الحياة بيها اهواي فرص واني اخدت من هاي فرصه مره وحده بس الحمدلله على ربي الي نقدني من الموت ، اني خيري جد لجان وإلينا اني واحمد چنه بنفس المنجم نشتغل يوم من الايام شفنه فراشات يريدون يطلعون بره احمد كبل كال خلي نلحكهم لان يريد ينقذنا ولحكناهم وطلعنا بره بعد دقايق خسف المنجم للعمال وبعدين اتهمونه وقررنا نشرد من العكاشات ، زوجتي ماتت من ولد ابني وسام الي هو ابو لجان والينا واني دائما من جنت اطلع الشغل جنت اخليها لإحدى البيوت علمود يعتنون لوسام ، ومن شردنا احمد اخدت زوجته واني ماكدرت اخد ابني طلعنا ورحنا لقريه أم الورد الي مجان بيها اهواي ناس عشنا اهناك ودائما جان ببالي ابني وسام او حفيدي هم يرجعلي وهم يحضني بس انتظرت 💔
سوسي : هاي احلى يوم بحياتي
جان : ماكو أي شي حلو غيرج
سوسي : ياروحي
جان : يلا يا حلوتي خلي نركب الخيل و نرجع صار اليل
سوسي : تمام حبيبي
جان : الله هلكلام شكد حلوه من لسانج
سوسي : (بصياح )حبيبي حبيبي حبيبي
[مشهد في البيت ]
عسل : الله شوفو جان وسوسي رجعو بالخيل
احمد : مشاءالله عليهم مبين وافقت سوسي
فاطمة : على شنو وافقت
احمد : جان اجه كلي اريد اعترف لسوسي بحبه
فاطمة : صدك ؟
احمد : يي شنو ماعجبج وضع ؟
فاطمة : لا بالعكس فرحت كلش بس مو بهل إستعجال
احمد : بنتي الحب ابد مابيها إستعجال الي يحب لازم يوكف كدامها ويعترف لان الحياة قصيرة
فاطمه : صح كلامك عمي
جان وسوسي : سلام عليكم
احمد : وعليكم السلام ، مشاءالله عليكم شكد لايكين لبعض
جان وسوسي : شكرا جدو
فاطمه : بنتي مبروك واخيرا اشوف وحده من بناتي عروسة
احمد : مو بس وحده ، ثلاثهم سوه
فاطمة : شون يعني ؟
احمد : دكتور امير هم طلبت ايد عسل
فاطمه : صدك ؟ شنو هاي فرحه وره فرحه
احمد : الف الحمدلله للحياة الي نعيشها ويا الاشخاص طيبين مثل جان وحسام وامير وبالآخير حيصيرون نسيبنا فرحتي ماتنوصف
جان : شكرا
فاطمة : يلا خلي ندخل العشى جاهز
[مشهد في طاولة الطعام ]
جان : جدو
احمد : كول ابني
جان : اني اريد اتزوج سوسي وماريد يبقى هيج شي لان كلام ناس وهم اريد نخلي اسم للعلاقه واريد أبني البيت
احمد : يي ابني مابيها شي ، إذا تريد اخطب وبعدين نبني البيت
جان : يي سوسي شنو رئيج نخطب بيوم عيد الحب يصير
سوسي : ماعندي مانع المهم نخطب
محمد : منو الي يخطب ؟
احمد : تفضل ابني اكعد ، جان يريد يخطب سوسي شنو ردك انت
محمد : يي مابيها شي اني قابل بكلشي
سوسي : شكرا بابا
جان : شكرا عمو
محمد : عفوا أولادي
[مشهد في بيت موسى ]
إسراء : موسى يوسف ليش تأخر للعشى
موسى : خابرته كال جاي ويا أسينات يوصلني بسيارتها
زينب : منين عنده تلفون يوسف
موسى : اشتريت اله
زينب : يي زين سويت
موسى : مهدي وينه ؟
إسراء : اخد فلوس كال عازم حوراء لمطعم
موسى : اها ، شو مهدي قافل لست حوراء
زينب : يي بابا حلوه لايكين لبعض
موسى : يي زين لعد
[مشهد في السيارة]
أسينات : يي يوسف هم تتعب بالشغل ؟
يوسف : لا ماكو تعب حبيت هلشغل
أسينات : يي زين ، اريد اسئلك شي
أسينات : هم حبيت قبل
يوسف : يي بس الفراشات
أسينات : شون يعني مفهمت
يوسف : الفراشات دائما چانو يأخذوني للمكان الهادئ والموطن الحقيقي واني من تعلمت انو الفراشات تأخذني للموطن آخر مره جابني هيه للقريه أم الورد
أسينات : يعني محبيت ابد
يوسف : يي ليش ؟
أسينات : هيج اسئل ، يلا وصلنا امك بالباب ينتظر
يوسف : يي خطيه تخاف عليه
أسينات : يي
يوسف : يلا تعالي نتعشى سوا
إسراء : يي بنتي عشى جاهز يلا نزلي
أسينات : عافيات الكم بس والله ضروري ارجع للبيت ابوي يقلق عليه
إسراء : عادي هسه عمج موسى راح يخابر ابوج نزلي يلا
أسينات : تمام شأكول لعد
إسراء: يي تفضلو
[مشهد في مطعم ]
مهدي : يي شنو نطلب أكل
حوراء : ماادري بكيفك
مهدي : بيتزا تاكلين
حوراء : عادي يصير
مهدي : تمام
مهدي : اخوي بيتزا اثنين ويا مقبلات زياده
عامل المطعم : تمام
مهدي : يي حبيبي يمتى تردين أجي اخطبج
حوراء : بكيفك حبيبي غير تفاجئني بيها
مهدي : لعد هسه وين كاعدين 😁
حوراء : يي 😁
مهدي : شتكولين لعيد الحب يصير
حوراء : يي يصير حلو كلش و حتى يصير ذكرى حلوه
مهدي : يي حلو ، يلا اجه البيتزا جوعان اني كلش
حوراء : وربي اني هم ميته جوع
حوراء : شو احنا طلعنا عضاميين 😁
مهدي : يي صح 😁 ، يلا حبيبي بالعافيه الج
[مشهد في صاله البيت ]
جان : جدو
احمد : كول ابني
جان : بارحه ليش سئلتني تحب الفراشات شنو جان قصدك
احمد : لان الفراشات يا ابني راح يوصلك للأهل حقيقي للموطن الحقيقي
جان : شون يعني ؟
احمد : ابني ، باجر او بعد باجر او اي يوم إذا شفت فراشه يمك وتروح بمكان كبل الحكه وتشوف شنو قصدي وتفهم
جان : تمام إذا هيج راح الحكه ، يلا الينا احنا هم نروح للبيت ننام ونرتاح
الينا : تمام
سوسي : لو جنت تبقى نسهر
جان : حبيبي غير مره نسهر اهواي بعد عدنا ايام
سوسي : تمام حبيبي لراحتك
جان : يلا مع السلامه
الكل : الله معك
[١٠:٠٠ صباحاً ]
احمد : سوسي جان يصيحج للمزرعة
سوسي : تمام جدو جايه
عسل : جدو
احمد : كولي بنتي
عسل : جدو اني قررت
احمد : يي بنتي شنو قرارج؟
عسل : اني موافقه بس اريد نخطب بعيد الحب
احمد : يي بنتي لعد مبروك الكم ، انتي تكولين لو اني اكوله
عسل : شكرا جدو ، لا اني عصر اروح يمه للمستشفى
احمد : تمام بنتي
[مشهد في مزرعة ]
سوسي : حبيبي
جان: هلا حلوتي
سوسي : شلونك ويا اول يوم واحنا نحب بعض
جان : وربي شعور ماتنوصف
سوسي : الله شوف فراشة شكد حلوه وجبيره
جان : يي خلي نشوف وين تروح لان جدو كال راح يوديك للموطن الحقيقي
جان : فراشه أخذني لقلبج لان هيه موطني الوحيد ، احبج سوسي
سوسي : اني هم احبك حبيبي
جان : يلا حبيبي خلي نكمل قبل ماتصير غدا
سوسي : تمام يعمري
[بعد ساعه]
جان : يلا حبيبي خلي نرجع للغدا
سوسي : تمام
[مشهد في البيت ]
فاطمه : يلا رجعو جان والينا خلي نصب غدا
الينا : جان اني وسوزان اخدنا ١٠/١٠
جان : عفيه عليكم أريدكم تبقون هيج
سوسي : ماما جدو وسركان وينهم ؟
فاطمه : جدج اخد غدا وراح يم خيري يبقى وياه
وسركان معزوم ببيت عمه
سوسي : يي زين
[مشهد في طاولة الطعام ]
جان : سوسي عصر وينج
سوسي : والله اني بسبب الفرح ماكدرت انام زين فيجوز انام
فاطمة : يا نوم انتي وخواتج يوم تغسلون البيت
سوسي : ماما تعبانه
جان : يي حلوتي ساعدي خواتج وكملي ونامي
سوسي : يي ، زين انت ليش سئلت ؟
جان : هيج مشوار عادي نتمشى بس غير مره
سوسي : يي تمام
جان : عمه فاطمة عدكم جنطه
فاطمة : يي ابني شتسوي بي ؟
جان : هيج اخلي بي غراض اريد اروح لشجرة سوجان
فاطمة : شون يعني ؟
عسل : ماما شنو يعني مافهمتي جان وسوسي خلو للشجره بلا اسم اسمهم
سوجان يعني سوسي وجان
فاطمة : حلوه ، يي عندنا ابني من تروح اخده
سوسي : شتسوي اهناك
جان : مفاجأة الج لباجر 🙂
[مشهد في بيت موسى في طاولة الطعام ]
مهدي : ماما وبابا اني اريد اكلكم شي
إسراء : يي كول ابني
موسى : كول
مهدي : بيوم عيد الحب اريد اخطب حوراء
سركان : بس اهنا حيصير خطوبتين
مهدي : شون يعني ؟
سركان : جان وسوسي خطوبتهم هم بيوم عيد الحب
مهدي : صدك ؟
سركان : يي
مهدي : يي لعد كلش حلو يصير جماعي ، يي بابا وماما شتكولون
إسراء : ابني مدام اختيارك وفرحان بيها منكدر نرفضلك شي
موسى : الفرحه الي انت بيها احنه هم نفرح بي ، مبروك الكم
مهدي : شكرا الكم والله
زينب : يعني اخوي راح يخطب ، ياروح اختك
مهدي : يي يختي يي
زينب : لازم تشتريلي فستان على حسابك طبعا الي ياخد حبيبته لازم يضحي لخته
مهدي : كل ملابس أم الورد فدوۿ الج
زينب : يروح اختك
[مشهد في كوخ خيري ]
احمد : اليوم حفيدك جان عرف شنو معنى الفراشات يعني مضل شي يا خيري حتى تحضن حفيدك
خيري : ان شاءالله احمد
احمد : اني راح ابقى يمك للمغرب لان احس اليوم راح ينتهي كل هاي الشوق
خيري : يي ابقى بلكي يالله
[اجه رجل كبير للمكان اسمه حيدر ]
حيدر : سلام عليكم
احمد : وعليكم السلام حيدر تفضل
خيري : وعليكم السلام ،احمد منو هاذا ضيف الجديد
احمد : هاذا حيدر اني الي خليته لمكان بعيد من القريه حتى يعرف شخص هارب او شي يدور القرية حتى نلكه حفيدك
خيري : اها وليكته وجبته للقرية
حيدر : يي حتى طلب مني ماي للطفله وانطيتي وحجالي قصته وعرفت انو من العكاشات فدليته ل أم الورد
خيري : شكرا الك حيدر
احمد : حيدر انت ابقى للمغرب ويانا اهنا
حيدر : تمام ماعندي مشكله
[مشهد في البيت ]
[بعد ساعة ]
جان : يلا اني اخد جنطه واطلع
سوسي : يي حبيبي دير بالك علنفسك
جان : تمام يروحي انتي هم ، يلا سلام
سوسي : سلام
ليلى : يلا بنات خلي نغسل البيت
عسل : بنات اني ضروري اروح يم دكتور امير لان اريد اوافق يمه واشوف شعوره
بنات : يي بس لاتتاخري علينا
عسل : تمام
[بعد ١٥ دقيقه]
[ مشهد في طريق جان يحجي ويا نفسه ]
جان : يا عمري سوسي الي زرعت كل هاي دوار الشمس علمود قلوب الناس وأحبابهم وتخاف عليهم يازين حضي من فزت بقلبها
وبعد دقيقه شاف جان فراشه وقرر يلحكه
جان : يي خلي اروح وره أشوف وين يآخذني لان كلام جدي جان يقصد بشي
جان : هاي طريق قريب لمكان جد خيري ؟
جان : يي خلي امشي ويا اشوف شيصير
[مشهد في المستشفى ]
عسل : دكتور امير وينه
سكرتيرة: بغرفته
عسل : تمام شكرا
عسل يدك الباب
أمير : تفضل
امير : (بصدمه) عسل
عسل : اشلونك امير
امير : الحمدلله وانتي
عسل: بخير ، أمير انت جنت معترف لجدي
امير : يي إذا انزعجتي من هاي اسف كلش
عسل : لا بالعكس ماكو اي ازعاج ، بس اجيت اكلك اني هم احبك وموافقة عليك بصوت محاسن 😁
امير : إذا موافقه بصوت محاسن اهنه حيكون اعظم حب 😁
عسل : يي واريد الخطوبه يصير بيوم عيد الحب حتى تصير مميز وحتى جان وسوسي ومهدي وحوراء واني وانت نسوي سوا الخطوبه
امير : مهدي وحوراء ؟ شو اني ماعندي علم
عسل : يي من تغدينا مهدي خابرنا وكال يعني حوراء بليل جان يكلك بس اني كلت
امير: يي عادي انتي او حوراء يكول الي ماكو فرق بالتالي اثنيناتكم علاجي تمام الي تردي يصير اشوف جدج ونشوف
عسل:(بخجل ) شكرا يلا اني اروح عدنا شغل بلبيت
امير : تمام ديري بالج على نفسج
عسل : ان شاءالله انت هم يلا سلام
امير : سلام
[مشهد في مكان خيري ]
خيري : احمد احس كلش قريب عليه
احمد : يي ، شوف خيري الفراشات اجو كلهم علينا
خيري : يي بس جان مااجه
احمد : راح يجي ان شاءالله
فجأةً جان اجه وهو ويلحك فراشه
جان : جدو احمد شو اني لحكت فراشه وجابني اهنا معقوله اهنا موطني والأهلي
احمد : يي ابني
جان : مفهمت ؟ ودقيقه هاي العم اني اعرفه وشايفه هاي انطى ماي النا
جان : جدو احمد شنو سالفه ؟
احمد : جان ابني جد خيري هو جدك الحقيقي
جان : شنو ؟ وشلون يصير انت مو كلت هاذا الإنسان الي حب من طرف واحد وهاذا الإنسان الي حب من اول نظرة
احمد : يي ابني كلت بس مو كل شي بالحب ، حب من طرف واحد يعني حبك وانت ماجنت تدري عنه أبدا وحب هاي مكان من اول نظره وبقى اهنا لحد يومنا هاذا
جان : يعني جد خيري هو جدي الحقيقي 🥺
خيري : يي ابني يي
جان : جدي 🫂
خيري : اني خيري إذا كلتو الي شنو تعلمت من الحياة اكولهم تعلمت معنى الصبر ومعنى الصبر ومعنى الصبر لان اني اكثر شي سويته صبرت حتى يرجعلي ابني او أحفادي والحمدلله شفته ولمسته وحضنته ، الفراشات دائما تنطي معنى الروح النا ودائما لازم نلحكه لان يأخذنا للموطن والأهل وسلام .