كاتبه(ملاك الحسناوي)
بقلمي🖋
#البارت_الأول
أحب ذاك الـ يميزني
ويرسمني حلم وأنوب يَتعبلي ويَحققني
- أحب ذاك الـ يقدسني 🪐🖤
......................................
شذر: صباحية من صباحيات المدرسة
رن المنبه مثل كل يوم علا الساعه ٦
حتة اكعد اروح للدوام
طفيت المنبه وكعدت غسلت وجهي
واني مطفية من النعاس
بدلت ملابسي لميت شعري ورفعتة ذيل حصان
وبوجهي علمطبخ اخدر الجاي
لان بدونة مايبدي يومي
كمل الجاي صبيتلي كلاص
و سويتلي لفة عالسريع اكلتهة
وولبست حجابي وعباتي وأخذت الجنطة وطلعت
واني دة امشي بالطارمة اندكت الباب
اكيد هية منو غيرهة يدك الباب ب٦ ونص الصبح
فتحت الباب صارت بوجهي
زهراء: ها الغبرة شعجب مخلصة من وكت
شذر : طاح حضج اليسمعج يكول يومية ب٨ اكعد
اشو يومية تجيني تلكيني مكملة بس اتريك واطلع وياج
فوك ما اريكج واسويلج تقدير صدك متريكة اولا
ترا اليوم سبقتج لان تئخرتي
زهراء: لا حبيبي تريكت اني وي أبويهة
لكيتة يريد يروح للدوام ومحضر الريوك واكلت ويا
شذر : الف عافيه يله خل نلحك نروح لسحسح بلكي والله تطلع مكمله
زهراء : اذا لكيتيهة مخلصة عاتبيني اكبر عوبة علا وجه الكره الارضيه هسة نلكاهة نايمة
ضلينة نتمشة لبيت صديقتي ودق قريب علا بيت اهلي
وزهراء هم بعد بيتين عنة
احنة الثلاثة نروح سوية كل يوم ونروح مشي لان المدرسى بعد شارعين مو كلش بعيدة
وصلنة يم بيت ودق دكينة الباب طلعت اختهة
اخت ودق وهية تفرك بعيونهة
: ودق مكملة بس تلبس حجابهة
شذر وزهراء : اوووووووو كولي ل٨ يله تطلع
بقينة ننتضر ست الحسن شوكت تخلص
ربع ساعة واحنة واكفين نسولف وننتضرهة
وممنتبهين علا العيون اللي دة تراقبنة من بعيد
طلعت ودق وأخيرا
ودق : صباح الخير
زهراء : كللللوش الحمد لله علسلامة اني احلف بيوم
العرس رجلج يطكج بدفرة لبيت اهلج كبل لان ماكو رجال يتحمل هيج فهاوة
ودق : يا عيني غير اكمل ريوك وابدل واطلع
خو ما علنص
زهراء: وانت الأميرة ماري انطوانيت حضرة جنابج ريوكج ساعة وتبديلج ساعة شوكت تتعلمين السرعة وتبطلين فهاوة
شذر : يمعودات كافي ذول ولد كبالنة وناس تروح وترجع وانتن حسجن يلعلع استحن
سكتن وضلن يمشن باستحياء لان مرينة بدربونة ضيكة
واكو ثنين ولد واكفين كبالنة ومحد بالشارع
اتقرب من عدنة ولد طويل واشكراني والثاني واكف يراقبه
واحنة ممنتبهين انو هو جاي علمودنة
همام: ممكن احجي وياج بلا زحمه بس خمس دقايق؟
زهراء: عفوا ؟؟؟ ويامن تحجي
همام : وي هذي البنية الطويلة
زهراء : ها هذي خرسة ماتحجي اتكسح منا
همام : بس دقيقة فدوة صارلي شهر انتضر والله
ودق: انت متستحي موكف بنات بنص الشارع وتحجي
علني وين عايشين اباريس لو اختك تقبل عليهة ولد
يحجي وياهة بنص الشارع اللي يشوفنة شيكول
زهراء : شذر شبيج وجهج انخطف لتهتمين امشي خل يولي
شذر : حسيت روحي اختنكت وجهي تغيرت ألوانة جاي
ومتقصدني إني وبس احنة بالشارع مكدرت انطق بكلمة
ضليت بس امشي بدون وعي
همام وهو يمشي ورانة ويحجي
: اسمج شذر فدوة لهل الإسم والله ميت عليج صار شهر
اشتغل خلفة بذاك البيت وكل متمرين كلبي تاخذينة
وياج بس احجي حرف واحد والله شاريج
زهراء : اذا عندك عرض وتخاف علي لخاطر عرضك روح
منا استر علينة لا واحد يشوفنة
همام : ماشي رايح اني بس ثقي بالله ماطلعج من عقلي
واصيدج اصيدج
ابتعدنة عنة وصلنة للمدرسة دخلنة بالساحة
جان الدرس لسة مبادي همزين
نزعت عبايتي وحجابي حسيت بروحي مختنكة وذبيت
بطل المي كلة علا وجهي
زهراء : انتي شنو فلمج متكوليلي كل ما ولد يحجي
بالشارع لو يتقرب توصلين لهيج حالة لشوكت ضلين خوثه
بابا اذا يشوفوج هيج ياكلوج ذول ذيابة الولد يصيدون
الخوثات مثلج يعرفونجن من شكولجن
شذر: لج ما اكدر كل ما احد يتقرب مني ينعاد علي ذاك اليوم المشؤوم ما اكدر انسة صعب علي
زهراء : حبيبتي ذاك اليوم صار قبل ثمن سنوات ولسة
ضال ابالج بعدين جنتي طفلة والحمد لله رجعتي بسلامة
عمري شي راح وانتهة خلي كلبج قوي وانسي اللي فات
ترا الضعيف ميعيش بهلوكت
ودق: اي والله صحيح
زهراء: حجت الخوثة
شذر : لتحجين عليهة شبيج بطلي غلط منو اللي تشوفي وعيبتي علي
زهراء : اكول كومن خل ندخل لا تجينه ام العرهون ترا اليوم اول درس احياء
شذر أو ودق : اووو لا هلة
دخلنة لصفنة وكعدنة برحلاتنة احنة جنى شعبة وحدة
ونكعد بالسطر الوسط بالنص وتلاثتنة سوة
هالحجي جنة بصف الثاني متوسط عمري بوكتهة ١٣ سنة
يتبع......
احبكم🌝