني ودفعتني الداخل الغرفة ما عندي اي قوة ادافع بيها عن نفسي طحت بالڪاع على معقدي صرخت بألم واجيت اكوم ما احسها الة جارة الشال من ڪتفها ورابطة حلڪي ضليت اتوسل بدموعي واهز راسي بلا ڪامت عني وجرت قميصي مالت المدرسة معلك بالزاوية وشدت بيه ايدي ضليت جثة متممددة بالڪاع وحيلي ڪُلة راح
دنڪت عليّ وخلت ايديها على رڪبتي وتخنك بية شهڪت وصلبت نفسي بالڪاع ضلت تشيل راسي واطڪة بالڪاع انتهيت بأيدها وماڪدرت اقاوم فقدت الوعي
فزيت واني اسمع صوت تـــــاج تصيح بأسمي عبالي بحلم هزيت راسي بنفي واتأڪدت اني كاعدة اجيت اصرخ واستوعبت شادة حلڪي نزلن ادموعي بيأس وضليت احاول افتح ايديه فجأة سمعت ابتهال صاحت
ابتهال.... شعنننددج جااااية؟
جاوبتها تـــــاج
تـــــاج... ما جاية على سوواد عيونج اختتتي وينن؟..... انطينيي اختتتتتتتتتتتي
ابتهال.... اختج بعتها اليوم الصبح
صار هدوء وعبالك تـــــاج ما صدڪت شهڪت وهزيت راسي بنفي وضليت ادفع بنفسي بأتجاه الباب حتى اوصل الة صاحت تـــــاج بصوت رج البيت رج
تـــــاج.... انهيييج وداعتت اهلللي اذا مسويتهااا صددددك ولللج ابتهااال تررردينن تحرڪييين ڪلبيي بيهااا مووو ما كافيييج ما تعبتتتي من عدنة ماااااا جزعتتتي روحيي راااحت من اول يووم اجيتت هنااا الحد هسسسه ما مفتهمة شي من عمررررري وهسسه تردين تاخذينهاا منيييي؟؟ ولللج ما تخاافينن انتِ مو اكوو الاااااكبرر منننج
صاحت ابتهال
ابتهال... ماكووو اكبر مني اننني
ما احس الة صوت تڪسر غراض و تـــــاج تصيح بعلو صوتها وتحجي بتهديد
تـــــاج.... اذا بييج خيرر لا تتحامممين بالضهرر الوراج تراا كلهممم ***** ما بيهم واحد شررريف واتأكدددي يا ابتهااال اكو يوم وراح يجي متأكدة مثثلل ما جااي اشوف جهرتتج الوفرة رااح يملوون من شغلللج ويذبوووج **** بشششط وووووداااعت امي اذاااا ما انطيتينييي اختي اشعل البيت شعل
ابتهال... خلصتتتي؟ ولي يلااا طلعييي من بيتيييي ما عندددج كرامة جااي اكللج ما اريدددج
تـــــاج.... يممه يممه لا اني ااارريدج كتلللج ويييين اختتتتتي
ابتهال... انباعت اليوم الصبح
ما سمعت جواب من تـــــاج حسيت بخطوات ناحية الباب ابتسمت وعبالي راح تجي ما احس الة ابتهال صايحة
ابتهال.... اختج بعتها وغلط واحد منج او تجاوز بأشارة وحدة مني تموت
تـــــاج.... لا تخبلينييي ليمتةة لحڪتيي تبيعينهااااا شايفتنييي قشمرر كبااالج ولج ابتهااال الكدددامج تـــــاج معزززلة على ايدها الاخسس منج
ابتهال.... هالحجي ما يفيدني طلعي برة بيتي
تـــــاج... رجعيلي اختي
ابتهال.... جيبي ضعف الفلوس الدفعهن وتعاي اشتريها
تـــــاج.... ولللج انت شنوو من بشرررر من يا ملة فهمينيييي مو حيرررتيني وياااج
ابتهال... كلت الي عندي جيبي فلوس وتعاي اشتريها
تـــــاج.... مو كلتي بعتيها؟
ابتهال.... عادي يرجعونها بس كون اقل الاسبوعين
تـــــاج.... انطيني شهر والفلوس يمج بسسسس وداعت امي اذا لڪيت شعررررة وحدة ماسة من عدها موتج على ايدددي ترررا الي مصبرني عللليج دمممج النڪس ما اريد اللوث ايدية بيه ولو ما وصخج وقذارتج سجينة وانبتها ببطنج ماكو اسهل منها
ما جاوبتها رجعت حجت
تـــــاج....خابري للي بعتيها الة كدامي يلا
ابتهال.... ما يحتاج ويلا طلعي شهر وتجيبلي ** مليون وتجين
شهڪت من المبلغ الي مخليتة مستحيل تـــــاج تڪدر ادبرة شلت راسي بيأس وضربتة بالڪاع اريدها تسمع الصوت اريدها تسمع صوت وني ماڪو بجيت وضليت اون بس هيهات محد يسمعني
صرت معبر جسر ياهو الجاي ساحڪني.
صاحت تـــــاج
تـــــاج...سهله الفلووس ادبرها بس خابري
اصرت تـــــاج الة تخابر ابتهال للي على اساس اشتراني ويمڪن ابتهال متفقة وياه او ما اعرف شنو ابتسمت بأستهزاء هيج الانسان ينشـرة وينباع بدون ميعرف؟
تعبت من البجي وسڪتت واسمع شنو يصير بية بعد شوية وسمعت صوت ابتهال تتصل على احد وفاتحة سبيڪر حجت وياه وعساس هوَ مشتريني وما تريدة يلمس شعرة مني منا لمن ما هيَ تڪلة غمضت عيوني بيأس وسمعت تـــــاج تحجي بنبرة توسل
تـــــاج.... ابتهال لأخر مرة لا تحرڪين ڪلبي بس ڪليلي هيَ وين؟ المن بعتيها بس ڪولي
ابتهال.... بعتهااااا بعتهااااا زين من قبل يشتريهاااا وحدة كح
انقطع ڪلامها بصرخة منها وهيَ تصيح على تـــــاج
ابتهال.... وللج اتمدددين ايدج عليّ
و تـــــاج ما تجاوبها بس صوت ابتهال مستمر تصيح ابتسمت وحسيت مي بارد نزل على ڪلبي من ضربتها تـــــاج فجأة سمعت صوت قاسم هدأ الوضع ويمڪن تـــــاج طلعت
اتأذيت بوقتها وحلڪي راح ينشك بجيت بصوت وما اعرف شسوي بروحي ووين اني
بجيت وية
احزاني
وهمي
وڪسرتي
تـــــاج شنو راح يصير بيها ومنين تڪدر تجيب هيج مبلغ ضخم
ياربي سهل عليها اعرفها متهورة وما تفڪر بروحها و اي شي تسوي حتى تحقق الي تريدة وخاف تضيع نفسها اڪثر و ايروح مستقبلها
غمضت عيوني ما اريد اڪعد واشوف شنو الي راح يصير اريد افتح عيوني والڪة نفسي بحضن اختي بعيدين عن هذا العالم معزولين وحدنة بس اني وياها محد يستغلنة ولا يهددنة ولا ينهش بالحمنة
سحبت نفس بصعوبة واحاول اسيطر على اعصابي مرت فترة ڪُلش طويلة وانفتح الباب دخلت ابتهال وحجت
ابتهال....ڪومي اجة الرجال الراح يشتريج
.....................................
تـــــاج
طلعت من البيت واني اجر ذيال الخيبة وڪفت بنص الشارع واتخصرت اباوع للبيوت بلا هسه اني وين اروح ومنين اجيب فلوس رفعت شعري ليفوك وبحيرة لو اشتغل منا الاربع سنوات ما اجمعهن
اتنهدت ومشيت بصعوبة حيلي رايح و اي شي ما داخل المعدتي حتى مي ما شاربة ضليت افتر بين الشوارع الحد ما تعبت ورجلية ما احس بيهن ڪعدت على الرصيف وصافنة بزماني وبحيرة منين اجيب هيج مبلغ و ما اعرف واحد حتى يساعدني
رفعت راسي وطكت الشمس بعيني غمضت عيوني بأنزعاج ورجعت فتحتهن حسيت فقدت توازني بس ضالة مُصرة وفاتحة عيوني شوية وانتبهت الاطفال اثنين شايلين صينية ويفترون يوزعون ابتسمت على طهارتهم وشجاعتهـم اجو بأتجاهي وواحد شايل صينية بيها سفريات والثاني يوزع شال سفري وانطاني اياه وحجة
... خالة هاية زردة بثواب الامام الحسين عليه السلام
ابتسمت الة وما جاوبتة اخذتة منا و راحو فتحت السفري وحسيتها اجت بوقتها اڪلت الحد ما شبعت وڪمت ذبيت الباقي بالحاوية خليت ايدية بجيبوبي وامشي بين الشوارع تايهة بين الدروب ما اعرف بيا ڪاع مشمورة ولا وين اولي التفڪير ذبحني شُــذير وينها هسه تعبت وابتهال عرفت شلون تڪسر جناحاتي هالمرة بطريقتها دنڪت راسي وادموعي بدن ينزلن
.....
تعبـت وروحـي جزعـت من العتـاب
ڪل ما اريد اسولف تغرك العين
انه بيه سوالف تشتهي الموت
ويڪلي الموت لا مو هسه بعدين
يسألوني واڪلهم عايش بخير
وانه جذاب عشت بعمر مو زين
...
تعبت و طاقتي خلصت ڪُل ما اريد اڪول كافي تطلعلي سالفة جديـدة تاخذ ثلثين حيـلي
باوعت للوقت مار بدون لا احس والدنيا بدت تضلم راح يصير الليل وين اروحن يا بيت الي يلفيني اتنهدت واتراجعت بخطواتي الناحية البيت امشي واباوع واتأمل اشوف شُــذير واخذها يمي ونشرد اني وياها بعيد عن ڪُلشي اتنهدت ومشيت للبيت وصلت الدنيا ضلمت والڪهرباء يمڪن مطفية لأن ماكو اي ضوة مشتغل ڪعدت كبال البيت على الرصيف واتذڪر سوالفنة اني وشُــذير
اتذڪرت اول ما اجيت هنا شلون جنت اريد اطلع منا وهسه اريد ادخل بس حتى اخذ اختي ما اعرف ما مقتنعة بسالفة ابتهال باعتها وشبسرعة حتى ما مر يوم ولو هيَ ڪُلشي يطلع منها
بديت اقفل واحس راح ينغمة عليّ من التعب بس اخاف انام بالشارع اخاف احد يتعرضلي او حيوان يجيلي لأن منطقتهم بيها حيوانات ڪمت من مڪاني وضليت اروح واجي بالفرع حتى اتروح النعسة من عيني
انقهرت على وضعي الي اني بيه ضايعة بين البيوت ما اعرف وين اروح من اول يوم الجابوني بيه بالبصرة حسيت ما الي مڪان بيها وهسه اتأڪدت من احساسي
رحت كبال الباب دڪيتة بقوة بالرغم من حيلي البايد صحت
تـــــاج....ابتهال فتحي الباب خلي نتفاااهمممم
ما جاوبتني رجعت دڪيتة واصيح
تـــــاج.... فتحيييي داكللللج اررريد اختتتتي اعررررفج ما بايعتهااااا سوالفج ما تعبرر عليييي طلعيليي اختتتتي
تعبت وخليت راسي عالباب وادموعي بدن ينزلن ايست واتأڪدت منها بايعتها وسدت دفترنة عدها
ڪعدت بالڪاع وسندت راسي على الباب وضليت ڪلساع داڪتة واصيح بحيل رايح بقهر بڪسرة بوجع روح وڪلب
تـــــاج..... فتحي الباب بس خليني اشوفها
ماكو اي جواب ايست وبدت عيوني تقفل بدون لا ادري نمت واني حاضنة نفسي نمت بالشارع وڪلساع افز خاف فاتحين الباب لو احد يتعرض الي
فتحت عيوني على صوت الباب وهوَ ينفتح كمت بسرعة وطلعت ابتهال شافتني وصاحت
ابتهال.... وتاااالي وياج لزڪتييي خو ما لزڪتيييي ڪتلج روحي جيبي ضعف الفلوس وتعاي اخذيهاا كل تأخيرة تنحسب عليج
تـــــاج.... منينن اجيبب ما تكليلي منيننن انطيني اختتتي واني اسددلج ڪُل شهر
ابتهال..... هههههههههههاي بلا وشنو الي جابرني اصبر عليج ڪل شهر يلا ادفعين اكو غيرج يدفعون حاضر
هجمت اريد اضربها كضت ايدي ودفعتني ولأن ماعندي اي قوى ومن التعب ما قاومتها ارتديت ليورة وصاحت
ابتهال... ما الج مكان ببيتي روووحي شوفيلللج اي بيت **** يلفيج واختج انباعت بعد ماا الج اي شي يمي يلا اتوڪلي ركعة وجهج ما اريد اشوفها منا لمن اتلمين الفلوس يلا تعبت منجن ما ناقصني ****** ببيتي
حجتها وسدت الباب صحت بحرڪة ڪلب
تـــــاج... اي حقج ما ناقصج لأن انتِ مكفية وموفييية يا **** بت الف ****
سكتت واجر نفس بعصبية وكفت بنصف الشارع وايدي على راسي واباوع على بيتهم شسوي وين اروح تعبتت تعبتتت اريد اموت شسوي بروحي ما اعرف
هنا وڪلت كافي خلصت رحلتي بالبصرة ما حصلت غير التعب والقهر والضياع قررت اروح الاي مڪان بلڪي احصل احد يدبرلي فلوس وارجع اخذ اختي من البصرة
مشيت واني ناوية على شي جديد وهالمرة ناوية ابدي بداية جديدة وبديت رحلتي بأن اجمع فلوس حتى ارجع اختـي الحضني
مشيت الحد ما وڪعن رجلية يلا وصلت للڪراج (ساحة البصرة)
اول ما دخلت بقيت ادور على الصحيات الحد ما طاحت عيني عليهن مشيت بسرعة قضيت حاجتي وغسلت وطلعت اسمع الناس تصيح
بغداااد بغددداد..... وشي تڪول..... كربلاء.... نجف
اجت عيني على واحد يصيح... نفر واحد حلة حلة كبال شريفة بت الامام الحسن
اتنهدت بحيرة وين اروح اليا ڪاع تلمني رجعت عيني على الي يصيح حلة وقررت اصعد للحلة لأن ضال نفر واحد وما بية حيل اڪعد انتضر
مشيت بأتجاه الڪية حجيت واني اخفي توتري
تـــــاج... توصل للحلة؟
.... اي كبال شريفة بت الحسن
هزيت راسي وحجيت
تـــــاج.... شكد الكروة؟
... 15 الف
صفنت بحيرة هسه منين اجيبهن ربع ما بجيبي لميت شفتي للداخل وكلت اصعد وبعدين تدبر فزيت على صوت الولد
... ها تصعدين؟
هزيت راسي وهوَ دار على الڪية وڪال الرجال كاعدة هوَ ومرة يمڪن مرتة
... خوية بس سوي مجال خلي هاي البنية تكعد يمكم وحدها جاية
نزل الرجال ونزلت زوجتة واني صعدت متجاهلة نضرات الناس من ور منضري وشڪلي الملفت للنضر صعدت المرة بصفي والرجال كعد بصفها سد الولد الباب من برة وشوية وصعد السايق جان رجال جبير متوسط الاربعينيات حرك الڪية واول ما طلعنة من الساحة صاح واحد من الورة
.... افلح من صلى على محمد وال محمد
صاحت الناس ڪُلها بصوت واحد
.... اللهم صلِّ على محمد وال محمد
كتفت ايدية وسندت راسي على الجامة وصافنة على الطريق اتحققت امنيتي وطلعت من البصرة بس هالمرة امنيتي مڪسورة هالمرة اختي مو وياي طلعت وحدي مهزومة بالي وڪلبي ڪُلة يم شُــذير
دخلت للبصرة واني طفلة بعيونها افراح
طلعت منها واني ما احمل بس الاوجاع
فزيت على صوت المرة وهيَ تقدملي لفة
.... هاج خالة تفضلي ويانة
هزيت راسي بنفي وهمست
تـــــاج.... لا ما اريد
... هاج اخذي يمة الطريق طويل
رفعت ايدي الترجف من التعب واخذتها منها باوعت الها بأمتنان ودرت وجهي للجامة واڪلت اللفة بشراها من ڪد جوعي كملتها وسندت راسي ونمت..... كعدت بعد مدة باوعت بأستغراب الحد ما اتذڪرت اني وين التفتت على المرة
تـــــاج... اكلج خالة وين وصلنة؟
.... للبطحة
عقدت حواجبي
تـــــاج.... وين صايرة هايه؟
...يمة مڪان بي مطاعم واستراحة هسه ننزل بي
هزيت راسي ورجعت اباوع وافڪر منين اجيب فلوس الڪروة الحد ما اجت فڪرة براســي وڪف السايق كبال مطعم باوعت الة ردت اقرة الاسم ما عرفت اجمع الاحرف
المطعم صاير عوج عبالك اني من احد يخلي ايدة الباردة على رڪبتي
ضحكت بڪلبي والناس نزلت بس اني ضليت كاعدة بمڪاني الكية ڪُلها فرغت سندت راسي على الجامة ومثلت ان اني نايمة مرت نص ساعة تقريباً وحسيت بيهم اجو ضليت اممثلة النوم حركو السيارة وشوية والسايق ڪال
.... اخوان بس لمو الڪروة اذا ما تصيـر زحمة
دقتني هاي المرة بڪتفي سويت نفسي فزيت وڪعدت فركت عيوني وحجيت
تـــــاج.... ها خالة
.... خالة السايق يريد الكروة
هزيت راسي وسويت نفسي ادور على جنطتي رفعت راسي بصدمة وصحت
ولا زالت الحكاية مستمرة
توقعاتڪم؟
الشي الوحيد البقة التــاج الي شُــــــذير الى الان محتفظة بي +الوردة ڪذلك الها قصة
تڪدرون توصلون الرواية 100 الف قبل لا نوصل البارت 20؟🫣💪🏻
تصبحون على الف خير