هي الشمس تغدو تراه وتغيبُ
والدهر لنا في الاحاديث مريبُ
تغربت عن اهلي فيا طول غربتي
اياليت شعري هل اموت غريب
فواسفاً ان مت في دار غربتي
غريب ولا يبكي على حبيب
فيا قلبي صبراً ولا تكن جرحاً
ان خـير الخلق قد مات غُريب.
الفـهد : خلصت الحنه وخلصته ويه روحي كسرتي بروحي
اجاملهم وخلاص اريد تنتهي هاي المهزلة
مصطفى : عضيدي ولك اليدحگ عليك يكول عندو فاتحه مو
حنة شعلامك مو هاي البنية الي تحبه
الفـهد: جريت حسره طلعت روحي.... مصطفى ماحبه بس امـي
تغيرت ١٨٠ درجه محد يعرف علته تمرضت وتكلي اغضب عليك
ليوم الدين ولاانت ابني ولا انه امك اذا ماتزوجت بت خالك.
شسوي متكليي انه بت خالي زين اذا شايفه چم مره ما اريده ولا اريد عشره مثله
مصطفى: عـجل شتريد
الفـهد: اريد تالين بت عمي
مصطفى : الله يساعدك ويعين كلبك والي جاي افهمه من
كلامك الاجل امك راح تضحي بحبك .... يحجي والانكسار
واضح على عيونه عجل هلكد الحب يذل صاحبه
الفـهد: كرهتني تگلي بگد ماحبيتك كرهتك اضعاف
مصطفى : حقه من تحجي هيج جرحته انت وحطمته ....
الفهد: چا انت ردتك عون تطلعلي فرعون ولكككك وعلي احبه
واخذه اخذه
مصطفى : عجل شگلك فهيد تره اذا تزوجت خلاص تخسره
وحسب كلامك صارت تكرهك واذا قررت تزوج انت مالك حق
تدخل بعد
الـفهد: ماتسمى رجال وانعد على زلم اذا ما صار اسمه بظهر
جنسيتي
مصطفى : الله يسهلك دربك ويصبرك ويخليه من نصيبك
الفـهد: امين
تـالين: رجعت لغرفتي منتظره تخلص هاي الساعات لان بأي
لحظة ارتكب جريمه ماكدر اتحمل الي جاي يصير ولو ينطوني فهد
هسه اقتله بأيدي مراح تبرد النار الي بداخلي بقيت بغرفتي احس
الغرفه صارت زغيره وتخنگ بيه..... الى ان اجتني شهد...
مصطفى : اليوم حنت الفـهد واكد عليه لازم الاهل يجون وياي
اخواني عدهم دوام ومشاغل ماقبلوو يجون وابوي بالديوان
ماقبل يعوفو الي اجه وياي امي وساره ويقين
بداخلي كلش فرحان لاخوي وعضيدي بس الكسر فرحتي من گلي
خط
تالين: سلمت على خالتي ام مصطفى والبنات ويسئلني
اجاوب على كد السؤال...
نختصر الاحداث
مصطفى : وكفت وي الولد اساعدهم ورحت اجيب الماي من
المطبخ اني وقسور وچان يدخل كدامي قسور ويصيح
قسور: رحنه اني ومصطفى نجيب الماي وشفت سرور بت
عمتي... عمي هلا بالعلوية شلونج شخبارج سرو مانشوفج
سرور: هلاو قسور الحمدلله زينه انت شخبارك
قسور: الحمدلله على الله بعد اخوج اريدج تحضيرن الماي
ناخذه للزلم
سرور: تدلل دقايق ويجهز
مصطفى : اسمع صوته واني دگات گلبي تزيد صوته مثل
الموسيقى الي تخلي الانسان ينطرب من يسمع اله ماتدري بصوته
عزفت على اوتار كلبي تمنيت اشوفه واحجي وياه
جاب قسور الماي ورحنه دزينا ورجعت ملهوف واركض بلكي الگه
وماخاب ضني لگيته بالمطبخ جماله وبرائته اسرني جانت لابسه
فستتن محجبات لونه زيتوني وشال بيجي عاكس على بشرته
البيضه وعيونه الخضر خجلت من نفسي واني اوصف جماله ليش
هي هم تنوصف؟ حمحمت بصوت اريده ادحگ عليه وتشوفني
انتبهت علي والتقت نظراتته كلتله عـلوية
سرور: جنت واكفه بالمطبخ ارتب بي ماحس اله صوت خشن
يحمحم انتبهت ورفعت راسي هذا مو نفس الرجال اليخوف...
كتله بتوتر وخوف تريد شي عمو؟
والافكار اكلتني شلون يعرفني ويعرف بيه علويه؟
مصطفى : جاوبتني بصوت بي خوف وتكل شتريد عمو؟
مقبولة منج واصير جدو مو عمو... علويه اني مصطفى صديق
فهد الي من الانبار
سرور: هلا بيك عمو انت الي نقذت تالين بت خالو جمال
مصطفى : اي بوية واني اريد احجي وياج اذا تسمحين
سرور: لا عمو اسفه ماكدر انت رجال غريب ماعرفك شلون احجي
وياك بصفتك منو ولشنو؟ احجي
مصطفى : عصبتني بس بنفس الوقت عجبتني طريقة بالكلام
ورزانته .. ماخذ من وقتج هواي والله حتى اذا تردين هنا نحجي
بس لازم اكلج بعد ماتحمل
سرور: كول عمو بس فدوة بسرعه لان اريد ادخل للبيت
مصطفى : اول شي لاتكليلي عمو ثاني شي اني مو چبير بعدني
شباب والشغله الاهم بوية انتِ دخلتي كلبي من اول مره شفتج بيه
ومستعد بس ترضين بيه اجيب مشي من الانبار للبصره واسوي
عرس بالانبار اخلي اهل الغربية كله تحجي بي بس كولي اي
سرور: انصدمت صدمه عمري من كلامه اسفه ماكدر اني بعدني
طالبه مامفكره بالزواج واهلي مستحيل ينطوني الك اني الوحيده
الاهلي والانبار صعبه اسفه يلا اترخص اني
مصطفى : حيل ضجت ودمارات ايدي برزت قبضت على ايدي
حيل من رفضه الي بس بررت الهه كلت اكيد شخص غريب
بالنسبة اله وهي بعدهي زغيره حقه... انطيج وقت تسئلين لبين
ماتعرفيني وكته برري براحتج.. وانتِ غاليه ماترخصيه روحي بوية
وافكري زين
سرور: هزيت براسي بهدوء وطلعت اركض من المطبخ
تالين: ماعرف خلصت الحفلة او لا تمددت بسريري والافكار
تاخذني وتجيبني دموعي تصب واني اباوع على سكف الغرفة
احسه صار شاشة ذكريات من اول يوم اجيت لحد هسة ذكرى
ذكرى تمر عليه وتحطمني على بطيء صارت الساعه ب2ضبط من
كد البچي عيوني يحركني وصارن حمر صوتي مبحوح وبلاعيمي
مجرحه.. كمت من مكاني اخذت المبايل ودخلت على اتصالات
اول شخص اجه ابالي هو اكيد عنده خفاره لان خفاراته كل
خميس رن المبايل وحجيت الو
_ هلا بالكاطع. وناسي هلا بالمايعرف اخبار هلا يام من اشوفنه
الواهس بيش اوصفته يهودي وطاب للجنه شلونج يالعزيزه
تالين: ابتسمت لا ارادي واني اسمع كلامه... مو زينه راح اموت
_ اسم عليج شبيج بابا يوجعج شي متأذية سوالج شي؟
تالين: عساف باجر عرس فهدد
عساف: هممممم سالفه فهد اي خل يتزوج يطبه طوب شعليج
بي
تالين: هاي شبيك خالو تحجي صدك اني افكر انهزم واجيكم
واخلص من حاره بارده
عساف: الكلب كبل العين يتلگاج بس ماريد تخطين هيج خطوه
ويكولون على بت اختي انهزمت من عمامه لا ابن عمه تزوج بت
خاله لعد شكد فعيفه لاخالو لا خلي يخلص العرس كم يوم واني
بيدي اجيج اريدج تثبتين النفسج اولاً انت قوية ومايهزج شي ثانياً
طـز بالكل وبالاخص فهد كله الدنيا ماتوكف عليك وبعدين على
شنو هل صوت مبحوح لج مايستاهللج والله مايستاهلج
امسحي دموعج ونامي زين وباجر اريدج تتانقين وتطلعين توبه
اتولتي وداعت كل دمعه نزلت من عينج اخذ حقج خوش يروحي
تالين: ارتاحيت بشكل مو طبيعي من حجه وياي خالو هذا مو خالو
هذا صديقي واخوي اعتبر مقرب الي اكثر من اخواني دكتور
عساف هو الي خلاني احب الطب... ارتاحيت من حجيت ويا
ونمت وفزيت على صوت الهلاهل الساعه ب6
ماتحملت كل هاي الضغوطات دموعي اخذن طريقهن نحو النزول
احيانن تمر مواقف تخلي الانسان عاجز عاجز بيوم من الايام چنت
بنية مدلله اخر همهم شجاي يصير بالعالم الخارجي كل همي
دراستي اهلي حلمي. هسة اهلي ماتو
فهد تزوج بس حلمي بقه وخايفه حيل اخسره.... بدلن وغسلت
وجهي واخلبت شي بسيط على وجهي يخفي ملامح السهر
والتعب ياكسرتي الچبيره.... طلعت من الغرفه وصار بوجي فهد
اباوعله عيوني حمر والجكاره بيده وشعره مخربط واضح التعب
تالين: واضح التعب عله ملامح وجه ... رغم كل السوا بيه
ورغم الي بداخلي كله محطم بسببه بس خفت عليه لان
شكله مو طبيعي مو شكل عريس فرحان بعرسة محيت هاي
الافكار من راسي وتعديته ونزلت بعدني على درج واشوف
الكل محتفل... ودي اصيح يا ناس ياعالم منين اتلكاه منين ما
اباوع مسدوده بوجهي ... والساني ماينطق غير
" مـابيكم سـند كلكم تكسرون الظـهر "
الفـهد: خلصت الحفله بالالف ياعلي كل ماريد اطب مايخلوني
مصطفى واسر يكلولي عيب من العالم شيكولن جاين علموده
ومانلكا تعبت حيل وجاسر خطيه ماعافني
تعبت حيل بدت الناس تروح اترخصت منهم وصعدت لغرفتي
ردت اروح لغرفته واشوفه بس بيا عين اروح شگله
باركيلي باجر عرسي؟ لو شحجي ضاگت ياعلي وكل حيل مابيه
جرح يلم جرح ونكول مگضيه سبحت وبدلت
وفرشت سجاده صلاتي صليت صلاة الليل وقريت قرءان وزيارة
عاشوراء ارتاحيت شوية خلصت لميت السجاده
ورجعت كلشي لمكانه وتمددت على سرير بس ياعين تغمض
النوم جافاني... ضليت ادخن وشاهد الله صليت صلاة
الصبح وعيوني ماماخذه نوم واني افكر هو يالليل مرني ولگيت
الراحه الخلصه تعب مايرتاح ويضل متعوب ضليت
ادخن والافكار محتله راسي نزلت جوه وامي وحبوبتي والبيت
هوسة گاعدين من الصبح ويهوسوني والهلاهل
ترسن البيت انه ويني وين هاي السوالف صعدت الدرج توني اريد
اطب لغرفتي وانفتحت غرفة تالين وطلعت العيون حمر
والوجه تعبان حيل ضجت وانقهرت انه سبب حزنج ريت الحزن بيه
ولا بيج....
اسـاور: كعدت الصبح فرحانه واخيراً فـهد صار الي ورسمي صرت
مرت الشيخ فهـد مامصدگه يمه مامصدگه الي جاي يصير. حقيقه
ام اساور: اي يمه صدگي صارت حقيقه واليوم عرسج انت والشيخ
فهد وهذا كل بفضل ام عباس الله ينطيه الصحه والعافية
اساور: يمه صدك كملتي فلوسه لو لا
ام اساور: لا والله يمه ماعندي وهل جاي افكر شلون اسد دينه
اساور: لا تفكرين يمه اني بس خلي يخلص هل يوم حتى لو اخذ
من فلوس فهد واجيبلج انطيهن اله
ام اساور: خوش يمه
من بين الحشود المتواجده ارتكزت انظاري على ذات العيون
الزرقاء كحل عينيها مرسوم بطريق مموهه ضافت لمسه من
الجراءه الى عينيها البريئة.. ووجودج لمعات كرستاليه فوق
جفنيها زادت من امواج بحر عيونها.. وشفتيها تزينن بلون زهرة
الجنبد الوردي مما اضاف الى جماله جمالاً يأسر الࢪوح قبل النظر
اضافه الى فستانها الاسود الذي يعكس حزنها
جميلتي تأكدي لا يوجد جمال يضاهي جمالك في عيناي...
الفـهد
الفـهد: جهزت نفسي ولبست قاط لان العريس من يلبس زي عربي
ماترهم له المره اله التكشخ ويا.... كملت ونزلت صوت الهلاهل
والاغاني والهوسات وشوفت امي فرحانه واهلي فرحانين بس
انه مافرحان شسوي الحمدلله على كل حال
طلعنه بالسيارات الزفه نجيبه ونجي .... وصلنه ودخلت بس
ماشفته جانو مغطينه وجه ابوه سلمه بيدي اخذته للسياره وبعد
الطريق وصلنه ودخلت البيت ورفعت الوشاح من على راسه. جان
يصيحن بوسه ولا تخاف من امه
اباوع لامي تأشرلي ابسوه قبلته على جبينه بس بدون مشاعر شي
مجبور عليه شلون راح يكون؟
تـالين: الكل مشغول بالترتيبات ماصارت احداث مهم صعدت
بدلت ملابس ورحت للجامعه اتهرب من الي جاي
يصير صارت ب12 ونص تقريباً بعدني مامخلصه محاضرات
وقررت ارجع لان بالي أصلاً مشغول ومومال ابقه
وعدت بيبي ارجع ... لذالك رجعت للبيت والمكان قمه بالفوضى
والهوسة سلمت وصعدت لغرفتي غير ملابسي
ونزلت اساعدهم بالتجهزات؟ شايفين هيج اجهز وياهم لعرس
الفهد كملنه وصعدت ابدل واحس الدموع متحجره
بعيوني ماكدر ابجي تانقت وخليت ميكب نزلت بكامل
اناقتي. ... وراحو يجيبون العروس ومن اجو دخلو هو وياه بس
هو كدامه وهي تمشي ورا ورفع الوشاح من على
راسه وباسه هنا اني دموعي نزلن وشهكاتيي كامن يطلعن بدون
ارادتي رحت اغسل واهفي على وجهي ماريد ابين
لاحد اني باچيه هو شافني وطلع من البيت ضليت افتر بالبيت
حايره شسوي مخنوكه وافتر جسمي كل يرجف
صار الليل وبدت الناس تتعشة وهي صعدوه لغرفة فهد
واني ضايعه ماعرف شسوي قررت اصعد لغرفتي توني
بديت اصعد وسمعت الهوسات على درج زفو فهد وكفت ب باب
غرفتي باوعلي بتعب ماتحملت نضراته دخلت
لغرفتي ونهاريت من البچي خنگتني روحي وجاي احس بالكوه اجر
بالنفس تعبت حيل بقيت ابجي ونايمه على الگاع
وشعري متطشر وحالتي حاله بدلت ملابس وغسلت وجهي
. طلعت من الغرفة خنكتني نزلت من الدرج نزل اخر باية وفقدت
الوعي.......
ملاحظه:-تالين سوت عمليه ولاده بتوائم فعذرونه بلبارتات قصيره
نحبكم وشكرا ع تفاعلكم🫶❤️🩹
نغم الشمري
زهراء الموسوي