بسم الله الرحمن الرحيم
قبل البدء طيبوا اهواهئكم بالصلاه على محمد وعلى آله الطيبين الطاهرين وعجل لوليه الفرج.
الحمد الله
سبحان الله
استغفر الله
الله اكبر
💕💕💕💕💕💕💕💕💕💕💕💕💕💕
بين فنايا الظلمات
انستازيا العراقيه
الباࢪت : 24
༺ཌ༈༈ད༻
:انتَ روحي وياهوه ينسى روحه
انتَ سري وشلون للعالم ابوحَه.
~~~~~~~~~~~~~~~~~~~~~
هاجࢪ
هاجر: افف ساره الا تتنسين علينا طلعتي امين يجيبلج تالي وگت زقنبوت العصر اشترينا حلويات هسه تذكرتي الجزريه الزهر ببطنج؟؟؟!!!.
ساره : نجبي بليززز اشتهيت جزريه شسوي ابطل.
هاجر: نوب عافنا هنا وراح.
ساره : هسه يجي.
هاجر: ان شاء الله.
هاجر: تأخر هذا.
ساره: صبررر صبررر .
انتظرنا شويه وهوه ماكو شويه وشفنا من بعيد كلش ناس متجمهره على شىء ماعرفنا بس كلت خل اروح اشوف شكو ماعرف احس واحد ويكلي روحي بالگوه قنعت ساره رحنا من بعيد سياره طابگه وواگف بصفها واحد يلطم على وجهاا والناس تعيط تگول ليش دعمته و شلون ندعم؟؟؟ هذا اهله منو؟؟؟ من وين؟؟
اقتربت واذا هذا امين مرتمي بالگاع وغارگ بدمه يماا اخوي الغالي ابو الوجه الحلو فاطس بدمه.
بقيت اصرخ واون شاله واحد خلاه بسيارته ورحت وياه انه وساره نأخذه للمستشفى نتلاحگ عليه راسه ما يوكف نزيف احاجيه مايرد ساره بالصدر وانه بالوره گاعده وامين متمدد بحضني..
هاجر: ولك خويه حاجيني لا تروح خليك ويانا خويه كومه ليش هيج مدمي وباجر عرسك.
ساره: كله مني كله مني الله ياخذني كون اكل سم الحسن اخوي راح يروح بسبييي انه طرگاعه بلاء عرمه كون ميته من الجوع وما مشتهيه هالجزريه.
هاجر:اشش ساره اشش مايروح اخوي سبع قوي شويه دمايات طاحن منه عمليه بسيطه ويرجع حديد.
ساره: اوففف بجاهك بالحسين انقذ اخوي فدوه اخذ روحي ولا تأخذ روحه.
هاجر: محد راح تروح روحه شبيج مفاوله عليه.
بقيت ادعي وانخه وابجي بس كون اخوي ما يصير بيه شي..
وصلنا للمستشفى اجه الرجال شال امين ودخله للمستشفى جوه وهناك اخذوه الأطباء والممرضين خلوه على سديه وبقوا يفحصون بيه...
ناسيه نفسي وناسيه الدنيا كلها بالي كله يم اخوي بحيث كاعده وافكر واهزز رجليه قلقه.
حسيت احد لمس متني كمزت من مكاني خايفه، جانت مره متوسطه العمر وجهاا يخبل رحماني.
_سمله الرحمان يماا.
هاجر: شرايده؟؟؟
_سلامتج بس جهازج يرن صارله وقت وانتي ماحاسه عليه شوفي.
من گد التوتر و التفكير حتى صوت رنه مبايلي ما سمعتها.
شلته اتصالات هواي من العائله كلها جان عبود ردت ارد بس قطت اتصاله بسرعه اتصل محمد شلته رديت اجاني صوته معصب متنرفز قلق ضايج.
محمد : الوو هاجر هاي وينكم.
هاجر: الو
محمد: تلفون ساره وامين مغلق وانتي نتصل عليج وماتجاوبين.
هاجر: الحگنا
محمد: خيࢪ!!!؟؟
بقيت ساكته بس ابجي اريد احجي بس مااعرف اجمع الكلمات.
محمد : هاجر شبيج خويه احجي.
هاجر: امين سوه حادث
محمد: وين؟؟
ابجي بقهر مااكدر اتكلم.
محمد: هاجر تكلمي احجي فدوه لتسكتين.
هاجر: راح اخويه راح.
محمد: كليلي وين انتو خاطر اجيكم.
هاجر: ااااااااا ءءءء.
محمد: انطي الجهاز لاحد بصفج.
شفت المره واگف يمي انطيتها التلفون بقت تتكلم ويه محمد وانطته الموقع واسم المستشفى والتفاصيل.
خلت الجهاز بحضني وراح جابت بطلين مي وعصير اليه ولساره ماگدرت اشرب مخنوگه بالگوه شربتني هيه مي.
نص ساعه وشفت اهلي يتراكضون بالمستشفى جايين بملابس البيت امي وجها مخطوف صايرر اصفر، حسين مشدوه حتى لابس قميصه بالمگلوب و علي وياه متوتر و محمد مثل الطير المذبوح يرفرف.
بدريه: ولج هاجر اخوج ويننه.
هاجر: دخلوه لغرفة العمليات.
حسين: شصار شطلعكم تالي الليل
ساره: انه السب...
بعدها ما كملت كلامها طفرت وكلت امين طلع مخنوگ راد يشم هواء ويزور وطلعنا وياه لان لو امي عرفت طلع خاطر ساره تذبحهاا تطيح حظها و ساره ما ناقصها نفسيتها تعبانه وخايفه وادري بيها نيتها طيبه ما ردت تتضايق او تسمع كلمه مو حلوه من امي..
راح علي يحاجي الاطباء بس ماكو محد ينطينا كلام يبرد الگلب والممرضات ما يحجن شى.
ابجي مخنوگه كلنا متوتريين طلعت امي و ساره راحن يدعن عد الامام هنه و حسين ومحمد راحوا وياهن.
واحنا انه و علي بقينا خاف يصير شى.
هلال حرگت جهازي حرگ متت انه منا خايفه وميته وهاي تخابر..
ارفض بوجها بس ما توقف تخابر وتخابر تخبلت انه اعصابي تلفانه من القلق صارلي كم ساعه شايفه الويل.
كضيت الجهاز ورگعته بالحايط صار طشار.
علي: اعصابج هاجرر.
هاجر: خويه بس كلي يا اعصابي شتخربط انته رحمه لروح موتاك.
علي: لا تخافين امين سبع ما يصير بيه شىء.
هاجر: ادري ادري.
حاضنه راسي بأديه وابجي قلقه، علي يروح ويجي على طول الصاله والسبحه تلعب بأيده وصوت طوباياتها ينضربن وحده بالثانيه.
شويه وطلع طبيب كمزنا عليه انه وعلي نشوفه شيكول.
علي: بشر دكتور.
الدكتور:وضعه حرج كونوا مستعدين لكل شىء....
هاجر: يما صخام الصخمني عزه بعيني راح اخوي يمااا رلح حزام ظهري الله اكبر ليش ربي راح زينه الشباب.
علي: اشش هاجر فال الله ولا فالج.
شويه واجوا اهلي كلهم ما گتلهم شى لا يقلوقون، امي تخربطت سكرها صعد كلش علگ و ساره مغمى عليها ومشكليلها كانون ومغذيي.
صار الفجر وهمه لا حس ولا خبر واحنا بنارنا ننشتعل.
اجه ابويه و فؤاد و بعض اقاربنا واهلنا والمستشفى قبط حتى هلال اجت هيه وابوها.
طلعت بره اجيبلي چاي من الجنبر البره جان محمد گاعد هناك قريب عليه ويسحك بالجكاير يشرب وحده وره الثانيه وعيونه صايرات صفر شويه ويطلعن من مكانهن.
من شافني بقى يباوعلي استغربت من تصرفه رحت اخذتلي چاي ورحت قريب يمه وحجيت وياه.
محمد: اكو اي تطور؟؟؟
هزيت راسي نافيه.
هاجر: شبيك تأكلني اكل بنظراتك.
محمد: ليش طالعه وحدج هنا دنيا فجر وكلها زلم غربه ما تعرفين زينهم من شينهم؟؟؟
هاجر: مارحت للطوايل هوه بصف الباب جبتلي چاي.
محمد: اذا ردتي شى كليلنا ما شاء الله تارسيين المستشفى لطلعين وحدج بعد وهذا وقت حرج.
هاجر : حضرتك دتحاسبني؟؟
محمد : لا مجࢪد كلام احاجيج.
هاجر: شكرا بس انه مااحجي ويه غرباء.
محمد : اني غࢪيب!!؟؟
هاجر: تريد الصراحه اي انتَ غريب عليه صح صديق اخواني بس ما تقربلي بأي صله.
بقى يضحك يكركر.
محمد: ههه هاجر انتِ كبرتي بين اديه.
هاجر: كااافيي تستضغرني محمد.
شفت سياه مصطفى جايه ابتسمت لجيته ووگفته ويانا.
درت وجهي سمعت محمد يگول.
محمد: صح اني غࢪيب وغيري قࢪيب..
تجاهلته ورحت شفت مصطفى طبگ سيارته ونزل منها مسرع.
بس شفته رحت ركض حضنته وبقيت ابجي على صدره.
هاجر: مصطفى اخويه بالعمليات.
مصطفى: يا عيني عليج وعلى اخوج يا روحي.
ه
اجر: وضعه خطر حرج كلش.
مصطفى: امين سبع ما يوگع.
هاجر: ان شاء الله يرجعلنا.
مصطفى: ان شاء الله.
لزم ايدي وبقى يهديني ودخلنا سويه للمستشفى...
شفت امي تلطم وطايحه بالگاع الحجاب نازل ملعوب بيه لعب ومسحوله روحها بالگاع وتصرخ وتنعيي.
نقبض قلبي من شفتهم هيج.
رحت لابوي اريد احاجيه اشوفه ما يجاوب يتنفس بسرعه وبالگوه ويرجف وجها ازرگ بساعتها وگع واغمى عليه.
اجوا علي و عبد الله شالوا اجه طبيب يفحصه.
المكان مهزوز ناس تتراكض وكلمن وجها مصوفره خاليه من الحياه هوسه مو طبيعيه محد يفتهم من الثاني شكو وشصايرر.
꧁꧁꧁꧁꧁꧁꧂꧂꧂꧂
في مكان اخࢪ........
نرجس: ما خلص حدادها رحمله للحسين.
شيماء: يما ابنها ميت خطيه.
نرجس: ابن زنا المن يعيش؟؟
لؤلؤه: اشس نرجس ييقى اخوج.
نرجس: اخ من سمࢪ مااريد.
لؤلؤه: هيه راح تبقى متزوجه حسين لو راح يطلگها بأعتبار ابنها ماتت؟.
هيفاء: ياريت يطلگها الترضى تدخل علاقه محرمه ويه رجال اكبر من ابوها ونوب تفتخر بهذا الشى كل شى اتوقع تسويي ما اتأمن بيها ولا ثقه.
شيماء: هسه لو متزوج وحده بيها خير بيها باب وجواب مو وحده مااكدر ازوجها لابنه اكول زغيره.
نرجس: اي والله ماما فشله زوجه ابويه اصغر مني بسنين.
لؤلؤه: silence حبابات لا تسمع وتگعد.
هيفاء: بعد يومين على عرس امين و هلال شراح تلبسن بنات.
لؤلؤه: اني وصيت خالد صمملي فستان بلندن من يجي يجيبه وياه.
نرجس: عاد اذا اجه خالد.
هيفاء: عيب ولج عمج هذا كولي عمو خالد.
لؤلؤه: لا هوه گال يجي مامعقوله يعوف اخوه بعرسه.
شيماء: اخخ اجه عرس امين.
هيفاء: اعع الگاع ماواسعتني من الفرحه.
شيماء: شحلاته ازفه بأديه لعروسته بعد خالته هوه.
نرجس: شنو بعد خالته ماما؟؟
شيماء: ياا اني ما مسولفتلج؟؟
نرجس: لا ماما.
هيفاء: يوهه راح تعيد نفس السالفه.
شيماء: هاي مو من تزوجت ابوج هذول بوقتها جان عمج امين صغير كلش اصغر مني بـ ٨ سنوات واني زوجه اخوه فمن باب الاحترام يصيحلي جان خاله ولزك بيها بس من كبر شويه وشب بقى يصيحلي خويه لو خيه او ام عبود بس مرات هم يشاقيني يصيحلي خاله.
هيفاء: فداوي لخوي السبع.
شيماء: الله يحفظه شكد جان محترم و مؤدب حباب والله ما شفت من بس الخير وهاي اني وياه عشره 27 سنه...
لؤلؤه: والله هواي ما شاء الله امين بأعتبار ربه بين اديج.
شيماء: احبه والله حنين وحباب مشاعري تجاه مختلطه احسه كأنما ابني ومرات احسه كأنما صديقي او اخوي او حماي هسه اذا خلف الا اخلي جهاله يصيحولي بيبي لان احسه مرات هواي ابني.
نرجس: بس ماما مابينكم فرق هواي مجرد ٨ سنوات.
شيماء: مو بالبدايه جان عبالي ابن زوجي اول كم يومي اصيحله يما ويا يماا.
هيفاء: هههه اتذكر ولج جننا انه و شيخه الله يرحمها نخرب ضحك عليج.
شيماء: ها ولج جنتي تضحكين عليه؟؟؟
هيفاء : لا والله جانت شيخه دووم تحشش عليج.
شيماء: الله يرحمها.
سمر: اخخخ تضحكن وتسولفن واني قبل شهر دافنه ابني بالتراب بالگبورر.
نرجس: يوم التلحگينه.
سمر: ولج بت المعيديه.
شيماء: سمر اصعدي لغرفتج لا والقرءان اجيج اموعج بين رجليه ومحد موجود يحاميلج.
سمر: ربي اني مظلللوووومههه..
هيفاء: من وره افعالج.
سمر من جابت جانت حاله الطفل الصحيه تعبانه فكم يوم والطفل توفى بس هيه ماكالت قضاء و قدر لا ابد لزگت شيماء وراه ابني اتوفى انتقل والله شبماء قاتلته.
ساعه تكول سحر لو حسد وهوه الطفل تعبان مريض مالها علاقه...
وهيه خايفه خاف حسين يطلگها لان هوه تزوجها لان جانت حامل. وهسه الطفل توفى وخايفه لا يرجعها لهلها لان محد راضي على زواجهم لا بدريه ولا محسن......
꧁꧁꧁꧂꧁꧂꧁꧂꧂
هلال
نغلق الخط بوجهي اخير شى سمعت صوت صريخ هاجر بقيت اتصل عليها على اهلها الكل يرفض ويسده بوجهي محد يرد عليه واني گلبي راح يطگ من الخوف..
بقيت كاعده بغرفتي بالساعه تقريباً گلبي راد يطلع من مكانه ومحد بيهم يحس بيه ويفتهم.....
اكلب بالارقام بالجهاز اتصل عليهم محد يرد اجه بعيني رقم خالد اخو امين العايش بأبريطانيا
كلت اكيد هوه جايي علمود عرس اخوه او على الاقل عنده علم او شىء اتصلت وبسرعه جاوب.
خالد:??? hi
هلال : مرحبا.
خالد: منو حضرتج؟؟
هلال: هلال.
خالد: منو هلال؟؟
هلال: خطيبه اخوك.
خالد: شرايده؟
هلال: تدري بالصار خويه؟
خالد: شنو الصار؟
ابجي واني احجي مقهوره رديت عليه
هلال: اخوك امين بكربلاء هسه وسوه حادث
خالد: شتحجين انتي؟؟؟
هلال: اي والله
خالد: زين هووه؟؟
هلال: مااعرف مااعرف اخابر اهلك محد يرد
خالد: هلال مجاي تتشاقين مو.
هلال: ياريت لو اتشاقى.
خالد: جايي للعراق اني.
..............................
ماكو مااتحمل بعد رحت للغرفه ابويه وفاطمه دفرت الباب ودخلت بسرعه اصيح متوتره خايفه
عادل: شبيج هلال وحريشي.
هلال: بابا فدوه الحگلي الله يخليك.
عادل: وسمم شبيج؟؟
هلال: بابا امين سوه حادث.
بس سمعني انتفض من السرير بقى يكمزز يمنا ويسره
فاطمه: شنوو؟؟
هلال: اي والله جنا نتخابر وفجاه ندعم وبقى يونن والناس تتصايح وخواته يصيحن وينعن.
عادل: بس لا مات؟؟؟؟
هلال: اشششش لتفاولل عليه.
فاطمه: خابريهم اطمائني.
هلال: حقراء حاگيني محد منهم يجاوبني.
عادل: خليج هنا خل يجينا خبر منهم ونتصرف.
هلال: مااكدر والله وديني لكربلاء هسه تأخذني.
عادل: وين اخذج صدك جذب تحجين
هلال: واخو زينب اذا ماتأخذني البس عبايتي واروح للكراج اركب سياره واروح لكربلاء.
عادل: ولج نص الليل خبله انتي؟؟؟
هلال: معليه.
عادل: الله اكبررر مااخلص اني من هلال وطلايبها.
كام وهو يفشر ويسب لبس دشداشته، رحت اني لبست عبايتي اخذت بس تلفوني ركبنا السياره سويه بسرعه الطريق شطوله وشيخلصه عليه بس ابجي واون.
عادل: بويه مسحي دموعج هاج كلينكس.
هلال: بابا خايفه.
عادل: بويه ندعم ماراح لحرب فدوه لربج.
.........
وصلنا وره كم ساعه طريق لكربلاء دخلنا المدخل ازدحام صايره لخه للروس بالگوه دخلنا خابر ابويه على ابو امين ودزله عنوان المستشفى....
وصلت بوقت متأخر حيل دخلت جان بغرفه والغرفه بيها زجاج فتعكس المنظر البداخلها اشوفه نايم على السرير وراسه ملفوف بشاش هواي ومدمي عمت عيني عليك خيوط على صدره واجهزه محاوطته كلبي نفطر ابجي وماكو ادعي مقهوره عليه....
كوم حبيبي كوم اذا مو انت منو اليه والله تعبت كوم ياروحي حسسني بوجودك ميلوگلگ المرض يابعد حيلي انت كومي لا تخلسني بيك..
عيوني ما شافت النوم ليلتها كاعده بصاله المستشفى و كل العائله هنا كلهم على اعصابهم متحملين الكل خايف وقلق وزاد خوفي وارهاقي كلام الاطباء عود حالته حرجه وبينه وبين الموت شعره مااكدر اوصف مشاعري.
مجرد التفكير بالموضوع مرهق مهلك.
بين الدنيا ظلمه و مظويه بوقت الشروق طلبت من ابوي يأخذني للامام ازور..
عادل: شوفي وحده من حمواتج تجي وياج
هلال: مساع راحن زارن
عادل: شايفه شكلج خاف تطيحين هناك منو الج
هلال: اني يم ابا عبد الله سلام الله عليه مايصيبني شࢪ.
عادل: لاتخافين بابا مايصير بيه شى.
هلال: بابا والله خايفه احس اريد اموتت ولا اعيش لحظه بعد.
اخذني لحضنه يحصني ويهدءا بيه.
عادل: لتخافين بابا والله مايصير شى.
هلال: بابا اني فگر؟
عادل: ليش بابا؟
هلال: من دون الايام كلها خطيبي يسوي حادث وحالته حرجه بيوم عرسيي؟؟؟
عادل: بعد اراده ربج.
اخذني رحنا للصحن الامام العباس عليه السلام زرت كملت وطلعت رحت ازور الامام الحسين عليه السلام
لازمه الشباج وادعي وانخاه بتوسل وقهرر.
هلال:: بجاهك بالحسين بحقك وبحق ضلع امك وچفوف اخوك احلفك بجدك وابوك رجعلياه سالم مااريد غيره شى من هاي الدنيا فدوه لا تفجعني بيه انخاك اجتك وكلي امل بيك فدوه يا حسين يا حسيننننن لا تتلوع روحي، كلبي مجمر ومليان لا تزيدني قهر فوگ قهرر فدوه اروحلك بجاهك يا سيدي اخذ من عمري وانطيه لا تأخذه والله اموت بدونه ماعندي غيره وحيدي وسندي هوه بهاي الدنيا اذا يروح منو يحبني ويسندني ويوگف وياي...
هلال: فدوه يا ابن امير المؤمنين اوگفله وطلعه من شدته البيها هوه رجعله اليه فدوه كلي امل بيك يا ابا عبد الله احلفك بأهل بيتك لا تخليه يعوفني..
ابجي وامسح دموعي زرت وكملت رحت طلعت للصحن الامام اخذتلي قرءان اقره وابجي بحيث الصفحه نترست دموعع...
عيوني تغوش وبين كلمه وكلمه اشهگ واغص القرءان تبلل من الدموع شفت مره تحاجيني بصفي كاعده وشحلاتها من مره جبيره بالعمر مبينه بت حلال ومن اهل الله.
المره: خير يما شبيج؟؟
هلال: خاله خايفه لا يموووت
_مايموت لا تخافين عايش.
هلال: شمدريج؟.
_ مادام انتي تحبينه هيج مستحيل يموت حتى لو راح ومات وما تشوفينه يبقى عايش بگلبج.
هلال : اريد اشوفه بگلبي و بعيني.
_ لا تخافين مايصير الا الكاتبه ربج ولا عتب على قرار ربج.
هلال : ونعم بالله.
بقت تحجي وتسولفلي حتى غفيت بحضنها صحيت من رادت تروح ابتسمتلي وانطتني كاسه مي وسمت عليه.
جانت تكوم بالگوه سانده طولها خطيه رجليها وجعنها لان نمت بحضنها.
هلال: تعبتج خاله
_لا يمه.
هلال: شكد نمت؟؟
_ساعتين ونص
كمت مخروعه عود اتفقت ويه بابا نص ساعه ازور واطلع بقيت اكمز بالكوه طلعت شفته واكف معصب متنرفز يغلط ويفشر ووجها احمرر صاير وراسه ميبس واعصابه صايره بارودد.
رحنا للمستشفى وصلت المستشفى كايم كاعد صايرر خبصه هيه كلمتين سمعتهن عبدالله وبعدهن اغمى عليه گباله وطحت.
عبد الله: البقيه بحياتج هلال..
꧁꧁꧁꧁ʚɞ꧂꧂꧂
خالد
توجهت لليفربول اخذت ترانزيت بالگوه لكيت رحلات طلعت من بريطانيا وصلت العراق الظهر تقريبا ثاني يوم تقريبا يوم كامل راح عليه سفر بالمطارات بالي مو ويايه كله ويه امين دايخ وخايف اتصل محد يرد من نزلت ترانزيت شفتهم مخابرين علي وابوي و امي رجعت اخابر محد يرد.
اتصلت على هلال تلفونها مغلق مترد...
خايفه قلق على اخوي شكد ما اوصفه شكد مااحجي عنه ميكفي اعز انسان عندي بالدنيا اكثرمن امي وابوي عندي ماتنوصف معزته ولاغلاته عندي وما يكفي الكلام.
وصلت للعراق اخذتلي تكسي وتوجهت لكربلاء متوتر وصابر احر من الجمر اتصل على هاجر تكلي تجي وتعرف خبلتني ردت اجلط...
وصلت للمستشفى محد من اهلي موجود واعرفه سالت وماكو..
خابرت على عبد الله اجاني ماقبل يحجي بالتلفون عرفتها فاجعه واكيد شى جبير مو هين لحظات طلع من وحده من الغرف صاحني يحجي وياي.
خالد: لك عبدالله كلب ابن ثمانين الف كلب شبيك احاجيك ماترد تلعب بأعصابي انت؟؟؟
عبدالله: الحمد الله على سلامتك عمو.
خالد: امين ويننننن جاووووويببب.
عبدالله: توفى.
خالد: شنووو؟؟؟؟
فقدت اسمعه يحجي واني ميت ارعش الدم وصل لراسي رفعته من الگاع شايله من خناگياته واعيط بوجهاا.
خالد: شتحجي ولك ابن الكلب حقيرر اخوي ما يموت اخوي مايعوفني ولك اليوم عرسه شتحجي انته..
عبدالله: نزفه للنجف يا عمو.
خالد: انت شبيكك بابا ماتفهممم اخوي مايصير بيه شى.
معصب ضربت بوكس ماحاس على نفسي فاقد كل احساسي شديحجي هذا..
ماهداءت الا من شفت ابوي وطلع الكلام صحيح امين توفى راح حزام ظهري توفى يم ابا عبد الله راح العريس مات بيوم عرسه من دون الايام....
&&&&&&&&&&&&&&&&&&&&&&&&
ذهب ولم يعد
ولعل بعد الفراق لقاء...
اعاتبك فيهِ عما تركت فيي..
من اوجاع وذكريات وألام
سقام داءً ليس له دواء...
لعل بلقاء الحبيب
تعود الحياه والبهاء...
العُمر بدونك ينعاب
والاسئ بغيابك يجتاح..
الشجن ينتابني عند الاشتياق
احُبك وبحبك يجتاحني السرور
وعند لقياك تمضى الهموم...
انستازيا العراقيه
✿✿✿✿✿✿✿✿✿✿✿✿✿✿
شنو رائيكم؟؟؟
شنو التوقعات؟؟؟
لاتنسون التصويت....
احبكم حبچبچياتي 😍