♡ROWAN DAWOUD♡
وصيه رسول الله ﷺ
الفصل السابع
----------------
اقتباس
"الحب هو ضباب بخاري يتكون من التنهدات اذا تذويت، فإن النار اللتي تتألق في عيون العشاق أنفسهم، ماذا أيضا؟؟ جنون سري، المرارة اللتي تختنق والحلاوة اللتي تلتئم".
~ويليام شكسبير~
---------------
يجلس أمام والد مخطوبته ينظر له بإحترام يبتسم ابتسامة صغيرة يستمع اليه بانصات.
-شرف ليا معرفتك يا ابني.
-الشرف ليا يا عمي.
-هو انت تعرف بنتي أو شوفتها قبل كدة.
عقب آسر على حديثه بابتسامة:
-حضرتك أنا ما شوفتش بنت حضرنك قبل كدة ولا أعرف شكلها هي والدتي عرضت عليا الموضوع وأنا قولت نتقابل نشوف فيه قبول ولا لأ.
استغرب عادل أمر انه لا يعرف شكلها أو لم يرها في الرؤية الشرعية لم يترك السؤال في باله كثيرا بل ترجمه على لسانه سريعا قائلا:
-هو انت يا ابني ما شوفتهاش في الرؤية الشرعية.
نفى آسر برأسه مما أثار تعجب والد شهد فقال آسر:
-مش مهم عندي شكلها يا عمي أنا أهم حاجه عندي عفتها ودينها والتزامها والحاجات دي موجودة في بنت حضرتك ودي اهم حاجه.
ابتسم عادل باتساع لحصول ابنته على شاب صالح مثله وقال:
-ربنا يحفظك يا ابني.
-أنا عاوز منك طلب يا عمي.
نظر له عادل باستفهام فقال آسر بحرج:
-بعد إذنك يعني ممكن يبقى كتب كتاب على طول.
-ليه يا ابني؟
-عشان يبقى في حرية في الكلام ما بينا وكدة.
-تمام هبقى اتفق مع والدك عالمعاد.
ابتسم آسر ابتسامه صغيرة ثم نهض يقول:
-عن اذنك بقا يا عمي.
-ما تقعد شويه.
-لا مش هينفع عشان عندي شغل.
-طيب يا ابني في رعاية الله.
خرج آسر من بيت مخطوبته ثم سار اتجاه الجامع ليؤدي فريضة العصر.
وبعد العصر جلس مع الأطفال يسمع لهم ما أخذوه وبعد ذلك ابتسم قائلا:
-هايل برافو عليكوا يلا النهاردة هناخد سورة النصر.
بِسْمِ الله الرّحْمٰنِ الرّحِيم
(إِذَا جَاءَ نَصْرُ اللَّهِ وَالْفَتْحُ(١)وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا(٢)فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا(٣)صدق الله العظيم.
-إِذَا جَاءَ نَصْرُ اللهِ وَالفَتْحِ (١)، يقصد به فتح مكة.
-وَ رَأَيْتَ النّاسَ يَدْخُلُونَ فِي دِينِ الله أَفْوَاجًا(٢)، معناها رأيت الناس تدخل في الاسلام جماعات كبيره بعد فتح مكه.
-فَسَبِّح بِحَمْدِ رَبِّكَ واسْتَغْفِرْه انّه كَانَ تَوّابًا (٣)، معناها سبح الله شكرا على نعمه واستغفره فانه يغفر الذنوب ويتوب على العباد.
-كدة تمام المرة الجاية هسمع لكم سورة النصر وسورة الاخلاص وهناخد سورة الكافرون.
ختم كلامه بابتسامة مشجعة فنهض الاطفال واحدا تلو الآخر يودعونه وما ان ذهب الأطفال حتى نهض يغادر المكان فاليوم لن يقابل أحمد.
يعد سير عشر دقائق وصل الى المنزل ليجد أم أحدا فك وثاق ابن عمه فعلم أن والده من فعل ذلك فهو يعلم أن عمه من المستحيل أن يفعل ذلك سار اتجاه الى المطبخ فوجد والدته وخالته في الداخل ابتسم آسر باتساع يقول:
-بطوط حبيب قلبي عامله ايه.
-الحمد لله اخبارك يا حبيبي.
-زي الفل أحسن من ساعة ما شوفتك.
-يا بكاش.
-الله وأنا هطبل ليه يعني ده انتي منورة المكان ومحلياه كدة.
ومن بين مشاكساته تبك سمع صوت والدته تقول:
-كنت جاي ليه يا آسر مش عادتك يعني تدخل المطبخ.
-عاوز اي حاجة اكلها عالسريع عشان الحق التدريب.
-عينيا يا حبيبي.
ابتسمت خالته فاطمة وهي تردد:
-انت رايح التدريب يا آسر.
هز آسر رأسه بالايجاب مستغربا ابتسامة خالته واسعة ولكنه فهم عندما سمعها تقول:
-طب عشان خاطري خد سامر معاك خليه يتعلم حاجه مفيده.
-نعممم سامر ييجي معايا.
اومأت فاطمه سريعا بابتسامه واسعه فتمتم آسر:
-باينله مرار طافح.
ثم ابتسم في وجه خالته يقول:
-حاضر يا بطوط هاخد سامر معايا أكلوني بقا.
-حاضر يا عين خالتك هجيبلك الأكل عاملالك ملوخية أرانب زي العسل وعارفاك بتحبها.
-طبعا مش بطوط اللى عاملاها تبقى زي العسل أخلع أنا بقا سلام عليكم.
-وعليكم السلام.
خرج آسر من المطبخ يتجه لسامر يقول:
-يلا يا سامر عشان هتيجي معايا التدريب.
-انت بتهزر صح احلف كدة.
-يا ابني مش بهزر والله هاكل ونروح.
وبعد نصف ساعة كان آسر يتجه الى ساحة التدريب مع سامر بعد أن بدل ثيابه.
-لمح آسر مازن فسحب سامر واتجه اليه وهتف قائلا:
-السلام عليكم.
-وعليكم السلام متأخر ليه يا آسر.
-معلش بقا كنت باكل بقولك يا مازن.
انتبه له مازن فدفع آسر سامر ناحية مازن قائلا:
-الواد سامر عايز يتعلم الفروسيه ظبطه انت بقا مش هوصيك عليه.
ابتسم مازن وقد فهم مقصد صديقه ثم قال:
-تمام يا باشا هظبطهولك روح انت بقا عيش حياتك.
نظر لهم سامر وهو يقول بنبرة حازم في فيلم الباشا تلميذ:
-مش متفائل.
تحرك آسر ناحية فرسه يمتطيه بكل رشاقه ثم استقام بظهره يتحرك ببطئ يزيد سرعته شيئا فشيئا يبتسم بخبث فهو يعلم أن مازن ليس بالمدرب السهل أبدا.
وبعد انتهاء التدريب كان آسر يسير بجواره سامر يسير بتعب وهو يقول:
-الله يخربيتك يا آسر يا ابن خالتي رانيا منك لله يا شيخ...والله من ساعة ما شوفتك انت وصاحبك وحسيت في حاجة مش مظبوطة.....اه ياني ياما.
دخلوا الى المنزل ليجدوا البيت يمر بحملة تنظيف فتسائل آسر بتعجب وهو يرى كل ذلك النشاط قائلا:
-هو فيه ايه يا جماعه.
صاحت والدته بسعادة بالغه قائله:
-البت مقصوفة الرقبة شروق جايلها عريس النهاردة.
-اهاا انا بقول كدة برضو.
♡ROWAN DAWOUD♡
نأسف للتأخير بس كان عندي امتحانات ميدتيرم