هلو حبايبي
***
لم اعد انا لقد اصاب قلبي ذلك البرود الذي كان يخيفني
***
_ صرخة باألم متناسيا روحها والي داخل هل قصر
وكانها تحاول تتقبل هل خيبه الي تلقتها وكانها تعاقب نفسها لانها تلقت بوهم تحاول تتخلص من الكبت الي داخله صعب تلقي الخيبات واحده تلو الأخرى وتبقى صامده
اندك الباب عليها وصوت هدى واضح عليها الخوف
من سمعت صوت صرخة حور مثل الحلم لانو كانت نايمه باوعت النفسها وفتحت عيونها بنفاذ صبر
كامت كفت دموعها وكفت كدام المرايا رتبت وجها
وابتسمت بالم تحاول تكون قويه وصلت للباب
فتحته وهي تباوع بتسائل وكان شيئ لم يكن
حور ،، نعم
هدى ،، حور شبيج خير ليش صرختي
حور ،، اسفه بس شفت فأره وفقدت
هدى ،، اوف حور والله وكعتي قلبي اجيب الج ريوك
لو تنزلين
حور ،، بس قهوة حضريها هسه انزل اخذها وياي
اريد اتمشئ شوي بالمزرعه
هدى ،، ماشي عيوني
_ طلعت هدى وهي رجعت وكفت كدام المرايا رجعت لوضعها السابق صارت تبجي بصمت
هيه مو غبيه تعرف تميم مراح يخليها هنا لو تنطبق السماء ؏ الارض بالاخر هو ابن ناس متحفضه
صح انطاها مجال بس راح يمل بيوم وياخذها غصب
عليها وقتها كرامتها المعتزه بيها ينمسح بيها الارض
_ توجهة ؏ الحمام غسلت وبلدت ملابسها جنز ازرق مع هودي اسود لفت شعرها لبست بوت مقبط برجلها
لانو برد اخذت شال ثخين خلته ؏ كتفها ونزلت
للمطلخ الكل كاعد كان واضح عليها الانزعاج
سلمت وفاتت ماحجة ويه احد عينها ؏ سلمان
اخذت الكوب وطلعت كام لحكها بالاخر هاذ شغله
انتبهت عليه بس ماصدت ولا حجة وصلت للسطبل
كعدت تباوع ؏ الخيول عينها ؏ شهب تحبها بشكل
مو طبيعي فجاة ابتسمت وحجة كانها مغيبه عن الواقع
حور ،، صار لازم تتغلبين ؏ خوفج حور صار لازم تواجهين مخاوفج كلها حتئ تكدرين تعيشين بسلام
كافي هروب صار عمرج ثلاثه وثلاثين سنه متى راح
تستقلين متى هاا
_ ابتسمت وكامت وكفت خلت الكوب ؏ السياج
وتوجهة ؏ السايس هو وقف بااحترام حجة وياه
بس عينها ؏ شهب
حور ،، جهزلي شهب
_ باوعلها مستغرب وهز راسه رجعت كعدت
تباوع عليه شلون خلالها السرج وهي تتحرك كانها فرحانه لانو راح تطلع سلمان واكف بالباب مادخل
لانو ابد ممتوقع ممكن حور تجرا وتركب خيل
ربع ساعه خلص الولد وطلع شهب قربها من حور
ابتسمت قلبها نبض بقوة اخر مرة ركبت خيل
كان بعطله صيفيه بتركيا هي وعمار قبل لا يدخلون
السادس اخذهم دكتور كريم عطله حتئ يستعدون
للسادس مكانت وحدها كان عمار ماسك لجام
الخيل وهي تضحك بفرح لكن اليوم صار لازم
تتحدئ مخاوفها
اخذت الجام وتقربت من شهب مسدت ؏ وجها
وباستها وحجة بهمس
حور ،، ساعديني شهب اني مثلج وحيدة وخايفه
ساعديني اتجاوز مخاوفي
_ ابتعدت عنها مسكت السرج وطفرت ثواني
وكانت فوق ضهر شهب الي صارت تصهل وكانها
خايفه ؏ حور من المجهول اخذت نفس عميق وارخت جسمها عدلت نفسها لزمت سرج
بصورة صحيحه اول خطوتين شهكت بخوف بعدها
ابتسمت توجهة للباب وهي طالعه باوعت ؏ سلمان
الي وجها بهت تجاهلته وفاتت تمثل القوة لكن
داخلها يرتعش
سلمان ،، حور اوكفي خلي اكودها الج
حور ،، مااريد
_ تقرب عليها حتئ يمسك لجام لكن حور سحبته
وكانها تنطي امر الشهب بالانطلاق صارت تهرول
وسلمان وكف حاير شيسوي وهي ابتعدت
طلع جهازة واتصل ؏ تميم مايكدر يتحمل هل مسؤليه اذا صار عليها شيئ هو الي يتحاسب
سلمان ،، الوو شيخ
تميم ،، نعم سلمان
سلمان ،، شيخ ام فهد
تميم ،، خير شبيها احجي
سلمان ،، ؏ الخيل اخذت وحدة وطلعت ماكدرت امنعها
تميم ،، خلي تتمشئ
سلمان ،، اخاف تفقد سيطرة وتكع
_ هنا تميم بهت لونه كان متوقع كايداتها وتتمشئ وياها مو متطيتها يعرف حور تخاف شلون
جرأة وركبت خيل ماعرف شنو يحجي اخر شيئ
كال بصوت غاضب وهو جاز ؏ اسنانه
تميم ،، اتركها راقبها من بعيد سلمان من ترجع بلغني
سلمان ،، تمام شيخ
_ سد تلفون وراح اكو تله قريبه صعد كعد فوقها
وضل يباوع ؏ حور الي كانت تهرول بالخيل
_ حور خسارة عمري الي راح مكنت اضن انو التغلب
؏ اكبر مخاوفي بهل بساطه مجرد طلعت من الاسطبل وركضة بيه شهب خمس دقائق تبخر خوفي
وصرت ارغب بالسرعه اريدها تسرع لانو الوضع
ممتع جدا ربع ساعه صرت اتصرف طبيعي
وكاني كل عمري خياله صح عندي فكرة واسعه عن الخيل من حبي الهم بس انك تجرب شيئ تعرفه
وضع مختلف تماما ضليت ساعتين افتر لحد ماحسيت شهب تعبت رجعت كانت هدئ واقفه يم سلمان صارت تصور بيه ابتسمت الها بحب
وكفت انطيها وضعيات تصور سلمان يباوعلنا بغموض
تذكرت كلامه من يكول احبها واريدها
مااعرف ليش حسيت نسمت فرح لامست روحي
يمكن لانو هدى هي كل اهلي من عرفتها لليوم
ابد ابد مخذلتني بالعكس كانت ام واخت وصديقه
وفيه بمعنئ الكلمة وصلت الباب الاسطبل حاولت
انزل مكدرت باوعت ؏ هدى صافنه علي كتلها
حور ،، مااكدر انزل
_ ضحكت بصوت خزرتها بهل اثناء تقرب سلمان
باوعتله بحزن مااعرف ليش مشاعري اتجاه هل انسان متخبطه احس ناحيته بعدم الامان وبنفس
الوقت من اشوفه ارتاح مد ايده الي وكال
سلمان ،، لا تخافين تعالي
_ صفنت ؏ ايده ثواني ورجع حجة انطيته
ايدي لزمها بقوه ذبيت كل حملي عليه نزلت بعد معانات لانو شهب متوكف بس تفتر نزلت واجه الولد
اخذ الفرس دخلها اجتي هدئ تركض علي
هدى ،، يم يم قلبي راح يتوقف راح ادزهم للشيخ
خل اشوف شيكول
_ ابتسمت الها وباوعت ؏ سلمان شلون عيونه
تريد تحضنها كتلها
حور ،، هدى سلمان طلبج من شيخ يريدج اذا الج
نيه اكعدو واحجو بالموضوع انا راجعه ؏ البيت
_ اباوع عليهم هم الثنين مصدومين اولا سلمان
ماحجة لا الي ولا للشيخ وهدى همات ابدا محجة الي لذلك كان لازم انا الي افتح الهم هل باب
تركتهم ورجعت وهم واقفين يباعون ورايه
عند هدى
_ مجرد ابتعدت حور حجة سلمان بدون وعي
سلمان ،، اليوم وضعها معاجبني ابدا
هدى ،، ولا اني
_ هنا سلمان انتبه ؏ هدى ابتسم وحجة
سلمان ،، صدك شكلتي تقبلين تزوجيني فستوقه
هدى ،، تفاجاة
_ باوعلها ورفع حاجبه وهي صفنت كانها تذكرت شيئ حجة وهي مثبته عينها بعيونه بعد مكعد
؏ الحائط
هدى ،، عداي خطبني قبل فتره
_ من حجة هيج سلمان ابتسم بخيبة امل وصد
عنها يباوع بلا هدف وهو مازال راسم الابتسامه ؏ وجها الي تحول ملامحه للحزن فجاة ردت كالت
هدى ،، بس اني موافقة
_ صد عليها وهو يباوعلها بتركيز اذا رفضة شيخ
راح توافق عليه بداخله الامل تبخر بس سئل من داعي الفضول مو اكثر كال الها
سلمان ،، صار شيئ بينكم
هدئ ،، مثل شنو يعني
سلمان ،، يعني لمسك قرب عليج
هدئ ،، لا والله بس مره تخربطة يم نهر وداني للبيت
ماعداها بس يحجي كم مره حاجاني
سلمان ،، وليش رفضتي قابل تلكين احسن منه
_ ابتسمت وباوعتله وجها ورد ردت عليه بصوت هادئ في الخجل
هدى ،، اي فعلا لكيت الي احسن منه
_ باوعلها بوجه ممتعض سكتت تباوعله رد كال
سلمان ،، افهم من كلامج اكو شخص ببالج
هدى ،، اي شخص وقح مايستحي بس قلبي حبه
سلمان ،، خوش الله يوفقج
_ تركته ورجعت وهي راسمه ابتسامه رقيقه ؏ وجها وشيئ بداخلها يرفض الي تفكر بي لكن
خلص اخذت قرارها
عند حور
_ وصلت للقصر كان فهد يلعب مع جوري تقربت
عليه كعدت يمه بوسته وصارت تلعب وياه عشر دقائق وكامت صعدت ؏ غرفتها غسلت وبدلت
ونزلت كعدت بالحديقه جو يجنن ربيع بهل اثناء
فتحت موبايلها باوعت ثلاث مكالمات فائته تميم
اتصلت علي بسرعه رد
حور ،، هلاو
تميم ،، هلا يروحي ليش هيج تخوفيني عليج
حور ،، ليش
تميم ،، صايرة خياله بوياا شلج غرض بالخيل
حور ،، تميم الخميس تجي
تميم ،، بوياا اشتاكيتي ليا من هسه صبح عفتج
حور ،، اي اشتاكيت الك واريد الخميس يجي بسرعه
تميم ،، ليش ماتجين انتي
_ اني مااكدر اجي
تميم ،، تمام براحتج
_ قفلت الجهاز من تميم ورجعت اتصلت ؏ عمر
عمر ،، اهلا دكتوره
حور ،، اهلا بيك عمر باوع بما انو فشلت خطه باء والخطه ألف جهز الي خطه جيم
عمر ،، حور متاكده
حور ،، خلص عمر اخذت قراري
عمر ،، تمام راح اجهز الاوراق الازمه بس متاكده راح يوقعها ماادري ليش خايف عليج
حور ،، لا تخاف علي احس هيه يلا صحيت ؏ نفسي
عمر ،، ماشي بخصوص الحمايه
حور ،، اريد مراة ورجال بعقد خمس سنوات حمل شركة
كافت المسؤلية
عمر ،، تمام بس ليش بنت
حور ،، لانو هدئ راح تروح هي تبقئ وياي
عمر ،، تمام شوكت ترديهم
حور ،، الخميس باليل ابعثلك الموقع فورا يباشرون عملهم
بس هاا اتفق مع شركة انو في استثناء و في حالات يعني
راح يرعون هل اتفاق لحد نهاية العرض ادفع الهم
عمر ،، حور راح تفلسين
حور ،، لا تهتم للفلوس راجعه ؏ شغلي بالمستشفى والعيادة
عمر ،، راح تفتحين العيادة
حور ،، ان شاء الله رتب لهل موضوع قانونيا
عمر ،، تمام شوكت تباشرين بالشغل بالمستشفى
حور ،، الاسبوع الجاي
عمر ،، الله يكتب الي بي الخير
حور ،، راح اتفق مع شركة ديكور حتئ ينظمون العيادة
والافتتاح يكون بعد شهر
عمر ،، تمام
_ قفلت جهاز من عمر واخذت نفس قوي وحجة بهمس
مع نفسها لا تتراجعين صيري قوية كبرتي نضجتي هدئ تزوج فهد يكبر ويرجع لاهله وانتي تضلين مجرد ادات
بايد تميم من يحتاجك يجي يريح نفسه ويروح هاذا هو تعبير عن الحب بنظرة مثل مكال
مو رجال اذا اخذتج كل مااجيت هنا وبرضاتج
يعني اكيد مراح اكدر امنعه لو اكدر كان مقبلت اساسا
لكن بعد الي راح يصير مراح يكدر يوصلي اكيد
مضت خمسة ايام واجه تميم للمزرعه
_ استقبلته حور باابتسمامه استغربها بس حاول يعبرها
_ حور اباوعله وبداخلي اكول لا تضعفين حور لا تضعفين
واذا حلو وشخصيه انتي هم مو قليله مافي الحياة
تكفخ بيج احفظي ماتبقئ من كرامتج
تقرب عليها حضنها وحجه بصوت يذوب القلب
تميم ،، شلونها مهرتي
_ ابتسمت بحزن وهزت راسها مااستغرب متعود ؏ هل
حاله اخذ ايدها ودخل استغرب الهدوء لكن ماعلق كان كل همه يرتوي منها كان مشتاق الها بجنون
حور ،، العشئ جاهز
_ باوعلها بلع ريك وحجة بصوت هامس عيونه ناعسه
مشخصها ؏ شفايفها الورديه الامعه
تميم ،، انا اريدج الج مااريد شيئ ثاني حور
_ ابتسمت وتقربت عليه حضنته حيل رفعت رجليها صارت
بمستوئ باسته ؏ شفته هنا هو استغرب لكن وضعه
مايسمح يفكر بشيئ اخذ شفايفها راح يقبلها بنهم
بعدها سحبها ؏ غرفتهم وهي من داخلها تحترق
تميم ،، يارويحتي عطشان ارويني
_ ابتسمت ببرود وصارت تبادله القبله محست ؏ نفسها
الئ من ابتعد منها وهو يسحبها الصدره غمضت عيونها
وهي تفكر شنو راح تكون ردت فعله اذا عرف بقرارها
شراح يسوي نامت بدون متحس وهو حاضنها ؏ صدرة
لحد اصبح كعدت تباوعله كاعد مقابيل الشباك بكامل اناقته
كوب القهوة باايدة كامت اتجهة ؏ الحمام غسلت وطلعت
لبست ملابسها رتبت شكلها وهو يباوعلها بااهتمام لكن تفاجاة من حجة وهاذ كان من جانبها لان كانت محتارة
شلون تفتح الموضوع وهو يحجي كتبت رساله ودزتها
العمر محتوها
حور ،، 📤 خلي يجون فورا يباشرون بعملهم مثل مااتفقنئ
_ كتبتها وقفلت الجهاز باوعتله رجع عاد كلامه
تميم ،، حور راح ترجعين وياي اليومسز
حور ،، مراح ارجع انا هنا مرتاحه
_ باوعلها بغضب واضح حاول يسيطر عليه ورد
تميم ،، بس انا مامرتاح تعرفين ينشلع كلبي من اروح
وارجع وهم بالي عدكم مااكدر اعرف اهلي وشغلي وكل
اسبوع اجي هين انه اريدج يمي كدام عيني
حور ،، مااكدر ارجع تميم
تميم ،، راح اسئلج سؤال واحد جاوبي عليه بصراحه
حور لا تخافين الج الامان
_ بلعت ريكها بخوف وهزت راسها تقرب عليها شوي وحجه
تميم ،، انتي وافقتي ترجعيلي مجبوره يعني خوف من عندي لو اعتزاز بيه كوني زوجك
_ بلعت ريكها ورفعت راسها باوعتله عيونها تكحلو بالحمرا
صوتها رجف وهي تحجي
حور ،، مجبرة انت مخليت كدامي اي فرصه
_ باوعلها بتعجب بس محجة ردت حجة
حور ،، انت قوي وعندك ضهر قوي انا بنت وحيدة كنت مجبورة اوافق لان مااعرف شنو ممكن تكون ردت فعلك
اذا كتلك اني مااريدك بعد الي صار
_ انصدم بردها كام وكف يفتر يحاول يهدئ اعصابه
رجع باوعلها وحجة
تميم ،، شنو تردي حور
_ باوعتله وعيونها مغوركه حجة بصوت يرجف
حور ،، تتركني بحال سبيلي جربت اكون زوجة مناسبة الك
لكن مكدرت صدكني مكدرت
تميم ،، يعني تطلقين
حور ،، اي
_ كان الخوف واضح ؏ ملامحها وهاذ الي قطع قلبه
اكثر من طلبها بالانفصال كانت خايفه منه وهو الي
كان مفكر انو هو امانها ابتسم بحزن وهز راسه كعد لزم
راسه وحجة بصوت مبحوح
تميم ،، هل شيئ راح يكلفج كثير حور
_ بلعت ريكها وباوعتله تعرف شنو يقصد لذلك حست نفسها
ضاق حجة بصوت يرجف
حور ،، فهد من حقه يرجع ويكبر بين اهله وناسه مو من حقي احرمة واحبسه هنا وياي مااكدر اكون انانيه لهل درجة
_ ابتسم بااستهزاء ورد عليها عيونه صارت حمر
تميم ،، لا تحجين بالانانيه لان انتي تجاوزتيها من زمان
فهد راح يرجع وياي وسلمان كذلك
حور ،، وهدئ هم
تميم ،، فهد مو محتاجها
حور ،، سلمان يحب هدئ وطلب يزوجها وهي موافقه
_ ابتسم بااستهزاء وحجة
تميم ،، چا خوش
حور ،، فهد يحب هدئ ومعتز بيها خليها قربه من فهد
راح تهتم في مااريد منك غير بس هل شغله
تميم ،، تمام حور مراح احجي ولا احاول لان تعبت
واني اقنع بيج حاولت وياج بكل طرق وانتي رفضتي
يمكن لان مريض و مااخلف وانتي من حقج يكون عندج
اطفال وعائله
_ بسرعه حجة
حور ،، لا لا ابدا والله مفكرة هيج ابدا
_ تقرب عليها كز ؏ اسنانه وحجة
تميم ،، چا شفكرتي تضلين دايحه ؏ حل شعرج
موو نجوم السماء اقرب الج حتئ اذا طلقتج عيني راح تبقئ عليج لشوف تاليها وين تصفئ وياج
حور ،، تمام
_ تركها واتجه للباب اخذت نفس لكن صوته فززها
وقف قرب الباب وحجة بصوت حاد
تميم ،، انتي خلص طلعتي من عيني حور لو تصيرين
هوئ مااشمج بعد روحي يبنت الناس عيشي حياتج
بس دوم عيوني عليج مفهوم
_ سكتت محجة وهو طلع
_ قبل يوم
_ كانت حور تجهز لكل شيئ حتئ تواجه تميم كانت متوقعه انو راح يهد الدنيا فوق راسها وياخذ فهد ويطلع لذلك حسبت حسابها بعد الغدا طلبت هدئ ؏ المكتب
ثواني ودخلت كامت حور سوت كوبين قهوة الها والهدئ
والي كانت مستغربه من هدوء حور كعدت مقابيلها باوعالها
بهدوء وحجة بصوت مبحوح
حور ،، صحتج حتئ اعرف فكرتي بعرض سلمان يعني
راح توافقي
هدئ ،، انتي شنو رئيك
حور ،، هههه انا لو عندي راي مكان شفتيني كدامك بهل لحضه المهم هاي حياتج وانتي كبرتي هدئ صح شكلك طفولي وحلوة لكن للعمر حساب بعد سن الاربعين مراح
تكدرين تصيرين ام و للامانه سلمان خوش ولد والاهم يحبج وانا اعرف حبه الج حقيقي جربي تكوني عائله
لا تخسري هل فرصه ربما هاذ عوض رب العالمين الج
هدئ ،، ماادري اخاف نفترق واني مااكدر اعوفج ابدا
حور ،، بالعكس اذا وافقتي ؏ سلمان راح يكون من صالحي
هدئ ،، ليش وشلون
حور ،، اني قررت انفصل عن تميم مااكدر اكمل وياه
هدئ ،، وسبب
حور ،، هل شيئ خاص حتئ هو مايعرف سبب
المهم اذا انفصلنا راح ياخذ فهد مني برضاي او غصب عني
لذلك اذا انتي وافقتي ؏ سلمان راح ترحين ويافهد
راح اطمن عليه لان انتي تحبي اكثر مني اكيد راح تعتنين
بي مثل هسه واكثر
هدئ ،، وانتي منو يعتني بيج
حور ،، اني ادبر نفسي لا تخافين علي راح نبقئ ؏ تواصل
دائما وهمات ارتاح اذا شفتك بيتك وزوجك
هدئ ،، مراح اقبل مااريد ازوج واذا متعاجزه مني اروح
منا ارجع المستشفى
_ كامت حور وكفت لزمة راسها باادين اثنين وصارت تروح وترجع وهي تحاول تمسك اعصابها ماتريد تغلط بحق هدئ او تسمعها كلام يغثها حجة بصوت مخنوك وهي تباوعلها بنظرة تقطع القلب اول مرة تشوفها هدئ بهل ضعف
حور ،، اترجاك هدئ اترجاك لا تعاندين لا ضيعين مستقبلك
بسببي انا وحدة منحوسه اجيب الحظ السيئ وين مااروح
شوفي الي صار التميم كله بسببي انضرب من حبيته
وبعدها اصبح عاجز رجع تحسن بس تزوجته رجع تمرض
وحاليا خايفه عليه اكثر ولج خايفه حتئ احبه حتئ صرت
اخاف ؏ فهد من حبي اله اترجاك روحي هدئ
روحي عيشي حياتك وعد وعد راح اكون بخير مراح احزن
ولا راح ابجي وعد راح اشتغل واطلع واسافر
راح اغير نمط حياتي كله
هدئ ،، تمام تمام اهدئي
_ قربت حور منها حضنتها وهدئ تبجي بعدها كعدن باوعتلها وحجة
حور ،، حضري جنطك وجنط فهد لانو تميم مراح يسكت
اذا سمع كلامي اكيد راح ياخذ فهد ويطلع حتئ يحرك قلبي
هدئ ،، ماشي واني وين اروح
حور ،، راح ترحين ويافهد هناك راح تزوجون انتي و سلمان
بيبي حجيله راح تهتم بيج هي تحبج ابد لا تهتمين
هدئ ،، تمام بس اريد وعد تحضرين عرسي
حور ،، تمام راح احظر روحي حضري امورج
هدئ ،، شكرا حور
حور ،، ؏ شنو
هدئ ،، فتحي الي بيتج وصرتي الي كل اهلي جنت قبلج
كم سنه واني مااعرف غير شغل وبفضلج راح اتروج
شخص مثل سلمان
حور ،، اذا نفتح هيج موضوع مراح نكدر نقفله بالمختصر
احساس متبادل صدقيني لذلك انسئ وعيشي حياتك
وانتبهي ؏ سلمان لا تخسري ابدا
_ طلعت هدئ وحور كعدت ساعات وهي صافنه
_ الحاضر
لزمت راسها بين اديها وهي تحاول تسيطر ؏ اعصبها مامتندمه ابدا بس بنفس الوقت مو مرتاحه
كامت وكفت رتبت نفسها ونزلت وراه كان كاعد بصاله من شافها احتدت نضراته اشر الها تروح لعنده تقربت كعدت
مقابيله باوعلها بغضب وحجة
تميم ،، اذا ضامج الضيم خابريني محد يعرف اني عندج هسه اهلي حسبالهم لسه نحن مطلقين لذلك لا تترددين اذا احجتي الي واذا ردتي تشوفين فهد تندلين البيت
حور ،، تمام
_ باوعتله بنظرة بيها الف معنئ تلافاها وابتسم بستهزاء فرك وجها ورجع صد عليها حجة من بين اسنونه
تميم ،، اذا هاي خطتج من الاول ليش البارحة ماحجيتي
ليش جنتي بحضني مثل الملاك
_ باوعتله بنظرة مطوله بعدها حجة
حور ،، لانك لحد هسه زوجي من توقع ؏ اوراق طلاق
ينتهي كل شيئ بينا
تميم ،، ههه من اجيب سيد واجي اطلقك ذاك الوكت
تنتهي
حور ،، بالنسبة الي من توقع ينتهي كل شيئ من رخصتك شيخ
_ كامت وكفت تريد تروح لكن من حجة هيج حيل استفزته
صارت تعامله برسمية سحبها من ايدها وكعت بحضنه فتحت عيونها ؏ وسعهن لانو هم بصاله لزمها من حنكها حيل وحجة بعصبيه
تميم ،، لا تحجين وياي بهل اسلوب حتئ اعاملج بالمثل
_ ضهرة شبح ابتسامه ؏ شفايفها وهي تباوعله بعيون ذابله
وكانها تذكرة بالي دايسوي حاليا رخه ايده عنها بلع ريكة
هي تحركت تريد تبتعد وهو كان يباوع الها وكانو يحاول
يحفظ شكلها لحد ماحجة بصوت هامس ذوب قلبه
حور ،، تميم رجائا
_ تركها كامت وكفت رجعت شعرها ورئ اذنها وباوعتله بعتب نظراته كامت نارية محجة شيئ انسحبت توجهة لغرفة فهد وهو ضل كاعد مستوى تغرب وضعها شلون تخلة عن فهد بهل بساطه متاكد تحبه وتخاف علي مثل عيونها ليش تركته معقوله حتئ مايهددها بي وهو كذلك كانت متاكدة راح يهددها بفهد اذا ماترحع ياه ياخذ فهد منها
لذلك انطته فهد قبل لا يوصل لهل مرحله
دخلت يم هدئ كانت كاعده فهد بحضنها اخذته بوسته وكعدته بحضنها محجة شيئ بس تباوع الفهد لحد ماندك الباب قلبها خفق بشده من اقترب موعد رحيلهم دخل سلمان اخذ جنط وطلع نظرته فيها عتب وحزن تركتهم وطلعت توجهة ؏ غرفتها
_ تميم من طلع شاف ولد وبنت واكفين ابتسم بااستهزاء وباوع ؏ سلمان الي هز راسه بمعنئ مااعرف كان واضح عليهم ماهيت عملهم لكن بشكل عام طمن قلبه من شافها اخذت احتياطها
_ هدئ كل طريق اخاف اتنفس شيخ كان بارود رجعنا للقصر وصلنا للديرة العصر قبل المغرب حسيت روحي مخنوكه وغريبه رغم فهد بحضني
و سلمان وياي بس روحي دور عليها
***
مااكدر انزل بارت طويل لذلك سويته احزاء
يتبع جزء ثاني للبارت الاخير اليله
قرأءة ممتعه احبتي 🖤 تصويت لطفا
حسابي انستا jnaaldaudie.1