كاتبه(ملاك الحسناوي)
بقلمي🖋
اخ روحي شچانت الهم
حته من تنجرح تضحك
كاظم اسماعيل الكاطع
«««««««««««§«««««««««
أكرم: شنو اللي اتقصدينة بحجيج؟
شذر: أكرم كتلك اي اتفاق ماكو بينة وخر عني مالي خلكك
أكرم: شذر لاتجبريني اسوي شي ميعجبج اني اجيت بس
علمود اسمع الموافقة منج وانتضرتج تكملين الثالث حتة
بهذي العطلة اسوي الخطوبة وانتي تحجين هيييج؟؟؟
شذر: صوتك ولتصيح علية اني مو جارية عندك وبعدين
كتلك اني ما اسوي شي ما مجبورة علي اريد ادرس
واخلص ما اريد أتزوج وماريدك وخر عني يله وخر
أكرم: ها هيج الحجي ماشي شذر تدللين والله الة اخليج
تتوسلين بية بس حتة ازوجج سهلة
عافني ودخل للاستقبال واني ضليت كاعدة برا ودايخة
ولعبانة حتة نفسي كارهة روحي كلش بسبب الشهادة
مالتي وبنفس الوقت تعصبت بدون سبب علة اكرم واني
الغلطانة ويا خليتة يتأمل وينتضر وتالي هيج احجي ويا
استحيفت بنفس اللحضة بس للأسف بعد ما فات الوقت
بقيت كاعدة ودموعي تنزل وحدهة مثل الجمر تحركني ما
اعرف لان قهرتة مدري اطلع حركة كلبي
غسلت وجهي ودخلت جوة عيوني حمر ومبينة باجية
تجنبت اهلي وماوباوعت بعيونهم وصعدت لغرفتي
بقيت كاعدة وقافلة الباب علا روحي تمددت علا جربايتي
واباوع علا الفراغ عقلي حتة مايفكر بشي بس ساكتة
غفيت واني ما ادري بروحي لحدما فززني صوت حميدة
ادك بالباب
حميدة: شذر ماما تكول تعالي نزلي شسوين فوك وحدج
شذر: روحي هسة اجي
كمت دخلت الحمام وفتحت المي البارد كلش بقيت أكثر
من ربع ساعة فاتحة المي أو واكفة بس اريد اعصابي
تهدء لحد ما حسيت شوية ارتاحيت طلعت بدلت ونزلت
يمهم
لكيت الكل كاعد بالصالة وبضمنهم أكرم اللي حتة ما رفع عينة وباوعلي
وماما وحميدة يحضرن بالغدة يردن يصبن الأكل
كعدت يم بابا وهو انتبه علية
بابا: شذرتي شبيج بابا ضايجة هذي كلة لان درجاتج
ناصية كولي الحمد لله اكو طلاب راح يعيدون سنة واكو
اللي ينتضرون دور ثاني هذي مو نهاية العالم ولا هية
مرحلة مصيرية مثل السادس كولي يالله ولا تقهرين بنفسج
ماكو شي يستاهل تنزل دمعة من عيون شذر علمودة
شذر : بابا والله مقهورة مو درجاتي هذي تعبت وانت
تدري اني شكد تعبت حتة عيوني ضعفن
بابا: ميخالف بنيتي هذا نصيبج من النجاح كولي الحمد
لله وانشالله بالمراحل الجاية تشدين حيلج وتفرحينة
بدرجاتج
شذر: أن شاء الله بابا الله يسمع منك
بابا: يلة كومي ساعدي ماما بالمطبخ لتبقين كاعدة وتفكرين
شذر: صار بابا
كمت يم ماما وحميدة وماما رزالة علسريع وهي تشتغل
بدل ما تهديني وتسمعني كلمة حلوة بعكس بابا تماماً
صايرة كلة رزايل وياي باخر فترة شدت علي كلش تكلي
صرتي كبيرة وتصرفاتج كلهة تتحاسبين عليهة
سكتت عنها كلشي مرديت وكلبي يم أكرم اللي
مطنكر علية وحتة عينة مرفعهة الوب اريد بس الصالحة وهو قافل
كملنة صب الغدة وكعدنة كلنة علا سفرة وحدة واتعمدت اكعد كبالة كلش وهو ولا مهتم
اكل واباوع علي مركزة حيل ويا وهو ولا يمة
ماما جانت مركزة علا نضراتي وشافتني اباوع علي واني ممنتبهة آلهة حجت وياي بس بخزرة
ماما: شذر ليش متاكلين
شذر: انتبهت آلهة تباوعلي ورافعة حاجب وعيونها تحجي شي ثاني
شذر: ها ماما دة اكل شوي شوي
سكتت عني وماردت شي علية هو من سمع حجاية ماما كام من الأكل حس بيهة انتبهت علية
واني بس شفتة طلع كمت ورا بسرعة
طلعت لكيتة يغسل بأيدية وكفت يمة
شذر: أكرم سامحني والله ماجنت متقصدة بس اعصابي تلفانة كلش اعذرني
أكرم: روحي جوة شذر لتراويني وجهج
شذر: الله عليك بس هالمرة سامحني متنعاد والله
يسمع ويغلس ولا جن احجي ويا نشف ايدية ودخل للأستقبال
خلاني اشيط مرة ثانية بقيت واكفة بمكاني ما اعرف وين
حميدة: لج كومي غسلي وجهج الولد كاعد برا ينتضرج
يريد يشوفج ويروح
شذر: طفرت من الفراش عبالي جنت احلم بس من شفتهة
تحجي صدك كمت رحت غسلت وجهي وفرجت لبست
تراك مستور وخليت شالي علا راسي ونزلت علا كيفي
حتة محد يسمع خطواتي فتحت الباب مال المطبخ
وطلعت للطارمة لكيتة واكف بالباب
شذر: ها أكرم شنو اكو شي جاي الفجر
أكرم: شذر تردين نتصالح
شذر: اي ما اريدك تزعل عليه جانت ساعة عصبية
اكرم: ماشي تعالي وياي بالسيارة
شذر: ليش
أكرم: خل نسولف ونتفاهم
شذر: ماشي خل البس عبايتي
دخلت جبت عبايتي وطلعت صعدت ويا بالسيارة وهو
بس شافني صعدت قفل السيارة وحركهة
شذر: أكرم مو كلت نكعد نسولف بالسيارة وين ماخذنة
أكرم: نروح بالشقه أحسن حتة محد يشوفنة
شذر: زين شنو هاي الريحة اللي بسيارتك مو طيبة
أكرم: ماكو شي لتهتمين
يحجي ويمسح بعيونة وكوة يتنفس حسيتة مو طبيعي
بس ما خليت أبالي ابد يطلع سكران
واني جنت كلش واثقة منة لأن المرة اللي فاتت أخذني
بالشقة وكلشي ما سوة. وياي فة آمنت انو مراح يصير شي
يمشي بالسيارة طاير وكلساع يريد يدعم وما منتبه كوة وصلنة للعمارة
نزل وفتحلي الباب وقفل السيارة ولزم ايدي وخلاني ورا يمشي كدامي مستعجل
شذر: أكرم بس علا كيفك شبيك مو طبيعي اليوم
أكرم: ماكو شي بس حتة محد يشوفنة
صعدنة للشقة فتح الباب ودخل ودخلنة ورا ورجع قفلهة وطلع المفتاح من الباب
شذر: هاي ليش طلعتة انطيني المفتاح هسة اطلع ليش هيج دتصرف
ما انكر رجفة أطرافي وخوفي منه تصرفاتة كلهة متغيرة
جانت ومن دخلنة بالشقة ضل حتة ميرد علي
وكف كبالي نزع قمصية والبنطرون وشمر ملابسة بقة بس بالش......
أكرم: تعالي اليوم اني اراويج منو اللي ينضحك علي
شذر: أكرم بروح امك وخر انتبه علا نفسك انت مو
بوعييك وخر لتسوي هيج امنت بيك وأجيت اريد اراضيك لتكسرني وخر
أكرم: لا بوعيي شوفي
سحب دولكة مال مي جانت علا الطبلة وذبهة فوك راسة كلهة
وهو مثل الوحش الهايج يحجي ويزفر بالهوة
ابتعدت اشوي عنة وشردت للغرفة قفلتهة وطلعت المفتاح هو اجة وراي بس ملحكني شوي وصار هدوء
بقيت ادور بلكت الكة تلفون اتصل علا حميدة ماشفت تلفونه وتلفوني ناسيتة بالبيت
ضليت كاعدة ومكرفصة علا نفسي واطرافي كلهة ترجف وكلبي ينبض حيل
خفت كلش ابد متوقعت هيج تصرف منة
شوية وسمعت صوت الباب مال الغرفة ينفتح جمدت
بمكاني أي حركة ما بدرت مني بس عيوني علا الباب ودموعي تنزل
فتح الباب واجة تقرب مني لزمني بأيدي من كتفي
ورفعني الة ولزم وجهي بايدة الثانية ويعصر علا فكي
أكرم: اليوم اراويج وجه ما شايفتة مني قبل استخدمة بس وي الحقراء امثالج
سحب القميص مالتي بيدة اتكطعن دكمة أو انشك وخرة عني
واني فقدت بقيت بس اصرخ وادفع بي بس هو جبل مايهتز من شافني اصرخ سد حلكي بايدة
وشكك باقي ملابسي علية ودفعني علا الجرباية
وأخذ اللي يريدة بكل وحشية وبدون ما يرفلةجفن علا
وضعي واني بين أيدية شفت أكرم شخص ثاني
مو اللي عرفتة ابو حجاية الحلوة واللي أسلوبة يخلي اكبر بشر يخضعلة
وخر عني وكام اخذ خاولي ودخل للحمام
بقة يسبح وقت كلش طويل واني متمددة بالفراش دموعي تنزل
حتة ما اتحركت احس روحي تخدرت من الوجع
سمعت باب الحمام انفتح
غطيت روحي بالجرجف وغطيت راسي ما اريدة يشوفني
دخل للغرفة طلع ملابس من الكنتور ولبس وصاح علي
أكرم: كومي سبحي خل اوديج لأهلج
سكتت ما رديت علية ولا تحركت بيا وجه اروح لأهلي
واني صخمت وجوهم
صاح مرة ثانية بزمخ
أكرم: ما تسمعين كومي يلة بسرعة
شذر: كمت من مكاني واني ارجف وابجي بصوت مخنوك
لفيت روحي بالجرجف وطلعت وكفت يم باب الغرفة هو واكف
شذر: وخر خل ادخل للحمام
أكرم:جيبي الجرجف
شذر: كتلك وخر حقير وخر عني
فقدت وكمت الطم واضرب علا راسي وكعدت بالكاع واني ابجي واحجي ويا
شذر : انت اكثر بشر حقير عرفتة بحياتي اكرهك وأكره كلشي بيك احساسي جان بمحلة من ما ارتاحيتلك
كلي كلي بيا وجه ارجع لأهلي شنو اكللهم بيمن اكابل بابا اخواني امي اللي مخلين كل ثقتهم بية
واني مثل العمية طلعت وياك بنص الليل بس حتة ارضيك
لاخليت اعتبار لا لأبو ولا لأم ولا لأخو وانت بشنو
جازيتني اغتصاب وبكل وحشية اكررررهك وحق الله
اكرهك انشاللة حركة كلبي تطلع بيك يا أكرم وما تتعداك
من شافني هيج فقدت عافني وراح كعد بالصالة يدخن
ويسحك جكارة ورا جكارة بدون حتة ما يباوع الي وعيونة مثل الدم أو وجهة محتقن
عفتة ورحت اخذت خاولي ودخلت الحمام سبحت واني اغسل كل مكان بجسمي اريد اروح اثارة اللي طبعهن بجسمي
سديت المي ولفيت نفسي بالخاولي وطلعت
رحت للغرفة اريد شي استر روحي بي ماكو ملابسي تشككن وبقيت كاعدة ومخلية ايديه علا راسي
هو من شافني دخلت للغرفة جاب علاكة شمرهة علية
أكرم: لبسي ذن وطلعي بسرعة خل اوديج للبيت
شذر: فتحت العلاكة بيهة تراك قياسي كلش ومثل اللي البسهن
طلع محضر لكلشي من قبل لايجيبني شكد كرهتة
أخذتة ولبستة ولفيت شالي ولبست العباية وطلعت يمة
شذر: كوم وديني
كاعد ويباوع علي مرت لحضات وهو عينة منزلهة مني
وبدون ما ينطق اي كلمة كام فتح الباب وطلع طلعت اني ورا وقفل الشقة ونزلنة
صعدت بالسيارة ورا وهو صعد طول الطريق ساكت كلشي ما حجة
ردت بس ينطق بكلمة بس يبرر ماكو اي حجاية ما بدرت منه
لحد ما وصلنة اتصل علا حميدة تنزل تفتح الباب ومن شافهة نزلت ودخلت يلة تحرك
صعدنة للغرفة وحميدة من شافتني عيوني مورمة أو حست اكو شي
حميدة: شنو ليش تأخرتو كلي بس احاجيهة ونرجع شصار بيكم حتة نوم ما نمت
واني شبيهن عيونج مورمات
شذر: كلة منج حقيرة كله منج انتي السبب اللي صار بسببج
حميدة: لج شذر شبيج شنو اللي صار فهميني
شذر: أكرم اغتصبني!!!!
يتبع
......................................