خذ نَفس
البارت طويل
مشاهدة ممتعة
ــــــــــــــــــــــــــــــــــــــــــــــ
"غيهب حساب الشَبح تهكر"
هاي جانت اخر رسالة يشوفها بتلفونه من رسائل جلال، دفع لسانه داخل وجنته وغمض عيونه يحاول يهدي اعصابه
غيهب ابني يلة تعال الأكل نحط على سفرة ليش هالتأخير
بعد صوت امه الي تصيحله علمود الاكل ترك تلفون على الميز الي بغرفته بعد ما كتب الجلال "لا ترجع الحساب بس اعرف منو الي هكر الحساب"، راح متوجه للسفره وشاف امه و ابوه كاعدين سحب كرسي وكعد بهدوء
اكو مشكلة صايرة بالشغل؟
سأل ابوه بهدوء بدون لا يرفع راسه عن الاكل
نفى غيهب براسه لا بويه ماكو مشكلة كلشي تمام
ترك ابوه الشوكه من ايده ورفع عيونه على أبنه جيد اتجنب المشاكل غيهب
هز غيهب راسه بالموافقة على كلام ابوه، جان الجو بيه نوع من توتر بسبب نظرات جسار الأبنه و غيهب الي گاعد بتوتر واضح عقله مشغول بأشياء ثانية
يعني شلون بالله ما نرتاح؟ كله شغل شغل حتى وقت نجتمع على سفره مثل العائلة تحجون بالشغل
حجت رواسي بانفعال موجهه كلامها الأبنها و زوجها لكن صمت حل بعد ما ضحك جسار بصوت عالي عائلة؟ عن يا عائلة تحجين؟ عن بنتج الجبيرة الي شردت من البيت ويا عشيقها؟ لو عن بنتج صغيرة الحابسة روحها بغرفتها لو هذا ابنج الوحيد رفعة راسج يروح يعيش بمگحبه بالبصرة سكت ونهض من الكرسي وقبل لا يروح حجه احنه كلشي عدا العائلة رواسي اخذ سترته وطلع من البيت تارك رواسي تبجي بعد كلامه، تنهد غيهب ونهض من مكانه صاعد الدرج بدون لا يحجي اي كلمة ثانية
ــــــــــــــــــــــــــــــــــــــــــــــــ
دخلت للبيت بعد مافتحت الباب الي نصدمت انه مفتوح مو مقفل مَجن ليش باب البيت مفتوح بالله دخل عليك حرامي سكير كملت طريقها بالبيت وشافت الأضوية مشتغلة استغربت وصعدت فوك الدرج متوجهه الغرفة مَجن فتحت الباب بس ما نفتح عرفت انه مقفول من داخل، طلعت مفتاح من جيبها وفتحت باب الغرفة وطاح المفتاح من ايدها بصدمه من الي شافته گدامها
جانت علب بيتزا كبيرة وعديده تملئ الغرفة وكلها جانت بيها شدات فلوس و مَجن الي نايم فوك حاسوبه و اغراضة بشكل فوضوي
مَجن!!! صرخت أروى بعلو صوتها وهيه تشد شعر مَجن بعصبيه فتح عيونه مَجن وعقد حواحبه بألم شبيج من الصبح تنبحين كال مَجن بعد ما دفع أيد أروى من شعره اكل خرا مَجن شنو جاي يصير احجي بسرعة هاي الفلوس منين اجت شنو مسوي! صاحت أروى بعصبيه على مَجن الي عدل شعر وتربع على فراشه امس اجه شخص وبشكل غريب يعرف انا اهكر حسابات طلب مني اهكر حساب مقابل ينطيني اي مبلغ اطلبه، جنت احسه يشاقة طلبت منه 15 مليون وتوصل بنفس اليوم وصلت، فا سهرت اهكر بالحساب الي راده وجان صعب بشكل صعب كمل مَجن كلامه تحت صدمه أروى الي تتغلب بشكل كامل على ملامحها الحاده
مَجن گلبي ما مرتاح الهاي سالفة ابد احس هاي المره انتَ ورطت نفسك بشي كلش جبير گالت أروى بس هاي المره بنبره قلقة وخايفة من شي مجهول راح يصير، سحب مَجن لابتوب ودخل على الحساب بسرعه شاف انه ماكو اي محاولة لترجيع الحساب لا تخوفيني هوه كله حساب ومبين صاحب الحساب ما مهتم لان ماكو محاولة ارجاع للحساب لحد هسه عقدت أروى حواجبها وكعدت بصف مَجن بالله ادخل خلي نشوف شنو موجود ما موجود بحساب هذا
هز مَجن راسه ودخل للحساب يتصفح بيه اول بداية شاف مجرد صور الأسلحة وكل سلاح مكتوب عليه رقم (١،٢،٣،٤،٥٠٠٠)وغيره من الأرقام الي تتوقف لحد رقم ١٠٦ وبعد ماكو بالصور أي سلاح ولا رقم كمل تصفح وجانت هناك مقاطع فيديو غريبة اول ما يفتح مقطع منهم يسمع اصوات اشخاص يتوسلون ويبجون بكل جزع ويخلص المقطع وكل مقاطع الحساب البقية هيج من غير الكتابة الي كلها رموز يعجز مَجن يفسرها او يفهمها
باوعت أروى الوجه مَجن بخوف أگلك خاف أنتَ هكرت حساب شَبح حقيقي نفى مَجن براسة بعيد عن غرابة الحساب والأشياء الي بيه، كل ما احاول اخذ نسخه من المقاطع او الصور مجاي أكدر وانا وعدت ارسل كلشي موجود بالحساب لذك المجهول اخذت أروى لابتوب من مَجن وحاولت كذلك بس ما ينحفظن ولا يرسلن حتى وهيه كاعده تتصفح بالحساب فجأة طفى لابتوب بأيدها مَجن!! صاحت أروى لـ مَجن الي حاول يشغل الابتوب بس بدون فايدة لا لا لا!! حجه بأنفعال وراح سحب من مكتبتة لابتوب ثاني وفتحه وحاول يدخل الحساب من حساباته بس بدون فايدة جانت كل حسابات مسويها مهكره وكل ما يحاول يرجع حساب بدون فايدة
أروى الشَبح هكر حساباتي كلهم
حجه كلامه وهوه يرجف بكل عصبيه وخوف بس قاطعه صوت رسالة اجته من تلفونه من حساب الشَبح "صاير عندي فضول اقابل الي هكر حساب الشَبح وجهًا لوجه"
ــــــــــــــــــــــــــــــــــــــــــــــــــ
بعد ما طلع من بيت عائلتة توجه بسيارته للبيت الي يخصه وشاف اصدقائة كاعدين و شاف صديقة غيث رابط الحواسيب ويشتغل بتركيز ها غيث وين وصلت بشغلك رفع غيث راسه لـ غيهب وابستم هذا الشخص الي هكر حساب الشَبح يشتغل الصالح منو؟ لان هاي اول مره هيج اواجه صعوبه بتهكير حساب إما حساباته البقية فا كلها مرتبطه بعض وبشكل غريب تنهد غيهب وكعد على القنفة بصف غيث شنو عرفت من تهكير حسابة اريد معلومات غيث
همم عرفت اسمه مَجن باوع غيهب بحده الـ غيث شسوي بأسمه انا؟؟ اريد اعرف معلومات مفيدة ويامن يشتغل عنوانه نقطة ضعفه اي صخام!! رجع ابتسم غيث وحجه بحماس مبالغ بالنسبة النقطة ضعفة تعال شوف شنو لگيت تقدم غيهب وشاف الموجود بالابتوب عبارة عن رسايل و محادثات عن بيع وشراء مخدرات و كرستال وتجارة بالبنات شگد عمر هذا الي اسمه مَجن؟ كال غيهب وهوه يشوف المحادثات و المقاطع الصوتية الي تم تلاعب بيها وجعلها غير واضحة عمره ٢١ سنه يدرس بالجامعة سنه ثانية تكلم غيث وهوه يغلق لابتوب بعد ما انتهى من شغلة اكيد يشتغل الصالح أحد بس منو؟ حجه غيهب وهوه يفكر لكن قاطعه جلال يعني اكيد جماعة نزار ما عدهم محتوى غيرك انتَ و أبوك هالفتره نفى غيهب براسه ما اعتقد نزار مو من النوع الي يروح يهكر وياخذ معلومات ومدري شنو غبي ما يسويها
فتح غيث لابتوب وضحك مَجن توه انتبه على تهكير حساباته، المسكين قهرني جاي يحاول يرجع الحسابات
ابتسم غيهب و گال راسلة أريد اقابلة وجهًا لوجه عقد غيث حواجبه تقابلة؟ و أنتَ من كل عقلك راح يقبل؟ حتى لو اجه راح يجيب وياه هواي ناس تشتغل عده هز غيهب راسة أنتم تعالوا وياي علمود نصير مستعدين الكل شي سكت وجه نظراته الـ جلال و أنتَ جلال حاول تلزم نفسك و ما تحجي الأبوي كلشي تنهد جلال تحسسني ميت علمود احجي ويا ابوك غير هوه يتصل بيه يهدد اذا ما حجيت هيج وهيج يسوي بيه رفع غيهب حاجبه وانتَ مصدگ بتهديدات أبوي؟ ترا يحبك اكثر مني عود انا أبنه ضحك جلال وهوه ينفض تراب وهمي من سترته بغرور
يا شباب مَجن رد التفت غيهب براسة لـ غيث شنو گال؟ ابتسم غيث وهوه يقرأ رسالة مَجن "عندي فضول كذلك اقابل منو هكر حساب مَجن وجهًا لوجه" نهض غيث بحماس مبالغ وگال يريد يقابلني انا انتم انخمدوا بالبيت ضربه غيهب على رأسه علمود يگعد وعبس غيث وجهه حدد المكان بالمطعم القريب من البيت انا اقابلة و انت وجلال تجون وياي مسلحين لان مستحيل يجي بدون لا يجيب ويا مجموعة دافع عنه
هز جلال وغيث راسهم موافقين على كلامه
ــــــــــــــــــــــــــــــــ
٣:٤٥مَ
جان يتمشى بهدوء وعيون باردة حامل جنطته السودا على كتافة لابس قبعة سودا وكمامة بنفس اللون كذلك يمشي بحذر وعيونه تراقب كلشي يمر من يمه توقف ورفع راسة للمطعم الي تفق يقابل بيه الشَبح مثل ما اتفق وياه، فتح الباب ودخل جان مطعم شعبي مزدحم بالناس والعمال الي يشتغلون و الأصوات العالية التفت على الطاولة الي بيها كاعد شخص ضخم وراه اثنين بنفس ضخامته يمكن جان كاعد على الطاولة الأكبر بالمطعم ومحد جان يقترب من مكانه حتى برغم من ازدحام المكان، عرف مَجن انه الشخص المقصود او الملقب بـ الشَبح، رغم هذا بعد اكو شك بداخله منو هذول هل شَبح ارسلهم او واحد منهم هوه شَبح، تقدم وگف گدام الطاولة و انظار الثلاثة جانت عليه
مَجن؟ سأل الشخص الگاعد بهدوء الشَبح؟ حجه مَجن بنفس نبرة أسحب كرسي و أگعد اعتقد ما يحتاج اعزمك بدون لا يحجي مَجن سحب كرسي وكعد وعيونه نرفعت للأثنين الواكفين ورا الشَبح
اعتقد أنتَ گلت تعال نتقابل وجهًا لوجه، ليش جايب وياك بعد وجهين؟ حجه مَجن برود وبنبره تحمل نوع من الأنزاع خاصه بعد ما لاحظ تحت سترتهم سلاح
ليش تغشم روحك وين وجوهك البقية أنتَ؟ بأي مكان من المطعم خليتهم يراقبونك؟ گال غيهب وهوه رافع حاجبه لـ مَجن
انا شخص گد كلمتي اجيت وحدي وبوجهي الواحد ما خايف منك بعدها حجه بأستهزاء بس شكل شَبح يخاف مني
تقدم جلال بعصبيه من مَجن بس وقفته ايد غيهب الي منعته جلال اخلي المطعم بعد آمر غيهب راح جلال شاور واحد من الي يشتغلون بالمطعم وبعدها ما هيه الا ثواني بدات الناس تطلع مستغربة لحد ما خلى المطعم كله
اطلعوا انتم هم كال غيهب الـ غيث و جلال الي توجهت انظارهم عليه باستغراب نطلع ونعوفك ويا هذا المشكوك بوضعه؟ باوع غيهب بحده ناحية جلال الي تنهد وسحب غيث وياه من ياخته
"هسه احنه وحدنا وجهًا لوجه مَجن"
ـــــــــــــــــــــــــــــــــــــــــــ
هاي هيه خلصنا
الف مره رحت بيها سويت شغلة ورجعت اكتب الافكار الشغف الواهس كلها طشرت مني من ساعة ١ اكتب توني كملت!
البارت طويل وبيه كومه احداث، فا شنو المقابل؟ تفاعل ڤوت ترا هيه ضغطه زر ما راح تسوي جلطة بيك ولا راح تخسر شي أنتَ داخل تقرأ على الأقل سوي شي
وبس والله مع السلامه
١٤٧١كلمة