شخباركم🥹؟
#الكاتبه زازا
#ابوضبع 904
لاتنسون التصويت +تعليق ؏ كل فقره لطفاً 💚.
حساب الانستا
its.zlzala0
ولا اگدر اعوفك لا اظل وياك
لغم دايستك اجدامي .
"" "" "" "" "" "" "" "" "" "" "❥
بقيت فاكه عيوني معقوله مات صافنه على ضلام لي مخلي بحضنه ويحاجي دموعه تنزل شهك يبجي ويحاجي
ضُلام-: كوم يخوي لاتموت كوم لاتكسر ضهري بروحتك منو الي غيرك كوم يبعد امهاتي يا اعز اعزاز ضلام هوه انته لاتموت احنه كطعنه وعد نموت سوه ليش عفتني ورحت ها شسويلك وترجعني انطيك ماي العين بس ارجعلي ولللللك اررررررجعلييي يخووووويه اررجعليييييي
شك قميصه يصيح بصوت عالي ويبجي سديت اذاني ابجي واباوعلهم كام عمر ايده ترجف وجهه ملطخ بلدم شال تلفون راح بعيد يحاجي مدري منو كمت رحت يمه كعدت على ركبي عاضه شفتي ودموعي تنزل خليت ايدي على متنه دار وجهه عيونه حمر تجاهلني نزع قميصه خلى راس صكر بحضنه وصكر صاير مثل لعجينه وين مايشمره ينمال مايتحرك اباوعله صار يمسح دم نازل من وجهه ودموعه تنزل بغزاره كلما يمسح وجهه من لدموع يخوننه وينزلن دنك على وجهه يمسح بوجه صكر مسح على خده لمشكوك وايده ترجف نزلت دمعتي مسحتهه بسرعه اجه عمر دنك على ضلام يحاجي
عمر-: كوم ضلام شبيك ضعفت انته تعرف صكر مايموت شجاااك
باوعله وعيونه حمر حجه بحزن
ضُلام-: شمسويله؟؟
عمر-: مادري جنه متفقين انه وانته صبح نتواجه اجاني اتصال من رقم مجهول كلي بهيج مكان اني رجليه شبيهننن ماتن لااكدر اصيح لااكدر احرك رجلي ماحسيت اله واني رايح بلمكاه لي شامرين بي صكر اول ماوصلتك شفت هيج حالته عقل ماضل براسي كبل خابرتك كعدت يمه جان مشخطين خده بجسينه حاده وصالخين رجله بمي حار ولبقيه من كدما ضاربي بصونده فاقد عن وعيه
ضُلام-: يعني ما ميت؟
عمر-: لو ميت لجان بين لاتقهر روحك هيج ابويه انته
ضُلام-: انقله للمستشفى بسرعه اني ماكدر اروح لان يلزموني فه انته دير بالك عليه وشيصير بسرعه تبلغني
عمر-: صـار
بقيت واكفه اباوعلهم شالو شيل عمر وضلام للسياره طلعت وراهم عمر انطلق للمستشفى علمود صكر لحالته مجهوله مانعرف عايش ميت لان مينشاف من دم بقه واكف صافن ضلام حسيت نهد حيله خفت لايوكع من طوله ركضت لزمته من ضهره دار وجهه عليه ملامحه حزينه باوعلي بنظرات تحجي الف كلمه مسح لدم لبوجهه حجه ببرود
ضُلام-: امشي داوديج لهلج
ايڤن-: ماا خليني يمك
دار وجهه مصدوم حجه بأستغراب
ضُلام-: ليـش؟؟
ايڤن-: ماريد اتركك بهذا الحال
ضُلام-: لاتخـافين عليه مابيه شي يلا امشي
ايڤن-: كتللللك ماروووح
ضُلام-: استغفرالله يربي لجج بابا خطررر عليج هناااا ماخليج ولا دقيقه
ايڤن-: اذا خطر عليه عادي نمووت سوه يعني سوووه
ضُلام-: هاي انتي لو راكبج جني؟
ايڤن-: لا اني بشحمي ولحمي
تأفأف مشه مشيت وراه صرنه نمشي بلبساتين خفت لا اكله تعبت ويطلع حزنه كله بيه خليني ساكته احسلي بقينه نمشي وصلنه للبيت دخلنه جوه حتى مقفل لباب عافه ركضن قفلته تمشيت ورا اباوع ؏ تصميم لبيت قديم حيللللل وغراض قديمه ومكسره بقيت اتلفت وصافنه قطع افكاري من كال
ضُلام-: نامي ؏ كريوته بس هليوم ونرجع للبيت
هزيت راسي كعدت ؏ لكريوته تمدتت لفيت روحي بصايه اباوعله واكف يم شباك فاتحه ولهوه يلافح وجهه صفنت عليه زين ميبرد من فاتح قميصه ماعرف شبي سرحان بصفنته طفه جكاره ورث ثانيه بقيت مركزه عليه لحد مال لحالي غافيه نايمه واسمع صوت شخص ينوحي بصوت عالي ويبجي عرفته هذا ضلام فتحت عيوني انتبهت عليه كاعد بلكاع ماد رجل وثانيه مخلي ايده عليهه ساند روحهه ؏ لحايط وبيده جكاره شعره مخربط نازل على عيونه صاح بصوت حزييين وينوحي
ضُـلام -::
يمُه ليش .... ليش النحبهم مايضلوُن
ولله يضلوُن چمره بالكلب ذاكرااااهم
يخلوُن او يروحون ...
اسمعله وصوته يرن بذاني دموعي تنزل بغزاره كل شوي يعيد بيهه وبصوت عالي ولغصه لازمته ضرب على كلبه يبجي ويحاجي بروحـه
ضُلام-: اااااخ اااخ ولللچ ييييمه مافكرررتي بوليدج يمه يمه مشتاك ريحتج مشتاك تلفييني بشيتلچ ولللچ يمه شلووون انطاج كلبچ شمررررين بزرج بشارع يممه يمه مشتاكلج وعلي مشتاگلچ تعبااااان اخ يگلبي شجابك تعشك انته ويييين وروحي ويين اووف اووف ربي اخذ روحي تعبت وغلات امي تعبت
مخليه ايدي على حلكي كاتمه شهكتي من لبجي كمت عليه ركضت جريته لحضني دفن وجهه على صدري انفجر بلبجي حضنت راسه ابجي دنكت بسته من شعره اسمعه وينوحي ويبجي مثل طفل صاح بعتب
ضُلام-:كلللللهه تكرررهني كلهه حتى اميي لي من دمهه ولحمهه مدورني ولا ابوي
لزمت وجهه باوعت بعيونه حجه بصوت مبحوح
ضُلام-: حتى انتِ تكرهيني ياجرح گلـبي .
هزيت راسي برفض حجيت-:: لااء ولله لاا م ماكرهك احبك والله
عكد حواجبه وعيونه ذبلانه من لبجي حجه بصوت رايح
ضُلام-: لاتقشمرين كلبي بچم كلمه
ايڤن-: لاااء وغلات عيونك كلبي يحبك واحجيهه من كُل كلبي احبك ضُلام ولله احبك
فك عيونه على وسعهن مصدوم مامصدكني فكي يرجف عيونه بعيونه نزلت دموعي قربت وجهي لوجهه بسته بخفه ابتعدت شوي وجهي قريب على وجهه خشمه طخ بخشمي حجيت بغصه
ايڤن-: لاتـعوفني خليني يمك
انفاسه سريعه فاك عيونه على وسعهن مصدوم حتى رمش مارمش مسحت على وجهه نزلت دمعته وهوه صافن عليه بسرعه مسحتهه نمت بلكاع لزمت ايده واباوعله هز راسه برفض حجه
ضُلام-:: لاتستخطيني اكرهه
ايڤن-: لاولله مامستخطيتك بس كلبي مايهون عليه يشوفك هيچ
فتحتله اديه اباوعله تقرب عليه نام على صدري حضنته اكثر مقربه راسه لحضني بست كصته مسحت على شعره احس دكات كلبه يدكن طبول غمضت عيوني ماريد احبه بس هشي حتى من روحي متفاجأه شلون كدرت انطقهه بقيت حاضنه لحد ماحسيت ذب ثكله عليه عرفته نام مشين ايدي على شعره لسود بلون سواد ليل ابتسمت معقوله اني احبه ههه سبحان الله مغير الاحوال من لكره ولحقد الى لحب ولحنيه حضنته اكثر اريد هيج اضمه بروحي شكد اذاني بلبدايه وجنت اتمناله الموت بس هسه راح انكر احس نايم بحضني طفل محتاج حنيه لفاكدهه واكيد راح اعوضه مو مسئلت مستخطيته بس كلبي هيج راد وهلمره انطي فرصه لكلبي يحب للمره ثانيه.
جريته اكثر صار وجهه يم ركبتي قربت نفسي اشم شعره ريحته طيبه حيللللل ولج ييمه تعالي بنتج ولهانه ضحك على تفكيري غفيت فتحت عيوني انخرعت من شفن عيوني مركزات بعيوني كمت ابتعدت عنه حجيت
ايڤن-:: شبيك هبطتني صافن عليه هيج
ضُلام-: ما مصدكچ
ايڤن بأستغراب-: بشنو؟؟
ضُلام-: معقوله تحبيني!
صفنت بوجهه دقايق دا اجاوبه سبقني كبل حجه
ضُلام-: انتِ شنو لبراسج يحوم
ايڤن-: مفهمت
ضُلام-: ايـڤ تره وعلي هلسوالف مارات عليه ودارسهن انتي شنو هدفج لحتى كلبي احبك؟
شعجب لبارحه تصيحين اكرهك وتدعين عليه
عدلت نفسي وخرت لكذله وره اذاني حجيت
ايڤن-: اني ماعندي اي نيه تجاهك ولا هدف ولا مسويه شي براسي لحتى اطكهه بوجهك طك بطك وتعرفني كلش زين اني انطي طينه مو بلخد بلكصه لمختصر لو عندي شي وياك لكولهه بوجهك مو وره ضهرك اخفيهه واني من كتلك احبك هيج ماعرف حجيتهه ومادري بروحي وبس.
ضُلام-: شو ماجاي اثق بيچ
ايڤن-: ومنو ضاربك على ايدك وكايلك صدكني صدكني مصدكني مشكلتك هاي اني لي عندي حجيته ممجبوره ابرللك واحلفلك لحتى حضره جنابك صدك
ضُلام-:بعد بعد اخذيلج راشدي وتكمل
ايڤن-: لا راجدي ولاشي بس انته تنرفز واحد يمسح كلبك بلحنيه ترجعهه اله بخنجر تطعنه
ضُلام-: اي من حقي ماصدكج هوه انتي من شفتيني تشوفين دم سنونج ولا اني ولا نوب خطفتج وتعذبتي بسببي كرهتيني بزايد ليله البارحه تصيحين اكرهك صبح ليل زط بط طكيتيهه بوجهي احبك وماحبك شني ترديني اشد وصله بخصري واهز من لفرحه مثلاً !!!
ايڤن-: ولله انته مو مال واحد يشفق عليك ولا تستاهل الحنيه
ضُلام-: هم صدك
ايڤن-: الايد نمدتلك بحنيه تمسح على جروحك كسرتهه.
ضُلام-: اكرهيني اني ماستاهلچ اذيچ وغلات امي اذيچ
ايڤن-: خلص سد سالفه دام صكر مابي شي وما ميت رجعني لهلي
دار وجهه عليه مامصدكني حجه
ضُلام-: چا لمني صبح كالت خليني يمك امي؟؟
ايڤن-: غيرت رأي رجائن رجعني لبيت اهلي
ضُلام ببرود-: خوش
كمت عدلت نفسي لبست شالي زين تمشه كبالي بدون حتى مايهتم لوجودي طنشته صعد بسياره صعدت وراه باوعلي من لمرايه حجه
ضُلام-: تعاي كعدي چدامي
ايڤن-: خليني هنا
ضُلام-: اخر انذار الچ انداري
ايڤن-: كلتتت لا يعني لا
هز راسه عض شفته سفليه شخط سياره بسرعه بقيت صافنه ؏ جامه صافنه بلفراغ معقوله وره شهور ارجع لهلي ممصدكه احسني بعدني بحلم درت وجهي للمرايه الاماميه لكبالي انتبهت يباوعلي رجف كلبي بسرعه دنكت بلعت ريكي غمضت عيوني رافضه فكره كلبي يحبه سندت روحي ؏ لكشن صافنه ؏ لغيم غفيت وين يلا حسيت فززني بصوته من كال
ضُلام-: راح نوصل كعدي
كمت تدلت شالي انتبهت هذا شارعنه دموعي نزلت نار على خدي شفتي رجفت فرحانه راح اشوف اهلي مشتاقتلهم حيللللل وكف قريب على باب بيتنه جر حسره يباوعلي من لمرايه حجيت
ايڤن-: باي، نزلت امشي رايحه على بيتنه فززني من دك هورن درت وجهي عليه اباوع عليه شلون صافن عليه بلعت ريكي فتحت لباب بقيت اباوعله دخلت جوه وسديت لباب وراي سمعته شخط سياره بسرعه هفيت على وجهي ماريد ابجي تمشيت جوه اول ماشفتهه عيوني سيلينه مدنكه تكنس بلواجهيه فكيت عيوني مصدومه دموعي نزلت واني عيوني تراقبهه انتبهت لوجودي رفعت راسهه شهكت من شافتني صاحت
سيلين-: اييييييييڤن!!!!!!!
هزيت راسي بـ اي بجيت ركضت وهيه ركضت حضنتهه ثنينه انفجرنه بلبجي لزمت وجهي تشهك وتبوس بوجهي على صوت بجينه اجت امي تركض بس شافتني فكت عيونهه على وسعهن ركضت عليهه رادت تركض ماكدرت حضنتهه ابجي واشم بريحتهه لزمت وجهي تباوعلي من فوم ليجوه وتبجي
ايلين-: ولج يمه هاي بتيي
هزيت راسي ابجي-: اي يروحي هاي اني
وكعت بلكاع حاضنتهه ابجي صارت تبوس بوجهي واديه حضنت راسي تنوحي وتبجي بقينه بلكاع نبجي وسيلينه حاضتني وخرت عن حضنهه مسحت على خدي كامت لزمتي ايدي سندت راسي على كتفهه دخلنه جوه وسيلينه حاضنه ايدي وتمشي باوعت على بيتنه دموعب تنزل شتاقيتله كعدنه بصاله صرت بنص امي لازمه اديه وتحضن بيهه وتبجي مسحت دموعي لي ينزلن كل شوي حجت ببجي
ايلين-: يمه وين جنتي كل هالشهور ولج يمه طك كلبي عليچ
ردت اجاوبهه دخل بابا كأنما جاي يركض شمدري اني جيت!!
كمت ركض عليه حضني بجيت احس كلبي جاي يتكطع من كثر لبجي صحت ببجي
ايڤن-: باباااا
احمد-: روحه لبوج يابعد عيوني انتِ
باس راسي باوع بوجهي وعيونه حمر حجه بصوت مبحوح
احمد-: وحك عيونج لاخذ حگچ منه اذا مو سجن اني بيدي اعدمه
فكيت عيوني مصدومه كبل حجيت
ايڤن-: لاااااااااا باباا امانه لاتسويييله شي وللله اموت روحي
كلهم اهلي ستغربو حجت امي بعصبيه وقهر
ايلين-:وليشششش دافعيلللله فوووك ما ماخذج من عدنه شهوورر ولج يمه لاتبطيين كلبي
ايڤن-: بابا لاتكسر كلبي ضلام عوفه
احمد-: وللج بوووويه شنوووو اعوفه بعد ماخافطج صار ارررربع اشهررر فهميييني بشنوو هددج كووولي ولله لطلع برووحه
ايڤن-: وللله مهددني ولاسوالي شييي بس جان يريييد يحمييني
احمد بصياح-: من منووووو من عدنه!!!!!
ايڤن-: بابا حباب اهدء شويه بس خليني اشرحلك كلشي امانه لا تلقي القبض عليه
احمد-: شفتج بلكاميرات وشفت سيارته وحفضت رقم اذا ماخيسته بسجن
ايڤن-: بابااا ليششششش تسسجنه
احمد-: لعددد شسويلله فهميييني خاطف بتيييي شهوووررر يمه مثلاً شنوووو اعزمه يميي؟؟؟؟
ايڤن-: بابا الله يخليك لاتجسنه ولاتسويله شي عوفه
احمد-: انتي تردي؟؟؟
صفنت بوجهه دنكت راسي كلبي يدك حيلل احس الانظار كلهه تباوع بوجهي صفك ايد بأيد ويحجي
احمد-: اكملللت اكملت بنتي تعشك لخاطفهه لي صار راسي بطين يوميه تحجيني حجايه نفس سم بتك وينهه نايمه بحضن زللم اشمال لحجي يجيني واني جنت مأمل من تجي لحضني تكول يابه اريدك تاخذ حكي وتسجنه وخابت آمالي تطلع عاشكته
صحت بجي-:: ايي بابا تررردوون صدك اني اريييده لان ما أذااااني ولا تقررربلي ولاسوالي شيييي خطفنييي لأن عنده اعدااء كووومه ومااادري طلعت اكووو صديقه الي جاسوسه وعااارفين كل معلوماتي ومخلييني براسهم هوووه من عرف ماعنده غير حل بحجه ياخذذ ثاره منك وخطفني وجذذذب مجرررد يريد يحميييني بابااا اذا مو هوه لجاااان اني مصيرييي نفسس لبينه لي لاكييينه مكتوله ومشموررره باب بيت اهلهه
صار لهدوء سيد المكان صافنين بوجهي حجت امي
ايلين-: شعرررج وينه ليش مكصوص
درت وجهي عليهه صافنه بلعت ريكي رجع تكرر سؤال
احمد-: بويه احجيلنه بتفصيل لحتى افهم راسي من رجليه اذا هوه مذنب بيدي احكم عليه لعدام وذاا برييئ
يطلع من سالفه سالم منهه
كعدت بلكاع رجليه يرجفن دنكت راسي حجيت
ايڤن-: بابا من خطفني ضلام يمه وره فتره خطفوني اعدائه كصولي شعري، متحملت شهكت ابجي دنكو عليه لزم بابا وجهي ويحجي
احمد-: شسوولج احجيلي ولله لطلع برواحهم احجيلي
اشرت على رجلي اشهك وابجي جر رجلي رفع ردن لمجامه شاف اثر شك لمخيط صفنت دقايق امي لطمت على صدرهه اختي جانت بس دموعهه تحجي حجه وهوه يمسح على مكان الاثر الخياط
احمد-: خما تأذيج؟
هزيت راسي بـ لا جر حسره كام وحجه
احمد-: وينه ضلام؟؟
رفعت راسي اله حجيت بخوف-:: ش شنو بس لا تسجنه
احمد-: وعلي لوما انتي وكفتي بعيني لجان راس ضلام مو مبحله
سكتت ماعرف شجاوبه رجعت سئلته
ايڤن-: بابا حباب لاتأذي ولاتسويله شي لاتبينله انك تكره
احمد-: اااخ منج لو بس اعرف شسوالج لحتى تحبي هلكد
حجاهه وطلع زفرت طن هوه مليان هموم حجت امي
ايلين-: جوعانه يروحي؟
هزيت راسي بـ لا كمت درت وجهي على اختي حجيت
ايڤن-: ماما رايحه انام لحد يكعدني
ايلين-: انومج بحضني يروحي؟
هزيت راسي اي فرحت رحت وياهه حجت سيلينه
سيلين-: مناويه تشوفين ابن اختج
درت وجهي بتعب ابتسمتلهه حجيت
ايڤن-: وينه حبيب خالته؟
سيلين-: بغرفه ماما
تمشيت سريع دخلت للغرفه مخليته ؏ كاروك هزاز دنكت عليه ضحكت بعده صغير شلته على كيف حضنته لصدري بست خدوده درت وجهي اضحك
ايڤن-: هههه فدوووه بعد عجينه
سيلين-: هههههههههههههه شالع كلبي ريحته نفس ريحتج
ايڤن-: انجبي ماريد اجعصه
-:: صدك زين شسميتي؟
سيلين-:: ليث
ايڤن-: يمااا فدووووه لولي
ضحكن حجت امي
ايلين-: يوم تشيلين بزر بطنج يكلبي
رفعت راسي الهه مصدومه حجيت
ايڤن-: اسم الله شني مبين هالتلمحيات مال زواج
ايلين-: هههههههههههههه بعدج بهذا للسان جزه
ايڤن-: اي عييني بنفسي بشحمي ولحمي
ضحكن انطيته بحضن سيلينه لان كام يبجي طلعت للصاله بي حتى يسكت اجت امي مددت بفراشهه نمت بحضنهه صارت تبوس بشعري وتمسحلي ماعرف ليش شتاقيت وقتي لي جنت اكضي ويا شهكت ابجي مسحت على راسي تباوع بوجهي وتسمي حجت
ايلين-: اسم الله شكو شبيج يروحي شبيج يمه
ايڤن-: مااما ابوس ايدج لاتخلين بابا يأذي هوه مكسوره روحه
ايلين-: اووف اوووف هلكد تحبي ولج يمه
سكتت وكلبي ممرود غمصت عيوني غفيت حسيت سيلينه تكعد بيه تحاجي بيه بهمس
سيلين-: ايڤانه ايڤووز كومي
باوعت عليهه بنعاس اشرتلهه شكو حجت
سيلين-: زوجي لفجريه يجي ياخذني لان جان ملتحق تعاي نصعد فوك مشتاقتلج ولله كومي يروحي
هزيت راسي كمت وياهه جان امي غاطه بنوم باوعت بصاله ماكو احد مطفايه الاضويه سئلتهه
ايڤن-: اكلج شو لبيت اضلم بيش ساعه؟
سيلين-: بـ١٢ بليل
ايڤن-: شنووو هلكد اني نايمه
سيلين-: غير انتي عبالك صارلج سنين منايمه
ايڤن-: لا يولي لان بفراش امي ومشتاقه لبيتنه بسرعه نمت
سيلين-: لج ديلا تعااااي
جرت ايدي صعدنه فوك دخلت لغرفتي افتريت بيهه اتلمس بلحايط لو لميز لتواليت مالتي عيوني غوركن بلدموع شميت ريحه مخدتي حضنتني بجيت من كل كلبي بجت على بجيتي باست متني حاضنتني حجيت
ايڤن-: مشتاقه ارجع اعيش حياتي نفس قبل وللله
سيلين-: راح تعيشينهه گـلبي انتي وان شاءلله تنسين لي صار
ايڤن-: سيلينه شتاقيتله
باوعتلي مصدومه لزمت وجهي حجت
سيلين-: ايڤـانه انتي صدك تحبي؟
هزيت راسي بـ اي مسحت دموعي حجيت
ايڤن-: سيلينه حنيته تخليني ابجي بدون ميحس لج من شكو رجلي يبوس مكان الجرح ودموعه تنزل لو تشوفين من جان يوكلني من جان يخليني بحضنه من جان يحميني منهم كلهن عشت ويا بتفاصيل صح جنت ادعي عليه واكله اكرهك بس ما انكر كلبي يدك حيل من يلمني بحضنه جان يسولفلي على ايامه يحجيلي اسراره سيلينه شلووون انسا وهوه من دوعني يبوس اصابعي ويبجي يكول ماريد انسجن اذا ماكمل الامانه لي على ركبتي ماريد اموت اذا ماخذ حكم واحد وره لثاني لج محد يحسس نار لبكلبي
سيلين-: سوده عليه يبعد كلبي
ايڤن-: سيلينه جان يبجي ويشكلي وجعه من اهله يكلي انتي اهلي انتي امي لميني بحضنج هواي اشياء صارت بينه صح جان يفقد ويجرني من وجهي يبوسني بس جنت رافضه بس كلبي لعاند وحبه ماريد احبه لان راح اتوجع اكثر
سيلين-: زين تزوجو وهيج تكمل فرحتكم
ايڤن-: يا زواج مو هسه خليني ارتاح أصلاً اخر كلام كاله الي لاتحبيني اكرهيني مادوملج ومشه
سيلين-: اي لعد يكلج حبيني لحتى تتعذبين بفراكي
ايڤن-: اوووف اوف تعبت ولله تعبت
لزمت ايدي وباوعت بعيوني وحجـت
سيلين-: صدكيني انتِ علاجه الوحيد لاتعوفي انتِ تستاهلي وهوه يستاهلچ اني من يوم لشفته مره صافن عليج وناسي روحه عرفته هنا وكع بحبُچ ومن يوم لي سمعت اصوات ضحكم لفجريه بهاي لغرفه عرفت راح تحبي ومن يوم لخطفج عرفت راح تبدي قصتكم منهه
صدكيني صح جنت ابجي على فراكج بس افرح ومطمنه لأن اعرف ضلام مراح يأذيج اعرفه شكد يحبج وراح تحبي وصدك طلع توقعاتي انتي طلعتي مو بس تحبي انتي عاشكته
اسمعلهه ومبتسمه مسحت على خدي وضحكت
سيلين-: اوووف اووف شمشتاقه لهل وجه ليضحك
ضحكت حضنتهه لزمت ايدي وحجت بحماس
سيلين-: احااا وراااج صارررت سوالف شكدددد
ايڤن-: شنيه ولج هههه
سيلين-: اول نقطه لي سوتلج سحر طلعت حسنه صفره وبناتهه وره فتره سمعنه من رايحه للسوك بايكين ذهبهه وكايمه دك وتلطم
ايڤن-: عزااا منووو لمسوي بيهه هيج
سيلين-: رحنه عليهم واكفه بنص تصيح تكول ولللكم جنت اتمشه وكفت تكسي شو هذا حبسني بسياره وجان ملثم ولكم يماااااا الحكولي يكلي لو تنطين ذهب ولفلوس لو هسه افرغ شاجور لبراسج خله لسلاااح براسي ولكم يبوووووو
ايڤن-: هههههههههههههه
سيلين-: برأيج منو؟
ايڤن-: ماتفوت غير ضلام
سيلين-: ههههه المهم نقطه ثانيه عمج المدلل لبيت
ايڤن-: ياهوه؟
سيلين-: لي تربيتي يمه
ايڤن-: شبـي؟؟
سيلين-: مو كايم يحجي بيج بنص لديوان هاي ك** ام زلم هسه تلكونهه بحضن زلم ومحبلينهه
بصدمه-:: عليج نبي كال هييييچ!!!!
سيلين-: اي ولله بس اطمني خوش غدو ثاني يوم
ايڤن-: مفهمت؟
سيلين-: ماعرف وره يوم هيج يومين من بعد ما مسح سمعتج بلكاع يمشي ويحجي بيج بت احمد مخطوفه يم زلم وكذا وكذا من الحجي الماصخ كلنا انصدمنه من اختفه يوم كامل يدورون بي لاكي ابنه مشمور يم باب بيتهم منعول جد جده وجهه متشوه من ضرب ومشلعين اضافره بجلابتين
ايڤن-: دخيلك يربي منو سوه بي هيججج
سيلين-: حيلل وابو زايد تتوقعين منو يسوي بي هيج ماتفوته غير ضلام
فركت وجهي كل هذا صاير واني مادري حجت
سيلين-: خيه شكو تحركين كلبج علقل اكو شخص من فرك حلوكم وخلوهم فنه ليجيب طاريچ صح بابا تعارك وياهم وصار ميتواصل وياهم واخويه راح لبيتهم صار يغلط لعب بيهم جوله بس محد سكتهم غير ضلام ٢٤سـاعه سكت صغير وجبير وفنه ليندك بيج
وها تدري شسصار بي مُتيم من دره بيج مخطوفه
ايڤن-: شسوه؟
سيلين-: كام يصيح طب بديوان وليوم احرك اهله لي ماخذهه وكذا وتخربط وسائت حالته بغيابج
ايڤن-: طبه مرض المهم اخواني وينهم نمارق ايهم؟؟
سيلين-: ايهم اجه عليج بوس راسج وكعد يمج شويه شافج فد مره غاطه بنوم مو مال يكعدج كال خطيه قبل لاتكعدين راح وكل باجر من صبح اجيهه ونمارق ماتعرفين هيه ويا زوجهه لان دوامه خارج العراق هناك بلندن من درت ملخت روحه من لبجي بس تريد تجي ويمكن باجر يجون كل اخواتي
ايڤن-: اها تمام
بقلق-: شبيج احسج مو على بعضج
ايڤن-: لااء موهيج بس مخنوكه شوي
كمت عفتهه فتحت باب لبلكونه اجر نفس احس شي قابضني من ركبتي وكفت بصفي تمسح على متني ثنينه فزينه من طفر ؏ لبلكونه درت وجهي فاكه عيوني منو هذا وخر لثام طلع ضلام
ايڤن-: هذا انته؟
جانن ملامحه تعبان ركضت حضنته جلبت بركبته رفعني عن لكاع حتى نسيت اختي وراي شميت ركبته روحي ترجف باسني من يم اذني نزلني جلبت بقمصلته لزمت وجهه حجيت
ايڤن-: سولك شي؟؟
ضلام-: لا
دار وجهه على اختي باوعت بوجهه جانت فاكه حلكهه وصافنه كبل حجت
سيلين-: ءشسمه اني راح اوكفلكم يم لباب لغرفه خاف احد يجي تمام
طبت تركض خنكتني ضحكه جفلت من جرني من خصري دفعني ؏ لحايط دنك همس بذني
ضُلام-: راح تصيرين زوجتي فلايه
درت وجهي مصدومه من كلامه حجيت بصدمه
ايڤن-: شنووو راح تزوجني شنو؟؟
ضُلام-: ههه اي احميد يكول تريد تغطي عليهه وماجيبلهه كلام ليسم لبدن من وره كرايبهه ازوجهه
بقيت صافنه احس اذني كامت صوفر من صدمه حجيت وبعدني مصدومه
ايڤن-: معقوله شنو غير جبتني لهلي كبل ؏ كولتك زط بط تزوجني
ضُلام-: چا غير عمامج الك*** اجوي بيتكم وصار لعياط بديوان مالتكم غير طبيت لكل خنس كعدت بصف ابوج واباوعلهم شلون لخنازير كاعدين كل واحد دس بفجه عباته وطفر هوه ريشاته
ايڤن-: عزاا ههههه
ضُلام-: وعلي بس خل احد يفك حلكه وياج ليحفر كبره بأيده
ايڤن-: اني ممفكره هسه اتزوج وهاي خليني شوي ارتاح يم اهلي سنه سنتين وعود اخطبني
رفع حاجبه-: لابلـه؟؟؟؟
ايڤن-: اي ولله چا شني تريدني كبل اصير يمك لا عيني
ضُلام-: شترجه من بت احميد
ايڤن-: هااا بدينه عااد؟؟؟
رقمني بنظره من فوك ليجوه حجه
ضُلام-: شو بعدج بملابسج لي جبتج بيهن شني تعودتي ؏ سبح مره بلسبوع
ايڤن-: اييع غير احس ريحه جسمي خايس وللعلم يمك لمي باررررد لااكو صابونه لا ليفه لاشامبو بس صابون ركي
ضُلام-: احسن شي هذا ولج اااه يم شامبو جيجو هذا صابون ركي معقم راسج لمدحوس
ايڤن-: جيجو منو
ضُلام-: شمدريني مره اذكر من حبستيني بحمامج بحبشت بلغسولات تسبحين بيهن شفت شامبو اخضر بنيه مت***
ايڤن-: للللك لاااااا يا مصخمه مدنكه مدنكه شبييك لسانك باذرر
ضُلام-: اي شمدريني وها بكت من عندج معجون اسنان
ايڤن-: صخام براسك واني اكول وين اختفى لمعجون مالتي
ضُلام-: هههههههههه لج لام عندي صكر حلكه عبالك تمساح الكا مخلصه فه رزق طلع كبالي وخليته بجيبي بيهه شي؟
ايڤن-: لابيهه مره ثانيه اذا مديت ايدك على غراضي اكسرهه
ضُلام-: آااه؟؟؟
ايڤن-: ديلا وخر جاعصني بلحايط خليني اروح اسبح وانام
مردلي شم خدي كزبر جسمي شواربه طخن بشفتي يبوس بهدوء بخدي وشفته مشاهه لطرف شفتي كلبي رجف قطع انفاسي من باسني بشفايفي لزم وجهي قربني اله اكثر لأول مره صير عندي جرئه وابادله من شافني هيج زاد صار يتفنن بشفايفي ضهره يصعد وينزل شهكت من جر شفتي بسنونه طبع بوسه باسني من خشمي حك ارنبه خشمي بخشمه حجه وانفاسه لحاره سريعه تلفح بوجهي
ضُلام-: شمامت روحي انتِ اعشكچ ايڤاني
-:: تحبيني من كل كلبچ فلايه !
اسمعله وكلبي احسه راح يطلع من صدري من كثر ماينبض
راد يبوسني فززنه صوت سيلين اجت كبل دفعته
سيلين-: اجيت اركض اصيحلهه شهكت من شفتهم محتاضنين ويتباوسون عزببب عيينج يا ايڤن صخااام براسسسج يبوووو دخلت جوه ركضت وايجت من درج صوت امي تصيحلي كبل جاوبتهه
سيلين-: ماما ايڤن بلحمام جاي تغسل
ايلين-: ها شو خل اجي اشوفهه اطمن عليهه
ركضت على هاي المصخمه صحت بهمس
سيلين-: اييييييييڤن امشيي جوه صوت امي كعدت اكيد راح تجي لغرفتج
ايڤن-: هـا؟
سيلين-: طفر ضلام ؏ لسياج نزل باوعت عليه خاف احد يلكطه اجيت على هاي لي فاقده جريتهه من ايدهه دفرتهه جوه قفلت باب لبلكونه لزمت وجهه احاجيهه
-:: ولجج غسسسلي وجهج شنوو هذا دم لبحلكج عزب عييينج
ايڤن-: ها اي اي
عفتهه تمشيت للحمام اغسل وجهي لزمت شفتي باوعت بلمرايه صاير دم بطرف شفتي غمضت عيوني ومبتسمه و سرحانه شلون يبوسني وانفاسه تلفح بوجهي وعطره لحبه لمخلوط بجكاير فززني من عاطت بوجهي
سيلين-: دبااااع يربييي لبنيه شبيه ولج
غسلت وجهه وهيه جنهه سكرانه شسواله هذا ركضت لطشت لخاولي بوجهه اندك لباب اسمع صوت امي اشرتلهه بتهديد
سيلين-: ولج مو تنسين روحج وتجفصين تكولين ضلام لاطشني بلحايط ولازمني دك بوس اموتج
ايڤن-: هههههههههههههه لا لا
طلعت تركض عدلت نفسي طلعت من لحمام تلكتني امي لزمت وجهي حجت
ايلين-: كعدتي يعمري اسويلج اكل؟
بست خدهه حجيت-:: لايروحي هسه اني وسيلينه نسوي عشه وناكل
ايلين-: اها زين خما يوجعج شي هاي؟
ايڤن-: لا يكلبي روحي رجعي نامي
مسحت على شعري وتحجي
ايلين-: باجر اخذج للدكتوره خاف بيج شي اسم الله وهاي واجيب علاج لشعرج
ايڤن-: تمام حبيبتي
ايلين-: يلا اني رايحه سيلينه ديري بالج على اختج وابنج عينج عليه
سيلين-: ان شاءلله وليوثي هستوني نومته
ايلين-: اها تمام يلا تصبحن على خير بنياتي
الكل-: وانتي بخير
طلعت امي جرتني من ايدي حجت
سيلين-: لج صخيمه شنووو هاي بوسات وحضنات وبركات خيررر؟؟؟
ايڤن-: تعبانه ولله مو مال اسئلتج
سيلين-: ايييڤن
ايڤن-: ولج هههه شكووو
سيلين-: انتي صدك تحبينه لو شنو؟؟
رفعت اكتافي بمعنه مادري بقت تباوعلي بشك حجت
سيلين-: ايڤانه رجال مبين ذاكه وينه يحبج ليش تلعبين بمشاعره تره خطيه
ايڤن-: هاي شبيج تره ولله العظيم ماعندي نيه تجاهه بس راح يصير فوك شهر هيج كلبي يدك حيل من يتقربلي ومن يختفي دقيقه اكوم الوب اريده يمي حتى نسيتكم
سيلين-: دباع الفاينه
ايڤن-: لج ههه موهيج لا المهم شفته شكد يهتم بيه وحنين وشكد قسيت ويا بس هوه دائما يضحكني صح يجفص بمصاريني بس يموتني من ضحك مرات احس كلبي يحبه بس اصد كلبي واريده يكرهه بس يزيد حبي اله رغم جنت خافيته حتى عن روحي بس لمشكله حبيته ماتوقعت يوم كامل يصير كلشي بهذا ليوم من جهه ابويه وكفني لضلام لحتى محد يمسني بحجايه ويغطي عليه وميجيب سمعه لموزينه ومن جهه ضلام اجه بنصاص ليالي التقيت بي مره ثانيه
سيلين-: احس هذا عوضج ومن نصيبچ
ايڤن-: الله كريم
سيلين-: امشي نسوي عشه ونتعشه
ايڤن-: خل اسبح يلا احس جسمي يملخ بيه
سيلين-: باجر لنظف جسمج
ايڤن-: لااء مو تدريه بيه متعوده كل ٦اشهر اسوي ليزر
سيلين-: لعد سوه نروح اني هم شوي طالع
ايڤن-: تمام
هيه نزلت جوه واني حضرت ملابس البسهن طلعت تراكي لي صارله قرن البسه وضحكني اول ملتقيه اني واضلمه ههه لونه جويتي ليحبه قلبي حضرت لغسولات ومعطر لجسمي هواي اخذت ليوم اريد اطلع لقضه ولمضى حيصير مدري شكد واني مسابحه سبحتي لمتعودتلهه دخلت للحمام قفلت لباب سبحت طوولت فوك ساعه واني اجلف بجسمي صار احمر من كدما اليف سبحت بمي حار خليت شامبو لمعطر خاص لجسمي ترست جسمي بي سبحت بس بللت جسمي وطلعت فرشت سنوني خلصت لفيت لبرنص طلعت بره غرفتي دافيه نشفت جسمي لبست لتراك دخلت للحمام شسورت شعري باوعت لروحي شعري ليعد اذاني برطمت شفايفي بقهر اوف شحجي بس كون كسر بأيدج يا ملك خليت حمره سحريه رشيت عطر نزلت جوه لكيت سيلين بلمطبخ اول مدخلت كفختني ريحه الاكل صحت
ايڤن-: احااااا شمشتاقه لهل ريحه وصاحبهه
سيلين-: لاتحمين تره سويتلج ولقران لمعكرونه
ايڤن-: هههههههههههههه
كعدت يمهه لكرسي مسويه لمكعرونه كعدنه ناكل ونسولف صبتلي ببسي انطتني لكلاص خزرتهه حجت
سيلين-: اسم الله شبيج عيونج راح يزركن
ايڤن-: ماحب بلكلاص شنو نسيتي انطيني لبطل
سيلين-: هههههه الله يساعدك يـ ضلام اذا اخذتهه
ايڤن-: ءءءشتقصدين ولااجج
سيلين-: شو صايره تحجين مدري شلون منو علمج على هذا الحجي
ايڤن-: سنبوله
سيلين-: هذا منو؟
ايڤن-: ولج مطلعتله لقب سنبوله اكو غير ضلام
سيلين-: صخام بعينج هههههه
ايڤن-: ولج يسميني صخله
سيلين-: مخابيل ولله
ضربتهه على كتفهه اضحك غير خلت لكمه بحلكهه عاط ليث يبجي
سيلين-: يبوووو هم كعد
ايڤن-: لعد وين يروح ولج جيبي يمي
سيلين-: متنجبين هستوني غيرت حفاضته ونومته شكعده ولله دخل بس يجي ابوك ابو نسوان لشمره عليك
ايڤن-: مكرود حسن ههههه
سيلين-: اشوف لفريخ واجيج
طلعت بقيت اكل ميته جوع مسحت الماعون وبعدني جوعانه كمت جبت لكدر ترست الماعون تربعت اكل اجت هيه وليوثي بلعت لكمه اشرتلهه جيبه خلته بحضني صحت بوجهه
ايڤن-: لولووووو حبيبي
سيلين-: يماا ابني حتخبله ولج شكو صيحين بوجهه تره هذا مو ضلام
ايڤن-: انطمي ممكن
سيلين-: باجر عليج المواعين
ايڤن-: قنادر تره بعدني ماكدر رجائن لاتعبيني
سيلين-: دنجبي مطيوح حضي صار شهر بس اجلف وحدي وانتي متختخه يم الفندي مالتج
ايڤن-: هووس هوس خليني احاجي لفريخ
حبيبي هاي امك لنغله شمالهه وياك هاا هاا نكتلهه؟
باوعت بوجهه ضحك جعصته بحضني ارافس اجت تركض سيلين جرته مني صاحت
سيلين-: لاااا من صدك خبله وللج شجاااج يمعوووده مو لعبه تره طفل وبعده عجينه خطيه كبر
ايڤن-: شكو تره حضنته شبيج انتي صايره مو سيلين لخبله ذيج لعرفهه
سيلين-: لاحياتي زوجت وتغيريت بس يارب تغيرين من تزوجين لان ياخوفي تخنكين اطفالج
ايڤن-: لاا مو لهدرجه هههههههههههههه
بقينه نسولف ونضحك صارت بـ٣ونص دك تلفونهه
سيلين-: الو
حسن-: هلا سوسي اني بلباب طلعي
سيلين-: تمام
كمت اعدل بروحي وهاي لخبله اختي تحرك بحواجبهه وتضحك كفختهه على راسهه ضحكت جريت منهه ابني شلته جبت جنطه الغراض اجت تحجي وتضحك حجت
ايڤن-: اليوم خلوتكم احااا
كفختهخ هلى راسهه تضحك صحت بيهه بهمس
-:: انتي شو صايره ادبسزز
تمايل بجسمهه وتحجي
ايڤن-: تربيت ابوضبع
سيلين-: امداج
طلعت وهيه تغامزلي موتتني ضحك ولله خبله تلكاني واكف بلبرد لابس ملابسه العسكريه شافنه ابتسم اجه عليه اخذ مني ليث باسني براسي حجه
حسن-: مشتاكلج وحق الله
بهدوء-: اني اكثر امشي حبيبي لجو بارد
حسن-: يلا
صعدنه بسياره رحنه على بيتنه اول ماطلع من لفرع سئلني
حسن-: سمعت ايڤن راجعه
سيلين-: ايي
حسن-: خما صايرلهه شي
سيلين-: لا اسم الله مابيهه اي شي
حسن-: مم استغربت من قرار ابو ايهم من كال عوفو لا نسجنه ولا نعاقبه
سيلين-: قرار ايڤن بعد
حسن-: ها شعجب؟
سيلين-: تحبه
حسن-:ان شاءلله يطلع كدهه ويصونهه
سيلين-: ان شاءلله
وصلنه للبيت نزلت مخليه ابني بحضني دخلت جوه وهوه جاب الغراض واجه وراي دخلنه لبيتنه دخلت لغرفتي نومته بفراشه بسرعه غفه ضحكت لوتي من يشوف ابو بسرعه ينام غيرت ملابسي لبست دشداشه مال نوم طفيت ضوه درت وجهي غير ملابسه لف الخاولي عليه حجه
حسن-: حبيبتي حضريلي ملابسي علما اسبح
سيلين-: تمام عمري
دخل للحمام حضرتله ملابسه عدلت لفرشه رشيت عطر بلغرفه اجاني صوته
حسن-: سوسي
رحت عليه حجيت
سيلين-: ها حياتي
حسن-: انطيني لخاولي
سيلين-: تمام ركضت للغرفه جبت لخاولي ركضت مديتله ايدي ياخذهه جفلني من جرهه وجر ايدي وياهه دخلني ويا للحمام غمضت عيوني خجلانه صحت
سيلين-: عزاا حسن وخر
حسن-: اشش
شهكت من خلاني جوه دوش باس شفايفي نزل ايده يرفع بدشداشتي مسحت لمي لعلى وجهي صحت
سيلين-: ليث يبجي
حسن-: لاتتهربين
سيلين-: هههه يبوو منك
________________________
طلعت سيلينه رجعت اكل نسفت الجدريه كلهه يلا عفتهه شمرتهن ؏ لمغسله مابيه حيل اغسلهن مسحت حلكي ذكرت كلامه خربت من ضحك صعدت فوك لغرفتي طفيت ضوه شمرت روحي بفراشي حضنت مخدتي اشمه بيهه و ابوسهه غفيت بسرعه كعدت على صوت ايهم فتحت عيوني بنعاس رفعت راسي اله اجه بتجاهي ويضحك كمت فتحتله اديه حضني يبوس بوجهي نزلت دموعه بجيت مسح دموعي ويضحك يحاجيني
ايهم-: ليش تبجين يروح اخوج
ايڤن-: مشتاقتلك ولله
ايهم-: يابعد روحي انتي
باسني براسي يضحك جرني ويا حجيت
ايڤن-: ويين؟؟
ايهم-: امشي ولج جوه لكل ملتم
ايڤن-: منو؟
ايهم-: اني وزوجتي وسيلين امشي
جرني ويا نزلنه كلهم متلمين بصاله حسن وسيلينه وزوجته اخويه سلمت عليهه كعدت اضحك واحاجيهم وهمه يسولفون كاعده بصف ابويه لي يضحك حضنت راسه بست كصته صحت
ايڤن-: افيشششش
احمد-: ههههه
بقينه نضحك ونسولف ترخصت منهم عيب كفشتي شلونهه لا ولمجامه نص نازله ونص صاعده جني عتوي ههه صعدت ركض فوك فتحت باب غرفتي شهكت جفلانه من ايد جرتني وقفل لباب دفعني ؏ حايط فكيت عيوني على وسعهن انصدمت اخر شخص يجي على بالي واكف كبالي .....
يتبع... 💋🙈
بارررت طويلل لعيونكم 😁💖
لاتنسون التصويت+تعليق ؏ كل فقره لطفاً 💚.
حساب الانستا روحي
its.zlzala0
#الكاتبه زازا
#ابوضبع 904
دمتم سالمين ياعمري💙😔.