بًسِمً آلَلَهّ آلَرحًمًنِ آلَرحًيَمً ꧂
»»»»»»»»»»»»»»»»»»
آنٌتُقَآمِـ_ آلوهہج✨
بقلم ايات 🤎
»»»»»»»»»»»»»»»»»»»»»
:گوة شَايل روحِي بيّدي
وُخاف مَن روحِي أطيح
هَنا كِلهن يوجعَني
مَنين مِا تلزَمني أصيح
وهِذا مَو گلبي اليدگ بضلوعِي
گلبي مَيت وأنتهىٰ مَوضوعي
أنتَو الدِنيا عليّ وهموُمها
أنتَ شايّف عِين تبچي بنومهَا 🖤.
««««««««««««««««««««««««««
واكفه جاي امشي المعامله باوعت للسماء بدت تضلم مشيت وكفت عالرصيف اشرت على ابو التكسي جان چبير بالعمر مديت راسي وحجيت ،
- عمو تروح لمنطقه........
- اي بنيتي صعدي
هزيت راسي صعدت شويه وصلني انطيته الفلوس وحجيت
- شكرأ عمو
رحت بدون مااسمع جوابه وصلت للباب دكيته شويه وفتحته اليه وحجت بقلق
سنار:- ليش تأخرتي ترى قلقتيني .
حجيت واني انزع الحذاء
- مو شغلج ! وبلأ هالسئله هاي .
عفتها ومشيت نزعت اللثام وكعدت ؏ القنفه حجيت
- خما اجه احد ؟ احد دخل للبيت .
سنار:- لا محد اجه بس خاله ازهار .
- ترانيم وين .
سنار:- بالغرفه كاعده تقره .
هزيت راسي ودخلت للغرفه نزعت ملابسي ودخلت اسبح طلعت وتمددت عالسرير حطيت اديني وره راسي واني اتذكر كلشي صار ويانه.
«نرجع الي الماضي»
رجعت من الجامعه وتلكتني ابتسامهُ امي الحنينه رحت بستها من راسها وگالت
- هلا بنيتي حبيبتي .
- هلا يمه .
نزعت الحذاء ودخلت وحجيت
- لعد البنات وين .
- نايمات سوده عليه تعبانات من القرايه حطن راسهن ونامن
هزيت راسي حجت
- بنيتي اصبلج غده جوعانه .
- لا يمه والله ماكله بالطريق مااشتهي .
- بكيفج يمه .
رحت دخلت للغرفه شفتهن نايمات بستهن ورحت تمددت على سريري ، كعدت على ندهات فتحت عيوني شفتها سنار تحجي والابتسامه شاگه حلگها
سنار:- اكعدي بابه اجه .
كعدت وهزيت راسي عافتني وراحت رحت غسلت وطلعت شفته واكف بالصاله بطوله وزيه الاسود وحاضن ترانيم تقدمت وبست راسه وحجيت ،
- الله يساعدك يابه
جاوبني ببتسامه حنينه وحضني
بدر:- ويساعدج بنيتي،
باسني من راسي واني مبتسمه كعد ومبين على وجه التعب شويه وراح يبدل كمنا حضرنا العشاء وي امي ، لان صارت دنيا المغرب وبابا جوعان كملنا كلشي وكعدنه نتعشاء وابتسامت ابويه مافارگتنه ، لوره العشاء لملمنه وكعدنه بصف بابا حجت ترانيم
ترانيم:- بابا انتَ ليش ماتخلف النه ولد مو احسن
ضحك ابويه وامي كفختها على راسها بخفه وحجت
غاده :- انوب كامت دور جاهل هوه انتِ جاهل .
ترانيم:- اووي هاي شبيج ماما غير نريد جاهل نلعب علي شنو هاي
ضحك ابويه وجاوب :
بدر:- شكو بيها ، خلفيلها وليد تلعب علي .
غاده :- انتو هم بطرانين علي ، بتالي عمري هسه تردوني اخلف والله مدري شلونكم انتو .
ترانيم:- ليش ماما هاي مو ام اسراء شكبرها شكدها وهسه حامل بالشهر الثامن شنو هيه احسن منج .
غاده:- هاي هيه دور جهال ، احنا مانريد اهواي . خوب انتي جاهل ونلعب عليج
وكفت ترانيم معترضه وحجت متخوصره
ترانيم:- يمه والله عيب عليج شوفيني شكدني شكبرني ودكليلي جاهل ترى عمري صار 17 سنه مايصير هيج وربي
ضحكو كلهم وامي شبكتها وحجت
غاده:- غير جاي اشاقيج يابنيتي ، شوفي ترى اذا حبلت وجبت ولد بعد مانريدج نگوم نحبه اكثر منج .
هزت ايدها وحجت بسرعه
ترانيم:- لالا مازال صار هيج الموضوع ماريده خلي يولي
سنار:- لعد وين توه اريد جاهل العب علي واريد جاهل .
ترانيم:- هاي جنت مااعرف الحقيقه هسه عرفتها .
ضحك ابويه عليها وحجه :
بدر:- بنياتي شلونجن بالدراسه .
ترانيم:- اني الخامس لعب بيه لعب خلاني مااندل دربي
بدر:- ليش بنيتي .
ترانيم:- بابا صعبب اهواي .
بدر:- لا بنيتي ماكو شي صعب اذا تشدين حيلج وتدرسين زين راح يصير اسهل .
هزت راسها موافقه حجت سنار
سنار:- اني مشيه نفسي وي السادس صحيح صعب بس اني كدها
بدر:- عفيه بنيتي هيج اريدج ، شفتي بابا ترانيم اريدج مثل خواتج قويه .
هزت راسها وجه السؤال الي حجه
بدر:- ونتِ بنيتي وهج شلونج بالكليه خما صعبه .
رفعت راسي وگلت بشموخ
- الي يحط بباله شغله ماتصعب علي .
هز راسه وحجه
بدر:- عفيه ببنياتي هيج اريدجن .
باوعتلي ترانيم وحجت
ترانيم:- بابا هاي ليش وهج عيونها زرگ واحنا لا
ضحك ابويه وحجه
بدر:- وهج طالعه على جدها ، جدها جان عيونه ملونه .
ترانيم:- صدكك اويي جدجوج الصاگ
ضحك وضربها على راسها بخفه وحجه
بدر:- عيب بنيتي ، جدج ميت مايصير تحجين علي
ترانيم:- اني ماحاجيه شي بس كلت جدجوج الصاگ
ضحكو وحجت ترانيم
ترانيم:- بابا انته ليش اشتريت بيت ثاني احنا مو عدنا هاذا
بدر:- بنيتي كلشي يصير اذا الله اخذ امانته ورحت
:- اسم الله عليك بابا
بدر:- الموت حق للبشر ، عمامجن يجوز يهجرونجن او يطردوجن من البيت
سنار:- هالگد گلبهم مابي رحمه
بدر:- ي بنيتي لاتثقين بالبشر لان بعض البشر مو راحه ، شوفيني اني شلون خواني ومااثق بيهم لان شنو اعرف نواياهم زين ، ف لهسبب اني اشتريت بيت ثاني
ترانيم:-زين ليش ماتريد عمامي يدرون بي
بدر:-مااريد يعرفون لان اذا عرفو راح يفتحون موضوع الورث مااعرف شنو وبالاخير ياخذون البيت
ترانيم:- عوذه تدري بابا كرهت خوانك
ضحك ابويه وكرصها من خدها وحجه
بدر:-ولج انتي شلون بيج تحجين على خواني
ترانيم:- اوي هستوك دكول خواني مابيهم امان
بدر:- ميخالف بنيتي مهما يگون هما خواني واذا تغلطين عليهم اكيد جتفي يدخن عليهم
ضلينا نسولف ونضحك لحدما ابويه گال
بدر:- بنياتي اني رايح انام لان اليوم تعبان فد مره .
:- براحتك يابه
راح ابويه واحنا طفينه الاضويه والشاشه ودخلت للغرفه وهنه كعدن على سريرهن ويگلبن بالتيلفون حجيت واني انفض فراشي ،
- كافي تيلفونات نامن وراجن دوام .
ترانيم:- بسس دقيقه دقيقه انطينه .
- ماكو ولا ثانيه يلا بسرعه نامن
سنار:- شني هاي خلينا كاعدين شويه
- حضرتجن عايفات الدراسه وكاعدات عالتيلفون
ترانيم:- ترى احنا قرينا من العصر بس انتي جنتي نايمه وماشفتينه
باوعتلهن بطرف عيني وحجيت
- واضح ، صدكتجن .
سنار:- ماصدكين لاصدكين احنا حجينه بعد .
- اني شجاااييي احجييي
اباوعلهن فزن وشمرن التيلفونات تغطيت وحجيت
- اله بعين الحمره يلا تجن .
كامن ينفضن بالفراش ويخنزرن بيه عطت بيهن
- عيونجججنن .
اندحسن بالفراش وماسمعت ولا نفس منهن تغطيت ونمت ، گعدت الصبح وامي دگعد بينه
غاده:- يلا بنياتي كافي نوم اكعدن.
غطت راسها ترانيم وحجت
ترانيم:- يمههه بس شويه انام شويه.
غاده:- ماكو ولا شويه كومن ماما مو راح يجينا خطار
كمزت سنار وحجت
سنار:- منو يجي يمه .
غاده:- بيت عمامج راح يجون .
ترانيم:- اهوووو هم هذوله الغثه شكو عازمتهم
غاده:- اني شعليه يا مامه غير ابوج عزمهم ، كل مره هوه يروحلهم هالمره گال اني اعزمهم .
كامن يتأففن كمت عدلت فراشي وكعدنه نتريك كملت ورحت نضفت البيت كملنه ورحت اساعد امي بالطبخ
غاده:- بنيتي ماتطلعيلي خبز من المجمده .
هزيت راسي فتحت المجمده وحجيت
- جم گرصه اطلع
غاده:- طلعي عشر گرص .
- شدعوه يمه .
غاده:- يمه مو همه اهواي تدرين بيهم.
هزيت راسي طلعتهن وحطيتهن عالمجمده لبين مايموعن كملنه كلشي لل12 ودگ الباب راحت امي فتحته اثاري هم اجو وهذني ترانيم وسنار يگمزن،
بالغرفه مايردن يسلمن عفتهن ورحت سلمت من وره خشمي وهنه بمدهن ياگلني جدو عنده ثلاث ولد ابويه وعمو جبار وعمو سامر وكلمن عنده حيايات مو نسوان.
وعمو جبار عنده ثلاث بنات ياسمين ووجدان واطياف والولد اسمه عمر وهمات جبير البنات هم بال 17 وب16 عمرهن وعمو سامر عنده ولد ثنين زغار وبنيه اسمها زينب،
رحت اساعد امي بالغده اجني كعدن بالمطبخ يمنا وينصفن ويطگطن بسامير
جيهان:- شلونج عيني ام وهج شخبارج
غاده:- هلا بيج ام زينب عيني .
حجت وهيه تباوعلي
ريهام:- بنتج ماتساعدج بشي .
غاده:- هوه اني كلشي ماعندي حتى البيت نضيف ماريد الهيهن اهم شي دراستهن .
ريهام:- ياا ماتشتغلج ، لعد اني بنتي الله يحفضها اليه شايلتلي البيت شيل النهار كله تنضف
حجيت واني اطفي الطباخ
- ي هوه الزين خليها تشتغل حتى من تتزوج ماتنفصح .
ريهام:- ونتي شوكت ناويه تتعلمين ترى عمرج راح يصير ٢٥ سنه.
باوعت بغرور وحجيت
- حريه شخصيه لاتدخلين بشي مايخصج .
جيهان:- ياحريه غير تعنسين وتضلين بركبت اهلج بعد منو ياخذج
ضحكت بستهزاء
- واني ضاله على گلبج شنو
ريهام:- لا حبيبتي مو قصدها شي جاي تنصحج
- انصحن بناتچن بالاول ، بعدين تعالن انصحني وحتى لو تنصحني ف ماراح اسمع نصيحتجن
باوعلي بخنزره انتبهت على امي تكرص ايدي عود اسكتي سكتت عنهن صبينه الغده وكعدنه نتغده وعمامي هم اجو كملنه غسلنا المواعين وكعدنه نشرب جاي وهنا يباوعلي بطرف عينهن ،
اباوع سنار وترانيم ماكو حتى خواتي ماطايقاتهن للعصر يلا راحو وسنار تغمهم من وره ضحكت صفح على سوالفها گعدنه نتعصر بالحديقه فرشنا وگعدنه
ترانيم:- باباتيي
بدر:- ها بنيتي
ترانيم:- بابا شنو هاي والله ضوجه ليش ماتخذنه لمدينه الالعاب ونفتر وبالسوگ بختصار نفر المحافضه كلها
ضحك ابويه من كل كلبه وحجه
- هههههه تدللين بنيتي ، شتردين يجرالج
حضنته وحجت
ترانيم:- اوووي باباا شحبكك دقيقه ابدل واجي
راحت تبدل التفت النا ابويه وحجه
بدر:- ها بابا انتو ترحون لا
سنار:- ي اروح اني
باوعلي وينتضر الجواب كمت وحجيت
- لا اني مااروح ، عندي قرايه مااكدر اطلع
هز راسه موافق وحجه
بدر:- هاي هيه بنيتي
كام وراح واني رحت بالغرفه اباوعلهن كامن يحتارن شيلبسن اجتي ترانيم علي وشايله ملابس حجت
ترانيم:- وهج شدكولين هاذا حلو علي
باوعتلها بقرف وحجيت
- شنو هاذا هوه
باوعتلي صفح وحجت
ترانيم:- مو صوجج صوجي اني ، اصلان انتي ماعندج ذوق
خنزرتها وهيه تجاهلتني وراحت حطيت الكتب وبديت اكتب واخطط، مرن يومين بين الكليه والبيت واهواي تعبت بس مااتراجع عن قراري لازم مااتستسلم عن طموحي،
بيوم جنت بالكليه اراجع فجأه ڪلبي احسه حيطلع من صدري مااعرف شنو هاذا الشعور كمت وكفت باوعت عالساعه الي بيدي الساعه ب11 ونص لزمت مكان ڪلبي افرك بي احس النفس ضايگ بيه احس جاي اخسر ناس غالين عليه مشيت بخطوات اشبه بالركض
طلعت من الڪليه كلها ضليت امشي جمدت بمكاني واطرافي رعشت من المنضر الي جاي اشوفه وكعن كتبي واطشرن بالگاع تمشيت ببطئ واني اشوف بيتنا وهوه يحترگ فتحت عيوني بصدمه صرت مااسمع اي شي صار صوت ناس يصيحون بس اني وين اني عيني عالبيت الي صار فحم وناس تصايح فزيت من صفنتي واني اشوف خواتي وهنه يصرخن بصوت عالي ويركضن ركضت وحضنتهن لصدري وهنا مفرفحات واني عيني على بيتنا.....
يتبع...... 🦋
_________________________
🤍🤍
.
.
.
.
.
.
..