روايـة حبي لكَ يـحرقـني
بـ قـلمي؛ فـرح عـلي
- مَـرات أجيك
بلا و؏ـي
عقليَ مِـن اذگرك
موش إلي
يـ العايِش بصَف
النِفس
نارك ولا جـنة
هَـلـيہ🕸🔥🤍.
*******************
ديـما: دسوي ريوك وتـر حبت تساعدني
باوع على وتـر وشافها تاكل وممهتمه بحجينا ضل يباوع عليها دقايق وعبالك انتبه على نفسه تحمحم وشرب ماي وطلع، يا هاي اول مرة اشوف صياد يباوع على بنيةة هوه البنات يتمنن نضرة منه والله عجيب كمت اسوي وبالي وياا
اباوع على وتـر طلعت اكله غريبة بس شكلها يخبل وني كملت جهزنا السفرة وحطينا الأكل دنجهز وطلعت هـوما من الغرفة وگالت
هـوما: واي واي هاي منو اليوم كاعد من وكت؟
ديـما: حبيت اني اسويلكم الفطور وتـر ساعدتني
تقدمت باستني وكعدت باوعت على وتـر وكالت
هـوما: صايرات عشرة
ديما: صديقتجج صديقتيي عدوتج عدوتي على فكرة
هـوما: امبين هواي دشوف البارحة من تعاركت ويا ميار ضليتي صافنةة
ديـما: لان سالفتجن خاصةة ودخلتن
هـوما: يعني اني اللي ادخلت؟
دارد وطلع ادهـم وگال
ادهـم: فراشة شمسوية اليوم امنورتناا يوميةة اخير وحدة تكعد على الفطور
ديـما: سامحك الله شهل حجيي
ادهـم: محجيت غير الحقيقة
كعد يم هـوما وباوع عليها وگـال،
ادهـم: ﭑسّهَر بجمَالهْا وَ عُيونيّ ذبٌلانة
باوعت عليه وگالت
هـوما: گول والله؟
ادهـم: وداعت عيونج
عيبت عليه وكلت،
ديـما: هـاي فوك ماتحمد ربها
ادهـم: فعلاً مرت اخوي حبيبتي هاي اول مرة توگفين وياي
ديـما: يعني ابد ماواكفه؟
باوع بحزن وگال
ادهـم: ابد
رحت يمه وكل گوم وهوه وكف رحت وكفت يمه وكال
ادهـم: شدسوين؟
ديـما: انتي مو كلت عساس ماواكفه وياك هاي وكفت وياك
اني احجي وباوع ع هوما وتـر ميتات ضحك
ادهـم: ثول ولج يعني تدافعيلي قصديي وليي لج
فززنا صوت صياد وياه يمان
صياد: لك هاي عليمن ولي؟
رد عليه يمان: يي صدك لك ادهـم هاي عليمن؟
ادهـم: انجبو تره اني اخوكم الجبير وخصب عنگم تحترموني ومن احجي ويا مرت اخوي بت عـمي متدخلون مفهومم
باوع عليه صياد من فوك ليجوه وكال
صياد: ولا عرفتك
يـمان: واني هم هاي منو ديحجي؟
ادهم كعد بمكانة ورفع راسة وگال
ادهـم: تاج راسكم
صياد: اخاف اكولةة وعيب
يـمان: لا ولك بناتت
ادهـم: كافي علاك وكعدوو
وهما هم كعدوو صياد كعد يـم وتـر وني دانتضر البقيةة علمود اكعد صحت الخادمةة
ديـما: وين البقية؟
الخادمة: الانسة هيام والانسة زهرة والجدة جميلة ذهبو البارحة بليل لبيت گرايبهم ليأدون الواجب
ديـما: لعد ليش منطتنا خبر
الخادمة: كانو مستعجلين وخبرتني لاقول لكم
اومئت لها وذهبت اجت ريـا شبكتها وگلت
ديـما: تعاي كعديي وكليلي رأيج بل أكل؟
ريـا: كلشي منج طيب
بسته وقدمتلها الكرسي علمود تكعد ورحت كعدت يم يمان، طلعت ميار وكعدت من جهة الخ يم صياد وهيه اكلت وتـر اكل بنضراتها انتبهت هـوما وكلتلها
هـوما: وتر حبيبي ديري بالج على نفسج واقري معوذات اكو ناس حتحسدج
وتـر باوعت عليها وهيه ممفتهمه بس من نتبهت ع ميار عرفت
ميار: حب على كيفج شسوينا حرام نباوع؟
هـوما: لا گلبي ليش حرام بلعكس بس الحسد كلش مو حلو نصيحةة مني والله البنية فقيرة وممأذية احد
انتفضت ميار وكالت
ميار: حياتيي ع كيفج شسوينا احناا متكليليي وين الحسد بلموضوع واعوف الكل واحسد هاي العوبةة
باوعت وتر عليها وگالت
وتر: لحضة لحضة منو العوبةةة؟
صياد باوع ع وتر شلون المصدوم وادهم ويمان وريا فاطسين من الضحك هـوما كالت
ميار: انتي
هـوما: حبيبتي وتر لتحطين عقلج ويا زعاطيط
ميار كامت وضربت الميز وكالت
ميار: منووو الزعطوطةة ولجج
هـوما: دخيل ربج عوفي هل تصرفات متلوكلج ابد ابد هل حركات علمود تجذبين صياد مجربيهن
ميار متعرف شتسوي حتموت، اباوع ع صياد مدايرلهـا بال ويباوع على وتر
ميار: ولج شهل حجي جان ستحيتي
ادهـم: حبيبي هـوماتي شنو مجربتهن عليه
باوعت صفح ومدارتله بال وكالت لميار
هـوما: ميار خانم هاهيه كعدي هواي راويتي نفسج
وهيه صعدت على الميز وهجمت ع هوماا وتر شافتهن وهم طفرت ع ميار وهوما سحلت ميار سحل عزةة حرفياً متنا ضحكك المنضر يموت ادهم فاطس ويمان وريا فاحطين ضحك وصياد شال وتر ووخرها عن ميار وتر خرمشت ميار تخرمش وجرتهاا من شعرها لدرجةة وكع شعرها كله
وادهـم سحب هوماا لان موتتهاا لميارر ويـمان وخر ميار وكل واحد كامش وحده منضرهم يموت ضحك وهنا يكمزن يردن يوصلن ميار
صياد شايل وتر واردفت،
وتر: لككك عوفنييي خل اراويهاا شلون تمد ايدهاا علينااا وخررر لك نزلنيييي
وصياد عيالك ميسمعهاا وهيه دتلوب، وهوما كامشها ادهم ويجرجر بيها
هـوما: ممتربايةة النعالةة عوفني خل اراويهاا شلون السحلل يصيررر الدايحةةةة
اني متت ضحكك باوعت عليه هوما وكالت
هـوما: انتي ضحكي وسكتي لج هجمت ع اختج شلون سكتي هاااا؟
ديما: والله اختيي هم مو قليلةة
ميار: بعدليي بس الدايحات امهات السفرر
وتر: احتفضيي بصوتجج لا اكطعهه الجج
ميار: مو تايهه لايدجج
وتر باوعت ع صياد بهدوء وكالت
وتر: نزلني هـاهيه
صياد: متاكدةة؟
وتر: ايي
نزلهاا هوه نزلهاا هيه طفرتت ع ميارر من شعرهاا هلسس وصياد يريد يجرهاا ميكدرر كامشته كل قوتهاا وهوما تريد تجيهاا بس ادهم كامشها قويي وحنا ميتين ضحك يمان وصياد يريدون يوخرون وتر وماكوو
وتر: باعيي تايهه لايديي ونص باعيي حبيبي بل كل اندكيي الا ويايي او ويا هوماا مفهومم؟
هـوما: وتر لتعوفيهاا طلعي حركتيي
ادهـم: لج كافييي
هـوما: الصم انته
ادهـم: ميخالف بس الصمي
لحد ماصياد عض ايد وتر يلا عافتهاا وتر كامت تصيح،
وتر: ايدييي لك الله يموتك هاي ليش حقيرررر؟
صياد: صوتججح
عافته وراحتت وريا اخذت ميار للغرفةة وصياد لحك وتر، ويمان كال
يمان: هوماا جنتي وحدةة وشالعه كلبنا صرتي ثنينن هاي صديقتجج بعد اخبل منج
هـوما: انجبب لك صاير فرد نوب تستهزء بيه؟
يمان: حشاا
تقدم منها وخر ايد ادهـم وحضنها وكال.
يمان: كم روح عنديي
وخرته وكالت
هـوما: دشوف مفازعتلي لكم اني من دمكم وتر مو من دمي ودافعتلي شكد متستحون،
ادهم وخر يمان وكله..
ادهـم: وخر لك
يـمان: عود غارر؟
ادهـم: اكيد
يـمان: لعد انته مو يوميه تحجي ويا مرتي شو مااحجي
ادهـم: اني وحد
تقدمت وكلت
ديـما: انجب لك تره يمان شوكت ميعجبه يحجي ويا اختي تمامم
ادهـم: لا والله؟
ديـما: ولله
هوما رادت تفارقنا وترجع لميار بس ادهم جرها للغرفةة وهيه تصيح عليهَ..
هـوما: الحقيرة النعالة ميار والله اذا احركها هم قليل
ادهـم: كاعدة بجربايتها وتغلط على ميار واني واكف يم الباب من اول مطبينا هيه هيج تقدمت كعدت بصفها وكلت
- تـره سويتيها بلا معنى؟
باوعت عليها حتاكلني وكالت
- باوع ادهـم احسن شي الك تطلع لان عقلي مو بمحله وبأي لحضة اشهد على روحك تماممم؟
كالت الكلمة الاخيرة بصياح وكفت وكلتلها
- شوي حترمي نفسج صايرة جسرة كلشش الضاهر اتلاطفت وياجج مو؟
وكفت وتقربت مني ميفصلني غير نمش وكالت
- نبرتك تحاجي بيهاا جدتك مو انيي وهاي الحركات اعملهاا لأمك مو اليي، دااكمل ومحسيت غير وجهي بجهه ثانيه وشي حار على خدي رفعت وجهي وكمت اضربةة بعشوائيه بوجها واخرمشه وكله
-لككك شلون تمد ايدكك عليهه هااا عود دصير رجال براسيي خراا عليكك وعلى دكمل وايده خلاها على حلكي ديسكتني وكال
ادهـم: كافي ستهتار والراجدي تستاهليه علمود تعرفين بعد ماكو غلطط تمامم، دفعتهاا وطلعت وني اعصابي تالفة منها بلكوة متحمل اسايرهاا
هـوما: طلع ودفعني بلكع شو هاذ صاير فد نوب طالعه عينه لازم اعلمهم شلون يدفعون ثمن افعالهم
كمت ورحت للمطبخ شفت المساعدة كلتلها
هـوما: الحجيه جميلة وامي زهرة وعمتي هيام وصلو؟
المساعدة: نعم مدام كل واحد راح لغرفتوو
هـوما: شفت بيدها عصاير كلتلها، هاي المن؟
مساعدة:- للحجية جميلة
أخذته من أيدها ورحت بتجاه غرفتها
دكيت الباب وكالت دخلي دخلت شافتني واشرتلي اكعد بصفها على التخت كعدت ونطيتها العصير اخذته وكالت
جميلة: اول مجيتي محجيت وياج ف همزين اجيتيي لان ردت اني اصيحج
هـوما: ليش شصاير؟
جميلة: كلشي مصاير فقط راح اعرض عليج عرض
هـوما: شنوة؟
جميلة: اني هدفي بلحياة انتقم من عائلة الجدعان وتدرين بهل شي؟
هـوما: يي
جميلة: واعرف شخص واحد ينتقملي لان البقيه امبين نسووا انتقامهم هوه صياد
هـوما: ليش صياد بلذات؟
جميلة: لان صياد عكسهم افهم واحد جاد بلمواضيع بارد عصبي انسان كامل وذكي والأهم هوه رئيس المافيا ولحد الان ممضررين بسببه اما يمان عاطفي عواطفة تسيطر عليه وطايش وادهـم مزوح يحب الشقة صح يحب شغله كلش وبسببه وصلنا لهل مرحله بس بعض الاشياء ابد مانو جدي بلمواضيع، اما فرس سبب دمارة اعصابة ميتحكم بيها وسريع الغضب وهل شي خلاه يخسر عمره بلسجون
هـوما: يعني هسه هل كلام شنو معناه؟
فتحت سبيكر من مبايلي،
جميلة: بختصار الحجي اريدج تتقربين من عائلة الجدعان وتخلين حفيد من احفادة يقع بحبج
انصدمت من كلامها وكلتلها؛ ليش اني بلضبط؟ عندج ريا وميار
جميلة: ريـا تحب يمان واكيد اذا كلتلها رح تكله ريـا فاشلة وجبانة وحساسة مستحيل يصلح منها اما ميار هم فكرت بيها بس ميار بس لسان وميتأمن بيها
بس انتي غير انتي قوية صح بعض الاحيان خبله بس سبعه
هـوما: شنو ليش ريا تحب يمان؟
جميلة: ادري انتي تعرفين باعيي اني محد ميكدر يعبر شغله عليهه، برأيج ليش زوجت يمان وديما
هـوما: ليش؟
جميلة: لان ديـما قـوية اقوة منج حتى هيه تكدر تتحكم بيمان بس صار العكس
هـوما: جدتي شدتكولين ديما تره افطر منها ماكوو
ضحكت وكالت...
جميلة: هيه عود اختج ومعرفتيهاا بلحقيقةة جنت دائماً افضل ديما عليج لان جنت مفكرة ادز ديما تعمل الشي الطلبته منج بس اتغيرت الخطة لسبب ديما اذكى واقوة وحدة بيجن بس دائماً تخفي هل شي تسمع ترى بس تسكت انتي عكسهاا ونتي امبين عليج من بره انسانة قوية ذكيةة متعرفين تخفين
بس اختج غبيه طلعت اختج من تحب احد تضعف خيبت ضني كله يمان لساته يخونها ويا اقرب شخص عليها بس هيه غبيه وضعيفة كدام التحبهم اختج تخفي معرفتها وقوتها من الصغر ومن ازوجت يمان سوت روحها متهتم بل يصير هنا وعليها بنفسها وعطوفة بس علمود يحبهاا بس الغبيه لو ضاله على طبيعتها جان حبها من زمان
هـوما: والله جدتي عليج سوالف شلون تحللين شخصيات اني بلكوة اللي خلك لنفسي
جميلة: لان انتي غبيهه بس الاشياء الترديهاا تذكين بيها
هـوما: جدتي لو مثل مكلتي وختي ذكية وتخفي ومدري ايش يـمان شنو سبب تعلقة بريا؟
جميلة: يـمان متعلق بريـا يـمان حاط بباله ريـا حبه الوحيد وبس وهل شي خلاه يحبها بس لو ناطي المساحة لنفسه يحب ديما جان حبهاا هوه امفكر يعشق ريا ويتخيل ديما ريا لان ديـما عاملته كزوج كطفل ديـما من تحب احد تضعف تغبي تعامل الشخص لتحبه كانو ماكو مثله بس فقدت املي من عرفت ديما متجيب اطفال ويمان من عرف تقرب من ريا اكثر
هـوما: قصدج فرح؟
جميلة: لا مفرح بس صار اله أمل يرجع لريـا
هـوما: المـهم اني ارفض طلبج
جميلة: لعد ختاريتي الشرط الثاني؟
هـوما: يعني ياهاذ ياذاك؟
جميلة: يي
هـوما: بلا شنو الثاني؟
جميلة: الاول تتقربين من حفيد الاجدع اما الثاني تجيبين بنتج وتربيها وتزوجين من ادهـم وتعيشون سوة؟ اختاري؟
هـوما: واذا رفضت الاثنين؟
جميلة: ازوج ادهـم لميار
هـوما: شدتحجين؟
جميلة: صوتج نصيي من تحجين وياي لتنسين نفسج
هـوما: تمامم حختار الاولل
جميلة: عفيةة
ردت اموتها بس تمالكت نفسي اومئتلها وطلعت سديت السبيكر والله لو تموتين مانفذ شي ورحت للغرفةة
_
وتـر: طبيت للغرفة واني دافور من الغضب طب ورايةة وكال
صياد: شهل صلافة؟
وتـر: عفواً؟
صياد: باعي اني اكثر شي اكرهاا البنية الصلفةة
تقربت منه وكلت
وتـر: والله؟
تقرب كلش وميفصلنه غير نمش وكال بصوت ذايب
- والله
ضل يباوع على عيوني وبكل تفاصيل وجهي واني اباوع عليه واردف،
- طلعتي مو فقيرة
ضحكت متحملت وهوه واكف يباوع وكال
- ها لكفتي؟
ضحكت بلزايد وهو ضحك على ضحكتي ضليت صافنه بوجههَ وكلتله بلا ماحس..
- ضحگتك حلوة
تلبك ورجع وجها بارد ميكصه سيف
صياد: صدگ شسمين تصرفج جوهه
وتـر: انته مو متحب شخص يتجاوز اني هم مااحب لو انته حلال واني حرام؟
صياد: مو لسان رشاشةة
وتـر: حرام لو فهمت
صياد: يايوم فهمتي؟
وتـر: قصدك غبيه؟
صياد: عينيي حشاجج، طلعت ورحت لغرفتي واني افكرر ليش مداتطلع من باليي معقولةة انعجبت بيهاا صح هيه حلوة بس اني هواي شفت حلوات منجذبت الهن هيه الوحيدة اللي مطلعت بيه بنضرة اعجاب يمكن؟ وهيج حبيتهاا
دك تليفوني فتحته
صياد: شصار بلي كلتلك عليه؟
- سيدي تم سحبنا كل اشغال عائلة الجدعان بقالهم فقط الشركةة
صياد: عن قريب حتى الشركة ناخذهاا ونبقيهم حالهم حال الجلب
- نعم سيدي بس حيرجع حفيد الاجدع ماهـر
صياد: هـاذ حسب علمي ميدخل بسوالفهم؟
- نعم سيدي ميدخل
صياد: لعد هـاهيه وشصار بموضوع بنت عمتي المفقودة؟
- سيدي دندور وصلنا لنقطه بس نتأكد وهاهيه
سديته وني افكر بحل الاقي بت عمتي جانت صغيره وهيه وريا من ضاعت بوكتها جان عمري 7 من جابتها عمتي اول مشفتهاا كلتلي
زهرة: ختار وحده من التؤام الك
صياد: باوعت على ريـا حسيته كأخت بس من باوعت عليها اجاني حساس حلو وكلتلها هايي فرحت بوكتهاا وكالت تدلل
ولساتنيي انتضرها بس اتأكدت اني معجب بـ وتـر..
وتـر: من طلع رتاحيت بدايتي نجحت امبين طلعت وجان اشوف ريـا وحدها رحت كعدت يمهاا وگالت
ريـا: تدرين شغلة مادري ليش ارتاح بوجودج
وتـر: والله حتى اني
ريـا: صراحةة احس اعرفجج من زمانن
وتـر: اول مجيت الكل يكلي
ريـا: انتي هواي تشبهيني
وتـر: شو صدك هاي اول مره نتبهت
_
ماري:- كاعدين بصالةة بيدي مبايل اتفرج رفعت راسي من حجه باسل
بـاسل: الـيوم حيجي ماهـر
نطيت بفرح..
مـاري: واوو صدك؟
دك مبايل باسل رد وملامح وجهه تغيرت للغضب وسده جدي نتبه وكله
الأجدع: منو؟
بـاسل: الشركات والمعامل والمخازن والبيوت كلشي راح من عدناا
نصدمت وجدي گـام وكله بصياح
الأجدع: لك شدتحجييي منووو سوةة هيجج؟
بـاسل: اكو غيرةة صياد طبعاً
الأجدع: وشلون كدررر؟
بـاسل: جدي هـاذ ميصعب شي عليهه
الأجدع: هـم صح اتخابر وتر وتكللها بس باجر اضل يمهم
بـاسل: ليش؟
الأجدع: شنو تريدة تعرف يعني اكيد صياد ديبحث على بت عمتهه شلون لو عرف انو وتر هيه؟
بـاسل: هـم صح بوكتها اكيد وتر اصير ضدنا
مـاري: اخـاف تعوفنا؟
الأجدع: لا لأن اني ربيت وتـر احسن ترباية مستحيل تخيب ضني
بـاسل: يـعني اكللها؟
الأجدع: كللها او عود اندور غير خطةة بعيدن عن البيت
بـاسل: تمام
الأجدع: لتخليلهـم أمل أنو يلگون وتر
بـاسل: أصلن مستحيل
مـاري: وشلون حنفلس؟
الأجدع: بقولنا بس الشركة الانذال
بـاسل: اذا مندمتهه ميطلع اسمي باسل
اثناء كلامنا سمعنا الجرص فتحته المساعدة وطب شخص متوقعنا يجي مـاهر اول مشفته ذبيت نفسي بحضنه وبادلني وخرني وكال
مـاهر: ها وردتي شلونجج؟
ماري: لك انته شلونكك
مـاهر: كبرانةة وحليانةة
ابتسمتله شاف جدي وراح باس ايده وحضنه وحضن باسل وكال
مـاهر: والله مشتاقلكم
الأجدع: لو مشتاق من صدك تجي
مـاهر: اختنك اضل بمكان واحد اموتتت
سوة حركـةة اختناق عـود اموت هـهه ضحكنا عليه كعدنا وكام يسولفلنا شسوة هناك ومسوة دقايق وجته لحضة ادراك سئل عن وتر وجدي وبـاسل سولفوله انصدم وكال
مـاهر: اخاف يصير شي الها؟
بـاسل: لا وتر قـوية واصلن غيرنا الخطة بس باجر حضل يمهم
مـاهر: هـمزين
اخذهـم جدي وطلعوو للشركة، وني كلت اروح اتسوق
_
وتـر: خابرنيِ بـاسل وكـلي بس باجر اضل هنا بس معرفت شي وكال صياد خلانا نفلس اخذ الشرگـات وكـلشي، امبين لاعـبها صحيح هل صياد ماله قـليل
، رحـتلها دكيت الباب وكالت تفضل دخلت بس شافتني جرتني وكعدتني على الجرباية وگـالت
هـوما: هـمزين اجيتي جنت دريد احجي وياج
وتـر: شـكو؟
هـوما: كعدت اسولفلها شلون جميلة تريد اتقرب من عائلتها وكلشي
وتـر: يعني تريدج تقتربين من باسل؟
هـوما: بلضبط
وتـر: هـوة اعتقد يعرفج لان جدي سولفلنا عنكم وراوانا صوركم
هـوما: وتكلي اذا متتقربين منه اخلي ادهـم يزوجج وتجيبون بنتكم تعيش وياكم
وتـر: اي لعد قبلي الثاني لأن الاول حيفشل بصراحة بـاسل ماله قليل اولاً يعـرفج وثانياً اذگـى منه مـاگو
هـوما: وتـر شدتخرطين على فگرة سوالفج حتموتني فد يـوم دگلج لو اموت ماارجع ل أدهـم
وتـر: اوي لعد شسوي
هـوما: حجرب حضي واريد استعجل بحقايق
وتـر: ياحقايق
هـوما: خيانة ريـا ويـمان لاختييي سبرايزز
وتـر: وشلون يعني بدون دليل
هـوما: طلعت مبايلي وراويتها تصوير جدتي وهيه تعترف انها تعرف بعلاقة ريا ويـمان
وتـر: شفت الفديو ونصدمت والله هـل هـوما مالها قـليله كل واحد اذكى من الخ
هـوما: ها شگـلتي؟
وتـر: واختج؟
هـوما: اختي هل شي رح يقـويها اكثر، ويخليها تعرف جميلةة وحقايقهاا
وتـر: بس شراح نستفاد من هل شي؟
هـوما: هـواي اولاً وضع العائلة حيتخربط وثانياً الحجيةة الجميلة انتقـامي يخلص باجر من الگـل لان جدتي اگثر شي تحبةة هـوة ديـما وصياد بختصار احفادها لـما ديـما تصير ضدهـا حتسوء حالتهاا ويـمان گمان حيعارضها علمود يتزوج ريـا لما يتزوجون ويعاندوهـا حتنجلط بلزايد
اما صياد حتخسرةة لان ديـما خط أحمر عد صياد وأكيد مراح يرحم يـمان ولا يسكت لجدته
وتـر: والله نصدمت من كلامها شلون حتنهيهم بيوم بس واوو كلتلها، صراحة عجبتينيي احس ارتاحيت بسببج اخيراً حشوف انهيار جميلةة
هـوما: اگيد حتشوفيي ومن باجر يبدأ يخلص انتقامي اني لان الاحداث حتبلش عنديي
وتـر: يـعني اتكللي ماكو داعي تبقين اهـنا؟
هـوما: بلعگس اصلن مادري شلون حعيش بلياج صراحةة اني مااتعلق بسرعة بشخص بس انتي غير بسرعة دخلتي گلبي لو ضروفنا غير شي اتأكدي جان صرناا احسن صديقـات
وتـر: مدري احس نفسي صرت عاطفيةة
هـوما: ههه لا صدك حترحين؟
وتـر: والله باسل خابرني ويكلي جدي يكول باجر اخر يوم هنا بلبداية كلت ارفض بس من سمعت كلامج قررت ارجع شوي حسيت اني انتقمت
هـوما: تمام حبيبي على راحتج انتضرگم تنتقمون من عدناا هههه
وتـر: والله عدج سوالف
عفتها وطلعت من غرفتها دمشي ولفتتني غرفـةة ديـما مفتوحـة كلت خل اطب دخـلت وشفت ماگو احد سمعت صوت الباب درت وجهي وشفت ديـما طلعت من الحمام وهيه فرحانةة وبيدها شي ابيض مدري شنوة شلون الجهاز صغير
وتـر: شنو هـاي؟
ديـما: اني حامل،
****************
رأيكم بلروايةة💟✨
حاولت ألخص هل بارت ألكم👍💀