رجع يوسف بعد يوم عمل طويل لقا همس نايمه على
الكنبه
قرب منها وشالها دخلها اوضتها ونيمها على سريرها
فتحت همس عيونها : انت اكلت يا يوسف
= اه يا حبيبتى اكلت كل يوم كده تنامى على الكنبه كده
ينفع
ضحكت وبصتله بحب وحنان علشان اعرف انك جيت
علشان عارفه لو نمت فى اوضتى مش هتصحينى
يوسف : ماشى يا حبيبتى يلا نامى تصبحي على خير
مسكته من ايده رايح فين
ضحك يوسف انا بردو قولت الحنان ده كله وراه حاجه
عاوزه ايه يابت
همس : هكون عاوزه ايه يعنى عيد ميلاد واحده صحبتى
وعاوزه احضره
يوسف : لا يا همس أعياد ميلاد وترجعى متأخر لاء
= مش متأخر والله ده هيبقى في. كافيه بعد الجامعه
هنكون بالنهار
يوسف : تمام بس ما تتاخريش بردو
طلع من جيبه فلوس وسابها جنبها على السرير خلى دول
معاكى
صاحت بصوت عالى وقامت باسته وحضنته والله انت
احسن اخ فى الدنيا
يوسف خلاص بقا يابت بلاش تلزيق ويلا نامى
خرج يوسف وراح اوضته غير هدومه واخد شاور
ونام على السرير وافتكر ريتال بطوله لسانها
سرح شويه فيها وقعد يضحك كل اما يفتكر كلامها
___________________________________
نزلت عشق بعد ما عرفت ان ريتال موجوده تحت
=خيانه قاعدين تاكلوا فشار من غيرى
ريتال : حمد لله على السلامه مش شهر النوم اللى كنتى
نايماه ياختى
ضحكت عشق : مكنش نوم اوى كنت بريح شويه 😉
سالى : انتى كويسه يا حبيبتى
= جدا جدا يا طنط
دخل زين وقعد جمب عشق اذيك يا رخمه
= احسن منك يا اخويا
فضل يشد شعرها ويدايق فيها
عشق بغضب طفولى : خليه يبعد عنى يا طنط
مسك المخده وفضل يضربها بيها ويهزر معاها بصوت
عالى
نزل آدم على صوت ضحكهم وهزارهم
ادايق لما لقاها قريبه من زين
عشششق
بصتله وجريت عليه واترمت فى حضنه الحقنى يا ابيه
زين بيرخم عليا
غمض عيونه وبعد عنها وهمس قاعده تلعبى وتهزرى
وسايبه مذاكرتك
= اديت لنفسى اجازه النهرده هذاكر من بكره
بصلها آدم بحب : ماشى يا عشق
قريت منهم ريتال
= آدم ممكن شويه عوزاك فى موضوع
بصتلها عشق بضيق
آدم: فى حاجه يا ريتال
= عوزاك فى موضوع بس لوحدنا
عشق : لوحدكوا ليه انا هاجى معاكو
آدم: عشق لو سمحتى شويه وهاجى
اخدها آدم المكتب
بصتله ريتال باعجاب وسرحت فيه كان لابس قميص
اسود وفاتح اول زرارين منه وبنطلون جينز
آدم: ايه هو الموضوع ؟؟
ريتال بحزن : الظابط اللى كان فى القسم جالى أدام
الكليه ورخم عليا ومسك ايدى وكان عاوز يركبني معاه
العربيه وقالى انتى وآدم صحاب
آدم بعصبيه : ازاى يوسف يعمل كده دى مش اخلاقه يا
ريتال انا عارفه كويس
نزلت دموعها : وهى دى اخلاقى يا ادم هكدب ليه انا
قرب منها آدم ومسح لها دموعها خلاص متعيطيش انا
هشوف الموضوع ده وبعتذرلك بالنيابه عنه
فتحت عشق الباب وادايقت من قرب آدم ل ريتال
ايه اللى بيحصل ده
آدم: مش قولتلك خليكى بره يا عشق
قربت عشق وشدت ريتال ليها انتى بتعيطى ليه
= مفيش حاجه ياعشق
آدم: مشكله صغيره وانا هحلها وسابهم وخرج
عشق ل ريتال : مشكله ايه دى يا توتا وليه آدم كان
قريب اوى منك كده
ريتال بضيق فى ايه يا عشق هو انا اللى قولتله يقرب هو
حب يعمل كده شكله معجب بيا
= والله !! بصى يا توتا بلاش آدم خرجيه من خططك لو
سمحتى
_ ليه يا عشق اللى. اعرفه انه بعتبرك اخته الصغيره
مش اكتر
عشق بنرفزه : هو كده وخلاص عندك زين اهو اشبعى
بيه
ريتال بتفكير : اوعى يا عشق تكونى بتحبيه ؟؟؟!!
عشق بتوتر: بطلى هبل انا بس مش عوزاه يبعد عنى لو
ارتبط. او اتجوز هيبعد وانا ماليش غيره يا توتا
حضنتها ريتال: متقلقيش يا حبيبتى عمرى ما هبعده
عنك ابدا حتى لو اتجوزنا هتيجى علطول تزورينا
عشق بضيق: طيب يا توتا هتباتى معايا
ريتال : لا مالك هيعدى ياخدني
عشق بضيق : طيب
___________________________________
بعد شويه جهه مالك علشان ياخد ريتال يرجعها البيت
دخل الفيلا رحبت بيه سالى
سالى : اتفضل يا مالك ادخل
دخل مالك اول ماشافته عشق دورت وشها
= زعلانه ليه يا عشق
_ وهزعل ليه !!
طيب تعالى عاوزك فى حاجه
اخدته وخرجوا فى الجنينه
ربعت ايديها : نعم !
مالك: عاوز افسرلك اللى شوفتيه البنت اللى شوفتيها
معايا دى تبقى مين
عشق : انت حر يا مالك ماليش أسألك على حاجه
مسك ايديها بس انا عاوز اقولك انتى تهميني
=اهمك فى ايه بقا؟!
قرب منها اكتر يعنى مش عارفه
بعدت هى عنه لا مش عارفه
مالك بثقه : سمعت انك بتحبينى
ضحكت بصوت عالى : ايه المشكله يعنى ما انا فعلا
بحبك وبحب ريتال وخالتو
مالك : ماهو ده اللي. كنت عاوزك فيه لما سمعت
الموضوع ده كنت هقولك انك بالنسبالى زى ريتال
عشق : وانت يا مالك زى اخويا الكبير
حضنها مالك بحب وفضل يلعب فى شعرها
= ابقى قصى شعرك ده شويه علشان اعرف العب فيه😅
_ لا كله الا شعرى
دخل آدم وشافه وهو حضنها قرب منهم وهو متعصب
=عشق
بعدت عن مالك وبصت ناحيته ابيه انت رجعت ليه
آدم ببرود : اذيك يامالك واقف هنا ليه تعالا ادخل
= هاخد ريتال علشان نروح قوليها ياعشق انا مستنيها
راحت عشق تقول ل ريتال
آدم بغضب: مش عاوز اشوفك مقرب من عشق بالطريقه
دى يامالك
بصله باستغراب: نعم ! اظن انها بنت خالتى واقرب منها
زى ما انا عاوز
حاول يكون هادى وغمض عيونه مش هتتكرر تانى
واشوفك حضنها بالشكل ده وياريت تنسى حكايه
التمثيل دى لانى استحاله أوافق عليها
= انا اصلا مش عاوزها تمثل كنت باخدها على اد عقلها
وبس
آدم باعتراض : عشق مش هبله علشان تاخدها على اد
عقلها هى عارفه كويس هى بتعمل ايه بلاش تعشمها
بحاجه مش هتحصل
خرجت ريتال ومعاها عشق حسوا بالتوتر اللى كان
موجود
عشق: فى ايه
ادم : مفيش يا عشق
سلمت ريتال على آدم ومشت مع اخوها
بص آدم ل عشق وسابها وطلع
جريت وراه استنى يا ابيه
_______بقلمى ميرا__________________
ميرفت وهى فى أحضان حسن
_حبيبى عاوزه اقولك على حاجه
= ايه هى
_انا حامل
ضحك حسن بصوت عالى بلاش هزار رخم حامل ازاى
يعنى
ميرفت بدموع : حامل زى اى واحده متجوزه ما بتبقى
حامل
مسكها من شعرها واحنا متفقين على كده
ذادت دموعها حصل غصب عنى
قام من جمبها ولبس جاكيت بدلته اظاهر انى غلط لما
عرفت واحده زيك اللى فى بطنك ده تنزليه
ميرفت : مش هعمل كده مش هقتل ابنى
= يبقى عاوزه تنهى كل اللى بينا لو عاوزه جوازنا يستمر
يبقى تنزليه
وسابها وخرج انهارت ونزلت دموعها بغزاره
_________________________________
رأفت بعصبيه : كنت حاطط هنا ٥٠ الف راحوا فين انا
بتسرق من اوضه نومى
ناهد ببرود : هتلاقى اى حد من الخدم
= خدم ايه اللى هيفتحوا الخزنه وياخدوا مبلغ ويسيبوا
الباقى
_ مفيش غيرها عشق هى اللى بتخش تفتش فى
اوضتى علطول
رأفت بعصبيه: انتى اتجننتى عشق ايه اللى هتاخد
فلوس من الخزنه
ناهد: امال مين يا رأفت اللى اخدها انا
= ياحبيبتى انا مقولتش كده بس مينفعش نتهم حد من
غير دليل
ناهد بعصبيه : والله احنا مش عايشين فى الشارع
علشان نتسرق كل يوم والتانى دى مش اول مره
وبصوت عالى
انتى يازفته يافاطمه
جات فاطمه تجرى : ايوه ياهانم
مين دخل الاوضه دى النهرده ينضفها
=انا ياهانم
ماشوفتيش عشق دخلت هنا
= لا ست بسمله اللى كانت هنا
طيب روحى انتى قولى ل آدم انى عوزاه
رأفت: عوزاه فى ايه
= مش هو ظابط يبقى يحقق ويشوف مين اللى بينا
بيسرق
___________________________
=استنه يا ابيه قطعت نفسى
_عاوزه ايه ياعشق
=زعلان منى مش كده
قلع جاكيت بدلته انتى شايفه ايه ؟
= شايفه انك تسمعنى الاول قبل ما تحكم عليا وتزعل
قعد على الكرسى
اقعدى واحكى
= كان بيسالنى انا بحبه ولا لاء
ضيق عينه ليه يسأل سؤال زى ده
= كنت قولت قبل كده لخالتو ان مالك فى مواصفات
فتى احلامى جان وكاريزما وعنده دقن تقريبا قالتله
حاول يكون هادى قدر المستطاع اه وبعدين
=انا قولتله بحبك زى ريتال وخالتو
قرب منها وقعد جمبها وقولتى كده ليه
نامت على السرير : علشان انا ...
سكتى ليه
عشق : علشان بعتبره اخويا الكبير كان مجرد هزار يا
ابيه وحضنى ليه حضن اخ
آدم " متأكده من ده "
=ابيه انا متلخبطه جوايا حجات كتير عكس بعضها
حضنها آدم طبيعى ياروحى علشان انتى لسه طفله
وكلام الحب ده كبير على سنك
عشق بدلع : انا مش صغيره انا كبرت اوى
=اثبتيلى ده
راحه تفتح ازرار بلوزتها فتحت اول زرارين
آدم :مجنونه بتعملى ايه ومسك ايديها
هثبتلك انى كبرت
ضربها بالمخده اه ياسافله
ضحكت بصوت عالى على اساس مبتحبش سفالتى دى
_روحى يابت ذاكرى علشان تثبتيلى انك كبرتى بجد
.= فى حجات مش فهماها وانت هتفهمهالى
_ هاتى كتبك وتعالى
الباب خبط
عشق: اتفضل
دخلت فاطمه وبلغت آدم ان ناهد عوزاه
بص آدم ل عشق: عملتى ايه يابت تانى
= هعمل ايه ما انا كنت طول النهار نايمه جمبك
سابها آدم وخرج راح اوضه مرات عمه
=خير يا عمو
رأفت: فى فلوس نقصت من الخزنه ودى مش اول مره
آدم: وحضرتك شاكك فى حد
ناهد : طبعا مفيش غيرها
ضيق آدم عيونه مين؟؟؟؟
= عشق
آدم بعصبيه وصوت عالى: انتى اتجننتى عشق مين اللى
تسرق فلوس
ناهد : والله دى مش اوى مره تدخل اوضتى المره اللى
فاتت كبت الشامبوهات على الأرض علشان تموتنى
رأفت : ممكن يكون حد من الخدم يا آدم
بصله آدم هو حد من الخدم انا هحقق معاهم لكن عشق
لا ياعمى مش كفايا انك مديت ايدك عليها
وانا سكت علشان جدى طلب منى ده لكن مش هسمح
سيرت عشق تيجى فى اى هبل من اللى بيتقال ده
وسابهم وخرج وهو متعصب
راح اوضته لقا عشق قاعده مستنياه ومعاها الكتب
آدم بعصبيه : على اوضتك ياعشق
قربت منه ليه يا ابيه مش قولتلى هتفهمنى اللى مش
فهماه
= المدرس جاى بكره يبقى يفهمك على اوضتك يا عشق
خرجت وهى زعلانه من تصرفه الغريب ناحيتها
________________________________
فوت يا قمرات
وكومنتات كتير واتفاعلوا على البارت