#منتقم _وغريبه
بقلمي_فاطمه🤎
تصويت...
تعليق بين الفقرات🦋
__________________
كون الروح تنعض موش اصابيعي
______________________
هاجر:فتحت عيني بصدمه على كلامه وامي دفعت صائب تريده يدخل للصاله وهو واكف گباله رافع حاجبه يستهزء واجوان خازرته اخذت ايده وطلعنه للحديقه كعدت على المرجوحه وهيه تفتر تريد ترجع تتعارك تروح منا وتجي منا
اجوان:هذااا اخووج اشايف رووحهه هااا عباله من يصييحح اخاف
هاجر:ضلت تفتر تحاجي روحه بحرگه كعدته يمي وهيه تصيح
اجوان:هدددينني خل ارججع اردده هالكلب عباله اسكتله وذيج الحقيره اني انيي تگلي مامربايه عووففينني
هاجر:دكعدي هدي روحج شبيج راح تموتين بحركتج
اجوان:هديني اذا ماكتل واحد مارتاح هديني
هاجر:دكعدي يمعوده هسه يكتلوج عباله جون سينا
اجوان:اجه يدافعله عباله اسكتله ههه والله بطران عباله اخاف منه ميدري اكبر شارب ميهزني خيطير هو وياه
هاجر:ضلت ادردم بحرگه كلساع تريد تكوم وامنعه اخر شي سكتت وضلت تصفن
اجوان:اريد مي احترك كلبي خل اجيب مي
هاجر:يلا امشي اني وياج
اجوان:شكو وياي شنو راح اضيع
هاجر:حتى أأمن ماتتعاركين
دخلنه للمطبخ راحت البراد تترس مي
التفتت شفت صائب داخل اجوان منطيته ضهره
يبووو شيخلصه هيه دور مشاكل وهو عصبي اليوم تعلك من سمعت خطواته التفتت عيد والله جابه اله صفكت بيده مثل الي تستهزء
اجوان:عود شنو أنته تخوفني بصياحك
صائب:شنو متخافين انتي؟
اجوان:اانني اخاف من واحد مثللك أنته تخسسي
هاجر:بس حجت هيج ضليت ادك على خدودي
صائب:هاااي عليممن ؟
اجوان:عليك طبعاااا ولاتعلي صوتك عليه فهمممت
هاجر: كله دخلت للمطبخ على إثر الصياح امي جت تحاول تسكتهم وذوله صوتهم بي ومايعلى ...
صائب:يمه عوفيه شترجه من وحده عمه مجرم
هاجر:منحس غير اجوان ضربته راشدي كله شهكت
امي حطت ايده على حلكه من الصدمه
اجوان:ديربالللك تعيد هااي الكلمه فهممت
هاجر:صائب ضل داير وجهه بأتجاه الراشدي التفتت عليه وابتسم بطرف شفته وحجه ببرود قاتل
صائب:المشكله ماضرب نسوان
اجوان:ليش أنته معتبر نفسك رجال
هاجر:لهنا ماكدر صائب يسكت يريد يوصل اله وامي وعذراء بينهم واني اسحب بيه اريده طب جوه وهيه واكفه بمكانه تتحداه لحد ماادخل صادق وفضل بس شافو الوضع كبل سحبو صائب واني سحبت اجوان صعدته فوك للغرفه وذني يتفرجن يكلك عدنه مسلسل وسهام بس تباوع وتبسبس ولا يكلك عمته رحت وراهن صعدت فوك لكيت امي واكفه فوك راسه وهيه كاعده على الجربايه تهز برجله
ضمائر:ليش يمه هيج تحجين مو عيب
اجوان:خاله لعد يتجاوز على ابوي
ضمائر:وان يكن مايصير هيج تحجين مو بكدج هو ماعرف شلون كدرت اخلصج منه لو لازمج جان مالحكت عليج
اجوان:حتى اشك حلكه يوصلني شنو تايهتله اني
هاجر:كامت سحبت الجنطه مالته وكامت تعبي بملابسه
ضمائر:هاي شسوين وين رايحه
اجوان:عسما اضل بالشارع ماريد ابقه هنا كرامتي انداست ترددديني ابقى لا خاله غلطانه كلشي ولا الكرامه
ضمائر:يمه استهدي برحمانج وكعدي وين تولين بهل الضهريه
اجوان:مادري خاله بس مابقى هنا
ضمائر:يمه انتي الغلطانه ونوب تردين تطلعين منا
اجوان:اانني غلطانه لا خااله اتوقعته من الكل بس منج لا كل الكلام الكاله ابنج واطلع اني الغلطانه
ضمائر:هو هم غلط بس انتي ماقصرتي ثنينكم غلطانين يلا يمه رجعي جنطتج وكعدي
اجوان:لا خاله عذريني مابقى
ضمائر:لخاطري خاله كعدي ماعندي خاطر عندج
اجوان:مابيه خاطر خاله بيه كرامه ماكعد ببيت انمسحت كرامتي بي
ضمائر:خلص يمه براحتج ماضغط عليج
هاجر:كعدت امي على الجربايه دارت وجهه باوعت للاجوان بعدهي تلم ملابسه كملت رفعت راسه شافت امي كاعده
اجوان:بس شفته عضيت شفتي بندم صدك اني دست بالحجي تقربت كعدت يمه لزمت ايده
_خاله اني اسفه بس هو داس بمصاريني ماكدرت اسكت
ضلت دايره وجهه عني
_خاله اعتذر منج كلش كلش بعد شسوي
_تكعدين وتسكتين مطلعين منا
ردت احجي قاطعتني
_ماريد منج عذر تبقين هنا كتلج لخاطري
_هاهيه خاله لخاطرج هلمره بس من اشوفه يغلط وياي ماسكت كتلج ترى اني
_ماعليج اني ارده انتي بس اسكتي لاتحجين شي وتلوصين الدنيا
_اننني الوص لييش موو وهو ي..
_ايي هو ايي مو انتي هو الغلطان
هسه اريدج تكعدين ادرسين انتي وخواتج مطلعين الا اكلج
_هزيت راسي بأي طلعت خالتي أجن يمي هاجر وعذراء كعدن يمي
عذراء:عزاا بعينج ولج انتي شلون تحجين هيج كلت هسه يسويه ثريد على هل الحجي
هاجر:وخصوصا صائب اذا وكعتي وياه مطلعين
اجوان:ميخوف جلبي
عذراء:هلو هلو كون يسمعج
أجوان:خل يسمع شنو خايفه
هاجر:يلا بنات كافي خل نقره انسن خل نركز امتحانات نص السنه باجر
وصدك كعدنه كلمن فتحت كتبه وفرشتهن كمنه كل وحده تقره بوجهه واي سؤال متعرفه وحده من عدنه تسأل البقيه ضلينه هيج لحد مااجت امي صاحتلنه على الغده نزلنه لكيناهن كاعدات بالصاله وصاىب ماهو دخلنه يم امي وبدينه نوزع الاكل بالسفره
...
اجت ميسم عيونه تفتر مثل الي تستهزء اجت يمنه سوت روحه تشرب مي باوعتلنه بطرف عينه وراحت لابسه دشاشه ضيكه مو دشاشه شبه دشاشه مبينه كل مفاصل جسمه
اجوان:هاي لو تصلخ احسلله
عذراء:تخاف تستبرد
اجوان:عليمن لابسه احمر
عذراء:عود تغري
اجوان:تغري منو اخوج الثور
هاجر:ولج اجوان كاافي
عذراء:هههههههه خرب يومج شمدريج هيه ساحله روحه عليه وهو مامعبره
اجوان:شعجب تلوكله هيج نماذج
عذراء:لا هو ميحبه
اجوان:لعد شكو يدافعله الصبح انكلب علينه باتمان
عذراء:لا بس هو ميحب العرك وخاصا مال النسوان
اجوان:دخل يطير هو وياه
هاجر:كعدنه كلنه على السفره لان صائب ميجي
حجت سهام
سهام:لعد صائب وين راح
ضمائر:اجاه شغل
سهام:اجاه شغل لو شرد
ضمائر:منين يشرد
سهام:يعني خاف يسويله شي هنا ميكدر يسيطر على روحه هو
ضمائر:لاتخافين عليه خافي على روحج
سهام:شكلنه هسه شبيج ضجتي
ضمائر:الاكل برد اكلو
هاجر:بدينه ناكل سهام وميسم كلساع وحده تشاور الثانيه ورضاب ولمياء كاعدات سوه بعدنه ناكل ودخل رضا يركض صعد فوك ومرته بس شافته عافت الاكل وابنه وطفرت وراه
كملنه الاكل شلنه السفره ماخلتنه امي نغسل اماعين
كالت روحن اقرن صعدنه نقره لحد الليل شفت عذراء لزمت موبايله
هاجر:شنو خلصتي ؟
عذراء:لا بس أخذ استراحه دماغي هواي جمع معلومات اذا احط بعد خايف يطشرن البقيه
اجوان:ليش هنه علحيله مخليتهن
عذراء: ايي
هاجر:اشوفه فتحت الموبايل ابتسمت وكامت تكتب
_تراسلين منو؟
_صديقتي تسألني على الماده
_وشنو اليضحك وابتسمتي
_مو دازه هذا اليموجي الزعلان
اجوان:السالفه بيه مو
عذراء:اهوو شبيجن هذا الموبايل شمرته يلا
هاجر:احنه لمصلحتج نحجي اقري بدال الحجي والغيبه
عذراء:افتهمت يلا اقرن
اجوان:رجعنه نقره انثولت من الماده كملته بس استحي اكلهم خاف يضوجن
ضليت اراجع سديت الكتاب كتلهن انزل اشرب مي واتوضه اصلي
عذراء:جيبيلنه وياج
اجوان:نزلت جوه البيت صنته بس مرت رضا بالمطبخ تسوي عشه ويمه ابنه شربت مي وتوضيت اخذت دولكه مي كلت اروح اشوف خالتي قبل لااصعد رحت لغرفته فتحت الباب لكيته كاعده على السجاده ودموعه على خده
اجوان:تقبل الله
ضمائر:منا ومنكم
اجوان:بعدني هسه راح اصلي ههه
ضمائر:تعاي يمه صلي هنا
اجوان:اخذت حجاب وفرشت السجاده وبديت اصلي كملت وكتبه اروح للبنات اوديلهن مي صعدت استوقفني صوت جاي من غرفه عمتي بس صوت بجي ادنيت اركز بالصوت عرفته ميسم تبجي عبرتهن ورحت لغرفه البنات اول ماطبيت اتلكتني عذراء تريد تطلع
عذراء:شنو متي
اجوان:وجع جنت اصلي شبيج
اخذت المي مني رجعت للكتاب ضلينه اني وهاجر وحده تراجع للثانيه كملت وسىألتهن
_صدك بنات عمتي شلون تصير ام ميسم هيه متجيب جهال شلون اجته هاي
عذراء:مو بته هاي
اجوان:لعد بت منو
هاجر:هاي اتصير اخت رضاب بس عايشه هنا
اجوان:ليش وين أهله
هاجر:من ماتو أهله جابته هنا رضاب لان محد ضل الهم ماعدهم كرايب يكلك مكطوعين من شجره
اجوان:لعد شعجب هيج علاقته بعمتي
عذراء:هيه اول مااجت يمكن عمره ١٥سنه اتعلقت بعمتج وهيه ماعده جهال كامت تصيح له ماما وذيج صدكت روحه
اجوان:معقوله شو عدهم شربه مي الجهال شنو كامت تتوزع بالثواب
عذراء:هههههههه صدك ضحكتيني
هاجر:شعلينه بيه اهم شي نبتعد عنه لأن مو راحه
كملنه ونزلنه كلنه صاعدنه مرت رضا بالعشا كملنه و كعدنه ناكل امي ماقبلت تاكل شكد لحينه ماقبلت
صعدنه فوك نمنه لان عدنه كعده الصبح
اجوان:كعدت الصبح احس راسي يريد ينفجر من الالم غسلت والبنات يبدلن كملنه ونزلنه تريكنه كالت خالتي صادق يوصلجن دك هورن سيارته صعدنه وهاجر كعدت ليكدام وصلنه المدرسة دخلنا للامتحان
كملنه وهم اجانه صادق رجعنه للبيت اول مادخلنه تلكتنه خالتي تسأل
صعدت فوك لان احس بيه انشطر بالنص
تمددت ماحسيت على نفسي لمن غفيت
هاجر:كاعدين بالمطبخ تسألنه امي على الامتحان ووجهه قلق وتعبان منحس غير صائب دخل وجه تعبان وعيونه حمر يكلك مانايم بس شافته امي راحتله تركض
ضمائر:ليش تأخرت وين جنت
هاجر:ماجاوبه عافه وصعد فوك باوعتلي بقهر منحس غير على صوت التكسير جاي من فوك
يتبع🦋