مساء الخير قـلبَي ... 🤍
#الكاتبه زازا
#ابوضبع 904
لاتنسون التصويت+تعليق على كل فقره لطفاً 💚
حساب الانستا للتواصل معي ومع الابطال🙈🤎
its.zlzala0
"اسفه ؏ تاخيير لبارت اعذروني حبيبيني لاڤيووو
" 🥹💛💛
ضُلام ::
قبل لـ١٢ يبدي الوجع
وتنام بيدي الرچفه
ومو كلفه إذا اريد انتحر
ولو اريد أعاتب كلفه
يشفى التعذب من غرب
بس التعذب من هله ، شتحطله هذه ويشفه ؟
واركض ع المرايه انصدم
ما الگه وجهي من الحزن
الگه شخص ماعرفه
ارعش واهدء وافتهم
هوا اني كتالي هلي جيراني ليش محلفه ؟
غير اثبت بوحده وخلص
جاي اطفه وارجع احترگ
لو احترگ لو اطفه !
وبالليل اصيح بالحلم
واسم الله امي تصيح
تعبان ومتعب هلي
وامي اعلى راسي تفرفح
واصل مراحل بالحزن
من شخص يفهمني غلط
اثبتله هاي الغلطه .
"" "" "" "" "" "" "" "" "" "" "" "" "❥ َِ
مرت الايام عباره عن افراح قررنه انو عرس نمارق بلأول ووراهه عرس ايهم اخويه بس بابا عارض انو نسوي عرس واحد سوينه حفله حنه من جهه اخذنه نمارق للصالون نصنعها اني مخليت مكياج ماعرف شبيه صارلي فتره احس شي خانكني من ركبتي من انام خلصنه نمارق تصنيع ومكياج طلعت تجنن وكذالك سيلين مكيجت والله يسلمهه خبلت رجال حسن بخبالهه كل شوي داكه عليه تكله عينك افكسهه اذا باوعت على غيري وهوه منطيهه على كد عقلهه شيسوي لبست روب مالت لبدله على نمارق درت وجهي على اختي لزمتني ضحكه شلون حاطه تلفون على اذنهه تخابر بي رحت عليهه جريته من عدهه جاوبتهه
ايڤن-: ها خـويه شبيهه وياك سيلي
فتحت لسبيكر اسمع هاي لي مخنزره حجه بعصبيه
حسن-: ولج قنعيهه صخميهه لطميهه وين ادورر نسووان اكلهه اني واكف ويا دوريه وكبالنه بيت نسابتكم ولان الفنديه سمعت بيهن ؏ سطح داكه عليه ١٤مكالمه خللل تكبرر عقلهه لااجي اطيح حضهه مسموط بلحر وتكلي نسوان دور
صاحت بي سيلين
-: اييي اضحك عليه وهاييي لهايشه هستوووهه دكت عليه تكولي اووووي فدوه خطيبج يجننن شلوون يباوعلنه وللللك يبووو راسسس المربع بس خل اشووفك وتعرف شسوي بيك
رد عاط حسن
-: دخيلللك ياعلييييي تفضضض لحفله واني الج
سيلين-: رووح ياحسسن بس اذا مالبست ثوب لسووود لي حذرتني ما البسه ويصير خيرر
حسن-: جربي تلبسين وشوفي شراح يصير
سيلين-: وشيصيرررر!!!!!
حسن-: اووخ صدك نسيت خالتي وبتهه مروه واخواتهه اوصلهن لصالون يلا ولي رايح اوديهن خطيه هسه ينتظرني
عطت بي-: وحققق اللله اذااا رحتتت شوووف شسوييي بيكككك
سد لتصال بقيت فاكه حلكي اله شوي وانفجر من ضحك على سوالفهم همشت تلفون مني دكت عليه مغلق يمااا هنااا ماحجيلكم شلون وجهه صفررر وترجف لزمتهه اضحك واحجي
ايڤن-: ياااا ولج سيلي هاي شجاج تره يشاقه
سيلين-: ولله حيرووح ادري بي يسوي لنكس لحتى يحرك كلبيي
ايڤن-: اييي تره حقه رجاللل واكف ويا دوريه وتكولين يدور نسوان من يمي متحملت شلووون متحملج الله يساعده
سيلين-: ايڤننن ولي عنييي
عفتهه مطنكره خلصنه طلعنه متوجهين للبيت وصلنه لاكانه العزف ولهلاهل نزلت سيلين كودت ايد نمارق صعدت كبل لغرفتي دايخه ماحس اني وين دخلت للحمام بسرعه تقيئت حسيت روحي راحت كعدت بلكاع ابجي شجاني اني وكاعده فتحت دوش عليه اريد اخذ نفس شويه ارتاحَ تبللن ملابسي بس احس عقلي مدري ويين كأنما اني بحلم فزيت من شفت ضوه حمامي يطفى ويشتغل لحاله يرمش كمت نزعت ملابسي خليتهن بلغساله لفيت لبرنصل على جسمي تمشيت للغرفه عيوني يوجعني اني ولافه روب عليه سندت روحي بفراشي غفيت بسرعه حسيت احد ندسني فتحت عيوني امي هاي كبل كمت اردفت بخوف
ايلين-: شبيج ماما شو مو على بعضج صايرلج شي؟
ايڤن-: لايروحي بس تعبت من صبح تدرين نظفنه ورديت اخذت نمارق رحت للصالون فه لعبت نفسي ودخت
ايلين-: ماعندج غير العافيه حبيبتي تعاي نزلي راح تبدي الحفله امشي
ايڤن-: حبابه عوفيني ولله ماكدر
ايلين-: ياا شجاج!!!!!
راح اتصل علل اخوج يجي يوديج مبين من شكلج مريضه
ايڤن-: لا حبيبتي بس اغفالي شوي ارتاحَ اكوم وابدل وانزل بقت تباوعلي بحيره نزلت لبست دشادشه رجعت نمت بفراشي اريد بس انام جسمي نحلان نمت بسرعه فزيت مخروعه على حلم كابوس ولأول مره احلم هيج شي عركانه وجهي وركبتي فركت وجهي بتعب باوعت ؏ ساعه مصاير خمس دقايق نايمه شمسرع حلمت كمت فتحت الباب ؏ كيف هوستهم واغاني رجعت قفلت الباب فتحت كنتوري طلعت فستان قصير لونه اسود لبسته شسورت شعري ركبتي توجعني لان نمت وشعري مبلل كوه احركهه مكيجت شوي بس خليت حمره ومسكاره رشيت عطر لبست اكسسوارتي لبست كعب نزلت جوه العالم كلهه ملتمه يمنه ولهلاهل ودك ركص الانظار صارت عليه خجلت تلكتني امي اردفت
ايلين-: ها ماما صرتي زينه حبيبتي؟
ايڤن-: اي يروحي
ايلين-: اذا تحسين مالج خلك رجعي نامي
ايڤن-: لاماما عيب شلون مو حنه اخويه واختي حرام عليه اعوفهم
ايلين-: براحتج يحبيبه
عافتني شفت نمارق انتبهت لوجودي ابتسمت بفرح رحت عليهه كعدت بوستهه
ايڤن-: مبروك يروحي شايفه كل لخير اعذريني ولله مدري شجاني دايخه وبس اتقيء
نمارق-: حبيبتي يوم الالج عادي من كالولي مريضه ولله نقهرت عين ماصلت ؏ نبي ولله
ايڤن-: ايي ولله لعين علينه عبالك بس احنه نطلع ونلبس انسي لج دباعي سيلين شلون تهز هههههههه
نمارق-: خايبه ركصهه يموت ضحكني لضهر مطنكره هسه تهوبز لامن صدك مخبله
ايڤن-: ولج اسكوتي لاتسمعج وتجي تعضنه
نمارق-: شنو جلب؟ ههههههههه
ايڤن-: لاااء مو لهدرجه هههههه
اكلج اجوي اهل لعريس مو؟؟
-:: اي حياتي وراحو قبل لاتنزلين بهيج بدقايق
-:: يبووو ومالحكت اشوف رومانسيات
-:: لاولج يارومانسيه بس حنوني وشوي اخذولنه صور وراحو وهسه راح ترحون لهل عاروس ايهم
-:: اها زين لعد خل اروح يم هاي ترعص ضحكت كمت يم سيلينه شافتني اجت تلكتني تهز وتمايل بجسمهه ضحكت ركصت على ركصتهه همستلي
سيلين-: بيتنه انترس حيايه تعاي ضلعتي خل نكسرهن بركصنه
ايڤن-:: هههه اوووكي
طبينه بنص ركصنه لحد ماكلنه كافي طكيتهه بهلولهه ونساوين ؏ لواهسي يهلهلن انتبهت ؏ هاي حسنه لي تكون عمتي اخت ابويه هيه وبتهه شلون صافنات عليه خفت من نظرتهه بسرعه ابتسمتلي رديتهه بمجالمه رحنه ؏ بيت العاروس ولله ماعرف شلون ابويه رهمهه عرسين بنفس اليوم وصلنه دخل اخويه بيني وبين نفسي صليت ؏ نبي هوه طويل وراعي جسم رياضي حيل حلو شكله اشكراني خوب من يضحك وغمازته تبين يموت هههه دخلنه سوه ونصفك ونهلهل اباوع ؏ لبنات لبكصتي اكلن ايهم اكل بنظراتهن همست سيلين
-:: يما راح يحسدن اخونه لمصكصك مال اسحلهن
-:: خفي علينا ههههههه
-:: لج دباعي هاي شلون نزعت روب دشوفنه زراك ايع
-:: عيب تنمررر ههههههههههههههههههههههههههه
حنينه العاروس واخويه اشوفه شلون فرحان الله يديمهه ركصنه لحد ما تعبت طلعت تلفوني من جنطتي صورتهم واخذت كم صوره الي دك تلفوني انتبهت هذا ضلام يبووو شيريد العگره رحت بغرفه فارغه لحتى اسمع جاوبته
-:: الو حبيبي
حجـه بصدمه-:: شنو!!!!!!
ايڤن-: هاي شبيك؟
ضُلام-: شكلتي؟؟؟؟
ايڤن-: شكلت
ضُلام-: ڪلتي حبيبي
ايڤن-: اي عادي وذا شكو نصدمت
ضُلام-: يعني بتحبيني!!
ايڤن-: لاااء ايييع احبك شنو لا من صدك نجنيت تره كلمه حبيبي للكُل اكولهه فه عادي اكولهه الك او بطلت بعد ماكولهه
ضُلام-: دنجبي جبي صوريلي شلابسه خل اتمتع
ايڤن-: لاجنك ماخذ الوضع اوڤ وايت
ضُلام-: راح اسده خمس دقايق الج اذا مصورتي شلابسه بلعباس اجي وتدرين بيه اسويهه
ايڤن-: اي كلشي اتوقع من لخبل
ضُلام-: خوش يلا بسع
سده بوجهي غمضت عيوني اصبر نفسي ؏ هلبلوه لي ابتليت بيهه اني شفت بنات واكفات يصورن صحت
-:: احم شسمه ينبيه
-:: اني؟
-:: اي
اجت مبتسمه شكلهه مريح حبابه عادي تاخذيلي صوره؟
-:: دللي
ابتسمتلهه وكفت كبال ضوه لحتى تتوضح صوره اخذتلي كم صوره ؏ طولي تشكرتهه راحت كعدت ؏ لكرسي اختاريت وحده عاد حلوه بس دزيتهه بسرعه شافهه ضحكت على سوالفه شوي وكتب
ضُلام-: اني اعلملج بت احميد اذا مانتفت شعراتج هذن جنهن صخل مدرعه بعد بعد چا ليش مانزعتي على شنو خطيه ضامه نص ومطلعه نص
صح عصبني بس متحملت انفجرت من ضحك اريد اسكت نفسي ماتحمل دك عليه رفضته رد نوب مره ومرتين ورابعه اخر شي كتب
-:: ومحمد ليوم لصلخ جلدج الفوصه
بقيت مخليه ايدي ؏ حلكي اكتم ضحكه مرديت عليه غلست سويته وضع طيران خليته صامت خليته بجنطتي عجبني ليوم لحركه شمرت كذلتي بغرور اضحك طلعت شفتهم راح يطلعون بوست العاروس باركتلهه طلعت رجعنه لبيتنه بعدهن عماتي لعرفت راح يباتن حسنه وبناتهه شعجب مادري صعدت لغرفتي فزيت من شفت بنت حسنه واكفه يم ميز مرايتي دارت وجهه مصدومه حجت بتوتر
فرح-: احم اجيت اشوف غرفتج اعذريني
رفعت حاجبي ممصدكتهه اردفت
-:: لاعـادي بس اعتقد تكدرين تاخذين اذن مني يلا مسموحلج تدخلين بغرف غيرج
-:: مو شفتج ماكو وعجبني اشوف غرف بنات عمي بيهه شي؟
-:: لا مابيهه شي لبيت بيتج ويلا حبيبتي من رخصتج ممكن تطلعين اغير ملابسي
-:: اي اخذي راحتج گلبي
طلعت قفلا لباب وراهه كاتمه غضبي بكل عين صلفه تفوت بغرفتي لا وبكيفهه تلمس اغراضي شكد حقيره
غيرت ملابسي لبست تراك كعدت ؏ كرسي امسح المكياج خليت مرطب لديه ولوجهي ردت اعيط من انتبهت ؏ شباك البلكونه واشوف ضل ضخم اسود واكف بقيت لازمه كلبي بخوف اجر نفس عيني صافنه ؏ لمرايه درت وجهي كمت بقلق اطك طك بخوف فتحت شوي لبرده عطت عيطه يمكن اهلي حتى سمعو مخلي وجهه بلجامه لازكه فاك عيونه بكل وسعهن خزرته بقوه فتحت لباب هجمت عليه اضربه وهوه فحطان من ضحك
ضُلام-: ههههههههه اخ يما
ايڤن-: وسممم وطحيللللل تريييد توكفف كلبييييي ابليسسس
لويت اديهه قربتهه عليه حجيت-: وهسه واكف كلبج لو بعده؟
ايڤن-: انجبب الحقيررر ردت اموت شهل تصرفااات ي
استوقفني دكت الباب عضيت شفتي بندم حجيت
-:: منو؟؟؟
ايلين-: شبيج ايڤن شكو عطتي هبطتيني
حكيت راسي-: شسمه مو جنت اتابع فلم رعب وهيج لان صار يخوف عطت
ايلين-: وكعتي كلبي شو افتحي لباب اكوو بنت تحاجي امهه من وره الباب افتحي
فكيت عيوني مصدومه حجيت-: ماما مو شسمه جاي اغير ملابسي
ايلين-: هسه وذااا ياااا مو امج اني شو اريد احاجيج بـ موضوع
انخبصت وامي واكفه وره لباب جريته من ياخته همست معصبه
-:: اطلععع يربي ولك اطلع
بهمس-:: وييين!!!!
ايڤن-: برره
ضُلام-: مااا
تخبلت انته يربي عضيت اصبعي متوتره امي كل شوي منهده بيه واني اكلهه جاي البس بقه معند واكف مجتف اديه ومبتسم ردت ابجي شسوووي دفعته خزرني حجيت بهمسس
-:: طب بلحمام طبب
ضُلام-: ديلا خوش
طب دفعته بقوه راد يضربني سديت لباب بوجهه رجعت اركض فتحت لباب لمي وهيه خازرتني دخيلك يربي بلعت ريكي حجيت بهدوء
-:: كولي ماما
-:: وقمامه لتقمقم هلـ حلك وييين جنتي منو يمج؟؟؟
-: ها شسمه محد
دفعتني عيونهه تفتر بغرفتي راحت ؏ لبلكونه باوعت وردت اجت عليه اردفت
ايلين-: شعندج فاتحه لبلكونه مو بارده
ايڤن-: لا عادي جنت اصور وبعدين كلت البس فستان اصور بأثناء جاي البس انتي دكيتي لباب حرت شلون انزعه حصر
ايلين-: ههههه طاح حضج العالم نايمه وهيه تصور هبطتيني من سمعت صوتج اجيت اركض عبالي بيج شي
ايڤن-: لا ههههههه
ايلين-: يلا حبيبتي نامي ماضل وكت
ايڤن-: صار حياتي
طلعت سمعتهه نزلت زفرت بتعب رحت عليه فتحت لباب لكيته يفتش بغراضي الماسكات ومن هسوالف نهديت بي
ايڤن-:: شجاي تسوييي
ضُلام-:: عجبني حمامج نظيف عبالي وصخه
ايڤن-:: هوه بس وجهي انظف من حياتك
ضُلام بستهزاء-: هم صدك ولله
طلع خزرته بحقد رتبت لغراض رجعتهن بمكانهن سديت لباب اجيت عليه جان كاعد يفتش بدفتري لذكريات لزمت كلبي بخوف ركضت عليه جريته من ايده استغرب من تصرفي حجيت
-:: شسمه عوفه خاص ولله خاص لاتقراااا
ضُلام-: ليش شبي شمكتوب؟
ايڤن-: هاء ءء شعليك وشسمه جيبه بلا زحمه شي لخاص مو من حقك تقرا اوووكي
ضُلام-: لااا مو اوووكي وليوم غصباً عنج اقره وكدامج جيبي
جره مني بقوه فركت كصتي بتوتر قره كم صفحه واني دايره وجهي عنه حجه خايفه منه لا يسوي مشاكل وطلايب ويا لمصخم ابن خالي متُيم ادري بي مخبل اووف على هلـ حض
ضُلام-: منو هذا لكاسر كلبچ؟
ايڤن-: شعليييم بابا جيب دفتر
بتهديد-:: هذاا منو حرف M تحجين لو اطلع شياطين لبراسي وتعرفين بثواني وحده شسوي فه احجي احسلج
ايڤن-:: هاااي شبيك تره مو دفترري دفترر سيليين
ضُلام-: اختچ سيلين عاشكه حسن وحرفه H هذا حرف M منو هذا؟
-:: محد ولله محد
ضُلام-: مُتيم مو
بلعت ريكي شلون ملامحه جامده يباوعلي بنظره شك حجيت
-:: هذا شنو لاولله موهووووه
-:: اي چااا منووو؟؟؟؟؟!!!
-:: ضلااام شعليييك احب ما أحب هشييي يخصنيي وبعدين انته منو وتعاملني هيج يكووون بعلمك جاو
بعدني ممكمله كلامي لزمني من فكي بقوه حسيت روحي راحت حجه وهوه كاز ؏ سنونه
ضُلام-: اني منو؟
اني اكسر خشمج هذا رافعته عليه خاف عبالچ يعجبج ميعبجبچ طبج طووب ودخل اشوف تتمادين بهذا لسانج وياي
كاضه روحي ودمعه بطارف عيني حجيت بحركه
-:: اناااااني مجنوووون
ضُلام-: ايييي انااااني بيچ مخبللللل اي اني اناني واتخبلللل احد يمسسسس اشيائي الخاصصةةة امحي من لوجود خليهه براسج مهوووس بيج لو ترحين سابع سماء الحكج
ايڤن-: وخررر عنييي اكرهك وحق الله اكـرهك
ضُلام-: تحبينه!
-:: مم منووو
مرد عليه بس عيونه انكلبن دم احمر بيناتنه لحجي من صدك متت خوف منه شكله مرعب صراحه صار جسمي يتنفض من رجفه بحركه سريعه عضني بقوه يم متني روحي شاغت شهكت ابجي ادفعه حسيت اسنانه نبتن بلحمي وخر عني يرجف دفعني بقوه ؏ جربايه شمر دفتر بوجهي رفع اصبعه بتهديد
ضُلام-: سنين متلوع عليج وبلخير طلعتي عاشكته هذا عقاب بسيط بس اذا ملعبت بيكم لعب اصبرولي طلع من باب لبلكونه بقيت لازمه لفرشه اشهك من جهه لازمه متني يوجعني بقيت اشهك واسب بي بحركه دعيت عليه يحترك كلبه اضعاف لوجع ضوكنيا هسه كرهتهه حقدت عليه مو طبيعي وزاد الخوف منه لايسوي شي وبسببي يتأذون غيري مسحت وجهي من لدموع كمت قفلت لباب وراه سديت لبرده طبيت للحمام وكفت كبال لمرايه نزعت تشيرت شهكت من شفت علامه سنون نابته بشكل مخيفه بمتني وزراك محاوطه مسحت دم طالع منه سبحت بمي بارد ابجي يربي شسويت لحتى ابتلي بهيج بشر لاعدهم رحمه ومخابيل الله ياخذك لفيت لبرنصل ؏ جسمي دثرت بفراشي وشعري يقطر مي ماعندي أي طاقه احرك اصبعي ومن جهه روحي توجعني بسبب عضته بقيت اناشغ لازمه متني بقيت مغمضه عيوني لحد مغفيت
كعدت صبح ؏ طرقات باب وصوت امي حجيت بنعاس
ايڤن-: منووو؟؟؟
ايلين بهمس-: ولج يمصخمه ساعه ٩صبح ماكلتي اخوات ابويه هنا مو عيب وليوم عرس اخوانج نمتي فوك وحدج ولكل نامو جوه حتى اخواتج افتحي الصخاام
كمت مطنكره شعري مكرفش فتحته ؏ كيف باوعتلهه تك عين شهكت من شافتني اجت لزمت وجهي حجت بخوف
-:: ولج شو عيونج مورمات شبيج؟؟
-:: مابيه شي حبيبتي بس لبارحه لان انطش عليه لحليب كلت اسبح لان توصخت وغسلت وجهي بصابون من فتحت عيوني كام يحركني روحي راحت وهاي هيج ورمن حتى مابيه حيل البس نمت هيج
-:: ليا مكموعه ولج مو تمرضييين
-:: لااء مابيه شي هياتني كدامج مابيه شي
-:: اي تمام بدلي وشوي خلي حمره صخام وجهج اصفر جوه نزلي كاعدات بس يبسمرن يانايمات يامدري شنو
ايڤن-: وشعليهن يطبهن مرض
ايلين-: اش ماما حرام لاتعيديهه يسموهه الغبيه وذنب يصير عليج
ايڤن-: صار ماعيدهه باستني نزلت جوه تنهدت ذكرت قفلت لباب ذبيت لبرنصل بقيت صافنه ؏ متني بلعت ريكي الزم الغصه لبست تراك يغطي لأثر مشطت شعري لبست طوق خليت مسكاره وشوي حمره سحريه خليت لشفتي ولخدودي اخذت تلفوني ذكرته بسرعه طلعت رقمه حضرته ومن برامج كل حساباته حضرتهن نزلت جوه هوستهن كايمه تلكتني اخواتي حجيت
ايڤن-: مانروح للصالون؟
سيلين-: ايي غير ننتظر بحضره جنابج
ايڤن-: انجبي محد كعدني وهستوهه امي اجت كعدتني
سيلين-: عزب عينج ولج تدرين كم مره كسرت لباب عليج ردت اعوفج بس نمارق تكول خطيه نعوفهه
حضنت نمارق-: ايي غير حبيبت اختهه تنتظرهه
نمارق-: يبعد عمري
سيلين-: بعدين رومانسيه انتي ضميهن لليل يم زوجج طلعيهن
نمارق-: هههه امداج
صعدت ركض اجيب صايتي حاولت اخفي حزني لحتى مايشكون بيه نزلنه جوه سويه اني واخواتي طلعنه بتكسي لصالون وصلنه واحنه حاجزين من لبارحه كبل ستلمتنه مكيجتني مكياج سماكي طلع حلو كلش نمارق مكياج عاروس اكيد تطلع توب وسيلين مكياجهه ترابي يجنن عليهه سويت تسريحه رفعت شعري ولكذله برمتهه وخلتهه ؏ عيوني صارت تجنن خلصنه دخلت للحمامات مال تغيير ملابس كوه لبسنه نمارق لبدله ضحكت
-: ماشاءالله صايره بطه ولج
-: هههه اووف غيرر زوجي خبصني
سيلين-: اموت واريد اعرف شعاجبهم بسمن وجماله سوسي يريدني اسمن منا للعرس ولقران اصير ثور
الكل-: ههههههههه
لبسناهه لبدله طلعت تجنن تصميمهه يموت من فوك لبست بدله لونهه اسود طويله ولحمدلله ردن علقل اخفي لاثر اما سيلين حصر وبي فتحهه من ركبه لونهه جوزي حلوه حيلللل طلعنه لبسناهه لبركع مدري شيسمو ولله حتى نسيته فترت داير مداير عبالك فراشه صليت ؏ نبي وها نسيت اسولفلكم الحيايه اجن وتصنعن ويانه
لبست اكسسوارات باوعت ؏ ساعه ب٢ ونص ضهر هاي شمسرع لوقت يركض ركض بطني صوفر من جو؏ اجه ابن عمتي طلبت منه يجيبلنه لفات ؏ لقل احط لكمه بحلكي حفطس من جوعَ راح يجيبلنه متأخر اجه جايب للكل لفات وقواطي ببسي كعدت ؏ صفحه اكل خلصت مسحت حلكي بلكينكس باوعت بلمرايه لحمدلله ممسوحه لحمره بقينه نصور ولغاني مشغلينهه ام صالون كلهن حبابات يصفكن ويانه ؏ لواهس شوي واجه زوج نمارق صوت لغاني ولهورنات علكوهه علك تلكاهه رفعه بركع عن عيونهه باس كصتهه طكيناهه بهلاهل سيلين تصور بيهم ضحكت هاي متفوت ثانيه اذا متصورهه لزم ايدهه طلعهه لسياره طلعنه اني واختي سياره العرسان جيب سوده حلوه صعدنه اني وسيلين ويا واحد من ولد عمي بـ جكساره صعدت ويانه بنت حسنه علكهه الاغاني اني كاعده يم جامه تلكتنه سياره ايهم وعروسته هم جيب ضحكت منسقين خرب عراضكم فاتحه جامه واصور صارت زفه زفتين الاغاني علكوهه علك بحيث اذني انسطرت صوت تفحيط جارجر سوده صار قريب يم سياره لبيهه اني دار وجهه عليه كلبي قبضني رقمني بنظره شخطهه بقوه حسن جايب سلاح صار يرمي زفه صارت زفتين ايهم راح ؏ بيت العاروس لحتى يودعوههه صارت حيل حلوه بس اني الوحيده لي لازمه كلبي من شفت متُيم جاي بسيارته ومن جهه ضلام جاي يبو عليه وصلنه للبيت نزلنه صوت طبل انتبهت ضباط واكفين شوي بعيدين عنه شالو الاسحله رمو بجو علكوهه علك طبينه جوه استلمونه الاهلاهل والاغاني ماحجيلكم هنا راسي تفشخ من لجكليت بيتنه انجعص جعص شكد نسوان ركصنه اني واخواتي المزوجات اجوي علكناهه علك حتى سالفه لبارحه نسيتهه صعدت فوك بغرفتي لبست فستان حصر وبي نص ردت تول بس مغطي لأثر همزين نزلت جوه لعبتنه اني وسيلين ركصه الختاميه شغلنه اغاني كرديه ولكل خليناهن يهزن صرت بنص اركص وامايل بجسمي حسيت كرصه اسفل ضهري حسيت روحي فارت درت وجهي كومه نسوان عيب اتهم ياهو جان همست سيلين
-: ولج كامن يكرصن شنو ياخذن مراد مني على كولت شيعه
-: هههههههه انتبهي انتي واكفه بنص لحيايه
ضحكت على سوالفهه بس بقيت مركزه عليهن طفو الاغاني صار وقت نزفهم للفندق اخويه ؏ تصال وياهم لحتى يطلعون سوه لبست نمارق لبركع اجه زوجهه طلعهه يم لباب تلكانهم بابا شفته يوصي بيهه وبس اشوف زوج نمارق مبتسم واشرله ؏ عيونه لمعنى بعيوني شيحجون مادري شغلو اغنيه
"شيلوها بعيونكم" اني وسيلين شبعنه بجي شلون يحاجيهه وهيه حضنته تبجي وبابا بجه مسحت دموعي لايروح لمكياج لحضه جانت مليانه فرح وبنفس لوقت حزن راح تفارقنه
نمارق-: حضنت بابا ابجي ممصدكه راح اعوفهم تمنيت ماعوفهم باس راسي حجه
احمد-: بنيتي كبرت وصارت عاروس اتمنالج سعاده ويا رجلج ابويه انتي
بجيت بقهر مسح دموعي ومن جهه زوجي يهدي بيه باس راسي باركتلي امي حضنتهه ابجي بوست خدودي لبستني لبركع زين لزم ايدي همس
هيثم-: دموعج جون كلبي شكد تبجين
طلعنه ماشوف زين لان لبركع كلش منزله على وجهي ادري يريد يموتني صعدت بسياره وصوت طبل زرف اذني جانت سياره ايهم كبالنه وهم ماشاءالله كومه سيارات صارن وخرت لبركع عن راسي اخذت راحتي لان جامه مضلله شخط سياره دنيه لمغرب صار جوه بده يضلم مشغلين اغاني على بأعلى صوت لحتى يخليني اتونس شافني منطكره لان عفت اهلي نزل جامت سياره ايهم غمزله ضحك سوو سباق كلت خلص راح نندعم من سرعه ضحكو من وصلنه للفندق بعد معاناه من كل شوي يوكف ينزلون يهوسون نزلني هيثم ايهم بغير فندق واحنه بغير فندق اخواتي لمزوجات راحن ويا ايهم وايڤن وسيلين اجوي ويايه وامي همات بقه واكف يضحك ويا جماعته صعدني فوك طبيت بلغرفه خالتي وامي واخت ابويه رادت توايج ايڤن عاطت بيهه امي طفرن بره صارن يعلمني شسوي وماسوي كلبي دعبل ببطني حصرتني دمعه بوسوني وباركلي نزلن جوه جريت ايڤن اجت ركض سيلين
حجيت بخوف ولغصه لازمتني
نمارق-: الله عليجن اخذني وياحن مم ماريييد ازوج بطلت
ايڤن-: هههههههههه ولج ميصير بعد سالفه وراج وراج
نمارق-: خرب حضي ولله لخلي هيثم ينام بلكاع واني ؏ جربايه وحدي اخاف ولقران
سيلين-: اكلني لفضول شعلمنج
نمارق-: كالن لتخافين هيه شغله فد ساعه هيج وتعودين وو
قاطعتهه-: اششش كافي عيب تكملين
سيلين-: انجبي ايڤن كملي كملي شكالن بعد
ايڤن-: ولج الصمي عيب ولله وحرام عود تلحكين هوه هم كم شهر وتعرفين شيحجن
سيلين-: بس لفضولل راح يموتني
ايڤن-: انجبي عاد
نمارق-: بنات ولله خايفه
ايڤن-: حبيبتي لتخافين هوه دام يحبج اكيد راح يتحملج وانتي هم سايسي وان شاءلله خير
سيلين-: انجبي ان اعلمهه شوفي حياتي هيه احلى شي ليله العرس
صميت حلكهه-: وسسم شكوو اندرعتي حتجلطين لبنيه
سيلين-: شوو دوخري فوك ماشجعهه شبيج هيه جكه ومتحسين بيهه
ايڤن-: هههههههههههه عزب عينج ولج انفضحنا اسكتي
نمارق-: ساعه اضحك ساعه ابرطم اجت امي رزلتهن اجت عليه بوستني وهدئتني طلعت هيه كعدت ؏ جربايه اطك سن بسن لخوف موتني مطول سمعته دخل وقفل لباب رجفت شفتي تقدم عليه وخر لبركع عن وجهي ابتسم رديته بابتسامه خوف جرني من ايدي باس اصبع اصبع باس راسي همس
هيثم-: ادري بيج خايفه خافي من كلشي ولامني
ابتسمت على تعامله وياي جرني لحضنه يبوس بيه بهدوء وغزله خلاني ادخل لعالم ثاني و و و و ....
(يلا امشن شو كيفتن🙂😂)
ايڤن-: من بعد ما وصلناهم للفنادق رجعت للبيت تعبانه حيللل نزلنه ابن عمتي نزلت سيلين رن جهازي جاوبت
-: الووو
-: ضلي واكفه بمكانچ
صفنت درت وجهي يمين يسار شارع اضلم صاحت سيلين
-: لج امشي شو صفنتي؟!!!
ايڤن-: اجيت اييي بقيت امشي بهدوء وراهه غير طبت جوه رجعت اركض دك عليه بسرعه جاوبته حجيت
-: بطل هلسـوالف واجهني
ضُلام-: امشي لنص شارع
ايڤن-: ايي مو اني بكيفك
سديت لخط بوجهه لحتى يعرف ويامن يحجي طبيت جوه صعدت لغرفتي غيرت ملابسي لبست دشداشه قصيره وعريضه ارتاح بيهه قفلت لباب وخليت وراه الكريوته مالتي ركضت للباب مال بلكونه مالتي دفعت الميز خليته وراه لباب لحتى ميكدر يدخل لغرفتي طلعت الجباسه من كنتوري خليت ؏ جربايتي شغلت ايبادي اتابع مسلسلات تركيه بقيت اكل واتابع متونسه حيلل
سيلين-: جاي اصور رن جهازي جاوبته بتنعوص
-: ها حياتوووو
حسن-: ههه بره اني لبسي صايه وركض تعاي
سيلين-: مو تدلل حياتوووو
حسن-: وجعو بسع يلا
ضحكت بدلع سديت لتصال لبست صايتي وخليت شال اعرفه اذا ملبسته يفرغ شاجور براسي ههه رشيت عُطر نزلت ؏ كيف طلعت بره شفته صاف سياره بركن شغل ضوه بأشاره ضحكت تمشيت بسرعه صعدت درت وجهي عليه باس خدي حجه
حسن-: صركعانتي شيبتي شيب ولحسين
سيلين-: اوووي خف علينه سوسي
حسن-: سوسي شني ولچ!!!
سيلين-: دلوعه عوومري
حسن-: ويكلولي شبيك تصفن صاير مايدرون اصفن على هاي لخبله يوميه مطلعتلي لقب سوسي حموستي دنعل ابوج
سيلين-: ههههههههههههه
باوعت عليه ضحك على ضحك فر ايده مشه سياره شغل اغنيه جانت اغنيه محمود التركي فتح جامات وعلى الاغنيه بأعلى صوت وكام يغني ويأشر عليه ضحكت خجلانه
يدوخه راسي انته واحلى دوخه راس
يلمبهذل احوالي واني ميت بيك
مو رومانسي مابيك ذرهَ احساس
وابو الاحساس اني دوم اسميك ...
أشر عليه وغنه بصوته ومندمج
شالع گـلبي انته واني اكولن زينَ
عليه تدلل عليه بكيفك مخليك ...
حسن-: ااااخ شالعه ڪلبي لفايـنه
سيلين-: ههههههههههههههههههههههه
ضحكت من كل كلبي شلون يضحك ويغني مندمچ بعدين شغل اغاني صار يطك اصبع واني ويا ؏ لواهس اهز جتف طفه الاغاني كفخني على راسي حجه
حسن-: دبسزز مامدبه شكو تهزين جنج بريعصي
سيلين-: لاااء هههه مو بريعصي سمي بيصي
حسن-: بيصي شني!!!!!
سيلين-: طلعتله دلوعه خطيه
ضحكت حجيت-: اني احنه لبريصعي ماسلم منج رحمه جدج سابع عشر
سيلين-: ليش عندي جد سابع عشر؟
حسن-: لاجيتي استغفرالله بحلكي حجايه
سيلين-: احجيهه يول
حسن-: انجبي شتردين اجيبلج؟؟
سيلين-: اممم باوع سوسي اريد جباسه ووببسي وهذا العصير ابو دعابل
حسن-: دعابل شنووو رحمه للكائنااات
سيلين-: هااي شبيك اوي غير هذا بي رمان ودعابل
حسن-: ولج باباااا استغفرالله عيب تكـولين هلكلمه
سيلين-: ليش شبيهه لكلمه تره حلوه دعابل
حسن-: همممم عادتهه ياربي يمحمددد
سيلين-: حسسسن كافي هنه دعابل دعابل اوووووكي
جر ايدي عض زندي بقوه عطت ڪفشته من شعره وخر يضحك يباوعلي برطمت شفايفي موجوعه من ايدي حجيت
سيلين-: اجلببببب عابتلللك
حسن-: انجبي انجبي انجبي
نزل بقيت خازرته كبر عفيه عضه بس اذا مرديتهه الك اصبرلي شوي ورجع جايب علاليك خلاهن بسياره مشه سيارهَ بقيت دايره وجهي مقهوره منه خفف سرعه سياره حجه بهدوء خله ايده ؏ متني حجه
حسن-: سيلنتي يروحي شبيچ!!!
سيلين-: حسن وخر ايدك عني فوك ماعضيتني وبكل عين تكولي شبيج سوي روحك ماتدري
حسن-: بربج طنكرتي عليهه لعد مني هاي عضتني من ضهري اني ونايم هاا؟؟
درت وجهي عليه رافع تك حاجب لميت شفتي بحلكي ضحكـتي ماتحملت ضحكت ضميت وجهي باس اديه شغل سياره ورث جكاره بقيت ساكته اباوعله حجه وهوه عينه ؏ طريق
حسن-: سكوتج خوفني
سيلين-: ههه لا تعبت من كدما اغني واهز وياك
حسن-: خوش هههههه
بقيت مضيكه عيوني عليه بخبث تحولت انظاري ؏ زنده لمعضل عضيت شفتي بخبث حجيت بخوف
سيلين-: عزاا خفف سرعه حسسن
-: شكوو شبيچ
وكف سياره اشرت ؏ لصفحه ثانيه دار وجهه هجمت عليه عضيته بقوه بزندة عاط عيطه كام يدفعني بقيت لاطشه منبته سنوني بعضله زنده جرني من كفشت شعري دفعني بقوه خازرني واني انتهيت من ضحك لزم زنده يباوع عليهه حجه بعصبيه
حسن-: طاااح حضجج خبلةة وحق الحسييين خبلةةة
سيلين-: ههههههههههههههههههههههههههه
حسن-: وطحيللل ان شاءلله
بقيت اكحكح اضحك عدلت شالي بقه عاكد حواجبي مخنزر نقهرت عليه ايده سنوني منبتات حرت شلون اراضي تقربت عليه دابوس خده عاط دفعني
حسن-: ولللچ مناااا العاللللم
رجعت بمكاني العب بأصابعي كلما اذكر الموقف من عاط انخنك من ضحك وصلنه للبيت من هدوئنه ههه رحنه نهز ورجعنه مطنكرين طفه سياره بقيت ساكته دافتح باب سياره فززني من جر وجهي باسني بقوه كطع انفاسي لمده دقيقتين حسيت حموت دفعته اجر نفس عض خدي عطت متوجعه لزمت خدي متوجعه وخر عني مسح شاربه مبتسم حجه
حسن-: وهاي تصافينه اخذتي حقج واني اخذت حقي خوش
سيلين-: ههه خوش
شلت لعلاليك نزلت فتحت باب بيتنه سويتله بحركه باي ابتسم طبيت جوه يلا سمعت شخط سياره مشه بقيت اتمشى مبتسمه واضحك على سوالفه طبيت ؏ كيفي جوه ركضت بغرفتي قفلت لباب غير كعدت اكل دك كبلت عيوني حجيت
سيلين-: يعني بس اخذ راحتي خمس دقايق
حسن-: انجبي وفتحي كام اشوف الوجه لشتاكيتله
سيلين-: ابو جذب مصار عشر دقايق من عفته سمعته ضحك فتحت كام بقيت اسولف ويا ورث جكاره يباوعلي وعيونه تعبانه مبين نعسانه كل شوي صارحنب بلاسكي يحجي ويا جماعته خليت فلتر ابو حلك صفن ضحك غمني ضحكت على ضحكته غميته همات بقينه نتعارك لو نتكافش لو نضحك وهيج كضياناهه
ايڤن-: شلت الجباسه فارغات ضحكت شكد اكلت يبووة حصير دبه دنكت ارتب لفرشه لحتى انام حسيت شلون احد زفر هوه بارد بأذني درت وجهي ماكو احد بقيت صافنه كلبي يدك حيلللللل ركضت طفيت ضوه شمرت روحي بلفراش حتى راسب غطيته صوت بزونه خرعني يم شباكي دخيلك ربي بقيت ضامه وجهي بأديه جسمي يتنفض من لخوف غفيت فزيت ؏ حلم كابوس يخوف حيللل هلمره حلم ثاني احلم نفس الشي بزونه سوده تبقى تباوعلي وبنيه ضخمه شعرهه حيلل طويل جانت الحيايه تلتف عليه واني ماكدر اصرخ ولا اكدر اركض شهكت كمت امسي وجهي من العرك حصرتني لبجيه لغرفه ضلمه هندس شغلت ضوه طبيت للحمام غسلت وجهي شبيه كعدت فازه الفجريه لازمه كلبي غمضت عيوني اجر نفس بصعوبه حسيت اصابع هادئة تتمشى ؏ خصري جسمي كزبر انفاس بركبتي ابتسمت لا آرادياً
همست ضُلام
فتحت عيوني كبال المرايه ماكو احد وراي التفت شاهكه عيوني زرزر من مكان المكان ضربت راسي بلحايط ابجي
-: عووفووووني تعبت الله يخليكم تعبت.
وكعت بلكاع لميت رجليه لصدري ابجي سندت راسي للحايط
-:: اكرهك ضُلام اكرهك من دخلت لحياتي صرت اشوف بزونه وجنيه وكلشي اكرهك ضميت وجهي ابجي خايفه اريد اتخلص منهن وصوت ضحك بذاني...
يتبع🫣🖤🖤.
قـلبَي لاتنسون التصويت+تعليق على كل فقره لطفاً💚.
حسابي الانستا هناك تلكوني ويا ابطالي سوالف وضحك لي يريد يجي يعرف اخبارنه خل يتابعني
😂♥.
حساب الانستا قـلبَي
its.zlzala0
#الكاتبه زازا
#ابوضبع 904
دمتم سالمين روح روحي😔💙💙.