هـا روحيَ
#الكاتبه زازا
#ابوضبع 904
لاتنسون التصويت +تعليق ؏ كل فقره لطفاً 💚.
حسابي الانستا
its.zlzala0
ضُلام-:: منين نجيب مثلك حتى ننساك
ومنو المثلك يعوضك لو خسرنة
الشبه كل اربعين احجاية تنكَال
واذا واحد يصح جان انتظرنة
وشلون ننساك يبو ضحكه الحلوه !! 💔.
"" "" "" "" "" "" "" "" "" "" "" "" ❥
بحركه سريعه شمر القميص بلكاع صار فوكاي ردت احجي سكتت من خله شفايفه ؏ شفايفي شوي وخر عني خنكني لزمت متنه ارافس وهوه عيونه انكلبن بيض ردت اموت جوا دفعته وكعت بلكاع ابجي بقه لازم لخشبه مال الكريوته ولازم راسه فجه هجم عليه صفكني راشدي عاط
ضُلام-: للللجججج ليشششششش ليششش تتهربييين منييييي ولج اذاااا صاررر بيجج شييي تكسرررين ضهرررري
سكتت مدنكه راسي تقدم عليه لزم وجهي باوع بعيوني شهكت باجيه حضني
ضُلام-: اسف ولله اسف ايدي تنكسر لتنمد عليج مره ثانيه
ببجي-:: اررريد اهليي حباب رجعني
ضُلام-: اذا مايصير لبراسي مستحيل ارجعچ
وخرت عنه امسح دموعي-:: وهـوه؟؟
ضُلام-: بعدين تعرفين يبُا
ايڤن-: زين ليش نزعت قميصك وصرت فوكاي وبستني شمعناها هلحركات؟
ضُلام-: مادري هيچ مو بوعيي ما اجه شي بالي يربطني بيج غير اخلي طفل بطنچ بس لا حضج حلو نصره زايرتچ
فاكه عيوني ؏ وسعهن ضربته على صدره صحت
ايڤن-: شنووووووو ولللك؟؟
ضُلام-: انجبي بس هيج فكره لااكثر
ايڤن-: وتريدني احمل منك!!!!!!
ضُلام-: اي شكو بيها چا شني شايفني اجكجك ولاچ
ايڤن-: دولي
عفته وكمت قرفانه منه نمت بفراشي اجه وراي كعد كبالي باوعتله من جوه لبطانيه كاعد ؏ لكرسي ويشرب جاي ومخلي جكاره بحلكه مدنك ؏ تلفونه خابر مدري منو اسمعه يرن شوي واجاني صوته عرفته هوه
عمر-: هـا ضلعي
ضُلام-: هلا بلعزيز شلونك
عمر-: ولله زوين وانته شخبارك
ضُلام-: بنعمـه
عمر-: حقك حقك ههههه
ضُلام-: انجب مجاوبك لمجلوب صكر
عمر-: لاولله حركت تلفون عليه قافله نغل
ضُلام-: ولله يخوي شو مامرتاح احس صاير شي
عمر-: مثلك وعلي كوه نمت ليل لخنكه قابضتني وبالي يمه
ضُلام-: لا ان شاءلله ماكوشي انته شي اكيد تعرف صكر كل فتره وفتره يجينه او لان اهله هناك بغير محافضه وثانياً عشيقته قريبه ؏ بيته فه هوه كاضيهه هناك ولوتي يجي هنا ياخذله فتره ويرجع خلي براحته بس دخل يجي لما ا****
عمر-: هههههههههههههه ااخ اااخ ولله العظيم مشتاك من رحنه لم سرور وكعدت بحضنك رزان
ضُلام-: اهووو وين ذكرتني ههههه وعلي بوكتهه كوه قبضت روحي
عمر-: اي هنه لمصخمات من يردن يسحبن منك سالفه سر هيج يكعدن ؏ كولتك ؏ جويسم
ضُلام-: ههههههههههه ﻋلى المنطقه الخضراء
عمر-: اي اي ههههه وماضحكني من جيتن ؏ صكر اخ يماا وعلي بذيج لمره صار بحالي حتى انحصرت من ضحك
ضُلام-: ولك انه من يمي صار عندي سهال خطيه لازماته دك ******
عمر-: ومن يغمزلك عود خلصني
ضُلام-: لا وانَه افزع بيهن وهوه بس طلعنه لزمنه دك جلاليق
عمر-: هههههههه احلى شي من عاط بنص درب انييي مضلوووووم
ضُلام-: هههههههههههههه يلا انجب شكد ضحكنه جنه عجايز
عمر-: موصوجك العار
ضُلام-: دحج
عمر-: ها
ضُلام-: ونهما ولي
سده بوجهه لتصال متت ضحك عزب عينه شكد صلف وره شوي كام يصوفر كام اسمع خطواته من يمشي وقريب عليه واني مكرفصه بنص لبطانيه سمعته فتح شباج وصوت لعصافير اذني لاطشه يمه واسمعه بكلشي يسوي سمعته ورث جكاره شغل اغنيه واسمعه يغني بصوت عالي ويطك اصبع
يمذبل جفونك خجل يالشفتك مرطوبه
خايف عليك من العب لاتنكسر بطوبه
يمذبل جفونك خجل يالشفتك مرطوبه
خايف عليك من العب لاتنكسر بطوبه
وين صبح مابينت من علمك هذا الصد
تنساني واني جنت اطك سن عله سن من تبرد
اسمعه ويغنيهه بحته وصوته يجنن رفعت راسي من لغطه حجيت
ايڤن-: عزااا صوتك حلو يول
دار وجهه عليه مبتسم حجـه
ضُلام-: ولله؟
ايڤن-: ايي ولله ههههه
ضُلام-: شو من اغني چا كلهه تكول غدي صوتك موحلو
ايڤن-: لا بلعكس حلو ولله حباب غني اغنيه بصوتك
ضُلام-: ترديهه بصـوتي!!
ايڤن-: ايي
جر لكرسي كعد مقابيل شباك لي شمس كلهه داخله بلغرفه وضوه شمس عاكسه على وجهه بيني وبينكم هنا سرسحت بجماله المصكوع ههههه طفه تلفون ورث جكاره ثانيه حجيت
ايڤن-: اهووو تدري حيصير عشر مرات شربت جكاير موزين عليك
ضُلام-: اول مره واحد يخاف عليه
ايڤن-: مو خايفه عليك بس موزيه هواي تكثر شني مشايف
ضُلام-: اذا هلـ عيون لي يجدحن چدامي ميستاهلن ورث جكاره !
دنكت راسي خرب يومه وجهي بوخ سمعته ضحك بخفه حجه
ضُلام-: ديلا عيني هوه كل واحد وكال اخجل خ*** بيك عمر
ايڤن-: هههههههههههههه
ضُلام-: دضحكي شوي خلي اذاني يتعقمن
ايڤن-: اي مو علساس صوتي زليخه
ضُلام-: انتي مو بس صوتج يريح لذان هوه انتِ كلچ راحه لَروحي
بقيت ساكته اباوعله وعيونه عليه مركزات زدات انفاسي من لخجل عكمشت وجهي صحت
ايڤن-: بطلللت ماررريد حنام ولله
ضُلام-: ههههه سكتت يلا عمي نرطبلج بلغاني مو تدلل يابعد روحي
ضحكت تربعت خليت المخده جوه اديه سندت وجهي على اديه اباوعله وشعري كرفش ضيك عيونه ضحك تحمحم كام يدندن ويغني اغنيه هيثم يوسف
اضعف كدامك بس انتَ
واتمالك نفسي بهالسكته
اضعف كدامك بس انتَ
واتمالك نفسي بهالسكته
نظراتك تحرجني وانسى
وين توديني ليا مرسى
ضايع عُمري لكبلك عشته
كل عُمري ضايع انـا عشته
حُبك خله العالم وردي
غير عيونك انـا شعندي
حُبك غيرني وخلاني
حبيتك وحدك بس انتَ
نظراتك تحرجني وانسى
وين توديني ليا مرسى
ضايع عُمري لكبلك عشته
كل عُمري ضايع انـا عشته ...
جنت اسمعله ومبتسمه اباوعله وصوته يجنن من يلحن ويغني تحمحم ضحك حجه
ضُلام-: كافي ولج انكلبت هيثم يوسف هسه اذا يدري بيه عمر كاعد واغنيلج بعلي بعد شيخلصني منه
بدون وعي واني هايمه بصوته حجيت بصوت عبالك وحده نعسانه وبهدوء
ايڤن-: صوووتك
ضيك عيونه حجـه
ضُلام-: شبي!
غمضت عيوني مبتسمه -:: صوتك يعزف بكلبي عزف
صارت هدوء باوعت بوجهه شفته صافن بلع ريكه انتبهت على نفسي عضيت شفتي من لفشله كبل حجيت
ايڤن-: باوووع ولقران هيج كلتهه مدري شلون جفصه ولله جفصه
ضُلام-: هههه عادي حبيبي
ايڤن-: حباب ماسد لبرده اريد انام
ضُلام-: حصير لمغرب لاتنامين موزين
ايڤن-: لازين واريد انطمرر
كام سد لبرده وشباك حجـه
ضُلام-: انطمري طميره
ايڤن-: ديلا اوووكي وطفي ضوه بلا زحمه
ضُلام-: بتكرمي ياخانو
ضحكت طفه ضوه مدد ؏ كريوته كبالي واني داحسه روحي بزاويه لفيت روحي بلغطى كبل غفيت وين يلا حسيت صوته يحاجيني فتحت عيوني حجـه
ضُلام-: كومي ولج دنيه ليل
بنعاس-: عوووفني انام
ضُلام-: لابروووح ابوج كومي ليوم نطبخ سوه
رفعت راسي اله حجيت-: شنطبخ؟؟
ضُلام-: جبت كيلو طماطه وخبز
ايڤن-: وهسه اني شسوي؟
ضُلام-: امشي ساعديني
ايڤن-: تره هيه بس تثرمهه وتشمرهه بطاوه ميحتاجلهه شي
ضُلام-: لااااء اريييدج كبالي
غطيت راسي صحت-:: وللللله ماكووووم
حسيت نفسي نرفعت عن الكاع صحت
-:: ضلااامممم شجاي تسوييي نزللني اختنكت
مردلي نزلني بلكاع وكفت وخرت لغطى عن راسي اني بلمطبخ حجيت
ايڤن-: شكوو جبتني هنااا
ضُلام-: اذا تحركتي اكو بزازين بره وحك علي اشمرج بره واسد عليج لباب
كلبت كذلتي بغرور-:: عادي حياتو علقل اكو باب مخرج اشرد منه واخلص منك
باوعلي بتك عين ومبتسم-:: حبحبي تره احنه بنص لبستان احااا ويطلعلج خنازير وجلاب ولا لا يطلعلج طنطل
كزبر جسمي-:: شنو يعني اكو هيج اشياء بلبساتين
ضُلام-: اي نعم چا شني وحد احنه
ايڤن-: لااء بس لي اعرف انو بس بلغابات اكو هيج شي
ضُلام-: واكو هنا فلايه
هزيت راسي شلت لغطى تمشيت للغرفه عاط فززني
ضُلام-: وييييييين
درت وجهي عليه خزرته-: هيوو شبيك اودي لغطه واجي
ضُلام-: هاا عبـالي تشردين تنامين
ايڤن-: ليش ؏ هذا حجيك لواحد حتى نعسه طارت من عينه
ضُلام-: احسن شي
عفته دخلت للغرفه شمرت لغطى باوعت ؏ شباك تخايلت يفوتلي من شباك ركضت بلمطبخ يمه جان يثرم طماطه وكفت بصفه حجيت
ايڤن-: اكلك
ضُلام-: مم؟
ايڤن-: مشتهيه بيض عيون
ضُلام-:ولج منيلي ابيضلج؟
عكمشت وجهي لعبانه نفسي ضربته على متنه
ايڤن-: غديييي طاااح حضكك
ضُلام-: ههههه چا منيلي بس اكو ديج وچماله مايبيض بس يضرك
ايڤن-: ايييع ههههههههههههههههههه
ضُلام-: شعل طباخ وليدي
باوعت بلكاع يم طاوه ماكو اي جداحه درت وجهي عليه حجيت
ايڤن-: ضلام ماكوو جداحه وينهه؟؟
ضُلام-: تعاي هاي بجيبي طلعيهه
بفهاوه-:: هـا؟
باوع عليه-:: استغفرالله لج بابا بجييييبي مو بلصخام
بكلبي امداني مديت ايدي بجيبه طلعتهه دنكت اشعل طباخ شعلتهه وخليت طاوه عليهه رفعت راسي اله حجيت
ايڤن-: دهن وينه؟؟
ضُلام-: ذاكه وراج
كمت خليت دهن بقيت واكفه يما هوه يروح منا واني وين مايروح لاطشه بي اخر شي بزع وحجه
ضُلام-: بويه شجاج
ايڤن-: خايفه
خله طماطه ؏ طاوه كعد ؏ ركبه باوعلي وحجه
ضُلام-: من شنو
ايڤن-: صدك اكو طنطل باوع ولله اخاف
ضُلام-: لا اشاقه وعيونچ
ايڤن-: اكيـد؟؟؟
ضُلام-: نص الاكيد
سكتت بقه يكلب بيهه رش ملح صارت لاجعه ريحتهه شكت خشمي صحت بجووع
ايڤن-: ااااففف لاجعه
دار وجهه عليه مبتسم-:: تحبيهه؟؟
ايڤن-: اموووت عليهه
ضُلام-: هههههه
فاكه حلكي مبتسمه ستوت طفاهه ركضت شلت صينيه ضحك واخذهه مني خلينه لخبز كعدنه بلكاع تربعت وهوه هم كعدنه ناكل ونسولف شبعت جريت دولكه شربت منهه خليتهه بلكاع مسحت حلكي يباوعلي ويضحك حجيت
ايڤن-: اكو شي بوجهي وتضحك
ضُلام-: اول مره اشوف وحده مسيحيه واصلهه كرديه تشرب بسراحيه ومتربعه احوي
بغرور-: حياتي صح اصلي كرديه ومسيحيه بس اني ابوي عمارجي يعني اني عمارجيه واحجي اشكال لهجات
ضُلام-: زين تحبين الكراد لو لعمارجين
ايڤن-: اكيد ارجع ؏ اصل ابوي احب باوع هناك الاجواء كئيبه بارده وغيم وهاي بسنه حسنه اذا صارت شمس وصيف
ضُلام-: اي صحيح مو اجوائهم شماليه
ايڤن-: ايي
ضُلام-: اني شبعت وانتي؟
ايڤن-: لاشبعت اني كبلك
ضُلام-: خوش
كام شال صينيه لميت لخبز خليته بلعلاكه صار هوه يجلف ويغسل واني اخذ ؏ ايده خلصنه طب جوه ركضت ورا نزع تشيرته اباوع لديه ثلج ركضت خليتهن بضهره نط ودفعني خازرني ضحكت
ضُلام-: وله الخبله مو بارررده اديناتج
ايڤن-: ايي شسويلك ميته بررد
فتحلي اديه-:: تعاي ادفيج بحضني
ايڤن-: اكبر سرسري ولله
غمزلي-:: اعجبج
باوعتله بتك عين كعدت بلفراش اجه بصفي حجه
ضُلام-: امشط شعرچ؟
ايڤن-: اي بس على كيفك لان ياذيني
ضُلام-: خوش
صار وراي مشطهن الي خلص وكف كبالي
ضُلام-: عليج جيبين قوري جاي ولكوب وشكر
ايڤن-: ولله مابيه حيل
ضُلام-: مشكلتج يلا بسع
ايڤن-: موبكيفك
ضُلام-: ولله انا مجاي اخذ رائيج جاي أمرج تكومين تجيبين لقوري وشكر
كمت خازرته رحت ادبج بلكاع وامشي واسمعه يضحك دخلت للمطبخ شايله القوري باوعت من شباك على كيف ماعرف شلمحت نهبطت ركضت شايله القوري دخلا بلغرله تلكاني عطت شمرت لقوري بعيد من لهبطه وهوه مثلي فز صاح
ضُلام-: شبييييج اكو شي وراج يركض شكو؟؟؟
ايڤن-: وانته شكو صرت كبالي زين ماصلختك
ضُلام-: اني جاي اطلع بصاله وانتي جيتي نطيتي بوجهي
ايڤن-: اووووي دوخرر عكرت مزاجي هسه شسصار ويعه
ضُلام-: ايي ام راس زين ماصلختني
ايڤن-: كلشي ماعليك عرج ميطكك
ضُلام-: مال اجي اعض لسانهه
ايڤن-: غددددي
ضُلام-: هههههههههههههه
طلع واني كعدت ؏ كريوته شوي واجه بيده وصله ديمسح جاي لنطش دنك يلم الغراض وداهن ورجع يمسح غير دنك حجيت
ايڤن-: باوع من دنك تمسح مو تكول اخ ضهري
ضُلام-: لا اكول آآخ استغفرالله
ايڤن-: ههههه يما منك
مسحه وراح وره شويه رجع مدد كبالي رفع ايده باوعت على وجهه بملامح مستغربه شبي هذا عاط فززني
ضُلام-: ايييييييييڤن
لزمت كلبي صحت-: وطحيلللل ان شاءلله شبييييك مووتني
ضُلام-: تعاي اكلج
ايڤن-: خير؟؟
ضُلام-: بداعتي تعاي فركيلي ضهري ولعباس يوجعني
ايڤن-: واني شعليه؟؟
ضُلام-: مو وكلتج طماطه لااااجعه
ايڤن-: وهسه شسويلك ازوعهن وانطيهن الك؟
ضُلام-: لا غدي اوووعع
ايڤن-: استغفرالله
ضُلام-: تجيين لو اكوملچ
ايڤن-: ايي يمه خفت
ضُلام-: هااء يعني اسحلج نفس ذيج لمره؟
ايڤن-: لااااء جذب ولله اشاقه
ضُلام-: چا تعاي فركيلي ضهري
ايڤن-: مابيه حيل اكوم تعال مدد كبالي
ضحك اجه يمي نزع تشيرت نام على بطنه كمت مجبوره لان عاذرته خبل جفلني من كال
ضُلام-: هاي عليمن الخبل!!؟؟؟؟؟
رفعت راسي اله جان يباوعلي بتك عين هذا شمدررري؟
ايڤن-: احم موعليك وبعدييين شوكت اني حجيت
ضُلام-: خاف عبالج بس من تحجين اسمعج شتحجين بداخلج اسمع
ايڤن-: ايي مو حسستني هذا قريني
ضُلام-: كلشي توقعي مني حبحبي
بقيت كاعده افركله تعبت كعدت على ضهره حجه
ضُلام-: ااخ يمااا هاي شثكلللج
باوعت على نفسي
-:: وين منيلي السمن تره من خطفتني ضعف؟
-:: اي حقج تعلفين يم ابيج
-:: راح اكتلك
-:: افااااا
مشيت ايدي على شعره حجيت
ايڤن-: اكلك قبل فتره مو شفتك مزين شو هسه ثخنان وحتى من اخلي اصابعي بداخل شعرك يختفن
ضُلام-: رااااح طكنييي عييين
ايڤن-: انجب بس صاير شعري وشعرك نفس الشي
ضُلام-: شني قصدج انا بنيه؟؟؟
ايڤن-: اسسسسكت اشرفلي
بقه مغمض واني ايدي فحطت من كدما افركله وكل شوي اهاي توجعني لا اهاي اخر شي زهكني دنكت عضيته بقوه بضهره عاط بيد وحده شالني وشمرني عطت متوجعه من ضهري هجم عليه صار فوكاي جرني من شعري عطت
ايڤن-: للللك آااييييييييي وخرررر ضلاااام
ضُلام-: شكوو تعضييين مثل جلب ها؟؟
ايڤن-: ايي زهكتنييييي
ضُلام-: هاااااا
ايڤن-: ايييي
عضني من زندي عطت ميته وجع سنونه نبتن بزندي كفشته من شعره وهوه لزمني من شعري صحت
ايڤن-: هدددد شعررري يمعزاااااي
ضُلام-: هدي واهدج
ايڤن-: بلاول انته
ضُلام-: لووووتمووووين
ايڤن-: ضلاااام راح اتقيييييء حباب وخررر
ضُلام-: شنوو
كبل وخر عني عباله صدك واني كمت ارافس بلكاع ميته ضحك شال المخده ضربهه براسي عبالك تاير لزمت راسي اصيح
ايڤن-: اااخ راااسي
ضُلام-: حتى مررره ثانيييه مو تضحكييين عليه العوبه
كمت الهث دورت ماكو مخده وهوه واكف لازمله مخده ركض عليه عطت اضحك طلعت من لغرفه اركض وهوه يركض وراي ركضت بلمطبخ شلت جفجير لزمته باوعت عليه
ايڤن-: ولللله اضربك بيهه
ضُلام-: يلا يلا ضررربي
صرت اضرب بلهوه واضحك وهوه كبالي مخلي لمخده بحضنه ويضحك ضربته بقوه على معصم ايده لزم ايده صاح
ضُلام-: ليااااا بتلللل زفررره
ايڤن-: اسسفه هههههههههههههه
اجه عليه سريع شالني على ضهره صحت
-:: لك وييين مودييييينيي
فتح باب لمطبخ جلبن بركبته صحت-:: لااااااااء امانه
ضُلام-: حتى تأدبين
كعدني ؏ لكرسي اتلفت صوت لجلاب كمت اشرلي
ضُلام-: اذا كمتي اسوي صوت واخلي يهجمن عليج تره
بدموع-:: لييش هيييج تسويي
-:: عقوبه
عافني ودخل جوه ركضت ورا ملحكت كبل قفل لباب ابجي واضرب بلباب باوعت جو حيللل بارد ومبين راح تمطر وصوت لجلاب قريب عليه بجيت اكثر اناشغ واضرب بلباب بقيت اتلفت وعيوني زرزر من مكان لمكان كمت افتر بره وضلمه بس صوت شهكاتي تنسمع صارت تمطر ركضت للباب ابجي ادفع بي صحت
ايڤن-: حباببب افتتتح لبااااااب ولله ماعيدهه
-:: ضلاااام لاتخليييينيي اكرررهك اكثررر
اصيح ابجي ملخت روحي وماكو اي رد منه عفته تمشيت بره حاضنه روحي ولمطر ينزل عليه مسحت خشمي ارجف جو بارررد حيلللل اصك سن بسن شفت شلون صندوك خشبي بطارف لبيت باوعت عليه خاف بي بزونه كعدت بي حضنت روحي اناشغ اباوع بجو ضلمه وبس صوت لمطر بقيت حاضنه روحي حسيت حركه يمي بلعت ريكي زدات دكات كلبي من لخوف فكي صار يرجف وصوت صار يتقرب اكثر عليه فزيت وعطت من شفت ايد خشنه لزمتني صاح
ضُلام-: انييي ولله انييي
صحت بجي-:: لك وخرررر اكررررهك اكررررهك
لمني بحضنه ادفع بي حجه
ضُلام-: كرهيني عادي
ابجي وادفع بي دخل جوه قفل لباب تمشه بيه للغرفه خلاني بلفراش بس نزلني كمت وره ضربته راشدي صحت ببجي
ايڤن-: اكررررهك اكررررهككك
بقه يباوع عليه بملامح جامده بلعت ريكي خفت من رده فعله فاجأني من حضني من راسي انفجرت بلبجي
ضُلام-: الله ياخذني اذا عدتهه مو بقصد وطلعتج بره اسف
ببجي-:: ليشش هيج تخليني اكرهك كلما اكووول بعد مااكرهك
وخر عني لزم وجهي دنك عليه يمسح على خدي حجه
ضُلام-: لاتحبيني خليچ كارهتني
بتسأل-:: ليش؟؟
ضُلام-: اني مادوملج على ياسـاعه اموت انحبس!!
شمدريج انا على ياساعه اختفي من حياتج وللأبد فه ماريدج تحبيني ماريد كلبج ياذيج وبسببي
ايڤن-: لعد ليش مرات تبوسني وتحضني ومرات تشم شعري وايدك تتلمس وجهي وترجف
ضُلام-: هذا گـلبي هيچ بس عقلي يرفض هذا شي
ايڤن-: ليش
ضُلام-: مثل ماكلتج ماتعرفين اني اموت يصير بيه شي اني اعدائي جثيرين وضباط دور بيه واولهم ابوج فه وصيتج ممنوع تحبيني كلما حسيتي كلبج حبني اكرهيني
ايڤن-: نعسانه
ضُلام-: تنامين بحضني؟
هزيت راسي ابتسم مد فراشه قريب عليه تمدد فتحلي ايده اشرلي اجي تمددت بحضنه لف ايده عليه حضنته اكثر طفت لكهرباء حجيت بخوف
ايڤن-: طفتتتت لكهربااااء
ضُلام-: لان جاي تمطر عادي صبح تجي
سكتت وميته برد حجه
ضُلام-: بردانه؟؟
ايڤن-: ايي والله
شغل ضوه تلفونه جاب بطانيه ثانيه طبك بطانيتين غطاني بيهه وجرني لحضنه لفيت ايدي على بطنه دفنت وجهي بصدره باسني براسي بقينه هادئين ثنينه وصوت رعيد المطر دفيت اكثر من خلى بطانيه ثانيه عليه وحاضني بسرعه غفيت ويين يلا حسيت فتحت عيوني جانت لغرفه بيهه نور من كدما ضوه شمس عليهه باوعت على ضُلام نايم وجاعصني بحضنه ابتسمت حركت خشمي بصدره رجعت نمت حسيته يكعد بيه فتحت عيوني جان كاعد على ركبه ولابس اسود بأسود رفعت راسي اله حجيت بتسأل
ايڤن-: هـا وين؟
ضُلام-: ترحين
بتسأل-:: وين اروح
ضُلام-: لهلچ
من كالهه انصدمت كبل طفرت من فراشي من صدمه حجيت واني لحلك راح ينشك من الابتسامه
ايڤن-: يعنييي راح ترجعني لهلي!!!!!
هز راسه مبتسم وملامحه حزينه لزمت وجهه حجيت
ايڤن-: مقهور لان حروح؟
مرد عليه لزم ايدي باس بطنهه خلاهه على خده وهوه عيونه على عيوني حجه
ضُلام-: من توصلين لهلج لاتخلين ابوج يحبسني خليني اكمل الامانه الـ عليه وخل يحبسني جماعتي ماتو بدون ذنب واريد اخذ حكهم يلا انحبس اريد أمن على صكر وعمر ونيلا يلا انحبس اريد اكتل قاسم قبل لا اموت
اسمعله وكلبي يدك حيل نزلت دموعه قرب وجهه على وجهه باسني بشفتي شافني منطيت اي رده فعله رفعني اله وباسني اكثر جلبت بوجهه حرك شفايفه على شفايفي باس خدي ودموعه تنزل حجه بصوت مبحوح ومليان هموم وحزن وكسران وخذلان
ضُلام-: اني وياج مثل البحر وبيهه نقطه اني البحَر وانتِ النقطه
جنن باني احلامي وياج بس عرفت انو من سابع المستحيلات انتي تصيرين من نصيبي فلايتي ريحانتي شمامه كلبي انتِ ياعيون بنيات ضلام انتبهي روحج ياروحَي ماريد كلبچ يحبني لاتحبيني أذيج وحك عيونج لحبهن احبج واحب كلشي بيج ولله من اشوفج فرحانه ومرتاحه ينزاح همي انتِ امي واهلي ماريد عيونج يزعلن لاتحبيني ايڤن
ايڤن-: اسمعله ودموعي تنزل بغزاره احس روحي توجعني مو بس كلبي مسح دموعه باوع بعيوني باس اديه واصابعي واحد وره ثاني شم بطن ايدي ابتعد عني عدل نفسه وحجه
ضُلام-: لبسي صايتج وشال انتظرج بره
كالهه وطلع سد لباب ورا شعور لفرح وحزن لان راح افارقه صح اذاني بس ماكو مثل حنيته ماريد احبه يربي مسحت دموعي نزلن لبست صايتي وخليت شال على راسي لبست حذائي طلعت بصاله ماكو انتبهت لباب مفتوح طلعت بره شفته واكف لابس شفقه وكوت اسود شكبره بوتين اسود لابس حتى شكله مامبين رجال عادي عبالك مثل ضباط ملامحه وصوته لخشن قطع افكاري من دار وجهه عليه زفر دخان جكاره طفاهه بيده تقرب عليه لزم ايدي حجيت
ايڤن-: ضلام بردانه
ضُلام-: لحضه
وكفت بصفه نزع الكوت حجيت
ايڤن-: لااااء ماريده ضل لابسه بارده عليك
ضُلام-: اشش بارده عليج بنيتي
لبسنياهه غطست بيهه شكبرهه نوب بطولي ضحكت كرص خشمي حجه
ضُلام-: تكول مبردانه وخشمهه صار طماطايه
ايڤن-: خما بردان؟
خله ايده بجيوبه ولقميص شوي مفتوح حجه
ضُلام-: اهون من لـ بنار لبصدريَ
سكتت لزم ايدي جعصهه بقينه نمشي درت وجهي عليه حجيت
ايڤن-: شنو نروح مشي على بيتنه؟
ضُلام-: لاهسه راح تجينه سياره
ايڤن-: امم
بقينه نمشي تلكتنه سياره صعدنه بيهه هوه بصدر واني كعدت ورا جان ولد شاب عادي بقه يسوق وثنينهم خانسين بس صوت ضُلام لي كل شوي متأفأف دك تلفونه جاوبه
فززني من عاط بتلفون خلسني
ضُلام-: شنوووووووووو شبيييي صكرررر؟؟؟؟
سد لتصال دار وجهه على لولد صاح
ضُلام-:: وكفهههه
وكف سياره اشرله ينزل نزل لولد نزل هوه صعد هوه يسوق شخط بريك مشه سريع صحت بخوف
ايڤن-: ضلااممم شكووو ليشش عفت لولد
ضُلام-: اشششش
سكتت وهوه فقد يسوق سريع بس كلت بكلبي راح نموت كبل بقيت لازمه كلبي ماعرف وين فر سياره ركع راسي باب سياره عطت من لخرعه من صوت ضرب طلق ورانه عاط
ضُلام-: رااااسسسسسسج نزلللللييي
دنكت لازمه راسي ومفاهمه شي صوت طلق زرف جام سياره واني حاضنه روحي ابجي ساده اذاني وضلام كل شوي يعيط بيه انزل راسي بقه يسوق سريع وكف ماعرف وين صار هدوء فتح باب سياره جرني باديه كمت ابجي مسح دموعي حجيت بخوف
ايڤن-: حباب شكوووو شنو هاي طلق زين ماسياره انفجرت بينه منو هذووول
ضُلام-: اكو غير جماعه قاسم ال*** لكطونه من طلعنه
ايڤن-: هسه احنه وين شو بس شارع فارغ
مسح دموعي اشرلي بيده معناهه اسكتي لزم ايدي عاف سياره ومشينه مشي فتنه بفرع تلكتنه تكسي اشرله يوكف صعدنه بيهه هوه بصدر واني كعدت ورا سندت روحي يم جامه صافنه دموعي على خدي هستوني فرحانه ديرجعني لهلي ساعه ساعه انمحه كلشي مره اكثر من ساعه وكف نزل هوه نزلني ويا باوعت هذا بيت نيلا غمضت عيوني اصبر نفسي لزم ايدي تمشه سريع دخل جوه دك لباب بسرعه فتحته نيلا سلمت عليهه ماحجه شي بس ورا لباب وطلع بقيت واكفه باب لمطبخ اجت هيه حجت وملامحه حزينه
نيلا-: شلونج حبيبتي
ايڤن-: ؏ الله وانتي؟
نيلا-: نص ونص المهم متريكه
ايڤن-: لاحبيبتي مالي نفس لكلشي
نيلا-: براحتج، تعاي ادخلي يمي بصاله
دخلت وياهه بصاله جانت مخليه بنتهه بلكاع كعدت افرك بأديه حجيت
ايڤن-: نيلا شسصاير فهميني بداعت ريحانه
نيلا-: ولله يختي شحجيلج صار فتره صكر مختفي احنه عبالنه راجع يم بيت اهله وشي لخلانه نخاف عليه من تلفونه مقفول وماله اي خبر وأثر شكد راح يروح عمر على بيته بس ضلام كله عوفه براحته هوه يجي زحمه نروح بيت عشاير عاد هوه فهمه ومراحو
ايڤن-: فهمتج بس ليوم صبح ولله جنت فرحانه من كالي امشي اوديج لهلج بسرعه لبست وطلعت شو ساعت الساعه اجا تلفون كام يعيط نزل لولك وهوه ساق بداله وهجمو علينه بلبستان
نيلا-: عزااا خما صارلكم شي؟؟؟
ايڤن-: لا اني جنت مدنكه وهوه يسوق بس خلاهم يضيع بنظرهم
نيلا-: اووف ولله تعبوو واكثرهه ضلام من يوم لنولد هوه ملعلع شكد زوجي منعه منهم بس هوه راكب نفسه يريد ياخذ حك جماعته لماتو
ايڤن-: اي كالي
نيلا-: اني لمخوفني لا يلكون بيتنه وين مكاني اني ويخطفونه
ايڤن-: لا اسم الله بعيد لـشر
بقينه ساكتين اني لفيت روحي بلصايع وهيه كاعده يم بنتهه أمر من كلبي صافنه وتنتظر لخبر مخليه تلفون بيدهه مر يوم مثل سم ما اكلت اي لكمه نفسي مسدوده من لقهر نمت مكعدت غير لنص ليل حسيت ايد تمسح على خدي فتحت عيوني شفت ضلام فزيت رفعت راسي اله حجيت
ايڤن-: ضلااااممم
بتعب-: روحـه
حضني بجيت لزم وجهي حجه بهدوء
ضُلام-: اشش يروحي ليش تبجين
ايڤن-: خايفه ولله خايفه
ضُلام-: ماكوشي ابويه انتِ
سند روحه ؏ لكريوته نومني على صدره حجيت
ايڤن-: شسصار شو من صبح اختفيت
ضُلام-: صكر طلع خاطفي تعبت واني ادور بي
ايڤن-: خطيه بس لا قاسم لي خاطفهه
ضُلام-: چا منو
ايڤن-: ليش اجيت لعد
ضُلام-: اجيت اطمن عليج اطلع
وخرت عنه-: اخذني وياك
ضُلام-: وين؟
ايڤن-: ماعرف بس لاتخليني وحدي هنا
ضُلام-: جؤؤ ضلي هنا يم نيلا علما تفض الصخايم جوعانه؟
ايڤن-: لا
كام لزم ايدي دخلنه للمطبخ كعدني ؏ لكرسي انتبهت ساعه بـ٤ونص لفجر فتح ثلاجه طلع لفه مدري شنو بيهه كعد كبالي
ضُلام-: اكليهه لو بيه لسويلج اكل ولله
ايڤن-: ماريد ولله
ضُلام-: اشش بويه اكلي
انجبرت ماردت اعانده مبين حيل تعبان ومهدود حيله جوه عيونه سود بقه صافن عليه اكلت نصهه شربت مي حجيت
ايڤن-: هاهيه شبعت ولله
ضُلام-: الف عافيه
ايڤن-: تسلم الله يعافيك
كام عدل قميصه حجه
ضُلام-: راح اطلع روحي رجعي نامي فلايتي لاتسوي شي يكسر ضهري تره ولله اخر سماح الچ
ايڤن-: لاولله لا ماسويهه اصلا بعد متنعاد
كرص خدي-: عفيه بريحانتي
راد يطلع رن تلفونه جاوب بس سمعته كال
ضُلام-: خوش
سد لتصال باوع عليه وحجه
-:: لبسي صايتج ولحكيني
-:: شكو؟؟؟
-:: بعدين افهمج بسع يلا
ركضت لبست صايه وشال دنكت لبست حذائي وكف كبالي نزل شال يضم شعري لزم ايدي طلع وقفل لباب ورا مشه بينه مخلي ايده على ضهري ونمشي صعدني بسياره مشه بينه صار الهدوء سيد المكان سئلته
ايڤن-: ضلام شكو ليش اخذتني وياك؟
ضُلام-: هستوه عمر خابرني كال مخلينج براسهم فه عرفت اولهه وآخرهه ياخذوج مني جبتج وياي
ايڤن-: وصگر؟؟
دار وجهه عليه-: شبي!!!
ايڤن-:: ماكو خبر عنه
ببرود-: لا
سكتت وصلنه للبيت بس هذا مو لي جنه كاعدين بي كوخ عبالك نزلنه لزم ايدي يمشي ويتلفت دخلنه جوه جانت بس جربايه خشبيه ام لنفر عليهه غطه ومخده اشرلي انام حجيت
ايڤن-: خايفه شلون انام وبهل وضع
ضُلام-: يمچ انا
تطمنت نمت كعد كبالي لازم ايدي يبوس بيهه فزيت من رن تلفونه مخليهه موسيقى مال رعب جاوبه بسرعه كام على طوله طفه تلفون ايده ترجف جر ايدي صحت
ايڤن-: شبيكك ضلااممم
مردلي بس يركض ولازم ايدي فتنه بين الحشات نركض واني مفاهمه شي جو اضلم وصوت لجلاب بقه يركض واني لازمه ايده يمشي سريع ويهذي بسوالفه مافهمت شيحجي بس من كال
ضُلام-: ربي اخذ روحي ولاتاخذه يارب ميموت
جان كبالنه مخزن صار قريب ركض ركضت وراه اصيح دفر لباب صرخ صرخه حسيت كلبي صار بيدي
ضُلام-: لاااااااا صكرررر لاااااا تموووووت يخووووي
ركضت دخلت جوه حسيت دنيه ضلمت بوجهي من شفت عمر كاعد بلكاع حاضن صكر لي ماينشاف من دمايه ضلام ركض وكع بلكاع يبوس بوجهه ويحاجي ثنينهم حضنو وكعت بلكاع لازمه لباب معقوله معقوله
يربي مات صگر خلص مات !!!!!
يتبع...
لاتنسون التصويت +تعليق ؏ كل فقره لطفاً 💚.
اذا شفت تفاعلكم هواي انشر لبارت باقرب وقت
كلبي ممرود بنات انتو مثلي😔💔
حسابي الانستا هناك نسولف بخصوص روايه
its.zlzala0
#الكاتبه زازا
#ابوضبع 904
دمتم سالمين برعايه الله وحفضه .