ألرقطاء وكراتها الثلاث🐍
اللـدغة الحادية والثلاثين 🐍
بقلم كهرمانه
______________
هرم:-مديت رأسي بالسياره وسألته
-أنتَ منو؟
-زوج أمچ أسمي غزوان، يـله أمج گالبه الدنيا عليچ خلصيني صعدي
هرم:-أحس أكو شـيي غلط صعدت واني مو متطمنه لو متصله بمسك وگايلتلها تجي أحسن من هــاي الهوسه كلها
طول الطريق نضراته عليه ممفارگتني خفت من عنده أريد اغفى بَــس اعاند روحي وأبقى كاعده
دخلنا بغداد غمضت عيوني وغفيت ماحسيت إله بـ لمسات خشنه على رجلي فتحت عيوني مذعوره وعيني على غزوان ابتسم وگال
-يـله گعدي وصلنا
هرم:-فتحت باب السيارة وطلعت أمشي وراه هــوَ دخل بوحده من البيوت وياريتني ماداخله عبالي أمـي تتلگاني بالأحضان
عبالي أشمها لأول مرة بحياتي واحضنها اشوف دفو حضنها الأحلم بيها چنت اتخيل عطرها بنفسي اشوفه نفس عطر الحنية اللي بمسك
أول مافتحتلي الباب ابتسمت بمكر وگالت بأستهزاء
-هلا هلا ببنيتي الجمييله تعاي دُخلي تعااااي
هرم:-دخلت وداخلي يرجف عكس مضهري سدت الباب وقفلته قفلتين ولزمت المفاتيح وشمرتهن لزوجها وتضحك بصوت عاااالي
عقدت حواجبي بإستغراب وزوج امي يبتسم ويباوعلي مثل الواحد شايفله صيده
تمنيت لو باقية يم بـَحـر ولا هالخوف الداشوفه حسيت بنفسي أني شگد غبيه
من انسد الباب انكتب عذابي امي لزمتني من شعري وسحلتني لداخل البيت شمرتني بالصالة وهيَ تصفگ بأيديها
-والله طلعتي سهله ياهرم ماتوقعتچ غبيه وماخذه غباء أبوچ
هرم:-مثل غبائچ يوم ضحك عليچ وتزوجچ
خيزران:-أيا طايحة الحظ
هرم:-شتردين من عندددددي لييييش چذبتيييي عليه
خيزران:-حِـلوه ويجيني هْوايَــه فلوس من وره صماخچ
هرم:-عوفيني فدوه والله أنـي اخلي بـَحـر ينطيچ شگد ماتردين بَــس عوفيني
خيزران:-هههههه بـَحـر خوش صيده صايده ولچ
هرم:-ماجاوبتها ونزلت عيوني للگاع مثل الذليله أمـي لاا أكدر اضربها ولا اكدر اغلط عليها تبقى أمـي لو شما سوت
من يومها وأبتدأ عذابي شفت أشياء ماچنت متخيله أشوفها بيوم ولا أگدر ابوح بيها لشخص عيوني تشوف الحرام وأذني تسمعه وروحي تحس بهالشي الجاي تشوفه وتسمعه
شگد قذر وشگد حرام وليش الله محرمه وامي تسوي كلشي گدام اطفالها وزوجها عادي يجون زلم للبيت وتدخل وياهم للغرفه والباب مردود عالنص
زوجها مايهمه اهم شـيي تشتغل وتنطيه فلوس يشرب بيهن يباوعلي بنضرات وصخه أكثر من مره حاولت أشرد من عدهم بَــس بكل مره أتعاقب عقاب أقوى من القبله
أگعد ويگعدون امي وزوجها يقررون شيسوون بيه امي تگله أدزها للأم باربيل تسويلها ترتيبات شويه ونحصل منها فلوس راتب
وزوج امي يگللها لاا نبيع اعضائها نعيش ملوووك زماننا واني صافنه واسمع لكلامهم ببرود هيچ روحي رخيصه عند امي
معقوله تنحسب عالأمهات مايحن علينا گلبها أبد صارت الدنيا ليل واني گاعده بالغرفة ومقفوله عليه الغرفة شفت الباب تنفتح
دخل زوج امي وبيده قوطيه شكلها غريب گعد بالگاع فتح القوطيه واني أرجف گعدت عالكرسي الموجود ومحتضنه روحي
باوعلي وعيونه حمر شكله مثل الواحد دايخ واضح عليه سكران
-شِــنو رأيچ تنطيني روحچ متخسرين
هرم:-أستحي على روحك عاااار شِــنو أنطيييك روووحييييييي دير بالك مني واحفظ نفسك ترى متخلص والله اموتك بدم بارد بـ طگة رگبه تموت
غزوان:-هــوَ هذا اللي مخوفني بَــس الخوف الأكبر من بـَحـر إذا لگه هذا العنوان شيسوي يودينا ورى الشمس
هرم:-ليش بـَحـر يدور عليه ؟
غزوان:-اييي ويندل ذاك العنوان متشوفينا انتقلنا لهنا گالب الدنيا
هرم:-هسه يلگاني ويعلسكم علس
غزوان:-هه ههي لاا ميلگاچ ولا يعلسنا أمچ راح تبيعچ بأقرب وقت
هرم:-دموعي يكسرني كسررر صيحت وغلطت عليه وهوَ يضحك عليه
غزوان:-الأم بَــس تتفرغ وتجي لبغداد تشوفچ وتاخذچ لأربيل
هرم:-الأم منو
غزوان:-وحده تتاجر بالدعـ*** تعرف خيزران
هرم:-عزززه شِــنو استلمت فلوس
غزوان:-لاا لسه لأن الأم ماعدها فراغ
هرم:-دخيلك ياربِ ألطف بحالي وخلصني يارب بجاه النبي بجاه أهل بيته وكل واحد منزلته يمك چبيره يــاا الله ساعدني طلع غزوان من الغرفة وقفل عليه الباب تمددت بالگاع اريد انام تعودت انام نوم متقطع بسبب الخوف حتى نومي صايــر خفيف
وثاني يوم اجت امي فتحت الباب ودخلت هاجمتني لزمتني من شعري وسحلتني سحل
-يـله تعاي أسبحچ الوصخه القذره ريحتچ تكتل
هرم:-ما أسبح تخنگييينيييي
خيزران:-عسااااچ مخنوووگه ومييته
هرم:-دخلتني للحمام وقفلت الباب رفعت عيني وباوعتلها نطقت كلمات مسمومه مثلها هزتني هز
خيزران:-شوفي لچ عوبه مادامني أني أمچ انتِ متسلمين من عندي ولاترتاحين أبقى كابوس ولاحگچ طول عمرچ أنتِ عبده الي
أگلچ ترحين يمنى تجين يسرى بكيفي تتحركين وحتى اذا عفتچ راح تبقين تتذكريني بملامحچ بوجهچ كلشي بيچ يگول أمچ خيزران ويبقى العرگ دساس لو بييدييي أحرگچ اخخخخ
تذكري زين انتن مجرد طين زااايددد انتن غلطة حياااتييييي أشر مخلوقات على وجه الكرة الأرضيية أنتن مو طبيعيات
مدمرات ، حاقدات ، خبيثات ، تمشن وتبثن السم وين ماتتواجدن عشتن علمود الأنتقام اللي راح يدمرچن وتنتهن ويومچن قريييب
ولدتچن بَــس تخلصن المهمه وتموتن خليهاا ببالچ ترى
آل صحار ميعوفونچن عايشات ماتشوفني اتبريت منچن وعشت حياتي لأن انتن يجوز بعد سنه ميتات كنان ومعاذ وعابد وغساااان
ذوله عدهم نفوذ بالدوله وأصدقاء وزراء ومسؤولين يعرفونهم بمجرد إشارة منهم تنحرگ أوراقچن وترحن بيها
ولاتنسين أبن عابد اللي بالأستخبارات هه طين زايد راح اشرف على موتچن واتشمت الله ياخذچن لنار جهنم هيچ كون النار تحرگچن حرگ
هرم:-كااافيييي كاااافييييي اسكتيييي كافيييي لتحچيييييين صدگي طووول عُـمري ماراح أسامحچ على اللي سويتيه
حتى إذا شفت النار نفسها التدعين بيها علينا تحرگچ حرگ هَـم ماراح يرف گلبي عليچ وداعة مسك اللي ما أحلف بيها چذب جرتني وگعدتني على الطبله اللي بالحمام شغلت المي الحار وشويه مي بارد بَــس أكثر شـيي المي الحار
نزعتني ملابسي وشالت مي بالدولكه وشمرته عليه وأني أصرخ من حرارة المي والخوف اللي تجدد عندي
خلتلي شامبو هوايه كُـلش هْوايَــه بحيث اختنگت بالرغوه وهيه ماتنطيني مجال أتنفس تشمر عليه مي هلكت روحي رادت تطلع على ماكملت السبح
شمرت عليه ملابس وطلعت الجو بارد والملابس خفيفه وفاضحه لبستهن وطلعت واني أستر بجسمي صاحتني وهـيَ بنفس الغرفه اللي چنت موجوده بيها رحت يمها وأشرتلها عاللبس
-شِــنو هذا ؟
خيزران:-ملابس يَـعنـي فستان أغلى من كرامتچ يسواچ
هرم:-يس أنـي مالبس هــيچ شِــنو بنت ليل
خيزران:-عن قريب جدًا تصيرين بنت ليل
هرم:-ماريدهن هسه انزعه جيبيلي غيره لو ارجع على ملابسي
خيزران:-ممنووووع راح يجون جماعة من الأم يشوفونچ ويصورونچ أنـي اريد أخلص منچ بأسرع وقت مابيه حيل يلگاچ بـَحـر يمي وتصيرلي مشكله
هرم:-لهالدرجه تخافين من بحررر
خيزران:-لاا لاا ماخاف بَــس من وراچ راح تجيني هْوايَــه فلوس واذا إجه بـَحـر وأخذچ تروح عليه هــاي الفلوس وما أربح شـيي
هرم:-الله لايوفقچ ان شاء الله ولچ انتِ امي امييييييييي افهميييي امييي المفروض تخافين عليه من هذا الهوا
خيزران:-لاا إنتن بــَنات نذير النصاب اللي ضحك عليه وتزوجني وانتن غلطة
هرم:- عافتني وطلعت من الغرفه واني ضليت ادور بالبوفيه الموجوده شفت ملابس اطفال زوجها تجي أعمارهم بالمتوسطه طلعتلي تيشيرت وبجامه ولبستهن رجعت شافتني غمتني وعوجت حلگها
-أمداچ يالططوه مايجون اليوم صــار عدهم شغل والأم مسافره شگد فگر انتِ
هرم:-بَــس اريد افتهم شـلون تبيعيني لوحده تعرفين بيها انسانه مو زينه ، والله مو طبيعيّه مريضة نفسيه روحي اتعالجي بلكت تتغيرين اجتني رادت تضربني دفعتها وهـيَ تخبلت عليه شـلون دفعتها ضربتني وگامت تملخ بشعري واني اصرخ وهـيَ تغلط عليه
اجه زوجها وياه واحد صغير يجي بعمر خالو فارس جروها من عندي وهـيَ مستمره تغلط عليه اخذني زوجها وخلاني بنفس الغرفة القديمة
مرت الأيام واني على هذا وضعي أمـي تسبحني بالمي الحار وبكل مره يزيد خوفي أكثر من اللي قبلها زلم انواع واشكال يجون للبيت
ومحد يحچي استغليت عدم وجود امي وغزوان كاعد يشرب طلعت من الغرفه متجهه لباب البيت
وصلتله فتحت الباب طلع مقفول وشافني واحد من اطفال غزوان رجعت كعدت بالغرفة شويه وطلعت للغرفة مال امي
فتحت الشباك مدير نص جسمي أكدر اطلع ابتسمت ابتسامه ذبلانه حسيت گلبي يرفرف مثل الطير ولگه الحرية
طلعت من الشباك شفت سياره سوده وامي مطلعه راسها ركضت بسرعه والسياره تتبعني وامي تصيحني حتى اوكف الناس تباوع عليه وگفت وصرخت واني اباوع للناس
-ياااناااس امي خاطفتنييي تريـد تبيعنيييي حسيت على واحد يشيلني ويرجعني للبيت واني مستمره بالصريخ
-ويييينچ مسسسك الحگيييليييييييي بحررررررررر وينكمممممممممم ساعدووونييييي يانااااااسسسسسس راح تبييعنييييي خله ايده على حلگي مانعني من الكلام دخلني للبيت واسمع أمـي تغلط وتفشر عليه وصوتها صــار مبحوح من العصبيه
گعدتني على واحد من كراسي المطبخ وأمرت الولد اللي چان وياها يجيبلها حبل ربطوني عالكرسي وسحلوني للغرفة الچنت گاعده بيها
امي لزمتني ماخلت شـيي بيه صاحي لدرجة رأسي ما اكدر ارفعه حسيت روحي بيدها مثل واحد جابوله لعبه ماعاجبته ويحتار شـلون يخربها هــيچ باوعت عليه وابتسمت
-أني اعرف شـلون اتوبچ وماخليچ تطلعين بعد لو تشردين ولچ بسببچ حتى هــاي المنطقه راح اعوفها وين الگه مكاااان بهالسرررعه وييييييينننن لــيش مدتفهمين انتِ طيين زاااايددد
هرم:-بَــس عوفيني شگد ماتردين فلوس اخلي بـَحـر ينطيچ وازيد هَـم بسس عوفيني الله يخليچ والله تعذبت كافي عليه كل اللي شفته بهذا العمر عقلي بعد مايستوعب أكثر
خيزران:-ماريـد بـَحـر يوصلچ ماريددده انتِ ماتستاهلين واحد يحبچ ماريدچ تكونين سعيده مسك مامرتاحه ويه معاذ ومعاذ اصلًا مايحبها
ولا وجد تحس روحها صغيره على واحد مثل كنان الا انتِ بـَحـر يحبچ وجن جنونه من مالگاچ ههههههه هسه محترگ گلبه
امنيتي اشوف شعوره من يوصل اله تصوير وانتِ ترگصين بالملاهي يمكن أنـي راح اتنازل واشوفه التصوير علمود يرتاح گلبي
هرم:-صاحت لأبن زوجها يجيبلها كتر وراح جابلها كتر يشبه البلايس لزمت ايدي واني اصرخ واتوسل بيها وابوس بأيدها حتى تعطف عليه شويه وتحن بَــس ماهتمت الي ونفذت اللي ببالها
خلت الكتر على اضفر اصبع ايدي الصغير وشلعته صرخت صرخة هزت البيت هز شلعت اضفري بكل برود
صوتي أختفي وايدي من قوة الوجع شبه انشلت وصارت ثگيله هلگت قررت أقطع الأكل والشرب لحد ما أموت
.
.
ديالا:-أطفال وجد كُـلش متعبين ينرادلهم عناية خاصه بقيت يمها هالفتره والحجيه هَـم تساعدنا عليهم سهر مينامون بالليل ثنينهم كاعدين
گاعده الضهر يم الحجيه باوعت عليه وهيَ ماطايقتني ولا طايقه وجودي بالبيت يمهم
-أگول ديالا
ديالا:-هــا حجيه گولي
الحجيه:-لــيش مترجعين يم بيت جدچ مو أحسن؟
ديالا:-صارت غصه ببلعومي حزن على غضب حچيت وأني أحاول ألزم أعصابي
-مايحتاج تطرديني حجيه أني اصلًا منتظره أختي شويه تصير زينه ونروح لبيتها لحد ماتطلع الأربعين واليوم بَــس يجي أبو معاذ أخلي يرجعنا لبيتهم
الحجيه:-أنعل ابليسچ شگد عوبه ولسانچ ماينگدر عليه عينًا خيزران
ديالا:-شكرًا عالمدح والذم حجيه وهسه أني أستأذن ، تنرفزت كُـلش رحت لوجد دفرت باب الغرفة الگاعده بيها ودخلت هـيَ فزت
-هاا شــكوو شــكوو
ديالا:-حچيت بأستهضام وغصه
-چنت گاعده يم أم كنان
وجد:-اي ؟
ديالا:-عمتچ تطردني من بيتها بكل عين صلفة تگلي روحي يم بيت جدچ أگعدي ، غمضت عيونها بقوة دليل على أنزعاجها ورجعت فتحت وگالت
وجد:-خل أخابر كنان واخلي يجي ياخذني لبيتي لأن أنـي هَـم ممرتاحه هنا متضايقة
ديالا:-أجت حضنتني ومسحت على ضهري و هـيَ مقهورة عليه
-ماعاش اللي يطردچ هسه نروح لبيتي ماعاش اللي يطردچ
ديالا:-بَــس هَـم يبقى بيت أبنها أنـي اريد ارجع يم مرمر خلص هْوايَــه صارلي يمچ
وجد:-اسكتي ديالا البيت صــار بأسمي من زمان وحتى نص أملاكه هَـم گال يسجلهن بأسمي حتى يبقن ضمان لأطفالنا من يكبرون مثل معاذ
ديالا:-اتصلت وجد بكنان وكالتله اريد ارجع للبيت مالتنا مامرتاحه هنا وماعرف شِــنو گاللها وسدت التليفون من عنده
وجد:-كافي ديالا لتبقين ضايجه حـبـيبتـي
ديالا:-لاا مضايجه
وجد:-كُـلش مبين ماضايجه بــاعي وجهچ شـلون معقوچ
ديالا:-سكتي مني وجد
وجد:-خلص سكتت يـله كومي نلم غراضنا على مايجي كنان
ديالا:-يـله لمينا غراضنا بالجنط والاطفال بدلنا الهم وجهزناهم كتبت رسالة لمسك ودزيتها ألها بالواتساب أنُ حنرجع اجه كنان باس راس وجد وسألها شبيچ
وجد:-مو كلتلك مامرتاحه هنا
كنان :-حاچوچ شـيي ضوجوچ بكلمة ؟
وجد:-لاا بَــس اريد ارجع وخلص
كنان:-هاهيه امشي
وجد:-انطيته يونس وشلت ياسين وديالا بيدها الغراض نقلتهن للسيارة واجت شالت الخفايف الباقيات ردنا نطلع طلعت الحجيه من الصالة وشافتنا حچت بصياح وتمسكن
-هــا ياچبيري راح تاخذ الاطفال وتطلع واني بعدني ماشبعانه من عدهم
ديالا:-باوعت عليه أنـي رفعتلها حاجبي وهـيَ خزرتني وگالت
-هــاي لأن حاچيت ديالا هيچ راح تحرمني من أحفادي ؟
كنان:-يمه ما أحرمچ منهم وديالا شعليها مرتي مامرتاحه هنا وگلت اخذها لبيتها ترتاح اكثر هناك والاطفال كل اسبوع اجيبهم الج تشوفينهم
ديالا:-رجعت الحجيه گعدت عالتخم وسبحتها بيدها وتخزرر بيه طلعنا من البيت صعدنا بالسياره ورحنا لبيت وجد والأمور طبيعيه
والأطفال يجننون ماكـو أحلى منهم واني مساعده وجد بيهم ومدارينهم مداراة وحذرين بالتعامل وياهم
مرام يوميه تخابر على كنان حتى بيوم اللي المفروض يتواجد يم اختي وجهالها تخلي يرجع تطلعله مشكلة من جوه الكاع
في سبيل يرجع ووجد ممهتمه أهم شـيي عدها أطفالها وموضوع هرم رجعت فتحته ويوميه تبچي عليها وتتذكرها
وجد:-ديالا
ديالا:-هممم
وجد:-أحس روحي ناقصه فـدد شـيي أحس جزء من عندي مفقود ويكتمل بشوفة هرم ولچ روحي تلوب اريد اختي احضنها اسمع سوالفها الأجواء الحلوه التسويها النا من هـيَ يمنا
ديالا:-اوووف ياضيم هرم كبرني فوگ عُـمري عُمرين أتمنى ولو ريحة خبر عنها كلشي ماريـد من الدنيا بعد بَــس ترجع احتي اضمها بروحي وماخلي أحد يأذيها
وجد:-ماعرف لــيش عندي احساس ترجع والله ماميته
ديالا:-اكيد ماميته مبينه بـَحـر لو امي عدهم هرم بَــس امي وين نلكاها
وجد:-سمعت من خالة نقاء أنُ هـيَ رجعت للعراق بَــس متعاركات بسبب زوج امي ميقبل عليها من تحجي وية خاله وحاضرها
ديالا:-ايعععع شِــنو من رجال هذا
وجد:- اي والله وحتى متدري بيها وين گاعده
ديالا:-زين ماعرفتي شعجب عافوا تركيا
وجد:-اي لأ انرفضوا
ديالا:-الله يستر كابوس خيزران مانخلص منه
وجد:-ابدد
ديالا:- بعدنا نسولف دخلت مسك هـيَ وكنان صايــر عصبيي
وجد:-شــكوو شبيكم مسك صايــر شـيي ؟
مسك:-اي
ديالا:-الله يستر شــكوو
مسك:- مو خالة نقاء گالت امي راجعه للعراق فـ انطيت خبر للمدرب عبد الله گلتله اريد مكان خيزران باليوسفيه موجوده اريد تطلعلي عنوانها لو شگد مايكلف
وعبدالله لاگي مكانها عن طريق مختار المنطقه ولأن صيت امي طاش بالفرع اللي هـيَ بيه بسرعه لگوها
هسه رحنا أني وعمو كنان للعنوان لگينا البيت مقفول دگينا الباب عالجوارين طلعت مره وضلت تحچي على أمـي
( نرجع لقبل كم ساعة)
-هــا خاله شتردون من هذا البيت
مسك:-لــيش بابهم مقفول
-انتقلوا البارحه لغير مكان ، فكونا من شرهم
كنان:-شبيهم وكم نفر بالبيت ؟
-والله ياخويه ماعرف كم نفر يوميه ناس طابه وطالعه بَــس اكو مره يجي عمرها نهاية الاربعينها هـيَ ورجلها وجهالها وعدهم بنيه شابه بداية العشرين لو نهاية المراهقة
يوميه تكتلها أمها وتعذب بيها وماننام بسبب صوت الصريخ واكثر من مره طلعت بالشارع وامها تسحلها وتدخلها للبيت گدام اهل المنطقه
بالليل أغاني بصوت عالي وزلم تدخل عليهم من غير الشباب يَـعنـي سمعتهم كُـلش ومشبوهين واهالي المنطقه كلها مغثوثين منهم
مسك:-ماتعرفين وين راحوا
-لاا ماعرف
مسك:-زين شِــنو مواصفات البنيه فدوه
-البنيه شعرها مو اسود جوزي فاتح وقصير وهيه بيضه وناعمه وملامحها مامبينه بسبب الكدمات بَــس ملابسها مثل ملابس الولد
مسك:-هررررم هاااي هررررم عموووو
كنان:-وين نلگاها
مسك:-ماعرررف اخخخخ لاا تسويلها شييي تموتها وميرف الها جفن
كنان:-امشي نرجع أنـي راح ابلغ بـَحـر ومروان وضروري نحصل رقمها لأمچ وسهلة ان شاء الله خلال هذا الاسبوع سامعه خبر عن هرم
مسك:-ان شاء الله واحنا راجعين بالطريق كنان اتصل على بـَحـر وفتح سماعة وبحر چان عصبي ومبين مخبوص عليها
عكس ذيچ الايام واتفق وياه يجيهم للبيت لان يريد يروح لمرمر رجعنا لبيت كنان شفت خواتي لازم اكوللهم ع اللي صــار
ديالا:-شودااهااا يم امييي
وجد:-والله گلبي چان حاس بيها هسه شـلون وين نلگاااهااا
كنان:-نلگاها لتخافون يـله مسك امشي نرجع للبيت
مسك:-يـله بــَنات ديروا بالكم ع نفسكم
ديالا:-اجي وياكم
مسك:-لاا ابقي يم وجد رجعنا لبيت اهل معاذ شفت بـَحـر هناك واگف بباب البيت رحت وگفت گباله وكلتله
-انت السبب بكلشييييي وصلتله هررررم
بـَحـر:-لاتكثرين حچي ماله معنى عندچ تواصل ويه امچ
مسك:-ماعندي أم أمـي ميته
بـَحـر:-هرم يمها وارقامها مكسرتهن ماجاي يطلع موقع الرقم من نبحثه وصارلنا فوگ العشرة ايام ندور عليييهااااا
مسك:-خيزران باليوسفيه چانت بَــس شايله
بـَحـر:-شمدريچ
مسك:-معليك
بحر:-مرمر هَـم ماعدها تواصل وياها
مسك:-اختي راح تروح من أدينا
بـَحـر:-هـيَ راحت للجحيم برجليها هـيَ اختارت عذاااابهااا
مسك:-دفعته ودخلت للبيت وأني أحس نار ومشتعله بگلبي كنان خابر على معارفه انطاهم مواصفات امي وهرم
وراح يبحثون عليها بالبطاقة التموينيه ماعرف بالنفوس علمود يطلعون رقم الدار الگاعده بيه هــاي أذا ناقله حصتها
معاذ يتصل واني مارد عليه مايدري أنـي راجعه للبيت عباله طالعه لأن طلعت من وقت أجه اتصال لكنان وطلعت أمـي ماناقلة الحصه مالتها بعدها باليوسفيه
مر اليوم واني گلبي مثل النار گعدت ثاني يوم الصبح بدلت وطلعت لبيت اختي هستوني گعدت وشفت تليفون اجاه اتصال من رقم فتحت خط عليه طلع بـَحـر
مسك:-منو
بـَحـر:-أنـي بـَحـر لگيت اختچ اكو جماعة رايحين للمركز مال شرطة الـ**** منطين بلاغ بنفس مواصفات هرم واكها تريـد تبيعها وهـيَ استنجدت بالعالم شردت ولزمتها وهسه أنـي وكم شخص من المركز راح نروح
مسك:-صدكك ويييين انطييينييي العنواااااان بحررر الله يخلييييك هسه اجي وين يامنطقه كنان من شافني هيچ جر التليفون من عندي
-بـَحـر وين العنوان هسه اجيك
مسك:-اسمعه يوصف لكنان بعدها كنان سد التليفون واني وديالا ركضنا وراه رفض ياخذنا بَــس أنـي دگيت رجلي اله أروحح وماگال لاا
صعدنا وياه بالسياره وهو ساق بكل سرعته اتصل ببحر وگله ينتضره على بعد شارعين ، طول الطريق أنـي وديالا ندعي تطلع هـيَ نفسها
معاذ اتصل بيه بَــس مارديت عليه مالي خلگه بعديـن رجع اتصل على ابوه وگله لتجيب مسك وياك وكنان گله أنـي راح اوصل ومسك ويايه هـيَ وديالا طلع معاذ ويه بـَحـر جاي
وصلنا للمكان المتفقين عليه سيارة شرطه وسيارة بـَحـر وياه معاذ أشرلهم كنان يرحون للعنوان المطلوب تحركن السيارات
المنطقة فقيرة حاصروا بيت امي بـَحـر دفر الباب ودخل للبيت هوَ ومروان وياهم ثنين شرطه و معاذ وكنان نزل وراهم واني وديالا هَـم دخلنا للبيت المتهالك
شفت أمـي لازمينها ودك فشار علينا وزوجها هَـم وهرم بحضن بـَحـر فاقدة الوعي وايدها كلها دم حسيتها مو اختي عضام وجهها طالعه ملامحها شبه مختفيه
كدمات زرگ على عيونها وخدها وحلگها كل اللي أجه على بالي أختي ميته تقدمت وسحبتها من بين ايدين بـَحـر وخليتها بحضني حضنتها حيل وشديت على حضنها أكثر من حسيت ...
.
.
يتبع
بــَنات بــَنات للأمانه رِدت اطول البارت اكثر واكثر بَــس كلت القفله المناسبه 😂💔
وهم جنت انتضر العطله علمود نرجع للتنزيل المستمر +انتضروا باجر بارت جديد يخبللل