بَس لُو تسَّمحَلك ظَرُوفك بَاللقىٰ ياَزِينَ ويايـَّه

البـارت الثاني

الميث ما قدرت تمسك نفسها وامتلت عينها دموع وراحت صوب الباب باندفاع وصريخ : شو تسوين هنييي ليش يايه شو تبين بعد كل اللي سويتيه كيف لج ويه تيين ؟ كيففف تييين هنييي !؟

سلطان راح صوبها ومسكها : الميث خلاص اهدي واشر لابوه انه بيوديها فوق

ابوه اشر له باوكيه

الميث تحاول تبطل ايد اخوها بس ما قدرت وصرخت : سلطان هدنييي شو تبا يايه الحين هاي شو تبااا

راشد قعد يطالعها يترياها تنطق باي شي

نوره ما قدرت ترمس ولا تقول شي

راشد راح قرب شوي منها : حتى مافي شي تقدري تقولينه بعد اللي سويتيه ليش تيين وتخربين علينا نحن مستانسين جي خلينا بحالنا

راشد طلع هالكلام وهو مستصعبنه وايد ما توقع يمر عليه يوم ينحط بموقف جي ولا يعاملها جي باي وقت بس ما قدر يمسك نفسه صار لها سنين وهم يحتاجونها ولا حطت لهم اعتبار دايما كان يكون لها السند والمحب اللي ما يرضى عليها من نسمه الهوا بس هي خذلته وخذلت حبه

نوره رفعت راسها بصدمه تطالعه بس الكلام شوي وهدت البيت وطلعت

راشد تنهد : ها طبعج ما بيتغير

نروح فوق عند الميث وسلطان

سلطان : الميث مهما يصير ما كان له داعي تقولين لها هالكلام حبيبتي هي امنا مهما يصير وسوت

الميث طالعت اخوها وعيونها مليانه دموع :  بس هي ما ادت دور الام لنا الام تكون سند وحب لعيالها وتحبهم وتحاتيهم وتسال عنهم وما تدهدهم مهما صار حتى لو تطلقت من ابوي بس هي تخلت عنا كلنا وكسرتنا ليش ترجع بعد هالسنسن وبالوقت اللي انا احاول اتناساها فيه واتناسا اللي سوته لنا سلطان قول لي

بدت دموع سلطان تتجمع بس على طول مسحها : انزين الميث انتي الحين اهدي شوي ريحي انا بروح اشوف ابوي تحت

الميث : بي وياك

سلطان : لا لا تمي هني لا تيين وياي يمكن بعدها موجوده

الميث ما عطته سالفه وراحت تحت قبله وهو لحقها

سلطان : الميث لا تروحيننن خلاص

الميث شافت ابوها قاعد عالغنفه ودموعه تطيح راحت له وحضنته بقوه وطاحت دموعها اكثر ابوها بادلها الحضن وطاحت دموعه هو بعد

سلطان ما عرف شو يسوي بس قعد يطالعهم عقب ما هدوا شوي راح صوبهم : ابوي انته ليش قاعد تخليها تاثر فيك انت تقدر تنساها ونحن ندري بس لانك تحبها مب قادر تنسى هي اللي خلتنا وتركتنا باشد الاوقات اللي نحن نحتاجها فيها يوم تركتنا انته على طول سافرت انا والميث كنا بعدنا ما نعرف المسؤوليه خلتنا اثنينا بالبيت مع الخدم ما نعرف نتصرف ولا شي انته كنت مسافر لانك تعبان ونحن عاذرينك لانه نفسيتك ما كانت تسمح لك وتعبت وايد ابوي وما كنت تعرف انه نحن بدون حد بالبيت بس هي تعرف وخلتنا راحت تزوجت وعاشت كانه ما عندها عيال يحتاجونها وتحاتيهم ولا كانها خلت ريال يحبها ريال وهالريال اقوى ريال بالدنيا لانه محد كان يقدر يسوي اللي انته سويته لنا ابوي هي ما تستاهلك ولا اي شخص بيقدر يتحمل اللي ياه منها مثلك ابوي انته صح تحبها وتموت فيها للحين بس نحن بنساعدك ابوي انا والميث بنساعدك تنساها عيش حياتك ابوي من هدتك هي وانته متدمر ومتشتت ليش يابوي تسوي بنفسك جي من سفره لسفره وشاغل نفسك كله بالدوام عشان تتهرب من مشاعرك هي تركتنا ثلاث شهور ابوييي. ثلاث شهور ونحن ما كنا نقدر نتواصل معاك فيهم لين وصلك الخبر من يدوه ويدي اننا نحن بروحنا فالبيت على طول رجعت لنا وعشان جي نحن عاذرينك لانك ما كنت تعرف واذا كنت تعرف ما كنت بتهدنا بروحنا انساها ابوي انساها انته اديت لنا دور الام والابو مع بعض ونحن مب محتايينها

راشد قعد يطالعه وطالع عالارض وعقب دقايق سلطان راح صوبهم ونزل عندهم : ابوي نحن بنساعدك تنساها وبنساعد بعض كلنا عشان ننساها

الميث مسكت ايد اخوها وابتسمت وكل ويها دموع وراد بعد مسك ايد سلطان : الله لا يحرمني منكم

الميث وسلطان : ولا منك يارب

بعد هالموقف الميث راحت غرفتها وقعدت على السرير وقعدت تصيح لين رقدت

وسلطان نفس الشي دخل غرفته وقعد عالسرير يقكر لين رقد راشد قعد بالصاله يفكر عقبها وصله مسج من الدوام انه في سفره الفجر تنهد وقام راح عند غرفه الميث بطل الباب وراح صوبها شاف ويهها التعبان من الصياح وذبلان مسح عليه وطلع عقب راح لسلطان وشافه راقد ابتسم بحزن وطلع

نروح عند خليفه

بعد ماراحت عنه الميث دق لنهيان

خليفه : هلا نهيان وينك

نهيان: الحين طالع من الكلاس رايح صوب السياره انته وينك

خليفه : عند سيارتي خلاص عيل بيي وياك نروح كوفي عقب رجعني هني باخذ سيارتي

نهيان : تمام الحين ياينك

خليفه: استعيل عشان نروح الكوفي

نهيان : يلا يلا ياي لا تحن

وصل نهيان عند خليفه وراحو سوا لين وصلوا كوفي قريب من البحر وقعدوا بطاوله خارجيه وطلبوا لهم قهوه وسويت وخليفه كان يلعب بالفون لين ياه اشعار من قروب الجامعة
( السلام عليكم في حد عنده ملخصات كلاس البايو اليوم؟)

دخل وشاف الرقم والاختصار كانت كاتبه الميث وقعد شوي يفكر وراح لها الخاص وكتب
( السلام. عليكم الميث شحالج ، انا خليفه )

كتب هالكلام وعقب دقايق شافها ما ودت عليه فرجع يكتب

( السموحه اذا ازعجتج بس بغيت اسالج اذا ما عندج الملخصات بدور ولو لقيت بعطيج )

عقبها ما ردت عليه بعد وهو كل شوي يجيك ويرفع الفون عشان يعرف اذا كتبت شي او لا

نهيان : شفيك خليفه!!

خليفه : شوو؟

نهيان : شفيك وترتني كل دقيقه ترفع فونك تشوفه وترجعه في شي صاير؟

خليفه : لا بس اشوف الوقت

نهيان بمصخره : يعني لهدرجه ما تبي تقعد وياي وانت عازمني

خليفه : هههههههههه شفيك ها حطيته بجيبي

وقبل لا يحطه بجيبه جيك بعد وعقب حطه بجيبه

في اليوم اللي بعده

قامت الميث من رقادها وتحس جسمها ثقيل ومب قادرة تتحرك بس لانه عندها بروجكت لازم تروح قامت لبست لها مخور ازرق غامج وفوثه عباه بس لانها ما تتجب خلت الشيله على جتفها وفلت شعرها الاسود اللي يوصل لنص ظهرها مشطته عالسريع وحاولت تسوي ميكب خفيف بس يخوز ملامح التعب من ويهها وعقبها لبست لها نعال زرقه بعد وركبت سيارتها لانها ما لقت حد بالبيت فتحت الواتس لقت ابرها كاتب لها ( بابا الميث حبيبتي سامحيني انتي واخوج طلع لي شغل مهم هالشهر وطلعت الفجر ما قدرت اسلم عليج بس بكون مسافر هالاسبوع بحاول انقل شغلي كله عندكم البلاد عسب استقر عندكم ) قرات المسج وهي كلها حزن على حالها وحال اخوها وابوها وردت ( ما عليك ابويه عادي اهم شي بتستقر عندنا خلص شغلك وتعال ) عقب شافت حد كاتب لها دشت عالجات وقرت الكلام وهي تبتسم بدون لا تحس وردت عليه

( وعليكم السلام خليفه )
( الحمدلله انا بخير انته شحالك )
( لا لقيته عند نوف وهي قالت بتشرح لنا عادي بس لازم نتجمع بمكان ونشوف الوقت المناسب )

عقبها سكرت الفون وحست نفسها دايخه شوي غمضت عينها عشان تصحصح وعقبها راحت كوفي خذت لها v60 وراحت الجامعة

بنفس الوقت عند خليفه كان توه قايم وفتح فونه يشوف الساعة شهق الملاس يبدا بعد عشر دقايق وقام بسرعه تغسل ولبس له كندوره وشل كاب ولبس نعال وعلى طول راح السياره وعلى الجامعه بس للاسف الملاس بدا من ربع ساعه

خليفه : اهخ ما لحقت السير جي ولا جي بيحسبي غياب حضرت ولا لا

عقبها راح كوفي الجامعه طلب له ريوق وقعد يشوف الفون انته انه الميث راده عليه ابتسم ودش الجات وقرا اللي كتبته له ورد عليها

( بخير دامج بخير ، خلاص تمام شوفي الوقت والمكان المناسب وردي علي )

قعد يتامل كلامها شوي عقب طلع برع وطلب له v60 وراح يمشي برع

عقب ساعه وصله اشعار فتحه وكانت الميث كاتبه

( خلاص بكلم نوف وبشوف الوقت والمكان المناسب وبرد عليك )

خليفه ( تمام)

عقبها راح لكلاسه الثاني وبهاليوم نهيان كان غايب وخليفه قعد يتصل له وايد عشان لا تطوفه كلاساته بس نهيان مارد عليه وبدا الكلاس حط فونه صامت وقعد ياخذ نوتات

عقب ما خلص الكلاس طلع وعلى طول ركب سيارته وراح البيت ودخل غرفته وعق عمره على السرير ورقد لين حرق فونه نهيان

خليفه قام متضايق من الحلم اللي شافه وشاف الفون واتصالات نهيان عقه بعيد وقام راح الحمام تغسل عقب خذ له كندوره رصاصيه وعصم نفسه بغتره بيضه ونعال بيضه وخذ فونه ونزل شاف اخوانه الصغار وابوه قاعدين ويا بعض ما كان له خلق يكلمهم ولا يسولف على طول طلع بدون لا يلاحظونه ركب سيارته وقد يمشي بالشارع لين وصل عند ممشى قريب من البحر وقعد يمشي لين بدت دموعه تطيح وافكاره تتشتت ( انا كيف جي مب قادر انساج كيف جي علقتيني فيج انا ما قادر استحمل خلاص طلعي من بالي طلعي من حياتي انتي ما تستاهلي الحل اللي حبيته لج انتي خنتي هالحب خلااصص ابا انساججج طلعي ) مسك راسه وقعد يتقرب من البحر شوي شوي وقف وقعد يتنفس بقوه وبصعوبه مسك صدره وقعد يتالم ويتنفس بصعوبه قعد يمشي شوي شوي وهو مش قادر يمشي لين وصل السياره وتساند عليها عقب قام يبي يتصل بنهيان عشان ايي حقه وقعد يدور فونه بالسياره فوق تحت ما حصله وقعد مب قادر يشل نفسه لين فقد وعيه

نهيان قعد يدق لخليفه ما يرد عليه عقب دخل لوكيشن سناب وشافه صوب الممشى وراح صوبه ( ها شفيه ساحب علي ) وصل قريبه وشاف سيارته تقرب منها وانصدم يوم شاف اغراض خليفه كلها برع السياره والابواب كلها مفتوحه وحول سيارته شباب متجمعين ركض صوبه وقال لهم يبعدو تقرب منه وشافه مغمى عليه توتر وخاف على طول اتصل للاسعاف

عقب قعد يدقه خفيف وينادي عليه : خليفه شوياك قوم شوفيك

ميك راسه وكان وايد حار وصلت الاسعاف بهاللحظات وخذو خليفه ونهيان لحقهم بسيارته وصلوا المستشفى و دخلوا خليفه غرفه عشان يفحصوه ونهيان قعد ينتظره برع وهو خايف عليه

عقب ساعه طلعو من عنده والدكتور راح صوب نهيان

الدكتور: السلام عليكم

نهيان : وعليكم السلام

الدكتور : انته قريب خليفه؟

نهيان: انا ربيعه بس طمني عليه شو ياه؟

الدكتور: الفحوصات كلها سليمه الحمدلله بس الفتره الاخيره اكيد صاير شي عنده ومؤثر على نفسيته وصحته فحاول تكلم اللي اهله او تكلمه وتخفف عنه بس الحين بنخليه تحت الملاحظه وبرجع له وبكتب له خروج ان شاءالله

نهيان بضيقه : مشكور دكتور

الدكتور ابتسم وراح

تنهد نهيان ودش عند خليفة وبعدها بدقايق دق فون خليفة ونهيان قام يشوفه ورد على طول