في قبضة الاشهب

part(37)

#في قبضة الاشهب

الكاتبه: ايه ال محمد

انته كلبي وياكلب بيك ابتليت
انته عمري غيرك انه شحصليت
انته روحي لو رحت عني انتهيت
انته عيني لو غبت عني انعميت
حاولت انساك مره ومانسيت
شنسه منك يالخذت كلبي ومشيت..

قراءه ممتعه..

ᘓ᭄................................ ᘓ᭄

باسني براسي وكال

-شنو مو جوعانه

-اصلا ميته جوع

-حقج بويه حقج من الصبح لهسه بدون اكل يلا كومي بسرعه لبسي حجابج

كمت دورت ع حجابي لكيته ولبسته لزم ايدي ونزلنه رحنه للمطبخ دوى الضوه رحت للفرن شفت كباب وكبه ومقليات طلعتهن وحميتهن

رتبت ميز الطعام وحميت الخبز وحميت الجاي جهزن وخذتهن وكعدتت اكلنه وكملنه وكمت لملمت المواعين وغسلتهم

وصعدنه دخلت للغرفه شغلت الشاشه طالعه كارتون سالي كعد يم هوه وكال

-باجر ترحين وي لبنات للسوك

اني باوعت اله ورجعت نضري للشاشه لزم حنكي وفر راسي اله وكال

-بويه شبيج سمعتي ل كلته باجر ترحين للسوك وي لبنات

صفنت بوجهه وانوب انتبهت ع كلامه بسرعه صرخت

-شنووووو كوول والله

-وجعت جدي كون شبيج خلستي لبت

كعدتت ورد وضلت تبجي كام هوه شالها ويسكت بيهاا واني صافنه ما مستوعبه الي حجا كمت بسرعه ورحت اله

-اشهب تشاقه جنت

-شبيج بويه انصرعتي لٱ ما اشاقه

-يعني صدك الي كلته الي وخليتني اروح وي لبنات مو

-اي شبيج

-وما عندك اعتراض

-بابا شبيج جنج ما مصدكه

-لازم تسجل وي العجائب السبعه لآزٍمٍ يصيرن ثمانيه مو سبعه

-تخبلت البت دخيلك يا علي

ضليت اكمز ما مصدكه هوه يباوعلي ويضحك اجيت اغمه بس كلت لٱ لايبطل

-يعني صدك راح اروح للسوك وي لبنات موو

-اي عمري واني اروح وياجن

راحت ضحكتي وكلت

-اي مو هل اكول مو من عوايدك تعوفني براحتي واطلع براحتي واتونس براحتي كلت منك من الشيطان

هزيت ايدي ورحت كعدتت كدام لشاشه

اشهب-بويه شبيج تخبلتي وثانين شنو تتونسين براحتج قابل اني شمسوي الج

-لا كلشي ما مسوي بس لٱ اضحك ولا ارفع راسي ولا البس براحتي

-جا شتردين تتمضحكين كدام لناس

-لا

-جا شنو

-اسكت اسكت عني خل اباوع لسالي احسلي

لحظات وسمعته يكول

-شفتي بويه بنادق شفتي شلون امج انصرعت علينه بهل ليل

-لا ورد ابوج لنصرع مو اني

بعدها انتبهت ع نفسي وعضيت شفتي ع جفصتي

محسيت غير جرني من شعري بس بخفه

-اووي شعري وخرر

-ولج منو ليي نصرع

-اانت اني

-شنو اانت اني

-هوه ردتت اكول اني بس اشتبهت عوف صماخي انشلع

-ولج ططوه لسانج طولان

-خلي يطول شرايد منه

-ااخخ منج ططوه ااخخ صاير بربوك فد مَـرّھٌ

-هسه عوف شعري هلسته والزم ورد عدل لٱ توكع

عافني وعضني بخدي ع كيف واني صحت بي

-خديي شعلييي

-فسنتي صوتج لٱ اخبزج هسه

-اووي شكد متوحش

عفته وكمت كعدتت ع لسريي ونمت ع بطني واباوع للشاشه صارت نومتي بالعكس

اباوع اله يهز بايده ويضحك ونوب ضل يلاعب بورد وهيه تصيح وتدردم

-اشهب كوم سوي شوربه الها

-ولج بت الخوش رجال تتامرين عليه اني رجلج لو انتيي رجلي

-اني رجلك

انتبهت ع حجايتي وحكيت راسي ع جفصتي

-هاا يعني هسه صرتي رجلي

-لا هوه اسمع ما انتبهت وحجيت

-اها ولازم اصدك

-اي اكيد تصدك قابل صدك اني رجلك

-اني اعلمج بربوك لسانج صاير مترين

عافني ونزل صفكت ايد بايد وغميت

-دروح امداك

ورجعت اتابع سبيستون لكيت سالي مخلصه وطالع المحقق كونان حقها حتى سالي خلصت ولغوة اشهب ما خلصة شكد يحجي

كمت طلعت حب شمس وشاميه وكعدتت اكل واباوع
دخل اشهب وبيده صحن ورد تصفك مدري عليمن

-هاي شنو بالصحن

-سيراميك

صفنت بوجهه شنو سيراميك كسره خلاا لو شنو

-اشهب بربك كسرة السيراميك وطبخته

-طاح حظج ولج مو السيراميك مال بناء

-لعد شنو

-خب هاذي ما اعرف شسمه

باوعت للصحن كمت رحت يمه ومديت اصبعي وضكته

ضربت كصتي وكتله

-هاذي سيريلاك مو سيراميك

-بويه شمدريني اني يلا وخري خل اوكل بندق

راح كعد وكعد ورد بحظنه ويوكل بيهاا هزيت ايدي ورجعت لمكاني نمت واتابع بكونان

محسيت غير طكني بصوت طفرني من مكاني ولا اراديا صحت

-نعمم المحقق كونان

-ولججج ططوه اذاني راحت وشنو محقق صماخ شجابه بالنص

-هاا لٱ بس اندمجت زياده ارجع اكعد

-اذني اريدها

-غير مكانك ما كايله الك تجي تكعد هنا واني كعدتت اول

-ااخخ منج فسنتي اخخ

هوه منتجي ضهره ع السرير واني صايره يمه اذانه واكرز حب واكل والصوت يم اذانه

كام هوه اجه كعد يمي واني ما اهتميت رجعت اكل واباوع لكونان بعدها تعبت من لنومه هاي ونمت ع ضهري وصحت

-يبووو حموت من لعطش انطووني مايي

-كومي هذيج لثلاجه واشربي منهاا

-ادري هذيج لثلاجه بس اانت كوم جيبلي ماي منهاا

-شلون تريدني اسطرها ع راسها هسه

-يووو شكد معقد

كمت شربت ماي وشفت الثلاجه متروسه اشكال والوان عجبني اخذ ببسي وبقلاوه طلعت وكعدتت اكل

نوب صفنت وضليت امطك اشتهيت اندومي يابس وي البقلاوه وليمون كمت رحت للخانه مخصصها اشهب للحلويات

طلعت اندومي كسرته وخليت التوابل مالته واخذت قطعت بقلاوه وخليت فوكها اندومي وجبت ليمونه عضيتها

ونقسمتها بالنص ورشيت فوكها واكلتها وشربت ببسي كمت امطك

اشهب-لا اليوم انتي مو طبيعيه بويه بيج شي صاحيه اانت وين اكو واحد ياكل حلاى وي ملوحه وي حموضه ولا اندومي وببسي وبهارات الاندومي وليمون ولجج معتج راح تشرد منج

-اووي شعليك اصلاا تخبل والله

-ولج لٱ تحلفين

يياوعلي بتقزز هزيت ايديي وكتله

-احلا منك لٱ تباوع هيج

رجعت اكل وهوه صافن عليه صفنت علي وقلصت عيووني

-اشهب

-شمامه

-تريد

-لا مشكوره.

قلصت عيووني وضليت اباوع علي فتح عيوونه وخزرني

-جربي وشوفي اله اطيح صبغج

عرف الي ابالي وكتله

-لا وعلي الًيَوُمًِ اله تاكل

سويت اله قطعه ترستا ترس ليمون واندومي ورحت اله

-افتحح حلكك بسرعه

-ططوه لٱ تخليني اكفخج اكعدي واسكتي

-حباب اكل

-انجبي بويه تردين تسمميني

خليتها بحلكي وكتله

-مو صوجك صوجي اريد اوكلك

عفته ورحت كعدتت بمكاني شويه واجه كعد يمي

-وكليني بقلاوه بدون خبطتج هاي

هزيت راسي وكلته بقلاوه باسني بخدي وخرت ومسحت خدي

-اايعع لٱ تبوسني

فتح عيونه وخزرني

-ولج ططوه ترديلج كتله شنو هل لحجي

-اووي شنو متخلي واحد يعبر عما في قلبه

-مو تعبيرج راح يعم عليج والولحج من الدرج من ورا

-عاديي ميخالف المهم طلعت لبقلبي

-ااخخخ منج ططوه ااخخ

درت وجهي وضليت اكل

-ااحح شكد طيب

-خب يا طيب لصتي الامه العربيه بمعتج هسه تصيح الغوث الغوث

-اشهب اسكت احسلك خل اكل

-بويه اكلي اكلي بس خلصيني من لسانج

طلعت الساني اله ورجعت اكل ضجت من لقناة وكتله

-اشهب طلع فلم ديزني

هسه

شغل جهازه وربطه ع الشاشه وضلينه نباوع طلع فلم حورية البحر

ورد خطيه نامت نومها بسريرها واجه يمي وكال

-وعلي اذا صميتي طي** وصرختي اله اشمرج من لشباك

-هاي عليه

-لا عل جني

-اي عبالي

لزم وجهي وقربني اله

-ترديلج كتله اليوم

-ااءء اشهب وخر اريد اكل

-اكلي بويه اكلي

رجعت اكل واباوع للفلم

.
.
.
.
...........................................

نزلت ورحت للمطبخ شفتهم كاعدين يتريكون

-صباحح الخيرر

-صباحح النور

رحت كعدتت بين نيران ونيار

-بنات العصر نروح للسوك

نيار-اي رعد كال بل1نطلع

نيران-ورد راح اخليها يم خاله ما تتحمل الشمس

ازهار-اي حتى الجهال نخليهم يم امي

(يويو:- ملاحظه ترا ازهار تسمي ام اشهب يمه )

كملنه ريوك وكمنه نضفنه لبيت واني طلعت سمج نسوي مطبك(كبس)

نكعته بخل وملح وطماطه وماي يصير طيب

سمعت صوت لطمية اشهب دائما يسمعها (يا قاروره للملاا باسم الكربلائي)

حجت نيران باستغراب

-هاي شنو لصوت

ازهار-هاي قصيده حسينيه واشهب دائما يسمعها

رحيق-دائما بليل او الصبح يطلع للحديقه ويشلغها ويستمع الها

نيار-هاي اول مرا اسمعها شو صهري ما يشغلها يمنه

نيران-اي والله اول مرا اسمعها

-لا دائما يشغلها بس برا مو هنا ويمكن ما منتبهات انتن

نيران-مفاجئات اشهب ما يخلصن

ضحكت وكلت الها

-رجلج مفاجئاته يوم بعد يوم يطلعن

هزت راسها وراحت للثلاجه كعدتت يم ازهار ونيار

نيار-نيرو شكاعد دورين

-اريد ليمون

ازهار-تلكي بالسله

طلعت وحده وكالت

-رحيق وين النوتيلاا

-هناك بالسوبر تلكيها

طلعت علبه وجابت صحن وخاشوكه وسجينه واجت يمنه واحنه صافنات عليها شنو تريد تسوي

قطعت اليمون وفتحت النوتيلاا وخلتها فوك اليمون فتحت عيووني بصدمه وكعدتت تاكل

-ييعع حشى نعمت الله ولجح شلون تاكلي

نيار-شبيج اختي تخبلتي لْـۆ شنو

ازهار- لٱ البنبه خسرت عقلها

وهيه تاكل وتمطك ما هامها واحنه وحده صافنه بوجه الثانيه دخل اشهب وشافها وكال

-بويه هورموناتج ما طابن

نيار-صهري شبيها اختي ليشش تاكل هيج

-علمي علمج البارحه طبكت سلابيح بدون طبخ وبقلاوه ورشت بهارات السلابيح واكلتهن وحتى ببسي شربت وياهن

نيار-ييععع اختي تاكل حشرات

رحيق-لا خيه يقصد اندومي يسمي سلابيح

نيار- الله يسامحك صهري لعبت نفسي شبيك

-جاا مجذب

ازهار-عود صدك هيج كلت

اشهب-اي وقالع خيبره

نيران-ما خلصتو صارلكم ساعهه تحجون عليه

رحيق-قابل مجذبين تخبلتي شنو شلون تاكلين هيج

-طيبات والله تردون اسويلكم ع العشى هيج

اشهب-لا رحمه الله والديج امي اريدها ما متبري منهاا تردين جلطين لمره

نيران-اسم الله ع خاله بس ترا طيب

-ططوه راح الولحج من السطح

-اوويي شكد متوحش شبيك

صفن عليها هز ايده وراح واحنه ميتات ضحك عليهم ازهار ونيار صار وجهن احمر

رحيق-ههههههههه خرب بيومج نيران شمسويه باخوي مخبلته

ازهار-والله الزلمه ضل صافن عليها

نيران-شو نجبن

نيار-ههههه صهري بعد كم يوم ينزل فاقد عقله

ضحكنه وكمنه نطبخ غده ونيران كاعده تاكل غريب امرها

كملنه واذن الاذان صلينه وكمنه نحظر بالغده وام اقبال تصب واني ولبنات نودي المواعين كملنه وكعدنه نتغده

رعد-بنات ما اريد تاخير

رحيق-صارر خويه

اشهب-اروح وياكم

نمر-اني هم

رعد-نجبو شعدنه زفه خو ما زفه

اشهب-انجب انت ومثل ما سمعت ما اعيد گلآمَي

نمر-واني هم ما اعيد كلامي

اشهب-خب اانت شني بغبغاء

زهره-صخوله كاعدين تتمالخون كدامكم نعمت الله اكلو وتمالخو

اباوع نيران وجهه احمر صار واني ولبنات هم كوه لازمين ضحكتنه كملنه اكل وغسلنه لمواعين ورتبنه لمطبخ وام اقبال راحت تشربهم جاي واحنه رحنه كل وحده لغرفتها

نجهز روحنه البست تنوره بيجيه وقميص زيتوني وشال بيجي وحذائي(اكرمكم الله) زيتوني وجنطه زيتونيه

خليت مسكاره وكحل قليل وحمره بناتيه ورشيت عطر اخذت عبايتي بيدي ونزلت شفت ازهار جاهزه ونيار

بقينه ننتظر نيران شويه ونزلت هيه واشهب يخوزر بيهاا باوعت الها مخليه مكياج بناتي وحجاب تركوازي وعيونه

يلمعن صايرات يجيبن التايه ابتسمت وطلعنه

واشهب بس ينافخ رحت اني ونيران بسيارت اشهب وازهار ونيار ونمر وي رعد

فتحو الحرس لبوابه وجان نشوف اوس هاذي شبي كل ما نريد نروح للسوك يجينه كلبت عيووني بملل

وهوه كبل صعد يم اشهب بالصدر بدون لٱ احم ولا دستور اجيت احجي بس كلت خل اسكت لٱ اشهب يشمرني من الجامه

اوس-السلام عليكمم شلونجن بويه

جاوبته نيران بهدوء وابتسامه

-وعليكم السلامم الحمدالله وانت

-زوين زوين

اشهب-ابن الخوش رجال شنو مو بعينك ما تسلم عليه

-وسم مساع جنه نحجي جا هيه كل ساع

باوعله اشهب بخزره وكاله

-هاي عليمن وسم

-ع مرتك

عود راد يسكته صخمها بالزايد ما نحس اله اشهب راكع الاستير بيده فزينه وكام يصيح

-ولكككككككك اؤؤؤؤسسسس شلوون تحجييييي هيججججججج

-يااخيي اشاقه وياك شبيك انجلبت

هاذي يحجي ولا يبالي يمكن يفكر هيه موته وحده واذا متت هسه

-ااؤؤؤسسسس

-وجع طرشت اذاني خايبين الحكوولي راح يغتصبني الحكولي خطفني وطرش اذاني

يحجي ويدك ع الجامه ويمثل اني ونيران مصدومات وحده تباوع بوجه الثانيه حقنه عمي كل شويه ننصدم

تقربت يمي وكالت

-اكلج رحيقه شبي هاذي جنه كلب ماكلين عشا

-ولج اي باعي شلون يصيح واشهب ما يحجي ويا

-اي متعجبه شعجب ما شمره من السياره لو يكتلو

-لا خيه هاذي يعزه اكثر منه احنه مراهقتهم وشبابهم ودراستهم وشغلهم ڱڵـه. سوا

-جنهم مره مطلقه

هيه كالت هيج لو اني طكيتها ضحكه اني وين احجي وهيه طكتني بموضوع صفح

اؤس دار روحه عليه وضل صافن بوجهي ابتسم وكال

-شلونج

-زينه وانت

-من شفتج صرت زين

ما نحس اله نجر من شعره

-ابن السطل تتغزل بيها كدامي

-يابه مرتي شبيك شبيك

-ترا خطبتها وبعدنه ما رادين جواب وهسه راح ارده الك

-اي شنو هوه

-ما الك نصيب يمنه يلا ولي

-خب وعلي اخطف مرتك واشوفك شلون تلكاها

اشهب نطط عيونه تغيرن ملامحه وجهه صار احمر عيونه صار بيهن شراين حمر خفت منه عززا

راح يشمرنه من لجسر لْـۆ يشمر اؤس هسه اله يجفص

اؤس من شافه هيج سوا روحه فقير

-اخوي الغالي الطيب اشاقه وياك هاي اختي تاج راسي ما اكلها بز حتى ادري برجلها ينجلب عليه

اشهب-اؤس وقالع خيبره اطكك بعقوبه واشمرك ع السواتر

-لا بروح اهلك بعدني لٱ مزوج ولا شايف جهالي تريد امي تجيك تخنكك

-نجب يلاا

خلصو الطريق ڱڵـه. ساعه يشاقون ويضحكون وساعه يتمالخون ونيران خطيه داخت منهم ونامت

وصلنه للسوك وكعدتت نيران

-نيرانه كعديي عمري وصلنه

-ولج نيرو ع كولت ناره كوومي

-ااممم

-ولج ياا امم وصلنه اكعدي

-اامم نعسانه

كوه تفتح بعيونها

-خيه كومي طارت ام لكشخه مالتج

-هاا

-بعدج فاصله كوومي ولجج

كعدتت ضلت تتمغط وتباوع منا ومنا منتظرتها تصحصح وريه وسكينه واكفين يم السياره

نزلنه اني ونيران وشفنه لبنات توهم وصلو طلع اشهب متصل ع رعد وكايله ع مكانه

مشينه ضلينه نفتر واشهب لآزٍمٍ نيار ويمشي ورانه ونمر ورعد واؤس كدامنه يمشون شفنه محل ملابس نسائيه وكفنه نشتري والشباب برا وكفو

جان يبيع ولد شفنه لبسات حلوات فساتين وملابس بيت اشترينه

نيار-بنات شتكولن نلبس نفس الون باجر

ازهار-حلوه الفكره

اتفقنه بس ما شفنه شي يعجبني لباجر اباوع الولد اكل نيران بعيونه همست ل ازهار

-ولج ازهار خل نطلع هاذي ابو المحل يباوع لنيران اذا شافه اشهب يدفنه بمحله

-اي والله يحركه هوه وملابسه

سحبت نيران وطلعت اني وياها وازهار ونيار ورانه وابو المحل طلع ورانه ويباوع لنيران عضيت اصبعي هسه تصير مشڱلھِ

درت نيران عليه وخليت ضهرها للولد. وجهه الي

-خل نروح لغير محل ما عجبتنه لبساته

نمر-ما عجبتجن وكل وحده علاكتين جا لْـۆ يعجبجن شلون

رعد-معليك بيهن اشترن بويه لٱ تخلن شي بنفسجن

رحيق-بعد روحي اخوي الزود مو مثل هذاك

مشينه مسافه واشهب كال

-كملو انتم هسه اجي رحيق نيران تخليها بعيونج خوش

هزيت راسي وراح هوه مشينه شوي ومدري صار فضول التفت درت وجهي واشوف اشهب دخل للمحل الي طلعنه منه فتحت عيونيي بس لٱ انتبه علي يباوع لنيران

عززاا لٱ لٱ اكيد اصلاا لْـۆ منتبه جان بنفس الحظه كاتله

ضليت محتاره دخلنه لمول ولكينه لبسات يخبلن شترينه لبسات واختارينه لون ماروني وابيض

طلعنه وصار بوجهنه اشهب اجه بسرعه يم نيران لزم ايدها ومشو سوا رحنه لمحل احذيه وجنط

اشترينه بلون لبساتنه وطلعنه والشباب هم اشترو ملابس ورجعنه للبيت واؤس عبالك مخلفينه وناسين

لطش يمنه اووفف ياا ربيي ما اريده ولا اريده ازوجه

اشهب صعد غراض نيران. ونيران اخذت ورد. وصعدتت واحنه هم كل واحد راح لغرفته

غيرة ملابسي وكبل نمت كاتلني النعاس فزيت ع صوت همسات يم اذني وريحة جكاير ايد خشنه نمدتت ع خدي

فتحت عيووني بانزعاج وفتحت عيونيي ع وسعهن من الصدومه

-صحح النوم حريقي

بسرعه دفعته وعطت

-انت....يتبع

ᘓ᭄……………………………………ᘓ᭄

لهنا وخلص البارت غيماتي اتمنى يعجبكم

حسابي الانستا

...دمتم بخيرر