علي..يااا بويه...الحگي يمه...راح اسجل بالقاعة بس و علي مالك فلوس عندي😂
ابراهيم..لا اتخليني اعفطلك هسه..حالك حال الشباب اللي بالقاعه اتورق و تنجب...
علي..شلون يخلون الواحد يتفل😂
ابراهيم..عليمن ولك ساقـ.....
رعد..هذا صاير ما يحترم الأكبر منه كلش..خلي ناخذه ويانه للقاعة انطلعله گلب😂
ابراهيم..اي و علي اله اخلي يزحف على اركبه
علي..يا حسافه غير اخوكم اني..المن فلوس بله شتسوون بيها...
ابراهيم..بعد هذا الموجود..تاكل خره و تنطي فلوس و عود ادخل للقاعة لا هلا و لا مرحبا بيك...😂گومي ولج صبيلنه اكل راح اموت...
هدى..صار...سنااااااء......سناااااااء
رعد..أو ويعه كون ...هذا صوت بنيه بله😂شتريدين من مريتي
هدى..خلي اتكوم اتصب وياي چنها بطه صايره من وره بطنها....😂(دخلت بالخامس و حامل بتوأم بنات لذلك بطنها جبيره بالشهر الخامس)
رسل..لا خطيه عوفيها مرتاحه..شايلتلها بنوتات ابطنهاا تتعب بسرعه ...اني اكوم وياج...
هدى..اروح فدوه لبنت خالتي ..و اتباوع لأبراهيم😂راحن للمطبخ.............كملنه التحضير و الولد سبحو و بدلو و كعدو ويانه.......
عالغدا....
ابراهيم..يمه جايبلكم خبر يخص رسل...
الكل..خير شكو...
ام ابراهيم..خير يمه شنوه الخبر...
ابراهيم..الشركة مالت ابو رسل اللة يرحمة استلمها صديقه بعد اوراق و محاكم و خبصه...و الورث و الأملاك كلها ترجع ل رسل و لازم اليوم انروح لبيت المرحوم نلگالنه دليل حته انحول كل هذا بأسمها......
ام ابراهيم.. باوعت ل رسل و گالت..عالخير يمه تستاهلين..
علي..مو تنسين تنطيني ربع دينار من املاكچ😂
رسل..هههه من عيوني
ابراهيم..باوع ل رسل و حمحم بعصبيه...لاااازم انتي اتروحين وياي لان اتعرفين اماكن بيتكم..و اكيد اتعرفين المستمسكات و الجناسي و الاوراق اللي اتخلص اهلج كلها....
رسل نزلت راسها بخجل..اححم اي بس خالتي اتروح ويانه..
ام ابراهيم..اروح وياج يمه ليش لا...
ابراهيم..وين رايحه يمه و انتي مريضه ما اتشوفين حالتج فدوه اروحلج....خلي هدى اتروح ويانه....سناء ديري بالج عليها...
سناء..شعندي غير عمتي اني...بعيوني اخليها...
رعد..باوع ل سناء و غمزلها...(جانت رسل اتباوعلهم و تضحك)
هدى گمزت و ضحكت...و انيييي ماااا عندييي ماااانع ارووووح....
رعد..هاااا كيفتي عالخواره😂
علي..اتموت عالدياحه اخيتي😂
ابراهيم..تربيتي هاااي..الصوچ بيه...
الكل..ههههههه.......
رسل..كملنه و رحنه بدلنه اني و هدى...
..و ابراهيم بس يصيح من جوه علينه لان تأخرنه......ضلت دگات گلبي تتسارع ...اليوم راح ارجع اشوف بيت اهلي صايرلي 6 اشهر هناا...شلون راح اكدر اتحمل اوگف بنصه...مشتاقه اشم ريحة اهلي بي
اووووف................
..................................................
رسل..صارلي 6 اشهر هناا ..راح ارجع اشم ريحة اهلي اللي اشتاقيتلهم ...راح ارجع لبيتي...شلون راح اگدر اتحمل اشوفه مره ثانيه...شلون راح اكدر اوگف بنصه...اوووووف
احجي بيني و بين نفسي و اني الف ب شالي ...من سمعنه صوت ابراهيم زاد و چنه حيل عصب نزلنه عالسريع...طبعا اني كلشي ما خذيت وياي..بس هدى اخذت تلفونها وياها........نزلنه
ابراهيم..ويييين چنتن..شتسون ؟!!
هدى..ما انسوي شيء...يله هياتنه خلصنه...
ابراهيم..يله گدامي..
علي..اوگفو اوگفو.....
ابراهيم..التفت..خير...
علي..رايح وياكم...(جان امبدل و و امحضر نفسه)..
ابراهيم..ضحك..ههههه توك اتذكرت...يله امشي
علي..و همه يمشون سوه..مشتاق لريحة الكاظمية يا خويه...
ابراهيم..هوه مناكه و انمر عالكاظمية انزور و نرجع...
علي..اي اكيد..
رسل.. صعدنه بالسيارة...و احنه متوجهين للكاظمية و اشوف ابراهيم و علي يسولفون..
طول الطريق يمشي سريع و مرات اتصير سيارات گدامنه و يوگف فجأه و احنه نگمز من الخوف و ننلطم بالكشنات الگدامنه...صارت زقوم مو روحه..و ازدحامات كومه..بعد اتعرفون بغداد و ازدحاماتها ..تبهذلنه اتبهذل.
...طبعا اني و هدى كاعدين وره ...و علي يم ابراهيم بالصدر.....اباوع اشوف هدى اتگلب بتلفونها...و علي هم يگلب بتلفونه و يبتسم....رفعت راسي عالمرايه الأماميه للسيارة ردت اعدل شالي عالسريع چان اتصير عيني بعينه...خزرني..هذا شبي ....
اختلست و رجعت اباوع للطريق..اتذكرت شلون چنت عايشه وي اهلي و سعادة تغمرني و انحسد عليها...
..أما هسه حالتي اتبچي الفقير....وحده يتيمه مالها احد و شابعينها دك و تعذيب و قسوه بدون رحمه...طفرت دمعتي من عيني و گمت ابجي بس بهدوء و اني اباوع للطريق....
وصلنه بعد ساعات.
...نزلنه و ابراهيم طبگ سيارته ب باب البيت كلش...اني هنا شفت الباب مالت بيتنه
اريد اشيل روحي و انزل ما اكدر.....اريد اكوم اريد اكوم ما اكدر....بقيت صافنه اريد ابجي هم ما اكدر..اطفري يا دمعتي....ماكو شيء بس صافنه عالباب......نزلو كلهم...
هدى..نزلي رسل شبيج صافنه ؟!!
رسل..لا تعليق
هدى..رسسسسل و اتهز بيها...رسل شبيج ؟!!
علي..رسل نزلي شبيج صفتني....راح تبقين كاعده بالسيارة..
ابراهيم..انززززززليييييي
بيج قصص وروايات منقولة الفارس رسل..گمزت من الخوف بعد ما صاح بيه...فتحت الباب على كيف و نزلت و اني گوه امشي....حسيت بدوخه لزمتني هدى و حست عليه..
..(طبعاً المفاتيح كلها و اغراض ابو رسل من توفه انطوها الشرطة الهم)....
ابراهيم..طلع المفاتيح و فتح الباب ....
رسل..دخلنه كلنه و اني وراهم كوه امشي و اتحرك...بعد ما كدرت اتحمل بعد...كمت ابجي.......
هدى..اووووه رسل يا عمري انتي...ما يسوه هالدموع..ليش تبجين...؟!!!
رسل..😭😭😭
هدى..يعمري انتي لا تبجين....اللة يرحمهم و يسكنهم فسيح جناته...انتي اترحميلهم يا عمري مو زين هالبجي هذا عليهم يتعذبون بترابهم.......لزمتها و گوه اتمشيها
رسل..بيت اهلي...بيتي اللي عشت بي ايامي و سنيني كلها ...بحزني و بفرحي...بدموع الفرح و دموع الحزن...
اتذكرت كلشي بهذا البيت اللي جان يجمعني بأبوي و امي و فهودي حبيبي..اللة يرحمهم....
اتذكرت شلون چنه ملتمين شلون چنه نضحك و انسولف رغم عائلتنه صغيرة...
اتذكرت فهودي من جنت اشاقيه و العب وياه...
اتذكرت امي شلون جانت عصبيه و حنينه عليه بنفس الوقت...ما عزو أي شيء عليه....
..عيشوني بالجنه...و جنة غيرهم نار....كل خطوه اخطيها بهذا البيت نار تشتعل جواي و اشم ريحة حريق بگلبي اللي فقد اعزازه...
تيتمت و گعدت ببيت شخص ما يعرف شنو الرحمه و لا يعرف شنو الحنيه...اليتيم حوبته ماا تتعده احد و كافل الايتام ياخذ حقه بأيده..
..امشي و الزم الحيطان كلها اتراب ...افتح الكاونتر شِباك عنكبوت و ريحة تراب غامره البيت بعد ما جانت ريحته اتفوح بعطر اهلي و حنيتهم....ابجي و اني اتذكر كل لحضه و كل ثانيه مريتها بهذا البيت...
و كل شهگه بيه تهتف بأساميهم و اتطلع روحي من صدري و اتخليني اتمنى الموت كل دقيقه...عمري 15 سنة و تيمت الللللة اكببببر...لا اعتراض على حكمك يا رب العالمين..الك بيها اراده و بعدتني عنهم و خليتني يتيمه..بس طول عمري محد راح ياخذ مكانهم بگلبي...
و يضلون بگلبي محفروين و للأبد...........
هدى..يعمري رسوله كافي بجي فدوه اروحلج...
رسل..اهئ اهئ ما اكدر ما اكدر...صدگيني ما اكدر
هدى..لا اتكدرين..خليج قويه و اترحميلهم و اتحملي الدنيا بحلوها و ب مُرها...انتي بعدج صغيرة كلش و الحياة گدامج ...لا اترسين طريقج ادموع...خليج ايجابيه و اترحميلهم...مسحي ادموعج رسوله حبيبتي...مسحي ادموعج...
رسل..مسحت ادموعي و اني ما بيه كل طاقه.....سمعت ابراهيم صاح بيه..
ابراهيم..ررررسسسل..
رسل..باوعتله و اني ابجي...
ابراهيم..تعاي اصعدي فوك اندور الاوراق...يله اتحركي...
رسل..لزمت ايد هدى بخوف و جريتها وياي...و صعدنه سوه...و علي هم صعد ويانه يدور الاوراق و المستمسكات.....دخلنه لغرفة امي و ابوي اللة يرحمهم...چنه كبر مو بيت ...التراب بكل مكان.....اوووف ياا گلبي و صبره...
ابراهيم..ما تتحركين....تعاي كليلي وين غراض ابوج و اوراقه...
رسل..و اني ابجي..اشرلته عالخانه الفوك الكنتور...
ابراهيم..فتح الخانه و لگه جنطه بيها كومه اوراق...
علي..هاااا بشر....شلگيت..
ابراهيم..يمكن هنه ذني...شو بله اخذهن و شوفهن...خلي ادور...
علي..انطيني...
رسل..بقو نص ساعه يدورون و ينكثون بالأوراق و يطلع التراب و انضل بس انگح( لتخافون مو كورونا😂)
...رحت فتحت الخانه مالت المرايه الجوه ....بالصدفه لگيت شكد صور النه....حتى جنت ما اعرف بيهن ابد و لا احد امشوفنياهن...بقيت اگلب بيهن و ابجي و اني گاعده عالتراب و ما بيه كل الحيل....شفت صورنه اني و فهودي من جان عمري 10 و هوه سنتين و اني شايلته...متت من البجي...و همه شفت صورنه اني و ابوي من شايلني و اني صغيرة...و كووومه صور ما تنعد.........
ابراهيم..يله هاهيه كملنه...امشو...
رسل و هيه تبچي..بس دقيقه فدوه اخذ الصور...
ابراهيم..اخذي وحده من عدهن و انطينياهن...(قصده تاخذ صورة وحده و الباقيات تنطيهن اله)
رسل..و هيه تبجي..لا فدوووه اريدهن كلهن...
ابراهيم..بصياح...لاااااا اتعانديييين اخذي وحده و انطيناهن يييييله...
رسل..ضليت بس ابجي على حضي و اني ادور صوره اخذها...لگيت وحده ماخذينها تونه بروحتنه للزيارة...خذيتها ....و هو جر مني علاگة الصور و خلاها وي الاوراق........صعدنه بالسيارة و احنه رايحين للكاظمية....افترينه هوايه و لو ما علي ويانه چان ابراهيم گُبل رجعنه للبيت😂....بس علي هو لح عليه نفتر شويه...زرنه و كملنه...و هم ازدحامات گوه وصلنه للشباچ...بس
ً
ً
يتبع
ً
وصلو التعليقات لل 200 اكمل ♐️
ً