بســم ﷲ الرحمــن الرحيــم
السـلام عليڪم
#بيـن انيابهـم
#بقلمـي أنـا: زهــࢪاء
حساب الانستا: zaii1_8
لا تنسون التصويت +التعليق بين الفقرات
+احبڪم زهوراتـي 💋
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تـــــاج
اجيت ادخل واستوقفتني حركة برة بلعت ريڪي بخوف وعفت الحمام مشيت بأتجاه المطبخ ودخلت الة لكيت الباب مفتوح فتحة صغيرة
اتخطيت كم خطوة ووصلت مديت راسي وجفلت من شفت
واحد كاض مشتاق ومجتفة وواحد ڪبالة يضرب بيه بقوة ضهرهم علية بس مشتاق عرفتة من شعرة بس الي لازمة ما عرفتة والي يضرب بي مو واضح شكلة
رجفن رجلية وما اعرف شسوي ضليت صافنة عليهم اريد اصرخ واڪول عوفة بس ما اڪدر!
ومشتاق يصيح بس محد اجة عبالك ما يكدرون يسون شي
الدنيا ليل وبس احنه الاربعة
اني
ومشتاق
والاثنين هذول
فجأة!! انڪلبت الموازين صار شي ڪدام عيوني ما راح انساه
ولا راح اتخطاه
طلع سجين من جيبة رفعها ليفوك وبدون رحمة دخلها ببطن مشتاق صرخت بصوت عالي وهما انتبهو
على السريع ركضت للغرفة سديت الباب ورحت للفراشي اتغطيت وارجف واني احاول استوعب شصار؟
مشتاق مات!! معقولة منووو قتلة؟؟
خاف سمعوني راح يجون
من الرجف والخوف ما اتحملت ادررت على نفسي لفيت روحي بالبطانية وصرت ابجي بڪُل حرقة كلب
مشتاق مات؟؟
ما استوعبت الصار وصعب عليّ استوعب... قتلو؟؟ وليشش؟ ومنوو هما؟
بلعت ريكي ودفنت وجهي بالمخدة وابجي بالرغم ما عرفتة هواي بس صعب احد يصير بي هيج وڪدام عيوني وما اتأثر
انفتح الباب واني يبست نفسي حته النفس كطعتة مر وقت و احد يفتر بالغرفة وطلع
وكأن جان يتأكد نايمين او لا
وخرت البطانية وكعدت على حيلي رفعت شعري واتنفس بسرعة احاول اضبط انفاسي ما اگدر خايفة خاف اني هم يقتلوني نفس مشتاق
لو خاف يقتلون شُـذير؟
باوعت الها نايمة اتخبلت من اتخيلت يقتلونها رجعت حضنتها وصفنت بالحايط
واسترجعت ڪُل ذكرياتي من اجيت هنا لهسه
ڪُلشي ما مفتهمة ولا اعتقد راح افهم
شنو حياتهم؟ وشنو يشتغلون
ابتهال منو وقاسم منو؟؟
طلعت الشمس واني ما نايمة ضالة مفتحة عيوني والدموع ينزلن بدون لا احس او اكدر اوڪفهن
انفتح الباب رأستاً سويت نفسي نايمة
ابتهال.... ڪعدي لجج
فتحت عيوني واول ما شفتها ما سيطرت على نفسي كعدت على حيلي واصيح بهستيرية
تـــــاج... شفتتتتت شفتتتتت شفتتتة
فتحت عيونها بصدمة وجرتني من ايدي بنتر
ابتهال.. ششفتييي ولج؟
بلعت ريڪي وسڪتت دفعتني عنها وطلعت من الغرفة تصيح على قاسم حتى يجي
خفت منهم وزحفت على مقعدي للزاوية على صوت الصياح وخليت ايدية على ࢪاســي ڪعدت شُـذير اول ما شافتني اشرت الها تجي اجتلي تركض واخذتها الحضني حتى احميها
دخل قاسم هوَ وابتهال اتوجه ناحيتي وحجة بحدة مصحوبة بنبرة تهديد
قاسم... شنو شفتييي؟؟؟
ما جاوبتها وضليت مدنڪة راسي بخوف واسࢪق نضرات عليهم
نزع حزامة وطبڪة واتقدم يمي
قاسم.... احجي لج
سڪتت وعرفت ورطت روحي وهوَ اتخبل من ما جاوبتة شال الحزام وضربني على رجلي
صحت بصوت عالي...... ااااه رجلييي.. مااستمع وضل يضربني واني روحي فرفحت من الصياح وبجي شُـذير
احاول احميها حتى لا توصللها ضربة بس ما ڪدرت ضربنة اثنينة بدون رحمة بالحزام وصوتنة وصل للسما ورجع للڪاع الحد ما صحت بصوت مبحوح
تـــــاج... ما شفتت شييي ما شفتت شييي
ابتهال..... لا تجذبين ****
شهڪت بخوف وجسمي يون من الوجع عافونة وطلعو بعد ما اتأڪدو ان ما اعرف شي
حضنت شُـذير وضليت اون بأسماء...اهلي.... رفعت بجامتي رجلية كُلهن اثار حمر وزرك
بعدت شُـذير عني وحجيت حته اسكتها
تـــــاج.... اش حبيبتي هسه بابا من يجي وياخذني اخلي ياخذج ويانة هسه يجي
ما فاد كلامي وياها بس تصرخ وتبجي بدون دموع فتشت جسمها خاف مأذيها شفت زندها ڪُلة اثار حمر
احتاريت وياها وما اعرف شنو اتصرف لو احجي حتى تسڪت... تعبت من الصياح وسكتت بس الشهڪة بصدرها
حاولت اكوم على رجلية ما اكدر يأذني سندت نفسي على الحايط ومشيت
ما اڪدر ادوس على رجلية بس حاولت حتى اطلع وصلت للباب حاولت افتحهه مقفول دكيتة وصحت
تـــــاج... ابتهال الـرفش فتحـي الباب ام الوصـخ والڪلك فتحيييي
ماڪو اي جواب يمڪن طالعة لأن هيَ اديح هيج وقت رجعت دكيتة
تـــــاج... الرفش الوصخة
ماڪو اي جواب كعدت ورة الباب وضميت رجلية الصدري وضليت انود
تفڪيري ڪُلة يم شُـذير سكتت وبعد ما حجت شي مثل السنحت
ما اعرف شسوي الها ولا شنو اسوي الروحي احير بيها لو احير بنفسي مرت فترة على هذا الحال الحد ما انتبهت لشُـذير مغمضة عيونها
طفرت من مڪاني متجاهلهة الوجع رحت يمها بسرعة احاول اڪعد بيها ما تڪعد جسمها حار ڪُلش ومنين ما اجيبها توڪع بأيدي
عفتها ورجعت دڪيت الباب
تـــــاج... فتحووو البابببب فتحوووووو شُــذير ماا اعرررف شبيهااااا
محد جاوبني وصوتي رايح من الصياح
عفت الباب ورڪضت للشباك اريد اشوف احد حتى اشرلة ماكو
ضليت بين الباب والشباك الحد ما حسيت اكو حركة برة ركضت دكيت الباب
تـــــاج... فتحوو الباببببب
اجاني صوت نورة
نورة... شتردين
تـــــاج... فتحيي البابب شُـذير مصخنة
نورة... ما اڪدر افتحة المفتاح مو عندي
تـــــاج.... عفيه نورة
غصيت بالبجي و ايست منها دنكت جوة الباب شفتها اتروح وتجي بالصالة
تـــــاج... ماشفتي مشتاق؟
ما سمعتني عليت صوتي وعدت عليها السؤال
نورة.... ما شفتة يجوز راح الاهله
تـــــاج... طلعيني منا
نورة... دخلتي برجليج بعد ما اطلعين الة لمن هما ما يردوج
تـــــاج... ليش يردوني؟
نورة... يستفادون براسج وتاليها يشمرونج بالشارع لا عبالج تحصلين شي من الي راح تشتغلينة
تـــــاج.... هما ليش جابوني هنانه اني وشُـذير؟
نورة... ابتهال لو ما عدها غاية غبرة ما اتجيبج وادخلج لبيتها
تـــــاج... عطشانة اريد مي
نورة... شلون احنه اليوم ما نخلص ابتهال قافلة ما تفتح الباب شسوي اني؟
تـــــاج... سووي اي شي راح اموت شبيكممم
نورة... وشبيدي
عفتها ورجعت ڪعدت وكلت بيني وبين نفسي بس تجي ابتهال امشي وياها صح اهم شي اعيش اني وشُـذير
لأن الي هنا مو أمان ولا يستحقون الثقة لا نورة ولا خلود ولا اي احد ڪُلهم ذيابة يردون ينهشون بلحمـنة
مرت فتـرة وانفتح الباب طفرت من مڪاني وكمت وكفت دخلت نورة شايلة صينية خلتها ڪبالي
وطلعت ابرة من جيبها
تـــــاج... شتسوين؟
ماجاوبتني راح خلت ايدها على كصة شُـذير
نورة... مشتعلة نار لبنية
حجتها وطلعت منجيبها ابرة ضربتها وڪامت
اتريد اتروح رحت وراها وامشي واسأل
تـــــاج... شلون صارت عايشة مو مو؟
نورة.... اي اي بس فكيني هسه ما تكليلي شبيج ولج انتِ هنا بهذا المڪان فڪري بس بنفسج لا تتعلقين بأحد كلهم يذبونج تاليتهم
تـــــاج.... اختي مو نفسكم
نورة.... هه اختج والله ضحكتيني
تـــــاج... طلعي برة
دنكت المستواي وكضت حنكي حركت وجهي يمنى ويسرى وحجت بشفقى
نورة.... جؤ جؤ هاي عود صارلج هنانه بس شهرين وهيج صار بيج؟
شضال منج بس اللسان منا لبعد سنة مودعة انتِ
عفت ڪُلشي وركزت على شهرين بلعت ريڪي وسألتها
تـــــاج... شڪد يعني شهرين؟
نورة... 60 يــوم
وخرت ايدها عني ورحت من غير صوت كعدت افكر صارلي هنانه شهرين معقولة؟
محد اجه عليه لا بابا ولا ماما ولا حتى بيبي؟
هذا ڪُلة المر علية بشهــرررين؟؟؟
شنو من شهـرين هذن اتعلمت ڪُلشي بي حتى تفكيري صار اكبر من عمري ومو للاحسن لا للاسوء!
خرجت من صفنتي وكمت لازم الوضع يتغير ما يفيدني هذا الڪلام
كمت بهمة غطيت شُـذير وانتبهت للصينية جايبة صمون ومي اخذت صمونة اكلتها خالية وشربت وراها مي
شلت الصينية وطلعت برة
رحت للمطبخ خليتها وطلعت بالطارمة
ضليت صافنة على المگان الي البارحة شفت مشتاق بي
اتقدمت يمة بتردد ووكفت بنفس المكان الوكفو بي ماكو اي اثر ولا حته دم
معقولة احلم؟
اي حلم ماكو غيرة لأن نورة كالت راح الاهله
قنعت روحي ودخلت جوة
ومرن يوم ويومين وثلاثة وايام ومشتاق ما مبين ولا حتى البنات اجن بعد
سؤالي عن امي ما بطل ڪُل ما اشـوف ابتهال اسئلها امـي وين وليـش ما اجت وهيَ يا اما تقنعني ان بعد ما تريدني او تضربني حتى ما اعيد السؤال
اما شُـذير فهاي منحني اخر اعتبرتها بمكان امي او لعبتي وبعد واضح لعبة وعند طفلة شلون فرحتها تصير
وكفت كبالها وڪلت بڪلبي هاي اخر مرة راح اسئلها
تـــــاج... اهلي وين؟
عافت الي بأيدها وحجت
ابتهال... مليت من سؤالج شڪد تعيدين بالحجي
تـــــاج... جاوبيني ماما وبابا وينهم؟
ابتهال.... ما يردونج واني اشتريتج منهـم
هزيت راسي بنفي مو مصدڪة كلامها شنو اشـترتني شنو ما تريدني
اجيت اروح وصاحت
ابتهال... اوڪفي برة البس عبايتي واجي
التفتت الها
تـــــاج... ليــش ويــن انروح؟
ابتهال... بالطريـق افهمج
هزيت راسي من غير نقاش ورحت للغرفة شلت شُـذير على خاصرتي وطلعت برة بالطارمة
شُـذير.. وين انوح
(وين انروح)
تـــــاج... بعد ابتهال راح اديح واحنه لازم انديح وياها ؏ الواهس
شُـذير... اي اعب
تـــــاج... من نرجع نلعب هسه راح انروح
انفتح الباب الرئيسي ودخل قاسم هوَ وفانيلتة التعلاكة الملثڪة وشايل بأيدة ما ادري شنو
همست لشُذير
تـــــاج... اجة ابو ريحة
شُـذير.. ايحة
تـــــاج... اش لا يسمعج ويسوي روحة ماڪـو انظف منة
طلعت ابتهال مبدلة شافت قاسم موجود راحتلة مشيت وراها حته اسمع ڪلامهم وشنو جاي يخططون
قاسم...هذن ايروحن وياج؟
ابتهال... اي
قاسم... متأكدة ما يعرفون لا اسمج الحقيقي ولا مڪانج
ابتهال... اي متأكدة ما يعرفون اي شي عني
ضلو يحجون كلام مو مفهوم بس الي فهتمه ان هما ثاقين بأبتهال اما منو هما ما عرفت
شُـذير ضاجت وضلت تدفع بية حتى انزلها ضليت شايلتها على صفحتي واهز بيها اخر شي تعب ضهري ونزلتها
مشو قبلي ومشيت وراهم طلعنة من البيت صعدنة بسيارة سودة تعبانة وساق قاسم
سألت ابتهال لأن شفت الوضع ماينفهم
تـــــاج.. وين رايحين؟
ابتهال... رايحين البيت ناس
تـــــاج... شنسوين؟
ابتهال.. معليج هناك من اروح شنو اكلج تسوينة
تـــــاج... يعني شنو؟
اتجاهلت سؤالي
ابتهال... هناك اذا سألوج انتِ بت منو شتكليلهم؟
تـــــاج... امـي ميـتة وابتهال ربتنـي
ابتهال.. عفية عليج
علمتني على ڪُلشي وسعت حتى اصير نفس اطباعها بس ما ڪدرت عليّ ولا اني اكدر عليها
بس حتى اتفادة الضرب شنو تڪلي اسويه بدون لا افكر هذا غلط او لا
تـــــاج... نتأخر لو لا؟
ضرب قاسم على الستيرن وصاح
قاسم.. كااافي اسئلة امشي وسدي حلكج الله ياخذجن
ابتهال.. اعصابك عيني
قاسم... كلة منج جنة اثنينة نشتغل ووحدنة هسه لازم نشرح الها كلشي يصير وفوك هذا كلة ننطيها اكل وهذا الوضع ما يصرفلي اصرف على الرايح والجاي اذا اطر الامر انرجعهن للباشا
ابتهال.. تحجي صدك شنو اترجعهن ماصدكنة ينطينة اياهن بدون فلوس اصبر هاي الجم سنة على ما يكبرن وعود نستفاد منهن
قاسم... اكو شغل يم المدرسة تڪدر هايه الجبيرة تسوي؟
ابتهال... شنو هوَ
قاسم.. يحتاج الة شغل مضبوط ادبرة لو لا
ابتهال... خليها علية
قاسم... اول شي لازم تتسجل بالمدرسة لأن راح تضل داخلة طالعة على المحل والحانوت
ابتهال.... مدرستيش يمعود كول غيرها
قاسم... الي يريد شي يعوف شي لازم انسجلها لأن عندي شغل هم داخل المدرسة شلون اكدر ادخل لو انتِ تڪدرين وما اڪدر اودي البيت ابو الحانوت وهوَ ياخذة للمدرسة لأن بيها شبهة
توجهت انضار ابتهال الي وضلت صافنة بية ضيقت عيونها وهزت راسها برضا
ابتهال... هذا هوَ بس لازم الي ارباح لأن راح اتعب على ما افهمهة
قاسم... سهله
سكتو واني اخذتلي صفحة افكر مدرسة يعني راح اسجل وادرس نفس بابا من جان يڪول زين شنو هوَ الشغل ومعقولة اڪدر اسويه
سندت نفسي على الكشن واباوع الشُـذير شلون اخليها وحدها
مشة بينة مسافة طويلة تعبنة وملينة على ما وصلنة نزلنة اني وشُـذير شايلتها على صفحتي والرفش ويانة
راح قاسم واحنه مشينة شارع طويل ووكفنة كدام بيت كُلش حلو ضليت فاتحة حلكي واباوعلة ورڪبتي مكسورة
دكت الجرس وشوية وانفتح الباب طلعت بنية تقريباً بكد نورة
... ها خالة تفضلي اني رايحة للڪُلية ڪلشي يمج جاهز وامي بس بدليلها وانطيها علاجها لأن ما لحكت
.. ابتهال.. بعيوني خالة
انتبهت البنية النة وابتسمت وكرصت خدي
... فدوة خالة هذني بنات اختج الڪلتي عليهن؟
حجت ابتهال بتمسكن ودموع بحيث ضليت فاتحة حلكي عليها
ابتهال... اي والله ماتت امهن وواني ربيتهن واجيبها منا ومنا واعيشهن
ضلت البنية تحجي وية ابتهال الحد.
ما اجت عليها سيارة وراحت
دخلنة للبيت واني وشُـذير بس نباوع بأعجاب البيت جبير والحديقة ماشايفتها حتى بالحلم
شُـذير.... اج تع
مافهمتها غلست عنها ودخلت جوة وية الرفش
فتنة بهول كاعدة بي مرة جبيرة بالعمر على كرسي ولابسة شيلة بيضة وتسبح
سلمت عليها ابتهال
وباوعت النة
ابتهال.... هذن بنات اختي
الحجية... تعالن بيبي تعالن احبنجن
استفسرت بعدم فهم
تـــــاج.... ليش تحبينة؟
خزرتني ابتهال واشرتلي مشيت بضوجه وبستها بخدها نفس ابتهال بس مو نفس الخد. الباستها بي لأن حلكها بي تفال
تـــــاج... شلونج خالة
الحجية... بخير انا انتِ شلونج مرتاحة ان شاء الله
هزيت راسي من دون فهم
الحجية... نزلي اختج ليش محوكلة بيها صفحتج اتأذيج تكوم
تـــــاج... لا خليني شايلتها
خزرتني ابتهال حتى انزلها كلبت عيوني بملل ونزلتها بالڪاع
اخذت ابتهال الحجية هيَ والڪرسي للغرفة واني كضيت ايد شُـذير وبقيـت افتـر بالبيت واحجي وية شُـذير حتى لو ما تفهمني وهيَ بس ساڪتة اخر شي مليت من هدوئها وصحت
تـــــاج.... ما تحجين عبالك بسس انــي عندي اللسان
شُـذير... احتي؟
(احجي)
تـــــاج..... يممه انتِ شنووو النوب تستأذن يلا تحجي اذا اضل وياج بعد انجلط
ضاجت من نبرة صوتي قدمت شفتها السفلية عود زعلانة ابتسمت الها ونزلت المستواها بستها بخدودها
تـــــاج... شنو اسمج يا حلوة؟
ضحكت وبينن اسنانها الاثنين بالمقدمة
شُـذير.... ثييرر
تـــــاج.... اروح فدوة لشذوراتي الحلوة من يجون عليّ اهلي اخليهم ياخذونج وياي
عفتها تلعب وتاخذ راحتها ماطول ابتهال ماكو لأن ببيتها ننحبس بالغرفة درت وجهي مشيت شوية وطخت عندي فكرة
هاي المرة منو؟
معقولة اذا كتلها على ابتهال تاخذني وترجعني الاهلي؟
خليت الفڪرة ببالي يمڪن هاي المرة سبب حتى ارجع الاهلي واخذ شُـذير وياي
واخلص من كابـوس اسمه ابتهال وقاسم
ڪعدت على الدرج صاير ڪبال غرفتها ضليت اراقب الوضع واحسب ڪُل وقت يـمر
استبشرت بالخير وڪلت هاي هيَ راح اخلص منهم
انفتح باب الغرفة وطلعت ابتهال عاقجة وجهه وبأيدها الملابس مالت الحجيـة رڪضت للحمام وحتى ما انتبهت الي
ڪمت بهمة رحت للغرفة لڪيت الحجية متمددة على السرير اتسبح وتستغفر انتبهت الي وابتسمت
الحجية... تعاي حبيبه
بلعت ريڪي ومشيت يمها بتردد ضيلت اتباوع الي ومنتضرتني احجي
قويت نفسي واتخيلت نفسي ارجع لحضن امي.... نطقت بعد مدة
تـــــاج... ابتهال مو
بعدني ما مڪملة وانفتح الباب فزيت بفزع ودرت وجهي لناحيتة شفت ابتهال واڪفة وتخزر بية اتعلثمت واتراجعت عن ڪلامي
مشت بأتجاهي بسرعة وكضتني من كف ايدي وشددت عليه بقوة ابتسمت حتى تخفي غضبها عن الحجية
ابتهال.... نامي خالة اعتذر خاف زعجتج
الحجية... لا يمه خليها بالغرفة ضالة وحيدتي
ابتهال.... لا اريدها تساعدني
ماخلتها تجاوب جرتني من ايدي وسدت الباب
اخذتني على صفحة ودفعتني بنتر عنها حصرتني بينها وبين الزاوية وحجت بهمس وحرف حرف
ابتهال.... ش ن و... ر د ت ي... ت ح ج ي ن؟
(شنو ردتي تحجين)
ضلن عيوني ينتقلن عليها والدمع بيهن متجمع بلعت ريڪي وحجيت بتردد عسى ولعل تصدڪني
تـــــاج... بس ردت اڪول الها ابتهال
ماخلتني اڪمل جابتني براجدي فر راسي فر غمضت عيوني وحسيت فقدت توازني فتحت بصعوبة بس حته اشوف تعابيرها حتى اكرها اڪثر دنڪت علية وجرتني من شعري ضلت تجر بيه وتحجي بنتر
ابتهال.... كايلة انا انتِ مو ادمية واڪبر **** جبتها ببيتي
باوعت بعيونها ورديت
تـــــاج... بس مو اڪبر منج
للعلم ما فهمت الغلطة الي حجتها بس حسيتها غلطة جبيرة انهالت بالغلط وماتڪدر اتصيح تحجي بهمس
ما احس الة شُـذير تدفع بيها وتحجي
شُـذير... وري عن اج لا بجي
دفعتني وراحت تڪمل شغلها لميت شعري بأيدي وڪمت وراها ضليت وين ما تروح اروح وراها حتى اعرف شنو تسوي وهيَ تتونس حتى تذب علية شغل اخر شي راحت الغرفة الحجيه لكتها نايمة سدت الباب وطلعت
باوعت يمنى ويسرى وصعدت على الدرج صعدت وراها بسرعة شافتني بس ما حجت
صعدنة للطابق الثاني صارت ڪبالي صورة ولد. لابس هايه مالت الدكاترة البيضة (اللابكوت)
اتعديناه ورحنة بممر وكفنة ڪبال غرفة فتحت الباب ودخلت جانت غرفة بناتية ڪُلش مرتبة ابتسمت وذڪرياتي اخذتني الغرفتي قبل
فزيت من ذاڪرتي على صوت ابتهال وهيَ تحاول تفتح الڪانتير شافتهن ما انفتحن رڪعت باب الڪنتور برجلها وعاطت
ابتهال... الـ**** ماخذة احتياطتها وقافلة البيابان
التفتت الي وڪملت اعياطها
ابتهال... لا تجيسيننن شي بأيدددج
هزيت راسي مو فاهمة انتبهت الايديها لابسة كفوف طبية
طلعنة من الغرفة ورجعت سدت الباب رحنة الغرفة بصفها فتحت الباب ودخلنة باوعت للارجاء وانتبهت الصورة ولد نفسة الي مخلي صورتة ببداية الطابق الثاني حاولت تفتح الكناتير وهم نفس الحالة ضلت تسب وتغلط اخر شي طلعت مشينة بنفس الممر وطلعنة للسطح
اول ما وصلنة باوعت للارجاء وطلعت من دشداشتها (صدرها) جيس ابيض
صعدت على الصبة الي مخلين عليها التانڪي فتحتة رادت تخليي بالتانڪي ودك موبايلها بسرعة جاوبت وهيٕ تتلفت
ابتهال... ها قاسم
ما اعرف شنو حجة صاحت بصدمة
ابتهال.... شنووو شرجعة هيج وكت ابن الـ****
نزلت ركض ركضت وراها وحجيت
تـــــاج... شنو صار؟
باوعتلي بطرف عينها وما جاوبتني بس مبينة متوترة حيلل وعصبية
نزلنة جوة و اول ماعتبنة الڪاشي دخل ولد نفسة الشفت صورتة سلم على ابتهال وصعد فوك
وهيَ ضلت اتروح وتجي وتعض بأيديها اتريد تضبط اعصابها ماتڪدر اتشفيت بيها من حسيت خربت خطتها صارت ڪدامها شُـذير تلعب دفعتها برجلها خلت البنية تشيط طفرت عليها سحبتها من الكاع وشلتها واسكت بيها
تـــــاج.. ليش اتمدددين ايدج. عليهااا
حجت من بين اسنانهة
ابتهال.... سدي بوزج الله لا يوفقج الفڪر انتِ وهذاك يومية ما يجي هيج وكت بس اليوم على عيني كون الله لا ينطيه
عفتها وضليت افتر بشُـذير نزل هذا الولد وراح للمطبخ وصاح
... خالة بدون زحمة عليج صبيلي غدة
راحت للمطبخ ورحت وراها صبتلة غدة وخلتة على الطاولة
بدة ياكل وعينه ما يرفعها ضليت اباوع للاڪل وابلع ريڪي وعيني على الخاشوكة من ياخذ بيها اكل وياكلة
رفع عينة وشافني اباوعلة عاف الخاشوڪة وكال
.... خالة صبي لبناتج اكل
خزرتني وحجت
ابتهال.... لا خالة هسه انروح للبيت
اتجاهلها ورجع باوع النة
... جيبن خواشيك وتعالن اكلن
لو بأيدي اطير من كال هيج اني منا جوعانة وابتهال مسوية علينة اضراب
رحت جبت اخواشيك من الجرار شفت الرفش اطلعهن منا
جريت الكرسي وكعدت ووشُـذير يمي
مديت ايدي بتردد للصحن صاح على ابتهال حتى تخلي بعد
غلست عن العيب سرفنت ارداناتي واكلت واوكل شُـذير
ترست معدتي وحتهىاذا شبعت استمريت اكل
خلص اكل وكام واني استمريت اكل الحد ما تخمت سندت نفسي على الكرسي وسحبت نفس الي افتهمتة ان ابتهال تشتغل عد هذولي وجانت مخططة الشي وفشل لأن هذا الولد رجع من وقت
ما احس الة ضربة على راسي خليت ايدية على ࢪاسي وصحت
تـــــاج... شڪـووو
ابتهال.. وسممم مو بس اتسممتي كفي الماعين
كمت شلت الصحون وغسلتهن وعيني على شُـذير وابتهال تروح وتجي واطك ايد بأيد وتباوع للدرج
اخر شي ملت وخابرت على قاسم يوكف النة بالشارع لبست عبايتها وطلعت قبلي استغليت الفرصة وركضت فتحت ثلاجتهم واخذتلي تفاحتين انطيت وحدة لشُذير وشلتها بأيدي والثانية اكلتها
طلعنة من بيتهم ومشينة بشارعهم انتبهت لشغلة!! ابتهال كلساع تلتفت وراها وتسرع بمشيها وتستعجلني اخر شي صاحت
ابتهال... ركضييي
ركضت وخلتني اني شايلة شُـذير وما اكدر اركض ولا هيَ تكدر تركض ضليت اتعثر الحد ما طاح النعال من رجلي احتركت والشارع حار واحس احد ورانة
والسيارة تمشي بسرعة ويصيح اوكفن
ركضت بڪُل قوتي وادموعي ينزلن وشُـذير تصرخ واني اتخيل على يا ساعة اموت لو يدعموني
انجريت من ايدي وصعدت بالسيارة اتنفس بسرعة والرجفة ماخذتني
صاحت على قاسم
ابتهال.. حركهاااااااا
باوع بالجامة وحركها بسرعة بلعت ريڪي وعقلي ما مستوعب الصار بس طلعنة من البيت نڪلب حالنة وعبالك جانوا ينتضرون نطلع بس همه منو التوتر صابنة واني كلساع اتلمس جسمي واتأكد اذا عايشة او لا
وقاسم عينة على الطريق رفع تلفونة واتصل
قاسم... اقفل البيت
حجاها وسداه ضل يدخل بينة بدرابين والطسات كسرتنة اتكسر باوعت من الجامة اكو سيارة ورانة وما مبين شنو بيها
جفلت بمڪاني من شفت ابتهال طلعت مسدس
رادت تفتح الجامة وقاسم كض ايدها
قاسم... اكثر من عدنة لا تتهورين
عافت المسدس وضلت تباوع ليورة ووجهه ما يبشر بالخير
ابتهال.... اسررررع صاارو قريبيين منه
قاسم... ماكددددر السيارة قديييمة هذا حدها
درت وجهي واباع للسيارة قريبة منة كلش اتقربو اكثر وطكو السيارة ارتفعت شوية ليفوك صرخنه بصوت عالي وشُـذير طفرت بحضني حضنتنها واثنينة نصرخ رجعو طكو السيارة وكُل ما يطكونها ترتفع السيارة بينة وتنزل بقوة
داس قاسم بأعلى شي عندة وضل يدخل بالافرع ويدخل الحد ما همه عافونة
حيلنة باد والنفس صار ينحسب علينة وكف قاسم السيارة على صفحة ونزل منها
سندت نفسي على الكشن بايدة روحي وكلبي ما جاي احس بيه
نزلت دمعة من خدي تايهة على وضعي اني وين
امي ابوي وين؟
اريد ابوي اني مو بنيته؟ ليش ما يجي وينة
حته بالحلم ما جاي يجون وين خلوني قربان هنا روحي جاي تطلع كدام عيوني
اني يتيمة بس اهلي وينهممم؟؟
يتيمة بس ما اعرف اهلي عايشين لو لااا؟
اني بيا كاع وبيا ايدين؟؟
ويني وين هاي المشاڪل والضرب والسب وڪُلشي
ضالة مثل الحبل يجروني منا ويودوني منا وبيا ذنب وشنو السويتة؟
استرجعت بذكرياتي قبل يم امي وابوي وبيبي كاعدين ڪُلنة على الاكل وماما يمسح على راسي ويحجي
حسام... بنيتي راح تسجل بالمدرسـة
ام حسام... السنين ترڪض رڪض هذاك اليوم جنت فرحانة نفس فرحتك من سجلتك
نجــلاء... ڪُلها من عمرنة عمة
باوعت البابا بأعجاب مثل اي بنية معجبة بأبوها وحابتة والامان يمة ما ينوصف
تـــــاج ... زين بابا من اروح للمدرسة اليا صف؟
ضحك وعاف اكلة شالني وخلاني بحضنة وحجة
حسام... من تصعدين درج اول شي بشنو تبدين؟
تـــــاج... بــأول بايـــة
حسام...ومدرستج نفس الشي تبدين بالصف الاول و وراها تصعدين باية باية وتوصليـن الاخر بايـة يعني وصلتـي المستقبلج الحلمج انتِ
تـــــاج... زين بابا واذا عثرت بفد باية؟
ضحك وباس اخدي
حسام.... من تعثرين بباية راح ترجعين توڪفين على حيلج بس ما راح تبطلين وتيأسين راح تتعلمين من عثرتج الاولى وما ترجعين لنقطة الصفر
رجعت الواقعي المُـر
السيارة عطلت من الطسات والضربات الي تعرضنة الة نزلنة من السيارة وكعدنة على الرصيف الشمس دكت بعيونة
روحنه راحت وسنحنه من الهبطة والخوف والحر ما احس الة احد يتمدد على رجلي باوعتلها شُـذير مخلية راسها على رجلي وجسمها على الرصيف
بلا هسه احنه شنو ذنبنة بهذلونة وياهم
حسيت تعبت وما ڪدرت اقاوم باد جسمي وغمضت عيوني ونمت
فزيت على صوت هوسة وڪلام مو واضح فتحت عيوني بصعوبة ما اشوف شي بوضوح وراسي من الالم ما اڪدر اشيلة نزلن ادموعي على حالي نايمة على الرصيف وشُـذير على رجلية كوة عنت روحي وكمت جسمي كُلة يون
الدنيا بدت اتضلم واحنه بعدنة هنا باوعت لقاسم جاي يحجي وية واحد شايفتة بالمنطقة وابتهال وياهم هاي القائدة مالتهم مايمشون اذا مو هيَ عبالك سايق العربانة الي بمنطقتنة ما تمشي عربانتة الة الحمار يجرها
دارت علينة تريد اتصيح النة شافتني كاعدة اشرتلي حته اڪوم هزيت راسي وڪعدت شُـذير
فزت من نومتها تفرك بعيونها جريتها من ايدها وكمت
صعدنة بسيارة غير عن سيارة قاسم وهذا الي اجو صاعد كدام وقاسم يمه واحنه ورة حركها ومشة
شُـذير... اج هميه
تـــــاج... منين اجيبلج اكلج
سڪتت ما حجت اﻧڪسر خاطري عليها بس ما بأيدي شي حاولت الهيها حته تنسة الجوع بس ضلت كلساع تڪُلي.. هميه اريد.. مشة مسافة طويلة ڪُلش الحد ما دخلنة بمنطقة بين البساتين والبيوت ڪُلها تعبانة وكفنة ڪدام بيت صغير نزلنة وراح قاسم فتح الباب دخلنة بي واني وشُـذير من التعب ما صدكنة نلكة مڪان رجعنة نمنة وشُـذير حته الجوع نستة
ضلينة هنا ايام من خلال كلامهم عرفت ما نڪدر انروح الهذاك البيت خاف يطلعون مراقبينة
وبيوم اجه قاسم وڪال لأبتهال
قاسم.... راح نرجع
ابتهال.. متأكد؟
هز راسة من غير ڪلام رجعنة لبيتنة وثاني يوم رجعو لشغلهم ولدك والرڪص والسالفة مالت المـدرسة ما نسوها
بالليل صار هدوء من غير المعتاد الغرفة ضلمة وضوة خفيف عابر من الشباك ڪاعدة على فراشي وصافنة بالفراغ
انفتح الباب رأستاً باوعت بأتجاها دخلو ابتهال وقاسم
كعدو ڪبالي والنضرات بيناتهم تتنقل ڪأنما واحد يڪول للثاني اضحك عليها بڪم ڪلمة
وهذا الي صار فعلاً دخلت نفسي بدوامة ما ممڪن اطلع منها بسبب كم ڪلمة اغراء منهم وكلام نفاق وڪذب عن حالي وعلى اساس يتحسن للافضل بس الي صار؟؟
وصخت نفسي لأبعد حد ودخلت شغلهم بقبول مني وبحماس
قاسم... خلي ايدج بأيدنة وما تخسرين صدڪي
بلعت ريڪي ونضري، يتنقل عليهم بخوف
تـــــاج.... اخاف
ابتهال... منين؟ هوَ ضرف اخلي بجنطتج مالت المـدرسة تسلمينة وينطونج ابدالة ضرف توصلينة النة
تـــــاج... ومحد يعرف؟
قاسم.... لا لا عليّ خليها ما راح تتندمين
ابتهال.. اوعدج حالج يتغير بس بشرط
تـــــاج... شنو هوَ؟
ابتهال... ما تفڪرين ولو لمجرد فڪرة تخونينة ترا ننزلج جوة ويم الاسوء منة
ضحكت بأستهزاء
تـــــاج.... عساس شلونة حالي؟
قاسم.... المفروض تتشڪرينة لو ما احنه هسه حالج حال البنات الاجيتي وياهن
تـــــاج.... ليش شبيهن؟
ابتهال... ما تدرين؟
هزيت راسي بلا
ابتهال...مجموعة منهن بملاهي بغداد واربيل ومجموعة بالشارع تبيع وتجدي واكو بيهن بعنة اعضائهن وتعرفين الباقي وين؟....... لميت شفتي للداخل ومنتضرتها تڪمل..... الباقي اخذوهن السوريا يشتغلن هناك ونصهن ماعبرن اغتصبوهن على الحدود وڪتلوهن
ڪلامها ضل يرن براسـي وڪُل حرف منة ما انساه خفت اڪثر من سولفتلي
انتبهت الهم على شفايفهم شبه ابتسامة زادت من شافو علامات الخوف على وجهـي
قاسم... اذا ما قبلتـي انرجعج للباشا وشُـذير انربيها عدنة على ما تصير بعمرج اعلمها على شغلنة ولا تنسين هيَ تتعود علينة وتعتبرنة اهلها
تـــــاج... لا تجذب
قاسم... لا تصڪدين طبج مرض بس اتأڪدي انتِ الخسرانة ولا تكعدين تتأملين اطلعين منا اذا مو احنه بذاتنة انطلعج من هذا البيت مستحيل اطلعين وحدج لو ترحين السابع كاع نلڪاج
حجاها واشر لأبتهال حته تڪوم ڪامو من يمي وطلعو برة ضل ڪلامهم يتردد ببالي هسه اني ليش ما اقبل؟
هوَ ضرف اسلمة الواحد وينطني ابدالة ضرف اوصلة الهم وفضت راحت هم داخلة مدرسة وهم بلڪي يلتهون عني
ولو راد يصير شي اسوء من هذا شيريد يصير؟
ڪمت من مڪاني بسرعة وطلعت برة دكيت باب غرفتها لأكثر من مرة ما طلعت
رجعت دڪيتة وكلت هايه اخر مرة فتحتة ملابسها مخربطة وشعرها هم استغربت حالتها شبيها هيج اتجاهلتها وحجيت
تـــــاج.... قابلــة
ابتهال... يصير خير باجر اخذج اسجلج. ويجوز يطلبون تلقيح
حجتها وسدت الباب بوجهي لثاني يوم رحنة من الصبح للمدرسة
جان اكو سرة ووحدة ورة الثانية تدخل تسجل وصل السرة النة دخلنة للغرفة مالت المديرة سلمتها ابتهال فايلي باوعت بي وصفنت هواي على الجنسية حجت موجهه الڪلام الي
.... شنو اسمها الحلوة
جاوبتها بثقة
تـــــاج..... تــــــاج حسام
صفنت على الفايل وباوعت الابتهال
.. شنو تــــــاج حسام بالجنسية تــــــاج قاسم؟
فتحت عيوني بصدمة وباوعت الابتهال ما ڪدرت احجي شي بلعتها وسڪتت ضلت ابتهال تحجي وياها وعلى اساس طفلة وما اعرف سكتت المديرة وعبرتها
... حسب المواليد عمر الحلوة صار 9 سنوات يعني فايتتها سنتين
ابتهال.... اي صحيح لأن صارت عدنة ضروف ماڪدرنة انسجلها
...
حولتنة على تلقيح لقحتني ورجعنة للبيت دمي فاير والصخونة كضتني من الم الابرة والحركة الصارت بروحي اسم ابوية وينة؟؟
ليش حته الاسم سحبو مني؟
حرام علية حته اشيل اسم ابوي؟
كضيتة اليوم ڪُلة ابجي وروحي رايحة
ولا زالت الحڪاية مستمرة
الى هنا زهراتـي وانتهت العثࢪة الثالثة ننتظر دعمكم للوراية بڪُل حب
تصبحون على خير زهراتي 🤎