{{بعد مرور يومين }}
جالس في الصاله لوحده يفكر باللي شافها قبل يومين بغرفه ابتهال من شوفته لها وهو ماقدر حتى يطلعها من باله استحلت تفكيره في اليومين اللي راحت ماقدر يطلعها من باله عرف انها بنت محمد واخت مشعل من سمع البنات يتكلمون عنها وعرف بطلاقها بعد ماكان يهمه إنها مطلقه ولا عنده مشكله هو ايقين اليوم بحبه لها سلطان من النوع اللي يحب بسرعه ولا يتحكم في مشاعره اثبت لنفسه حبها اللي تمكن منه قطع حبل افكاره دخول ابتهال وديم اللي جو من تحت لجل يتكلمون لحالهم قبل دوامهم ولقو بوجهمم سلطان
ديم :سلطان غريبه ماطلعت وجالسه لحال كمان !!
ابتهال :له يومين بس يجلس لحاله وصاير يفكر كثير !
ديم :لاحضت عليه بس ماركزت كثير يعني !
ابتهال وهي تدقق في وجّه سلطان:تصدقين احس وراه شي بس مدري وش يعني ووجه اخوي واعرفه مايطمن !
سلطان :خلصتي انتي وياها تحليل ؟
ضحكت ديم :وي سلطان شفيك نمزح
سلطان :اول شي انا عمك احترمي ولاتقولين سلطان حاف كذا !
ابتهال بققت عيونها :دقيقه انت ماتقول كذا الا وراك شي كايد وش مسويه سلطان !
ديم :ليش مااسهل عليك الطريق واقول ؟
لف عليها سلطان :وش قصدك ديموه !!
ديم وهي تلعب بالاطراف شعرها :يعني اقول انك دخلت علي انهار وشفتها يوم كانت بغرفه ابتهال و
ابتهال بصدمه ولفت على سلطان :شفتها شلون ؟؟
سلطان :بسم الله انتي شلون عرفتي كل هذا !
ديم :ميحتاج غرفتي قدام غرفكم اشوف كل شي بعيوني !
سلطان :حشى ابراج مراقبه !
ابتهال :خل عنك برج المراقبه وش السالفه اللي قالتها ديم
سلطان :اوف صراحه انا شفتها بالغلط وانا ادور شماغي عبالي عندك ودخلت عبالي انتي وشفتها بس اعتذرت منها وهاذي القصه !
ديم :بس متاكد ؟؟
سلطان بعصبيه:ديم وبعدين
ابتهال :دقيقه شماغك انا حاطته بصاله ليه دخلت غرفتي
سلطان :ماشفته كنت مستعجل وانا ادخل المهم الحين ابي اعرف عنها كل شي !
ديم :انتي شرطي تقدر تعرف كلشي !
سلطان :ديم كلمه زياده كف قسم بالله !
ضحكت ديم :خلاص بسكت الواحد مايمزح !
ابتهال:وش تبي تعرف بالضبط !
سلطان :مدري بس اعترف لكم اعتراف بما انكم خلاص كشفتوني ؟
ديم وابتهال بنفس الوقت :وش !
سلطان :حبيتها !!
شهقو البنات بوقت واحد :وجع اسكتو !
ديم :يعني حبيتها حبيتها !
سلطان :اجل وش رايك يعني اقولك حبيتها
ديم :شدعوه لك ثلاث ايام من شفتها حبيتها علي طول !!!
ابتهال :اعرف اخوي خفيف يحب علي طول ماعنده مشكله
سلطان :علي العموم انا حبيتها وابيها بس خايف من ابوي
ديم :ليه خايف مافهمت !
ابتهال:البنت مطلقه ديم اكيد ابوي بيرفض !
ديم :ليه تستبقون الاحداث يمكن يوافق بما انها بنت محمد يعني جدي مستعد يسوي اي شي عشانه ويكون قريب منه والحين بيخطب بنته لولده اكيد بيوافق !
سلطان :ماادري بس اللي اعرف ابيها وبس البنت ماهي راضيه تطلع عن بالي ابددد
ديم : صراحه عمو البنت تستاهل جميلهه وخلوقه وفوقها مصصمه ديكور يعني هي بتصصم بيتكم ؟
سلطان ابتسم بس من تخيل انها بتكون معه ويصممون بيتهم ضحكت ديم وصرخت ابتهال :لالا اخوي طايح في العسل ابتسم من تذكرها نعمم !!!
سلطان :والله الصدق بنيت حياتي معها وانتهيت !
ضحكت ديم علي عمها وهي تشوف الحب بعيون عمها تتمني له كل خير بحياتها وتدري انه بياخذ انهار غصب عن الكل لو رفضو كلهم تعرف عمها اذ بغي شي وصله له لو بعيد وش مرت من جنبهم نوره اللي كان الحديث تحت مسامعها كامل من البدايه لين النهايه وقرتت هي تتصرف بنفسها وتحقق طلب سلطان له
{{الجامعه عند ميلاف }}
خلصت كل محضراتها تتوجه للمستشفي يبدا التدريب لها دخلت تشوف قدامها فوز اللي جت قبلها بوقت طويل
فوز :ليه تاخرت دكتور عادل معصب ؟
ميلاف وهي تلبس القلفز :شسوي الدكتوره مسكتنا تحكي لنا قصه نجاحها الي كلها زوجي زوجي !
ضحكت فوز :شدخل القصه بالمحاضره؟
ميلاف :مدري عنها تحب الخروج عن النص !
توجهت ميلاف لمكتب الدكتور عادل تاخذ من الحالات اللي بتمكسها دقت الباب ودخلت من سمح لها تدخل :اعتذر دكتور بس الدكتوره بالجامعه تاخرت شوي بالشرح
دكتور عادل ؛عشان اخوك منيف بخف النظر عن هالتاخير بس اتمني مايتكرر مره ثاننيه !
ميلاف :انشاء الله مايصير مره ثانيه
الدكتور عادل :امسكي الطوارئ اليوم
اخذت الاورق ميلاف تطلع لبرا تشوف فوز اللي تنتظرها برا :وش القسم يارب معي
كشرت ميلاف :لا عطاني الطوارئ!
فوز :خير مفروض معي بقسم الاطفال !!
ميلاف :كريه عشاني تاخرت بس عطاني اصعب قسم
فوز :تخطي عزيزتي وتجهزي للكرف !
تاففت ميلاف تنزل للطوارئ واستقبلتها الممرضه باول اصابه لجل تمسكها :حلو بدايه موفقه !
دخلت تجهز ادواتها وتتوجه للمريض دخلت :سلامتك ممكن اعرف ايش فيك !
المريض بخبث :فيني انتي !
ميلاف :عفوا !
المريض :بطني يوجعني بالدكتوره وجرحي انفتح !
تقدم ميلاف تشوف الجرح وتكشف عليه وعرفت ان الجرح نتيجه اطلاق نار توترت بس حاولت تبين عكس اللي هي تحسه لجل ماتلفت انتباه المجرم اللي قدامها :مافي شي بس يحتااج تغيره وخلاص !
تقدمت تاخذ القطن تغير علي الجرح والمريض مستمر بنظراتها الخبيثه واللي ماتدل ابدا علي خير خلصت ميلاف تاخذ معداتها :خلصت تقدر تتفضل !
كانت بتمشي لو يده اللي مسكت بيده يلفها له :خير وخر يدك !
المريض :ماخصلت كلام ليه تمشين نبي ننبسيط مع بعض
ميلاف :ابعد يدك قبل اجمع الناس عليك !
المريض :وش تسوين يعني المكان فاضي !
تلفت حواليها ميلاف تشوف المكان تقريبا فاضي واغلب المرضي والممرضين بالغرفه اللي برا وهي بغرفه العزل اللي ماينسمع لها صوت من برا :اقولك وخر عني ولا اصارخ
المريض بخبث :صارخي محد بسمع صوتك احنا بغرفه عزل !
ميلاف صرخت: ابعد عني
المريض تقرب منها :خلينا ننبسط شوي !
صرخت ميلاف تستنجد بي احد ينقضها من يدين المريض الخبيث اللي معه هي
هزاع اللي كان برا ينتظره دوره لحل يده المحروقه من القهوه اللي انكبت عليه توجه اتجاه الاسقبال لجل يشوف دوره ومر من غرفه العزل اللي فيها ميلاف وشاف تصارخ ودخل بقوه بفتحها الباب ويبعد الشخص عنها وضربه بقوه علي وجهه :ياحقير تعتدي علي ممرضه تساعدك ؟
بكت ميلاف تطلع من المكان تتوجه لبرا تشوف هزاع يتصل علي الشرطه لجل تتصرف بالموضوع اخذوه امن المستشفي عندهم لين الشرطه تتصرف معه
ميلافي اللي كانت حالس علي الكرسي وتحاول تهدا بعد روعتها من الموقف وتقدم تشوف هزاع ويده اللي كانت حمرا من الحريق وزاده الضربه الي ضربها الشخص الحقير
ميلاف :اشكرك انقذتني منه ماادري وش اقول لك
هزاع :لاتقولين شي ماسويت شي ووالحين الشرطه بتجي تاخذ الافاده حقتك وانا برفع عليه قضيه !
ميلاف :مايحتاج ماابي اورطه بشي !
هزاع :انا محامي ولازم اتصرف بالوضع هذا لو ماتصرفت بيرجع يسوي حركته مره ثانيه وثلاث لازم يوقف عند حده
ميلاف :طيب اشوف يدك اذ ودك !
هزاع تقدم معها يجلس وهي تشوف يده :بسيطه حرق خفيف وبحط لك مرهم وبلفها وبعطيك المرهم تحط من كل ثلاث ساعات !
هزاع :يعطيك العافيه واعذريني عن اللي صار !
ميلاف:مالك دخل بشي هو اللي مفروض يتحاسب انت ساعدتني ومشكور!
خلصت ميلاف تتوجه لي الاستقبال لجل تكتب الوصفه له وتقدم لها فوز اللي عرفت بالموضوع تجيها : ميلاف وش صاير !
ميلاف حكت له اللي صار كله
فوز :يمه مريض وش يبي ذا ومين الشخص اللي انقذك بشوفه ؟
اشرت عليه ميلاف وكان واقف يكلم الشرطي شافته فوز وشهقت من عرفته ولد عمتها نوال وأخوها بالرضاعه:هزاع !!!
ميلاف :تعرفينه انتي مين هذا ؟
فوز :هذا ولدعمتي واخوي بالرضاعة يابنت ؟
ميلاف :ايش تقولين انتي منجدك !
فوز :والله هزاع اخوي ولد عمتي
تقدم هزاع لهم لجل يبلغ ميلاف ان الموضوع بينحل وشاف فوز :فوز !
فوز :هزاع وش صاير وش فيها يدك
هزاع :مو صاير شي بس انكب علي القهوه والدكتوره ناقصرت قامت في الواجب !
فوز :زين اشوا وش صار علي الشخص المريض
هزاع :اخذوه والحين بس الدكتوره بتقدم الافاده حقتها
قامت ميلاف اللي لين الحين مصدومه بالصدفه اللي صارت وتوجهت تعطيه الوصف وتروح معه لجل تقدم الافاده للشرطه
{{عند ديم بالشركه}}
جالسه تخلص اخر شغلها اللي تراكم عليها طول الفتره اللي كانت مسافره فيها التفت من وصلتها رساله من جوالها تفتحها وتشوف الرقم اللي راسل لها اغنيه وماتعرف مين صاحبها وتجهله فتحتها تسمعها
وانا أحبك وأقولها لك كلمة خليها في بالك
وانا أحبك وأقولها لك كلمة خليها في بالك
أنا ماني أي عاشق أنا لما أعشق أغير
والله لما أعشق أغير
استغربت الكلمات وكانت بترسل مين وانتبهت لصوره العرض اللي كانت بالبدايه موجوده فتحتها وعرفت الشخص من كان راكان اللي ارسل لها الاغنيه واللي تحكي مشاعره واعتراف اللي جاء لها بشكل كبير ومهلك لروحها لنها ماتعود هالحب كله من شخص يحبها وهو عارف بكل اللي حصل لها وتشوف فرصه بكل مره يشوفها ويعترف لها بحبه قطع عليها دخول شموخ اللي جايه لها بالقهوه لجل تحقق معها بسالفه الورد والقهوه ودخلت تسمع صوت الاغنيه اللي شغاله :ديم وش صاير تسمعين اغنيه بعز انشغالك
ديم :شموخخ انتي تحبين تخريبه علي الانسان اوف منك !
شموخ صغرت عيونها :انتي وضعك مشكوك فيه من يوم الورد والقهوه وانتي متغيره علي اعترفي من الصديقه اللي غيرتك علي وبسرعه !!
ديم تافتت منها :شموخ ليه تحبين التددقيق الزايد هاا ؟
شموخ بحزن :ايي انا احب التدقيق اجل ولا بعد تقولين اوف مني انااا لالا جرحتنيي خلاص
ديم ضحكت :زعلتي يعني الحين انتي !
شموخ :اي زعلت ووهذا انا جايبه لك قهوتك المفضله ولا اقولك مافي انا بشربها خلي الصديقه الجديده تجيب لك !
ديم :خلاص ااسفين وش تبين عشان ارضي زعلك
ابتسمت شموخ :ماك جيبي لي ماك وارضي غيرها مافي
ضحكت ديم بعلو صوتها :ام بطين انتي شكل سرك مقطوه في ماك وش هالحب له مو طبيعي
شموخ :عاد مشكلتك جيبي لي ماك وارضي غيرها مافي !
قامت ديم تلبس العبايه :يلا قومي اعزمك علي ماك !
انبسط شموخ اللي قامت ومسكت يد ديم وهي مبسوطه:اثقلي طيب !
شموخ :معليش عند ماك يطيح الثقل
ضحكت ديم تركب السياره ومعها شموخ يتوجهون لي ماك يتغدون فيه
{{بيت الياس }}
تجهزت لجل تستقبله وهو جاي السفر للجل شغله لبست فستان ابيض وسوت شعرها وميك اب واخذت تلبس دبلتها وتتعطر نزلت تشرف علي اخر لمسات الاكل تنهدت من مشاعرها وتتخيل ردت فعله من يعرف بحملها والتفت من دخل هو من الباب وابتسمت بهدوء له وشافها واقفه بكامل زينتها وجمالها اللي يشده بكل مره يشوفها تقدمت له تمشي بهدوء :الياس !
الياس :سمي ياكونه
ضحكت حلا وتقدن لها يضمها لصدره ويقبل كتفها مطول وابتسمت هي من مشاعرها اللي تفجرت كلها بوقت واحد
ابتعد عنها ومسك وجهه ونزل عيونه لثغرها يقبلها لثوانه طويله وابتهد عنها بنتهد :كيفك ياابوي انت !
حلا :بخير الحمدالله كلنا بخير !
الياس :اشم ريحه حلوههه !
ضحكت حلا :تعبنا ننتظرك يلا ناكل ؟
انتبه الياس علي جمعها للكلام بس مادقق كثير وتوجو يحبسون علي الطاوله الاكل ياكلون بهدوء التفت حلا له :الياس !
الياس :لبيه
حلا :احتاج اروح السوق ابي اغير كم شي في البيت !
الياس :تم بس مااشوف البيت يحتاج شي يعني !
حلا مسكت بطنها :لا بس احتاج اكبر طاوله الطعام اكبر من كذا صارت ماتكفينا اثنين !
للياس عقد حواجبه :بسم الله شفيك حلا مافينا غيرنا بالبيت اذ قصدك عن اهلي لا مايحتاج لو جو ناكل على الارض عادي !
حلا اللي تعبت من غباء الياس :لا مو قصدي خالتي وعمي اقصد احد ثاني !
الياس :مين اجل؟
حلا ابتسمت بهدوء مدت له ورقه السونار :البيبي اللي بيجي بعد ٩ اشهر
اخذها للياس وناظرها وتوه يستوعب كلامها من دخل وقف :احلفي
حلا ضحكت :والله بتصيراب
صرخ الياس وضمها بقوههههه :ياربي لك الحمد ياربي لك الحمد
ابتسمت حلا من ردت فعله اللطيفه :يعني خالد بيجي !
حلا :يمكن خالد ويمكن ريف ؟
ابتسم الياس :خالد وريف يازين اسم عيالي !!
ابتسمت حلا وجلس الياس :متى عرفتي !
حلا :بعد ماسافرت علي طول
ابتسم الياس يحمد ربه ويدعي بالتمام وهو مبسوط مررره بالخبر اللي جاء
{{عند راكان ببيته }}
شافها ماردت علي رسالته وشافتها بس تنهدت وهو يعرفها ماراح تعطيه جواب بس يتمني لو ترد علي ورساله ولو بشي بسيط صح انه اعترف بمشاعره من قبل لاتسافر بس مايبي يضغط عليها اكثر من كذا ولجل تاخذ راحتها بالتفكير تنهد وهو يحس انه بيطول لحل يوصل لها يحس انه بعيد عنها وللسبب الماضي اللي حس ان الوصل بينهم بيطول لنها ماتعطيه اي رده فعل لكلامه وتلميحات الحب اللي يوضح لها فيها تنهد والتفت علي صوت الباب يتوجه يفتح للباب وشاف ماجد بوجهه :وينك انت ؟
راكان :زي ماانت شافي بالبيت !
ماجد :اقول تراك كثرتها بعني قلنا رجعت وانتهينا ليه تحبس نفسك بالبيت ؟
راكان وهو يصب له قهوه :احد قايل لك اني حابس نفسي ؟
ماجد اخذها منه :اجل ليه بالبيت من امس ماطلعت ؟
راكان :عنددي شغل اخلصه بالبيت للشركه!
ماجد:زين وش بتسوي معها طيب
راكان شتت نظره :مدري ماجد احبها وضحت لها بحبي من المطار وقت سافرت بس احسها ماهي راضيه تعطيني اي ردت فعل !
ماجد :راكان طبيعي يعني البنت توها تشافت من علاقتها مع ولد عمها وتبيها تحبك علي طول عطها وقت وفرصه تستوعب فيه وانت عارفه مالها فتره راجعه اصبر !!
راكان :مدري بس تصدق احس اني بجتمع فيها بس بطول لجل اكسبها !
ماجد :ماعلي ربي صعب ياراكان ربي لو كاتب لكم تجتمعون صدقني بتجتمعون لو بيتكم اهل الارض كلها انت ادع ربي بالتيسير وانها تتيسير وتتسهل لك وان ربي ينولك مرادك
راكان :ونعم بالله الله يجيب الخير يارب
ماجد :انسي الموضوع الحين جايب معي كم حاله ابي اخذ رايك فيهم !
تقدم راكان يستمع لي ماجد والحالات اللي عندهم في المستشفى واخذهم الوقت وهم يشتغلون مع بعضض
{{بيت ال سلمان }}
دخلت نوره علي مكتب نايف اللي يشتغل فيه من وقت طويل وهي قررتت تبلغ نايف عن موضوع سلطان لجل يكلمون سلطان واذ مان بيبها بيخطبونها له سمح لها بالدخول نايف :ادخلي نوره
نوره تقدمت تجلس :نايف ابي اكلمك بموضوع مهم ؟
نايف :عسى خير وش عندك احد فيه شي من البنات !
نوره :لالا الكل بخير بس في موضوع مهم ابي اكلمه فيه !
نايف :عسى خير !
نوره : انت عارفه انا وش يعني لي سلطان وامااعتبره الا واحد من عيالي من سنين طويله من تركتنا عمتي حشمه
قام من مكانه نايف توجه يجلس قدامها :شفيه سلطان يانوره ادخلي فالموضوع مااحب المقدمات هاذي !
نوره :انا سمعت سلطان انه يبي يتزوج وشاف له البنت اللي يبيها ويبي نخطبها له !
نايف عقّد حواجبه:سلطان كلمك بشي نوره ؟
نوره هزت راسها :لا ماكلمني بشي واصلا مايدري انه سمعته يتكلم مع ابتهال وديم سمعتهم بالصدفه !
نايف :اجل منهي البنت اللي يبيها سلطان ؟
نوره اخذت نفس :انهار بنت محمد !!
نايف بتفكر شوي : قصدك بنت عمي محمد ؟
هزت راسها نوره :ايه بنت عمي محمد
نايف :ماني فاهم ليه يبي يخطبها بالذات هي حسب ماسمعت انها مطلقه ؟
نوره اخذت نفس من الطاري هاذا :نايف البنت مايعيبها شي اصلا البنت تطلقت بسبب تعامل زوجها السيء معها منيره قالت لي ان مااخذ معها وقت طويل ٧اشهر وتم طلاقهم
نايف :انا ناعندي مشكله بطلاقها مدام البنت زينه ومعليها ليه لا يتزوجها سلطان مافيها شي بس لازم اشوف سلطان وابوي بعدين يصير خير !
نوره :انا ماقلت لك الا عشان تسهل الطريق لي سلطان بس ولا اابيه يدري اني قلت لك قول له انه عرفت بطريق ثانيه !
ننايف ابتسم :ليت سلطان يدري ان نوره العمر سهلت طريقه
ابتسمت نوره وكمل نايف :لاتخافين ماراح يدري عن شي وانا بتصرف خلي الباقي علي !
قامت نوره بتمشي : اجل اخليك تكمل شغلك !
نايف ابتسم لها وطلعت نوره وتنهد من عمق داخله وهو يفكر بالموضوع وسلطان وزواجه وجاء في باله اخوه فهد اللي له فتره مااتصل علي نايف وطمن نايف عليه
((مكتب ديم ))
طلعت من الاجتمال توجهت تدخل مكتبها جلست بتعب تنزل الطرحه هل يكتوفها وتحرر شعرها بيدها والتفت علي طق الباب وسمحت لها بالدخول ودخلت رانيا معها وملفات كثيره :استاذه ديم اعتذر منك بس في كذا ملف يبي لك تشوفينه !
ديم :رانيا اذ يخص القضايا اجليها لبعدين مافيني الحين خليه وارسله للبيت !
هزت راسها رانيا :بس مايخص القضايا يخص الشركه !
تنهدت ديم: يحطيهم علي الطاوله انا اشوفهم وابي قهوه جيبي لي !
طلعت رانيا وقامت ديم تاخذ لابتوب حقها ودفتر الملاحضات وتوجهت للطاوله الكبيره تشتغل عليها كلها وهي ماسكه جزء من شركه ابوها بغياب ابوها عن الشركه بحكم شغله وانه عميد رفعت راسها من سمعت دق للباب وسمحت بالدخول جمد وجها من شافته قدامها وبيده كوب القهوه حقتها اللي طلبتها من شوي بيده راكان اللي كان مفهي فيها وفي جمال ملامحها ووشعرها المبعثر واللي رافعه نصه بقلم حست على نفسها ورفعت الشيله تخطي شعرها وتقدم راكان بنزل القهوه عندها وقال : سمعت يقولون انك مبتلشه بكم ملف من الشركه ؟
رفعت حاجبه ديم :دكتور وتعرف في امور الشركه مااصدق !
راكان جلس قدامها :مو يعني عشاني دكتور ماافهم في امور الشركه بس لعلمك عندي شركه واشتغل فيها بعد !
ديم :تحاول تقولي انه بتعا كلو !
ضحك راكان : تقدرين تقولين كذا !
ابتسمت ديم : اجل محد قال لك تقولي عن معرفتك بمور الشركه بتساعدني فيهم !
راكان : بساعدك بس اطلبي لي قهوه وقولي وش تبين وانا اسويه !
ديم قامت تطلب له قهوه ورجعت تجلس : في كم ملف يبي لهم مراجعه وتددق وفي شركه جديده تبي تتعاقد معنا بملغ مرتفع جدا وانا البدايه هاذي تجيب لي شوك
عقد حواجبه راكان :تجيب لك شوكك ليه مدامهم دخلين بملغ زي كذا ؟
ديم :الشركه هاذي بالتحديد كذا مره يطلبونا عقد بس انا ارفض بحجه ان مانسبو معايير الشركه وحتى بابا رفض لهم كل مره يرجعون لنا مبلغ اكبر من اللي قبله والحين رجعو مبلغ اكبر حتى من اللي تظنه ؟
راكان :يعني تقولين مصررين علي الشراكه بينكم وبكل مره يرجعون مبلغ اكبر من اللي قبله
هزت راسها ديم :ليه ماتفكرين تشوفيهم وتسمعين منهم يمكن عندهم وجهه نظر في المبلغ اللي حاطينه ؟
ديم : فكرت قبل بس من صارت سفرتي نسيت الموضوع وعبالي هم نسو بعد بس الظاهر انهم مانسو وجاينن مره ثانيه
فتحت الملف ديم تقدم راكان منها من فتحت الملف وغمضت عيونها ديم من حست بقربه منها وريحه عطره اللي دخلت في اعماق قلبها واخذت نفسه من توتره منه ومن وجوده بالمكان هاذا معها ولحالهم وهي من اخر موقف معها ماقابلته ابد حس راكان فيها وهي متوتره منه وابتسم من داخله وهو عاجبه وضعهم كذا وريحه عطرها وحتى توترها الواضح
كملو شغلهم سوا ومره يتشغلون موه يسولفون مع بعض
{{حايل بيت فهد }}
دخل البيت مستعجل وتجاهل مشاعل اللي جالسه تناديه من دخل ورقي فوق بسرعه يفتح غرفته يجهز ملابسه واغراضه لجل يسافر للرياض لي ابوه اللي كلمه يطلبه انه يجيه دخلت مشاعل من شافته يجهز اغراضه :علي وين انشاء الله
التفت فهد لها وقال بلهفه :رايحه الرياض ابوي طالبني يبيني اجيه !
مشاعل :توه يفكر يتصل عليك اكيد عرف برجوع عمر وناداك عشان ينتقم منك ومن ولدك !
التفت لها فهد :احترمي نفسك وابوي ماعرف برجوع ولدك وثاني شي لو يبي يذبح ولدك مالك دخل فاهمه !
شهقت مشاعل :بسم الله علي ولدي مو علي كيفه !
صرخ فهد :مشاعل اقصري الشر واحترمي نفسك وابوي لاتجيبن طاريه فاهمه !
قطع حديثهم دخلو عمر وصد فهد عنه يكمل اغراضه
عمر :شبلاكم انتو اصواتكم طالع !
مشاعل :ابوك رايح لي الرياض جدك متصل يبيه اكيد عرف برجوعك !
عمر :يمه اهدي ماراح يصير شي خلي ابوي يروح وانا يومين وبلحق ابوي واطلب السماح من جدي وعمي واطيب خاطرهم !
مشاعل :ماراح تروح تبينهم يذبحونك بعد سواتك في بنتهم ؟
تنهد عمر :ماراح يصير شي يمه اهدي وانا بروح لهم واطلب السماح منههم وهم اكيد ماراح يسسون شي فيني يعني !
تقدم فهد لي ولده وربت علي اكتافه :فيك الخير ياولدي وخل كلام امك على جنب ماراح يصير شي وجدك وعمك نسو الامر من زمان ولاتاثر فيه امك بكلامها اللي مايجيب شي غير القاطعه ؟
ابتسم عمر وحب راسه ابوه وطلع لبرا التفت فهد لي مشاعل :انتبهي تاثرين علي ولدك بكلامك الفاضي ولا والله يامشاعل لاارمي عليك يمين الطلاق وانتبهي تجيبي سيره ابوي بالشينه انتبهي
طلعت مشاعل من الغرفه طاركه فهد اللي يشيل اغراض قبل موعد الطياره جته انوار اللي من عرفت بسفر ابوها حجزت معه وتبي تروح معه ماهي قادره تبعد اكثر عن بنات عمها :بابا جاهزه صرت ؟
فهد يلا تعالي !
مشو وطلعو وركبو اغراضهم السياره التفت فهد وناظر عمر ومشاعل الواقفين عند الباب ولقي انظاره علي البيت كامل ولوح لهم بيدده وقال :استودعتكم الله
مشاعل التفت لي عمر :ابوك بس يبي يلحق ابوه بس !
تنهد عمر :يمه ابوه اكيد بيلحقه طبيعي وبعدين جدي وابوه له الحق عليه وانا يومين ورايح لي ابوي باذن الله بودي ساره لي اهلها وانا بشوف عماني وجدي !
مشاعل :كيفكم كل واحد وعقله معه بعرف يتصرف ؟
تنهد عمر ودخل داخل وراح لي شقته يدخلها ولقي ساره بوجهه جلس عندها وتنهد من قبله ومن وضع ابوه وامه وحاس بيضيق الكون بداخله
{{بيت ال سعد }}
دخلت حلا وهي اليوم قررت تبلغ اهلها كلهم بخبر حملها
شافتهم كلهم جالسين ينتظرونها من دخلو نط عليها فوز ومسكتها تجلسها :بسرعه وش عندك بسرعههه !
علي :اخلصي سلمان ينتظرني بسرعه !
قامت حلا تنزل العبايه :شفيكم انتظرو يعني ماوراكم شي ؟
ثنيان :حلا وش عندك وانا عمك قولي !
تنهدت حلا وقفت تطلع بوكس الكيك وظرف وتقدم لي ابوها وامها تقدمه لهم وقربو الموجودين منهم وابتسمت انهار تصورهم وتصور ردت فعلهم وفتحت منيره الظرف وفتح مشعل البوكس وصرخو كلهم من شافو صوره السونار والكيك اللي مكتوب عليه حضنها احمد وتدمعت عيون منيره بالسعاده وبنتها الكبير وسعادتها بتصير ام وقفت تسلم عليها :مبروك يابنتي مبروك الله يتتم علي خير
صرخت فوز تنقز بفرح :بيصير خالهه واخيراا !!
تقدم منها راكان وجسار يسلمون عليها وعلي اللي حضنها بقوه وصرخت عليه الجده وصايف :اختك ياولددد انتبه
سلمت علي ابوها اللي حضنها وعيونه تغورق من الفرح :الف مبروك يابنتي الله يتمم عليك بخير
ثنيان سلم عليها والتفت علي انهار :ردت فعلهم ولا اروع
ليال :تعرفين انتي ؟؟؟
انهار بغرور :اول من عرف انا قبل ابوه حتى !
صرخت فوز :خيررر ليه تعرفين قبلنا مفروض انا قبل !
ضحكت حلا :عرفتو خلاص مايهم مين اول او قبل !
الجد محمد :وينه الياس نبارك له ؟
جسار:وينه الاب الجديد بس نبي نستلمه ؟
ضحكت حلا :مايمديكم مشي لي خالتي تبيه بشي ضروري
جسار :حتى ردينه راحت وخلت مشعل عندي غريبه وش عندهم
منيره :وش عليك انت الحين منهم كيفهم اهل !
ضحك راكان :ابو مشعل دور جبهتك وينها بس !
جلسو يكملون سواليف وفرحه بحمل اختهم الكبيره وتقدم ثنيان من عند راكان :عامر جايب بعد بكره للرياض نروح نشوف البيت والاوضاع
راكان :تم يلا وبعدها نبي نطلع للمخطط مع ماجد وسلطان تجي معنا ؟
ثنيان :قدام ماعندي مشكله !
قامو واستاذنو منهم وطلعو يتوجهون لي بيت عامر يشوفون اخر التطورات فيه لجل يسكن فيه هو وزوجته
{{بيت ال سلمان تحديد السطح }}
واقفه تشوف الجلسه اللي ضبطوها الخدم لها واخذت كوب الشاهي ونجلست نتتظره خواتها اللي قررون اليوم يسهرون هنا بالمكان هذا واجواء الشتاء الحلوه دخلت نجود بالحطب :بشب النار اليوم لكم !؟
ديم :ع اجل اذن الفجر وانتي ماشغلتيها
جت ميلاف ومعها باقي المكسرات وبريق الشاهي :ديم وش الخيانه هاذي مسويه لك شاهي وانا سويت ؟
نجود :حبيبتي انا ماتشمين ريحه النعناع من قبل ادخل وانا شامته ؟
ضحكت ديم :معليش انتو تقللون النعناع وانا احب اكسترا نعناع !
شبت النار نجود والتفت لهم :ماقلت لكم النار من شبابها !
ميلاف :قلتي قلتي بس اجلسي ابي اسولف بسرعه !
ديم :طيب انتظرو شموخ تتجي ؟
جت شموخ من وراهم :سمعت اسمي !
ميلاف :بسم الله انتي جيتي؟
شموخ جلست : لا باقي ماجيت !
ضحكتت ديم ونجود بقوه :غبيه ميلاف !
ميلاف صبت لهم شاهي :خلو عنكم واسمعوني بس !
ديم :نسمعك يلا !
قالت لهم ميلاف عن يومها مع هزاع واحداث المستشفي كلها وحتى عن معرفت فوز في هزاع انه ولد عمتها انه اخوها بالرضاعه :دقيقه ميلاف الحين يقرب لها واخوها بعد
هزت رااسها ميلاف وكملت نجود :يعني الحين فوز هذا يصير اخوها ولد عمتها !
ميلاف ؛اكيد بلا غباء نجود
شموخ :دقيقه وش الصدفه اللي جمعتكم ببعض ماني فاهمه !
ديم :خلو عنكم الصدفه هاذي المريض وش سوا وليه ماقلتي لي احد فينا او حتى انا لجل اوقف ضده !
ميلاف :مدري ديم بعد الصدفه ووانا مخي معلق شلون كذا وش الصدفه اللي جمعتنا !
قاطعتها ديم :همك الصدفه بس ماهمك اللي صار معك في المريض ؟
ميلاف :ديم هو محامي قالي بيتصرف وخلاص سكتت ولا ابي ادخلهم فيكم سالفه وهي اصلا اخذ الموضوع كله طلعني من السالفه !
شموخ :جنتل مان خاف عليك تدخلين محاكم وطلعك ؟
نجود :تكفين شكله حلوو ولا ماش !
ميلاف ابتسمت :حلو يعني عادي !
ضحكت شموخ :كل هالضحكه وتقولين عادي كذابه اكيد انه صاروخ !
ديم :منجدكم انتو لا تستهبلون فوق راسي !!
نجود :ديم بالله فكينا من جو التحقيق والقضايا حقتك
التفت عليها شموخ من تذكرت الورد والقهوه : الا انتي تعالي مامسكتك على الورد والقهوه اللي ليله العزيمه وسالفه الصديقه الجديده هاذي مادخلت مخي اعترفي بسرعه ؟
نجود :دقيقه اي ورد وش السالفه ؟
ميلاف :ديم !
ديم :شفيكم ورد وقهوه عاددي مافيها شي !
ميلاف :قصدك الورد الاحمر اللي بغرفتك اللي رفضتي احد يشيله رغم انه ذبل !
شموخ :ذبل وماشلتيه وتقولين لي من مجرد صديقه اعترفي بسرعه ؟
ديم تاففت:خلاص بقولكم من راكان !
صرخت شموخ :كنت عارفه منهو راكان بسرعه ؟
نجود :دقيقه قصدك راكان ما غيره !
هزت راسها ديم :وش المناسبة هشام يجيب ورد ولا بعد من القهوخ اللي تحبينها ؟
ميلاف :ديم قولي لنا وش العلم ؟
ديم :راكان يحبني !
صرخو البنات كلهم بوقت واحد وانخرشت ديم :بسم الله خرشتوني وش فيكم
ميلاف :دقيقه يحبك يحبك انتي
ديم :لا جدتي اكيد انا !
شموخ :وانتي تحبينه ؟
ديم التفت لها وسكتت :ديم منجدك تحبينه !
ديم :مدري مدري نجود احس بشعور بس احاول اتجاهله احس في شي بداخلي يقولي هو العوض اللي مخبيه ربي لك هو عوضي عن الدنيا مافيها وفي صوت بداخلي يقولي بيسوي فيك نفس عمر مدري !
ميلاف :شوفي ديم انا بتكلم معك بقولك يمكن يكون فعلا العوض ويمكن يكون لا بس انتي تقولين يحبك بس شلون عرفتي ؟
ديم وتذكرت احداث قبل السفر :جاني قبل اسافر ولمح لي بحبه لي او بالاصح اعترف لي بس انا عند اتجاهل وصديته بوقتها ولحقني لي لندن وشفته وعرفته انه جاي عشاني !
شموخ:لحقك لي لندن كيف ومتى وشلون ؟
ديم :شفته بالصدفه بمحل قهوه ومره ثانيه لمحته يناظرني بس سويت نفسي ماشفته !
نجود :واضح يحبك ديم مافي اي شخص يلحقك لين لندن ويعرف مكانك برغم ان احنا ماعرفنا مكانك بس هو دور عليك ولين شافك واتوقع انه كان يدورك ووانتي في البحرين !
عقدت حواجبها ديم :كان يدورني شعرفك !
نجود :سمعت منيف يقول لي ناصر ان راكان يحاول يعرف مكانك وانه غلط عندهم انه يدورك وحتى انه ماصار يجتمع معهم لما يجتمعون وحتى بزواج اخته مارقص معهم !!
شموخ :دقيقه دقيقه الحين عشان كذا خواته مستغربين رقصه يوم كنا في العزيمه وانه مارقص في زواج اخته بس رقص وقتها بدون سبب !
صرخت ميلاف :دقيقه يعني رقص عشانك رجعتي !!!!
نجود :كل هذا وتقولين مااحبه خيرر ديم كيوت مررره تكفين ؟؟
ديم :ماادري بنات خلاص سكرو السالفه !
غيرو السالفه عشان ديم وجلسو يسولفون بشكل طبيعي وديم اللي مرات معهم ومرات تسرح في تفكيرها في راكان !
{{اليوم الثاني الصباح عند هزاع }}
قام من النوم وهو يتجهز كعادته للدوام وهو في شقه لوحده بالرياض توجههه لمطبخ يسوي اكله وشاهي حليب اللي يحبه من هو صغير والتفت علي اتصال امه نوال رفع الجوال :ارحبي يام هزاع
نوال :البقي ياعيون امك كيفك اخبارك ؟
هزاع : بخير يالغاليه كيف ابوي وكيف هناي وهند التوام !
ضحكت نوال :توهم متهاوشين قبل يروحون المدرسه
هزاع :مايبطلون هواش هم
نوال :انا وابوك اذ صار يوم هادي نعرف ان وراهم مصيبه !
هزاع :يمه ابوي كلمك بشي ؟؟
ضحكت نوال :كلمني كلمني بس وش الطاري وكيف عرفتها !
هزاع حج جبينه : اللي اعرفه يمه اني ابيها وبس من شفتها بالمستشفى وانا ماشلتها عن بالي وانبسيط وقت عرفت ان فوز تعرفها يمه
نوال :يعني تقولي من شفتها ماطلعتها من بالك ؟
هزاع :ابد يمه صرت اصحي وانا وانا افكر فيها ماقد حبيت احد نفسها يمه !
نوال :شوف من مدح مشعل لهم وتعلق ابوي في جدهم عبد العزيز هم وواضح ناس طبيع وحتى منيره تمدح بناتهم اذ امي تبي تشبك وحده منهم مع راكان !
ضحك هزاع :يمه هند وهناي اعدوك وبكلامتهم وش تشبك الله يهديك !!
ضحكت نوال :من كثر كلام خواتك صرت زيهم المهم ماعلينا انا بجي الرياض الخميس وواشوفهم ونكلم امهم ويصير خير والله يسعدك ويوفقك !
تمم بالامين هزاع وسكر من عند امه يتوجه لسيارته ويخرج لشغله بالمركز الشرطه
{{بيت ال سلمان }}
خلصو فطورهم وكل احد فيهم توجه لدوامه وشغله معاد ديم اللي ماراحت وكانت نايمه وسلطان اللي توه نزل يفطر شافه نايف وقرر يكلمه بهاليوم تحديد وقبل يتوجه لدوامه
نايف :سلطان خلصت فطور الحقني برا ابيك !
استغرب سلطان وطلع معه يوقفون قدام مدخل البيت :عسى ماشر نايف !
نايف :في شي تبي تقوله لي شي معين !
استغرب سلطان وتوتر بنفس الوقت :شي من ايش يعني ؟
نايف :مثلا تبي تتزوج !!
جمد وجه سلطان :وش عرفك انت !
نايف ابتسم: العصفوره قالت لي كل شي اذ انت صامل بكلم ابوي ونخطب !
سلطان :مين اللي قالك اكيد ابتهال او ديم !
نايف :محد قال قلت لك الصفوره قالت لي وبس الحين انت صامل !
سلطان ؛اي الحقيقه صامل وابيها وابيك تكلم ابوي بالموضوع !
نايف ابتسم :تم نكلم ابوي عشانك ولاي همك انت بس قلي متى تبي نكلم ابوي !
سلطان بحماس :الحين لو تبي ويكون افض..
قطع حديثهم دخول فهد وانوار من البوابه ورفع صوته فهد لجل ينتبهون له :سلام عليكم !
والتفتو نايف وسلطان بوقت واحد وناظرو بعض لثواني معدوده وفهد اللي توتر من صمتهم وشد علي يده ونزل راسها وفجاء ارتخت ملامح من سمع ترحيب نايف فيه :ارحب ياخوي ارحب نورت الرياض !
وتقدم له يسلم عليه :البقي ياخوك كيفك !
سلطان اللي توجه لي انوار يسلم عليها وضمها بقوه :كيفك ياابوي انتي !
انوار :بخير الحمدالله
سلطان التفت لي فهد :حسنتك الوحيده انها بنتك بس !
ضحك فهد :تعال سلم بس !
سلم عليه سلطان والتفتو من سمعو صوت كعب ديم ووبلع ريقه فهد بتوتر من شافها قدامه بكامل صحتها ومو مثل اخر مره شافها فيه وقت كانت تحت العلاج الطبيعي
تقدم ديم لهم تفتح سيارتها تدخل اغراضها وتوجهت لهم توقف قدام عمها فهد :سامحيني يابنتي سامحيني على اللي صار !
قاطعته ديم من تقدم تسلم عليه :لاتعتذر ولا حتى تقولي سامحيني انا مسامحتك وانا نسيت الموضوع خلاص ولا اصلا لك دخل في اللي حصل ياعمي وبعدين كل شي قسمه ونصيب
ابتسم فهد لها :الله يرفع قدرك يابنتي !
تقدن انوار لها تضمها :وحشتنيي ديم بشكلل !
ديم :وانتي اكثر
التفت فهد لهم وابتسم ابتسامه الراحه بعد التعب الطويل والهم التعيق اللي كان علي ظهره وكان شايل هم اهله بس
ديم :بابا نبي عشاء في المزرعه عشان عمي !
ضحك نايف :من عيوني ابشري اليوم العشاء في المزرعه وبنقول لي اهل عمي محمد يجون ؟
توترت ديم من طاري راكان من جديد :لازم نعزمهم
التفتى على صوت الجد عبد العزيز :اي يابوك لازم محمد معنا بكل مناسبه
ركض فهد لي ابوه يسلم عليه يقبل جبينه ويده ويضمه براحه من استقبله ابوه بهذا الشكل ولا صده بسبب رلده وركضت انوار لي جدها تسلم عليه بعد :حيالله حفيدتي !
انوار :ارحب يابوي انت !
ضحك سلطان :جحدت فهد
التفت علي سلطان الجد :وانت مصر على خطبتك من بنت محمد ؟
جمد وجه سلطان ونايف شلون ابوهم يعرف بالموضوع قبل يقولون له :دقيقه يبه وش عرفك !
ضحك الجد عبدالعزيز وغمز لي ديم بخفه :اعرف كل شي يصير !
سلطان :يبه من علمك انت ؟
ديم :يعني قلنا نسهل عليك الموضوع انا وابتهال ؟
التفت نايف لها :ديم !!
ضضحكت ديم وضحكو معها الباقي :صدق يبه بتخطبها لي !!
الجد عبدالعزيز :انشاء الله اليوم نفتح الموضوع !
سلطان نقز يضم ابوه :ياشيخ اطلق اب
فهد :قم جيب الذبيحه تسنع قدام اهل زوجتك !
سلطان : صح صح بروح اجهز المزرعه
ركض لداخل بتجهز لجل العشاء اليوم والفرح تغمره بشده
ضحك فهد :انهبل الولد
نايف :خليه ينبسط الله يتمم له بخير
ضحكت ديم تتوجه لدوامه ودخلت انوار دااخل لي نوره تسلم هليها وترتاح عشان الليل وفهد اللي جلس يسولف مع ابوه وبكل راحه وامتنان لي ابوه :عمر بيجي ويطلب السماح منك ياابوي !
الجد عبدالعزيز:خليه يجي ويصير خير !
تنهد فهد وكملو سواليف والتفو علي ركض سلطان وهو لابس الثوب ومسوي عصبه بالشماع ويركض اتجاه الشاص
ضحك الجد عبدالعزيز:هالولد مهبول كيف بزوجه بالله !
ضحك فهد:من الوناسه ياابوي !
تنهد الجد ويدعي له بالتمام والتوفيق وفهد اللي يتمم علي دعاء ابوه وخاطره منشرح
{شركه الهندسه عند ناصر }
وقف من شاف سعد طالع من عند المدير ونقز يساله بموضوع ليال :وش صار تكلم
سعد :واقف خلاص وقال انت بتمسك تدريبها لين تخلص !
اابتسم ناصر وكمل سعد :وتراها جايه الحين
التفت له ناصر :احلف سعيدان احلف !
سعد :اي والله رح رح استقبلها بس !
حب راسه ناصر : ياشيخ ينصر دينك لك مني عشاء في افخم مطعم في الرياض وش تبي بس
ضحك سعد :رح رح خلني اخلص شغلي بس
راح ناصر وتوجه لي موظف الاستقبال يوقف يسولف معه لحل بس ينتظرها واخذ دقايق وحس علي نفسه ورجع لي مكتبه يحلس فيه يفكر باللي صار كل هو لجل بس ضميره يريحه او لجل يوظفها ولا ايش ماهو فاهم نفسه التفت
اخذه الوقت يشتغل وفجاء دق الباب يدخل منه مديره ووهي معه قام من مكانه يرحب فيهم :تفضلو حياكم
جلست ليال وهي منصدمه بوجوده هنا كانت تظن انه مجرد احد ولا له صله في الشركه بس الواضح لها هو اللي بيمسك شغلها ويدربها معه :الاستاذه ليال طالبه جامعيه على وجه تخرج ونبي نخليها تدرب عندنا وانت اللي بتكون المشرف عليها استاذ ناصر !
ناصر:ابشر طال عمرك انشاء الله اكون قد المسؤوليه !
طلع المدير وجلس ناصر قدامها :تشربين شي ؟
ليال :ممكن افهم ايش جالس يصير؟
ناصر :تفهمين ايش بالضبط ؟
ليال :وش العلاقه بين يوم كبيت القهوه على اوراقي والحين انت بتكون المشرف حقي !!!!!!
ناصر :مافي شي ماهو مفهوم انا حبيت اصلح غلطي بالطريقه هاذي !
سكتت ليال لثواني معدوده وكمل ناصر :ماعلينا ركزي بشعلك وانا بشرح لك كل شي عن الشغل
تنهدت ليال وهي كانت بترفض من شافته بس ماقدرت بحكم انها علي وجه تخرج وضروري تلقي مكان لجل التدريب :تمام ماعندي مشكله
قام ناصر معها يشرح لها الشغل وطريقهه دواهم وكلشي يخص الشريكه وامورها كلها
{{عند راكان بالمستشفي }}
خلص امور شغله وتوجه يدخل مكتبه الواسع والكبير والمطل علي ابراج الماليه والشمس داخله بالمكان كله وقف عند ركن القهوه يسوي قهوته ويجلس يفكر فيها وفي حياته معها اللي رسمها بخياله ورالي يتمني تصير بالواقع راكان حبها حب ماشهده في زمانه حب كلشي فيها عيوبها وتفاصيلها حب عيونها الواسعه حب روحها الحلوه اللي بدت تبان تذكر حديثهم في مكتبها وضحكهم اللي شهدوه كل الموجودين بالمكتب وقتها حتى لما طلعو واخذو شاهي عرف انها تحبه بنعناع زايد انتبه هذا اليوم لكل تفاصيلها الصغيره والكبيره حتى لي انزعاجها من رجلها بسبب الحادث وقال لها لجل تمره ويتطمن عليها سمع دق الباب وسمح له بالدخول اللي كان منيف وماجد داخلين مع بعض
منيف :خلصت بنمشي للمزرعه اليوم نبي نتجمع هناك
ماجد :بس دقيقه نبي نبدل لبسنا ماراح نطلع كذا
منيف :خلاص نمر ناخذ لبسنا ونمشي !
راكان :يلا نمشي وانا بروح البيت اخلص شغلي واجيكم هناك
منيف :تم
طلعو كلهم يتوجهون يتجهزون لجل يروحون للمزرعه ويستعدون ليومهم
{المزرعه }
اجتمعو كلهم مع بعض جالسين الشيبان والعيال مع بعض مكان ناقصهم الا راكان اللي ماجاء وعند الحريم كذالك محد كان ناقصهم الا ديم اللي ماجت لين الحين انفتحت الابواب تدخل سياره ديم وخلفها سياره راكان ونزلت ديم منها وخي حاطه الكاب علي راسها ولابسه ناظرتها الشمسية والبلوفر البني اللي يبين من العبايه اللي لابستها شافها راكان وابتسم من داخلها توجه لها نايف يسلم عليها ونزل راكان يسلم عليه ومشي يجلس بالجلسه ويسلم عليهم وصب له سلمان القهوه واخذها منه يناظر بديم ونايف اللي لين الحين واقفين يتكلمون مع بعض رجع نايف ودخلت ديم عند البنات وجلست معهم مر الوقت عليهم وتوجهت ديم لي اسطبل الخيل تطلع هتان منه نزلت العبايه وركبت تركض بالمضمار وتفكر في شعورها اتجاه راكان جتها انوار وقفت ديم تنزل من خيلها تتجه لها تجلس جنبها من شافتها جلست :شفيك انوار !
انوار :ديم انتي زعلانه منا !
ديم :لا ماني زعلانه ابد ليه !
انوار :مدري ديم حاسه بشعور بشع جدا من مشينا من حايل وانا حاسته ماني قادره احس بشي غيره حاولت انسي واستانس مع البنات بس ماني قادره ديم ماني قادره
ضمتها ديم :بسم الله عليك استهدي بالله مافي شي بيصير شوفينا كلنا مبسوطين كلنا انوار
بكت انوار :ديم احس في شي يقولي بيصير شي انا قبل يومين تحلمت بحلم خلاني اصحي من نومي اصيح ديمم اصيح !
ديم :اهدي مجرد حلم استهدي بالله انوار ماراح يصير شي هاذي مجرد احلام وساويس من الشيطان اذكري ربك
انوار :ياررب ديم تعبت مرره تعبت الشعور هذا مو حلوو ديم يوجعني قلبي بسببه !
ديم :قومي ادخلي هالغرفه وصلي ركعتين وانا بنتظرك هنا قومي !
قامت انوار ودخلت الغرفه وضلت ديم تفكر بكلام انوار وخوف ديم تجدد من جديد خوف من كلامها التفت من حست بخطوات شخص شافت راكان جاء ومد لها فروته لجل البرد اللي اشتد من جاء الليله اخذتها ديم تبلسها سالها راكان : وش تفكرين فيه !
ديم رفعت كتوفها :مدري كذا مجرد افكار
راكان :شفيها بنت عمك سمعت كلامها وانا جاي من دون قصد !
ديم :تحس بشعور بشع وانها خايف بس !
راكان جاء بيتكلم وسمعو صوت صراخ قويه جاي من بعيد ركضو كلهم بتجاها الصوت وراهم انوار تركض وهي حاطه يدها علي قلبها وقفو قدام جلست العيال اللي كانو كلهم واقفين والحريم اللي طلعو وقفو بصدمه من منظر فهد الطايح بينهم وومنيف الواقف فوقه يحاول ينعشه وناصر اللي ماسك جده ومشعل اللي ماسك نايف المنهار بين يدينه تقدم منهم راكان وناظر في منيف اللي هز راسها بالاسف انه مااقدر ينقذه والتفت لهم راكان وقف منيف معه والتفت نايف لهم :شفيكم وقفتو انقذوه شفيكم !
سلطان :منيف راكان شفيكن ليه فهد ماقام !
منيف اللي صد بوجهه عنهم وناظرهم راكان :فهد يطلبكم الحل ادعو له بالرحمه
طاح الجد عبدالعزيز من بين يدين ناصر وتقدم له ماجد يمسكه معه وديم اللي شهقت بقوه والتفت لها راكان وناظرها ماسكه فمها ودموعها اللي تسيل صرخت انوار بقوه وركضو لها البنات كلهم يسمكونها لجل ماتروح لي ابوها واخذ شماغه راكان يغطي فهد وطاح عليه نايف اللي بكي وهم ضام جثه فهد ويصيح وسلطان اللي طايح من بينهم ويناظر في اخوه الطايح ودموعه تسبقه وسمع صوت صراخ بنت اخوه اللي تصرخ في اسمه فهد ودعهم بدون صوت بدون مايحسون الا وهو طايح بينهم راح من دون احد يحس فيه ابد راح من بعد ماسمع كلام ابوه عنه وانه راضي عنه رغم كل شي راح بعد ماشاف ابوه واخوانه وتطمن ان بنته في امان معهم رحل من بينهم بهدوء تام رحل وبقت ذاكرته فقط
وصل الخبر لي اهله في حايل وعمر اللي انهار وحجز مع ساره وامه يركبون الطياره لجل يلحقون الدفن وصلو الرياض وتوجهو للمستشفي وانهار من شاف عمانه وجده منهارين واخته اللي اغمي عليها وداخل مع البنات صرخ بقوته : يبهههه
التفو له وتوجه له سلطان يضمه ويبكي معه وماهو مصدق وخبر وفاته فهد كان فاجعه عليهم بس يحاولون يتصبرون لجل بنته المنهاره ولجل جدهم المنهار وهاذي سنه الحياه والموت حق وكلنا ماشين في هالطريق الموت سنه وكلنا ماشين عليه الروح رحلت لرب كريم لرب غفور لرب العالمين
اعذروني علي الاخطاء ♥️♥️