بسم الله الرحمن الرحيم
قبل البدء طيبوا افواهئكم بالصلاه على محمد وعلى آله الطيبين الطاهرين وعجل لوليه الفࢪج.....
استغفر الله
الحمد الله
لا اله الا الله
سبحان الله ♥....
،،،،،،،،،،،،،،،،،،،،،،
انستازيا العࢪاقيه
بين فنايا الظلمات
الباࢪت 25
∆∆∆∆∆∆∆∆∆∆∆∆
ليـش يَـاتالي الحبَايب
ليـش مَاكتلي مـن الأول
أنـا مو صَاحِب طويـلة لاتحبنِي
♡♡♡♡♡♡♡♡♡♡♡♡♡♡♡♡♡♡♡♡♡♡
((((للتنويه)))) 🔥🚫🔥🔥🚫🔥
حبجبجياتي مساء الخير اعرف ضوجتكم بسبب وفاه وغياب الملاك الاسمر وان شاء الله غائب حاضر راح يجي بطل بمكانه يكمل الاحداث وان شاء الله تعجبك وحتكون احلا بهوايي راح تطلع شخصيات جديده ان شاء الله بالبارت القام تطلع البطله الرئيسية الرابعه وحتحبوها هوايهه...
اما عن امين فهوه ماراح ينقطع من الروايه لا راح اذكره بالفلاش باك مال شيماء من تذكره ومواقفه بطفولته ومراهقته....
هم اني من البدايه ما خليته يطلع هواي ومواقف هواي حتى لاتتعلقون بيه بس هسه البطل الجاي بالدايه يمكن ماتحبونه بس بعدين راح تحبونه متأكده اني.....
꧁꧁꧁꧁꧁꧁꧂꧂꧂꧂꧂
غصن::
من تحقيق لتحقيق من واحد لواحد اشكال شفت حتى اعتداء رادوا يعتدون عليه بسبب عباس بلاخير سمعت من واحد من الضباط البل مركز گال لان اني تسترت على مجرم فاكيد ادخل حبس سنتين ثلاثه او كم شهر...
بعد القاضي وبكيفه..
خلوني بحبس بالمركز دخلوني مكان حار وبوخه قفص مثل الينحبس بيه الطيور ، قبضان حديده مزنجره تقوح ريحه مقرفه ريحه جيفه و خمࢪه...
مكان مقرف دخلتني الضابط للحبس بالزنزانه جبيره كلش وبيه تقريبا 14 وحده، شكولهن كلها تبين شنو عيشتهنن وهنه شنو...
وحده وجهاا صاير ازرگ ومابيه حياه و منفوخ كلش يخوف مبينه حبوب تشرب وذيج الثانيه الجايبينها بثوب نوم متزوجات من شكلها و كلامها وضحكها مبينه بت ليل...
اسمعهن يحجن ويحجن ما وقفن كلام واني ساكته يحاجني وماارد عليهن
_ انتِ شنو تهمتج؟؟
_مبينه بت ليل
جاوبتهن وهيه تهزز كتفها وتضحك ضحكه رگاصاات
_ليش الليل يخلف ههههيي؟؟
وحده اجت يمي تباوعلي وتغمزز وممشيه ايدها على وجهي ونوب عصرت شفتي ببين اديها.
دفرت ايدها بقوه ووكمت وگفت گبالها وعيوني نار شابات شلون تاجراءء وهيج تلمسني.
_ شبيج بر***
غصن:ولج سافله شلون هيج تلمسينييييي كلبه.
_ههه اسفه
غصن: حقيررره
_شفتج مال عض شحلاتها..
اني سمْعتها تحجي هيج لو جني ركبني لزمتها وبقيت ادفرر بيها وركعت راسها بالحايط حتى طاحت بالگاع تون وتعيط...
اسمع وحده مخليه عود خشب بحلگها وتفرك بيه حاجتني.
_ عنيفه يخبل بلغصب هههههه.
غصن: استجني لا **** خالتج
_فدوه خالتي ختوليي..
اشمئزيت منهن شفت وحده من الضباط اجت اخذت وحده من المحبوسات بسرعه طفرت لزمت ايدها.
الضابط: شكو تلزمينيي؟؟؟
غصن: حبابه اريد احاجي الضابط فؤاد.
باوعتلي بشك.
الضابط: ليش؟؟ شمعنه فؤاد بالذات.
غصن: عندي اعتراف بالقضية مهم وراح يغير مجرى التحقيق واريد اعترف.
الضابط: اسمعج احجي.
غصن: كتلج الفؤاد احجي لغيره لاءءء.
الضابط: شمعنه؟؟
غصن: شبيج شنو تغارين عليه.
الضابط : احترمييي نفسسجججح لججج.
غضن: صييييححييه
الضابط: اييي صوتج لتعليه.
غلست عليها ورجعت كعدت بالگاع شويه واجه فؤاد فتح باب الزنزانه واني طفرت اله بسرعه وگف كبالي وخله كلبشات بأديه وعيونه ما رفعهن من وجهي..
اخذني لمكتبه وسد الباب كعد على كرسي المكتب واني بالكرسي الامامه..
فؤاد : چاي گهوه؟؟
غصن: موهيتوو.
ضرب على الطاوله بقوه وعاط
فؤاد: كاعدين بكافتيريا الگ**** وانه ماادري.
غصن: صاير بخيل ذيج المره ضيفتني كااهي.
فؤاد: وحضرتج عاجبج تترددين علينا يوميه؟
غصن: غير انتو يوميه ساحليني وجايبيني لهنا.
فؤاد: ميتين عليج احنا؟؟؟
غصن: احترم نفسكككك لككك.
فؤاد: الگدامج ضابط رجل دوله.
غصن: طُزز.
فؤا: شعندج اجيتي تلتقين بيه شخصياً.
غصن: هيج بوخه وبارده الزنزانه كلت اقشمركم واجي اكعد هنا على التبريد..
فؤاد: اوففف استغفر الله ما راح اخلص منج اني لازگه بثوبي.
غصن: شنو شايفني ميته عليك تࢪه عندي انتَ والقندره.
فؤاد: احترممي والله لو گدامج ضابط لُخ جان ذبج وره الشمس على اسلوبج واخلاقج هاي...
غصن: اعرفك جبان وماتسويها.
خزرني وعاط بصوت عالي.
فؤاد: جماااال.
دخل عسكري قصير واسمر فتح الباب اخذ تحيه لفؤاد.
جمال: أمرك سيدي.
فؤاد: الحلوة تريد تتدلل.
اباوعله رفع راسه يأشر عليه بعيونه.
جمال: ههه تتدلل بالخدمة سيدي.
لزمني من اديه وجرني وياه اعيط احاول اقاوم بس لا اجه وياه واحد ثنينهم قيدوني و فؤاد عادي كاعد ولا يهمه..
دخلوني لغرفه اتعسس من الحبس الاولي گعدوني على كرسي حديدي وربطوني بيه بحبل وگبالي كرسي و طاوله وفوگها لمبه بيها مصباح ساعه يشتغل ساعه يطفى..
يطفى يشتغل تخوف صارت الغرفه جنها بفلم رعب احرك اديه مااكدر بس اگص اديه بالحديده مال الكرسي حتى حسيت اديه تنزف توجعني صارن واني جلدي ترف كلشش...
ريحه نتئه بالمكان تلعب النفس المكان مزعج احس بيه طاقه سلبيه يقبظ على الگلب اصيح واصيح بأعلى صوتي بس محد يرد حتى صوتي تحجرر وريگي يبس..
ماعرف شكد مر من الوقت بس هذا حرفياً تعذيب نفسي
اجت عيني على حايط وصخ ملطخ وسعت عيوني اشوف شنو هذا شفته دمم هوايه ملطخ الحياطين بقيت افرفر بعيوني على المكان اتمايزه........
شفت عوده و وواير و دمم هوايه بالارض والحياطين صوندات شياشش طوال كلبشات...
وهواي اشياء واثار مقرفه مااكدر اوصف بشاعتها....
شويه وانفتح الباب ودخل ثوࢪ اي ثوࢪ على هاي الضخامه و زرافه على الطول برج الساعه هذا مو بشر ابد...
ماتبان ملامحه بس خياله واضح بحيث من دخل من الباب دنگ راسه يله گدر يدخل شويه ويطخ الحايط..
يسحك بالجگاير وحده وره الثانيه ساعه يشتغل الضوه الهوه حيل خفيف وساعه يطفى..
گعد گبالي بالگرسي وملامحه ماواضحه بسبب خفوت الضوء الشديد لا حجه لا تحرك ولا شى مجرد يدخن ومركز نظره عليه مسويي زومم كأنما رسام وجاي يرسم لوحه وخايفه يخطاء بتفصيله....
ولا بالعشر دقايق هادئ استفزني حيلل تخبلت كلش منه ومن تصرفه
غصن: منووو انتَ منوو؟؟؟؟ اخرسس انتَ اخرسس ماتحجيييييي ليششش؟؟؟ وينه ذاك الكلللببب فؤااادد وين راح جبااااانن؟؟؟ واطيي سافلل اخوثث ارعنن
اصيح اصيح ادفر اريد اكوم ماكو وكلما اتحرك أاذي اديه بالحديده مالت الكرسي المربوطه بيه الا ان طفى الجكاره بأيدي بقيت اغصص ماكدرت انطق من الالم وشلون طفاها ومردها بأديه اونن مزوهره ماطلعت نفس اسمعه يحجي بصوت ناصي حيل وهادى مستفسزز بفحيح
_نوو عيطي اخرب على اصوات التعذيبب المتألمه..
حجاها وطلع بقيت بمكاني فاير دمي متعصبه متخبله ارسد اطلع من هذا المكان المابيه واحد صاحيي خرب بحضي وبكصتك عبااسس الحقير الواطي...
قطع تفكير دخول واحد ملثم مغطي وجهه ونازع الستره باقي بس بالبنطرون العسكري والتشيرت النص ردن اجه يتلفت وبسرعه اجه عليه يحجي متوتر وكأنما خايف احد يكشفه وحجه وياي محذر قلقت منه ومن شكله وكلامه گال..
_ شوفي غصن اسمعي كلامي واحفظي وسويي مثل مادا اكولج شوفي اكو عصاب مااكدر انطيج اسمهاا او قائدها راح يطلعون اخوج منا وانتِ هم تطلعون افراج برائه وسجلكم نظيف موسوح مسح اصبر كم ساع وتطلعون بس لا تنطين بأخوج او تعترفين تره اي خطاء ولو كان بسيط تنگطفين انتي واخوج عباس وابوج و براء لوره الشمس نلفق عليج تهم و جرائمم توصلج للاعدام..
غصن: شنو؟؟
_ راح يجي الضابط لهيب يحقق وياج تخرسين كباله حرف متنطقين تخرسين گباله مهما سوه بيج اصبر كم ساعه حتى لو اغتصبج ماتعترفين بأي شى شايفته عن اخوج تمام؟
غصن: تمام.
_ اي خطاء ترتكبينه يتحاسب عليه ابوج و براء.
غصن: لا الا براء وابويه.
طلع جهازه فتحه على الاستوديو وطلع مقطع لبابا مو ببيتنا بغير مكان ماعرفته و صور لبراء وهوه يبجي والسلاح على راسه....
اخترعت لا يا ربي الا براء وابويه مالي غيرهم بهاي الدنيا همه اغلى ما عندي بهالحياه...
غصن: لا تأذونهم فدوه.
_تأذينا نأذيج العين بالعين والسن بالسن.
غصن: خطيه براء صغيرر...
_ لتحجين للهيب او ل فؤاد اني اجيتج تمام.
غصن: تمااااممم...
طلع واني حسيت روحي طلعت وياه شلون هيج يا ربيي اخوي وابوي خاف يتأذون وذوله ولد حرام ما يعرفون طفل ولا شايب...
كاعده اكل بروحي قلقُه شنو من بشر ورطنا وياهم عباس.
زعت العافيه بيني وبين روحي لو تگلي بزز اطگ عصبت حييل اصرخ اعيط افشر اغلط بس ميفيد محد يجي
عشق اقسى العذاب النفسي اريد بسس اريد الزملي واحد واتعارك وياه لو ارگع روحي بالحايط...
ريگي يابسس حيلل عطشانه واحس السكر مالتي معلك شويه شويه حسيت البصرر ضعف عندي بالكوه اباوع..
صارلي هواي هنانه اكثر من الساعتين وروحي تريد تطلع الا شويه...
واخيراااا وليس اخرا شفت جنس ادم نفتح الباب ودخل هذاك العملاق الاول نفسه هوه ومن دخل خله ايده على الحايط ضربه بقوه واشتغلت شمعه ضوت المكان بقوه
على عينني مباشرةً اني منا عيوني جانت مغوشه وظلام كم ساعه وفجاةً ضربني ضوه قوي بعيني شيصير بيهن، بقن يحرگني يأكلن بيه صرت اعيط مثل المخبله...
غصن: اشتعللوا اهللككك ابن الزفره انعل امك على ابوك يا جايففف يا حقيررر نذلل ادبسززز سرسرييي حقيرررر انعل بليسك يا جاييف *** بكصت عم بيبيتك، عمت عين الخلفوك يا فاسق مرضض بعضمكك كونن تربى بيك عله مالها دوه حقييررر جاايففف نذللللل كـ*** ابن ڪ*** ابن ستطعش ڪ***.
_خلصتي؟؟؟
غصن: لااااااااااا
_كملي لعد
غصن: اذا انت زلمه ابن زلمه وفگني اذا ماخربطت ديكور وجهك يا سگطططط يا جااايففف.
_ لا اني متحول جنسياً وابويه ك****.
غصن: مبين اصلك من شكلك.
_شرايده
غصن: اشرب دمك.
_ تؤتؤؤؤ للاسف هذا المنتج ما متوفر بالاسواق.
غصن: تستفزني عوووودددد؟؟؟
_ هوه انتي فد قندره يعني؟؟؟؟
غصن: حقير ابن حقيره.
_ وابن حقير.
شويه شويه بدت الرؤيه تتحسن وتوضح عندي شفته گعد گبالي وورث جكاره ينفخ ويحجي.
_ ايي اغصان الصفصاف شالاخبار.
غلست عليه مارديت عليه باوعت على صدره بيها مكتوب اسم رتبته واسمه جان اسمه لهيب ..
لهيب: تحجين لو احجيج
غصن: حقيرر
لهيب: ما مليتي من هالغلط فشيري فشار من العيار الثگيل احب الجرءه والعيارت الثگله الاشياء القويه الغير معتاده.
غصن:** **** *****
لهيب: اي عفيه هيج
لهيب: شنو جاي تحيكون؟
غصن: نعم؟
لهيب: من الاخير انتي كل شى ما تعرفين مو؟؟؟
غصن: ايي.
لهيب: هسه انزل الوحي عليج وتعرفين تومام.
گام شال واحد من الوايرات البل گاع وجاي متوجه متوعد اليه بس ربي رحم ورن جهازه ذب الواير ورظ بسرعه
لهيب: الو مكنون
شنو هالاسم الغريب وشنو سر لهفته على الرد كأنما راد على شخص مهم او منتظر خبر حياه او موت
لهيب: متأكد؟؟؟ ـــــــــــ تمام تسهيلك ربيي.
طفى الضوه وعاط بيه بكلمه ( راجعلج) ...
رجعت للظلمه ظهري حسيت تسگط انتهى ما الگعده ورجليه ورمت وريگي صارر ايبس من الصباار
مرت ساعات واني على هذا الوضع مثل العايش ودافنينه بگبر سمعت طگطگه بره وعياط وصوت لهيب يعيط و فؤاد وغيرهم كانما متجهزين لشىء مهم .....
وره اقل الساعه تقريبا نفتح الباب بهمجيه ودخل فؤاد مسرع طلع موس بأيده و قطع الحبل المقيده بيه
غصن: شكو فؤاد؟؟؟
فؤاد: معليج..
ردت اگوم ما كدرت وگعت من طولي بالگاع.
فؤاد: شبيج لخاطر الله هسه وقتج!!؟؟
غصن: رجليه يوجعني وظهري مااگدر اكوم
فؤاد: اشيلج؟؟
غصن: شايفني عشيقتك؟؟؟
فؤاد: لسانن رگاصه گومي اسندج ما اشيلك تمام.
غصن: تمام...
وگفت الگوه وهوه لازم ايدي ويسحول بيه تسحول طلعنا سوه بره المركز ركبني سيارته شفت بالجهه المقابله عباس هم طالع من المركز بس ركب سياره سوده ضخمه راقيه مبينه اكو وراه مكسوره...
فؤاد: شنو داتحيكين غصن؟
غصن: لتوجع راسي انجب.
فؤاد: والله لو ما جنتي مره جان طيحت سنونج بالگاع.
غصن: اضربني يله هاك اضربني مسويين ارواحكم زلم ما تضربون نسوان عمت عيني عليكم عيب مو من شيم الرجال تضرب المره بس عادي عدكم تسممونها بالكلام وتسمعونها حجي ما يرضى الله ولا خلقه هاي الرجوله يا سياده الضابط.
فؤاد: اسكتي راسي يوجعنيي.
غصن: من تسمعون كلام الحق وتنضربون بأخطائكم تصير ساعتها روسكم توجعكم موو؟؟؟؟
فؤاد: تحجين وياي وكأنما اني زوجج لو اخوج ماخذه راحتج زياده حيللل..
غصن: اسكت فدوه.
فؤاد: شبيج.
غصن: اكرهكككك
فؤاد: رحمله والديج.
غصن: اكرهكككك تفتهم شنو يعني اكرهكككك.
فؤاد: كاافي لحيتي گايلج حبيني.
غصن: علمود اجرر لسانك وادگه بساميررر.
فؤاد: شلون تجرينه؟؟
دارلي راسه وهوه يضحك ويغمزز.
غصن: جاييففف طايح حضككك ادبسززز اكرهككك.
فؤاد: راح اوديج لبيتج هسه مو بس دوريه راح اوگف بباب بيتج دوريتين وحتى اني هم اجي واوكف بباب بيتج.
غصن: زلم علوه مخضرر؟؟؟ تطبون على بيوت الناس بيها نسوان بدون دستور ولا قانون ما تستحون لا حياء ولا شرف وسفه هاي النجيمات العدكم لو ينطوها للچلب احسن ولا الكم يا انذال جياااف.
بس سمع هيج وگف السياره فجاه ونضربت بالجامه الاماميه عطت متألمه تعورت على نهايه خشمي و حلگي واسناني.
وما كفه الم الضربه ندار عليه بكامل جسمه وعصرر فگي بيين اديه بقوه لدرجه حسيت واحد من سنوني راح يطير يحجي محذرر منذرر.
فؤاد: لا تتجاوزين حدودج ضبييي لسانج غصن لا يصيرلج شى ما يعجبجج.
اديه القويه الغرزها بفكي و خشونه اصابعه المثل الخشب وجهي تجرح مننه تأذيت حيل.
بس وخر من عندي فشرت عليه وعلى اهله.
غصن: كلب حقيرر جاايففف مو علاساس زلمه وماتمد ايدك على نسوان وين راحت رجولتك يا عاارر غسلتها وشربت مايها ادبسززز ما تستحي لا تعرف عيب ولا حرام نذلل حرام يسمونك ضابط مال يسمونك كلب..
دار عليه بكل جسمه بحيث صار عليه كلش قريب ويسويي حركات حتى ما فهمتها لان دنيا ظلمه ليل...
فؤاد: غصن.
غصن: خيرررر؟؟؟
فؤاد: جاي تشهيني بيج
ضربته على حلگه بقوه اديه اعيط عليه وازمخ وافشرر شنو من بشرر هذا لا خجل ولا مستحه يريد يستغلني الواطي...
فؤاد: كافيي اذا ما تسكتين تره الزمج واسويي بيج الاريد ومحد اله خبر.
غصن: مو اني تايهه شايفني ها حقيرر خسيسي بت ليل شايفني يا ما تستحي عديم الرجوله ساقطط.
فؤاد: احب الاشياء صعبه المنال اخذهاا واشبع منها واذبها وامشيي.
غصن: حقيرر **** ابن **** يا تافهه زعطوط سربوت نذل حيوانننن ما تستحي عديم الرجوله والشخصيه هيج تحجي عليه ولك اني اغلى واشرف منك ومن امك ومن عشره من امثالك تكول عني شى!!!؟؟؟ ادبسزز متخلف عارر اني شى ولك تاج راسك اني شى؟؟ سهله اني اعلمك اذا ما طيحت حظك...
سكت هوه واستمر يسوق بسرعه ومبين ضايج وقلق وصلني للبيت وراح بسرعه مبين متعصب وصاير شىء.
♕♕♕♕♕♕♕♕♕♕♕♕♕♕♕♕♕
شيماء
امين: خاله هاي شبيهاا بدند(بطنج)؟؟
شيماء: فرخ.
اتمايز بطني الكبرت وصارت گبال خشمي و ماباقي شى على ولادتي...
امين: شسوون بيه؟؟
حسين: نذبحه ليله الخميس.
بدريه: ولك احجي عدل لا اكص لسانك.
امين: ههه.
بدريه: يله انتَ امين روح بدل عندك مدرسه.
امين: مااليد (مااريد)
حسين: روح حباب.
بدريه: لا حباب ولا كباب يروح غصباً على راسه المحجر.
فؤاد: غو غوو غغ
بدريه: نجب بعدك حتى سنون ما طالعتلك ومديتلي اللسان.
شيخه: خاله وين اخلي هاي السله؟
علي: هديها يا عيني انه اشيلها لا تتعبين نفسج.
شيخه: شكرا جزيلا
بدريه: عشوو وانتي شيخه كم مره نهيتج لا تجيين للبيت مااريدج تشتغلين يمنا خل امج هيه التجي وتشتغل هنا.
استحت شيخه كلش راح تاكلها رزاله وگبال الكل وبلاخص كبال علي.
شيخه: اسفه خاله سمله عليكم ماما تعبانه حيل ماتگوم من الفراش عمت عيني عليها.
علي: فدوه لعيونج.
بدريه: كمممم مرههه حجيت خلل تبططل مااريدها تخدمم عندي اذا كل يوميه طايحتلي بالفراش.
شيخه: خاله اني اسوي كل واجباتها واكمل الشغل العليها وزياده.
بدريه: انتي غبييهههه شبيج ثولههه انتي بلذات مااريد اشوفج هنا عبالج انه غشيمه لا والله كل شى اعرف الجامع الدرستي بيه انه بنيته.
شيخه: رايحه.
بدريه: عساها روحه بلااا رررده بحق لا اله الا الله عوزيي الخدم تزعل وتتبختر عليج يبدريه.
عافت السله بالگاع وطلعت تمسح دموعها راد علي يطلع وراها واستوقفته امه.
بدريه: هوب هووب هييو وين مولي؟؟
علي: يما خطيه اشوفها طلعت ضايجه.
بدريه :معليك دروب ساقطات حافظتها وقاريتها تضحك عليك يالغافل.
علي: شو دوخري ماما اريد اطلع.
بدريه: اذا تطلع من هذا الباب والله مااتدخله بعد.
علي: وخرريي اكلج شدتحجين
بدريه: هسه تختار اهلك لو الخدامه.
حسين: شبيكم هدوو ما لعبت ارواحكم من هاي القوانه.
بدريه: يوميه شيخه و يا شيخه ما لعبت نفسه منها.
علي: احبها يوم من فتحت عيني على هاي الدنيا.
بدريه: تحب بت الخدم؟
علي: شبيها مو بشر مثلنا؟لو لان فقراء؟؟؟
بدريه: ما يهمني الغنى والفقر تعرفني كلش زين اهم شى عندي التربيه شيخه تربت ويه الخدم وكبرت ويه الخدم وراح تموت ويه الخدم.
علي: وخر اذا تحبييني ماما.
بدريه: اذا تحبني عوفها والله اجيبلك اغاتها التنسيك الدنيا وما بيها.
علي: مااريددد شيخه دنياييي
دفع امه على كيف بعدها عن الباب وطلع وامه تصيح.
بدريه: اذا ما رجعت هسه بعد لا ترجع ابد وانسى عندك اهل وام انسى انتَ من الـ سَلوان.
علي: مااريد ارجع لهذا الجحيييممم.
بدريه: تشوف بره الجحيم الحقيقي.
صفگت الباب بقوه والروحه روحه راح علي ومارجع بعدها الا بعد سنين.
شيخه بنت كاظميه و ألياس الخدم هنا خدموا من شبابهم وكبروا ألياس توفى وعاف وراه كاظميه واربع بنات من صغر شيخه وهيه بالگماط تجي ويه امها للقصر من تنظف وتشتغل هنا و علي شافها من صغرها حبها لكن منو يگدر يوگف گبال جبروت وسلطنت بدريه...
التوصل بيها المواصيل تكسر بأولادها وتحرمهم اليرودنه بس في سبيل مصالحها الشخصيه وسمعتها وظنها انو هذا الصح لاولادها بس ما تعرف هذا دمارهم و همهم..
هواي امثال وامثال شفتها تثبت هذا الشىء وخصوصاً التفرقه العدها تفضل الولد على البنيه بكل شى ودائما بصلاتها ودعائها اسمعها تدعي ربي خلي كل بزري ولد وهم التفرقه تفضل امين على الكل بالرغم من حسين البچر واول بزرها بس لا امين عدها اهم شى تهتم بيه اكثر وتعتني بيه اكثر.
و علي وحسين ما يحسون بهذا الشي لان فارق العمر بينهم وبين امين كلش جبير لكن اخاف هوه وفؤاد خاف يتأثر بعلاقتهم هذا الشي
علي حب شيخه عمر بدون ملل ولا كلل الاثنين حبابين علي الوجهه ما تروح الضحكه عنه ولا شيخه التنگرط الحبابه...
اخلاق وادب وحشمه وذكاء كامله مكمله والكمال لله بس بعد بدريه وما ادراك ما بدريه التركز على الشغل والمهنه..
اكثر من الشخص تحديداً صارت مشاكل وطلايب الها اول مالها تالي وزاد الطين بله بدريه بنفس اليوم طردت ام شيخه وهيه المره جبيره بالعمر كلش وحالتها الصحيه حيل تعبانه مالها لا حول ولا قوه وبناتها صغار كلش اكبر وحده شيخه وحتى هيه صغيره....
وعلي راح بقى يجي بليل وبالنهار يوميه يتوسل امه تدخله وتخليه يتزوج شيخه بس هيه تگله اتبرى منك ولا اخلي حيه سافله تدخل لبيتي......
༺ཌ༈꧁꧁꧂꧂༈ད༻
يا ورده احطها گبال گبرك
گلي يا كل هليي وحيلي
اذا الورد الاحطه يذبل بصفك..
تعوفني ويهون عليك فرگاي
وانه الجنت يمك ينعدل محيايّ
جنت بالابيض رايد ازفلك عروس
هسه بخيته
خل تتهنى تشبع بيك الگبور
اشتاقلك ووين اودييني
اذا انه الگبور ما تشتهيني
اشتهيت اصيح عرسك وطش بالولايه
شو نترست الگاع منك دماييه...
يتشمتون اويلي لو بيه يدرون
كون من حوبتي يتوهدنون
كتابه ((((انستازيا العراقيه))))
§§§§§§§§§§§§§§§§§§§§§§§§§§§§§§§§
هاجر
بعد ما غسلناه ودفناه ودفننا ارواحنا وراه رجعنا للبيتنا للبصره صعدت لغرفتي اغسل..
اجت عيني على لوحه متعلگه بالحايط رحت ابجي واباوعلها لوحه بيها رسمه قديمه رسمتها من كنت طفله قبل لا ادخل للمدرسه تقريباً رسمتها عود انه وامين سوه.
هاجر: ورايحن سويه نلعب بالبستان شلتها من الحايط حاضنتها وابجي مفرفحه ليش يا خويه تروح للنجف وحدك وتعوفني وحديي ليش مو گتلي تبقى وياي دومم وما نفترق للابد ليش بأول طيحه رحت ليش ماقاومت بيش ما حاربت عفتنا ليش يا خويه مو جنت ناوي تزفني بعرسي بأديك وتلبسني عبايتك وتسمي بتك عليه شو طلع كل حجيك كذب ما وافيت ولا سويت الوعدتني بيه..
هاجر: بيوم عرسك يا خويه بدل لا ازفك للعروسك ازفك للگبر شلون بس كليي شلون شنو من گلب يحملها حاسه بدونك الدنيا كلها صارت ضديي لو مشيعين جنازتي وياك ولا باقييه بعذاب الشوگ اتغربلل...
رحت للكنتور البس اسود بالكنتور اگلب شفت البدله الاشتريتها علمود البسه بعرسه بدل لا البس ثوب الفرح لبست ثوب الحزنن...
بدلت ونزلت جوه ناصبين فاتحه ناس طابه ناس طالعه ما تنعرف امين ملخت روحها باللطم صدرها احممرر صارر من گد اللطم والوجه اصفر من السكر واهمال التغذيه...
ساره معتكفه غرفتها هيه ومغذياتها وابرها اذا ما يضربوها ابره مهدء ومنوم تتخبل تبقى تصيح وتضرب نفسها وتأذي نفسها والحولها..
صارت بيها صدمه حيل قويه تظن نفسها هيه السبب
سمر وداها حسين لبيت اهلها عشتوو ماتتحمل فاتحه وما ترجع الا وره الاربعين..
خالد اجه للعراق بس ما شفته اصلا الدنيا كلها ماادري بيها متجاهله كل شى وكاعده اقره قرءان واهديه لخويه
اسمع اشكال الكلام ينحجي يمي سمعت ام مصطفى تحجي.
_ خطيبته وين
نضال: يگولون مريضه يگلون.
هاجر: شبيج نضال شنو يگولون غير هيه مريضه وشفتها بعيني مجنزه طايحه من طولها.
_على نياتج خاله انتِ مات المرحوم هسه شوفيها تدورلها زنگيل ثانيي..
هاجر: شتدحجون انتو بابا تعرفونها معاشرينها حتى هيج تحجون عليها، تره مهم يكن تبقى بشرع الله ارمله اخوي جانت زوجته ماارضى تحجون عليها هيج..
نضال: اعصابج هجوره تره احنا اهلج اني بت خالج وصديقتج ومثل اختج وهايه امي زوجه خالج تفضلينا على هاي الغريبه.
هاجر: اسكتي فدوه نضال.
عفتهن ورحت على غير جهه گعدت بالف يا علي كملت الفاتحه للعصريه راسي صار طبل عفتهم وصعدت لغرفتي اطلع الصور واباوعلهن وابجي..
غفيت وانه اكلب بالذكريات واريد ارجعلها ماريد حياتي هايه بدونه....
فزيت من النوم شفت الدنيا ليل وانه متكسره وراسيي ثگيل نايمه هواي شفت الساعه بـ 9:30 غسلت وجهي ونزلت لجوه.
شفت حنان بالممر حاجيت وياها والفهمته منها الفاتحه خلصت اول يوم وتعشت الناس اكو الرجعوا لبيوتهم واكو الراحوا بالمضيف مالتنا باتوا.
نزلت جوه اصوات اهلي نزلت اشوفهم بالصاله گاعدين.
محسن: ذراعي اليمنه راحت و عگازتي.
لهيب: الله يرحمه.
بدريه: ردت هوه يدفني مو انه الادفنه.
علي: محد احبه بقالي بهاي الدنيا امس دفنت مرتي وفروخي واليوم دفنت اخويي.
هيفاء: لا حول ولا قوه الا بالله.
هاجر: امننا بالله
حسين: بيوم عرسه راح
شيماء: وليدي راح ابني بعز شبابه لو ميته اني ولا هوه.
لهيب: الله يࢪحمه.
امي ادگ على اديها وخدودها وتهلس.
بدريه: راح وليدي راح ابني حسبيي يا ربيي وليدي يا وليدي يا وليدييييي.
꧁꧁꧁꧁꧂꧂꧂꧂꧂
هلال
فتحت عيوني صريخ وعياط راسي ثگيل يوجعني واحس نفسي طالعه من عمليه.......
دايخه كلش وتعبانه احس احد يمسح على راسيي..
وره شويه فتحت عيوني شفت ابوي كاعد بصفي بالگاع.
عادل: نرجع؟
هلال: ايي.
مالي حيل حتى احجي كمت وياي وامشي معتكزه عليه ركبت السياره وياه مخليه راسي على الجامه ساكته هادئه كل هدوء الارض او نگدر نگول هدوء ما قبل العاصفه
عادل: وصلنا
هلال: وين؟؟
عادل: للبيتنا.
فتحت الباب ونزلت للبيت استلمت من البيت البواجي والنعاوي من فاطمه التلطم وضايجه على امين لابسه هيه اسود..
فاطمه: عزه بعيني عمت عيني عليج يا هلال حضج مصخم.
ضحى: البقيه بحياتج حبي.
فاطمه: يححح يماا صرتي ارمله قبل لا تصيرين عروس.
هلال: خلص.
دخلت لغرفتي شفت مخليتلي فاطمه دشداشه سوده لبستها ودخلت بسبات.....
ثاني يوم
صوت طگطگه وهوسه وصياح بغرفتي والكناتير مهدوده للكاع وفاطمه تصيح وتلطم..
صوت تكسير بره كمت مخروعه اشوف شكوو اباوع فاطمه تحاجيني...
فاطمه: ولجج كومييي هلااااااالل صخماااانننننن...
هلال: هااااا.
فاطمه: نيشانج ويننن ذهبج ويننن الفلوسس الذهبب ويننن الذهب ويين الذهبب؟؟؟؟
هلال: شتسويين بيه..
فاطمه: ذهبجج وين فلوسج وينن هلال لا تخبليني وينن الذهببببب فلوسججج وين ملايين انطوج عيالججج وينهننن
هلال: شسويين.
فاطمه: ابوج منهزمم دايحح شردد ابوج عافنا وشردد.
هلال: شنوو.
كمت وياها ادور يعتب عليه اذا لگيت فلس احمر من مهري لا ذهب اكو ولا فلوس اكوو مأخذه كله وشارد.
كعدت فاطمه تلطم على رجليها وتصيح.
فاطمه: ماخذ السياره ومهر المعزايه وراح شاررد.
ضحى: هاي اذا ما مجمع فلوس من عيال هلال؟؟
هلال: شنوو ماخذ فلوس غير مهري؟
مرتضى: هههيهي بابا وين عايشه انتي نايمه ورجليج بالشمس ملاييييينن مللاااااييين المرحوم جان يجيب وينگلي لابوج المصون.
هلال: عززززهههه صخاااامممم.
فاطمه: عود عشتووو مفكر بينا عايفلي بطاقه الراتب مالته علمود اصرف عليكم بيها...
هلال: حقيرر.
ضحى: وين راح وويامن راح ابويه.
فاطمه: عساه بالموتت.
هلال: متأكده انتِ؟؟؟
فاطمه: ولكم جيبولي قنادر لهاي البت ولج اكلج عايفلي رساله وداعيه عمت عينييي الحنين بس لااااا الا يجي ويطلگني واروح اتزوج..
مرتضى: مو هيه بكيفج.
فاطمه: ولكم كووم عواييه بطول زرريي وتهدد.
مرتضى: تالي عمري تتزوج اميي.
ضحى : من كبرك ولك كلك على بعضك 12 سنه.
صارت صيه شكبرها واحد يمالخ بواحد لحد عن ولحد هداء ابوي فقدنا اثره وما عرفنا مكانه عافنا وراح فاطمه دومها متخبله واعصاب...
واني مريضه طحت بالفراش مااگوم منه ابد الكانونه ما شلتها من ايدي مثل الميت انازع اشتهي الموت والموت مايريدني..
بيوم جنت نايمه نفس كل يوم مااكوم من الفراش ما كايمه جزه الاربعين مال امين وحسيت روحي طلعت وياهن ابقى طول الوقت نايمه اتمنى المحه بالحلم بس ماكوو حرمني الله من شوفته...
مگابله صورته وابجي مفرفحه..
شكد يجون خطار يتخلفون من عندي او يشوفوني يسألون عليه بس ما التقي وياهم اني معتكفه بغرفتي ويه عدتيي.
اخت فاطمه جايتنا اليوم وردت اطلع اسلم عليها بلكت اغير جوو شويه لان كلش حارمه نفسي من شوفه بنادم.
سمعت سوالفهن.
_ الله يساعدج انتي متغربله بيها سنين صرتيلها مثل ام
فاطمه: ختولي امها من زينها
_انتِ ما تعرفينها ام هلال؟؟
فاطمه: لاعع اكيد اعرفها بس كلش شويه اعرف عنها بس الكايلياه هذاك الحقير الكلب زوجي السافل.
_ شنو هنه بله.
فاطمه: خيه شبيج يا روحي هنا نفس السوالف الكايلتلج عليهن عايدتهن بكد سليمه.
_ ياا خيه تدرين الحمل بعد موهدنييي مااعرف صول چعابي...
فاطمه: شصار على بتول خابرتها امس تگول....
بعدها ما مكمله طلعت اركض اسألها على اميي متلوعه صارلي سنين وهاي تعرف امي منو وما تحجي.
هلال: فاطمهه اميي منوووو؟؟
فاطمه : شكوو
هلال: هستوج تحجين على امي انتي واختج احجي شتعرفين حبابه بسرعه
فاطمه: هوه انتي منو الحجه على امج اصلا روحي ماما نامي هذا تأثير العلاجات عليج مخلياتج توهوسين.
هلال: لا ووالله.
فاطمه: شتريدين مني هلال تره مصختيها واني منا طاگه روحي من الخلفاج زين ومني متحملتج تࢪه لاتبزعيني منج.
هلال: فدوه شتعرفين عن امي الله يخليج فاطمه.
فاطمه: ماااعرفف شيييييييي.
هلال: فدوه.
رحت ابجي يمها اتوسل بيها حتى ايدها اخذتها اريد ابوسها.
_هسه انتي شحارگ حمامج ابوها قبل جنتي دسدسين عليه هسه عليمن احجيلها تسوه تضمين وتكتمين لخاطر كلب بس شملله كم فلس باعج.
هلال: احجيلي والله ما تخسرين شى.
فاطمه: اوفففف ربيي استغفر الله.
هلال: حبابه فاطمه ماجاي تشوفيني 19 سنه ابجي والطم على امي كل يوم احجيلي الله يوفقج بداعه جهالج اميي منو.
فاطمه : هوه اني لو اعرف امج منيه جان لزمتها وذبيتها من الجسر.
هلال: ليش متعرفين؟؟
فاطمه : هه شو هاي والله بطرانه شوفي حبيبتي ابوج جان متزوج امج بالسر ورره سنين طويله بالسر وبعدين صارت مشاكل ومن جابتج اطلگوا وهيه ذبتج ما رادتج لان جانت صغيره وتريد تعيش حياتها وراحت وابوج جابج ذبج على نور ام النعول ونوب عليه.....
هلال: جذابه.
فاطمه: ليش اجذب بله؟؟؟
هلال: اميي متسويي هيج وتعوفني تستثگلني.
_ هوه انتي اعرفيها ونوب احجي عنها.
فاطمه : صدك والله ومبين للان لليوم ابوج من ينام يهلوس بليل بأسمها.
هلال: شنو اسمها؟
فاطمه: بشرى
ــــــــــــــــــــــــــــــــــــــــــــــــــــــــــــــ
بين فنايا الظلمات
انستازيا العراقيه
شنو توقعاتكم حبجبجياتي.
حلو الاحداث
لاتنسون التصوييييتتت..
احبكم تصبحون على خير