"قَلبُ المُعَنَّى مِن خَيَالِكَ مَأ خَلاَ
وَالنَّومُ بَعدَكَ يَا حَبيبِي ما حَلاَ
فأنَأ الَّذِي بِهُيَامِهِ وَغَرَامِهِ
أهوَاكَ يَا قَمَراً عَلى رَأسِ المَلاَ
لَمَّا رَآنِي فِي هَوَاهُ مُتَيَّماً
عَرفَ الحَبِيبُ مَقَامَهُ فَتَدَلَّلاَ"
.
.
.
.
.
.
.
قرأء ممتعه
---------------
سامر : مر يوم ومالگينه لارا ..
::- الليل كلو مانمت .. وين اخذهاا وينن ..
سامر : دورت البتاوين ؟
::- نعم دورنه كل زوايه بس يعرف مياخذها لـ هناك.
لن مره اخذها ..
سامر : بيت جدها شگالو ؟
::- بيبتها كلساعه تخابر وخالها سرمد يدور ..
سامر : شنو هاي المصبيه ياربيي !
::- الگاهاا الگاها لو تصير جوه الگاع ..
سامر : روح نام أرتاح من البارحه منايم ..
::- شلون أنام ويغفالي چفن وماسمع اخبار عن لارا ..
سامر : أن شاء الله خير .
الساعه 6 الفجر وادور واسئل وماخلينه نص بغداد مادورانها القلق والتفكير بـ لارا ميروح .
لحد الساعه 8 واحنه ندور بعدين رجعنه للمركز .
طبينه للمكتب اني وسامر ..
.
::- راح اتخبلل وللهه !
سامر : حالي حالك .
واحنه جاي نسولف طب علينه شرطي .
- سيدي نفتحح جهاز حيدر ..
ستونه ردنه نحجي ورن جهاز سامر ..
سامر : حيدر يتصل
::- جـاوب وافتح سبيكر .
سامر : الو
مريم : الوو ساعدونه
::- صوت بنيه !!
سامر : منو انتِ ؟
مريم : اني مريم صديقه لارا حيدر خاطفنه حبابين انقذونه لارا تصرخ حبابين نقذونه ..
سامر : وين أنتم وين ؟
مريم : مادري بس مكان مهجور وماكو اي جام
- سيدي حددنه الموقع موجودين ****
سامر : هيه جايين
::- لارا سمعتها دتصيح اهخ ياگلبي ..
سامر : ايهاب حنلگاهم يلا خلي نروح .
::- خلي نروح ..
*********
- الشهـر السادس سنه 2020 .
- اوفف ماما ولله اختنگت شوكت يخلص هل مرض
- أن شاء الله يعدي على خير غفران
غفران : تعبنه من الحجر الصحي
- يخلص ويصير سولف بس لازم ندير بالنه على روحنه
غفران : ماصدگنا نخلص من مصيبه المظاهرات وشگد ناس راحت .. يجينه مرض كورونا ..
- هاهيي غفران اني حروح اشوفن اخوچ
اخخ من سامرر حيموتني
غفران : شبي ؟
- يريد يرجع الـ بغداد للشغل
غفران : شلون من على ساس مسدوده الطرق
- چا يمه سامر يعرف سيطرات المهم ماخلينه يروح
وهذا اجهه
سامر : يا ستار شكو ؟
- أنت إلى متى تضل تلوع بچبدي
سامر : ليش يمهه شنهي سويت
- شلون تگول ارجع الـ بغداد وهذا مرض كورونا
سامر : يااا هاذا اني گلت ارجع ؟
- لك لاتچذب
سامر : شنهي يايمه همه يردوني
واني غير حلبس كمامتين وچفوف واجيب وياي كومه معقمات
- مو گلبي يلچمني عليك غير
سامر : چا يايمه همه العراقين كلهم هيج
والباقي بيد الله
- شوكت تريد تروح ؟
سامر : باچر أن شاء الله .. صالي ايام مطالع للشغل
- خوش يايمه دربالك على نفسك ودائما عقم نفسك
سامر : خوش ..
من بعد مااكلنه ونظفت البيت رحت صعدت الـ غرفتي .
كعدت أتمل نفسي واحجي بيني وبين نفسي.
شبـسرعه مرت الايام ؟
من چنه بـغداد ولارا ..
اشو الايام رجعت بس هاي المره غير .
دون حيدر وسامر اغلب وقته بـ الشغل .
امي هواي هواي عانت من حيدر خاصتن بـ فراگه .
ولحد الان تذكره وتعاتبه ..
اخذت نفس واذكرت امير .. ماريد أنكر مشاعري أكثر من هيج وقت بعد ..
امير اختفى بـ التدريب ومايگدر يتصل حسب كلام لارا ..
اشتاقيت إله هواي ومادري حالياً خلص تدريب أو لا .
الي اعرفه گالت لارا بين شهر السادس والسابع يخلص
واني گاعد بـ چربايتي وصافنه على الحايط .
مادري بـ شنو افكر أو مافكر .
سمعت جهازي يرن اتعاجزت اگوم اجيبه بس بعدين
جبته ..
وتوسعت عيوني وشمرت الجهاز على الچربايه من الصدمه !
- اميرر لاا مستحيلل يتصللل ! هاذا امير ؟
اتصلل هسه ولچ يغبره ردي عليه .
ضليت اخذ شهيق وزفير واخفي ابتسامتي الي مفـارقتني .
غفران : الو
امير : غفران ..
غفران : امير ؟
امير : اي شلونج ؟
غفران : زينه وين چنت مختفي ..
امير : تدريب وحاليا خلصنه .
غفران : خلصتو ؟
امير : اي .. غفران
غفران : ها
امير : باچر جايكم ..
غفران : هلا بيك بس ليش ؟
امير : جاي اخطبچ .. احبج غفران .
*********
- اباوع من الشباك ونسمات الهواء الباردة تجي على
وجهي ومغضمه عيوني .
حسيت ايدين تحضني من وره وابتسمت بـ تعب .
درت وجهي .
لارا : ايهـاب .
::- قلبو وعيونو لايهـاب .
لارا : ليش مانمت ..
::- شلون اگدر انام وافارگ عيونچ .
لارا : امم .
::- لارا يعيونو لايهـاب شوكت جروحچ تطيب ..
مرن 5 اشهـر .
لارا : تعدي جروحي بس حيبقن أثر .
::- مستعد احمي كل الآثار .
لارا : من اعاين لـ عيونك انسه همومي .
أنت بس احميني من شرهم.
::- ابقى حاميچ لآخر يوم بـ عمري .
لارا : اذوني لچمو روحي غذبوها جرحوهاا .
::- يصيرلچ ايهاب دوه ويدواي هاي الجروح .
لارا : چبيره جروحي وهمومي واضحك لخاطرك .
::- اضحكي الخاطر روحچ .. لنه روحچ صارت روحي.
لارا : ياچويات گلبي الي ماضن يبردن .
::- اگابل عيونچ الحلوه واعاين عليهن.
وكل اليوجعچ يوجعني .
اذا تنجرحين انه انجرح وياچ .
شنو يلچمج يلچمني ياروحو الايهاب ..
ابتسمت وگعدني على الچربايه وگعد بـ صفي .
باوعت عليه ومديت ايدي اتلمس وجهه.
لارا : ليش ماصارو مثلك حبـوني .
::- لايحبوچ عدچ ايهاب يحبج بس .
لارا : ردت بس ابويه يحبني ..
::- أنا ابوچ الي يحبج الي يسندچ .
لارا : أحلا أب واحلا انسان شفته بـ حياتي .
طبع بـوسه بخدي وضل يتلمس بـ وجهي .
ويبعد خصلات شعري المتناثره على وجهي لـي وره اذني .
::- وجهج شاحب حيل هدوئچ هاي الأشهر
عذبني .
لارا : شكلي هادى بس بـ داخلي معارك .
::- ونگدر نفوز بـ هاي المعارك ..
لارا : افوز اذا تحميني ومتعوفني وحدي ..
::- ماعوفچ وحدج بنياتي ..
باوعتله دون اجابه وأحس عيوني مگدر افتحهن .
هدوئي صار صديقي وابتعدت عن العالم بـ هاي الأشهر حابسه نفـسي بـ الغرفه طفت روحي ويحاول ايهاب يضويها .
ابتعدت عن شي اسمه بشر وعالم ..
بس ايهاب الي اقبل احچي وياه .
حاوط اديه بخدودي وحضنته وبادلني الحضن ونيمني على الچرابايه
وغطاني وطبع بوسات متفرقة على وجهي
وطلع ..
*****
الماضي شهر " يناير "
- لاااااا مريمممم جريتهااا الصدري احضن بيها .
ملابسي اتلطخن بـ الدم اصرخ بـ صوت عالي .
دموعي الي تنزل مامستوعبه الي صار ..
مريم تموت بين ايدي واحضن جثتها الهامده .
وخرتها وگمت وگفت على حيلي امشي نفس المخبله
بـ أنحاء الغـرفه ..
رحت بـ تجاهه حيدر ضليت اكمش بـ التيشيرت مالته
واحجي وجسمي يرجف وحيالي رايح .
لارا : حباببب انقذهاا حتموت مريم ماتتت
اتزوجكك وللهه بسس عوفهااا مريم لاااااا حيدررر ماتتتت خلي ناخذهااا للمستشفى شوفهااا نايمه بـ الگاع نايمه متگعد كعدها كعدهاا .
لزمني من كتـوفي يخض بـيها واني التفت يمين يسار
واشهگ وأجر بـ أنفاسي .
حيدر : اششش راحت العالم ثاني
لارا : مءءتروحح لااااااا نقذوهاا ياعالممممم
لچج مريممم اگعدييي حيدر امشي نروح للمستشفى
يلاا امشييي
حيدر : وين امشي ياعمري
لارا : شوفهاا حتموت ولله يلااااا ماريدهاا تموتتت
الله ياخذكككك شكووو تموتهاااااا
نترني من شعري ويباوعلي واني اباوعله بدون استيعاب .
حيدر : زعجتنا وأخذت مصيرهاا
محد يزعجني من اريد أخذ الشي الي احبه .
هيه هيه زعجتنااا شسويلهااا يعنيييي!!
تستاهل تموت اليييي يمنععع حبيبه گلبي لارا من عندي يموتت يموتتت .
من خلص كلامه دفعني وطحت بـ الگاع .
واني اهمس بيني وبين نفسي .
- لا هاذا حلم اي اي حلمم .
لارا : انت مخبلللل ولككك مخبلل ..
حيدر : گتلججج اتخبللل واخبلچ ..
مجاوبته ورحت گعدت بـ صف مريم اهزز بيها اريدها تگعد اريدها تجاوبني جسمها بارد اديها بارده ..
حيدر : ماتگعد بعد شكو تعذبين نفسج .
لارا : كلهه .. كلهه منن وراككك
حيدر : دشوفي نفسج شلون لصتي نفسج بـ الدم
باوعت لاديه والـ ملابسي لگيتهن ملطخات بـ الدم .
جمدت روحي ولا گدرت احجي ولا گدرت اتحرك .
اتكترت بـ الزوايه وغمضت عيوني وحطيت اديه بـ ذاني واتخيل هاذا الشي وهمي مو حقيقي .
اني مو هنا ماخطفني حيدر مامتت مريم ..
حيدر : هيوو فتحي عيونچ ..
لارا : وخر وخر مجرم أنتَ مجرم قاتلل ..
حيدر : ماكو هيج حچي تتخيلن انتِ .
فتحت عيوني ولگيته يباوعلي قرب أيده وتلمس وجهي واني ارجف وهسمت .
لارا : خلي نقذذ مريم .. حتموت
حيدر : ماتت بعد .
لارا : جذاب .. انتَ قتلتها
حيدر : اي قتلتها شسوين بله ؟
لارا : اقتلني خلي أموت اني هم ..
لزمني من ناحيه رگتبي وقربني الوجهه بـ حيث
شوي ويطخ وجهي بـ وجهه ضل يباوعلي واردف .
حيدر : شلون اقتلج .. مريم نكره وقتلتها
أنتِ الرئيسيه وياي .
لارا : مءءريم .. لازم نقذذ مريم .
حيدر : شلون ننقذها وهيه ماتت ؟
مجـاوبته وگام واني لاحضت المسدس محطوط بـ كتر بـ الگاع انتابني شعور الغضب وگمت بـ سرعه .
واخذت السلاح وجتهه عليه .
لارا : وحققق الله بسس خطوهه تتقدمم اريمكككك
حيدر : ههه وتعرفين شلون تستخدمين هاذا الي بيدچ
عزيزتي ذبي هاذا مال كبار
لارا : إلي عاشت بيت ضابط أشهر اتوقع من عدها كلشي
حيدر : ذبي لارا
مجـاوبته وجريت صچم .. حاولت اخفي رجفتي
لن ايدي تهتز .. مره ايهاب من چنه گاعدين بـ الغرفه
طلع سلاحه ينظفه مدري شنو وضليت اسئله على إلسلاح وشلون يستخدمه وعلمني شلون استخدمه .
لاحضته يريد يهجم عليه وبـ سرعه ضربته بـ رجله
ابتعدت لي وره وگلبي نغزني ..
حيدر گعد بـ الگاع متألم من الطلقه والدم ضلل يوگع .
يباوعلي ويصيح.
حيدر : شسويتيييي اليومم اقتلججج بيدييي
لارا : حاول حاول تتقرب وهل مره تجي الطلقه
بطنك مثلل ماقتلت مريم ..
دموعي تنزل واني احچي بـ صوت عالي .
حسيت هاي مو اني لارا الي تخاف من الصراخ .
اديه متلطخه بـ الدم الگاع انترست دم .
جثه مريم الهامده گدامي .. حيدر الي يحاول يگوم
ويقتلني واني موجهه السلااحح گدامه .
الموقف الي منحطه اني بـي موقف صعب جداً .
ضليت اردد بگلبي ماريد اموت .
ماستحق اموت بعدني معايشه حياه جميله .
لازم اعيش لازم ..
حيدر : لاراااااا
لارا : لاتتقرببب
ماحسيته غير هجم وضربت طلقه بس لحگ ورفع السلاح لي فوگ ووكع السلاح من ايدي .
باوعتله وهوه شال إلسلاح شمره بعيد
حيدر : وهاي راح السلاح هسه منو يخلصج من عندي ... راح اقتلج وميرفلي چفن .
ضليت ابتعد لي وره وهوه يمشي بـ تجاهيي .
حيدر ضخم واني نتفه گدامه .. ماگدر اسيطر
ولا اگدر ابعده عني .
لحد ماطخيت على الحايط وهوه يتقدم نحوي بـ هدوءء .
همست .
لارا : ابتعد عني لاتجي .
مجـاوبني وحصرني على الحايط بـ الزاويه .
صرت ماشوف غير جسمه الي محاوطني .
دگات گلبي الي اسمعها انفاسي العاليه .
حسيت أيده تمشي على وجهي وبعدين عصر فكي
ضليت ابعد أيده عن فكي بس ماگدرت .
ضربني راشدي وجر شعري وضربني راشدي الثاني.
وكل هاذا اني بصدمتي لااگدر احجي ولا اگدر اوخره .
حيدر : ماريد اموتج بـ هاي السرعه لازم اخذ شي
بعدين موتي .
ستوني ردت انطق ولزم فكي بـ قوه.
وباسي من شفايفي بـ قوه ضليت ادفع بي بس هوهه مايتهم أصلا حسيت النفس ضاگ بـيه
ضليت اضرب بي لحد ماحسيت بـ طعم الدم ..
وخر وضليت اكح وأجر بـ أنفاسي وادگ على گلبي بـ قوهه .
لارا : الله ياخذك الله ياخذكككك
ضربني راشدي وگعني بـ الگاع واجه يخنگني من رگبتي ضليت ادفع بي واوخر بيده .
بس مثبتهن بـ قوه.
ضل يخنگ وحسيت هاي نهايتي ..
غمضت عيوني مستسلمه واگول گلبي جايتج
ماما .. اجيتج .
مانكر شعور الخنگ وشعور الرعب الي بگلبي .
تمنيت اگدر اتنفس قبضات اديه على رگبتي
وشلون يخنگني يتردد بـالي .
حيدر : موتييي موتيييي
فتحت عيوني بغواش أشاهد وجهه
وماحسيت غير حيدر ينضرب من رجل دفعته .
ضليت اگح واشهگ واديه يخضتن .
باوعت بـ نحاء الغرفه وأشوف ثلاث رجال موجودين .
ماحسيت غير ايهاب منهم اجه نحوي گومني ودفعني الصـدره .
::- لگيتجج لگيتج لارا ..
لارا : مءءريم .. أنقذها .
::- هسه هسه گومي .
لارا : ماگدر اگو ..
بعدني مامكمله وصار ضلاام دامس بـ عيوني .
وماگعدت غير اني بـ المستشفى .
باوعت ولگيت ايهاب موجود ويباوع من الشباك مـال الغرفه .. همست بـ صوت تعبان .
لارا : ايهـاب
اجه تقدم نحـوي وگعد على الكرسي ولزم اديه .
::- گعدتي بنياتي .
لارا : مريم ..
::- اشش حبيبتي لارا .
لارا : حيدر خنگني .
::- ادري ياعمري ولله ادري .
لارا : أنتَ نقذتني .. ومريم نقذتني بس ماتت .
جر اديه وباسهن ومسح على رأسي واردف.
::- تردين اجيبلج مي ؟
لارا : اني بـ المستشفى
::- اي ياعمري
لارا : اريد اطلع من المستشفى ..
::- هسه اطلعچ خلي اشوف الدكتور .
مجـاوبتهه وطلع استرجعت ذكرياتي وشـصار
بـ ذيچ الغـرفه الي سلبت روحي وسلبت ضحكتي ..
::- تگدرين تطلعين بعد شوي بس يسوللج فحص .
لارا : صالي شكد هنأ ؟
::- يومين .
لارا : اريد اروح الـ فاتحهه مريم .. اندل بيتهم
::- متاكده تگدرين .
باوعتله وهزيت رأسي ..
لحد ماجه الدكتور ووخرر الكانونه وكتبلي علاج .
الدينا صبح تقريباً .
بيت جدي چانو بـ المستشفى يحجون وياي بـس مالي طاقه اجـاوب فاكتفيت بـ السكوت.
رحت للبيت جدي وگتله لايهاب انتضرني البس اسود واجي .
لبست وباوعت النـفسي بـ المرايه.
ندبات لخنگ بـ رگبتي من كثر ماخنگني ..
اشوف ملامحي طافيه اتلمس أديه بارده .
طلعت من الغرفه ولزم اديه ايهاب وطلعنه .
دليته على البيت وشفت سيارات وناس ..
::- انتضرچ بره .
لارا : تمام .
طبيت وشفت الاستقبال بي نسوان .
گلبي نقبض وأشوف خواتها يبچن .
لحد ماحسيت ايد وراي .
درت وجهي وشفت ام مريم .
- أنتِ لارا .
لارا : اي .. البقيه بـ حياتچ ..
ستوني خلصت كلامي وماحسيت غير راشدي يجيني
من عدها لزمت خدي واشوفها تباوعلي وابينه عصبيه
- بعيننن صلفهه تجينننن مننن واررجج ماتتت بنتييي
وجايهه لـ هنااا امشييي طلعيييييي
لارا : بس خاله
- اخذتيييي بنتيييي من عنديييي من وراججج
لزمتني من شعري وطلعتني بره والنسوان يهدن بيها
لحد ما دفعتني لـي شارع ووگعت
اجه ايهاب يركض وابين مصدوم واجه گومني
- كلهه ببسبجج بنتي راحتت شگدد كلت الـ مريمم عوفيهااااا هاييي ابوهاا قاتلل ابوهاا يشربببب
شمدريهاا تجيبين الها الموتت
دموعي ضلت تنزل وايهاب ساندني عليه ..
النسوان يجرن بيها وهيه تصيح .
- خلينييي اطلعع حرگتيييي وناريي
ببسبهاا راحتت بنتي شنووو ذبنهاااا تموت بنتيي شننوو ذنبهاا .
- روحييي اذااا اشوفجج مره ثانيه مارحمجج
اخذتيي بنتييي الجحيمج .
::- امشي لارا نروح
مجاوبته ولزمني من كتوفي ومشاني حتى نروح للسياره .. امشي وكاني جسد بلا روح .
دموعي تنزل بـ هدوءء .
لحد ماصعدت السياره وهوه صعد .
ضل يباوعلي وقرب أيده مسح دموعي .
لارا : بسببي ماتت .
::- لا مو بسببچ هاي امها لن حزينه عليها گالت هيج .
لارا : بس لو ماعرفتني ودختلها بـ مشاكلي ماتموت .
::- كل أنسان نهايته إلى رب العالمين .
مجـاوبته وشغل السياره حركها وغمضت عيوني
طول الطريق اني صافنه ..
لحد ماوصلنه للبيت وايهاب لازمني وطببني .
اول ماطبيت استقبلتني بيبيتي .
فرحه : ها لارا اجيتي
لارا : لارد .
فرحه : دحچي وياي مو عذبتيني
مجـاوبتهم وضلو يحاولون يحجون وياي واني ساكته .
صافنه بس على الفراغ عقلي رايح الـ غير عالم .
اسمع صواتهم بس وشوشه .
بس ايهاب الي اگدر احجي وياه وانطق .
بس عكس قبل چنت ابتسم من احجي وياه .
هسه بدون شغف وبرود اجاوبه .
عفتهم بـ وسط كلامهم إليه وصعدت الـ غرفتي .
رحت كعدت تكترت بـ الزوايه وضليت صافنه على الفراغ .
لحد مانفتحت الباب وطب ايهاب
واجه گعد بـ صفي .
::- لارا .
لارا : ها .
::- تجين وياي
لارا : وين
::- تعالي وياي
هزيت رأسي ولزم اديه ونزلني جوه .
::- حجيه اني راح اخذ لارا وياي .
مگدر اعوفها هنا وهيه بس الي تجـاوبني
بس تسترجع صحتها اجيبها .
فرحه : دربالك عليهاا گلبي ديموتني عليها
::- أن شاء الله .
فرحه : افنان روحي لمي ملابس لارا .
لمو ملابسي واني مانطيت جواب أصلا.
وهيج اخذني ايهاب وصعدني السياره ومادري أصلا وين رايحين وماسئلته ..
لحد ماوصلنه وصعدنه وطبينه للشقه .
باوعت بـ نحاهاا وطلعت الشقه الي اول مره جابني الها ..
لارا : هاي الشقه نفسها .
::- اي بنيتي نفسها .
هزيت رأسي وطبيت للغرفه وضليت كاعده .
ومرن يومين واني على حالي هيج ..
ايهاب يحجي وياي ايهاب يوكلني .
::- لارا ترجعين للمدرسه حتبدي ..
لارا : مادري .
::- رجعي اعرفج شگد تحبين الدراسة ..
وعدتي سنه لاتضعين هل السنه عليج
لارا : خاف ماگدر ؟
::- تگدرين لارا تگدر .
لارا : تمام أدوام .
ومرن الايام والاشهر وخلصت ونجحت.
واني باقيه بس يم ايهاب .. الكل لاحض هدوئي
بس ماهتميت ولحد ما انتشر مرض كورونا
والكل تشدد بـ الحجر الصحي .
*********
- ضربني راشدي وجرني يطببني .
لحد ماوخر واني مصدومه من تصرفه ..
اسيل : شكو ليش تضربني ؟
مُهند : تردينينننن تصخمينن وجهيييي
اسيل : شصارر ؟
مُهند : منووو هاذااا اليييي تشوفيييي بـ نص الشارععع منووو ! خليتيي اليسوه والمايسوهه يحجيي عليهه !! اصدقائي شاوفچ
اسيل : واصدقائك شلون يعرفوني ؟
مُهند : هااا يعنييي السالفه صدگ ياهوو هاذا الگو..
اليييي تلتقين بـي بـ نص الشارع
دازجج تشتغلينن موووو تلعبينن بـ ذيلجج اسيلل
اسيل : شخص من الشغل نسيت شغله إليه وجابها
مُهند : ليششش اتجذبينن
اسيل : مداجذب .
مُهند : ترا وصلتني الصورهه وهذا اعرفه الرجال
اسيل : صوره ؟
مُهند : الولد اسمه كرم موووو ؟
اسيل : مين وصلتك الصوره
مُهند : عمه شايفجج جابررر يصيررر صاحبيي شايفج وگاليي يافشلتييييي وهوه مايشتغل بـ مطعم .
اسيل : وهسه شنو ؟
تقدم بـ ناحيتي وضربني راشدي أقوه .
ضليت بـ هدوئي وهوه يباوعلي وصاير نار .
مُهند : لاتباوعيلييي بـ هايي عيونجج
عودد عبالجج من تباوعيلييي هيججج اخاف واسكت لا ولله ادوسج وامشي عليج
اسيل : تمام.
ستوه راد يضـربني وسمعت اخويه يحجي .
محمد : لاتضربها ..
مُهند : أسكت انتَ الثاني لاتخليني ابلش بيك
اسيل : محمد حبيبي معليك .
باوعلي وهز رأسه.
اسيل : وهسهه شنو المطلوب مني ؟
مُهند : ترجعين تعرفين رأسي الي نزلتي بـ الگاع
اسيل : وليش شسويت ؟ يوم الجمعه الساعه 2 بليل
شهر الرابع اذكرك شـصار ؟ ويامن نمت وهسه تحجي الشرف مو ..
مُهند : لا صدگ أنتِ ممتربايهه .
ضل يركعني راشديات واحد أقوه من الثاني
واني ساكته ماحجي وبعدني بـ هدوئي .
مُهند : يلاا رواينييي مو تلعبين ملاكمه على ساس
يلا دافعي علي نفسج .
اسيل : عوف الضرب لن ميفيد ولا راح يأثر بيه
مُهند : هسه تخابرين هاذا الي اسمه كرم وتگوليله يجي يخطبج
اسيل : عفواً يخطبني ؟ وليش شنو الي يربطني بي
وأصلا حتى رقمه ماعندي
مُهند : بلا لغوهه الي گتلهه هاذا عندي
يخطبج ولا انتِ اخوج اشمرج بـ الشارع ..
اسيل : ترا الولد ماعندي شيي وياهه
وشلون اگله يخطبني واني بس اسمه اعرفه !
مُهند : عليمن هاي السولف اسيل هاي عليه
اسيل : الولد متخابره ولا تگله شي ..
مُهند : خوش چا يلا دعبلي أنتِ وأخوچ
تقدم يريد يجر محمد ويطلعه واني اجيت وخرت أيده
وهمست بـ حدهه .
اسيل : هاي مو اسيل الي تضربها وتسكت .
اذا انمدت هاي الايد على محمد تنكسر .
مُهند : لاتخلينييي انييي اكسررر ايدجج
اذا متردين يصير شي ميعجبج تتصلين عليه ..
اسيل : شنو مو داع اگول ماعندي رقمه
مُهند : مو مشكلتي چا حتصل بـ عمه .
اسيل : يعني لهلدرجه وصلت !
وإذا الولد رفضنيي ! واذا أصلا ميرديني
شنو تجبروني
مُهند : بعدها اعرف اتصرف .
ماعرف شحجي شگولل من كلام ابويه وتصرفاته
ولله فشله من الرجال !! شنو هاذا الموقف الي منحطه بي .
شيماء : عيني مُهند مرام عدها رقم لارا هاي تصير بنت عمته هسه تنطيها الرقم
مرام : اني ؟ اني شكو
مُهند : اذا تردين اسيل تبقى جيبي الرقم
باوعتي مرام محتاره باوعتلها وهزيت رأسي
وراحت اتصلت على لارا وردت عليها ونطتها الرقم .
مُهند : يلا اتصلييي
اسيل : عيب الي تسوي .
مُهند : عود تعرفين العيب انتِ ؟
اسيل : شنو اگله ؟
مُهند : تعال اخطبني .
استغفرت بـ عدم صبر واني ادري ابويه يسويها ويطردنه مره سواهاا وطردني اني واخويه .
من جانت امي زعلانه ورايحه البيت اهلها
هسه اني طز بيه اروح للشارع بس اخويه ! وگف بعيني .
اتصلت وره ثواني رد وسمعت صوته غمضت عيوني
كرم : منو ؟
اسيل : هاي اني
كرم : منو .. ؟ اسيل
اسيل : اي
كرم : مين جبتي رقمي صاير شي ليش اتصلتي ؟
باوعت لابويه شفته يأشر على ساس اگوله .
اسيل : كرم ..
كرم : ها ؟
اسيل : تعال اخطبني ..
كرم : شنو اخطبج .. شكو اسيل ؟
اسيل : كرم جيب اهلك وتعال تندل البيت أنتَ ..
كرم : بس فهميني
اسيل : اني رايحه كرم لاتنسه تعال وجيب
اهلك .
مُهند : شو دنطيني اني احجي وياه .
جر الجهاز من عندي واني اباوعله ميته فشل
مُهند : ها عيني
كرم : السلام عليكم منو وياي
مُهند : اني ابو البنيه عيني احنه ماعدنه بنات تحجي ويه شاب تريد تعال اخطبهاا اصدقائي شافوك وعمك هماتين شافك وخبرني واني اهم شي شرف بنتي
كرم : عيني بس على كيفك قابل اني عندي علاقه ويه بنتك وهيج تحجي
مُهند : ميهمني علاقه أو مو علاقه گلت الي عندي وتجيب اهلك وتجي بـ الحلاال تخطبها .
كرم : يصير خير .
قطع الاتصال واني اباوعله وبداخلي نار نار تصب
اسيل : رتاحيت هسه ! هيج تحجي ويه الولد
ماعندك ذره مستحه .. ترا ابينه الشعره من العجينه
أنتَ تريد تخلص من عندي وهيج تسوي
مُهند : الج عين صلفه يلا دعبلي الـ غرفتجج ..
رحت واجه وراي محمد طبيت ورگعت الحايط دفره
وضليت اضرب بيدي .
محمد : اسيل شراح تسوين ؟
اسيل : مادري مادري .
طلع محمد من الغرفه واني ضليت وحدي حايرهه.
وجهازي رن فتحته لگيته نفس رقم كرم .
جاوبت .
اسيل : اعذرني كرم من تصرف ابويه .
كرم : بس فهميني شصار ؟
اسيل : أحد أصدقاء ابويه ومن ضمنهم عمك
شايفيني احجي وياك وطاگين صوره ودازين لابويه
ويگلي على ساس عندي علاقه وياك .
وإذا متگولين إله يجي يخطبج يطردني من البيت
كرم : دخيل الحمزه شبي ابوج مسطور .
عمي جاي اخطبج
اسيل : لا لا تجي تكدر ترفض .
كرم : يحجون بشرفج !
اسيل : مايهمني .
كرم : اني يهمني
اسيل : لاتجي كرم ماريد خطوبه ماريد شي .
كرم : لازم اجي .
انقطع الاتصال ونمت هاي الليله واني بس افكر
حتى مارحت للشغل ثاني يوم .
وصدگ جاب نسوان واجه يطلب ايدي
احس شطت من النار اريد اگوم اتعارك ويه الكل
فرحه : ولله يعني الي سمعناه من كرم صدمنه
واحنه ماعدنه هاي السوالف وابنه يواعد ويرتبط
احنه ندگ الباب بـ الحلال
شيماء : على رأسي ولله
فرحه : وهاي اجينه وتعنينه وبنتكم اسيل ابينه حليوه وحبابه واكيد موافقه .
شيماء : اكيد توافق غير تحبه ..
اني اعلمج ياشيماء لا مخليها تعض اصبعها ندم
تحجي وتباوعلي وتضحك اريد اگوم اسحلها
استغفرت ربي وحجيت .
اسيل : أوفق بس بـ شرط
فرحه : شنو ؟
اسيل : أولا ماريد عرس مجرد عقد قران ومحكمه
واروح للبيت وثانيا اخويه محمد يجي يعيش وياي .
فرحه : ليش متردين عرس ؟
اسيل : ماريد وكرم موافق .
واخويه ميگدر بـ دوني من صغري مربيته .
فرحه : هاي هيه ام كرم موافقه ؟
فرح : خلي نقره الفاتحه
فرحه : عگب باجر المشيه .
وهيه مشيه وهيه عقد كرم يگول .
شيماء : هاي هيه
طلعو من بعد مادوعوانه واني ضليت بـ الاستقبال محتاره شسوي گلت أشرط هاي الشروط
ويرفضون ! بس لا وافقو .
طبت شيماء وباوعتلها .
اسيل : ارتاحيتي مو
شيماء : شلون مارتاح الخطوبه بنت زوجي
اسيل : تحلمين تشوفين الراحه
شيماء : ههه شوفيها أنتِ اني شايفتها
اسيل : ها الضاهر بعدج ماعرفتي بـ مرجان
وشهلاء
باوعتلي من جوه ولي فوگ وراحت .
رحت بـ سرعه الـ غرفتي واتصلت على كرم
اسيل : مو گتلك لاتجي لاتجي تخطب !
كرم : سمعتج وافقتي بس بدون عرس ؟
اسيل : ديلااا هسه وافقتت واني راضيه قابلل
دور اكره الاعراسس ياربييي
كرم : يلا عادي
سديت الاتصال وشمرت الجهاز .
وهيه مرن اليومين واني حابسه نفسي بـ الغرفه
گعدتني مرام الصبح .
مرام : المشيه مالتج حتجي والعقد اليوم .
اسيل : صارت صدگ .
مرام : حبابه اتذكرت لارا .
اسيل : لارا ؟ هم جبروها؟
مرام : بعد ازيد على اقل انتِ ترحين لـ انسان صاحي
حيدر سايكو مخبلل .
اسيل : شلون يعني ؟
مرام : يحب لارا بـ جنون بس بـ نفس الوقت
يعذبها وطاب عصابه مدري شنو بس هوه حاليا
بـ السجن ..
اسيل : وخلصت من عنده ؟
مرام : اي
اسيل : تمام
مرام : اگلج هاي امي جابت الج فستان
ومكياج تردين احطلج عيني لاتشوفيني صغيره
ترا اني المكياج الي احطه يخبل
اسيل : ايعع شني مكياج شنو فستان
البس بنطلون وسويتر
مرام : اكلج ترا عقدج هاذا مو رايحه للشارع
تجيبين مسواگ
اسيل : ماحب الفساتين
مرام : حبيهن هاي المره وصدگ غرفتج شو ماكو مكياج بـ الميز ؟
اسيل : ماحط مكياج .
مرام : اني احطلج وهسه شوفي الفستان
اسيل : اكلج هاذا قصير بس امج شو جايبته حلو
مرام : اي امي تعرف بـ هاي السولف
اسيل : يعني إلى إلى البسه ؟
مرام : نعم الى واكلج مسويه رجليج
ايدچ
اسيل : شنو مسويه ؟
مرام : يعني حافتهن من الشعر
اسيل : اي ترا اني دائما اهتم بـ نضافهه
جسمي .
مرام : تمام چا تعالي شوفي جربي الفستان
وشعرج حلوه قصير وناعم احطله فيونكه
اسيل : اكلج الفستان ليش مو اسود !
ترا ماحب هيج ألوان
مرام : هسه عوفي شخصيه اسيل رجعي الشخصيه ثانيه
اسيل : ماريد هاي الخطوبهه المخبل كرم اجه بسرعه
مرام : اوفف .. هسه گومي جربي
راحت مرام وگفت بـ الباب واني لبسته .
باوعت النـفسي بـ المرايه ونصدمت .
هاي اني ! اول مره اشوف نـفسي بـ فستان
وجسمي هيج يبين ..
مرام : اطب ؟
اسيل : طبي .
مرام : هاي أنتِ اسيلل !!
اسيل : نجبي چا منو
مرام : لج تخبيلينن بـ الفستان وجهج نورر
چنتي كاضيتها اسود
اسيل : نجبي الاسود أحلا
مرام : هسه نزعي وتعالي الغرفتيي
اسيل : شسوي الـ غرفتج ؟
مرام : غير احطلج مكياج وهاي السولف
اسيل : اروح اسبح واتريك واجيج
مرام : خوش هسه الساعه 2 العقد وهسه 10
اسيل : تمام ..
راحت مرام وضليت اتلمس الفستان
نزعته ولبست ملابسي حسيت بـ عدم الارتياح
اريد اخرب العقد بس خايفه.
هاي اول مره اخاف مو على نفسي خايفه
خايفه على اخويه من عد ابويه .
الي لازم هوه يسنده لا لازم يطرده .
صار الوقت ورحت الـ غرفه مرام .
مرام : يلا تعالي گعدي بـ كرسي
اسيل : هاي شگد عدج مكياج
مرام : مو شوفي اني دائما اشتري من اطلع
احبهن هواي
اسيل : امم
رحت گعدت بس قبل لا اگعد وتحطلي
لبست الفستان .
اسيل : مو تخزيني ترا اني ماعرف كلشي بـ المكياج .
مرام : لاتخافين اني ثقه وراح اخلي الج كلش هادى .
هزيت رأسي وبدت تحطلي وشلون اقنع مرام
انو ماعرف بس الحمره !
لحد ماخلصت وباوعت الـ نفسي بـ المرايه
اسيل : هاي مو اني !
مرام : تخبلين تخلبينن ولجج
اسيل : شنو هاي عيوني لمعه بيها من فوگ
مرام : هاي أضاء .
اسيل : اول مره ينحط المكياج على وجهي .
مرام : متشوفين شلون طلعتي حلوه .
هزيت رأسي ونزلتني ليي جوه
وأشوف نسوان جاين هواي .
اني اكثر شي اتعقد من عنده هوه هاي التجمعات
اصلا ولا احب اروح لـ هيج مناسبات بس امي تجبرني .
گعدت والنسوان يهلهلن ويرگصن
شنو ذني مشايفات خطوبه ..
مرام : بهمس " ولج ابتسمي شويه
اسيل : نجبي هوه اني بـ الايام العاديه مابتسم
ترديني هسه ابتسم لو تموتين
مرام : فلك الي فلگج .
وهيج مرت المراسيم التعبانه لحد ماحجى
الشيخ حتى يقعد النه .
الشيخ : اسيل مُهند حمران أن كنتي موافقه فـ قولي نعم .
غمضت عيوني واسترجعت ذكرياتي شلون ابويه يحجي وياي ويهدد ..
لحد ماعادها مره ثانيه ونطقت .
- موافقه .
وسمعت صوت الهلاهل هم ويركصن النسوان
حد ماگالو العريس يجي يلبس خواتم مدري شنو
طاحضكم على هاي السالفه .
النسوان : اجه اجه
طب الي اسمه كرم وباوعلته وباوعلي وگف وضل يباوعلي ويبتسم وردت اغمه الى شوي مانكر طالع حلو بس كرهتهه حيلل .
اجه گعد بـ صفي ولبسني الخاتم .
كرم بهمس : يلا لبسيني الخاتم
اسيل : مابيه حيل
بعدين لبسته الخاتم بتعاجزز والنسوان يصفگن
اسيل بهمس : اگلك هذني النسوان شمالهن دخيل الحمزه ترا حگول راح ابطلل
كرم : كضي نفسج شويه بس هسه يخلصون
اسيل : ماتحمل بعد راح ازوع
كرم : خرب لعبتي نفسي
اسيل : مو لاتخليني ادوس بطنك هسه
لعبت نفسك من عندي ؟
النسوان : هههه شووفهم شكد حلوين وشلون يتهامسون .
ابتسملهم كرم ولازم عيني يوكلني كيكه واوكله .
همست اله
اسيل : ماريد اوكلك چا شنهي گوه ؟
كرم : ولج بس كدامهم
اسيل : خلي يولون
النسوان : يلا عيني العروسه لاتستحين .
گلت بگلبي استحي من عدجن لو هسه تطگ عندي اگوم اتعارك
وكلته كيكه وهوه شربني عصير ولازم اشربه .
اسيل : عود هاي شني دور لواگه ؟
كرم : يلا عيوني
اسيل : امري لله
شربته العصير والنسوان سطرني بس يصفگن .
ومن گالو گومو ركصي احس هنا تخبلت
ضليت اهمس اله ويهسلي
اسيل : لو تصير مناحه ماگوم
كرم : ولج بس هاي المره
اسيل : دطير ماريد
فرحه : لج فصعونه گومي لاتستحين
اسيل : كرم ماعرف اتفشل
كرم : اني اساعدج
اسيل : مو لاتخليني اركعك بوكسي هنا
كرم : دخيلك يلحمزه يلا اسيل
گلبت عيوني وگمت وسولنه مساحه نركص بيها
وطفو الاضويه وشغلو اضويه مدري شنو هنه
عود شني يسوون الأجواء رومانسيه دور شغلو اغنيه هادئه ورومانسيه
لزمني من خصري واني ماعرف وين احط ايدي
اصلا .
همس بـ ذاني .
كرم : حطي ايدج على كتوفي .
اسيل : هيج ؟
كرم : اي .
ضل يتألمني .. وضلينه نتاميل .
اول مره اجرب هاذا الشي .. حسيت هاي مو اني اسيل نفسها .. اسيل الي جانت متعرف شي اسمه
عرس ومناسبه ومكياج هسه هيه داع تركص
ويه شخص ..
مافززني من تفكيري غير بوسه انطبعت بـ خدي
كرصته من خاصرته وهمست .
اسيل : لاتبوسس اكرهك ..
كرم : تخبـلين طالعه .
اسيل : أحلا من عندك .
ابتسملي وهيج خلصنه وخلصت المناسبه
واني شايطه من العصبيه بس واحد يحجي وياي
اتعارك وياه .
مرن الايام واجه يعقد على محكمه
اجه ابويه وشيماء ومن أهله ابو وامه وبيبيته .
نزلنه بـ المحكمه واني على شخصيتي القديمه
سوينه المعامله مدري شنو هيه وطلعنه .
كرم : شبيج هيج متحجين ؟
اسيل : انت مكيف
كرم : قابل احزن زوجتي
اسيل : زوجتك يعني صرت زوجي ؟
كرم : نعم
اسيل : شنو هاي الدنيا ..
كرم : نروح للبيت ؟
اسيل : اخويه وياي .
كرم : اكيد ... اتمنيت ازفج بـ البدله .
اسيل : شفتني لابسه فستان وركصت وياي
هاهيه .
كرم : صح
رحنه بـ السياره ووصلنه البـيتهم ..
جان جبير نوعاً ما .
نزلت غراضي وغراض اخويه .
فرحه : ياهلا بچنتنه نورتي نروتي
فرح : نروت چنتنه
منال : هاي زوجه كرم ؟
فرحه : اي .. كرم أخذها لغرفتكم .
كرم : تعالي .
الغرفه تكون بـ الطابق الثاني فـ صعدنه
طبيت للغرفه شفتها جديده .
اسيل : شتريتو غرفه جديده .
كرم : نعم .
اسيل : لو جايبها سوده
كرم : ماشاء الله .. غرفه اخوج هم جبنه غراضه الها
اسيل : شنو اخويه ينام وحده ؟
كرم : اي
اسيل : لا عيني اخويه وياي ينام
متعود عليه
كرم : اسيل ..
اسيل : نعم ؟
كرم : أنتِ صرتي زوجتي وشلون اذا شافو اخوج تجيبي يمنه بـ الغرفه
اسيل : ميشوفون لن اني اصلا حنام يم اخويه
كرم : شنو الي ترتاحين اله سوي .
اهم شي ترتاحين أنتِ .
اسيل : شكرأ كرم ..
كرم : على شنو ؟
اسيل : لو شخص غيرك مراح يسويها .
اجيت وخطبتني حتى بس تنقذني .
رغم ماعندك علاقه وياي
وبعض الشباب عدهم علاقه ويتركون
وانت تزوجتني .. وراح تخليني انام يم اخويه .
كرم : شلون اشوف ينحجي بـ شرفج واسكت
مو گتلج أنتِ اختي العراقيه
ابتسمت وهوه يباوعلي .
كرم : اول مره اشوف ابتسامتج .
شگد حلوه .
عضيت شفتي السفليه وهمست .
اسيل : اول مره ابتسم .
كرم : عموما اخذي راحتج حنزل .
وصدگ نزل ومرت الايام واني على هاذا الحال
كرم يحجي وياي واني احجي ويه بـ قليل .
محد يعرف اني انام بـ غرفه اخويه .
لارا اشوفها قليل بس ابينه كلش حبابه .
كرم انسان كلش حباب ونقي ماشفت من عنده شي مو زين ولساته ميدري اني أدخن ..
لحد مانصدمنه من لارا انفقدت .
كرم انجن لن يحسب لارا مثل أخته واني خفت عليها .
حجيت وياها قليل وحجلتي شوي على معاناة
شلون نجبرت تنخطب وگالتي عاقد عليها ايهاب
ببسب جابر واصلا هوه مكروهه ببسبه اني اجيت هنا .
صار البيت فوضى وبيبه لارا تبجي .
فرح : عمه أن شاء الله مابيها شي مو خابرنه خطيبها ..
هيج مر اليوم فوضى بعدين ثاني يوم گالو لگوها .
ضلت بـ المستشفى يومين وبعدين طلعت .
بس اجت شخص ثاني.
وجهاا الشاحب جوه عيونها السود .
تمشي وساندها ايهاب ..
لحد ماقرر ياخذها وياهه والي يقهر صديقتها ماتت هناك .. شكد قرهتني كله من وره خطيبها القديم الي رجع للسجن ونحكم مؤبد ..
مرت الايام واني جنت طابه بـ غرفه كرم .
اصلا غراضي هناك بس اني انام بـ غرفه اخويه .
جنت كاعده امشط بـ شعري وطب كرم .
گمت باوعتله وهوه اجاني تقدم متلهف وحضني .
ستغربت حضني دون مينطق كلمه .
اسيل : شكو كرم ؟
- احبـچ اسيل ..
.
.
.
.
.
.
.
.
.
.
يتبع !!!
الكاتبه : نور علي 💜
انستا : noor_ aliiiee