...
اخذه قوي تركه ضعيف -
#part 9
اخذ ايدي ومشة كعدني وكعد بصفي اظاهر ميتحمل يشوف وجهي لهل درجة
ضل ياخذ نفس ويمسح بلحيتة اخذ خمس دقايق عبالك يتذكر فدشي بدة يهز برجلة حسيت انو الشغلة الي راح يكولها صعبة علي كلش
- اسمعيني زين الي راح اكولة مراح اكررة مرة ثانية الشي هذا صار من زمان واني حاولت امسحة كانو مصار بحياتي رغم هذا هو ليهسة عايش وياية قبل اربع سنين من طبيت كلية اكو بنية كلش انعجبت بيها ضليت بعيد عنها ضليت شهرين اراقبها من بعيد عرفت هواية شغلات عنها طباعها الاكل الي اتحبة والي تكرهة مرة جنت بالسنتر مال الجامعة شفتها صدفة ضليت اباوعلها مثل الخبل صفنت عليها ونسيت الدنيا شفتها كامت اخذت غراضي وطلعت كل مرة اني اتصرف بعقل ما اخليها اتحس بية بس هلمرة جان عقلي واكف وكلبي الي جان يحركني كعدت هي على المسطبة اني كعدت على مسطبة وراها بهواية بس هي مقابيلي هي وياها صديقتها وجانت تضحك
ابتسم و فتح القميص واخذ نفس وكمل
تضحك من كلبها مثل الطفلة رفعت راسها وشافتني ضليت اباوع عليها وهي هم ضليت صافن ما اكدر احرك عقلي احس روحي بغير عالم ما اعرف شبية شلون منتبهت هي دتباوع علية عبالك مسحور كامت واجتي الية وكفت اكبالي واني محركت عيني من عليها
- يعني لهنا لحكتني انت شنو متكلي يعني كمت من السنتر واني جوعانة وما اكلت بسببك وهنا هم لحكتني شنو ماشايف بنات شبيك مو طالب كلية انت والله عيب الي يشوف شكلك يكول مثقف بس حرامات والله
انصدمت بيها وبلسانها صوتها الحلو وانفعالها وحركات ايدها
ضلت اتحرك ايدها كبالي
- الو شبيك كوم لا اصيحلك المتابعة
- ترة انتي الي اجيتي وحجيتي وياية وانتي الي اتعصبتي اني مالي علاقة بشي
- ها يعني هسة اني الغلطانة لعد بلة زحمة عليك كوم روح لغير مكان
دك التلفون
- اي اي جاي هسة
كمت ومن كمت صارت يم صدري كصيرة وناعمة
- اني راح اروح بس مو لان خايف منج اسمي سيف هذا الاسم مراح تنسي
التفت ودا اروح
- انت
التفت عليها
- شنو جان اسمك ها نسيت
ابتسمت والتفت راحت
صح غضبت بس بداخلي ضحكة جبيرة مشيت وضليت افكر معقولة الي صار هسة اني سمعت صوتها وحجيت وياها اه كلبي
هاي البنية اخذت كل تفكيري لا محاضرة انتبه ولا دراسة حياتي كلها جان تفكير بيها
ورة هلمحادثة اختفت فترة بوكتها جان امتحانات وخبصة وكل الجامعة مخبوصة باخر يوم امتحانات كل الطلاب يودعون الجامعة البنات لابسات احلى لبس والولد متحضرين
بوكتها جنت اتمنى اشوفها وبالصدفة جنت كاعد على نفس المسطبة شفتها شنوالجمال شنو الاناقة بس شفتها منزعجة شفت ولد يحجي وياها ما اعرف هي تعرفة او لا بس جانت اتصدة اخر شي كمت واتقربت وصلت يمها عرفتة ديتحارش بيها وحاول يلزم ايدها فرت فهستوني دا ادخل وشفت الي مينشاف
شفتها ضربتة راشدي
- اذا طخيتني مرة ثانية اكسرها لايدك افتهمت لو لا متخلف يلى امشي منا
شفتة راد يمد ايدة لزمت ايدة وجريتها وفريتها ورة ظهرة ضل يعيط شوية وردت اكسرها لايدة شمرتة بالكاع ونزلت يمة همست كم كلمة خليتة يركض مو يمشي
التفت عليها يجوز عبالها راح احجي شي بس مردت احجي اي شي وياها عفتها ومشيت
- سيف
وكفت معقولة خاف دا اتخيل اجتي وكفت اكبالي
- انتي مو كلتي نسيت اسمك
- شكرا
- على؟
- على الي سويتة هسة
باوعتلها من جوة ليفوك لابسة تنورة كصيرة وحذاء كعب وقميص طالعة مثل الوردة ريحتها الي من بعيد تشتمها
عفتها ودا امشي رجعت وكفت كبالي
- شبيك متعرف اتكول العفو
- ترة الولد مغلطان من انتي لابسة هيج وريحتج واصلة لبداية الجامعة والحمرة الطوخ شتتوقعين من الولد
- ها لان ولد وكفت ويا يعني اذا لبست هيج يعني دا اكلك تعال اتحرش بية
- اي شلون متفهميها افهميها اذا لبستي هيج معناه دتكليلي اتحرش
- انت الحجي ضايع وياك
ومشت
- من تحجين وياية احترميني
- واذا متحترمت شتسوي
اتقربت عليها وعيني بعينها وجنت مخنزر هي رجعت ليورة
ابتسمت بوجها
- لتلبسين هيج مرة ثانية واذا اتريدين تبعدين ولد لتعبين ايدج بس كليلي واني اوخرة الج
- شنو حارس شخصي مالتي
- اي
- واذا ملكيتك
- باي مكان انتي بي تلكيني موجود
- تعرف اسمي
- لا
- احسن
مدت السانها وراحت
خبلة ضحكت من كلبي
دك التلفون
- نعم
- تعال هسة
- بالدوام اني
سدة ابوجهي يعني غصبن ما علية اروح
رحت ودخلت لمكتبة
- اكعد
- ابوية فضني عدي شغل
شمر صور بوجهي
- شنو ذني
- شوفهن وانت تعرف
كلبت بيهن كلهن صور الها والي من اراقبها ومن حجيت وياها ومن حجت وياية
- شنو ذني
- انت اعرف
- شتريد هسة
- ابتعد عنها
- والسبب ؟؟
- اني امرتك وخلص الموضوع
- لتراقبني بعد والابنية ما عدي شي وياها
- خلي انشوف
عفتة وطلعت لو اتموت ما اهدها خلصت العطلة ورجعنا للدوام هي مافرقتني يوم ولا ساعة اذا مو هي وياية افكر بيها وكلامها
صوتها الي يرن باذني
جنت امشي وية جماعتي ومريت على نفس المكان الي حجيت اول مرة بي جانت موجودة هي وصديقتها
كلت لجماعتي نكعد وكعدنا كل شوية جنت ابوك نظرة عليها واشوفها جانت وبلحظة صارت عيني بعينها ابتسمت من شفتها هي هم اتباوع اشرتلي بما معناه تعال
سلمت على الولد وكمت اعرف هي عبالها راح الحك وراها او راح اروحلها اني عفتها ورحت لغير طريق اني مو من النوع الي الحك ورة بنات او اذل روحي
حتى لو احبها اتوقعت متجي بس
- سيف
التفت
- هلو
- اني مو اشرتلك تجي
- اي؟
- انت شكو جايب جماعتك وكاعد اتباوع علية اتريد تفضحني
- قبل مطولين السانج مجايب جماعتي ولا يدرون بيج ولا يعرفوج صدفة كعدنا وصدفة شفتج
- اها كلتلي المفروض اصدك
- مو شرط
- لتباوعلي بعد
ضليت ساكت واباوعلها
-شبيك مو دا اكول لتباوع انت يا قسم
- يجوز ما اريد اجاوب
- زين يا مرحلة
- اولى
- زعطوط
- تمام يلمتخرجة
ضحكت وتيهتني بضحكتها
- تعاي
- وين
رحنا بكافتريا وحجينا واتعرفنا واحد على الثاني على كلشي تضحك
اخذت رقمها وضلينا على تواصل ويا اما اشوفها من بعيد ويا اما نلتقي
صارت عدي فرصة اشتريلها الشغلات الي اتحبها
مرة اخذتها لحديقة والدنيا حارة كعدنا جوة شجرة
- جبتلج شغلة اتحبيها
- شنو شنو
طلعتلها نستلة
- او اسف هاي ماعت من الحر هسة اشتريلج غيرها
- لا لا اريدها
انطيتها الها وفتحتها وبدت تاكل ايدها كلة نسالة وشوية على حلكها حتى خشمها اني اباوعلها وعلى طفوليتها
اعشق روحها
شافتني صافن
- اكو شي على وجهي هاك اكلينكس امسحة
- مسحت خشمها وخدودها
- اكو بعد
ضليت ساكت
- نسيت اكلك اتريد
- اي
مديت ايدي ومسحت شفتها صار نستلة على ايدي حطيتها بحلكي
- طيبة
هي ضلت صافنة على وجهي وبعدين ضربتني ايدها كلها نستلة صارت على القميص
يتبع