طاحت هيام بالغرفه واجهشت بالبكاء لان هي ماتبي تتزوجه وبنفس الوقت هي تبي اخوها وماهي عارفه ايْ اختيار هو الانسب لها!!
قامت وانسدحت على السرير بأمل انها تنام شوي وتريح نفسها من التفكير الزايد
<<صباح يوم جديد>>
قامت وهي تحس بألم بكل مفاصلها بسبب نومتها الغلط التفتت والا تلقى لورين وملاك نايمين بالأرض جنبها
قامت وهي تروح لدورة المياه لأجل تغسل ولازم تفكر كويس عساس تقرر القرار اللي بيغير مجرى حياتها
<<بالأسفل>>
وليد: صباح الورد يا افضل ام بالحياه
ام سعود: صباح النور، كم تبي ؟
وليد بضحكه: ياعيني على اللي فاهمني، ٢٠٠ ريال
ام سعود: وشوله ؟
وليد: بطلع مع اخوياي، تكفين يمه
ام سعود: تمام بشوف ابوك
وليد وهو يحب راسها: يخلينا لك يا اغلى ام
ام سعود بضحكه: ويخليك لنا يارب، رح ناد اخوانك للفطور
سعود وهو ينزل: انا جيت
وليد: حسافه كنت بطفشه
ام سعود بمزح: نذل
وليد: طالع عليك
ام سعود: لا والله ؟
وليد: وش بعد ؟ انا مو ولدك ؟ اكيد صفاتي بتطلع وراثيه
سعود: لا ياغبي فيه صفات تكتسب مثل غبائك وقلة ادبك
وليد وهو يجلس على طاولة الطعام: اص ولايكثر
سعود وهو يلف على امه: ماقلت لك فيه قلة ادب ؟
هيثم وهو ينزل من الدرج: شسالفه ؟
ام سعود: لا تشغل بالك سواليف اطفال اجلس افطر
سعود بتمثيل للزعل:وليد اتفق معاك طفل بس انا مو طفل !!
وليد: وانتوا وشبكم من اليوم مؤامرات علي ؟؟
هيثم وهو يجلس بجنبه: معليك يارجال تصير، بس لازم تتقبل الواقع
وليد: ما امداني اتفائل انك بتوقف معي
ابو سعود وهو يقاطع حديثهم: اتركوا عنكم هالسواليف وافطروا
نزلت لورين وهي تصبح عليهم وتجلس بجانب سعود
ام سعود: وين هيام وملاك ؟
لورين: مايبون يفطرون
ام سعود: كيف مايبون يفطرون ؟ الا لازم يفطرون قومي ناديهم
لورين: يمه حاولت فيهم هم مايبون وش اسوي فيهم
هيام: سمعت صوتك ياخاله هذا انا نازله
ملاك: انا اللي اجبرتها والا هي كانت بتنام بالحمام
هيام وهي تضرب كتف ملاك لأن كل الموجودين ضحكوا عليها
ام سعود: اجلسوا افطروا
جلست هيام بجانب لورين وملاك بجانب هيام وكانت هيام مقابل هيثم
هيام بهمس:ملاك شرايك نتبادل الاماكن ؟
ملاك بنفس الهمس:ضحكتيني الصراحه دزيها تبيني اتورط ؟
وليد: وش تتهامسون عنه انتم ؟
هيام: ولا شيء
ام سعود: شفيك يا ابو سعود ؟ متضايق ؟
ابو سعود: لا ولا شيء شوية ضغوطات عمل
هيثم وهو يناظر هيام: طيب واذا قلت ان عندي مفاجأه لكم بكرا ؟
ابو سعود: ما شاء الله وش هالمفاجأه ؟
هيثم: تشوفونها بكرا
ام سعود: وش يصبرنا لـ بكرا ؟
هيثم وهو يشيل عيونه من على هيام ويوجها لأمه: الصبر مفتاح الفرج يا ام سعود
هيام بتوتر وهي تقوم: الحمدلله شبعت
ام سعود: وين ؟ ماكلتي شيء
هيام: الا اكلت، انا استأذنكم
ابتسم هيثم بسخريه كونه يعرف سبب حركتها
<<بالأعلى>>
راحت لغرفة لورين وسكرت الباب وبدأت تبكي على الارض، ماتدري هي توافق او لا، بالنهايه هيثم مو شخص عادي هو شخص بتتعب معاه كثير، وحركاته معها تنرفزها وهو مو زوجها فما بالك لو تزوجها وصارت تحت كلمته وفي بيت واحد ؟
ولكن سرعان ما وقّفت ومسحت دموعها لان جتها فكره..
<<بالأسفل>>
هيثم وهو يوقّف: شبعت ولله الحمد
ام سعود: على وين ؟
هيثم: بروح للدوام، تاخرت شوي
ام سعود: اتمنى ان مفاجأتك بكرا تكون تركك لهذا الدوام
هيثم وهو يتجه للباب:حتى دوامي ماتبينه ؟ عجيب
<<بالسياره>>
هيثم وهو يرفع جواله من الاتصال اللي جاه: ها يا احمد شصار ؟
احمد: يقولون انه قريب بيصحى
هيثم: زين، واسمع لحد يدري عن هالموضوع ابدا
احمد: ليه ؟
هيثم: بعدين اعلمك بس حاليا لحد يدري
قفّل هيثم الخط واتجه نحو دوامه
<<بيت ابو راشد>>
-غرفة ندى-
ندى: تهقين عرف اني بلكته ؟
جوري: تستهبلين ؟ اكيد انه عرف
ندى: اافف بس
جوري: انا بفهم ليه ماتبينه ؟
ندى: مدري
جوري: طيب ياذكيه الرجال مافيه شيء مدري انتِ ليش ماتبينه! هو فيه عيب او شيء ؟
ندى: لا لا بس ياخي مو متقبله فكرة اني اتزوجه احسه زي اخوي
جوري وهي تقلد كلامها باستهزاء: "احسه زي اخوي" يابنت الحلال ذا ما يتفوت !! سعود رجال عليه العلم وفوق ذا مُز ومعضل و...
ندى وهي تقاطع كلامها: عيب شذا الكلام !!
جوري: ها بدأت الغيره ؟
ندى: يووه سخييفه !! اطلعي برى
جوري: خلاص امزح يانفسيه بس والله انه-وبغمزه- مايتفوت
ندى بحياء وهي تلعب بأظافرها: تهقين كذا ؟
جوري: طبببعاا !! واذا ماقتنعتي هاتيه انا ابيه
ندى وهي تضربها بالمخده بمزح: انقلعي
جوري طيب ماودك نطلع للمول ؟
ندى: والله فكره يلا مشينا
-بعد نصف ساعه-
ندى: يلا خلصييناا
جوري: طيب طيب بس بقت المسكرا
ندى: انا بنتظرك بالسياره
<<بالاسفل>>
نزلت بإتجاه سيارتها ولكن وقّفت من لما شافته
عصام: اهلا اهلا
ندى: شتبي انت ؟
عصام: ابيك
ندى: وععع مقررفف
عصام وهو يقّرب منها:الحين صرت مقرف؟؟ افاا والله
ندى: بعد عني
عصام وهو يمسح على شعرها: واذا مابعدت؟
دفته ندى وبعصبيه: انت ماتفهم؟ د ز ه ا !
عصام: وليش اد.....
عمّ الصمت بينهم لما سمعوا صوت راشد اللي كان يسولف مع سعود وانهم قريبين منهم
عصام: هالمره بروح بس مره ثانيه ماراح اخليك
اتجه عصام لناحية سيارته لكن من سوء حظه ان سعود لمحه انه جاي من البيت وجن جنونه لما لف ولقى ندى واقفه..
راودته افكار لكنه سرعان ما استغفر لانه ما يتوقع ذي الفعايل منها!
لكن اكيد بيفهم منها لما يتقابلون مره ثانيه لحالهم..
راشد: وش موقفك هنا ؟
ندى: انتظر جوري بنطلع
راشد: ابوي يدري؟
ندى: اي اكيد
سعود: عاد انا استأذن
راشد: وين تو الناس اقلط عندنا
سعود: لا مره ثانيه ان شاء الله
<<بيت ابو سعود>>
رجع للبيت ورمى مفاتيحه واغراضه على الطاوله وانسدح على سريره وفتح جواله..
وجن جنونه لما شافها مبلكته وللاسف انه فهمها غلط لانه توه شايف رجال طالع من عندها والان هي مبلكته!
سعود بتهديد: طيب ياندى طيب !
<<غرفة لورين>>
لورين: شفيك انتِ ؟
هيام: شفيني ؟
لورين: تستهبلين ؟ اليوم مافطرتي وفوق هذا علامات البكاء على وجهك !
هيام: انا ابكي ؟ شدراك ؟
لورين: لانك صرتي حلوه والبكاء دايم يحلي الشخص
هيام وهي تضرب كتفها بخفه: انقلعي
لورين: امزح يا عصبيه! بس ترى واضح انك باكيه!
صارحيني شفيك ؟
هيام بكذب:شوي متضايقه من وفاة اهلي
لورين: حبيبتي انتِ ماعليه كلنا ماردنا نموت! حتى انتِ بتموتين
هيام: يعني الحين تهونين علي ؟ دزيها تكفين
لورين وهي تقوم: طيب طيب يازعوله بطلع
<<تسريع للاحداث-الساعه١٢ ليلاً->>
قام غير ملابسه ونزل تحت لسيارته بسرعه وهو معصب!
وبالقوه كان ماسك عصبيته بالفتره اللي راحت!
فتح جواله على اسمها ودق عليها من رقم الدوام
-كونها مبلكته من رقمه الاساسي-
وهذا الرقم اللي المفروض محد يعرفه غيره وغير حقين الشغل
<<بيت ابو راشد>>
فتحت جوالها على اتصال من رقم غريب!
قطعته بالمره الاولى والثانيه ولكن مع تكرار الاتصال ردت عليه: نعم ؟ شتبي ؟ من انت ؟
سعود بعصبيه: اطلعي لي الان !!
ندى بخوف: سـ سـ سعود اسمعني طيب
سعود: الان تطلعين لي يعني الان ! والا والله اني لأجيك داخل وتعرفين اني اسويها !
نزلت ندى واكيد انها مابترفض لانها تعرف انه اذا عصب يسوي اللي بباله!
وكانت تظن ان عصبيته فقط بسبب انها بلكته..
وطبعا هي ما ستنكرت لان تعرف ان سعود انسان عصبي وماخطر ببالها انه لمح عصام كونها تحسب انه راح قبل احط يلمحه!
طلعت برى البيت بعد ما تأكدت ان الكل نايم ومحد شافها..
سكرت الباب بهدوء واتجهت نحو سيارة سعود
<<بالسيارة>>
ركبت السياره وهي ترجف وخصوصا ان انظار سعود عليها من لما ركبت السياره
ندى بتوتر:شسالفه ؟
سعود وهو يحرك السياره:يعني ماتعرفين شسالفه ؟
ندى: وين رايح ؟؟ رجعني للبيت!!
سعود: اشش لا اسمع لك حِس!
ندى بصراخ:سعوودد !!! رجعني !!
سعود ببرود: قصري صوتك
وقف سعود بمكان شبه بعيد عن بيت ندى ولف جسمه ناحيتها
ونطق بحده: عرفت الحين ليه تكرهيني! عشانه ؟ وش زوده عني ؟؟
ندى بتوتر: مين ؟
سعود: لا والله مسويه ماتعرفينه ؟
ندى: ميين ؟؟
سعود: اللي جاك اليوم !
ندى: انت فاهم غلـ...
قاطعها سعود: عشان كذا مبلكتني ؟ ماتبيني ؟ انا مستعد اعطيك الدنيا ومافيها بس لا ترديني ! بس اذا ودك ترديني كان المفروض يصير عندك اسلوب عالأقل وتقولينها بوجهي!! او تدرين ؟ لا تقولينها بوجهي عالأقل ارسلي لي رساله !! بيضرك شيء لو ارسلتي لي رساله ؟؟ بس تدرين عاد؟ محد راح ياخذك غيري وبتشوفين سعود وش راح يسوي
ندى: تستهبل انت ؟ مابيني وبينه ولا شيء
سعود: طيب ليش بلكتيني ؟
اكتفت ندى بالسكوت لأنها منجد ما تدري ليش بلكته، الفكره جت ببالها وطبقتها ومادرت ان السالفه بتنقلب عليها
سعود: عشانك تكرهيني ؟
اكتفت ندى بإنها تلف جسمها للأمام بتجاهل لسؤاله
سعود: اها وضحت السالفه يعني تبين تنهين اللي بيننا ؟
ندى:مابينا شيء عشان ينتهي
حطت ندى يدها على فمها كون الكلام ذا طلع منها بالغلط بس ماهي عارفه كيف تبين له
ندى: قصدي ان....
بتر حروفها صوت سعود الهادي اللي غير عادته: براحتك
لف سعود جسمه للأمام وبدا بالقياده بسرعه جنونيه حتى وصل لبيتها..
كان سعود ساكت طول الطريق، سعود انسان ماينجرح ولا يأثر فيه كلام الناس، لكن لما يكون الكلام من اعز الاشخاص بالنسبه له! اكيد بينجرح...رفضها له كان غير منطقي وبدون سبب بالنسبه له!
نزلت ندى متجهه لبيتها بدون لا تقول ولا كلمه وكل اللي تبيه انها تروح لغرفتها وتبكي
<<بيت ابو سعود>>
-غرفة هيثم-
ناظر الى الساعه وكانت ١٢:٣٠ استغرب من ان هيام ماجته للحين! اتجه لبابه وفتحه
لكن سرعان ما ابتسم ابتسامه جانبيه خبيثه من لما شافها واقفه عند الباب
هيثم وهو يرجع لغرفته ويجلس على كنبه: حياك لا توقفين برى
هيام وهي تتقدم للداخل: بكلمك بالموضوع
هيثم: طيب سكري الباب بالأول
هيام: لا طبعا
هيثم: بكيفك اذا تبينهم يسمعون الموضوع لاتسكرينه
هيام بتأفف وهي تسكر الباب: طيب!
هيثم: ايوا وين وصلتي بقرارك ؟
هيام: انا موافقه على زواجنا! بس بشرط
هيثم بسخريه: وتتشرطين بعد ؟
هيام: اي من حقي
هيثم: واذا ماقبلته ؟
هيام: براحتك ماراح اتزوجك
هيثم وهو يوقّف: اها يعني ماتبين اخوك ؟
هيام بكذب واضح بالنسبه لهيثم: ماهتم
هيثم: طيب لا تكذبين
هيام: ماكذبت !!
هيثم: انتِ ناسيه انك تتكلمين مع محقق والا وش ؟
هيام: مهما يكون مستحيل ارضى ادمر حياتي بدون شروط
هيثم: رجعنا للكذب ؟ بس يلا سمعينا شرطك
هيام: انك ما تلمسني
هيثم بسخريه: ههههه ضحكتيني! زوجه وما المسك ؟
هيام: اي طبعا
هيثم بعصبيه وهو يقرب منها: انتِ ما تفهمين ؟مستحيل
هيام: انت ليه تبي تلمسني ؟ لا يكون ميت علي وسالفة انك بتتزوجني عناد مجرد خطه ؟
هيثم وهو يمسك فكها: انا هيثم ما اخاف من احد ولو ابيك منجد كنت بقولك! بس وش بلقى فيك ؟
ماترك فكها الا لما سمع انينها من الألم
هيام وهي تمسك فكها: حقير، وكلامي معك انتهى يا نتزوج بدون لا تلمسني او تنقلع عني
هيثم: هذا اخر كلام عندك ؟
هيام: اي
اتجهت هيام للخلف بقصد انها تطلع لما ما شافت رد منه بس استوقفها صوته العالي: موافق
التفتت هيام له: منجد ؟
هيثم: تتوقعيني امزح ؟ كلمتي كلمة رجال !
ما المسك يعني ما المسك!
هيام: تمام كذا اتفقنا
..
هيثم: طيب بما انا اتفقنا شتبين واقفه انقلعي
طلعت هيام ركض لغرفة لورين-بحكم ان غرفتها مشتركه معها مؤقتا-وانسدحت عالسرير وصارت تبكي..
صح انه وافق على شرطها بس بالنهايه هي بتتزوجه!
<<بالأسفل>>
ام سعود: خوذي هالجوال وعطيه هيام
لورين: وانا ؟
ام سعود: انتِ عندك جوال وهي ماعندها ! هي اولى
لورين: طيب كنت امزح
ام سعود: وديه يلا
لورين: ابشري
<<بالأعلى>>
حست بدخول لورين للغرفه فـ تظاهرت بالنوم
لورين: ترى واضح انك قايمه
هيام بصوت مكتوم لانها تحت البطانيه: اطلعي برى
لورين وهي تجلس على طرف السرير وتحط الجوال ورى ظهرها: طيب قومي عندي لك هديه
هيام: وفريها
لورين: الصدق الهديه مو مني من امي
هيام: نفس الفكره، وفريها
لورين: خييير انتِ هذي امي مارضى عليها
هيام وهي تجلس وتنزل البطانيه: طيب كنت امزح، وش الهديه ؟
لورين وهي تحاول تمسك الضحكه:ليش وجهك كذا مفقع ؟ من مبكيك ؟
هيام: مالك دخل، وريني يلا
لورين: اجل تخسين
هيام: لا حبيبتي انتِ احبك، وريني
لورين: اي كذا خليك مؤدبه
طلعت لورين الهديه من خلف ظهرها وسرعان ماحطت يدها على اذانها من صراخ هيام من الفرحه
هيام بفرحه: شكررراا
لورين: عفوا بس ترى مو مني
هيام: اي صح تذكرت من خالتي، اصلا ادري انتِ مايطلع منك شيء
طلعت هيام تركض بالممر وبالصدفه طلع لها هيثم بالطريق المعاكس لها بس ما كانت مهتمه له لأن كل تفكيرها كيف تشكر ام سعود على هديتها
<<بالأسفل>>
هيام وهي تركض بالدرج وبصراخ: احبببك احبببك
ام سعود: ياقلبي انتِ اكثر والله
فتحت ام سعود ذراعيها لما شافت هيام تركض نحوها عشان تجي بحضنها، وبالفعل جت بحضنها وقبّلت هيام رأس ام سعود اكثر من مره، هيام كانت تتمنى جوال تقدر تخلص امورها فيه، وماكانت تقدر تطلبهم لانها بتحس انها بتثقل عليهم ف كانت ناويه تجمع فلوس وتشتري لها جوال، ولكن.. السبب الاصلي لفرحتها، انها ماتوقعت يجون ناس يقدرونها ويحبونها من بعد اهلها، وكانت مشتاقه لحنان الام اللي ما يتعوض، لكن ممكن ام سعود تقدر تعوضها ولو جزء بسيط، لان بالنهايه مستحيل احد يوصل لمكانة الام...
هيثم وهو ينزل من الدرج ويتنحنح: معليش قطعت رومنسيتكم
هيام وهي تبعّد عن حضن ام سعود: انا استأذن بروح انام
وصعدت فوق لغرفتها..
هيثم وهو يجلس عالكنبه: يمه بكلمك بموضوع
ام سعود: خير اللهم اجعله خير
هيثم: لا خير ان شاء الله، انا ابي اتزوج
ام سعود وهي تزغرط: ياقلبي انت اخييررا فكرت بالزواج!
اختارلك والا فيه وحده ببالي ؟
هيثم: يمه لا تفضحينا، فيه وحده ببالي
ام سعود: مين ؟
هيثم: هيام
ام سعوز باستغراب: شفيك انت متناقض ؟ اول ماجت تصارخ وشوي وتقلب البيت فوق رؤوسنا والحين تبي تتزوجها ؟
هيثم: يمه انا قلت لك السالفه وليش كنت معصب، واذا ماتبين هالزواج خلاص ابشري بكنسلها
ام سعود: لا لا ! لا تكنسلها ولا شيء! متى تبينا نخطب لك ؟
هيثم: انتِ ادرى بس الموضوع لا يطول
ام سعود: شرايك بعد العيد ؟ مو احسن ؟ عشان تتخطى وفاة اهلها ومنها تعرف حوسة رمضان مانبي حوسة عرسكم
هيثم: اللي تشوفينه
<<صباح يوم جديد>>
قام وليد د على دق الجرس اكثر من مره ومع انه مايذكر ان احد من اهله قالوا انهم عزموا احد! ومين بيجي على هالصبح ؟
نزل وليد بتأفف لان اللي يدق الجرس ازعجهم بشكل مو طبيعي
<<بالاسفل>>
وليد وهو يفتح الباب: خير اللهم اجعله خير! سلامات ؟
مقرن: نادلي هيام
وليد: وبصفتك مين ؟
مقرن: عمها
وليد: طيب ماتعرف تتصل ؟ ثواني واجيب لك اياها
مقرن: لا تعلمها اني انا اللي طالبها وتراني بنتظرها بالسياره
وليد: وليه ؟
مقرن: ابي اسوي لها مفاجأه
وليد بينه وبين نفسه وهو يدخل للبيت: الله اكبر عاد يالمفاجئه
صعد وليد لغرفة هيام وهو مايدري عن سالفة هيام ومقرن وكل اللي يعرفه ان هيام ضيفه راح تطول شوي
<<بالاعلى>>
قامت بتأفف على طق شخص عالباب
هيام بصوت نعاس: طيب طيب
هيام بعد ما فتحت الباب: سم ؟ وش بغيت ؟
وليد: فيه واحد يبيك تحت
هيام باستغراب: مين ؟
وليد: مدري
هيام: تمام بشوفه
دخلت هيام وغيرت ملابسها وبنص سرحانها، فكرت ان ممكن هالشخص ذا هو راكان !
نزلت ركض للحوش
<<الحوش>>
نزلت للحوش لكن مالقت احد فـ فكرت انه ممكن يكون بالشارع وخرجت للشارع..
شافت هيام سياره بعيده وراحت لها ركض ومتسانسه بدون لا تدري من صاحب هذي السياره الحقيقيه..
ولكنها توقفت لما طلع لها مقرن!
تراجعت للخلف تبي ترجع للبيت لكن مقرن كان اسرع منها ومسكها وركبها السياره
<<بالسياره>>
مقرن: انا اوريك يابنت***
هيام بصراخ:نزززللنيي
مقرن: تخسين
<<بيت ابو راشد>>
جوري: منجدك قلتي له كذا ؟؟
ندى وهي تحاول تكتم شهاقها:اي بس بالغلط والله
جوري: عشان كذا قعدتي تبكين من امس مانمتي ؟
ندى: ياجوري ماتدرين وش قد انبني ضميري ! لو تسمعين بس صوته الهادي اللي فيها كمية حزن بتفهمين شعوري
جوري: طيب ليش ماقلتي له انه بالغلط
ندى: ماقدرت ماقدرت والله ماقدرت! انعقد لساني !
احسه الحين كرهني
جوري وهي تحضنها: معليه بيتفهم الموضوع انتِ بس هدي
<<بيت ابو سعود>>
-بالمطبخ-
لورين: صباح الخير يا احسن ام
ام سعود: صباح النور يا احلى بنوته
لورين: متى صحيتي ؟
ام سعود: قبل شوي، وين هيام ؟
لورين: مدري حتى انا نازله اسألك عنها توقعتك تعرفين مكانها
ام سعود: لا والله مدري وينها
لورين: يمكن راحت تشتري لها كم غرض
ام سعود: عندها سياره ؟
لورين: يمكن طلبت من اوبر
ام سعود: يمكن، يلا جهزي الطاوله نبي ناكل
لورين: ابشري
<<بيت مقرن>>
مقرن: انزلي
هيام: ماراح انزل !!
نزل مقرن واتجه للناحية الثانيه وفتح الباب وسحبها من شعرها
هيام: فكنننيي ياحقييرر
مقرن: اشش اليوم نبي نستفيد منك
<<بالداخل>>
مقرن وهو يدفها: يلا عالغرفه تجهزي
هيام بإستغراب: اتجهز ؟ عشان ايش ؟
مقرن: بنزوجك
هيام بصدمه: اييشش ؟؟
مقرن: اي بنزوجك يلا البسي شيء زين عشان مايهج منك
هيام: ليش طيب ؟ شتبي مني ؟ خلني اعيش حياتي
مقرن بسخريه مستفزه:مو حبًا فيك! بس الرجال دفع مبلغ محترم وحنا اهم ماعلينا مصلحتنا، حتى مدري وش شايف فيك يبي يتزوجك الحين! بس لا تخافين تراه بالستين يعني كم يوم ويموت وتورثينه وعاد لا تنسيني ههههههه
اتجهت هيام نحو غرفتها واتصلت على ام سعود كونها سجلت رقم ام سعود فقط ومالحقت عالباقي، ولكن ام سعود ماتعرف رقمها لأنها ماقد اتصلت عليها من قبل
<<بيت ابو سعود>>
ام سعود بإنزعاج: هذا الرقم ابلشني ماغير يدق
هيثم: ردي طيب
ام سعود: لا والله خايفه يصير من عمليات الاحتيال
هيثم: هههههه ماراح يصير شيء ان شاء الله، اذا دق مره ثانيه عطيني اياه
ام سعود: يصير خير
<<بيت مقرن>>
دخل عليها مقرن وهي ماسكه الجوال وواضح تدق على احد..
مقرن وهو ياخذ الجوال: من وين اياه ؟ سارقته ؟
تسوينها يا***
هيام: احترم نفسك
مقرن وهو يخرج من الغرفه:خلصي علينا والبسي
هيام بينها وبين نفسها: اي يصير خير يامقرن
فتحت هيام باب غرفتها بشويش ولما شافت مافيه احد طلعت بسرعه اتجاه الباب الرئيسي، واي صحيح! هيام هربت، وللأسف هربت بدون جوال ولا اي شيء وما تدري عن وجهتها!