كاتبه (ملاك الحسناوي)
بقلمي🖋
غيرك اجه بعز الظهر
رايدني انام بفيه
رايدني ويحب من صدگ
بس اني مدري شبيه .
............... ♡...............
أرتبكت من شفت أكرم كبالي وكع الكتاب من ايدي
ورجفت أطرافي حسيت يريد يسوي مثل اللي صار البارحة
شذر: انت شتسوي صاعد بغرفتي
أكرم: بس اريد أسألج سؤال وأروح
شذر: واللي يريد يسأل سؤال يجي يدخل لغرفة بنية
وبدون استأذن متستحي متكول خاف نايمة خاف متكشفة انت شنو فهمني
أكرم: ادري بيج كاعدة سمعت صوتج بالصالة
شذر: واذا كاعدة كول ما مبدلة كول ما لابسة حجاب
أكرم: هسة لو اشوفج مصلخة هم عادي اول وتالي انت إلي
شذر: ماشي خل انزل لأمي تتفاهم وياك أنت مو مال واحد يسكتلك
لفيت الشال علا راسي واني لابسة تراك بس جان مستور
والحجاب غطة علة باقي جسمي
هو جان واكف بالباب ردت اطلع قفل الباب ودفعني داخل الغرفة واجة قريب مني
أكرم: كتلج بس أسألج وروحي
شذر : من دفعني صرت علا الحايط اليم الباب وهو صار مقابيلي كلش حاجيتة
كتلك وخر الة اكل لماما بعد ما اتحمل تصرفاتك كافي
من حجيت هيج اجة تقرب علي كلش جسمة صار علا جسمي وحوطني بأيدية
أكرم: انتي ليش هيج كارهتني شنو مسويلج اني اكلج
رايدج ومشتريج انتي ماتحسين شنو من بشر
شذر: اني ما الي دخل اذا انت تريدني اني ما أريدك اريد
اكمل دراسة واشوف مستقبلي ما اريد أتزوج
أكرم: يعني مشكلتج بالدراسة عادي نتزوج ودرسي ما
أمنعج حته ما اخليج تخلفين ما اريد جهال لحد متكملين دراسة
شذر: كتلك ما اريد أتزوج بهذا العمر لا تلح علي عوفني
وشوف حياتك طلعني من عقلك كافي
أكرم: يعني انتي تكرهيني
شذر: اني ما اكرهم اكره تصرفاتك
أكرم: يعني تحبيني
شذر: استغفر الله وتاليهة
أكرم: جاوبي واعوفج
شذر: شوف لا اكرهك ولا أحبك اني مو مال هيج سوالف
أكرم: يعني بيج أمل يجي يوم وتحبيني
شذر: لا تتأمل
ردت احجي سكتني وخلة ايدة علا شفتي وسكتني
أكرم: شذر رح انتضرج شوكت ما يحن كلبج علي بس دزي
رسالة كولشي لتسوين واتركي الباقي علي
اني هسة رح أروح اشوف صديقي وباجر اطلع للبصرة
متشوفيني بعد آلة من تكليلي أريدك متفقين
وخر ايدة عن حلكي يريدني احجي
شذر : اذا صار بيوم من الايام هيج شي عود أكلك
أكرم: ماشي اللة كريم
عافني ونزل واني بقيت بغرفتي لسة احس بكلبي ينبض حيل من ورا
هالشخص بلوة مايعرف يلزم نفسة أبد هم زين رح اخلص منة
اتمددت علا جربايتي وغمضت عيني ومن كد التفكير
تعبت ونمت للساعة ب١١ واني نايمة
فزيت اخترعت من شفت الساعة ب١١ كمت رتبت غرفتي
ونزلت لكيت بابا وكرار واصلين ما اعرف شوكت
وماما واخواني كاعدين
شذر: الحمد لله علسلامة بابا
بابا:الله يسلمج بنيتي شلونج
شذر: الحمد لله زينة انت شلونك
بابا: الحمد لله زين انتي كليلي هذا الوقت كلة جنتي نايمة
شذر : لا بابا من وصلنة مانمت كعدت أدرس للعصر يلة
نمت ماحسيت بنفسي
بابا: عفية بالسباعية بنيتي شدي حيلج ولا تخلين وفاة بيبي تأثر عليج
شذر: بكلبي احجي واللة بابا حتة ناسية وفاة بيبي من ورا عنتر
حجيت
اللة كريم بابا أن شاء الله اقرة وأشد حيلي
باوعت علا ماما عيونهة مدمعة تباوع علا مكان بيبي وتتحسر
جانت كعدتنة متحلة الة وياهة هسة رجعنة للبيت وهية
مو ويانة جانت هذي الفترة كلش صعب. علا ماما وعلينة
كلنة بس ماما أكثر وحدة متئذية عليهة دائما اسمعهة
تكعد بمكانهة تنعى وتبجي عليهة ومن تشوفنة تسكت حتة متخلينة ننقهر
مرت الايام علا هلوضع هذا وامتحنت باقي الامتحانات
بس أمتحان الكيمياء أجلت دور ثاني بسبب الفاتحة
ورا سبوعين استلمت النتيجة ناجحة بكلهن بس كاتبين
اكمال لان مأجلة
عدت الايام طبيعي ماكو بيهن شي جديد
لحد يوم اربعين بيبي جنة نتحضر الة قبل يومين
اتفقنة وي خالاتي وعماتي وخوالي يجون للنجف نزور
وبعدين نروح لكربلاء نبات ليلة ونرجع لبغداد
اجة يوم الأربعين وبيومهة كعدنة الساعة ب٥ الفجر وي الأذان
صلينة وتريكنة وطلعنة للنجف
بابا أجر سيارة بس النة حركت السيارة الساعة ب٦ الصبح
او وصلنة ب٨ ونص للمقبرة
رحنة زرنة الموتة وقرينالهم قرآن وبعدها رحنة يم قبر
بيبي الله يرحمهة جان الكل موجود لان طالعين من البصرة بليل أو واصلين الفجر
كعدنة يمهم وماما وخوالي وخالاتي ماقصرو بالنعاوي والبجي منضرهم يمرد الكلب
بقينة ساعة يم قبرهة
وبعدها توجهنة للامام علي عليه السلام
زرنة وصلينة لحد ما صار ضهر ب١ طلعنة
كعدنة بمضيف مال حسينية
خوالي جانو مسوين ثواب وجايبين طباخ طابخ ألهم
يعني من وصلنة الأكل جاهز اتغدينة وطلعنة للنجف
وعماتي رجعن للبصرة
بقو بس. خوالي و خالاتي ثنين وبناتهن وعائلتنة
بس شافتني كمزت ودخلت بسرعة
وحسين ارتبك سلم علية ودخل
حسيت بيهة ناصبة علي هالمرة
دخلت وراهة للصالة باوعتلهة تباوعلي وتعفس بحلكهة عود ما عاجبهة
تجاهلتهة ودرت وجهي عنهة بقيت كاعدة يمهم وهنة
سوالف وضحك ولا مهتمات لشي
كلش احسهن بعيدات عني
صارت ب١ اجة بابا جايب السمج
كمنة للمطبخ صبينة الاكل وحضرنة كلشي واجة كرار
وعباس أخذوا السفر فرشو الهم وحميدة فرشت بالصالة النة
كملنة صب وكعد الكل يتغدة مرت نص ساعة علة ما خلصو
كمنة اني وحميدة عزلنة الماعين واخذناهن بالمطبخ وماما خدرت الجاي
وصبت الهم بقينة اني وحميدة بالمطبخ وماما راحت يم خالاتي كعدت
رحت لباب المطبخ قفلتة واجيت لحميدة من ورا هية ممنتبهة
وايدية كلهن زاهي جريتهة من ذانهة ودخل الزاهي بإذنهة
شذر: انتي شلون تتفقين وي أكرم علية
حميدة: ولج ايي وخري ذاني عورتيني
شذر: احجي واني اعوفج
حميدة: تعالي تعالي كبالي بس خل اشوفج الة اهلس شعرج
تفتر وراي واني صايرة وراهة وجارة ذانهة من تفتر افتر وياهة وما كدرت تلزمني
لحد ما نزلت روحهة أو وخرت صارت كبالي طلعت اركض
من المطبخ واني ذابة شالي ورافعة البجامة لحد ركبي
وهيه تركض وراي وتصيح
جان اكو مي بالطارمة واني اركض زلكت بي او وكعت
وهي صارت فوكاي جرتني من كصيبتي واني اتوسل بيهة تعوفهة لا تتكطع
شوية وطلع أكرم من باب الإستقبال وشافني بهذا المنضر
بس شفتة طلع كمت لبدت ورا حميدة لان ما لابسة حجاب
أكرم: شنو شديصير هنا
حميدة: ماكو شي خوية مو يمك السالفة ادخل ما لابسة حجاب هذي
أكرم: والله اني اريد أدخن جكارتي اذا ما اخلصهة ما ادخل
شذر: كلي لحماج لا يحقر خل ادخل جوة وخلي يدخن ما لازمتة
أكرم: اتحملي مشكلتج منو كلج اطلعين وانتي مطلعة زرزوج علينة
شذر: احترم نفسك شنو طالعة يمك بهالشكل غير جنت بالمطبخ ومحد يمنة
أكرم: ومن طلعتي بالطارمة ماحسبتي واحد يطلع ويشوفج بهذا المنضر ما استحيتي
شذر: حميدة كلي لحماج خل يحترم نفسة ترا والله العب بي لعب خليني مؤدبة ويا ترا كوة لأزمة نفسي
أكرم: وين الأدب ما كاعد اشوفة
من حركة كلبي طلعت يمة واني ائشر بأصبعي واحجي علي
شذر: شوف تحترم نفسك ترا والله العب بيك لعب كافي عاد مللتني
أكرم: أين الحجاب أنا لا أراه
انتبهت علة روحي فقدت وطلعت يمة حتة بدون حجاب
عفتة ورحت اركض ما درت علي ولا راددتة وهو وحميدة
يضحكون علي
شذر: بصيطة اني الكم
شوية ودخلت حميدة للمطبخ
شذر: انتي اكبر حقيرة واللة
حميدة: هسة اني شنو سويت انتي الطلعتي يمة لو اني
شذر: وهو ما لكة وقت يطلع بي آلة من طلعت اني
حميدة: حضج هذا بعد شتسوين
شذر: ماشي والله اردهن الة
حميدة: ضلي هو انتي رح اطيرينة من ايدج هل شايفلة
بنية وميت عليهة يمكن رح يخطبهة
شذر: من كالتلي هيج حسيت نار واشتعلت بصدري ما
ادري ليش اختنكت كلش حسيت انو هو ملكي مو ملك
غيري وميصير يروح لغير بنية
بس مكدرت احجي شي وهية انتبهت علي وعلا سكوتي
حميدة: ها شو اشوفج ضجتي
شذر: وعلا شنو اضوج علا ملوحي خيولي مو أبالي أصلا
حميدة: اي واضح كلش
يلة علا العموم الله يوفق الجميع
سكتت عنهة ماحجيت شوية وتذكرت إني ما حاسبتهة علا اللي صار
شذر: تعالي لج لاتشردين بعدنة ما كملنة حساب
حميدة: خل اشرد قبل لاتهجمين مابيه حيلج
شذر: لج تعالي والله ما اخليج ترحين كليلي انتي
ليش هيج سويتي واعوفج
حميدة: شوفي تعالي خل نكعد حبابات ونسولف تعالي يمي
شذر: رحت كعدت يمهة علا الكرسي وهية مقابيلي كاعدة
احجي شو
حميدة: شوفي من اجيتو ذيج المرة لبيتنة
وبوقتهة اني كاعدة ابيتنة واحنة جنة ابيت عمي
شذر: اختصري
حميدة: عابتلج المهم
اجة أكرم ضل يتوسل بية حته يكعد ويسولف وياج كال
بس اريد احاجيهة بأي طريقة
وكتلة انتي ما قبلتي
فة من نمتي اتصل علي طلعتلة كتلة نامت
كال سويلي مجال اشيلهة واخذهة بالكوخ مالتي
كتلة خاف تسوي غير شي كلي اني اخيج تعرفيني ما
عندي هيج سوالف قنعني وخليتة يجي ياخذج قابل شنو
سوالج هو بس مجرد حب يسولف وياج وانتي مو وجه
واحد يسولف وياج
شذر: وانتي سويتي هيج بس لأنج اخيتة لو هذا الزنجيل
اللي بركبتج من عندة عروبن مساعدة
ضحكت بصوت عالي
حميدة: توقعت والله ما تفوتج هههههههه أكيد اكراميتي
هذا لعد اكو شي بدون مقابل
شذر: حقيرة عرفتج بسرعة تبيعين وبالرخيص تضحين بيه
حميدة: لا واللةمو بالرخيص هذا قيمتة مليون ونص
شوفي شكد اعزج أنة بس بالذهب أبيعج مو ابلاش
شذر: طاح حضج وحض الوكت الخلاني اختج
ام فليس اعرفج تموتين علا الفلوس
دخلت علينة ماما واحنة نتناكر ورزلتنة عالماشي
ماما: من مساع ولسة تغسلن ماخلصتن شنو نمتن بالمطبخ
لو ملتهيات بالسوالف
شذر: ماما هاي بتج ملهيتني ماتخليني اشتغل
طلعنة لكربلاء واول ما وصلو حجزو فندق خلينة غراضنة بي
وطلعنة للزيارة واحنة بالطريق اتصلت حميدة علا ماما
كلتلهة انتم بأي فندق انطتهة ماما اسم الفندق ورحنة
زرنة الامام الحسين عليه السلام وأبو فاضل عليه السلام
ورجعنة للفندق قريب علا المغرب
جانت حميدة موجودة بالغرفة اللي بصف غرفتنة
اول ما دخلنة للغرفة اجت سلمت علينة وكعدت
سئلتهة ماما
ماما: شعجب أحمد خلاج تجين
حميدة: مو هو مسافر لأربيل ورح يبقى تسع أيام كلي
ليش تبقين وحدج روحي زوري وابقي عد اهلج
ماما: شو ما انطيتيني خبر لو حاجية جان انتضرناج
بالنجف حد ما توصلين
حميدة: بعد هية صارت مفاجئة هو أول البارحة كلي والتهيت الم بغراضي ما فرغت
ماما: لعد ويامن اجيتي
حميدة: أكرم وحسين اجة ويانة بسيارة أكرم أجينة
ماما: ها الحمد لله علا سلامتكم لعد الولد وين
حميدة: هم أخذوا غرفة هنا بهذا الفندق بس ما ادري وين راحو
بقن يسولفن واني بالي صار يم أكرم هم اجة وهم رح
يرجع علا سوالفة وياي ما ادري ليش كلبت معدتي وتوترت
بقينة كاعدين بالفندق لحد ما أذن صلينة وغيرنة ملابسنة
ورجعنة للإمام اني وماما وحميدة ووبابا هو واخواني طلعو قبلنة
نزلنة بالطابق الأرضي مال الفندق صار كبالي أكرم كاعد علا القنفة
بس صارت عينة علا الدرج شافنة نزل راسة
تقربنة يمة ماما رادت تسلم علي كام بوجهة سلم عليهة
ودار علي
أكرم: شلونج خوية
بكلبي اكول خوية؟؟؟ غريب
جاوبتة
شذر : تمام اني زينة انت شلونك
أكرم: الحمد لله
طالعين تزورون
حميدة: اي نزور ونروح للسوك نفتر
أكرم: ماشي لعد اني وياكم أروح ما زرت
حميدة: لعد حسين وين راح
أكرم: راح يزور من العصر راح ولسة انتضرة وما اجة
ماما: تركو براحتة قابل ما يندل الطريق خلونة نروح هم يلة نلحك
طلعت ماما وأكرم كدامهة يمشي واحنة وراهة
ندست حميدة جانت تمشي بصفي
شذر: ترا ما ناسية اللي سويتي
حميدة: ليش شنو سويت اني
شذر: لاتغشمين نفسج
حميدة: خل نرجع للبيت ونتفاهم
سكتت عنهة واني ابدي اكلهة من حركة كلبي
دخلنة للإمام الحسين عليه السلام زرنة مرة ثانية وطلعنة
أكرم جان ينتضرنة يم ابو فاضل عليه السلام زرنة وطلعنة
هو ويانة كال نروح للسوك سوة ازدحام وماخليجن وحدجن
بس طول ما احنة نمشي هو عينة ماخلاهة بعيني ومتجاهلني كلش
دخلنة علا مطعم لان ما اتعشينة وهو نزل الأكل
أخذ كرسي وكعد كبالي بس ابد ما باوع اني ضليت
احوس ليش هيج متاجهلني كل مرة فرق بس يباوع
تعشينة وخلصنة طلعنة من المطعم رحنة نفتر بشارع
الامام علي
حميدة اشترت جنطة وتراكات وملابس لأطفالهة وماما
هم اشترت ملابس سود آلهة لان رح تبقى لابسة أسود لدوران السنة
واني بس اباوع ماما كالت شنو تردين كلتلهة مامحتاجة شي
شوية أو وكفن علا محل مال ملابس داخلية هو جان
واكف برا واني ما دخلت وياهن استحي لان رجال واكف
وهم ردت اشوفة اذا وحدي يحاجيني أو لا
كعدت علا الرصيف وهو واكف كبالي بس داير وجهة ويدخن
ولا نطق بكلمة اني ضليت افور من احتقارة كلش ضجت
لحد ما كمت من يمة جان اكو محل مال ذهب وكفت كبالة
بقيت اباوع اكو مدالية بيهة حرفي كلش حلوة وجنت
مجمعة فلوس دخلت سئلتة علا سعرهة طلع غالي خليت ورجعت ما أخذتهة
لكيت ماما وحميدة مكملات انطتني ماما علاكة الي وكالت
هذي الج وهو واكف يباوع اني صرت دم من الخجل لان
جايبة ملابس داخلية وهو يباوع صح ما شافهن بس استحيت
المهم شوية مشينة أو وكفن يم واحد يبيع أحذية تكرمون
اشترت حميدة وماما واني هم اخذت كعب كلش حلو
طلعنة من المحل هو ما جان موجود انتضرنا شوي واجة
كملنة مسواك ورجعنة للفندق
من كد التعب كل واحد راح لفراشة ونمنة
ثاني يوم طلعنة كلنة لبغداد وخوالي وخالاتي ويانة
صعدنة وياهم بالمنشئة اللي مئجرينهة
وحميدة وأكرم وحسين راحو بسيارتهم
ساعتين او وصلنة لبيتنة
دخلنة للبيت وهمة ويانة لأول مرة يلتمون خوالي
وخالاتي وننجمع سوية من شلنة من البصرة ولحد هذا اليوم مملتمين هيج
الولد كعدو بالاستقبال
والنسوان بالصالة
أماني جانت موجودة وياهم
صعدت لغرفتي عزلت غراضي وسبحت ولبست تراك
اسود بس مستور وعريض وخليت شال علا راسي ونزلت
كمنة اني وماما وحميدة وخالاتي ثنينهن للمطبخ
وبناتهن كاعدات بالصالة بس أماني تحوس كلساع تطلع بالطارمة
بابا راح للسوك هو وكرار للساعة ب١١ يله اجو
كال طبخو تمن ومركة بامية وهو جايب سمج مودي للفرن يشوونة
ماما وخالاتي وكفن علا الطبخ واني وحميدة نكف وياهن ونساعدهن
كملنة كلشي وصار وقت الصلاة رحنة نصلي
وكعدنة ننتضر السمج شوكت يجيبو ونصب غدة
كلنة ملتمين بالصالة ما عدا أماني شفتهة ما موجودة
كمت طلعت للمطبخ ردت اشوف وين راحت
باوعت من الشباك واكفة بالطارمة وحسين واكف بعيد
عنهة وما ادري شنو تحجي ويا فتحت الباب وطلعت هية
حميدة: هجم بيتهة العاقلة صارلهة ساعة تتناكر
ماما: خلصن بسرعة وتعالن يم خالاتجن
حميدة وشذر: أن شاء الله
طلعت من يمنة وسدت الباب
شذر: حميدة انتي هم مثلي ما ترتاحين لا لخالاتي ولا لبناتهن
حميدة: لا عادي مالي دخل بيهن بيمن مأذياتني
شذر: متشوفيهن صايرات أحزاب كل تلاثة أبحد اووحدة تحش بالثانية
حميدة : كلهة هيج وين ماترحين تلكين هيج أصناف بس
تكومين من يمهن يكصنج عادي لاتهتمين
شذر: والله اني بالنسبة الي ما اخالط بس اللي يرتاحلة كلبي
حميدة: معقدة مو بيدج وكافي لغوةخل نكمل لا تجي ماما تعيد الرزالة
سكتت عنها ونضفنة المطبخ كلة وعزلنا ورحنة يمهن
بقن خالاتي يسولفن كلساع بموضوع وبناتهن كل تلاثة
لأزمات زاوية ويباوعن ويحشن واني وحميدة كاعدات سوة
شوية واجت أماني يم حميدة
أماني: حميدة انتم شوكت ترجعون للبصرة
حميدة: بعد سبع أيام
أماني: ها عود ردت ابقى وياكم بس تتأخرون عبالي
يومين تلاثة
حميدة: اي لعد ضلي شعندج
ام أماني: لا وين تضل منو الي هناك اريدها تساعدني
خواتهة وحدهن ميلحكن
أماني: ماما فدوة خل ابقى والله مخنوكة من البيت واريد اشوف بغداد هناك حتة منطلع
ام أماني: علا الجايات احنة اجينة نتونس لو اجينة زيارة
أماني: قفلتي بعد ما بيج أمل خل أسكت
ام أماني : اي اسكتي مو وكتج
سكتت عنهة واني مكيفة همزين متبقى شكد اكرهة مو راحة
بقينة للعصر كاعدين وراهة كمنة نحضر العشة اني وماما
وحميدة والأخوات مرتاحات ولا كالن نكوم ونساعد ابد
وبوقتهة التلفونات اللمس توة طاشة بالسوك
وهمة كلمن تلفونها وسماعتهة بإذنهة وسرحانات بغير عالم
حجيت وي ماما
شذر: ماما شو بنات خواتج كلمن تلفون لعد احنة شبينة
عطفي علينة اني وحميدة وجيبيلنة كلمن تلفون
ماما: وينج وين التلفون شسوين بي
شذر: ماما هم حالي حال البنات اريد اباوع اشوف الناس
اتعلم اشياء جدد كلش حلو اليوتيوب وهواي يعلم علا شغلات
ماما: وانتي وين شايفة اليوتيوب
شذر: متشوفين بنات اختج كلساع يطلعن شكل ساعة لفة
حجاب جديدة ساعة تنسيق جديد ونوب الأعمال الفنية تجنن
حبابة جيبيلي خل أتعلم اعتبري هدية نجاحي
ماما: الله كريم هسة مو وكتة سدي الموضوع
حميدة: اي واللة ماما ياريت تشتريلي حتة اني يفيدني من يسافر احمد التهي بي
شذر: اي مو رجلج سفير الأمم المتحدة ويومية مسافر
لدولة شو هو مهتلف ملتهي وي جماعتة الدايحين واقوة
سفرة عندة لاربيل علمود النسوان يروح
حميدة: انتي صايرة كلش ادب سزز ملاحضة لو لا
شذر : اني ؟؟؟ اخاف غيري
ماما: هذي كبرت وكمت ما اكدرلهة بصيطة اني اعلمج بس خل يرحون اذا ما اوز ابوج عليج
شذر: ماما ماماتي ام كلب الطيب شبيج وياية هاي اني
شذرتج هيج تحجي وياي
ماما: صايرة وكحة متنكدرين
شذر: لا ماما بس اكو ناس تجبرج هيج تحجين
ماما: اشتغلي وعوفي السوالف
التهينة بالعشة واني وحميدة كلساع وحدة تكادش الثانية عبالك رويسية
كملنة العشة وحضرنة كلشي ورحنة نصلي
او وية ما دة نصلي سمعنة صوت أماني تبجي وخالو
يعيط عليهة بالطارمة وعلا صوتهة كلنة طلعنة للطارمة
يتبع
...................................................
تصويتاتكم اروح فدوه لصابعكمم😂🙈
(2622)كلمه كتبت
قريبا اشباه الابطال