🍛🍛🍛
"Ganoon ka talaga?" Di na nya napigilan ang sarili at naitanong na nya ang nasa isipan pagkauwi nila sa bahay habang parehas silang nasa kwarto.
"Anong ibig mong sabihin?"
"Snober, distant, silent at masungit."
"Fatima-"
"-iyon ba ang totoong ikaw?"
"Yes, that's part of me."
"Ibig mong sabihin....nagkukunwari ka lang?"
Umiling ang lalake. "No, hindi ko magagawa 'yon sayo." Sagot nito kaya hindi sya umimik. Napabuntonghininga si Jackson saka nilapitan sya. "Fatima," pukaw nito sa atensyon nya.
Napahinto sya sa pagtatali ng buhok ng hawakan sya ni Jackson sa bewang. "Bakit?" Tanong nya saka hinayaan na lang muna na lumugay ang buhok nya.
"I don't know kung maiintindihan mo pero magkaiba talaga ang trato ko sa mga kaibigan ko at sayo, yes I also love them but not as much as I love you, I may care for them but not as much as I cared for you and our baby."
Iniangat nya ang kamay at marahang hinawakan ang pisngi ng asawa. "Naiintindihan ko," panimulang sambit nya. "Hindi naman kasi pare-parehas ang pagpapahalaga natin sa bawat tao, gaya ko. Mahalaga ka sakin pero kung papipiliin ako, mas pipiliin ko si baby dahil mas mahalaga sya para sa akin."
"Sa lahat ng choices, ito yung unang beses na narinig kong hindi ako pipiliin pero masaya pa rin ako."
"Sira," tiningnan nya sa mata si Jackson. "Pero jackson, 'wag mo pa ring kalilimutang itrato sila ng tama despite sa differences sa kung paano mo pahalagahan ang bawat tao."
Napatango ang lalake. "Tatandaan ko,"
"Anyways" ngumiti si Faye. "Katulad ng sabi ko, proud ako sayo."
"Thank you fatima," inilapit sya ni Jackson at niyakap ang bewang nya. "Na-cross out mo na ba 'yong list natin?"
"Oo nga pala," sambit nya saka humiwalay at kinuha sa drawer ang notebook, naupo sya sa kama at binuklat iyon saka ginawa ang sabi ni Jackson.
[✓] 1. Kasal
[✓] 2. Makatapos si Jackson
[ ] 3. Mai-provide lahat ng needs ni baby
[ ] 4. Magkaroon ng maayos na buhay.
"Jackson, dalawa na." Nakangiting pagbibigay alam nya.
Ngumiti din si Jackson. "Anong next?"
"Mai-provide lahat ng needs ni baby," basa nya sa nakasulat.
"Then?"
"Magkaroon ng maayos na buhay."
"Maghahanap na ako ng maayos at permanenteng trabaho," marahang nginitan siya nito, "Ngayong nakapanganak ka na, kung nais mong magtrabaho ay ayos lang."
Napasimangot sya. "Pano naman si baby kung full time ka tapos may pasok ako?"
"About that ahmm...maybe let's get a babysitter?"
Naningkit ang mga mata nya. "Mas lalong lalaki ang gastos natin."
"Okay..." saglit itong natahimik bago muling umimik. "I'll try to ask kristel, na pansamantalang sya muna ang magbantay kay baby habang nasa trabaho then pag-uwi ko, ako naman ang magbabantay."
"Okay...iisip din ako ng ibang paraan." Sang-ayon nya, kailangan nyang pumayag iyon ay upang hindi magmukhang unfair ang lahat, napilit nya itong magtapos at pinakinggan sya ng asawa kaya sa pagkakataong ito sya naman ang dapat na makinig.
Katulad ng napag-usapan ay tinanong ni Jackson ang kapatid kung maaari bang ito ang magbantay sa sanggol pero hindi pumayag si Kristel kahit pa gusto talaga nitong tulungan sila, iyon ay dahil mayroon din itong pasok sa eskwelahan. Linggo ng tanghali ng marinig nyang nagsisigaw si Faye mula sa labas kaya napatayo sya, lumabas agad sya ng kwarto habang karga ang sanggol para alamin kung anong nangyayari sa asawa nya, napahinto sya sa bintana ng makita kung bakit ito nagsisigaw. Dumating na pala ang nanay nito mula sa ibang bansa na hindi man lang nagpasabing uuwi na pala, marahil ay surpresa iyon.
Tumuloy ang mga ito sa kubo kaya naman agad nyang tinungo ang kwarto upang doon na lang muna, hindi nya alam pero nakararamdam sya ng hiya, bagay na hindi naman nya ugali noon. Malapit naman sya sa ginang pero ngayong asawa na nya si Faye ay pakiramdam nya nahihiya syang harapin ito.
"Jackson! Nandito ka pala hijo!" Nakangiting bati nito ng abutin syang papasok na sa kwarto, alanganing ngumiti sya saka bumati.
"Naka-uwi na ho pala kayo, tiya." Nahihiyang bati nya rin, naupo ang ginang sa silya at agad na inasikaso ni Fatima bago lumapit sa kanya.
"Ayos ka lang?" Tanong nito na ikinakunot ng noo nya.
"Oo?" Sagot nya.
"Bakit ba nakatayo kayong lahat? Magsi-upo nga kayo." Saway ng ginang ng mapansin sila.
"Nako nanay, nahihiya ata sayo ang manugang mo." Pasaring ng kuya ni Faye saka inilapag ang biniling meryenda.
Napakunot ang noo ng ginang. "Manugang?" Ulit nito saka tiningnan sila ng maigi, naramdaman nya ang paghawak sa kanya ni Faye.
"Nanay, asawa ko na ho si Jackson." Sagot ni Faye na ikinagulat nya, para kasing ni hindi man lang ito nagdalawang isip na ipakilala sya ng ganoon. "Tsaka 'nay, may anak na ho kami." Dagdag nito at pakiramdam nya lumuwa na ang mga mata nya sa gulat sa sobrang casual nito.
"Ito ba 'yong nabanggit mo noong nakaraan?" Kunot pa rin ang noong tanong ng ginang.
Tumango si Faye. "Opo 'nay,"
"Oh sya," dismiss nito sa usapan saka bumaling sa panganay na anak. "Ikaw, anong nangyari sayo?"
Di makapaniwala ang ekspresyon nya kahit pa inaya na sya ni Faye na lumabas muna para makapag-usap ang ginang at ang kapatid nito.
"Hindi sya galit?" Di pa rin makapaniwalang tanong nya ng makaupo sila sa mahabang silya sa labas.
"Hindi," sagot ni Faye saka inayos ang suot ng sanggol na natutulog sa bisig nya.
"Sa pagkakaalala ko, masungit at istrikta si tiya tapos hindi sya nagalit?"
Napabuntonghininga si Faye. "Nagalit sya noong unang beses nyang malaman pero wala na rin naman daw syang magagawa mabuti na lamang at pinanagutan mo raw ako."
Nagulat sya sa narinig. "Hindi mo sinabi ang totoo?"
Umiling si Faye. "Bakit kailangan kong sabihin? Sa atin na lamang iyon, sapat ng ang huling nakaalam ay sina Miriam tama na ang mga iyon."
Napabuntonghininga si Jackson saka niyakap ang bewang ng asawa gamit ang isang braso. "Kailan pa?"
"Pagkatapos natin ikasal." Binugaw nito ang dumaang langaw malapit sa sanggol saka tiningnan sya. "Ayoko ng may iba pang makaalam Jackson, gusto ko ng magkaroon ng bagong buhay iyong malayo sa alaala nya, ayoko ring husgahan ka pa ng lahat dahil sa inako mo ang anak ko."
Nginitian sya ni Faye. "Ang gusto ko na lamang ay makita nila kung anong meron sa atin, naisip kong gusto kong lumaki ang baby natin na ikaw lang ang ama nya, wala ng iba."
"Fatima, pinaiiyak mo ba ako?"
Umiling ito saka isinandal ang ulo sa balikat nya na syang ikinangiti ni Jackson, unti-unti kahit papaano'y nagiging kumportable na sila sa isa't-isa at nasasanay na sila sa pagbabagong mayroon sa relasyon nila. "Gusto ko na lang ng tahimik at payapang buhay, kasama kayo ni baby." Tiningnan sya ni Faye. "Pwede ba 'yon?"
Muli syang ngumiti saka hinalikan ang noo ng asawa. "Oo naman, Fatima. Bubuo tayo ng buhay na nais mo."
Saglit syang pinagmasdan ni Faye. "Now, it's getting weirder.."
Napakunot ang noo nya. "Anong ibig mong sabihin?"
"Simula kasi no'ng makauwi tayo after ng graduation mo, nag-eecho talaga sa utak ko kung paano ka magsalita no'ng nasa maynila tayo." Sumimangot si Faye. "Ngayon tuloy kapag naririnig kitang mag-tagalog parang nawi-wirduhan na ako."
Napatawa sya. "Should I start talking like this?" Tanong nya na ikinatawa ni Faye.
"Ang cute mo dyan,"
Napalabi sya. "Palagi na lang cute?"
"Ba't ano bang gusto mo?"
"Gwapo?"
"Wala sa bokabularyo ko 'yan, panget tsaka cute lang ang meron."
Pabirong ibinagsak nya ang balikat. "Okay....sige cute na lang."
"Napilitan," natatawang sabi ni Faye saka pinisil ang pisngi nya animo'y nanggigigil sa kanya na ikinatawa na lang din nya. "Jackstone..."
"Hmm?"
"Naisip ko, kausapin ko kaya si nanay?"
"Tungkol saan?"
"Kay baby,"
"Gusto mong sya na lang ang mag-alaga kay baby?"
Tumango si Faye. "Atleast kung papayag si nanay edi mas panatag tayo na magiging okay anag anak mo,"
"Anak natin," pagtatama nya.
"Ano sa tingin mo?"
Napangiti sya. "Tinatanong mo na ko ngayon?"
Napakunot ang noo ni Faye. "Huh?"
"Tinatanong mo na ako ngayon bago ka magdesisyon."
"Ano naman?" Napairap ang asawa. "Dapat namang ganoon di ba?"
Napatango sya. "Ganoon nga,"
"So...? Tingin mo?" Pagbabalik nito sa pinag-uusapan nila.
"Ayos lang,"
Napakunot ang noo ni Faye at tiningnan sya. "Bakit parang ang tamlay ng mga sagot mo?" Nanlaki ang mga mata ng asawa nya. "Huwag mong sabihin saking may babae ka na!" Gulat na akusa nito sa kanya na ikinatawa nya.
"Silly, tinamaan ka na naman ng saltik mo."
"Oyy, seryoso ako!"
Muli syang napatawa, ang cute kasi nitong pagmasdan habang nakatingin sa kanya ng masama. "That won't happen wife, tapos na ako sa ganoong bagay."
"Ba't kasi ang tamlay mo?"
"Hindi ako matamlay, sadyang iyon lang ang masasabi ko."
"Ang tipid kaya!" Reklamo nito.
"Fatima Faye, hindi ako kasing daldal ng inaakala mo."
Napasimangot si Faye. "Pakiramdam ko tuloy, hindi kita kilala ng husto."
"Maraming mga bagay ang nagbago sa akin ng mag-aral ako sa maynila."
Naupo ng maayos si Faye."Pero kapag narito ka tuwing bakasyon noon parang hindi ka naman nagbago ah pero ngayon pakiramdam ko anlaki ng pinagbago mo, parang andami kong hindi alam." Katwiran nito.
"That's because you saw my other side," ngumisi sya. "You better embrace yourself fatima."
Napakunot ang noo ni Faye. "Bakit?"
"We have a lifetime to spend with each other, definitely hindi lang ang mga pagbabagong natuklasan mo ngayon ang huling bagay na malalaman mo sa akin. You'll definitely discover alot of things that you probably doesn't know way back then. The question is," tumaas ang sulok ng labi ni Jackson. "Will you still choose me after you unravel all those things?"
Hindi nakaimik si Faye ng marinig ang sinabi ni Jackson, nakatingin lang sya sa mga mata ng asawa at hindi alam kung paano o ano ang isasagot na hanggang sa mga sumunod na araw na nagdaan ay hindi na nawala iyon sa isip nya ngunit imbis magduda sa lalake ay mas nakaramdam sya ng pangamba dahil bumabalik din sa isipan nya ang kislap ng mga mata nito na para bang may napakalaking bagay itong itinatago, na sa palagay nito ay hindi nya matatanggap kapag nalaman nya.
Hindi sya nangangamba sa kung ano man iyon, ang ipinangangamba nya ay ang magiging epekto no'n kay Jackson dahil bukod do'n ay nakita nya rin sa mga mata nito ang lungkot at sakit na hindi nya maintindihan kung para saan dahil para bang sa tono ng boses nito ng sambitin iyon ay mayroon itong nararamdamang takot sa kung ano man iyon.