منتقم_وغريبه
بقلمي_فاطمه🤎
تصويت ...وتعليق بين الفقرات 🦋
________________________
اذا صوت الغراب يعير الناي
بعد حگه الگصب لو يثلم سيوف
_________________________
اجوان:عضيته بكل قوتي بحيث حسيت سن طبك على سن باوعت عليه دموعي غدرتني و نزلت مركز بيه عيونه تنتقل على عيوني وخر ايده من حلكي شفتي ترجف مانطقت حرف اسحب نفس بقوه صار وجهه بوجهي صرنه نتشارك بالهوى انفاسنه اختلطت
هدوء بس صوت انفاسنه العالي ينسمع همس بهدوء
صائب:هدئتي
اجوان:وخر عني
حجيته وشهكت من البجي
صائب:اشش لاتشهكين هيج
اجوان:دموعي تنزل اباوعله بعد شويه ويطخني وجهي صخن بروده سرت بجسمي أطرافي جمدت توترت من قربنه وكعت عيونه على ركبتي شعري نازل عليها حجيت بتوتر
اجوان:وخر عني
رفع ايده وبطرف اصابيعه مسح دموعي اباوع عليه وهو عيونه تتبع حركه ايده فلتت ايدي من عنده نترت ايده من وجهي دفعته من صدره بكل قوتي مايتحرك
اجوان:هدني
صائب:شفتج ليش ترجف
اجوان:ماشفت ادبسزز مثلك
صائب:اكعدي خل احجي وياج
اجوان:لو تموت
كمت ادفر وارافس برجليه مايتحرك جسمه طاخ جسمي
اجوان:ولللكك هددني
صائب:ماهدج الا تسمعيني
اجوان:راح أصيح والعباس
ماحس غير جر حجايته جر مثل اليغني
صائب:وانته حلفت بالعباس والعباس يشور
اجوان:خاااله وويننج
بسرعه رجع ايده على حلكي وحجه
صائب:اسكتي يالمفضوحه
خازرته وادافع بأيدي بس اريد افلت نفسي
صائب:راح اوخر إذا صيحتي متلومين غير نفسج
اول ماوخر ايده وابتعد جسمه بكل قوتي ضربته راشدي ضل مدنك راسه بالكاع حجيت واني الهث
اجوان:تستاهله
درت وجهي بسرعه اريد اطلع فتحت الباب طكيته ركضه للدرج نزلت الغرفه خالتي لان اخاف منه كلشي يسوي هذا اول مافتحت الباب جانت خالتي كاعده على السجاده بسرعه فزت والتفتت عليه سديت الباب وكعدت على الجربايه باوعتلي مستغربه
ضمائر:شبيج يمه
اجوان:مابيه خاله حلمت حلم مو زين وفزيت
ضمائر:اسم الله خاله كومي شربي مي وجهج مصوفر
اجوان:شربت خاله شربت عوفيني يمج
ضمائر:ضلي يمه براحتج
اجوان:خاله عادي انام يمج اليوم
ضمائر:براحتج يمه نامي
اجوان:شفتي ترجف من الخوف ابلع ريكي اعز برجلي بتوتر واقنع بروحي السويته صح لان تماده كلش اي هاهي ماسويتي غلط لتخافين انتي قويه هسه ينزل يخلي طلقه براسي يربي شسوي لا اني يم خالتي ميسويلي شي خيولي المزنجر شيسويلي ميكدر شحده اسحله بالكاع اهز براسي اقنع بروحي فززتني خالتي من حجت
ضمائر:يمه نامي لتضلين تفكرين مجرد حلم
اجوان:هزيت راسي تمددت وسحبت الغطه عليه مطلعه بس وجهي خالتي كبالي كاعده على السجاده تسبح ضلت فكره تجيبني وفكره توديني لحد ماغفيت
هاجر:فزيت الصبح على صوت الموبايل طفيته وخرت رجل عذراء من بطني وكمت اباوع على مكان اجوان ماكو رحت للحمام اتأكد ماموجوده نزلت جوه يم امي لكيته بالمطبخ اباوعله مستغربه حجيت بسرعه
_يمه اجوان ماهي بمكانه
ضمائر:نايمه بغرفتي شبيج
هاجر:حسيت مي بارد نزل على كلبي كعدت يمه ابتسمت وصبحت عليه ضحكت على سوالفي شويه ونزل صائب صبح علينه وراح للصاله ضلينه كاعدين بالمطبخ اخذت الجاي وديته اله ورجعت يم امي
اجوان:احس ملمس ايد اطخ بشره خدي تتحرك بحركات دائريه درت وجهي بضجر من استوعبت بسرعه طفرت اباوع بالغرفه اتذكرت البارحه بلعت ريكي بخوف وخرت الغطه عني وكمت لبست حجابي فتحت الباب رفعت اديه مغطت نفسي وتثاوبت فتحت عيوني انصدمت بي كاعد كبالي حاط رجليه على الميز الاكباله الجكاره بأيده وأيده الثانيه رافع الكوب مال الجاي يشرب ويباوعلي عدلت وكفتي بسرعه ومشيت للحمام صخام الصخمني يبوو يالفشله وكتج الا تثاوبين وتفتحين حلكج متره ونص يبوو على حظج يااجوان دومه مصخم كملت وطلعت بعده كاعد بالصاله داير ظهره عليه ويباوع على التلفزيون طبيت للمطبخ لكيت خالتي وهاجر ولمياء ورضاب كاعدات صبحت عليهن وكعدت بصف خالتي
اجوان:خاله ليش ماكعدتيني
ضمائر:ماهونت اكعدج لان مانايمه زين البارحه
اجوان:دخلن عمتي وميسم شلون اثنين اموت عليهن
سهام:اليوم مسوين جمعه من الصبح خيرجن
لمياء:انتي خيرج من الصبح شبيج
ميسم:شدعوه شكالت هسه
اجوان:مشتهيات كتله من الصبح
ميسم:عفوا
اجوان:اكول عدلي حلكج من تحجين
ميسم:احترمي نفسج حيوانه
اجوان:راح اشوفج الحيوانه شتسوي
هاجر:طفرت اجوان عليه تريد تلزمه بسرعه لزمته امي تمنعه وذيج ختلت وره سهام تعد وتصف
ميسم:همج حيوانه مامتربايه ساقطه
اجوان:هسه اعلمج الساقطه شتسوي ادللي
هاجر:سهام سحبت ميسم وطلعت امي لزمت اجوان كعدته كوه كامت تنافخ تريد تكوم
هاجر:شبيج من الصبح تعاركين
اجوان:ماسمعتيهن شكالن
ضمائر:شعليج بيهن خل يكولن اسكتي عنهن
اجوان:الله المن انطاني السان حتى اسكت
صائب:لا انطاه بي فوائد ثانيه
هاجر:دخل صائب يفر بيده السويج بس شافته اجوان كام واحد يخازر الثاني
ضمائر:يمه وين رايح
صائب:ساعه وارجع أخذ البنات للمدرسه ماتأخر
اجوان:طلع يفر بالسويج استغربت وضعه شو كلشي ماسوه يلا بعد احسن خاف ضاملياه لا شضام شنو عدنه ثار احنه عقلي افتر من التفكير صعدنه فوك نحضر نفسنه للدوام عذراء مريضه وصخونه متتحرك
اجت خالتي شافته كالت عوفنه وروحن مداوم اليوم
كملنه وطلعنه لكيناه موكف سيارته بالباب صعدت هاجر كدام واني وره والله لوما المدرسه فلا اصعد وياه حرك السياره شويه وشغل اغنيه لقيس هشام وكام يدندن وياه ويدك بأصابعه على الستيرن من يوصل لهذا المقطع يكوم يغني وياه
-شمسويلك كل يوم مسهرني بليلي
وانت بسابع نومه بليلك
بيش ادعيلك
ياربي يخليك تحبني
وتسهر مثلي وينهد حيلك
تتفنن ليش بتعذيبي
وليش براسي تزيد شيبي
ياابن الناس ارحمني دخيلك
دخيلك
درت وجهي على الجامه كاعده على اعصابي الطريق صار شطوله واخيرا وصلنه استونه اريد افتح الباب حجه
صائب:ديربالج هاجر على نفسج اكو ناس مستجلبه هلايام
اجوان:حجيت بكلبي والله ماكو مستجلب غيرك عفته يسولف وي هاجر و نزلت سديت الباب بكل قوتي خزرته و درت وجهي
ومشيت فوك شينه مكوي عينه الحقير اول ماطبيت الصف لكيت نبراس بده الدوام عادي سولفتلي على ايات لان مرات تمر عليهم و تروح تشوفهم العرفته احمد منطيهم مده حتى يتعرفون ويتعودون واحد على الثاني
اجوان:شتتعود اذا هو بكد أبوه
نبراس:اشش ولج صوتج شبيج
اجوان:لاتسكتيني حيوانه
نبراس:انجبي يلا مو سولفتلج على ايات سولفيلي على الصكوك الكاعده يمهم
اجوان:ياصكوك شبيج
نبراس:الذاك اليوم شفتهم
اجوان:ذاك صادق ابن خالتهم والثاني فضل ابن عمهم ماكاعدين يمهم
نبراس:الله هيج وربي يستجيب دعوه امي
اجوان:شنو دعوه امج
نبراس:تدعيلي احقق امنياتي
اجوان:وانتي امنياتج ذني
نبراس:احلى واجمل امنيات
اجوان:اذا تموتين اوزع بثوابج حلوين
نبراس: اسم الله عليه خل ازوج يلا اموت
أجوان:طاحظج
خلص الدوام طلعنه شفنه سياره صادق من بعيد ندستني نبراس
نبراس:اجه زوجي
اجوان:اجت امج ذيج تباوعلج
عافتنه وراحت احنه همات صعدنه سلمت هاجر عليه
صادق:اليوم عشانه يمكم
هاجر:هلا بيكم
صادق:غصبا عليج وعلى اخوج العار
هاجر:اخوي شعلي
صادق:لوما عار ماعرفته
اجوان:اكثر شي صح سمعته
صادق:شوفي مو بس اني اكول هيج
باوعلي بالجامه الكدام وحجه
صادق :مو صح خويه
اجوان:صح الصح
هاجر:اجوان شبيج
صادق:معليج انتي احجي خويه واني بضهرج اريد اشوف ياهو اليفك حلكه
اجوان:علساس خايفه هسه اني
صادق:والله والنعم
وصلنه للبيت نزلنه دخل السياره للكراج دخلت جوه لكيتهن مخبوصات يحضرن صعدت بوجهي للغرفه لكيت عذراء نايمه بدلت وغسلت ونزلت احضر وياهن ابن رضا بس يبجي كالت خالتي أخذي طلعي بره بلكت يسكت واني شلون احب الجهال أخذته من ايده يريدني اشيله شيشيلك يمعود امري لله شلته طلعته بالحديقه كعدته على المرجوحه لاف اديه على ركبتي كوه وخرتهن اباوعله يشهك بالبجي
اجوان:شبيك حبيبي ليش تبجي شوف شوف ذيج البزونه
بواجيه بيه ومتزيد كمت اصفك واضحك مثل الثوله بس اريده يسكن هسه اني شجابني على هاي الشغله
اجوان:كافي حباب اسكت شوف شوف هسه نروح نشتري جبس تروح للمحل نجيب
مستمر بالبجي يباوعلي ودموعه تنزل هسه شسويله يربي شلته اهز بي عسا وان يسكت حسيت بخطوات ورايه درت وجهي شفته اجه بأتجاهي وصل يمي اخذه من عندي وهذا مجلب من راد يسحب ايده طخت ايده بصدري ابتعدت ليوره شاله ورفعه ليفوك ايضحكه يشمره بالهوه شو هذا سكت وكام يضحك فرحان يفتح اديه منا ومنا واني صار ساعه اسكت بي ميسكت كعده على المرجوحه وكف كباله يحجي وياه
صائب:منو وياك
مسلم:خاله كتلتني
يحجي ويأشر عليه فتحت عيني بصدمه
اجوان:ايا كلب ولك منو صار ساعه يتوسل بيك حتى تسكت والجبس والبزونه وين راحن
مسلم:شوف عمو تصيح عليه
صائب:ليش تصيحين عليه
اجوان:وانته صدكته
صائب:لعد قابل اصدكج واجذبه
اجوان:جذاب هذا
صائب:طفل ميعرف يجذب
اجوان:لعد اني الاجذب
صائب:انتي طفله
اجوان:اي
حجيت وعضيت شفتي على الجفصه
اجوان:لا مو طفله بس هو جذاب
صائب:شلون بله جذاب
اجوان:خالتي كالتلي سكتي جبته واجيت هنا أتوسل بي يسكت
صائب:صدك عمو ؟
مسلم:لا جذابه صيحت عليه
اجوان:أنته الجذاب حيوان لاتكلي جذابه
مسلم:شوف عمو
صائب:هاي كدامي وهيج تصيحين عليه وراي شتسوين
اجوان:والعباس مامسويه ليش يجذب
اباوعله ابتسم دنك وعض شفته رفع راسه وحجه
صائب:اجذب عيوني واصدكج
اجوان:اي
صائب:شلج بيه هاي
اجوان:احجي منفعله ماحس غير صادق وكف يمنه
صادق:شكو شبيكم
اجوان:هذا الطفل جذاب يتبلى عليه
صادق:ليش
مسلم:تصيح عليه
اجوان:اسمع يكلي تصيحين عليه
صادق:ليش تجذب
صائب:مامجذب مصيحه عليه شنو غايته يجذب
اجوان:يلا صيحت عليه شتريد تسوي تكتلني
صائب:لا ماضربج
مسلم:عمو اني اضربه
صادق:انجب ماتكتله
صائب:أنته هم جلدك يحكك
صادق:من زمان
صائب:تدلل بس بعدين هسه خل نشوف مسلم
اجوان:مد ايدك اذا أنته رجال
مسلم:اني رجال
اجوان:خوش مد ايدك وشوف
مسلم:عمو تسمعه
اجوان:اتقرب عليه شاوره بأذنه طفر بسرعه سحب ايدي وعضني بكل قوته حسيت اللحم انشلع من ايدي اسحب ايدي مفرفحه عيوني غوركت كوه اتملصت منه عافني وشرد اسمع بس صوت ضحكاته شعلوه امسح بأيدي انطبعت اسنونه عليه حسيته صخنت باوعت عليه والدمعه بطرف بعيني
اجوان:ليش هيج
صائب:اطلبج
اجوان:درت وجهي عفتهم ومشيت طبيت جوه وين يطير الزمه الزمه صاحتلي خالتي اساعده شويه واجت النسوان طبن سلمن سلمت عليهن ماعرفهن كعدت يمهن خالتي وكفت بباب المطبخ اباوعلهن سحبت هاجر اسأله
هاجر:هاي خالتي البصف امي والبصفه حماته وذنيج البنات بنات خالتي زمرد ونرجس
اجوان:انتبهن علينه ابتسمن سحبتني هاجر كعدنه يمهن شويه. وبدو ينقلون الاكل كمنه وياهن الزلم بالاستقبال والنسوان بالصاله صعدت اكل لعذراء ونزلت كعدت يم هاجر كملنه وبدت هاجر توزع بالجاي كعدت بصفه أجن البنات نسولف مبينات هادئات وحتى سوالفهن بصوت ناصي حجت امهن
نهاد:منو هاي البنيه ضمائر ماعرفتينه عليه
ضمائر:بت اخو سهام
اجوان:ندستني هاجر اكوم اسلم هسه مو مساع سلمت كلساع هيه كمت سلمت وكعدت بصف خالتي
نهاد:هلا حبيبيه هلا بيج
اجوان:الله يسلمج خاله
باوعت على عمتي بس تخوزر بيه ميسم اطك بعلجه خزرته والتفتت عليهن ضلينه نسولف شويه وراحو صعدنه للغرفه حتى خالتي ويانه نشوف عذراء
اكله ماكله منه شويه ومغطيه راسه ونايمه كعدت أمه متقبل تكعد اتلمست حرارته شويه احسن عافتنه ونزلت تمددت تعبانه هاجر نزلت وي خالتي فتحت موبايلي راسلت نبراس شويه وسديته قفلته ونمت
هاجر:صعدت لكيتهن نايمات اني هم تمددت انام ماكعدت غير الصبح على صوت عذراء
هاجر:شبيج
عذراء:جوعانه جيبيلي ريوك
هاجر:اكو واحد هيج يصيح
عذراء:صار ساعه أصيح شنو ميته
هاجر:متنزلين تأكلين منو لازمج
عذراء:بعدني مريضه ماكدر اكوم
اجوان:فزيت على صوتهن طلعت غسلت ورجعت عذراء متمدده وتكلب بالموبايل
اجوان:كومي ليش نايمه
عذراء:بعده جسمي نحلان
اجوان:كومي حتى تصيرين زينه شلون تصيرين زينه اذا نايمه ومتمدده
عذراء:لا على العلاج اصير زينه
اجوان:كومي سبحي لعد
كامت بتملل طلعت ملابس وراحت للحمام عفته ونزلت جوه صبحت على خالتي رحت للمطبخ مرت رضا وهاجر وميسم بالمطبخ صبحت عليهن بس هاجر جاوبت رحت يمه
اجوان:هاي شعجب كاعده من الصبح
هاجر:علمي علمج مادري اني هم اتفاجأت
اجوان:الله يكثرلنه من هيج مفاجات
سوت ريوك وتحضر تروح منا وتجي منا مستعجله
كملت حطتهن بصينيه واخذتهن للصاله هاجر هم اخذت صينيه وراحت لعذراء رحت وراه للصاله اباوع الميسم حطت الصينيه وحلكه يضحك طلعت خالتي من غرفته باوعتله وحجت
ميسم:صباح الخير خاله تعاي تريكي
ضمائر:صباح النور يمه تريكت
ميسم:خاله صائب وين خل يجي يتريك
ضمائر:صائب تريك الفجر وطلع
اجوان:عبست وجهه وكعدت على القنفه حطيت ايدي على حلكي ضامه ضحكتي يعني هاي التحضيرات علمود صائب وانضربت بوري
نزلت هاجر باوعتله مستغربه
هاجر:ها شكو شو طنكرت
اجوان:هههه ولج طلعت هاي التحضيرات لااخوج
هاجر:والله عرفته
اجوان:ههههه وانضربت بوري
هاجر:ليش
اجوان:اخوج طالع من الصبح
هاجر:حييل
اجوان:باوعتلنه وكامت خزرتنه وراحت واحنه ميتات ضحك عليه شويه ونزلت عمتي اجت يمنه تحجي بنتر
سهام:منو محاجي ميسم
ضمائر:محد محاجيه
سهام:لعد ليش صعدت تبجي
اجوان: هههه سوت ريوك وخربت مخططاته
سهام:وليش تضحكين
اجوان:يعجبني
سهام:دايحه ماعليج عتب
اجوان:طالعه عليج
سهام:ادبسزز وساقطه بت الشووارع
ضمائر:سهام تشفي الشر وروحي
اجوان:دارت وجهه خازرتني عافتنه وصعدت باوعت على خالتي هزتلي راسه عود ميخالف اني هم سكتت
كملنه وصعدنه فوك نحضر للدوام كوه قنعنا عذراء تروح ويانه لبسنه وكملنه نزلنه جوه منتظرين صادق ماحس غير هاجر جابت موبايلي واجت تركض
هاجر:نبراس تريدج
اجوان:اخذته منه مستغربه فتحت المايك وحجيت
_الوو نبراس
نبراس:الحكي اجوان اياات انتحررت
يتبع🦋
باجر بارت تعويض أن شاء الله والتأخير صار بسبب ظروف حبايب
احبكم🤎