حلقة خاصة " عودة الأحباب"
يستطيع مداعبة أوتار قلبي بكلماته أصبحت أسيرة تحت ظله مهما فعل بي أنا وهو جسدين بروح واحدة .
دلف داخل شقته وجد أمامه ظلام دامس وهدوء قاتل لم يعتاد عليه أردف متعجباً
_ راحوا فين ؟
تحدثت هي خلفه تحمل بيدها شمعة صغيرة أردفت
_ هما مين ؟
التفت لها وأردف
_ حرام عليكي يا رغد حد يخض حد كده
تركته وتقدمت بضع خطوات وأشعلت الأضواء
نظر لها وجدها ترتدي ذلك الفستان
سرح بذاكرته يتذكر ذلك اليوم كان يظن أن هذا هي النهاية
قاطعت شروده مره أخرى عندما طوقته بذراعيها على خصره من الخلف أردفت
_ افتكرت ؟
وضع كفه فوق كفها الموجودة على خصره أردف
_ افتكرت كانت ليلة سودة دفعنا تمنها بالفراق لمده أربعة سنين
ردت عليه
_ أحياناً بيكون الفراق علاج لتصليح العلاقات خاصة مع حكايتنا ابتسمت له وأكملت
_ كانت نهاية الحكاية روفيدة ومالك
حرر ذراعيها من خصره وسحبها أمامه أردف
_ بعد السنين دي كلها ولسه مقدرتيش تنسي
ردت عليه
_ بحاول أتخطى بس أوقات غصب عني بفتكر والنهاردة لازم أتخطى خوفي وأواجهه، لازم أكسر كل حاجة كانت متعلقة باليوم ده عشاني وعشانك يا يونس كل ما كان الجرح أعمق كل ما كان أثره يكون كبير
رد عليها
_ طيب اعمل ايه أنا مقصرتش حاولت بكل الطرق أدواي الجرح ده بكل طاقتي
ردت عليه
_ التقصير مش منك خلي السنين هي اللي تدواي الروح
النهاردة قررت ألبس الفستان ده عشان نمحي الذكرى السيئة اللي كانت مرتبطة به
رد عليها
_ بس أنا شايف أنك فتحتي باب الماضي تاني أول لم شوفتك افتكرت قسوتي وعقوبتي ليكي
ردت عليه مغيرة للموضوع
_ خلاص بقى يا يونس عارف النهاردة ايه ؟
رد عليها
_ النهاردة الأربعاء
ردت عليه
_ النهاردة كام في الشهر ؟
رد عليها
_ 14/2
ردت عليه
_ طيب ايه ؟!
رد عليها
_ مش فاهم ايه المهم في اليوم ده ؟
ردت عليه
_ النهاردة الڤلانتين يا روحي
انفجر ضاحكاً بعد إنهاء حديثها
ردت عليه بغيظ
_ بتضحك على ايه هو أنا قولت نكتة
رد عليها
_هو يعني ايه ڤلانتين أصلاً ده اسم كاهن مسيحي في روما ليه اختاروا اليوم دة واحتفلوا بيه والله عيب علينا گ مسلمين
ردت عليه
_ ليه ايه الغلط ؟
رد عليها
_ڤالنتين» ده اسم كاهن مسيحي من روما، ويرجع تاريخ الاحتفال بعيد الحب العالمي في 14 فبراير، إلى يوم إعدامه، حيث انتصر للحب والمحبين فدفع حياته ثمنا، حيث قام بتزويج الجنود سرا إيمانا منه برسالة الكنيسة والإنسانية التي لا تمنع اقتران المحبين، ضاربا عرض الحائط بقرار الإمبراطور«كلوديوس» حاكم الإمبراطورية الرومانية في القرن الثالث الميلادي، اللي منع الجنود من الزواج حتى لا يشغلهم عن مهامهم الحربية، وذلك بعد ان تعرضت الإمبراطورية الرومانية في ذلك الوقت لانتشار «الطاعون»، ما أسفر عن وفاة آلاف شخص يومياً من بينهم الكثير من الجنود وعقابا له اعتقل القديس فالنتين وأُرسِل بأمر من الإمبراطور إلى حاكم روما، الذي حاول معه بوعود كثيرة أن يحوله عن ترك المسيحية وعبادة الأصنام ولكنه فشل، فأمر بضربه ضربًا مبرحًا بالحجارة ثم قطع رأسه في 14 فبراير حوالي سنة 270 م.
والأصل في ارتباط عيد الحب باللون الأحمر عارفة أختاروا اللون ده ليه بالذات تعرفي ؟
مطت شفتيها مع رفع كتفيها بمعني لا أعرف
ابتسم على حركاتها وأكمل حديثه
_يرجع إلى قيام الجنود بإلقاء ڤالنتين بزهور حمراء عشان كانوا فرحانين بزواجهم وتقديراً لما فعله معهم، واللون الأحمر له دلالته في كل الثقافات حول العالم حيث يرمز في المجتمعات الشرقية إلى الرخاء وحسن الحظ والفرح خاصة عند اقترانه باللون الأبيض، فيما يرمز في الغرب إلى الطاقة والعمل والحب.
بصي يا " ساحرة قلب يونس ووتينه"
علاقات الحب أسمى وأرقى من كدة بكتير الحب الحقيقي مش محتاج يوم نحتفل به والله كل دة كلام فاضي الحب اللي بجد تثبته المواقف وقت الخصام مش مجرد كلام حلو وهدايا وكام صورة وكلام رومانسي كخطاب، الحب صعب مش سهل زي ما أنتي متخيلة الحب احترام، لطف ، ود، مسئولية واهتمام ، معافرة ، احتواء الحب محتاج مجهود وتعب ، دعم وتشجيع وتخطي الصعاب اختيار صح لشخص سوي نفسيا وناضج ناس تستحق المشاعر المحفوظة جوه القلب يكون راجل بمعنى الكلمة يستاهل الحب بجد كفاية تفكير معاق وتقليد للغرب
وقفت على الكرسي ووضعت يديها بجانبها أردفت
_ يعني ايييه كل اللي عملته ده على الفاضي
حاول كبت ضحكاته أردف بهدوء واستفزار في آن واحد
_ أنزلي يا رغد بلاش تصرفات العيال دي أنزلي وزنك تقيل مش فراشة زي زمان لم تقعي دلوقتي ورقبتك تتكسر مين اللي هيهتم بيا أنا وعيالك
زفرت أنفاسها بضيق هبطت للأسفل واتجهت نحوه أردفت
_ معترف اهو إني كنت فراشة زمان صمتت لثوان وأكملت
يعني أنا دلوقتي مش عجباك كنت حلوة زمان ودلوقتي لاء؟
رد عليها
_ عجباني في كل حالاتك يا رغد وأنتي عارفة كده كويس
أقترب منها وأبعد بكفة خصلة شعرها التي تحجب الرؤية لجمال عينيها أردف
عيناك كنهري أحـزانِ نهرَي موسيقى
حملاني لوراءِ وراءِ الأزمـانِ
نهرَي موسيقى قد ضاع سيدتي
ثم أضاعاني الدّمعُ الأسودُ فوقهما
يتساقطُ أنغامَ بيـانِ عيناكِ وتبغي
وكحولي والقدحُ العاشرُ أعماني
وأنا في المقعدُ محتـرقٌ نيراني
تأكـلُ نيـراني أأقولُ أحبُّكِ يا قمري؟
آهٍ لـو كان بإمكاني فأنا لا أملك في الدنيـا
إلّا عينيـك وأحـزاني سفُني في المرفأ باكيـةٌ تتمزّقُ فوقَ الخُلجـانِ
_نزار قباني
أنتي مش محتاجة عيد حب يا رغد عشان أثبت حبي لكي، كل ساعة وكل يوم وكل شهر وكل سنة حبي يكبر ليكي مع عمري
المحب لا يمل من إظهار حبه لمحبوته مهما مرت السنون بينهما
تمت
_ أمل أحمد