جريت عليه عشق واترمت فى حضنه ولأول مره أدام
حد نزلت دموعها بغزاره
شدد على حضنها ولمس شعرها بحنان
لما هديت شويه مسح لها دموعها
عشق بهمس : كان عاوز يضربنى يا ابيه
آدم بصوت عالى وعصبيه: الكلام ده صحيح
يوسف : هى اللى قليله الأدب
ريتال : هى مغلطتش كل اللى قالته ان ده شغلك ولازم
تعمله
غمض آدم عيونه واخد نفسه : انا عاوز افهم انتوا هنا
اصلا ليه ياريتال
ريتال : كنا راكبين تاكسى والسواق سرقنا جينا نعمل
محضر وحضره الظابط مقعدنا بقاله اكتر من ساعه
ومش عاوز يكتب المحضر
بصلها يوسف بضيق
آدم : ماشى اتسرقتوا فين وازاى
حكيتله على اللى حصل وكتبتله نمره التاكسي
بعدها آدم عن حضنه وقعدها على اقرب كرسى وطلب
ليهم عصير
اخد يوسف وخرج
يوسف بهمس ل آدم: مكنتش اعرف انهم يخصوك
آدم: يخصونى ولا لاء يا يوسف من امته بنضرب حد
جاى يعمل محضر
= ما انت عارف مش طبعى بس هى استفزتني لسانها
طويل وكمان ب تكدب ومش معااها بطاقه
آدم بعصبيه هيكون معاها بطاقه ازاى لسه مكملتش ١٦
سنه
=بس مش باين عليها خالص انها صغيره كده
آدم بعصبيه : يوسف اول واخر مره حاجه زى دى
تحصل
يوسف : خلاص بقا ميكنش قلبك اسود شكلها عزيز
عليك اوى
غمض آدم عيونه : اكتر ما تتصور عشق دى تربيتى
ضحك يوسف : وانا اقول جايبه الجرأه والقلب الميت
ده منين واقفه تزعق وتعلى صوتها ومش خايفه
ضحك آدم بثقه : يلا روح جيبلي السواق ده يكون عندى
فى ظرف نص ساعه
يوسف: حقك ياكبير
دخل يوسف مكتبه وطلع مطهر ولزق جروح من درجه
وحطهم أدام ريتال وبص ل عشق وخرج
عشق: آدم زمانه بهدله علشانى
= حرام عليكى متقوليش كده ده موز جدااا
_ لا والله اثبتى كدا يا توتا هو صحيح الولا حلو
وكاريزما بس قليل الادب
دخل آدم وبص ل عشق بغضب
اقدر افهم ايه اللى انتى لبساه ده ؟؟؟!
وقفت ادامه ده مينى جيب جيبته جديد ايه رأيك
آدم: زفت ياعشق مايتلبسش تانى فاهمه
عشق باعتراض: انت عارف ده بكام
قرب منها هيكون بكام يعنى تحبى اقطعهولك دلوقتى
عشق بتوتر : لا وعلى ايه
قلع جاكيت بدلته ولبسهولها اترزعى هنا على اما اجيلك
___________________________________
رجع حسن وسالى البيت
سالى : اد ايه يا حبيبى اتبسط معاك
حسن: انا عايش بس علشان اسعدك
شافهم زين وهما داخلين ماسكين ايد بعض وبيضحكوا
الله الله انت بتستفرد بيها وخرجتوا لوحدكم
حسن: عيد جوازنا بقا
سالى : بكره تتجوز وتحتفل مع مراتك
لا كله الا الجواز انا مش بتاع جواز اصلا
ضحك حسن وبص ل سالى كنت زيك كد قبل ما اقابلها
واحبها واقرر اسيب كل حاجه وأفضل معاها
بصتله سالى بحب : حبيبى انا محظوظه بوجودك فى
حياتى
حسن بهمس: تعالى بقا لما اقولك على حاجه مهمه اوى
فى اوضتنا
زين : الله يسهلوا ياعم
غمزله واخد سالى وسابه وطلع
زين بتهكم : اهو اللى يشوفه كده ما يقولش انه كل يوم
فى حضن واحده شكل 😏😏
______________________________
بعد حوالى نص ساعه دخل آدم المكتب
دى حاجتكوا
مسكت ريتال فونها بفرحه شديده اه هما دول
عشق بحزن لا يا ابيه لسه السلسله بتاعتى مش
موجوده
آدم بجمود : الفون وفلوسك موجودين يا عشق
عشق بحزن : بس السلسله اهم
= يلا علشان اوصلكوا
دخل يوسف
وبص ل عشق با عجاب : بعتذر عن اى حاجه حصلت يا
انسه عشق واتمنى ما تكونيش زعلانه
عشق : حصل خير
آدم: يلا يا عشق وانتى يا ريتال
خرجت عشق مع آدم
قربت ريتال من يوسف شكرا
= على ايه
_ المطهر ولزق الجروح
يوسف : المهم تكونى بخير يا انسه ريتال
= عن اذنك وسابته ومشت
__________________________________
سليم : خد يبنى كلملى عشق مش عارف اوصلها
زين : زمنا نايمه يا جدى
= لا مبتنامش غير لما بتكلمنى
حاول زين يكلمها كتير بس تليفونها كان مقفول
سليم كلملى البيت عندهم انا قلبى مش مطمن
ليه نقلقهم يا جدى فى وقت زى ده
اخد سليم منه الفون
انا هكلمها
ايوه يا مدام ثريا امال فين عشق ... ماشى لما ترجع
طمنيني عليها
زين : ها طلعت فين
=خرجت مع ولاد خالتها
زين : اهى بتتفسح ولا على بالها
سليم بتفكير : ماهو ده ميطمنش بردو
_____________________
وقف آدم بالعربيه
= انزلى يا ريتال
جات عشق تنزل مسك اديها مفيش نوم بره البيت
عشق: انا استأذنت جدو
آدم: انا بس اللى اقول تعملى ايه
ريتال : عن اذنكوا وفتحت العربيه ونزلت
عشق: انا مبحبش حد يتحكم فى حياتى
ساق العربيه من غير كلام لحد ما وصلوا الفيلا
دخلت من غيركلام وهى باين على ملامحها الضيق
قابلت جدها سلمت عليه
سليم: على اساس خرجتى مع مالك وريتال
بصلها آدم بغضب
عشق : والله ياجدو حكايه طويله يبقى ابيه يحكيهالك
انا تعبانه هطلع ارتاح
وطلعت على اوضتها
سليم : فهمنى يبنى
حكاله آدم على كل اللى حصل
سكت شويه انا مش عاوزك تسمحلها تانى تبات بره
البيت الله اعلم كان ممكن يحصلها اى وهى بعيده
سليم: متخافش يبنى ربنا اللى بيحفظ
آدم: عن اذنك ياجدى هطلع اصالحها
طلع آدم وفتح باب اوضتها
صرخت بلبس يا ابيه
ادم: هشوف اى يعنى انتى عيله صغيره اصلا
عشق: لا مش عيله انا انسه كبيره واقدر اتجوز فى اى
وقت
قرب منها آدم تتجوزى!!!
قوليلى بقا ياحلوه كنتى فين انتى و ريتال باللبس ده
وعلى أساس خارجه من البيت مع مالك
= هو انت مراقبنى ولا ايه
حاجه زى كده
عشق : ابيه. انا عاوزه اكون ممثله
آدم ببرود : واى كمان
= مالك قال هيساعدنى
آدم بعصبيه : متخلنيش اقول مفيش مالك تانى يا
عشق
عشق بدموع : انت ليه اى حاجه بحبها عاوز تحرمنى
منها ليه مش بتعمل اللى انا عوزاه
لو كان بابا وماما عايشين مكنتش اتحكمت فيا كده
اخدها آدم فى حضنه انا خايف عليكى انتى لسه صغيره
ومش فاهمه الدنيا صح مالك لو كان عاوز مصلحتك
مكنش سابكوا ترجعوا لوحدكم فى وقت متأخر
مفكرتيش لو سواق التاكسي بدل ما يسرقكوا كان
اعتدى عليكوا
مافكرتيش لو مكنتش جيت كان زمانك مرميه فى
الحجز
ماشوفتيش نظره الناس ليكى بسبب لبسك
= لبسى مش وحش وانا عارفه مصلحتى كويس
بصلها آدم بزعل : ماشى يا عشق اللى انتى شيفاه
وسابها وخرج
عشق: اووف بقا اكيد زعل منى
راحت اوضته ودخلت ملقتهوش
قعدت على السرير تستناه
_________________________________
أشرقت الشمس معلنه صباح يوم جديد
فتحت عشق عيونها لقت نفسها نايمه على سرير آدم
بصت حواليها ملقتهوش موجود
خرجت من اوضته قابلتها ناهد
بضحكه صفرا : ايه ياحبيبتى نسيتى طريق اوضتك
وبقيتى تنامى عند آدم
عشق ببرود : اه ياطنط بنام عنده وعلى سريره وفى
حضنه كمان فى اعتراض ولا حاجه
ناهد بعصبيه: هقول ايه ما انتى طالعه وسخ*ه زى امك
اتعصبت عشق من كلامها : المره اللى فاتت كسرتلك
ايدك لكن المرادى شكلى هقطعلك لسانك
لو جيبتى سيره امى تانى ماتلوميش غير نفسك
وخبطتها فى كتفها ومشت
دخلت ناهد وهى متنرفزه
قوم يا رأفت شوف بنت اخوك قليل الادب
فتح عيونه: حصل ايه تانى
الوس*خه بتهددنى وتقولى هقطعلك لسانك كل ده
علشان بقولها انتى كنتى عند آدم تقولى اه كنت نايمه
فى حضنه وعلى سريره
قام رأفت وهو متعصب: لا دى ذودتها اوى مش كفايه
سكت على اللى عملته
دخل اوضتها وهو متعصب
انتى يابنت انتى ازاى تغلطى فى مرات عمك
عشق : هى اللى غلطت فى امى انا مغلطتش فيها
رأفت بصوت عالى : ناهد متعملش كده ابداا
= خلاص انت حر صدق أو لاء
رأفت: روحى اعتزرى على قله أدبك وسفالتك معاها
عشق : لا اسفه ياعمى مش عشق النجار اللى تذل نفسها
ا وتعتزر على حاجه مغلطتش فيها هى اللى غلطت فيا
المفروض هى اللى تيجى تعتزر من اللى قالته
اتعصب رأفت منها وضربها بالقلم وقعت على الأرض
من شدت الضربه وشفايفها اتعورت
تصدقى انك فعلا قليله الأدب ومحدش رباكى
دخلت سالى واتفاجئت من وجود عشق على الأرض
جريت عليها
مالك ياعشق !!
رأفت : بنت قليله الأدب وكنت بربيها طالما مش عارفين
تربوها
بصت لها ولقت دموعها مغرقه وشها وعلامات صوابعه
عليها وشفايفها متعوره
= انت ازاى تمد ايدك عليها من امته بنعمل كده
والله لو كنتى ربتيها كويس مكنتش قله ادبها على مرات
عمها
سالى بعصبيه : اه هى الحكايه كده بقا
عشق بصوت عالى : اطلع برا اوضتى
قرب منها وكان عاوز يضربها وقفت سالى ادامه
ياريت يا رأفت تخرج
خرج من اوضتها
حطت سالى ايديها على خدها : حقك عليا انا ياحبيبتى
وخدتها فى حضنها
مسحت دموعها
=معلش يا طنط بس انا عاوزه انام
_ متناميش وانتى زعلانه
= لا مش زعلانه بس محتاجه أنام
سالى بحب : ماشى ياحبيبتى ان احتاجتى اى حاجه
كلمينى وسابتها وخرجت
مسكت عشق فونها وفتحت صور مامتها وباباها
وفضلت تشوفهم ودموعها بتنزل فى صمت
__________________________________
خرجت سالى وهى متعصبه ونزلت وبلغت سليم باللى
حصل
سليم بعصبيه : يعنى ايه ضربها
سالى : ده اللى حصل يا بابا ولو مكنتش وقفت ادامه
كان ضربها تانى
سليم : لا ده شكله اتجنن على الآخر
يافاطمه يافاطمه
= نعم يا بيه
_ قولى ل رأفت انا عاوزه حالا فى المكتب
طلعت فاطمه وبلغت رأفت
ناهد : هتلاقى الهانم جربت تشتكيله وطبعا هيجيبك
علشان يعلمك الادب وينصف حتته عيله عليك
رأفت: اكيد بابا مش هيصغرنى ادامها
= وهو يعنى كان كبرك امته ده زين يعرف تفاصيل فى
الشركه اكتر منك
خرج رأفت وهو مشحون من كلامها ونزل لوالده
استأذن ودخل المكتب
= ايوه يا بابا حضرتك طلبتنى
_ اقدر اعرف انت ازاى تمد ايدك على بنت اخوك
= بنت قليله الأدب قله ادبها على مرات عمها ومش بس
كده وعليا انا كمان
سليم بنرفزه : حتى لو كده تضربها لو بنتك كنت عملت
معاها كده
= يا بابا انت بتدافع عنها ومدلعها الهانم كانت بايته طول
الليل فى حضن آدم وعلى سريره ولما ناهد بتقولها كده
ميصحش قله ادبها عليها
سليم بعصبيه: آدم اصلا مكنش فى البيت طول الليل
عنده شغل انت خلاص اتجننت وماشى ورا كلام مراتك
بس انا طول ما انا عايش مش هسمحلك تلمس شعره
منها
رأفت : ياريت بقا ي بابا تخليها تعيش عند خالتها
وتريحنا منها
سليم: ده بيتها زى ماهو بيتك
= انا ابنك لكن هى ملهاش اى حق هنا حق ابوها ضاع
بموته
_ياخساره يبنى لما انا عايش وبتعمل كده فى بنت يتيمه
امال لما اموت هتعمل ايه
رأفت : والله ده شرع ربنا
سليم : بس اسكت مش عاوز اسمع كلام منك تانى
اخرج يا رأفت وسيبنى
__________________________________
رجع آدم البيت بسرعه بعد مكالمه والدته
آدم: هى فين يا ماما
= فى اوضتها قافله على نفسها وقالت هتنام
طلع آدم ودخلها اوضتها لقاها نايمه على السرير
وحاضنه صور مامتها وباباها
قعد جمبها على السرير واخدها فى حضنه
بصتله وعيونها كلها دموع شاف علامات صوابع عمه
على خدها الأبيض
حط ايده عليها بحنان حقك عليا انا ياحبيبتى
نزلت دموعها مسح ليها دموعها
طول ما انا عايش مش عاوز اشوف دموعك دى
حطت دماغها على صدره من غير كلام وغمضت عيونها
فضل هو يلعب فى شعرها لحد ماراحت فى النوم
__________________________________
فوت يا حلوين وكومنتات
انا وفيت بوعدى ونزلت بارت كمان
ياريت بقا يبقا فى تفاعل