النفس إن كسرت كغصن اشجار لا يجبر الكسر فيها الف اعذار
يا أيها المغرم المحب كن حذرا للكسر عاقبة أشد من نار
__________
ذيب:اووو عمي المحترم داگ عليه تغطي سواد وجهگ صدك انت واحد زباله
شولير:والله ماكو زباله غيرگ
ابويه اشرلي اسگت
اسكتي نسمع زوج
ذيب:لاتكول زوجج اني وحده مثل بنتك متشرفني تكون زوجتي
شمر ورقه بوجهي
ذيب: انتي طالق وانت روح شوف بنتك منين حامل
طلكني اي اي مطلقه للمره الثانيه
كاله ابويه انجب لك ينقطع لسانك بنتي اشرف منگ
ذيب:ههه اسأل بنتك منين حامل من طليگه لو من حبيب الهه
رحت ضربته راشدي انجب ياحقير اني اشرف منگ ومن الي ملفيهه ابيتگ ومتجي شويه من شرفي اطلع بره ياعار الزلم
رفع ايد يريد يضربني بس ابويه واخويه طلعو بره البيت انداريت على امي وبيبتي واكفين ومصدومين
چذاب والله جذاب هذا ابنه
ذيب:انتو اسمعو شوفو بتكم منين حامل روحو دورو على ابو الطفل شوفو منو
:انجب لك بنتي اشرف منك ياقذر بره يله
ذيب:اسمع ياعمي اني ارفع دعوه على بنتك تخوني وحامل من غيري واتبره من الزباله الي بطنه
:ولي يله فضحتنه واني الي راح ارفع دعوه عليك
مااعرف شلون اخوي رباك
اجه ابويه بعد ماراح ويسألني يابنتي ذيب اتقرب الچ اني واثق
بيج بس اني جنت بالصالة ابجي واحلف نو چذاب
بعده بكم يوم صارت عندي افلونزه غريبه والدكاتره يكولون بسبب الارهاق
دك الجرس فزيت بس لا هو
اسنات:وأذا طبه مرض
حسيت نفسي اريد استفرغ ....
طلعت من الحمام
اسنات:بطنچ بارزه شويه بس ميستاهل هل نتفه كل هل استفراغ حسبيه الله عليه مثل ابو
شولير:لا تجيبين سيرته منو الي دك الجرس
اسنات:ماأدري
شولير:اكيد هو اروح اذبحه
اسنات:هههه اكعدي انتي متكدرين توكفين
شولير:لوما اخاف اله اذبه
اسنات:شنو هو
شولير:كلت هذا وأضرب على بطني
اسنات:استغفري ربج هو شعليه غيرج يتمنونه
شولير:اكرهه ما أريده اكره ذيب اني يكول عني هيج
يشهد الله چذاب يكول عليه خاينه شلون اتحمل عذاب الحمل من رجال اكرهه وكعدت ابچي اجت اختي حضنتني
اسنات:الله موجود وهو ياخذ حقچ
اجت امي وكالت اخو ذيب اجه ويشهد ضده مر كم يوم حسيت براحه لان راح انزل راس ذيب ب لارض وادوس عليه وراح تبين الحقيقه ...
وصلنا لمستشفى نسوي التحاليل الي تثبت انو الطفل أبنه طلعوهم كلهم من الغرفه ما عده اني وذيب باوعت الدكتوره بالاسماء وكالت انتو كرايب
اني مارديت. وتسوي الدكتوره الفحص
واضح عليه الندم كالت الدكتوره انتو رافعين دعوه بالمحكمه
شولير: بعد النتيجه
ذيب:لا لا منرفع
شولير: لا نرفع وارجع كرامتي يا أستاذ ذيب
ذيب: الي يسمعچ يكول متأكده من النتيجه
شولير:متأكده واكسر راسك ومتدخل بالطفل الي انته نكرته
يتبع...🦋