شخباركم عيناي🤎✨!!
#الكاتبه زازا
#ابوضبع 904
حساب الانستا قـَلبي
its.zlzala0
هيچي وتصير من حظي واحويك
واتمايزك كل يوم واشبع نظر بيك 🤎.
"" "" "" "" "" "" "" "" "" "" "" "" ❥.
"نيلا"
كاعده مخليه بحضني الفواكه اتابع مسلسل باوعت ؏ سـاعه چانت بـ٣ونص العصر شلت ماعون من حضني جريت فوني اتصلت على عمر وين صار جاوبني
عمر-: هلا برويحتي
نيلا-: عمررر
عمر-: گلبَه لـعمر خيرج بويه
نيلا-: اليوم موعد الجنس نشوف ابنه وانته ماكو تعبت ولله بس بليل اشوفك لو ثاني يوم صبح ماتكول عندي مره بهذا البيت خطيه محد يمهه ماتفكر بيه؟
عمر-: عمت عيني جايچ بويه ربع ساعه الكاج متحضره
نيلا-: وكلـعاده تغلس من اسئلك وين تختفي
عمر-: اوصل واسولفلچ خوش
نيلا-: تمام
غلقت الاتصال منه كلبي ممطن ماعرف صاير هلـفتره ميسولفلي خايفه يطلع يخوني لالا ميخوني ادري بي شكد يحبني تلمست بطني كبرانه وبارزه شوي ضحكت مبتسمه اكو مرايه مخليتهه بمطبخي لطول وكفت كبالهه جنت لابسه دشداشه صفره نص ردن وقصيره ليعد ركبي تمايزت جسمي سمنانه حيلل وشعري طولان كلش تقربت ؏ لمرايه اباوع على كصتي طالعتلي حبايه بوزت شفايفي يوميه البخ بوجهي والكا حبايه جنهه كلوب نوب لو بلكصه لو بلخشم خرب حضي فززني صوت هورن سياره باوعت ؏ كاميرات شفته قفل باب لكراج اجه يتمشه ركضت على كيف فتحت الباب اله نزل نضارات ابتسم واني مطنكره عليه تقرب عليه رقمني بنضره من فوك ليجوه لزمني من حجي باس شفايفي وخرت عنه ضايجه دخلت جوه تحمحم حجه
عمر-: نيلاتي ليوم مطنكره شماله لحلو؟
دخلت للصاله وهوه اجه وراي دنكت الم الاكل ؏ كريوته حضني من وره دفن وجهه بركبتي كزبر جسمي باس شعري حجه
عمر-: زعلانه يروحي!!
نيلا-: شنو رأيك يلوكلي زعل هيچ
دارني عليه لف اديه على خصري حجه
عمر-: لا متعود من ارجع من شغلي انسى تعبي من اشوف وجهج لبشوش وتتلكيني انتي وطوبتج
نيلا-: ويهون عليك مرتك تموت قهر وحدهه هنا؟؟؟
عمر-: سوده بعباتي اذا صدك
نيلا-: ممم
شكله تعبان حيللل مو مال انكد عليه بس شسوي تقرب عليه باس شفايفي نزل على ركبتي يشم بيهه ايده مشاهه لضهري لزم ردن دشداشتي راد ينزعهه دفعته بخفه وخرت عنه عكد حواجبه حجه بتعب
عمر-: شبيج حبيبي؟
نيلا-: احم بعدين شنو نسيت موعد دكتوري!!!
عمر-: اخذج ولله بس مجرد اقل من ساعه ونطلع
نيلا-: ليش موهسه
عمر-: نيلا تعبان وعلي بس ساعه ونطلع
نيلا-: ماااا مثل متسولفلي على هلسرر ضامه عليه ماخليك تلمسني
عمر-: ايي مو بكيفج
نيلا-: بكيفييي ونص تمام
عمر-: استغفرالله ينعل هلعناد اني الج امشي جدامي تحضري
تمشيت من يمه امايل بجسمي كزز على سنونه ضحكت بدلع ركض وراي ركضت قفلت باب لغرفه لطشت روحي وره الباب اتصنت عليه اسمعه ورث جكاره حجه من وره لباب
عمر-: وللله ماوصلج بس خل اخذ ملابسي
حجيت بعناد-: مااااا ولله اعرف سوالفك تعاقبني سرسرلوغي ادري بييييك
عمر-:ههههههههه اخ يماا ولج بويه وداعتج عمي جدامج اذا عاقبتج عاقبيني
نيلا-: اممم وعد؟
عمر-: نص ونص
نيلا-: هههههههه عووومرررر
عمر-: هههههههههه افتحي لو اكسره
فتحت لباب اضحك مخلي ايده يم لباب كأنما ينتظرني ضحكت حجه
عمر-: الوكحه منعول جد جدي وهيه تنكد
نيلا-: چاااا عليمننن اولييي
طفيت جكاره-: هم حقج
درت وجهي عنه فتحت كنتور طلعتلي بنطرون وتشيرت ويا صايه البسهه فوكاهن كعد ؏ جربايه ورث جكاره حرت بقيت صافنه فززني من صوفر
عمر-: وين صافن ولك
نيلا-: شسمه اطلع ارد ابدل
عمر-: لابله؟؟؟
نيلا-: اي ولله
عمر-: بابا تره اني رجلج شجاج منين نزل عليج المستحه متكليلي
زفرت هوه نزعت دشداشتي بقيت بس بملابسي داخليه سديت لكنتور جفلت من حضني من وره حجه وهوه يبوس بشعري
عمر-: موبكيفج تمنعيني
نيلا-: وخرر ماخليييك متسولفلي مووو
عمر-: مو وكتهه صارلج سبوع حارمتني بس هلمره ماخليج تشردين
صرت احوص جوا بس ماكو بعد قفل شالني شمرني ؏ جربايه صحت
نيلا-: يمعووووود حااامل ولله
عمر-: ولله لوهسه الفريخ يطلع يوايجلي هم ماعوفچ
نيلا-: صخاااام ههههههههه
كام لفيت روحي بلغطى سحبني على صدره يمسح على شعري ورث جكاره زفر دخان بوجهي ابتسمت حجه
عمر-: ااخ تعبان وحگ علي كوه واكف
نيلا-: اذا تعبان ولعبت بيه طوبه
كرصت ارنبه خشمه-: ههههههههههه هنا يصير بيه الحيل
نيلا-: احجيلي السـر ضامه عني
عمر-: شوفي تذكرين قبل اشهر من مات السگط مختار وفضت سالفته وخلصنه
نيلا-: ايي؟
عمر-: من كتلج طلع عنده ضهر ومن درو كاتلينه رجع من البصره لهنا وهوه هم نفس شغل مختار مخد**ت وهاي فهَ يريد ياخذ ثار مختار
نيلا-: عزااا بس لا احد من عدكم
عمر-: اممم
رفعت راسي مصدومه حجيت-: عزببب عيييني يمااااا عمرررر صدك هلحجييي يعنيي يريد واحد منكم يكتله
عمر-: وبشـرط ذبح
بقيت فاكه عيوني احس راسي وجعني حجيت بخوف
نيلا-: خايفه عليك اذا متت لاسامح الله منو الي عمر
-:: اذا صدك اموت مأمنلج مكان تعيشين بي انتي وابني وبعيدين عن هسوالف
خليت ايدي على حلكه لزمتني الغصه-: اشش امانه اسم الله عليك من عمري على عمرك
نومتهه على صدري-: هذا واقع الحال بويه ماتدرين شوكت نموت مثل ماوصيتچ الفلوس مأمنلج العيشه وكلشي مستحيل يطمني لتراب واني اخليج بعازه شي
نيلا-: عمررر كافييييي اشش اسمم الله اموت وراك ولله منيي الي غيرررك انته كل اهلي كل عقلك جاي توصيني الموت اهونلي من دونك
عمر-: اذا مو علـمودي علمود ابنه يرويحتي
ضميت وجهي بصدره تخيلت الموقف هزيت راسي برفض شهكت ابجي كبل رفع راسي بأديه لازم وجهي مصدوم كعد حجه
عمر-: ليش تبجين بابا
ببجي-: ي يعني صدك هلحجي
عمر-: حضنتهه لصدري اشش هوه مخليني براسه مقابل يا أما اني يا اما يستمر هيج واحد يكتل بـثاني فه كلتلج همه همهم اني ويسدون سالفه
نيلا-: عود ليش انته لزم حنجي ابتسم بخبث
عمر-: غير اخذت روح مختار
رفعت حاجبي-: هنا الحجـي
عمر-: اي چا شكلج
مخليه اديه على صدره واباوعله مشيت ايدي على صدره واحجي
-:: زين وضلام وصكر شنو كالو؟
عمر-: ضلام ماعنده تفاهم ايده وسجينه وذگي حيل هوه يعرف شلون يسايسهم خوب مره شمروني بنصهم عود اتجسس وعلي مادبرتهه بس هوه فطن خلى جماعه ابو مختار وابو قاسم يمطكون بي بلبوس واني من لكطوني واشيل جوالاتي واطفر
نيلا-: ههههههههههههههههههههههههههه
عمر-: ههههه اي ولله
نيلا-: زين شنو شغلكم يعني شكد بالي هلـ سؤال بس انسه من ارد اسئلك واكول خاف عيب
عمر-: من شنو؟
نيلا-: يعني شسمه انتو مجرمين
عمر-: لا حبيبي سبق وكتلج ضلام ومختار اصدقاء وضلام مايدري انو مختار يشتغل بلـ مخد***ت انطا سلاح كاله وين ماتروح خلي بيدك هوه كاله بويه لاضابط لاصخام شسوي بي بس هوه لا من هلحجي وكام ضلام وين ميروح مخلي بجيبه فه كتلج من تعاركو ويا ولد عمه هوه حاجيله كلمه معيره هوه فقد هنا اذبحي ولا جيبين طاري هلشي كوم وحط طلقه بنص كصته
نيلا-: عزاا
عمر-: اي ولله عاد هوه ابو شيخ معروف بساعيتهه انسجن بس طلع بواسطاته
نيلا-: مثليش؟
عمر-: ذب عليه فوك ثلث دفاتر وطلع هوه انسجن مؤبد
نيلا-: زين حبيبي ليش ابو طرده يعني ماحجالك
عمر-: لاحجالي من راجع عمامه هجمو عليه وهوه لازمهم مسويهم وصلتين
نيلا-: يااا شلون كدرلهم
عمر-: انتي شايفه ضلام يخلي عمامه جو ابطه ضخم هوه
نيلا-: ادري بي ضخم وطويل كلش يدنك الباب ويفوت الله يسلمه بس ليش ضرب عمامه
عمر-: هم جايبين طاري الموضوع واني شكد ردت اعرف شنو تفسير الموضوع ميكلي يخزرني وبس يرجف يطب للحمام ساعه كامله ويطلع
نيلا-: هاي شنو؟
عمر-: اي وحق الله بيناتنه الحجي ضلام يمكن بي مرض
نيلا-: مرض ايش؟؟
عمر-: تقريبـًا لنكول سايكو هيج
نيلا-: يماااا شلوون عرفت
عمر-: شخصيته تبين هلشي عصبي وبارد واذا خلى شخص براسه يقره على روحه السلام
نيلا-: يعني على كلامك مختصر الحجي اله ماضي هواي مأثر بي ومخلي هيج شخصيته موصح
عمر-: امم
نيلا-: من اكثر شي ضلام عزيز عليه
عمر-: اهله واني وصكر واكو وحده هم عزيزه حيل على گلبه
نيلا-: يحب؟؟
عمر-: مادري بس مره شفته موشم اسم انكليزي بنص كلبه
نيلا-: وشنو هذا الاسم؟؟
عمر-: أيڤـن
نيلا-: ايڤن!؟؟
شنو هذا الاسم الغريـب جنه اسم هذول المسيحين الاكراد هيج
عمر-: ولله علمي علمچ يجي ويوم نسمع بيهه نشوفهه
نيلا-: الله كريم
راد يكوم حجيت-: زين عادي اسئلك سؤال
عمر-: جواب گـلبي؟
نيلا-: يعني هسه انتو مو مجرمين
مسح على خدي مركز بوجهي حجه
عمر-: جؤؤ بس نريد ناخذ ثار اخوتنه راحت بدون ذنب
نيلا-: زين يلا فهمت انته تشتغل بسيارات تصليح ضلام شيشتغل
عمر-: خاف اكلج وتفطسين ضحك
نيلا-: ههه لاصدك كول؟؟
عمر-: من كمل دراسه باخر سنه راحت
نيلا-: ايي؟؟
عمر-: هوه جان هوه ويدرس يشتغل حداد وبعدين من كمل وكعد كام يشتغل گـصاب.
نيلا-: هههههههه واني اكووووول ليشش من كلت ميتفاهم ايده وسجين
عمر-: ههه انجبي وعلي اذا يسمعج معليه
نيلا-: اويي قابل شحجيت المهم باوع
عمر-: باوعت
نيلا-: ضحكت زين من ماعده بيت هوه وين ينام
عمر-: ساكن بشقه
نيلا-: اممم
عمر-: بربج صارلنه ساعه نحجي بسيرت ضُلام شلج بي
نيلا-: لاحبيبي بس شاغل بالي شخصيته غريبه
عمر-: چا شكلج ضلام غررريب هوه صح عصبي وميتافهم والله يعينهه لياخذهه بس حنين يقسم الخبزه يطلعهه من حلكه يحطهه بحلكج المهم تشبعين هوه هيج
نيلا-: الله ينطي على كد نيته
عمر-: هو الي يشوفه يكول كلبه ميت يكتل الكاتل ويمشي بجنازته بس لا من تعاشرينه ابد ماتندمين خوب سوالفه كعدي كعدت بطن واضحكي
نيلا-: اييي هههههههه صحيح ولله من يقلدني وهاي بلعكس صح اكول اكرهه بس احسه اخويه اموت ضحك بنص الليل من اذكر سوالفه
عمر-: كافي شكد نحجي حتى هلجت
باوعت ؏ ساعه صايره بـ٥ونص صحت بصدمه
نيلا-: عزااااااااااااا
عمر-: دخيلك ربي شكووو
نيلا-: المووووعد نسيناااا يبووووووو خرب طفرت من فراشي عاط بيه
عمر-: هييي الفريخ لايزرك
نيلا-: كلووووو منك لهيييتنيي اووف اووووف
ركضت للحمام سبحت شلون مجان لفيت المنشفه على جسمي طلعت اركض انتبهت عليه لاف المنشفه على خصره باوع عليه خزرته معصبه رفع حاجبه
عمر-: شني هاي شمالهه الفرخه
نيلا-: اشش ولاحررررف
عمر-: لابله
نيلا-: عمرررر نسيييت موعد الجنس ابنه اليوووم
عمر-: انجبي هستوني غلقت الاتصال منهه كالت بعد ساعه وتطلع فه حجزتلج وامشي تركضين انتي وركيتج
نيلا-: ههفف مليق
عمر-: انجبي
طب يسبح بسرعه لبست شسورت شعري شلون مجان لفيته لبست صايه وشال خليت بس حمُره سحريه رشيت عطر طلع من الحمام لاف لمنشفه على خصره وثانيه على راسه ينشف بشعره باوعتله بطرف عيني من لمرايه حجيت اني واعدل شال
-:: بعد وكت حوووبي
-:: شسويلج عووومري
-:: ههههه يلا حبيبي تأخرنه
-:: علما تلمين الغرفه تلكيني مشغل سياره
نيلا-: تمام حياتي عدلت الغرفه طلعنه سويه صعدت بسياره شغلهه مشه بينه كل شوي واباوع ؏ ساعه اخاف لاتخلص الساعه وتمشي دكتوري اكوم الطم دار وجهه عليه لم شفته بحلكه حجه
عمر-: حبيبتي شبيج متوتره
نيلا-: مو متوتره بس ماضل وقت خاف تروح ومانلحك
عمر-: لا هاي راح نصل
جر ايدي باسهه ابتسمت عرفته يريد يطمني وصدك مطولنه وصلنه نزلت اجه بتجاهي سريع لزم ايدي مشينه دخلنه جوه كعدت عَ لكرسي انتظر يطلع اسمي وادخل راح عمر يشوف الوضع افرك بأديه متوتره وكلبي يدك حيللل شوي ورجع مدلي ايده لزمتهه همست
نيلا-: تدخل وياي
عمر-: لاحبيبي ميصير اتانيج هنا
باوعتله بعيون فرح حجيت
-:: انته شتكول ولد لو بنيه تريد
-:: ههه يروحي شيجي من الله رزق
ابتمست بادلني غمض عيونه بمعنى يطمني دخلت جوه رحبت بيه دكتوره حجت هيه وتضحك وتباوعلي
-:: ليـوم كتكوتتنه متأخره ؏ الموعد
-:: اي ولله دكتوره اسفه بس جنت شوي مشغوله
-:: لاعـادي گلبي يلا تعاي نامي ؏ سديه لحتى اسويلج سونار
سويت مثل ماكلتلي رفعت تشيرت سوتلي سونار بقت تباوع ؏ شاشه واني كلبي يدك طبول ورجفه لازمتني من وصلت ابتسمت باوعت عليه رجعت تباوع ؏ شاشه كعدت حواجبي حجت بضحكه
-:: راح تجينه احلى بنوته
فكيت عيوني على وسعهن شفتي صارت ترجف ارد ابجي من لفرحه ضحكت كامت شوي ورجعت وياهه عمر اجه متفاجه وكف كبالي دنك عليه شفته ترجف حجه ببحه
عمر-: صدك بنيه؟
نيلا-: ههههه اي
باس راسي يضحك رد شال اديه باسهن ودكتوره مبتسمه عصر عيونه عرفته بجه حجيت
نيلا-: دكتوره عادي نسمع نبضهه
-:: اي
نبضات كلبهه تركع كلبي ركوع بجيت
دكتوره-: يااا حبيبتي شبيج تبجين
دنك عليه عمر واني من توتر ولفرحه بجيت ضامه وجهي بأديه حجه بهدوء وهوه يمسحَ ؏ راسي
-:: بنياتي ليش تبچين
وخرت اديه امسح دموعي ضحكت-: هلدموع لفرح
كملتلي دكتوره كمت عدلت نفسي انطتي شوي علاج لان بعد ذاكه مخلصته راح عمر يجيب من صيدليه بقيت كاعده اجه انطه فلوس لدكتوره رجع عليه لزم ايدي ثنينه هادئين تمشينه بره طلعنه صعدت بسياره شغلهه مشه بينه وكف يم ابو الاسواق جاب هواي عصاير حجيت متفاجأه
نيلا-: بس لاهذن كلهن اشربهن
عمر-: چا امي غير علمود بنيتي
نيلا-: غير تخليني نايمه بلحمام
عمر-: هههههههه ينعل هلسان
نروح للمطعم شنو رأيج؟؟
نيلا-: اممم مومال مطعم
عمر-: چا شتردين وين نروح
نيلا-: عاجبني نطلع نتمشى اني وياك وناكل لفات فلافل ونرجع ااف ويا قوطيه ببسي ااااح
عمر-: بطن عيني
تقربت عليه بحركه سريعه بسته بخده ضحك حجه وهوه عينه ؏ طريق
عمر-: دباع لبربوك هسه كامت طلع مهاراتهه بنص العالم
نيلا-: ههههههههه الحماس هيج يسوي
طبك سياره نزلنه يم ابو لفات سوه ثنين وحده الي واله اشترينه قوطيتين ببسي بقينه نتمشه بشوارع ونحجي حلكي متروس اكل دار وجهه عليه عكد حواجبه ضحك خفيف بلعتهه حجيت
نيلا-: شفت وضحكت؟؟
عمر-: ههههههههه حلكج شكبره لفه سويتيهه لكمتين
نيلا-: انجب شسوي جوعانه
بحده-: هاي عليمن انجب
شربت كمع درت وجهي عليه صافنه حجيت-: ها؟
عمر-: حسابج بلبيت
نيلا-: ياااا هسه شسويييت شبيك ياحبيبي
بعصبيه-: انجبي رجلج هيج تعاملينه
نيلا-: هسه شحجيت شكوو تعيط بوجهي
فرك وجهه رجعت للسياره مقهوره كعدت ليوره طبكت باب سياره بقوه درت وجهي للجامه شفته اجه نزلت راسي العب بجنطتي فتح باب سياره دنك عليه حجه بهدوء
عمر-: حبيبي
نيلا-: مرديت
بقه يحاجيني واني قفلت لااجاوبه ولا اباوع بوجهه اخر شي تأفأف سد لباب صعد شغلهه ومشه نزل لمرايه الاماميه كبالي لحتى يباوع عليه وكل هذا واني منزله راسي دمعه بطارف عيني لمفروض ليوم نفرح بفرحه بنتنه لو يرزلني وكف يم ابو الاسواق عرفته يريد يجيب اكل عود ارضى شوي ورجع انتبهت عليه اجه بتجاهي كبل درت وجهي للجامه فتح باب سياره خلى كومه علاليك جباسه ونساتل ونوتيلا لحبهه بقيت منتطيته ضهري رجع صعد مشه بينه للبيت اول ماوصلنه كبل نزلت شايله جنطتي ولعلاج دخلت جوه طبيت لغرفتي نزعت ملابسي لبست دشداشه نمت بفراشي لفيت روحي بلغطى حسيته يخلي العلاليك يمي ولادرتله بال كعد يمي وخر الغطى جريتهه بقوه لفيتهه عليه حجه
عمر-: هيج لارجعصين الفرخه
نيلا-: وخرررر عنيييي
مارد كعد يم راسي دنك يحجي فوك ساعه وهوه كلبي وحياتي ويروحي اسف وكذا واني طبكن عندي اله اطنكر وليوم اهلهل عليه دك تلفونه جاوبه كام
عمر-: ها ضلعي
-: يبعد روحي مشتاكلك نغلل باركليي
راح تجينه احلى فرخه
فتح لسبيكر اعرفه يريد يسمعني اجاني صوته
ضلام-: عليييك الحسين؟؟؟
عمر-: هههه وعلي ليوم رحنه وطلعت بنيه
ضلام-: علخيررر بعد روحي من هسه انه ارد اسميهه
عمر-: قناااادرررر بتييي هاي شمالللك
ضلام-: ولة العااارررره نسيتي انتي مرررتي واني رجلج
بتنعوص عمر-: اوي حياتي اسفه لك توئبرني
ضلام-: اااه يبعد ئلبي لك شو بحبك وبعشئك
عمر-: وانا كمان شو رأيك هاي ليله بجي لعندك مشتائيت لريحتي
ضلام-: الكواااااد ريحتتك صنان غدييي وين ذكرتني انعل ابوك
عمر-: ههههههههههههههههههههههههههه
طبعا اني هنا متت ضحك اضحك بلخنكه عاضه شفتي ماريده يسمعني خوب ضلام نزل على عمر دك فشار اخر شي كله
ضلام-: باجر راح اجيب مرتي ثانيه ونتغده يمج
عمر-: ههههه اوووووكي حياتووووو
ضلام-: نعالووووو
عمر-: هههههه اخ يماااااااا شمشتاك نلتم احنه لثلاثه صكر وانته بعلي انسه هموم دنيه
ضلام-: دنجب اكلك خما ام الگمل يمك؟
فكيت عيوني بصدمه هاااايي عليةةةة يغلط اني الك ابو جرب الزرك ان ام الكمل اني الك
اسمع زوجي جاوبه ميت ضحك حجه بهمس
عمر-: نايمه ولك ولاتغلط عليهه لا اجي ان***
ضلام-: اول مره اسمع مره ت*** رجلهه هاي وين صايره دايره
عمر-: ههه كمل شرايد
ضلام-: دامك مزوج وتسوي رومنسيات مدري شني لمرتك اريدك تعلمني كلمات كله حب وغزل وهيج احبج وحبيني ومدري شني اني ماعرف
عمر-: هاا هاااا هااااا
ضلام-: ونهماااااا باجر اجي ومثل ماكتلك اذا مابيك خير لتفل بط***
عمر-: ليا عار ههههههههههههههههههههههههههه
طلع بره يحجون واني من جهه صرت جمرر هاي مني ليريد يغازلهه خرب يومك اضلمة وخرت لغطى عن وجهي كمت تربعت العب بلفرشه حسيته اجه ذبيتلي كم دمعه سويت روحي ابجي دخل للغرفه وهوه شافني هيج اجه يركض كعد لزم وجهي حجه بتسئل
عمر-: شبيج يروحي؟؟؟؟؟؟
واني مدري منين نزلني البجي صرت اشهك وابجي وهوه حار حجيت بعصبيه واشهك
نيلا-: وخررر عني ت تكرهنيي متحبنيي طلكني
عمر-: شلون ماحبج غير نفس لتنفسه
نيلا-: ايي ايي اضحك على عقلي وخررر
حضن راسي خنكتني ضحكه وهوه يتأسف صح صار سوء تفاهم بس عاجبني انكد متحملت طكيتهه بضحكه هوه بقه مصدوم
عمر-: خبله وحق الله
نيلا-: ههههههههه اخ يمااااا اشاقه حبيبي
عمر-: انعل ابوج لابو حبيبج دم نشف بعروكي عبالي بيهه شي
نيلا-: ولييي قبل ساعه صار بوجهي منوه ابيييي
عمر-: كتلج بلغلط وداعت عيونج طلعت من لسانـي هيج زله صارت
نيلا-: امممم
عمر-: ام مو مو تعاي
هجم عليه عض خدي عطت
نيلا-: اااااييي وخررر اوخ يما وجهي راح
عمر-: ههههه
سحلني من رجليه رفع دشداشه يبوس بطني ويضحك يحاجيهه كأنما عبالك تسمعه
عمر-: بنياتي شوكت تنورينه
ليوم راح تشبعين نساتل وعصاير
بس تعاي لدللج دلال
بقيت اباوعله واضحك كام جاب جباسه كعد كبالي خلاهن بحضني أشر
عمر-: اريدج تاكليهن كلهن يلا حبيبتي
نيلا-: رااااح اطك مشوفني صايره هايشه
عمر-: وااحلى هايشه يلا اكلي بعد روحي
بقيت اكل وهوه هم وياي خله الكيكه بحلكي حجه
عمر-: باجر جايين ضلام وصكر على غده اريد من ايدج سوين دولمه الحامضه
بلعت الكمه حجيت-: صار حبيبي بس جيب باجر لحم مثروم وهاي البارحه سويت كبه
عمر-: اي گـلبي باجر اساعدج اذا تتعبين
نيلا-: لاحبيبي عادي اكمل الغده وعليك المواعين
عمر-: عرفت راح ذبين مواعين على راسي
نيلا-: ياا هههههه مو هستوك كلت اساعدج
عمر-: اشاقه حبيبي اهمشي راحتج
نيلا-: اروحلك فدوه
كرص خدي باس اصابعه فتح نستله خلاهه بحلكي ضحكت واني متروس حلكي اكل
___________________________❥
ضُلام-: بنفسي ازني بيج رايد طفل منچ...
فزيت عركانه جانت صبح كمت لميت شعري دخلت غسلت طلعت نزلت جوه لكيت امي وابويه يتريكون ابتسمت
ايڤن-: صباح الخير
الكل-: صباح النور
احمد-: هلا بشمعه البيت اليوم مصبحه علينه
ايڤن-: ههه فزيت صبح ليش بيش ساعه؟
ايلين-: بـ٧ صبح تعاي تريكي ماما
كعدت اتريك وياهم حجيت
ايڤن-: بابا اليوم يجون علينه ايهم وزوجته؟
احمد-: اي ولازم اروح لشغلي وارجع من وكت
هزيت راسي اكلت شوي كمت صعدت لغرفتي فتحت باب الغرفه شفت الغرفه ضلمه شغل الاضويه طفرت على سيلين عطت بذنهه
ايڤن-: سيليييييييين حسسسسن مزووووج علييج
طفرت من مكانهه حجت بصدمه
سيلين-: صدوووووك!!!!!!!!!
كمت من جربايه اضحك شلون شعرهه مكرفش حجت بعصبيه
سيلين-: اللله ياخذج كبررر اكو واحد هيج يكعد
ايڤن-: ههههههه شسويلج ادري راح اتعب كوه تكومين فه ماعندي غير هلطريقه غيرر هيج تكومين
شمرت عليه الكوشه صحت-: خررره علييج وعلى عقللج الجايففف
لزمت الكوشه كعدت بصفهه وهيه خازرتني اردفت
ايڤن-: عوفج من العرايك راح يجون ايهم وزوجته غزل
سيلين-: ها على غده؟؟
ايڤن-: اييي وراح يجون عماتنه الحيايه
سيلين-: اوووع هم راح نشوف جهره حسنه ومكصماتهه على كولت حسن
ايڤن-: نتقبل الامر الواقع شسويلهه
يلا كومي خل نرتب رواحنه وننزل نساعد ماما
سيلين-: اي يلا امشي خل نتريك ونظف البيت ويا امنه ونرجع نبدل
ايڤن-: نزلي تريكي اني سبقتج
سيلين-: يلا تمام اني نازله
ايڤن-: اوووكي هيه دخلت للحمام تغسل واني دخلت لغرفتي شمرت روحي بلفراش رفعت رجليه ؏ الحايط رن جهازي باوعت ؏ اسم مكتوب"فاطمه" ابتسمت يربي شكد هاي حبابه عكس ذنيج حقيرات ورافعات خشومهن جاوبتهه اردفت
ايڤن-: الووو
فاطمه-: هلا ايڤو شلونج حبيبتي
ايڤن-: هلا يعمري تمام الحمدلله وانتي شلونج شخبارج
فاطمه-: بنعمه باعي
ايڤن-: ها
-:: راح نجي عليكم
-:: هلا بيكم حبيبتي
فاطمه-: يلا يعمري اخلص شغلي من وكت لحتى اجيج
ايڤن-: تمام حياتي غلقت الاتصال منهه دخلت ؏ انستا منزلته قبل سبوع مخليه صورتي دخلت ؏ محادثات شفت حساب اسم "لولو ام غمازه" دخلت ؏ المحادثه كاتبه
" مرحبا
جاوبتهه "مراحب
خرجت من المحادثه فززني رنه مسج سويته كتم شفتهه من البرده كاتبه
" شلونج شخبارج
جاوبتهه"تمام بس منو؟
شافتهه جاوبتني"هيج بنيه عادي عادي نصير صديقات
جاوبتهه"اي عادي حبيبتي اشرفت بيج
"وبيج عيني انتي اسمج ايڤن؟
" اي
"اني اسمي ملك بس يدلعوني لولو
" اي ههه مو شفت حسابج لولو ام غمازه
"اي صحيح لان عندي غمازه
بقيت احجي وياهه دكت عليه سيلين عرفتهه تريدني انظف ترخصت منهه جاوبتهه حجيت
ايڤن-: شكووو؟؟؟
سيلين-: وسم تعاي نمتي
سديته بوجهه نزلت جوه بلشنه بلتنظيف اني عليه تنظيف البيت وهيه البره وامي ؏ المطبخ كسر ضهري يلا خلصت كملت رشيت معطر بصاله صعدت لغرفتي نظفتهه اخر شي ختمتهه رشيت عطري لمفضل عندي سديت بابهه كلت خل انظف غرفتهه خطيه وهم كذالك نظفت غرفه سيلينه نزلت جوه بلشنه ثلاثتنه نسوي اكل وييين يلا خلصنه احس روحي راحت صعدت واختي هم كذالك دخلت اسبح خلصت شسورت شعري لبست كلابيه كرديه لبست ذهبي وسواري مكجيت رشيت عطر سمعت صوت جوه عرفت اخويه اجه فتح لباب فززني باوع عليه من فوك ليجوه حضني بقوه باس راس حجه
ايهم-: يمااا مشتاقلكم شلونج ولج
وخرت عنه اضحك-: زينه وانته
ايهم-: الف لحمدلله
غمزتله-: اي عيني ولخديدات حمر
بخزره-: ولج
ضحكت اجانه صوت دار وجه عليهه سيلين
-:: لك هلااا بعرسينه
بضحكه-: هلا ام السان
حضنهه يضحك نزلنه جوه اني لاطشه بي من جهه وسيلينه من جهه ضحكت غزل رحنه بوسناهه دخلت للمطبخ بأثناهه طبو عماتي وبناتهن وكفت بصفي سيلين دقتني عرفت قصدهه كتمت ضحكتي سلمت عليهن كلهن وكفت على صفحه طبن جوه لاكن ايهم باوعت حسنه جرت ايهم من وجهه تبوس بي
حسنه-: يمااا اروح فدوه هوه كل واحد يعرس هيجي تحفظك الزهرة وليدي
ايهم-: تسلمين عمه
صافنه على هلمنظر دقتني سيلينه اردفت
سيلين-: جاي شوفين الواكه
ايڤن-: راح يموتن دادا
سيلين-: وموتتهن يلا تعاي نحضر الاكل
هزيت راسي اجت ويانه فاطمه مر الوقت نضحك ونشتغل صبينه الغده الكل كعد تغدينه وخلصنه لمينه سفره ساعدتني سيلين وفاطمه ولله هذنيج كاعدات جنهن حيايه خلصنه سيلين حضرت العصير واني كليجه ولحلويات قدمنه الهم كعدت وبصفي اختي باوعت عليه حسنه حجت
حسنه-: هاي راح طكين من سمن يماا مبينه شكد تاكلين هههه
بلعت ريكي-: احم عمه اي صحيح كلامج لأن تعرفين باهي العطله كضيتهه اكل ونوم فه سمنت
ام احمد-: تعاي خل احبج وچعدي يمي
كمت باستني كعدتني بصفهه تمسح على شعري ومبتسمه صلت ؏نبي ابتسمت على تصرفهه انتبهت راح ياكلني بنظراتهن خلت ايدهه على رجلي همست
ام احمد-: صكد ييمه جاي شوفين خيال وتحلمين
رفعت راسي عرفت امي حجتلهه-: احم اي بيبي وماعرف ليش هيج جاي يصيرلي
-:: باجر اخذج واخذ امج نروح بدون محد يدري لأام حيدر هيه تعرف بهيج سوالف
ايڤن-: ان شاءلله
_________________________❥
نيلا-: صبينه الغده لابسه دشداشه عريضه مال حوامل وشال اخذ مني صينيه الدولمه حجه
ضلام-: اويليي عفيه عليج مرت اخوي
نيلا-: ايي شعجب ماكلت ام الكمل
ضلام-: صايره تتزعلين امداج جنج هاي لبالي
نيلا-: ايڤن مو؟؟
باوع عليه عفته دخلت للمطبخ لازمتني ضحكه عرفته جيه وراي حجه وهوه ياكل بلخيار
ضلام-: تعاي ولج شمدريج ازقجه؟؟
نيلا-: كلشي ادري عيني
ضلام-: وشني عبالج خايف مثلاً
نيلا-: اي وجهك صار اصفرر تره
ضلام-: بعلي لوما الاكل كبالي لجرچ بزيج اجيبج دطيري
نيلا-: عوع هسه تطلع جكمه
ضلام-: ليش تشبهينهه بيج؟
نيلا-: تروحلي فدوه لويهي
شال كاسات زلاطه دخل عمر حجه
ضلام-: تروحيلهه فدوه انتي وعمر
صاح عمر-: همممم حط صخيممم بنصص انعل ابوك لاابوهه بكلشي وكال تروحلهه فدوه
نيلا-: ههههههههههه
اخذ دولكه المي ودخل بصاله ياكلون اني بقيت بلمطبخ اتغده بقيت اتابع لمسلسل مشغلتهه ؏ بلازمه زيه مخليه وحده بلمطبخ تغديت خلصت غسلت المواعين خلصو همه غده صارو ينقلون الاكل دخل ضلام شايل مواعين حجه
ضلام-: وهسه عجبني طبخج عاشت ايدج
نيلا-: الف عافيه
حضرت صينيه جاي اجه اخذه مني عمر رجعت بلشت اغسل مواعين اجه عمر حجه
-: لاحبيبتي من صبح واكفه على رجليج روحب ارتاحي واني اغسلهن
نيلا-: لاعيب من عدهم روح اكعد يمهم واني اكملهن
عمر-: جؤؤ عوفيهن يلا بويه روحي شربي علاجج ونامي
نيلا-: تمام
عفته صبيت اليه جاي كعدت اتابع لمسلسل وهوه كبالي يجلف بلمواعين دخل ضلام شايل صنينه الجاي صفن على المنظر يبووو عيد وجابه العباس شيخلصك يعمر من السانه خنكتني الضحكه عاف صينيه ؏ ميز اجه فاك عيونه على وسعهن حجه
ضلام-: هاي تاليتك نسوان تأمر عليك من اهمداك
عمر-: اهوو ضلام شعليك خطيه مرتي موتدري حامل تعبت كلت اساعدهه
غميته-: امدااك يل الرعن امداك تاليتهه تحكمك هاي صجمه
خزرتهه ضحك وعمر لازمته ضحكه طب جوه يصيح لصكر حجه بصوت عالي
ضلام-: ولللك تعاي شوووف عمر يغسل المواعين وين صايره وين دايره واني اذكررر اتوسل بي يغسلهن يروح يختل بتواليت
صكر-: اييي تذكررر من خله المواعين لثاني يوم وجذب طفر ماشفنا لليل
كعدت ؏ كريوته-: خلي يجلف باجر عكبه نشوفه هوه يشطف فريخته
صكر-: ههههههه
صاح عمر-: اكصصص ايدي اذااا ما باجر عكبه انته تغسلهن بمكان هاييي المخبلنه بيههه
صاح ضلام-: هاييي تستاهل ماي العييين بس هاي البريعصيه اليمك تلطلطك من اهمداك شواربه اثخن من شعر لبط** دجاجه
متت ضحك دخل بصاله عمر ركضت ورا وكفت اتصنت واباوعلهم عمر شال الكوشه كفخه على راسه
عمر-: هايي عليييمن تكوللل شورابه اثخن من ط** دجاجة
ضلام-: دوخر بطران وعلي
صكر-: هههههههههه ولله عليك سوالف يـ ابوضبع
غمزتله-: اروح فدوه لهل حلك
بتنعوص-: اخجل تره
عمر بتنعوص-: لك ياحقيرررر عم بتغازلهه ائدامي
ضلام-: وشودخلك؟؟؟
عمر-: لك يخرب بيتك ملعووون
هجمو عليه عمر وصكر وهوه يصيح ويغلط عليهم فطست من ضحك دفعهم كام عدل ياخه قميصه حجه
ضلام-: الكو** عبالك بعران
صكر-: هم صوجنه
ضلام-: دكل خره انته اكلك عموووري
عمر-: ها حوووبي
وكفت كباله-: اريدك تعلمني ؏ لبارحه لكتلك عليهن
عمر-: مو تدلل هسه تخايلني ايڤن
عكمشت وجهي-: غديي وجهك جنه ط** ذيجه جنهه كيمر بله شلون؟؟
صاح عمر-: امشييي مناااا لااشكك هم صوجييي
صكر-: قووووووية وعلي ههههههههههههههههههههههههههه
ضلام-: ههه اشاقه كمل هسه الجدامي ايڤن وبعد شتخيل
عمر-: تخيل هيه طالعه حلوه وشافتك شلون تغازلهه
ضلام-: اكلهه طالعه حلوه
عمر-: لك لااااا هيج كللهه شهل جمال طالعه ملاك
ضلام-: دنجب حاجيلهه ذني غير غير
صكر-: اي مو هيه اغنيه
عمر-: انجب خل اعلمه شوف مثلا اذا ردت تبوسهه
صاح ضلام-: غدييييي وييين اتخايلهه بيك متكلي ذيج جنهه زبده وانته شواربك جنهن شعرت خالتي
عمر-: وللله بعد اطلع گو** واعلمك امشي ولي
راد يطلع لزمه ضلام خربان ضحك هوه وصكر حجه
-:: اهووو شبيك جنك مره حبله بس تتزعل
عمر-: بعدني محاجي كلمه وذبيتلك كلمخ اكبر من لشتك
عفتهم دخلت لغرفتي فحطانه من ضحك ولله هذا ضلام بلوه طفيت الاضويه نمت بفراشي اسمع صوت ضحكهم بسرعه نمت
______________________❥
راحو اهل ابويه بقو بس اخويه ايهم وزوجته غزل للمغرب وطلعو شكد بابا وامي واحنه لحينه عليهم ماقبلو دوعته اردفت
ايڤن-: انته وعدتنه كل جمعه تجون هنا تغدون
ايهم-: وعد وربي وعد
غزل-: حتى لو ماقبل اني اجيبه واجي
سيلين-: اي دادا وهلسبوع نسوي طلعه عائليه نطلع كلنه وناخذ نمارق نتونس قبل دوام لايبدي
غزل-: ان شاءلله
ايڤن-: اي ولله خوش فكره
ودعتهم دخلت جوه كبل لغرفتي غيرت ملابسي لبست دشداشه قصيره حيلل شمرت روحي بلفراشي مخليه وجهي بلمخده فزيت من سمعت صوت طبه بلبلكونه مالتي رفعت راسي مصدومه كمت باوعت من لبرده على كيف ماكوشي رجعت نمت بفراشي خليت ضوه مشتغل خايفه لفيت روحي بلغطى بقيت مغمضه عيوني ومانعه نفسي افتح اخاف لايجفت شي بوجهي كاعدين نتغده اردفت
ايڤن-: احم ماما
ايلين-: ها بنيتي؟
ايڤن-: شسمه اليوم نروح
ايلين-: اي بس تتصل عليه عمتي اكلج تحضري ليش هلكد مستعجله
ايڤن-: ماما ولله لبارحه صوت طبه بلبلكونه مالتي متت خوف وكوه نمت
سيلين-: اسم الله
ايلين-: صدك؟؟؟
ايڤن-: اي ولله
بقن يباوعلي بحيره اكلت شوي كمت غسلنه المواعين كعدت بصاله يمهن اردفت
-: زين ماما لعد بابا شو تأخر
-: خطيه هسه تلكي ميلحك يحك راسه غير شغل ييمه
-: الله يساعده
بقينه نتابع افلام اني واختي وامي كلبت بتلفوني شوي شوي حجيت ويا ملك خوب البارحه من دزيتلهه صورتي بلفستان كردي فدوه وماشاءالله وهيه هم دزتلي صورتهه حلوه حيلل قاطع تفكيري رنت تلفون امي جاوبتهه شوي وسدته اردفت
ايلين-: يلا ماما تحضري هستوهه عمتي اتصلت عليه تكول تحضرن
ايڤن-: اي كايمه كمت داصعد درج اردفت
سيلين-: ماما اروح وياكم
ايلين-: لااا شعندج منو يبقى هنا بلبيت خطيه اذا ابوج اجه منو يصبله غده
سيلين-: هفف تمام
صعدت ركض لبست عبايه خبصتني امي لبسي هيج خليت شال على راسي نزلت جوه جانت امي تنتظرني بس شافتني كامت
ايلين-: يلا يوم بيبيتج كاعده بسياره تنتظر
ايڤن-: اي يلا طلعنه صعدنه بسياره مشت بينه ماطولنه ربع ساعه وصلنه نزلت وبيبي كايدتهه ومن جهه امي هم لازمه ايدهه باوعت جان بيت بسيط دخلنه جوه دكينه الباب وره شوي طلعتلنه بنيه شابه تقريباً بعمري محجبه سلمت علينه سئلتهه بيبي
-: ام حيدر هنا؟؟
-: اي خاله تفضلو جوه
دخلنه جوه جانت ديوان كعدت بصفي امي وبيبي شوي واجت همات سلمنه عليهه كعدت كبالنه جانت مره عجوز ومدكدكه بحنجهه وبكصتهه اختصرتلهه الحجي بيبي وامي واني بس ساكته حتى بطني وجعتني من الخوف باوعت عليه سئلتني
ام حيدر-: وبعد ششوفين بتي
ايڤن-: خاله من انام كوابيس هواي واكثرهه بنيه سوده وياهه بزونه او مرات حيايه تلتف عليه وبلواقع مرات من نظري يخطف خيال اسود وأغلس او البزونه دائما تجي بشباكي من انام تبقى صافنه عليه
ام حيدر-: امم
بقت تباوعلي من يمي خفت سئلتهه امي
ايلين-: حجيه شنو كولي
ام حيدر-: يدادا بتكم مسويلهه سحر شعوذه.....
#يتبع🌚🖤🖤
حاسه البارتات القادمه مراح تعجبكم لان بيهه احداث جلطه تكفي😐.
قـَلبي لاتنسون التصويت+تعليق على كل فقره لطفًا💛
حسابي الانستا حبايبي 🤭
its.zlzala0
#الكاتبه زازا
#ابوضبع 904
دمتم سالمين جميلاتي💜🫣
لي استغرب من لقبي يقرا البارت نشرتو قبل البارت هذا🙈💗💗💗.