مساء الخير قـَلبي 🥹🤎
#الكاتبه زازا
#ابوضبع 904
قـَلبي لاتنسون التصويت +تعليق على كل فقره لطفاً
حساب الانستا 💕.
its.zlzala0
على طولك اشعلني وصيح بيه الصوت
انه بطرك النفس بين الحياه والموت
وأسري بنبض دمي لشهكة الزردوم
حب تالي العمر علته من البسكوت
يا شايل حلاوة خوف الحديثات
ومحمل سحر ضحكة بنات بيوت
يا مايع ترافه اتهيب من احويك
خاف اصعب عليك وخاف بيدي تموت
هلكد ما حلو راج الثمر بالعود
وحمر على شفافك كبل وكته التوت
يمعود دخيلك والكلب شيصير
من تكطع بتوته منين اجيب بتوت.
عريان السيد خلف
"" "" "" "" "" "" "" "" "" "" "❥
بقت تباوعلي من يمي خفت سئلتهه ماما
ايلين-: حجيه شنو كولي
ام حيدر-: يداده مسويلهه سحر شعوذه
فكيت عيوني على وسعهن وامي لطمت على صدرهه وجوهنه صارت ليمونه كلبي قبضني صح ماعرف بهل سوالف بس سامعته يهجم بيوت وجنون وكذا عقلي فتر حجت بيبي وامي
ايلين-: منوو منو مسويلهه؟؟؟
ام احمد-: دخيلك ربي زين حجيه شلون وصلهه هيج سحر
ام حيدر-: وحده قريبه عليكم وكدرت توصل لبتكم الله اعلم لو منطيه صورتهه أو فد غرض منهه باعيلي انتي منطيه حاجه لوحده؟؟
رفعت راسي-: هـا؟
ايلين-: احجي ماما منطيه حاجه لوحده برديلي كلبي
صفنت اريد اتذكر درت وجهي على امي دنكت افرك بأديه اردفت
-:: شسمه عمتي حسنه طلبت مني سوار من يوم اجوي علينه و قاطعتني امي
ايلين-: وليششش تنطيهه هااا !!!!!
ام احمد-: على كيفج ام ايهم شمعرفهه لفرخه
ام حيدر-: بتي شوكت انطيتيهه لسـوار؟
عضيت شفتي اردفت-: مادري هواي صار
ام حيدر-: يعني اشهر قصدج مو؟؟
ايڤن-: اي خاله
انطتني اعشاب كل يومين افور كلاص واشربهن بقت تقرالي انطتني هواي شغلات محصنه ماعرف شيسموهه لازم اخلي وحده جوه مخدتي وبملابسي وهواي شغلات واني بس هادئه وأهز راسي اردفت امي
ايلين-: زين ام حيدر شلون هينوت تتخلص منعدهن
ام حيدر-: خل تلتزم بلي انطيتهيا وتصلي اهمشي لازم صلاء تلتزم بيهه وسوره الكرسي كذالك وروحي زوريهه وان شاءلله شفاه العاجل
ايلين-: اها خير ان شاءلله
اجه اخذنه ابن عمي طلعنه للبيت سندت راسي ؏ جامه صافنه بحياتي لي يوم عن يوم يضهر شي جديد يوكف عقلي زفرت طن هوه وصلنه للبيت دخلت جوه شكد امي رادت تبقى يمهه بيبي بس ماقبلت وصتهه انو متسولف وين رحنه بس هيه كالت
ام احمد-: لا اني اعرف حسابي وياهن المصخمات عبالهن هينه سونه سوايتهن فوصات
ايلين-: سدي سالفه عمه يجوز مو هنه
ام احمد-: لاااء هنه ونص حسنه بلوه هاي هيه وبناتهه واعرف شلون احاسبهه شوفي ام ايهم نفس ماكتلج وعينج ؏ لفرخه
ايلين-: ان شاءلله عمه
عفتهن دخلت جوه صعدت لغرفتي لاكتني سيلين طنشتهه ودخلت جوه شمرت روحي بلفراش صافنه وره شوي اجن ثنينهن كعدن بصفي كبل امي حجت
ايلين-: زعلانه مني حبيبتي
رفعت راسي الهه اردفت-: ماما قابل انا شمعرفني شمدريني يصير هيج
هنا انفجرت بلبجي صرت احجي ولغصه بزردومي حجيت بحركه
ايڤن-: فووووك ما بلماضيي سووو بيه كاموو يهجمون حياتي بلسحورره ليشش يووووم
باثناء احجي وابجي دخل بابا عكد حواجبه وكفت بنص كبالهم وحجيت واني اناشغ
ايڤن-: محددد بيكمم حبنييي محدد من صرررت شمرتوووني يم عميي عووود يدورر غلفه بنااات و
ايلين-: اشش ماما
احمد-: عوفيهه خل تحجي لبكلبهه
مسحت دموعي حجيت-: عمرري صار ٤سنين وشمررني عليكمم صررت لعبه بين اديكم واحد يشمررني ؏ ثانييي ماحسبتووو هاي ماعدهه مشاعررر ماحسبتو شراااح يصيررر بيهه ولكمم ليشششش
سيلين-: اباوعلهه ودموعي تنزل تقدم عليهه بابا حضنهه وهيه بس تصرخ وتبجي وتولم بينه حقهه بلماضي صار الله يعينهه صرخت وهيه بحضن بابا
ايڤن-: محدد يحبنيي بابااا
حجه بغصه-: معليج بيهم واذا ميحبوج لاتهتمين اني احبج كافيه
باس راسي واني احس روحي لايبه حجيت ببجي
ايڤن-: بابا خايفه
احمد-: عمت عيني كون
سيلين-: مجلبه بملابسه مال دوام وبس اسمع شهكاتهه بقه بابا يهدي بيهه وكل شوي بايس راسهه خليت ايدي على متن امي حجيت
-:: ماما امشي نطلع عوفيهم بلكي ترتاح
-:: ولج يمه دشوفيهه شسصار بيهه سوده بوجهي
-:: اسم الله عليج بس خل نطلع نعوفهم براحتهم بلكي شوي تهدي دام بابا يمهه
-:: مشوفيهه تلووم بيه زعلانه من عندي اووف يبعد روحي
-:: بعدين احنه نجي عليهه خل نعوفهم براحتهم يلا حبيبتي
كوه قنعتهه نزلنه جوه كعدت بصاله وهيه كعدت على صفحه تبجي بسكوت كلبي نمرد هسه حرت منو اواسي رحت كعدت بصفهه حضنتهه حجيت
سيلين-: ماما لاتزعلين كلنه نعرف ايڤن حساسه وشكد متعلقه ببابا بس متكدر تنسه الماضي صعبه
ايلين-: تعبت ولله واني اتقربلهه بلكي تفتح كلبهه وتسولفلي لبداخلهه ماكو لو تشوفيهه من اجينه هنا وشلون بنص ليل رحت عليهه لكيتهه تبجي كله بسببي شجابني وانطي بتي عمرهه سبوع الهم ليش الله ياخذني
-:: اشش ماما اسكتي حبابه اسم الله عليج قابل انتي بيدج شي مو اذكر من بابا حجالنه عمي من دك رجل بابا المستشفى اله ياخذ من عندج بنيه من اجينه اني واختي تؤام مو ابويه من الخاطر الخاطر انطه ايڤن اله
ايلين-: سوده عليه جانت تكل العمهه بابا تعلقت بيهم بس شمروهه علينه بكل دم بارد حسبي الله
سيلين-: هوه اخذهه لأن ماعنده خلفه بنات اشو من صار عمر اختي ٤سنين ومرته جابت بنيه كوم واشمرهه علينه انتي ماتذكرين شسصار بأيڤن جنت اني الوحيده لي اشوفهه بنصاص ليالي تصيح بابا شمرني ميريدني وتبجي
مسحت دموعي-: لاذكريني كلبي تلوع بذيج السنين
سيلين-: اني اعرفهه ايڤن لو هيج حتى لو تكبر الف سنه تبقه مطبوعه براسهه الصار
ايلين-: سدي سالفه ماما راسي يوجعني رايحه انام شوي
سيلين-: اخذي راحتج كلبي
كامت امي بغرفتهه ترتاح كمت للمطبخ صبيتلي عصير خوخ كعدت بصاله شغلت تلفزيون اتابع مسلسل تركي مر وقت رن جهازي شلته شفت مكتوب "حبيب روح"
ابتسمت جاوبته
سيلين-: الو
حسن-: هلا بريحانتي
سيلين-: احم شلونك
حسن-: بنعمه وانتي بنيتي شلونج
سيلين-: ولله بخير الحمدلله
-:: الاهل شلونهم ايڤن؟
-:: ولله بخير الحمدلله بس ايڤن تعبانه خطيه
-:: ليش شبيهه؟؟
-:: ماعرف منو مسوولهه سحر وهاي صارلهه يمكن شهرين تكول اشوف خيال اسود وكوابيس
-:: صدك تحجين؟
-:: اي ولله وخطيه قبل شوي كاضيتهه تبجي ولله موتتني قهرر
-:: زين ما وديتوهه لسيد يقره عليهه بلكي تتحسن
-:: هوه قبل ساعه ودتهه امي وتكول مسووله سحر شعوذه
-:: هاي اله وحده من كرايبكم
-:: نفس حجيك كذالك هم كالو هيجي
-:: خل عمتي تزورهه شوي ترتاح نفسيتهه
سيلين-: اكلك
حسن-: ها حبيبي
سيلين-: احنه عمرنه كله مزرنه ولا رحنه للزياره ولاشي
حسن-: اي عادي تكدرون ترحون بأي وقت
سيلين-: زين واذا امي امهه تكون اصلهه مسيحيه يعني باوع امي مسيحيه وبابا مسلم شيعي
حسن-: اي وذا
سيلين-: لا اقصد امي من اخذهه بابا اسلمت ويعني كلت خاف نروح ومنحصل اجر او اقصد يعني حرام عليه
حسن-: لاعادي حبيبتي نياله لي يروح هناك
بقينه نسولف غلقت الاتصال منه كمت صعدت فوك لغرفتي مريت من غرفه ايڤن تصنتت ماكو اي حس استغربت فتحت الباب على كيفي باوعت بس تك عين شفت ايڤن نايمه وبابا كذالك حاضنهه ونايم ابتسمت بس هم غرت ههه يلا عادي سديت لباب رحت لغرفتي
ايڤن-: بقه حاضني بابا واني روحي رايحه من لبجي وخرت عنه لزم وجهي بأديه باس راسي عيونه حمر حجه
احمد-: اني احبج كلشي ولا هلدموع اشوفهن
ايڤن-: بابا ليش همه هيج يأذوني اني ما اذيتهم
احمد-: هاي الناس الماتحبك بنيتي
ايڤن-: بس انته تعرف كلش زين احبهم واحترمهم بس همه اذوني بنهايه
احمد-: اذوج خذلوج تركيهم طنشيهم لاتهتمين خليج صلَب مو أي كلمه تخلي دموعج ؏ خدچ محد يستاهل اني ماربيتج هيج بنياتي اني ربيتج ذيبه بت ابوهه وهاي اخر مره اشوفج تبجين بسبب اي شخص حتى لو جرح كلبچ.
هزيتله راسي طبطب على ايدي كام انطاني ايده لزمتهه
احمد-: ممشتاقه لحضن ابوج؟
ابتسمت هزيت راسي بـ اي ردتلي الابتسامه نمت ؏ جربايتي وهوه نام بصفي خلاني بحضنه غصت بحضنه احس دنيا وحوش بس حضنه اماني مسح على شعري باس راسي حجه
احمد-: راح اعوضج عن كل وجع ضكتي
مجاوبته دفنت وجهي بحضنه سمعته يقره قرآن بسرعه غفيت ويين يلا كعدت فتحت عيوني بابا مو يمي كمت فركت وجهي هاي شكد صارلي نايمه باوعت ؏ ساعه دنيه ليل رجعت دثرت بفراشي حاضنه لغطى على وجهي فززني رنت جهازي بدون ماشوف الاسم كبل جاوبت بنعاس
ايڤن-: الـوو
اجاني صوته
ضُلام-: هلا بماي كلبي
من صدمه وخرت تلفون عن اذني باوعت ؏ شاشه رقم جديد متصل عليه رجعت تلفون على اذني حجيت
ايڤن-: انته منين جاي جيب رقمي
ضُلام-: مو شغلك وليدي
ايڤن-: تعبانه
ضُلام-: ريته بيه ولابيـچ
ايڤن-: مجروحه
ضُلام-: اضمده الچ ياضماد روحي
ايڤن-: ضايج انته؟
ضُلام-: چنت بس هسه جؤؤ من احاجيج اتونس ياونستيَ
ايڤن-: ليش ششايفني سينما
ضُلام-: تء تء انتي عالمي لي اموت بي ويحيني
ايڤن-: عود صدوك؟؟
ضُلام-: شني!
ايڤن-: هذا انته
ضُلام-: لاخالتچ
ضحكت لفيت روحي زين بلغطى حجه
ضُلام-: اضحكي اضحكي جعل محد غيرج يضحك يشمامه گلبي
غمضت عيوني بتعب حجيت
ايڤن-: ضوولامي
حجه بحته-: روحه
ايڤن-: مريضه
ضُلام-: شني عليج الدوره؟؟؟
فكيت عيوني بصدمه كبل طفرت من مكاني حتى مجاوبته غلقت جهاز منه مصدومه وجهي بوخ صخام بعينك اي ولله ياحقيررر شمدري ضميت وجهي بلمخده اسب بي مو مال واحد ينطي مجال سرسري كمت من فراشي مطكنره اخذت ملابسي سبحت بماي دافي دا أسبح طفه ضوه فكيت عيوني سميت بسم الله بقيت اتلمس مكان يده الباب فزيت وعطت من حسيت شون الايد بي اضافر خمشتني من جوه بحركه سريعه كمت اصرخ ملخت روحي اجت لكهرباء عيوني زرزر من مكان لمكان اتلفت حتى شامبو عفته ؏ راسي لفيت روحي بل منشفه طلعت اركض شمرت روحي بلفراش لافه لمنشفه بقيت مغمضه عيوني غفيت كعدت احس جسمي متكسر حسيت رطوبه بين رجليه وخرت لغطه انصدمت من شفت نفسي غركانه بلدم بطني تكطع بيه من لوجع دا اكوم انفتح لباب امي بسرعه لفيت روحي بلغطى خجلانه اجت تركض لزمت وجهي حجت بخوف
ايلين-: شبيج ماما شكو؟؟؟
لغصى لازمتني من جهه وجع بطني وخجلانه حجيت
-: ماما مدري ليش نازفه دم وبطني توجعني
ايلين-: سوده عليه كومي حبيبتي
كمت وياهه لافه روحي بلمنشفه جسمي نصه طالع ميته خجل دخلت للحمام غسلت بس جسمي خليت المنشفه بلغساله دك لباب حجيت
-: منو؟
ايلين-: هاج ماما
صرت ورا لباب فتحته الهه باوعتلهه تك عين انطتني ملابسي وغراض نسائيه اخذتهن من عدهه سديت لباب بدلت وطلعت شالت الفرشه اخذتهه منهه مقبلت حجيت واني وجهي حمر من لخجل
ايڤن-: ماما حبابه اني اغسلهن
ايلين-: لايعمري روحي اخذي علاجج وراح انزل وراج
ايڤن-: لابس ولاشي يلا حبيبتي نزلي
شكد ردت بس قفلت اله هيه نزلت جوه شربت علاجي كعدت بصاله مدده ؏ تخم اكلب ؏ قنوات خليته ؏ افلام رعب اتابع ويين بقيت اتابع اجت امي انطتني كلاص سئلت
-:: هذا شنو؟
-:: الاعشاب
-:: اها
اخذته من عدهه مثل معلمتني اسمي واقره سوره واشرب سئلتهه
ايڤن-: لعد سيلينه وين؟
ايلين-: نايمه
ايڤن-: شعجب نايمه من وكت
ايلين-: ياوكت يمعوده ساعه بـ١ ونص
ايڤن-: شنووو؟؟؟
ايلين-: يما اسم الله شبيج
ايڤن-: لاهيج بس نصدمت هاي هلكد اني نايمه
ايلين-: اي غير انتي دورين نوم دواره
ايڤن-: لاولله ماما ماعرف شبيه بس ارد انام احس جسمي نحلان ومحتاج راحه
ايلين-: باعي حبيبتي هليومين نروح للزياره
ايڤن-: صدك؟؟؟؟
ايلين-: اي ولله ليش
وخرت كذلتي لوره اذاني حجيت-: احس بشعور غريب لأن أبداً مزايره ولا شايفتهه
ايلين-: ان شاءلله يوميه نروح نزور
ايڤن-: ان شاءلله
ايلين-: يلا ماما ترحين تنامين اني رايحه
ايڤن-: لا حبيبتي عاجبني اسهر شوي معليج بيه روحي نامي
ايلين-: ماشي بس اذا تحتاجين شي تعاي عليه
ايڤن-: اوك
ايلين-: تصبحين على خير
ايڤن-: وانتي من اهل الخير يعمري
راحت امي تنام بقيت كاعده لحد ما شوي خف الوجع كمت على كيف دخلت للمطبخ سويت اندومي بحماس خليته بلكاسه صبيتلي كلاص ببسي شلت صينيه ركضت للصاله كعدت اكل واتابع دا احط لكمه ثانيه بحلكي سمعت صوت طكه بلمطبخ فززتني بقيت صافنه كلبي احسه دعبل بطني من لهبطه عضيت شفتي خايفه كمت اتمشه ؏ روس اصابعي باوعت شوي من لمطبخ شفت ضخم اسود يم ميز واكف عطت خايفه
ايڤن-: ولج يمااااااا
ركضت للصاله فجه حسيت نشلت عن الكاع ايد لفت على خصري عبالك مو ايد حديد واني ارفس خايفه وهوه يحجي بذني
ضُلام-: هذا اني وللله اني
ايڤن-: وخرر عني
واخيرا حررني منه دفعته حجيت بعصبيه وبهمس
ايڤن-: للككك حقيرررر الله ياخذك مووتتنييي
ضُلام-: اسف حبيبتي
ايڤن-: حبتك سليمةةة ان شاءلله
ضُلام-: امين
خرزته كعدت ؏ كريوته احرك برجلي لازمه اعصابي كعد بصفي رفعت حاجبي حجيت
ايڤن-: بعد بعد نام بحضني شجابك هنا شني هياتنه!!!!
ضُلام-: الله سويتيلي واهس انام بحضنج
ايڤن-: شنووووو؟؟؟؟
مردلي نام ؏ كريوته قرب نفسه عليه خله راسه بحضني كفشته من شعره اريد اموته
ايڤن-: لك كووووم يمصكوووع الله ياخذك منين جيتني
ضُلام-: اشش ارد انام
تأفأفت لازمه نفسي دار نفسه خله وجهه على بطني حرك وجهه باس بطني جسمي كزبر مر لوقت عشر دقايق واني ادفع بي لطش لطشش بقيت اصبر روحي باوعت ؏ ساعه ب٣ لفجر حسيته صدك نام انفاسه حاره ببطني استحيت منه بس هوه يعرف لمستحه!!
ضُلام بنعاس-: حبي
ايڤن-: خيررر؟؟
جر ايدي خلاهه على شعره حجه بنعاس
ضُلام-: العبيلي بشعري
ايڤن-: مااا
ضُلام-: يلا بنياتي تعبان وعلي وكوه واكف ميت نعاس
باوعت عليه يباوعلي بعيون ذبلانه قدرت وضعه لزمت وجهه قربته على حضني العب بشعره جسمي كزبر من لف اديه على خصري حاضني غلست بقيت ادخل اصابعي بفروه شعره خليت ايدي على خدي اباوعله صدك لو كالت سيلين حلو خشمه مقطوط منبل احلى من خشمي رموشه كثيفات سود كلش ويا رسمه حاجبه طويل وثخين عبالك سيف ملامحه حاده انتبهت حاجبه من صفحه ثانيه مطبور نزلت نظراتي لشفته ضحكت بخنك لشيطان لعب براسي ابوسه شنو ايع هوه كلش اسمراني بس اكره هيج زلم قاطع افكاري صوت خرخشه بلمطبخ كلبي كام يدك حيل من لخوف ندسته حجيت بهمس وخوف
ايڤن-: ضلام ضلام حباب كوم امانه
بنعاس-: امم
ايڤن-: الله يخليك حمووووت
ضُلام-: شكو شبيج؟؟؟
كام عني لطشت روحي بي حجيت واني اشر بيدي
ايڤن-: هناك اكو خرخشه اجت جنيةة اجتت
ضُلام-: اشش ماكوشي
بهل اثناء صوت طبه كمزت خايفه لزكت روحي بي لازمه قميصه بجيت وهوه حار
ايڤن-: ولله اجت ولله خايفه
ضُلام-: صلي ؏ نبي يروحي خاف مأثر عليج شوي سحر
ببجي-: شمدريك؟؟
ضُلام-: ادري بكلشي يلا تعاي اخذج لغرفتج
ايڤن-: ماااااا
ضُلام-: شبيججج
ايڤن-: حباب خل نشوف شكو بلمطبخ
ضُلام-: لج بابا ماكوشي هاي لأن نعسانه
ايڤن-: لاااء ولله منعسانه حباب كوم وياي نشوف شكو كووم
ضُلام-: لا اله اله الله
ايڤن-: هاي شبيييك
ضُلام-: انجبي يلا امشي
مشه كبالي صحت فزز دار وجهه عليه خزرني
ايڤن-: لاتروووح
ضُلام-: بتللل استغفرالله شبيج انرعصتي
ايڤن-: احضني وامشي
عكد حواجبه ضحك بخفه شسوي مجبوره من لخوف قربني اله لف اديه عليه ومشه واني لازكه روحي بجسمه اوصل لبطنه رفعت راسي اله رقمني بنظره ضحك بخفه دخلنه للمطبخ شغل ضوه كلشي ماكو دنك عليه هم بذني
ضُلام-: هاي جنانو مالتچ يحوصن
ايڤن-: لاء بس اكو طبه هنا يعني مسمعت
ضُلام-: جؤؤ
ايڤن-: اووف يربي
ضُلام-: شبيج حبيبي؟
ايڤن-: خايفه
ضُلام-: عمت عيني امشي اوديج للغرفه ماضل وكت
هزيت راسي وكلعاده مخليته يمشه خطوه اذا مو حضني ويمشي صعدنه فوك بغرفتي دخل قفل لباب ركضت لفراشي لفيت روحي بلغطى طلعت بس عيوني كعد كبالي سكتت تحمحمت شبي صافن بوجهي
ايڤن-: ءشسمه اذا نعسان تعال
بفرح-: تشاقين؟؟؟
ايڤن-: شو جنك عقلك شطح مدري وين اقصد تعال اهنا نام بلكاع وخلي راسك يم راسي والزم ايدي لحتى متجينه جنيه
ضُلام-: ايي بتللل الهتلي مو كدامج طلي تنومينه بلكاع ويحرسج لايجن جنانو نوب
ايڤن-: اهووو هم صوجي
ضُلام-: ههه ولله يالله
اجه كعد بلكاع سند نفسه ؏ لحايط مد رجل وثانيه خل ايده عليهه تقرب عليه خله راسه يم مخدتي قريب على وجهي اني لافه روحي طالعه بس عيوني بقه صافن عليه من يمي توترت ضحك بخفه حجه
ضُلام-: عيونج
ايڤن-: شبيهن
ضُلام-: رجال شطولني شعرضني بس اضعف كبالهن ااخ احتركو اهلج بكاز
ايڤن-: هههه
ضُلام-: يلا نامي
ايڤن-: وانته؟
ضُلام-: منعسان نامي بابا
غمضت عيوني حسيت بحركه فتحت تك عين شفته ديورث جكاره عطت بي فززته خزرني حجه بعصبيه
ضُلام-: اشبييججج؟؟؟
ايڤن-: شسمه لاتشرب جكاير اختنك وماحبه
ضُلام-: استقري نصره
ايڤن-: ورثهه وشوف شيجرالك
ضُلام-: يما خفت خفت مشوفيني ارعش
ايڤن-: هففف مليق
شفته طنشني ديورثهه جريته منه خازرته بعصبيه
ايڤن-: احطهه بعينك اذا شربتهه كبالي
شهكت من باسني بحنجي شواربه طخن شفايفي كزبر جسمي وخرت عنه بسرعه بعدت نفسي عنه حجيت
ايڤن-: اخرر مره تعيدهه
ضُلام-: صار
ايڤن-: يلا روووح لبيتك شكوو فوك راسي
كام عدل قميصه ضم باكيت جكاير بجيبه حجه وهوه يعدل بشعره كبال لمرايه
ضُلام-: اي تمام براحتج خلي جنيه شوي تهزلج هنا عود ماوصيج عيطي
طفرت من مكاني خايفه حجيت-: لا لا ابقى يمي اخاف
ضُلام-: انخمدي يلا
ايڤن-: شوف تره مميته عليك بس مجبوره اخليك تحرسني لان اخاف تجيني جنيه
ضُلام-: تعاي
جر ايدي دثرت بفراشي وهوه كعد بلكاع مدلي ايده اول ملفيت الغطى عليه حجه
ضُلام-: احجيلي
ايڤن-: بشنو؟
ضُلام-: منو سوالج سحر
ايڤن-: ماعرف بس شاكه بوحده
ضُلام-: بـمنو!!!
ايڤن-: ماعرف قبل اشهر اخت ابويه طلبت مني سواري لابسته تكول عجبني فه اني حيل انحرجت عاد نزعته وانطيته الهه شو وره فتره كمت اشوف خيال يخطف من كدامي لو من اطلع بحديقتنه الكه لبزونه تصفن عليه ومرات من انام يم شباكي تبقى تماوي واني اموت خوف وهواي احلام اشوف كوابيس
ضُلام-: امم
ايڤن-: ايي فه اسمع هواي
ضُلام-: مثليش؟؟
ايڤن-: صوت بجي اطفال لو صوت نسوان تضحك واكثرهه احلم سوالف عيب
دار وجهه بصدمه-: عيب شني!!
ايڤن-: ها
ضُلام-: تحلمين سوالف عيب شني
ايڤن-: لااء اقصد سوالف مزوجين
بغمزه-: شنو سوالف مزوجين
خزرته-: احترررم نفسسك
ضُلام-: ههههههه كملي
ايڤن-: وهاي بس اخر مره يمكن شو ليوم اي ليوم من دااسبح ايد خمشتني بأضافرهه من جوه
ضُلام-: وين جوه؟
ايڤن-: يعني جوه
ضُلام-: اي غيررر وين بضبط وين المكان
بحده-: هسه شعلييك وين شنو تريد تفحص!!!؟
ضُلام-: چا شلون غير اشوف الـ اوا
ايڤن-: سرسري
ضُلام-: انجبي يلا نامي
مر لوقت نسولف واني كل شوي اتثاوب نعسانه خليت ايدي على خدي اباوعله وهوه يحجي ثاريني نايمه ماعرف وين اني بحلم بلواقع حسيت شفايف تتحرك على شفايفي ماذكر بعد شسصار
ثاني يوم لبسته ولأول مره عبايه ام راس وحجاب باوعت لنفسي ؏ لمرايه ضحكت كرصتني بقوه من خدودي اختي عطت متوجعه
ايڤن-: آااااي وجع دوخري
سيلين-: هههه لج سمنانه دباع الخدود تتطافر
ايڤن-: اعوذ بالله من الحاسود
-:انجبي زين حلوه اني
باوعت عليهه همات لابسه عبايه ام راس هزيت راسي
-:: تجنن ولله
-:: بوسه لويهك
اجانه صوت امي
ايلين-: بنااات نمتن؟؟؟
ايڤن-: جايه ماما
نزلنه جوه امي همات لابسه هيه شافتني هيج وصلت ؏ نبي ضحكت خجلانه اجه بابا وهوه يصلي ؏ نبي ويضحك طلعنه صعدنه بسياره مشه بينه رحنه لنجف زرنه ولأول مره نزلنه اني واهلي امشي وأتعثور بلعبايه خوب سيلين فطست من ضحك وامي تخزر بينه دخلنه لتفتيش فتشتني سئلتني لبنيه
-:: مخليه حمره؟
ايڤن-: لاولله هيه هيج شفتي
هزت راسهه طلعت اتمشى جسمي يتنفض لحاله واحس روحي تركض كبلي شعور ماعرف شلون اوصفه بقينه نزور علمتني امي شلون اصلي صلينه سوه خلصت واني اضحك فرحانه حسيت عبالك مسويه انجاز
كملنه زياره وين يلا رجعنه للبيت وصلنه بليل نزلت من سياره احس رجليه صارن خيوط بس هم ارتاحيت كلهم اهلي دخلو اني خليت اكل لبزونتي فززني صوت تلفوني فتحته جانت رساله من لواتساب مكتوب
" اخ ياجمالهه عذبني نظراتهه لحاده ".....
يتبع🌚🤍..
صح بارت قصير بس مشغوله اعذروني قلبي انتو🥹
لاتنسون التصويت+تعليق ؏ كل فقره لطفاً 💚
حساب الانستا
its.zlzala0
#الكاتبه زازا
#ابوضبع 904
دمتم سالمين ياعرچ عيني ♥.