အော်! အိ! အိ! အွတ်
တကယ့် အိပ်လို့ကောင်းတဲ့အချိန်တွေဆိုကြက်သွန်သံကို တကယ်မုန်းသည်။
ဒီကြက်ကလည်း သူချစ်ရသူ၏ ကြက်ဖြစ်နေ၏ ။
အခုလို ရာချီ့ကိုလက်မောင်းပေါ်တင်ထားတဲ့အချိန်ကခပ်ရှားရှား။
"ရာချီ "
"ဟင်း အိပ်အုန်းမယ်ကွာ "
ရင်ခွင်ထဲတိုးဝှေ့လာတဲ့ ကောင်လေးနဲ့အတူတူ ထပ်အိပ်ချင်သေးသည်။
မနက်စာကလည်းလုပ်ပေးရအုန်းမည်ဖြစ်တာကြောင့် ပါးပြင်ထက်သို့ အနမ်းပေးလိုက်၏
သူဒီအနမ်းကို ခံစားမိရဲ့လားတော့ကိုယ်မသိ။
မနက်စာကတော့ ထွေထွေထူးထူးမလုပ်တော့ပါ ဝက်အချိုချက် လည်း ကျန်သေးတာကြောင့် အိမ်မှာရှိတဲ့ ထမင်းကိုဘဲ ကြော်ပါတော့သည်။
"ကိုကိုကြီးရေ "
အပြင်က အသံကြားတာကြောင့် ပြတင်းပေါက်နေ တစ်ချက်ကြည့်လိုက်တော့ နှင်းရည်ဖြစ်နေတာကြောင့် ရာချီကိုဘဲ သွားနိူးပြီး အထဲကိုဝင်ဖို့ခွင့်ပြုလိုက်၏
"နှင်းရည် အိမ်လာလည်တာလား"
"အဲ့လိုပါဘဲ ကိုကိုကြီးကိုလည်းမတွေ့တာကြာပြီလေ "
"ဟင်းဟင်း အေးပါ အမေရော နေကောင်းတယ်မလား "
"ကောင်းပါတယ် "
ရာချီတို့မောင်နှမ စကားဆုံနေတာကို သိပါသည် ဂရုတောင်စိုက်ဖို့အချိန်မရှိ မီးအားကနည်းနေတော့ ထမင်းကြော်ကသေချာမကျက်သေးတာကြောင့် အခုမှ ကျက်ပြီး ပြင်ဆင်ထားပြီး အပြင်ဘက်ကိုထွက်လာခဲ့ရာ..
"ရာချီ မျက်နှာအရင်သစ်အုန်း "
"အွန်း အခုဆင်းသစ်လိုက်မယ် "
သူ့အကိုထွက်သွားမှ နှင်းရည်တစ်ယောက်ပုံတိုင်းကို မျက်စောင်းထိုးပြီးတော့
"ကိုကိုပုံ!!"
"ဘာလဲ"
"ကိုကိုပုံ နှင်းရည်ကိုလာမခေါ်နဲ့နော် နှင်းရည်စိတ်ဆိုးနေတာ "
တကယ်တော့ သူရှေ့က ဖြတ်သွားတာမို့လို့ နှင်းရည် ပြောလိုက်တာဆိုပေမယ့်။
"မခေါ်ပါဘူး အကိုဘာသာ ငရုတ်သီးခူးမလို့"
"ဪ ဘာဘဲဖြစ်ဖြစ် စိတ်ဆိုးတာမို့ စကားမပြောနိုင်ဘူး "
စိတ်ဆိုးတယ်ပြောရအောင် ဘယ်သူကချော့မယ်ဆိုလို့လဲမသိ ချော့ရအောင်လည်း ရာချီမှမဟုတ်တာ ဒါကြောင့် အခုလိုစိတ်ဆိုးတယ်ဆိုပြီး စကားမပြောတာကိုဘဲကျေးဇူးတင်ရမည်။
မျက်နှာ သစ်ပြီးလို့ထလာတာနဲ့ ထမင်းဝိုင်းလေးက အဆင်သင့်ဖြစ်နေတာကြောင့် ရာချီကျေနပ်စွာဘဲ ထိုင်ချလိုက်၏
ဘေးမှာလည်း ဧည့်သည်ကိုခေါ်ရသေးသည်။
"နှင်းရည် စားအုန်းမလား ဝင်စားလေ"
"နှင်းရည်က ကိုယ့်ကိုစိတ်ဆိုးနေတယ်တဲ့ မကျွေးနဲ့တော့ "
"ဟုတ်လား နှင်းရည်ဒါဆိုမစားနဲ့တော့လေ "
နှင်းရည် သူတို့နှယောက်ကို နှခေါင်းသာ ရူံ့မိ၏ တကယ့်ကို တစ်ယောက်မျက်နှာ တစ်ယာက်တစ်ကမ္ဘာထင်နေကြတာ။
"ဒါဆိုကိုကိုကြီးနှင်းရည်ပြန်ပြီ "
"ဪအေအေ နောက်လည်းလာလေ "
"နှင်းရည်က ကိုယ့်ကိုစိတ်ဆိုးနေတာတဲ့ မလာခိုင်းနဲ့တော့ "
"အေအေ ဒါဆိုမလာနဲ့တော့လေ "
"မလာပါဘူးစိတ်ချဟွန့်"
ဒီထိပ်ထားစံနှယောက်ကို တကယ့်လက်ဖျားခါပါသည် အခုလည်း ဆူပုတ်ရင်းခြေစောင့်ပြီးထွက်သွားသေးတာ။
<><>
ဂေါ်ဖီတွေကလည်း အရမ်းကြီးတော့ မကြီးသေးပေမယ့် သာလှက သေချာပျိုးထောင်ပေးထားတော့ သန်သန်မာမာလေးနဲ့ လှပစွာ ဖွဲ့ဖြိုးနေ၏
"အကိုလေး ဒီဂေါ်ဖီထုပ်တွေကိုဘာလို့အသည်းအသန်စိုက်ပျိုးနေရတာလဲ"
"ငါမှာ အိပ်မက်တစ်ခုရှိတယ်"
"ဘာများလဲဗျ "
"နိုးလာတော့ မမှတ်မိတော့ဘူး "
"..."
ရာချီပြောလိုက်တဲ့ စကားကြောင့် သာလှ ပါးစပ်ပိတ်ကာ နှခေါင်းရူံ့ရင်းနဲ့ဘဲ
မြေဩဇာ သွားဖြန်းနေ၏
ဘာကိစ္စနဲ့များ ကိုယ့်အိပ်မက်ကိုသူများကိုလိုက်ပြောနေရမှာလဲ တကယ်တော့ ဖြစ်ချင်တာ အဖေ့ထက်ချမ်းသာပြီးတောသူငှေးဖြစ်ချင်တာ ဒါကိုပြောလိုက်လို့ တကယ်မဖြစ်ရင်
ရှက်စရာကြီးလေ။
"အကိုလေး အခုတလော အကိုကျန်ရစ်ကိုမတွေ့မိဘူးနော် "
"လွမ်းနေရင်လည်း သူ့အိမ်သာသွားတွေ့သွား"
မမြင်မိတာမှန်ပေမယ့် မျှော်နေစရာလဲအကြောင်းမှမရှိဘဲ။
ရှင်းသင့်တာတွေရှင်း လုပ်သင့်တာတွေလုပ်ပြီးတော့ ပြန်ဖို့အတွက် ရွာထဲသို့ပြန်ဝင်လာခဲ့၏
ဝုတ် ဝုတ် ဝုတ်
"လီးဟောင် "
ဝုတ် ဝုတ် ဝုတ်
"ဟျောင့် ဘောကိုဟောင်နေတာလားသွားသွား "
စိန်စိန်တို့အိမ်က ခွေးက သူ့ရှေ့တည့်တည့်လာဟောင်နေတာကြောင့်ရှောင်သွားပေမယ့်မရတာကြောင့် ကိုင်လာတဲ့ပေါင်မုန့် တစ်လုံးကိုဘဲ ဖဲ့ကျွေးလိုက်မှ ငြိမ်သွား၏
"ခွေးမသား ဟျောင့်ကောင်းလား "
ဝုတ် ဝုတ်
"အေအေ ကောင်းရင်စား "
ကျွေးပြီးတာနဲ့ ပြန်ဖို့အတွက် စိန်စိန်တို့အိမ်က ဖြတ်ရသေး၏ နောက်ပြီးသူကြားလိုက်တဲ့အသံက ဒေါသဖြစ်စရာ။
"ဟုတ်ပါ့ဟယ် ယောင်္ကျားချင်းဘာလုပ်ကြမလဲ "
"ကြည့်နေ နောက်ဆို နံပြားရှိတဲ့နောက်ကိုဘဲလိုက်သွားမှာ "
"အဲ့ရာချီဆိုတဲ့သူကလည်းအကြောထောင်တာဘယ်လိုများလဲ "
"တကယ်ပါအေ ပြောကိုမပြောချင်ဘူး "
စသဖြင့် အသံများ ခြံဝကနေလည်း တစ်ချက်ကြည့်လိုက်တော့ စိန်စိန်မတို့အဖွဲ့ အမြဲသူများအတင်းကို ပါးစပ်က မချတဲ့ ပဲပြုတ်သည်ကလည်းပါသေးသည်။
ယောင်္ကျားကြီးတန်မဲ့ ဝင်ပြောတဲ့ ပဲပြုတ်သည်ရဲ့ လင် မျိုးတင့်ကလည်းပါသေးသည်။
ကြည့်လိုက်တော့ ပဲကြီးလှော်စားရင်းနဲ့ကိုပြောနေတာ။
အစကတော့လျှစ်လျှူရူပြီးထွက်သွားဖို့လုပ်ပေမယ့် ငြိမ်ခံနေရင် ရာချီမဟုတ်တော့ဘူးလေ။
"အမလေး ခွေးတောင် ကိုယ်ထမင်းကိုယ်စားတာဘဲ စားစားစား "
အပြင်ကနေ ကြားအောင်တမင်အာ်ပြောတော့ အထဲကလည်းထွက်လာကြသည်။
"ဒီမှာ ရာချီဒွေးနင်ဘယ်သူကိုပြောနေတာလဲ"
"ခွေးကိုပြောနေတာလဲ စိန်စိန်နင်ကခွေးမို့နာနေတာလား "
ထိုမှ မျိုးတင့်က ထပြောသည်။
"မင်းယောင်္ကျားမဟုတ်ဘူးလား ဒဲ့ပြောလေ"
"ငါကယောင်္ကျားပါဒါပေမယ့်မင်းတို့ပြောသလိုယောင်္ကျားအစစ်မှမဟုတ်တော့ဘဲ ဒါပေမယ့်အစစ်ကြီးဖြစ်တဲ့မင်းကတော့ သူများအတင်းကို မိန်းမတွေနဲ့ပြောနေတာမရှက်ဘူးလားငါလိုးမသားရဲ့ "
"မင်းငါ့"
"နေအုန်းငါပြောဖို့ကျန်သေးတယ် ငါပုံတိုင်းနဲ့နေတော့ဘာဖြစ်လဲကွာ မင်းတို့အိမ်တက်နေပြီးမင်းညီမကိုတက်လုပ်နေလို့လား!! "
"ဒီကောင်.."
"နေအုန်းလို့ ငါပြောလို့မပြီးသေးဘူး!! "
"စိန်စိန်မနင်အခု ပုံတိုင်းကိုလိုချင်လို့ငါ့မနာလိုဖြစ်နေတာမလား "
စိန်စိန့်ဘက်လှည့်ပြီးရွဲ့တက်တက်ပြောလိုက်တော့ ဟိုကအရိူက်ထိတဲ့ပုံစံနဲ့ဘဲ
"အောင်မလေး နင့်လင်အလကားပေးတောင်မယူဘူး "
"အလကားလည်းမပေးပါဘူး ဒီတိုင်းနင့်ကိုဆိုလည်းပုံတိုင်းကကြိုက်မှာမဟုတ်ဘူးလေ အမြဲခွေးစော်နံနေတာ အခုတောင်နံနေပြီပြန်ပြီ "
ဘာမှတော့သိပ်ပြဿနာမဖြစ်ချင်တာကြောင်လှည့်ထွက်ပေမယ့် နောက်ကဆွဲခံရတာကြောင့်ပြန်လှည့်လိုက်တော့ တစ်ချက်ထိုးခံမိခဲ့၏ ဒါက မျိုးတင့်ဆီကလက်သီးဆာဘဲ
"ငါလိုးမသားမင်းကများငါ့ကို!!"
ခွပ်!!ခွပ်!!
"မင်း!!"
ကျန်စစ်ဆီက အထိုးခံရရင်တောင်ခံသာ
သေး၏ဒီမလောက်လေးမလောက်စားဆီက အထိုးခံတာက လုံးဝမဖြစ်သင့်တာမို့ ကော်လံကိုဆွဲပြီး နှစ်ချက်ဆင့်ထိုးလိုက်တာကြောင့် ထိုကောင်သွားတစ်ချောင်းကျွတ်သွား၏
ဖက်!!
ခြေထောက်နဲ့ပါ ထပ်ကန်လိုက်တာကြောင့် အောက်သို့လှန်သွားတာ့ ဘေးက မိန်းမနှစ်ယောက်ကဝင်ဆွဲပြီးတား၏
"ရာချီ နင်သောင်းကျန်းနေတာဘဲ"
"ဖယ်စမ်းပါ ငါ့အသားမထိနဲ့ ရွံတယ် "
လာကိုင်တဲ့လက်တွေကိုပါ ဖယ်ချလိုက်တော့ နှစ်ယောက်သားလည်းထိုင်လျှက်ကျသွားကာ
"ဒီမှာ ငါ့အတင်းပြောချင်ရင် ငါ့လောက်အရည်အချင်းရှိအောင်လို့ "
"မင်းကရော ပုံတိုင်းလိုအင်းမလုပ်အဲမလုပ်ကောင်ယူပြီးဘာတွေမာန်တက်နေတာလဲ"
"ဘာကွ!!"
ခွပ်!!ခွပ်!!
ပုံတိုင်းကိုပါ စော်ကားလာတာကြောင့်
ခွလျှက် တစ်ချက်ပြီးတစ်ချက်ထပ်ထိုးသည်
"မင်းကများငါ့အပိုင်ကို "
ခွပ်!!!ခွပ်!!
"ရာချီ ရာချီတော်တော့ "
ရာချီထိုးနေတာကို နောက်ကနေ လာဆွဲတာက ပုံတိုင်းပင်ဖြစ်သည်။
"ဖယ်စမ်းပါ "
သူသိလိုက်ပြီး ရာချီက အခုသွေးဆူနေပြီ
ရာချီ အငိုက်မိတုန်း မျိုးတင့်က ထပ်ထိုးတာကြောင့်ပိုလို့တောင်ဒေါသထွက်သွားကာပွဲကမရပ်သေးဘဲ မတ်တပ်ရပ်ကာလုံးပန်းနေ၏
"ရာချီကိုယ်ပြောနေတယ်တော်တော့လို့"
တားလို့မရနိုင်ပါ ဒီချိန်က ကောင်လေးကျေနပ်သွားအောင်လုပ်ပေးဖို့ဘဲရှိတော့၏
နောက်ကနေပုံတိုင်းတစ်ယောက် မျိုးတင့်ကို ချုပ်ထားပေးလိုက်တာကြောင့် မျိုးတင့်မရုန်းနိုင်ဖြစ်နေ၏
"တော်တော့လို့ပြောနေတယ် "
တော်တော့လို့သာ တားပေးနေတာ မျိုးတင့်ကိုသူကကိုယ်တိုင်ချုပ်ပေးထားတာကြောင့်
ရာချီ လွတ်လပ်စွာ ထိုးနိုင်၏
"မင်းကများငါ့အပိုင်ကို!"
ခွပ်!!
"ပုံတိုင်းကို ထပ်ပြောရင် မင်းအိမ်ကိုမီးလာရိူ့မယ် "
ခွပ်!!
"ပုံတိုင်းဆောင် မင်းအခုလွှတ်စမ်း "
မျိုးတင့်ကအော်ပြောလိုက်တော့
"မင်းတို့ရန်ဖြစ်မှာဆိုးလို့ချုပ်ထားတာကွ"
ခွပ်!!
"ဒါဆို ရာချီ့ကိုဆွဲလေ ငါအထိုးခံနေရပြီကွ!!"
"ရာချီကိုဆွဲရင် ရာချီ့ကိုမင်းထိုးမှာမလား"
ခွပ်!!
"အာ့ အခုမင်းငါ့ကိုဆွဲတော့ငါအထိုးခံနေရတယ်လေ"
"ခံလိုက်လေ "
ခွပ်!!!
"နောက်ခါမင်းတို့ပါးစပ်က ပုံတိုင်း မကောင်းကြောင်းပြောကြည့် အကုန်သတ်ပစ်မယ်!!"
ခွပ်!!!
"ပုံတိုင်းကိုပြောချင်ရင် ငါ့ကိုအရင်နိုင်အောင်လုပ်ကွ!!"
ရာချီရဲ့ စကားကြောင့်ပုံတိုင်းတစ်ယောက်တော့ပီတိဖြစ်ကာ လက်မတစ်ထောင်ထောင်နဲ့ နောက်ဆက်ဆွဲဘယ်ရောက်မလဲဆိုတာကိုတော့ သတိမထားမိကြပေ။
<><>
"ရာချီဒွေး!!မင်းက တစ်ယောက်ထဲရန်ဖြစ်ရတာ အားမရလို့ အဖော်နဲ့ဖြစ်တာပေါ့ဟုတ်လား "
"ရာချီ့ကိုအဲ့လိုမပြောပါနဲ့သူကြီးရန်ဖြစ်တာက ကျွန်တော်မပါဘူး "
"မင်းတို့သုံးယောက်လုံးဖြစ်နေတာ ငါမသိဘူးမှတ်လို့"
ရာချီ့ကတော့ သူအဖေပြောတာကို ခေါင်းထဲမရောက်ဘဲ မျိုးတင့်ကိုသာ မျက်ထောင့် အနီနဲ့စိုက်ကြည့်နေ၏
"စိန်စိန်ပြောလိုက်လေ ငါပါလားလို့"
"ဟင်.."
"မေ့နေတာ နင့်ဆီမှာ ငါ့အကြွေးရှိ"
"ဟုတ်ပါတယ်သူကြီးပုံတိုင်းမပါပါဘူးသူတို့နှယောက်ဖြစ်နေလို့ဝင်ဆွဲရုံပါ "
"တွေ့လားကျွန်တော်မပါဘူး "
"ပါပါမပါပါ ရာချီမင်းကိုထိပ်တုံးခက်မယ်"
မျိုးတင့်ကိုကျ လွှတ်ပေးပြီး သူ့တစ်ယောက်ထဲကိုဘဲ ထိပ်တုံးခက်မယ်ဆိုတာကြောင့်ရာချီဒေါသထွက်ကာ
"ကျွန်တော်မှားနေလို့လား!!!"
"မင်းမှားတာဘဲလေ "
"ဘာ..သူတို့ဘာသာ သူများအတင်းကိုအရသာခံပြောနေလို့ဆုံးမလိုက်ရုံဘဲမဟုတ်လား "
"မင်းတို့လုပ်ရက်က မှန်ခဲ့လို့လား မင်းတို့သာမှန်နေရင် ဘယ်သူမှအားအားယားယားဒီလိုပြောမနေဘူး "
"ဒါဆို ကျွန်တော်တို့ကမှားခဲ့တယ်ပေါ့ကိုယ်အတင်းကို လာပြောနေတာတောင် ခေါင်းငုံ့ခံနေရမှာပေါ့ဟုတ်လား "
"မှားတာလုပ်ရင်တော့ ခံရမှာဘဲကွဘာတဲ့ယောင်္ကျားချင်းကိုများချစ်ကြိုက်နေလိုက်တာ သဘာဝကိုမရှိဘူး "
"အဖေတို့ပြောတဲ့သဘာဝကဘာလဲ မိန်းမနဲ့ယောင်္ကျားချစ်ကြိုက်မှ သဘာဝလားဟုတ်လား ပိုက်ဆံကိုဘဲကြည့်နေတဲ့အဖေ့ရဲ့ အတွေးအခေါ်တွေကဒီလောက်လေးဘဲရှိတာ ကျွန်တော်လက်ခံပါတယ် ကျွန်တော်ဘဲထိပ်တုံးခက်ခံပါ့မယ် "
ရာချီ ကိုယ့်ခြေထောက်နဲ့ကိုယ် ထိပ်တုံးရှိတဲ့နေရာကိုလှမ်းလိုက်ပေမယ့် ပုံတိုင်းကလက်ကိုဆွဲထားလိုက်ကာ
"ရာချီကို အခုထိပ်တုံးခက်ရင် ကျွန်တော်အပိုင်ဖြစ်တဲ့ရာချီကိုသွားရောင်းစားမှာပါ"
"ဘာကွ !!"
"မရွေးနိုင်ဘူးဆို ရာချီကိုချုပ်ချယ်ခွင့်လည်းမရှိသလို ပြောဆိုပိုင်ခွင့်လည်းမရှိဘူး
ကျွန်တော်ပြောခဲ့တယ်ပြောတယ်ထင်တယ်
အခုသူကြီးသားကကျွန်တော်အပိုင်ပါဆိူတာကိုလေ"
သူကြီးကိုလည်းနိုင်မည့်အကွက်တွေနဲ့ပြောခဲ့ပြီး ရာချီ့ရဲ့လက်ကိုပါဆွဲပြီးအဆုံးထိလျှောက်လာခဲ့ပမယ့်
ရာချီကတော့ တိတ်ဆိတ်နေဆဲ။
ကိုယ်ပြောခဲ့မယ်ထင်တယ် ရာချီကခန့်မှန်းရခက်တဲ့သူပါလို့ သူရဲ့စိတ်ကိုအခုထိမခန့်မှန်းတက်သေးတာကလည်း ကျွန်တော့်ရဲ့
အားနည်းချက်တစ်ခုသာ။
"ရာချီ အခုဘယ်သွားနေတာလဲ "
"မျိုးတင့်ဆီကို အဲ့ကောင်သွားတွေ ငါရိုက်ချိုးရမှ ကျေနပ်မှာ ဒါမှ သူစကားမပြောနိုင်တော့မှာ "
"ရာချီ တော်တော့ ကိုယ်နဲ့ အိမ်ပြန်ကြမယ်"
သွားနေတဲ့လမ်းကိုကွယ်ပြီး ရာချီ့လက်ကိုဆွဲလိုက်ပေမယ့် အတင်းရုန်းကာ
"ဘာလဲ သူတို့ဒီလိုပြောနေတာကိုမင်းကကျေနပ်နေတာလား "
"ကိုယ်ပြောတာအဲ့လိုသဘောမဟုတ်ဘူးလေကွာ အခုမင်းရဲ့ ဒဏ်ရာကို အရင်ဆေးထည့်မှပေါ့ "
"ငါဒီဒဏ်ရာလောက်ကို နာနေမယ်ထင်နေတာလား ဒီရင်ဘတ် ဒီ..ဒီထဲက ဒဏ်ရာကပိုနာကျင်နေတာကွ!!"
သူ့ရင်ဘတ်ကိုပြန်ပြီးရိုက်၍ အသံကိုလည်း အသားကုန်ညှစ်ပြီးမှ
အားယူပြီးပြောနေလျက်။
"ကိုယ်တောင်းပန်ပါတယ် ကိုယ်ကြောင့်နဲ့"
"ခင်များတောင်းပန်ရလောက်အောင် ကျုပ်တို့အမှားလုပ်ခဲ့လို့လားဗျ!!"
"ကိုယ်တို့မမှားခဲ့ဘူး ဒါပေမယ့် စိတ်ကိုအေးအေးထားပြီး ကိုယ်တို့ပြန်ကြရအောင်"
"မပြန်ဘူး!!"
"ဒေါသကိုနောက်မှထားခဲ့ပါရာချီရာ..သူပြောလဲဘာဖြစ်လဲ အခုပြီးနေတဲ့ကိစ္စကို "
"အဟက် ခင်များက အဲ့ကောင်ပြောခဲ့သလိုဘဲ အင်းမလုပ်အဲမလုပ်ကောင်ဘဲ "
"ရာချီ.."
"ဒီလိုဖြစ်ခဲ့ရင်တောင် သူတို့တွေ ပါးစပ်တွေအကုန်ပိတ်အောင် ခင်များလုပ်ပေးနိုင်ရမယ်လေ ခင်များကာကွယ်ပေးနိုင်တာဘဲ ဘာလို့ လဲကျုပ်ဖြစ်နေလို့လား "
"အင်းမင်းဖြစ်နေလို့ ကာကွယ်စရာမလိုလောက်အောင် မင်းကသန်မာနေလို့
ကိုယ်မင်းကို ယုံတယ်လေရာချီရဲ့ "
မဟုတ်ဘူး ယုံကြည်တာမဟုတ်ဘူး
သန်မာနေလို့လဲမဟုတ်ဘူး အစ်ကိုမသိပေမယ့် ကျွန်တော်က လုံးဝသန်မာတဲ့သူမဟုတ်ဘူး သန်မာချင်ယောင်ဆောင်နေခဲ့တာ...
ကျွန်တော်အခု ဒေါသဖြစ်တာထက် ဝမ်းနည်းစိတ်တွေရောခက်နေတာ အစ်ကိုမှမသိဘဲ
အစ်ကို့ဆီ့က ချစ်တယ်ဆိုတဲ့ စကားသာ ကြားလိုက်ရင် ပိုပြီးသန်မာနေမိမယ်ထင်တယ်...။
________________
[သုံးပိုင်းဆက်တိုက် ထပ်တင်ပေးပါ့မယ် ဒီ ဟာလေးကိုတော့ အမြန်ပြီးစေချင်လို့ပါ အားလုံး ဂရုစိုက်ပါနော် ]