خذ نَفس
مشاهدة ممتعة
ــــــــــــــــــــــــــــــــــــــــــــــــ
البَصرة 9:36مَ
صوت الصراخ الي طالع من هذاك المستودع يرافقة صوت ضحكات هيستيريه الشخص الله يخليك كافي راح اموت يتوسل بيه ويصرخ بكل جزع وجهه مشوه بشكل جبير من الضرب والتعذيب الي ما خله اي جزء من جسمه سليم لا بوية شنو تموت بعد وكت بعدني ما مليت منك حجه الشخص الواگف وبيده حديده صايرة باللون الاحمر من النار أريدك تتوسل هالمره اذا اقتنعت اخليك تعيش سكت وتقدم منه وهوه يدندن بأغنيه بس اذا ما قتنعت اگطع السانك سحب كرسي من الكراسي الموجودة بالمخزن وگعد عليها گدام الشخص الي يرجف ويبجي ويندب حظه الي ورطه ويا "الشَبح"،
الله يخليك لا تأذيني بعد اكثر احلفك بالي تحبه كافي ضل يصرخ بكل صوته للحد الي يخليه يحس فقد حبالهُ صوتية من صراخ و التوسل بالشخص الي گدامه ومثل ما يشوفه ما مهتم ولا حتى تأثر بهذا كله للأسف خسرت فرصتك حلفتني بشخص ما موجود شلون تريدني اتركك بعد همم؟ تكلم بكل سخرية وتقدم من الشخص الكاعد على الكرسي وسحبه من شعره بقوة يلة صير مثل شطور وطلعلي لسانك نفى الشخص براسه بسرعه وهوه يحاول يبعد راسه من أيد الشَبح ابن الخرا طلع السانك اگصه الك هسه لو اگص غير شي؟؟! صاح بيه الشَبح وضربه على راسه رجف جسمه من التخيل وفتح حلگه، ضحك الشَبح لك شهل لسان الخايس ما تغسل حلگك انتَ؟ سحب اللسانه بأيده وطلع بالأيد ثانية سجين من جيبه وبحركه سريعه گطع لسانه وطشر الدم بكل مكان ابتسم الشَبح على المنظر ودفع الكرسي الگاعد عليه الشخص متسبب بوقوعه وتركه يجازع روحه بروحه،
قاطع اللحظات المفضلة عنده دخول احد الحراس وهو مستعجل غيهب ابوك حرگ الجهاز وهوه يتصل عليك الأحسن ترد عليه لا تتورط بعدين تنهد الشَبح وهوه ياخذ التلفون من جلال حارسه الشخصي وهوه ما يتصل الا بالفقرة المفضلة عندي؟ خلع الشَبح الجفوف السود من ايده جلال خلي مصطفى او اي واحد من الولد يحرگ جثه هذاك الگواد اريدها تصير رماد وبعدين خليه يطشر رماده على شط العرب هز جلال راسه بالموافقة والتفت وراه شاف الشخص الي مدد على الارض والدم بكل مكان،
حمم غيهب قبل لا يتصل على ابوه و ما جانت الا ثواني وفتح ابوه الأتصال وهوه يصرخ عليه بصوته الجهوري ابن القندرة اتصل عليك من ساعة كاملة وين جنت!! دفع اللسانه باطن وجنته اعذرني يابة حقك علي بس جنت مشغول سمع صوت ابوه وهو يغلط ويفشر عليه هسه تجهز السيارات وتجي البغداد قسم بالله يا غيهب اذا صار الصبح و ما الگيتك بالبيت اخليك تحلم تشوف صبح بحياتك كلها فاهمني لو تحب افهمك مثل كل مره؟ سكت غيهب وهوه يكتم غضبه بصعوبه وعروق رقبته جانت بارزة بشكل يخوف لكن تحكم بنفسه وحجه بنبره هادئة مثل ما تآمر غلق ابوه الخط بوجهه وبساعتها رگع التلفون بالأرض جلال جهز السيارات طالعين البغداد ولا تنسى تگل المصطفى ينضف هذا الوضع هز جلال راسه بالموافقة مغادر المستودع
ـــــــــــــــــــــــــــــــــــــــــــ
بغداد 10:25مَ
جان گاعد على القنفة وبحضنه لابتوب كالعادة ومطلع مقطع على اليوتيوب يشوفه وبصفه شخص متمدد وهوه يشوف تلفزيون جان الوضع هدوء بينهم لحد ما سمعوا صوت فتح الباب بكل همجيه هلووز ماي كوين از هير! رفع الشخص الي بحضنه لابتوب عينه على البنية صاحبة شعر الگصير الوگفه كدامه ايعع شجابج هنا انتِ مو عندج دراسة؟؟ تكلم شخص بقرف متصنع، عقدت البنية حواجبها انا جيت النهارده علشانك وانت بكل بجاحه جاي تطردني ؟ تكلمت البنيه بعدم رضى وهيه تكتف ايديها فجأة نهض الشخص الي جان نايم على القنفة وحضنها أروى!! انتِ اجيتي جنت ملان بدونج! ابتسمت وهيه تقرص خدوده ما تشوفني اجيت زمزم؟ حسيت بيك و اجيت علمودك ما اجيت علمود ذاك الگواد مَجن قفل مَجن لابتوب وكال ترا انتِ بيتي لعلمج واكدر هسه اطردج منا بكل سهولة رفعت أروى حاجبها بتحدي وريني شطارتك وتعال اطردني وقف مَجن بوجهه وقبل لا تبدي العركه المعتادة وكف زمزم بنصهم استغفرالله هاي كل ثنين هيج ثالثهم شيطان التفتوا الاثنين عليه هذا الي خلاه يفتح حلگه بصدمه لا تخلون عينكم عليه انا نص شخص ما انحسب، هسه يلة گعدوا ولا تتناگرون مثل الفارة و البزون ابتعدت أروى بدون اهتمام رايحة للمطبخ دور عن شي تاكله بينما زمزم رجع متمدد يشوف تلفزيون
كعد مَجن يكمل مقطعه لكن توقف بسبب صوت اشعار من الأنستا دخل على المحادثة
H.HR
السلام عليكم، سمعت انتَ ممتاز بسوالف التهكير هاي لذلك رايد منك تهكرلي حساب شخص
استغرب مَجن من حساب شخص الي جان مبين فاتحه جديد من غير ان هذا الشخص يعرف بسالفة التهكير
مَجن
وعليكم السلام، انتَ بالحساب الغلط انا بعيد عن هاي السوالف
راد مَجن يغلق جهازه بس تفاجأ من رد السريع الي اجاه
H.HR
بدون لف ودوران وسوالف تسوي نفسك غشيم بيها لو ما اعرف انتَ منو ما جان راسلتك من الاول مَجن، اكدر اقدملك المبلغ الي تريده
تصنم مَجن بمكانه من ذكر شخص اسمه بالمحادثة لكنه طرد هذا شعور منه
مَجن
أريد 15 مليون و اهكرلك حساب اي شخص تريده
ضحك مَجن باستمتاع لانه جان واثق ان مستحيل شخص يدفع هالمبلغ علمود تهكير حساب بس بس للمره المدري شكد ينصدم من الرد
H.HR
سهلة الفلوس تصير يمك بس تهكر الحساب
مَجن
ما يمشي عندي هذا الحجي استلم فلوسي اوراق يلة اهكر الحساب الك
H.HR
انتظر ربع ساعة الباب راح يندگ راح يجي شحص يسلمك علب بيتزا بيها الفلوس
تسارعت نبضات مَجن ورفع راسه على الوقت اول مره بحياته يخوض هيج محادثة و اول مره يحس بخوف رغم تعامله ويا هواي اشخاص يرديون تهكير حسابات لكن مثل هذا شخص ما عمره شاف،
ربع ساعة مرة وسمع صوت الجرس أنتَ طلبت بيتزا لو شنو صاحت أروى الي جانت واكفه يم الباب وجان واكف كدامها عامل توصيل الطلبات وعدد من صناديق البيتزا بأيده، ركض مَجن للباب تفضل وشكرا حضرتك على البقشيش حجه الرجال قبل لا يعدل ملابسة ويبتعد عن البيت هذا شبيه شكلة مو راحة بلع مَجن ريقة شعليج بشكلة هسه؟؟؟، انا رايح الغرفتي لحد يجي بس تخلصون منا نضفوا البيت وطلعوا تلكم مَجن سريع وهوه شايل علب البيتزا صاعد على درج بسرعه هزت أروى ايدها هذا شبيه تخبل علينا بهاليل، لا ويريد انظف وراه خاب طيزي اي والله، امشي زمزم نروح البيتي احسن كعد زمزم بنعاس يتبع أروى الي تشمي وتحجي على مَجن
دخل مَجن للغرفة وقفل الباب عليه وفتح علب البيتزا وحده وحده وجانت مليانه فلوس كلها تسارعت نبضات قلبة بشكل اسرع شكاعد يصير هنا؟؟ ما جان يريد يوصل لهيج شي بس ابتسم وهوه يشوف هالعدد من الفلوس وقاطعه صوت الأشعار
H.HR
الفلوس وصلت كاملة هسه الي عليك تهكر الحساب الي راح ادزه الك وتنقل الي كل معلومة موجوده بيه، ولا تفكر تلعب بذيلك بآمر واحد من عندي هذول الحلوين الي طلعوا من بيتك يموتون وراسهم ينحط بعلب البيتزا الي شكلك حبيتها
جحظت عيون مَجن بغضب من تهديد ثاني
مَجن
تهديدك هذا نگعه بماي واشربه فاهم لا يجي بالك ما اگدر عليك، ارسلي الحساب وكل خرا بيه راح ارسلة الك وبعد لا تراسلني
بعد فترة تلقى اشعار من ذاك الشخص اول ما فتحه جان حساب شخص مكتوب عليه "الشَبح"
ضحك مَجن شهل اسم هذا الطفولي بيا سنة احنى وهذا بعده على ايام الغموض ومدري شنو
شبك لابتوب على اجهزته الباقية وبدا يشتغل...
ــــــــــــــــــــــــــــــــــــــــ
بغداد 6:00صَ
دخل للبيت وشاف البيت مخبوص العاملات يتحركن بكل مكان و مره شوي جبيره بالعمر تشرف عليهن ابتسم وتقدم هاي شنو يمه صايرة شخصيه وحركات التفتت المره وابتسمت وراحت بسرعه تحضن ابنها يمه ابني غيهب رفعة راسي بعد روحي مشتاقتلك يمه ليش ما تسأل عني! بدالها غيهب العناق بسرعه والله مشغول يمه ما الحگ ارد اسأل عنج بس والله مشتاق الطبخج ابتسمت وضربته على ايده ولك عبالي تكول مشتاقلي مشتاق الأمك الي ما تسأل عليها تحرك غيهب وكعد على القنفة والله يا يمه تعذريني جوعان و ما ماكل من امس و ما مشتاق هسه بس للأكل
وگف غيهب بسرعه اول ما شاف ابوه دخل امشي گدامي للمكتب حجه ابوه برود، هز غيهب راسة باحترام متوجه المكتب ابوه تنهدت الام وحجت جسار على كيفك ويا الولد ترا توه جاي و جوعان اصبر خلي ياكل لگمه على الأقل تقدم جسار منها وبعد خصله من شعرها خلف إذنها سوالف بيني وبين ابني نعرف شلون نحلها فا لا تدخلين رواسي
جان غيهب واكف بالمكتب وبين ثانية ولاخره يتنهد وهو يشوف ابوه كاعد على كرسي المكتب يقلب بالأوراق بدون أي كلمة
ها ستاذ غيهب شكلك ضايج لان قاطعنا مذبحتك الي جنت تسويها بالبصرة باوع غيهب الأبوه بوية هذول كلهم جماعة نزار يستاهلون هيج و اكثر و- قاطع كلامه ابوه الي ضرب المكتب بقوة ونهض متقدم من غيهب وحجه بكل حده غيهب ابني لا تخليني اذبحك مثل ما سويت ويا غيرك انا كلمتي وحدة من احجي تنفذ لو اگلك هسه تشنق نفسك تشنقها بدون جدال هز غيهب راسه شنو تامر سيد جسار يتنفذ اعذرني على التقصير
ابتسم جسار وگال بحنيه يلة بوية روح اكل اكيد هسه كاتلك الجوع ابتسم غيهب بتصنع وطلع من المكتب اول ما طلع شد شعره بقوة من شدة غضبه المكبوت هسه غير كون اخلص من هذا الخرا
فتح تلفونه وشاف رسايل جلال الي جانت اكثر من 95 رسالة و ختام رسايل
"غيهب تهكر حساب الشَبح"
ــــــــــــــــــــــــــــــــــــــــــــــــــــــــ
اي كلمة ما مفهومه انا موجود اكتب و ارد بالثواني
يلة مع السلامه