#اخذه_قوي_تركه_ضعيف -
#part 10
ضلينا ساكتين لفترة كلمن يفكر بهمة باوعت علي عبالك بغير عالم مرات يبتسم ومرات لا
عرفتة ديذكر مواقفة وياها
- هاي الشقة احد يندلها ؟
- لا
- يعني امان ؟
- اي
- لعد بعد لتجي هنا يعني قصدي فترة اتجي خليني وحدي
- لشنو اتريدين توصلين
- اريد ارتاح وحدي
كمت وعفتة قبل ميجاوب ورحت لغرفة قبل ما اطب
- راح انام اكعد ما الكاك
وطبيت للغرفة وسديت الباب
اتمددت بس اني شابعة نوم رحت للشباك شفت الشوارع والسيارات والناس رايحة وراجعة الحرية اه شكد جنت ما مقدرتها كمت ورحت للمراية باوعت على وجهي
- اوف
رجعت للشباك ما اعرف شكد مر وقت بس ظلمت الدنيا طلعت من الغرفة بهدوء اتمنيت يكون مطلع بس بنفس الوقت اريدة يروح مجان موجود رحت للصالة المطبخ طال على الصالة شفت على الطباخ اكو جدورة رحت فتحتهن بيها اكل
- الله
صبيت الروحي واخذت الصينية حطيتها على الميز مال الصالة شفت اكو تلفزيون ركضت شغلتة
- اشتغل اشتغل
كعدت ادور الريمونت دورت القنوات كلهن موجودات طلعت مسلسل وكعدت اكل واباوع كلبي فرحان حيل احس شوية ارتاحت نفسيتي
مر وقت هواية نعست معجبني اروح للغرفة رحت اتاكدت من الباب مقفولة ونمت
بالبداية شوية انصدمت منها بس بعدين افتهمت قصدها حتى هذا الطبع عدها اتقدم الكل على روحها
اذكرت من مرة جنت ضايج ومكتئب خابرت على منى
- الو
- الو ها سيوفي
- شبيج مستعجلة
- اي والله عدي محاضرة مهمة
- اها هاهية لعد طبي
- دقيقة بيك شي صوتك معاجبني وين انت
- لتقلقين ما بية شي شوية ضايج روحي حبيبي طبي
- تمام بيباي
ورة اقل من ربع ساعة شفتها اكبالي
ضليت اباوع عليها
- شبي الحلو ضايج
- محاضرتج ؟
- خلي اتولي اهم شي انت كلي شبيك ضايج
طلعت من الشقة رحت اشتريت كم شغلة لان ماكو هواية شغلات بالشقة ورجعت باليل بالوحدة
طبيت للشقة هدوء شفتها على الكرويتة نايمة
شلتها على كيفي وحطيتها على الجرباية ورجعت صفطت الغراض
وبعدين بدلت رحت للغرفة شفتها نايمة
رجعت للصالة اتمددت ما اجاني نوم سمعت صوت بالغرفة ركضت عليها
شفتها كاعدة على الجرباية والعرك ماخذها التفت علية
اجيت يمها بعدني ماحاجي حضنتني
-لتخافين هذا حلم وراح
هدءت ووخرت باوعلتها
-انت مو رحت
- لا . شحلمتي
- عوفة كابوس مديفارقني ليش رجعت
- اذا عبالج من ما اشوفج مراح اذكرها انتي غلطانة هي وياية ٢٤ ساعة متهدني وما اذكرتها من شفتج اني اصلا ماكو شي ينسينياها
- لا اكو اكيد راح اطب بحياتك ابنية اتنسيك منى
- اذا في يوم ردت انساها مراح ادخل بحياتي وحدة حتى انساها بيها هذا غلط
سكتنا لدقايق
- زين هسة ابوك مراح يكطع العلاج على اختك اذا عرف انت اخذتني
- لتخافين اني مفكر بكل شي
- زين الى متى راح انضل خاتلين هنا
- اكو شغلة ابالي اسويها وكلشي ينحل
- ان شاء الله
تمددت على الجرباية وهي هم
-ما عندك اغنية حلوة
- شتريدين اسمعين
- اي شي
شغلت وضلينا نسمع اني وياها
مر اسبوع احنا على نفس الوضع خلاني اخابر امي كل يوم تقريبا وجهي بقة بي اثار بسيطة هو يحطلي ادوية كليومية
والكوابيس متروح مني كلها احلام اتخوف احسهم راح يلكوني كل ما افز اروح يمة او هو يجي يمي يلى اكدر ارجع انام مرة ثانية
رحت للصالة شفتة نايم
رجعت اخذت ملابس بيجامة والبدي مالتها طبعا كلها ملابسة دخلت سبحت وبدلت وطلعت رحت للصالة جان بالمطبخ يسوي ريوك من شافني اجة علية
-شبيك
نزل كفلي البجامة وكام كفلي البدي
- حتى لتوكعين
ابتسمت بوجهة
-شكرا
مشيت للمطبخ
- شسويت اكل جوعانة كلش
- سويت بيض وسويت جبن وكلشي اتريدين موجود
- الجاي الجاي
- هه موجود والله
كعدت على الميز
- كارسون ممكن اكل الزبونة جوعانة
- هنا الخدمة ذاتية الزبون يكوم يصب لروحة
- سييف صبلي ويااك
- مدا اسمع
- حبااااب
- ماشي
اتريكنا وكعدت على التلفزيون وهو بصفي مرات يسولفلي عن حياتة ومرات اني اسولفلة على شغلات
حجيت مرة وية اختة كلش حلوة بس مريضة حيل اسمها سما
اندكت الباب بقوة باوعت علي وهو هم
- كومي طبي جوة بسرعة
ركضت طبيت للغرفة وقفلتها حاولت اختل بس ماكو مكان اختل بي
ماكو صوت عركة او شي انفتحت الباب
ودخلو جروني حطوا شي على خشمي وفقدت الوعي
- وخروا اني اخذها
شلتها واخذتها كعدتها بالسيارة وكعدت بصفها خليت راسها على جتفي
وصلنا للبناية شلتها ونزلت دخلتها لغرفتي وقفلت الباب عليها وطلعت
رحتلة للمكتب دخلت وكعدت
- عبالك مراح اللكاك اني من اول يوم اندليتك بس كلت خلي يرتاح كالولي ما قاومت وجبتها واجيت رجعلك عقلك مو
- خلصت حجيك اني والابنية ما بيناتنا شي كلشي لتسويلها واني هياتني موجود يمك ودا اشتغل وياك
- اي وشغلي هذا الابنية مترجع الي امر بخطفها كال ادزوها جثة واليوم اني مقرر هذا الشي ومحد يمنعني