وَيسألني أتعَشقيِنني !
بَربك أتسأل ؟
ألم تلاحَظ بحديثَك ازدَهر ؟
ألم ترىَ عيَناي لرؤيُتك تبرق ؟
وأنَي مُن دوَنك ضِائع
وانَك وطُني ودولُتي وكلُ قبيلَتي
___________________________________
.
.
.
.
.
.
.
.
.
.
.
.
.
.
.
دزلي علي رساله
علي:نونه
نونه:اخرط
علي:شكد خلوقه خره بروحج
نونه:فضها لك
علي:تطلعين باجر ؟ عازمج
نونه:ما ادري عود اشوف واكلك
علي:تمام
خليت اعجاب على الرساله وسديت التلفون وكعدت ادردم
نونه:يا سالفه علي الما تخلص ويا سالفه علي الما تخلص
كمت حضرت ملابس الطلعه ويه علي وكلت لاسراء اني ما اداوم باجر مالي خلك
طلعت هاينك ابيض و جاكيت جلد و بنطرون وجنطه وحذاء بوت طويل وصبغت احمر وراسلت علي كلتله بيش ساعه
علي:شوكت يعجبج
نونه:ما ادري انت شوكت تخلص تمرين
علي:بالاربعه اخلص اجي عليج ونص
نونه:تمام انتضرك
علي:نونه
علي:احب وجودج بحياتي
نونه:اويييي حياتيييي🫶🏻🫶🏻
علي:يله لج انتضرج باجر وتلبسين قصير ترى اموتج
نونه:لا لتخاف
علي:تقلقيني
نونه:نزول عليك
ضلينا نسولف ونتشاقه وراها رحت نمت وهوه نام
ساعه 2 ونصف الضهر
كعدت على صوت المنبه دخلت اخذت شاور و سويت شعري ويفي وحطيت مكياج خفيف ولبست وصورت كم صوره وكعدت انتضر علي لان جانت بالاربعه نص ساعه واجه طلعتله وسلمت عليه
نونه:هلو علوشاتت
علي:هلا نونه اليوم شعجب هادئه وتسلمين
نونه:من كاعي هادئه بس انتوا ما مكتشفيني
علي:الله يهديج
نونه:ويهديك
علي:هسه وين يعجبج نروح
نونه:ما ادري بكيفك
علي:خوشش
شغل علي اغاني و نسولف ونغني مرت نص ساعه و وكف كبال مدينه العاب
نزلنا سوه وكال
علي:شنو يعجبج نصعد اول
نونه:سكة الموت ؟
علي :هاهيه متفقين
رحنا صعدنا بسكه الموت هوه كعد يمي و اجه ولد ديسد الحزام النه سد لعلي وراها الي وعلي ضل يباوع عليه وكالب خلقته
راح الولد وبدت اللعبه واني ضليت لازمه ايد علي واعيط وهوه منتهي يضحك عليه خلصت اللعبه واني بعدني لازمه ايد علي
علي:حموتتتت الله لو مصورج
نونه:نجب لك ترى تخوف
علي:ولا تخوف
نونه:اهو عاد انت شيعاندك
علي:يله هسه شنو نصعد
نونه:اممم
علي:شنو؟
نونه:نروح لمتحف الشمع؟
علي:يله امشيي
دخلنا لمتحف الشمع وخليت علي يصورني ويه رونالدو وهواي مشاهير واني هم طكيتله صور
وضلينا نلعب ونفتر اخير شي رحنا دناكل
علي:وين يعجبج تاكلين بالسياره لو بمطعم
نونه:لا بالسياره ما بيه حيل انزل
علي:تم هسه اجيب اكل واجي
نزل علي واني جنت كلش فرحانه كضينا اليوم كله سوه بدون منتعارك وشلون هوه لطيف وكلش محضوضه بيه واعجابي اله ديزيد فتره عن فتره
اجه علي ونطاني الاكل وكعدنا ناكل ونسولف
هوه وديسولف وكع البيبسي عليه
نونه:اصبر هسه امسحه
تقربت على علي وبيدي كلينكس ودا امسح تيشيرته وهو صافن عليه
نونه:هاهيه مسحته دبر نفسك
علي:خلف الله عليج
نونه:على راسي
نونه:يله يله رجعني لبيتنا تعبت
علي: هسه تونستي لو لا
نونه:كلشش فوك متتصور خوش يوم اشكرك عليه
علي:تدللين عود دائما اطلعج هيج
نونه:اوييي منين هل لطافه
علي:شعبالج لعد اني يسموني علاوي لطافه
نونه:نزول عليك
علي:وعليج
ضلينا نسولف وصورت كم صوره وياه
وصلني للبيت وشكرته وقبل لا انزل كال
علي:نونه
نونه:نعم
علي:احبج
نونه: هاا ؟
علي:ايي احبج واعشقج من اول يوم شفتج بيه
نونه:ابتسمتله ودا اروح جر ايدي ونطاني سوار كلي لتنزعيه ابد ، شكرته ودخلت للبيت الدنيا مواسعتني من الفرحه
دخلت لغرفتي بدلت ورحت لامي سولفتلها كل شي وهيه نصحتني انو اذا احبه اوافق وما اضيعه من ايدي اذا احبه وكذا بستها ورحت نشرت الصور وهم نشرت صوري ويه علي وسويتله منشن ونشرت بوست وضليت اكلب بالتلفون جان نور نفسها مشجعه الطلبه ردت على الستوري
نور: طالعه ويه علي؟
نونه:شدتشوفين؟
نور: وليش طالعه ويا شنو حبيبج؟
نونه:عالجي فضولج حبيبتي
نور:احترمي وجاوبي لان اني باشاره وحده اكوم كل فانزات علي عليج
نونه:ديله روحي كوميهم ، سيو بيبيي 💋
طلعت من المحادثه وراسلت اسو كلتلها باجر لتجيني حروح وحدي
اسراء:ليش صاير شي ؟
نونه:لا وداعتج مصاير شي
اسراء : تمام حبيبي براحتج
نونه:يله لج خل انام
اسراء: يله ولي
سديت التلفون وكمت احضر ملابسي طلعت فستان اسود بينصل و ترانشكوت وحذاء مثل الكعب ودخلت اخذ شاور
نروح يم علي ......
علي:رجعت للبيت وضايج شوي لان مكالت شنو مشاعرها
دخلت سلمت عليهم وصعدت لغرفتي اخذت شاور وطلعت شفتها مسويتلي منشن رديته ستوري وضليت افكر وره شوي دخلت اسو
اسراء:اكلك
علي:كولي
اسراء:باجر نتأخر بالطلعه شوي
علي:ليش؟
اسراء:منروح على نونه
علي:هاا ؟ صاير شي؟
اسراء:لا
علي:لعد ليش
اسراء:تحبها؟
علي:معليج
اسراء:تحبها؟؟
علي:اي ، واعترفتلها هم
اسراء:شكالت ؟
علي:محجت شي واضن مراح تحجي
اسراء:تريد افهم منها
علي:لا اني ححاول
اسراء:كبرت وكمت تحب كتكوتييي
علي:دولي لج
اسراء:يله نخمد
طلعت اسراء واني دزيت رساله لنونه
علي:ليش متريدين اجي عليج باجر ؟
نونه:لان حروح وحدي
علي:ليش دتبعديني عنج ؟
نونه: ما مبعدتك بس حروح وحدي لتكبرون السالفه
علي:نونه متحبيني؟
نونه:ها
علي: متحبيني ؟
ضليت دقيقه انتضرها ترد اخير شي شافت وما ردت
علي" ها استلم طلعت من غرفتي ورحت لاسو
علي:باعي لج كولي لصديقتج المخبله انو باجر حنروحلها وهيه الممنونه
طلعت وسديت الباب بدون ما اسمع شتكول
اسراء:هسه اني شعليه كلكم تعيطون يمي اوييي
رحت راسلت نونه
اسراء:اكلج هذا المخبل تخبل وحيلزمني يكتلني كتله محترمه ويريد باجر تجين
نونه:لاحضتي اخوج مخبل مو؟
اسراء:ايي ، هسه انتي تحبيه؟
نونه:باعي صراحه ايي بس ما اكدر ارتبط بشخص مشهور عنده معجبات وهوسه وبنات يراسلوا وغيره وغيره ما اكدر اتحمل هيج
اسراء:هسه شنو ما فهمناكم
نونه:ما ادري عوفيني اقرر بس لتكوليله هيج كلت
اسراء:خوش ، صدك تكدرين تجين يمي علمود نقره للامتحان ؟
نونه :ما ادري اشوف واكلج
اسو:تمام
نونه:يله تصبحين على خير
اسراء:وانت من اهله
سديت التلفون ورحت لعلي صحيح احب نونه بس ما اقبل اخويه يتعذب
طلعت من غرفتي وداهمت غرفه علي
اسو:اكلك
علي:خرطي
اسو:احمم
علي:فضيها عفيه
اسو:ترى نونه تحبك
علي:جذابههه ، شدراج وليش مكالت هيه
اسو:تخاف
علي:من شنو
اسو: عدها غيره تتفوق على حبها يعني متكدر تتقبل انت عندك فانزات ويدزولك وعندك بنات يحجون وياك
علي:وين حاجي ويه بنات
اسو: اي وشدراني اني ، وصح باجر يمكن تجي يمي لان عدنا امتحان وراها نقره سوه
علي:لعد ما اروح للتمرين
اسو:تمام يله نام
علي:يله ولي
يتبع
_________________________
1000 كلمه