منتقم_وغريبه
بقلمي_فاطمه🤎
تصويت ...وتعليق بين الفقرات 🦋
___________________
واكابل عينك الحلوه واغني..
كل الوجعنك يوجعني!.
واذا تنجرح اني انجرح وياكہ،؛
مثل ما اني منك انت مني
______________________
اجوان:غمضت عيوني بألم من انضربت ايدي باليده مال الباب فتحت عيوني شفته حطه بحضنه يضرب بيه راشديات وجهه مرعوب يلهج بأسمه ويلهث وهيه ميته بأيده عيونه تفتحهن وتسدهن فتحت حلكه تريد تجر نفس متكدر
صائب:هاااجر باووعيلي هااجر شوو
رجع صاح بعلو صوته
صائب:عذررراء وييين صررررتتي ؟؟
شو بابا باوعيلي فتحي عينج هاااجر
اجت عذراء تركض شايله البخاخ نتره من ايده حطه بحلكه ويحجي بخوف
صائب:هاجر جري نفس بابا يلا جري نفس
اول ماسحبت نفس من البخاخ حضنه الكلبه عذراء تبجي وراهم اراقبهم ساكته لازمه ايدي الموتتني وخره من حضنه يباوع الوجهه لزم خده مسح دموعه وباس راسه لمحني واكفه وجه مرعب عيونه حمر دم ابتعد منه واجه عليه بسرعه ماحسيت الا حاوط ركبتي بأيديه خنكني ودفعني على الحايط فتحت عيونه بصدمه صاك على سنونه يباوعلي بغضب حسيت الهوى ميوصل الريتي خانكني بكل قوته احس عيوني راح تطلع من مكانه رفعت اديه اوخر بأيده وعذراء تصيح وراه ولا كأنو يسمعه اخرمش بأيده اريد بس اجر نفس حجه وهو صاك على سنونه
صائب:شسويتيله ؟
اجوان:اريد احجي وأجر نفس ماكدر وأيده بيه وماتضغط على ركبتي اباوعله عيوني غوشت ارافس برجلي بس اريده يوخر حسيت بعذراء تجر اديه من ركبتي اجتني دوخه فضيعه احس راح يغمى عليه حسيت الدنيا افترت بيه غمضت عيوني نزلن دموعي عاجزه ماحسيت الا أدين جرتني من عنده وكعت على اركبي اسحب نفس بقوه مدنكه راسي اسمع خالتي تصيح عليه من استقر وضعي رفعت راسي عليهم اشوف خالتي لازمته تمنعه يوصلني وعذراء وياه رجعت نفسي ليوره لازمه ركبتي امسح عليه وهو بس يريد يجرني دفعته خالتي بقووه وصاحت
ضمائر:عوووفه صاائب
صائب:خل تطللع برررره ماريده هناااا طلعيي بررره
اجوان:اباوعلهم عيوني تجري اجت عذراء سحبت ايدي كومتني وخالتي مجلبه بي متقبل تهده صعدتني عذراء فوك كعدت على الجربايه عيوني احسهن يغوشن من البجي والخوف يارب شنو جاي يصير بيه عافتني عذراء وراحت قفلت الباب وراه حسيت راسي ثكيل والنبض أحسه بكل قوته يضرب براسي حطيت راسي على المخده اريده يهدء غمضت عيوني واني اسمع صوت الصياح جوه وصوت التكسير عيوني تجري بالدموع ورجفت جسمي مابطلت ابجي وادعي بكلبي يربي خاااف يفقد ويكتلني يررربي ساعدني مالي غيرك
هاجر:كوه مفتحه عيوني استقر تنفسي شويه اباوع عليه شلون يكسر يروح منا ويجي منا الصاله كل الغراض البيه تكسرن صارت عباره عن خرابه ماخله شي صاحي
امي بس تريد تلزمه متكدر منحس غير صعد فوك وصل نص الدرج التفت على صوت عذراء تصيح التفتت وأشوف امي واكعه من طوله ركض عليه شاله كمت اريد اوكف احس رجليه يرجفن ركضت عذراء للمطبخ حطه على الكرويته يضرب بوجهه يريده تصحه لزمت ايده ابجي جابت عذراء كلاص مي رشه على وجهه يلا فتحت عيونه حضنه الكلبه يجر نفس بشوغه ابتعدت عنه لزمت وجهه كوه مفتحه عيونه حجت بثكل
ضمائر:ليش هيج تسووي بيه
بقى ساكت مدنك راسه لزم ايده باسه وحجه
صائب:خل تطلع منا ماريده هنا رادت تكتل هاجر
ضمائر:تكتل هاجر ليش
صائب:مادري ليش طبيت وشفت هاجر بأيده كوه تجر نفس
حجت عذراء بصوت يلهث تشهك وتبجي
عذراء:مارادت تكتله تريد تكعده لان فقدت اجته النوبه
رفع راسه باوعله وعذراء استرسلت بالكلام تحجيله شصار بينه دنك خله راسه بين اديه لزمت ايده امي تريده يهدء اباوعله اديه ترجف
عذراء:اجو ثنين ولد بالدراجه نزل واحد منهم لان شافونه وحدته بالشارع وصل يمنه ضل يتحرش ويحجي كلام مو زين اتقرب من هاجر يريد ينطيه ورقه واجت اجوان دفعته وتعاركت وياهم واحد منهم لزمه يجر بملابسه وهيه تضرب بيه وهاجر وكعت عليه ماعرفت شسوي اروحله لو اروح للاجوان ضلت تصيح وتعارك وياهم ضربوهه ومن سمعو بصوت الزلم اجو يركضون علينه يساعدونه صعدو بدراجاتهم وشردو عفناهم واجينه نركض للبيت وصلنه لشارعنه كالت اجوان اركضي للبيت جيبي البخاخ عفت هاجر بأيده واجيت اركض اجيبله بخاخ
هاجر:لازم راسه بأديه ويسمع الحجي من كملت عذراء لزم ايده امي تريد يباوع عليه كام من مكانه طلع وركع الباب وراه باوعت على امي وجهه تعبان صعدنه كلنه فوك يم اجوان امي حايره شلون تحجي وياه فتحنه الباب عليه لكيناه ماكو باوعتلي امي مصدومه التفتت على عذراء وحجت بخوف
ضمائر:ووين راحت ؟
عذراء:مادري والله عفته هنا بالغرفه
احنه نحجي والتفتنه على صوت جاي من الحمام رحنه نركض دكت امي الباب عليه
ضمائر:اجوان يمه انتي هنا ؟
ماجاوبت بلعت ريكه امي مبين عليه الخوف من هبطه الهبطه رجعت دكته مره ثانيه
ضمائر:يمه اجوان حاجيني بيج شي ؟
الحمام صار هدوء فجئه انفتح الباب طلعت عيونه حمر ومورمه شايله ملابسه مال المدرسه بأيده دنكت راسه عبرتنه بدون متحجي شي راحت للغرفه رحنه وراه احس اني شويه بعد وترجع تتخربط دخلنه يمه اباوعله مددت وغطت نفسه كعدت امي يمه
ضمائر:يمه اجوان شو كعدي خل احجي وياج
وخرت الغطه حجت بصوت مبحوح وهي تشهك
اجوان:خاله كلشي مابيه عوفيني راسي يوجعني
ضمائر:احجي وياج وارتاحي
اجوان:بعدين خاله صدكي كلشي مابيه
رجعت غطت راسه باوعتلي امي بقهر كامت وكفت قبل لاتطلع باوعتله نظره اخيره سدت الباب وراه اني هم مددت على الجربايه من التعب عذراء اخذت ملابسه وراحت للحمام باوعتله كتفه يهتز من تبجي كسرت كلبي نزلت اجيبله مي اول مادخلت المطبخ اتلكتني رضاب ولمياء استوهن طبن سلمن على امي شايلات غراض هوايه عبرني وراحن لغرفهن
اخذت المي وصعدت فوك لكيت عذراء تمشط ماله نفس رحت يمه شفته نايمه ماهونت اكعده غطيته زين اخذت ملابسي ودخلت للحمام
اجوان:حسيت بيهن طلعن من الغرفه سحبت موبايلي رحت لرقمه اتصلت اريده يجي ياخذني ليش عايشه بذل يوميه واحد طاردني ماعندي كرامه بس خابت امالي من يطلع الجهاز مغلق رحت على رقم ايات عسا وان تجاوبني بس للاسف هم مغلق سديته ونزلن دموعي ضعف ،خذلان،ذل لميت رجليه لصدري حطيت راسي عليهن اريد اهدء الم راسي احس عيوني يحرمني كد مابجيت رجعت راسي على المخده بس اريد انام ماريد افكر بشي اريد اشرد من واقعي بصعوبه يلا غفيت
هاجر:واكفين نحضر وي امي العشه ومرت رضا ويانه
دخلن سهام وميسم اطك بالعلج سلمن ودخلن جوه
رضاب هزت ايده ماعاجبه كملنه تحظير امي تمشي بدون وعي كلبه كله يم صائب رجعت دكت عليه للمره المليون ويطلع مغلق كعدت على الميز مأيسه رفعت راسه وحجت
ضمائر:روحي يمه روحي كعدي اجوان خل تجي تتعشه
هاجر:صعدت فوك لكيته حاطه كتب يمه عود تقره صافنه بالفراغ حتى من دخلت مانتبهت عليه من سديت الباب فزت ورجعت دنكت على الكتاب كعدت يمه
هاجر:كومي نزلي تعشي ويانه
اجوان:مااشتهي نفسي تلعب
هاجر:امي تكول خل تنزل حبابه كومي نزلي وياي
اجوان:مالي خلك والله عوفيني
هاجر:شبيج اجوان كومي ماتغديتي اليوم انتي واذا مانزلتي والله امي تزعل منج
اجوان:كمت وياه لان خالتي أحسه تعبت كلش كله من وراي ماريده تتعب أكثر بسبي شنو ذنبه هي اذا ابنه حقير نزلت لكيتهن ينقلن بالاكل عمتي ولمياء كاعدات يسولفن ميسم كاعده يمهن تصبغ أظافره رحت يم خالتي كاعده بالمطبخ حاطه ايده على خده
رحت يمه بس لمحتني ابتسمت كعدت يمه سحبت ايده وبسته
ضمائر:روحي تعشي كملي لان عندي حجي وياج
اجوان:خاله ماريد احجي بأي شي موضوع الصبح نسته وراح لايضل بالج عليه
ضمائر:اني اريد اسولف وياج مو موضوع بس اريد اسولف سوالف ام وبنته
اجوان:اذا هيج هاهي اضل اسمع سوالفج منا الباجر
ابتسمت بوجهي رفعت ايده عدلت حجابي
حجيت واني مبتسمه
اجوان:يلا كومي هل ناكل
ضمائر:روحي انتي اني مااشتهي
اجوان:لعد اني هم ماريد
ضحكت بتعب ابتسمت الضحكته سحبت ايدي وكمنه كعدنه كله التمت على الاكل ناكل بسكوت بس صوت ابن رضا يبجي ميريد تمن اخر شي أخذته أمه صعدته فوك ضليت اكل بهدوء مارفعت راسي بعد كملنه شلنه السفره كعدنه بالصاله نشرب جاي انسولف اني وخالتي تحاول تنسيني ومتحسسني بشي فرحانه بأهتمامه بيه اجت عذراء يمنه لزمت بخالتي
عذراء:يمه شو اني متحجين هيج وياي
ضمائر:انتي مخبله متسمعين كلام مني
عذراء:هو انتي مسولفه حتى اسمع
اجوان:كامت تغار
عذراء:طبعا اغار غير امي
اجوان:ذيج هاجر ماسوت مثلج
عذراء:هاجر لااحساس ولا ضمير كلشي ماكو
هاجر:انجبي علساس انتي ام الاحساس
عذراء:طبعا عندج اعتراض
اجوان:اباوع لخالتي مبتسمه هزت هاجر ايده ماعاجبه اجت ببالي ايات من شفتهم شلون يتناكرن بينهن تذكرت مناكراتنه هسه هي شلونه شلون عايشه معقوله تزوجت فززني من صفنتي من حجت عمتي
سهام:شعجب صائب ماكو شو ماموجود
ضمائر:عنده شغل
سهام:شغله ميخلص ميكول هاي امي ايضل باله عليه
ضمائر:خابرني وحجه وياي ماخله بالي مشغول لاتخافين
اجوان:حركت ايده بمعنى ماعاجبه ميسم بصفه تباوعلي صفح وطك بالعلج مثل المطي
سهام:وانتي هي شوكت تنقلين وترجعين لمدرستج
اجوان: ردت احجي جاوبته خالتي رأسا
ضمائر:ماكاعده على كلبج ولا كاعده ببيتج
سهام:عادي مجرد سؤال هو شسويتله هسه
ضمائر:خلي سؤالج الج
اجوان:رجعت تسولف وي لمياء وميسم ولا همه شويه وسمعنه صوت بره ركضت مرت رضا اباوع لهاجر مستغربه دخل رضا ووراه مرته شاكه حلكه بالضحكه سلم على أمه وخالتي وخواته كعد شويه ركض عليه ابنه بوسه جابتله مرته جاي شربه وكام صعد فوك
باوعت على هاجر همست وحجيت
اجوان:هذا وين جان صار هواي مالافي للبيت
هاجر:جان يم مرته ذيج
اجوان:شلون قبلت رضا مو علساس تحرك الدنيا علينه شو كلشي ماكو
هاجر:علساس طلك ذيج ورجع شرط عليه صاىب هيج واليوم الصبح رجعه من أهله
اجوان:هسه يطلع مامطلكه
هاجر:نارهم تاكل حطبهم شعليه بيهم
اجوان:اتلفتت ادور على عذراء ماموجوده
اجوان:عذراء وين
هاجر:صعدت فوك تقره عود
اجوان: عذراء تقره شعجب لازم تريد تموت
هاجر:كومي نشوفه
صدك كمنه صعدنه فوك اجانه صوت ضحكته شعلوه فتحنه الباب
كبل اختفت ابتسامته الموبايل على أذنه دخلنه وكفنه كباله بلعت ريكه وحجت بتردد
عذراء:ي.. يلا حبيبتي ب..ببعدين احاجيج
سدته بوجهه شمرته بصفه لزمته كتابه بسرعه
حجت هاجر بشك ندري بيه من زمان تخابر دائما بس منعرف منو كلساع مطلعه عذر شكل لهذا السبب شكينه بيه اني وهاجر
هاجر:منو هاي
عذراء:منو يعني صديقتي
هاجر:منو من صديقاتج كليلي اسمه
عذراء:متعرفيه انتي
هاجر:ليش ماعرفه اعرف صديقاتج كلهن اني نفس المدرسه احنه ترى
عذراء:استوني تعرفت عليه ماصار هواي متعرفيه
اجوان:بعدهي تحجي ودك موبايله مره ثانيه لزمته بسرعه باوعت بشاشه رفعت راسه تباوعلنه بلعت ريكه بخوف كبل قفلت الموبايل وشمرته
هاجر:والله اذا متحجين منو انزل هسه اكل لامي وماكلج شيسوي بيج صائب اذا عرف
اجوان:تعصر بأديه تباوع منا ومنا تتجنب تباوعلنه كعدت بصفه سحبت اديه لزمتهن باوعتلي الخوف مبين بعيونه حجيت حتى اطمنه
اجوان:احجيلنه الحقيقه لاتجذبين واحنه وياج زين
دارت وجهه على هاجر تباوعله بخوف وهاجر واكفه كباله مجتفه اديه تهز برجله التفتت عليه وحجت بتردد
عذراء:هذا فضل
هاجر:فضل؟
عذراء:اي
هاجر:شكو تحجين وياه وصوت ضحكتج واصل لجوارين
عذراء:والله كلشي ماحاجيه بس نسولف
هاجر:اذا بس تسولفين شكو ترجفين ووجهج صار اصفر
عذراء:مابيه شي بس لان انتي واكفه هيج جنج شرطي
هاجر:فوكاه
عذراء:لا جواه
هاجر:السانج يرادله كص هسه انزل اكول لامي وهيه تصرف
اجوان:لزمت ايده اشرتله تكعد التفتت على عذراء
اجوان:اذا ماكو شي بينكم شكو تحجين وياه
عذراء:هيج اصدقاء نسولف سوالف عاديه
هاجر:ايي سوالف عاديه خطيه والله لو يدري صائب
اشرتله تسكت كوه لازمه نفسه اريد تكوم تنزل
اجوان:اذا اخوج ميقبل شكو تحجين وتسولفين وياه
عذراء:والله يحبني وأحبه
طفرت هاجر من مكانه تفر بأيده
هاجر:هلو هلو يحبني وأحبه
اجوان:اسكتي وكعدي خل نفتهم
هاجر:شسكت ها شسكت بطول النعال وتتمعشك
اجوان:ليش لعد متحب مشاهده كلب مثلا
هاجر:اجوان اسكتي انتي متعرفين شي
اجوان:ليش ماعرف شي وليش متحب شعايزه ايد رجل
هاجر:المفروض تحير بدراسته مو تحير بالحب وسوالفه
اجوان :التفتت على عذراء الي ضلت مدنكه ماحجت شي بعد
اجوان:كلامه صحيح المفروض تحيرين بدراستج لان انتي وزاري بس الحب هم مو غلط بس مو تعوفين وتهملين دراستج علموده
عذراء: والله ماعايفه دراستي بس هم احبه شسوي
اجوان:كملي دراستج ومن تخلصين عود فكري بي محد يمنعج بس هسه متأملين بيج خالتي واخوج المغثه
ابتسمت من بين دموعه مسحت دموعها وحجت
عذراء:ههه لاتحجين عنه ماسمحلج هذا اخوي
اجوان:عاد هو شلون اخو مزنجر والله مطيح حظه
هاجر:انجبي شو كمتي تمسلتين
اجوان:انتي انجبي هاي لان احجي الصراحه
عذراء:الصراحه راحه
هاجر:انتي تكيفين على ذني السوالف
اجوان:كامت عذراء حضنته ضلن يتعاركن اخر شي خلته توعده بعد متحجي وياه وعذراء بس توعد وترجع ليوره كمت من يمهن نزلت جوه يم خالتي لكيته وحده كاعده بالصاله فتحت التلفزيون وكعدت يمه تابعنه مسلسل كمت للمطبخ حضرت ماعون فواكه جبته واجيت كعدت يمه ناكل ونباوع صارت الساعه ب ١٢ كالت تروح تصلي ضليت وحدي قاعده اباوع مانعسانه اباوع مندمجه سمعت صوت بالمطبخ عبالي رضا بسرعه عدلت حجابي وكعدت عدل اتفاجأت من دخل بلعت ريكي بس لمحني ضل واكف بباب المطبخ جكارته بحلكه يباوعلي عيونه حمر ووجهه تعبان مبين مانايم صارله شهر كمت وكفت اريد اروح احس كلبي يريد يطلع من مكانه تقدم خطوتين بسرعه رفعت ايدي وحجيت خايفه
اجوان:ديربالك تقترب
صائب:اكعدي احجي وياج
اجوان:ماريد احجي وياك وماريد اسمعك عوفني بحالي
صائب:بس اني اريد احجي
تقدم خطوتين عليه حسيت النفس انكطع من عندي رجعت ليوره خايفه كلبي كد مايدك قوي أحسه يسمع نبضاته
اجوان:راح أصيح والم الدنيا وخر عني شتريد مني
بس شافني هيج عافني وكعد على الكرويته كبالي منزل راسه وشابك اديه ببعضهن رفعت ايدي امسح على كلبي الي أحسه راح يطلع من مكانه
رفع نضره عليه وحجه
صائب:اكعدي خل احجي وياج
اجوان:ماخليته يكمل بسرعه ركضت على الدرج رجليه يرجفن اركض خايفه قبل لاواصل الغرفه استوني اريد افتح الباب ماحسيت الا انجريت من ايدي شهكت خايفه كبل حط ايده على حلكي رفعني من خصري ارافس برجليه اريده ينزلني ايده أحسه راح تكسر فجي من كد ماضاغط عليه اهرمش بأيدي الثانيه خنكني يمشي بيه لغرفته اول مادخلنه بيه سد الباب برجله ودفعني على الحايط صار مقابيلي ايد ساد بيه حلكي وايد مثبت لديه بيه ورجليه مثبتهن برجليه بحيث مقيدني ماكدر اتحرك ولا اسوي كلشي جسمه اضغم مني شالي وكع على متوني كلبي يرجف من الخوف حسيت هاي اخر لحظاتي وراح يكتلني هنا اباوع بعيونه مركز بوجهي رفع نظره على عيوني بلع ريك وحجه اني الهث وهو يلهث
صائب:ماخليتيلي غير هذا الحل
اجوان:بس حجه هيج عضيت ايده الساد بيه حلكي بكل قوتي حسيت السن راح يطبك بسن ...
يتبع🦋
كلش اسفه على التأخير بس البارت رغم قصير ادري بيكم راح تعترضون عليه بس شسوي والله ماكدرت احل المشكله حتى اخوي كام يلطم من وراي ههههه إن شاء الله باجر انزل تكملته احبكم حبايب وعذروني مره ثانيه
🤎🤎