#بارت 27 -
-ولكنيّ أسرفتُ في الكِتمان، حتىَ نسيتُ كيف أبوح.
ايوب: ووووينج
شذر: عدلت كعدتي شكو ليش تصيح
ايوب: وووينج ليش مو بلبيييت
شذر: يم شهد
ايوب: شوووداج يم اصخااام منوو سمحلج ترحين
شذر: لا ترفع صوتك عليه من تصحى على نفسك تعال حاجيني
ايوب: ربع ساعه واني يمج طلعيلي لـ باب
شذر: ماطلع عندي شغل ماريد اتاخر من ارجع عود نحجي
ايوب: شذذذر لا تلعبين بعصابي طلعييي ربع ساعه واني يمج
شذر: كطع الخط بوجهي كعدت شهد تفرك بعينها باوعت للساعه وكمزت
شهد: لج ليييش ماكعدتيني تاخرنا
شذر: على شنو شبيج
شهد: على الشغل
شذر: بعدها بلـ عشره كالت اليوم تعالو بـ 12 كعدت تفرك براسها
شهد: منو خابرج
شذر: ايوب خابرني يصيح عليه
شهد: استغفر الله ماعرف شحجي شكول فكري زين
كعدي ويا احجيله الصار بس تره بعد اني ماخليج اترجعين ويا تبقين يمي
شذر: شلون ابقئ يمج شهد اهلج احتمال ميقبلون وتره والله استثكل نفسي
شهد: انجبي بعدج متعرفين اهلي تره والله كلش لطيفين هسه تتعرفين علييهم وتشوفين
شذر: سكتت ماحجيت يعني هسه انزل اشوفه
شهد: اي نزلي شوفي واحجي ويا واحجيله كلشي
شذر: هزيت راسي كمت لبست حجابي ودك جهازي جاوبت
ايوب: بلـ باب انه استعجلي
شذر: طلعنا اني وشهد اهلها كاعدين سلمت عليهم كلش مستحيه منهم اترخصت منهم وطلعت شفته واكف مسافه من البيت اشرلي بمعنى تعالي مشيت وكفت يمه
ايوب: من شووكت هلـ تصرفات شذذر انه شحجييت شلون تجين ويا شهد لبيتهااا
شذر: صوتك احنا بلـ شارع تره نكعد بمكان ونسولف مشى كدامي بقيت امشي وصل لحديقه عامه كعد بيها كعدت مسافه منه
ايوب: يلا احجي اسمعج
شذر: حجيتله كلشي
ايوب: جان دخلتي لغرفتج
شذر: مسحت دموعي قبل لا تنزل ايوب انت تعرف اني ليش عفت اهلي انت تعرف ليش شردت منهم؟
لأن عدهم نفس هلـ سوالف الي انت دتسويها تريدني ابقى يمك انت الغريب؟
ايوب: شذر لا تخبليني تقارنيني بابوج؟
شذر: شتفرق عنه مو انت دتشرب مو انت جايب بنيه يمك الفرق الوحيييد هو راد يبيعني يجي يوم ويمكن انت هم تسويها
ايوب: شدتحجين انتييي هذه كلاااام شهد اني زمال ابن سطعش ازمااال عرفتج عليها
شذر: مو كلام احد هذه اعذرني ايوب بس بعد مارجع وياك اني ممستعده بيوم ارجع للبيت وانت مو بوعيك وكلشي يبدر منك
ايوب: صدك تحجين انتي؟
شذر: اي صدك احجي حتى مراح اطلب منك ترجعني للعراق ابقئ اهنا اشتغل وقريب الامتحانات ارجع وحدي
ايوب: كوومي كدامي للبيت وهذه الكلام مااريد اسمعه مره ثااانيه منج
شذر: تعذرني مارصل لبيتك بعد
ايوب: شذررر لا تخبليني فووووك خباااليي كتلج هلشي مررراح يتكررر
شذر: مارجع وياك ان تكررر او لا تعذرني شكراً على كلشي سويته بس لهنا وكافي
ايوب: شنوو الكااافي اكلج ماجنت بووووعييي دكليلي لهنا وكاااافي
شذر: بقيت اباوع يمنى ويسرا الناس تباوع علينا صوته عالي شكد استحيت
ايوب: احاااجيج باعيلي
شذر: حجيت كل العندي تعذرني ايوب
ضرب رجله بكل قوته رجعت ليوره
ايوب: حضري نفسج ارجعج للعراق هلـ اسبوع ماتبقين اهنا
شذر: مارجع هسه
ايوب: مووو بكيفج
شذر: كمت وكفت اتصل بيه من تهدى علمود نتفاهم عفته ومشيت انسحبت من ايدي شدددتسوووي
ايوب: كتلج الصار ميتكرر رجعي للبيت لا تبقين بيت للعالم زحمه
شذر: مارجع باقيه يم شهد واذا ضايقتهم ادبر روحي
ايوب: لا حول ولا قوة الا بالله ناااويه عليه انتي الييييوم رجعي للبيت وشهد تجي وياج انه هم بعد ما اوصل لهلـ بيت اشوفلي غير مكان
شذر: ليش تعوف بيتك كتلك اني رايحه
ايوب: كافي شذر كوه لازم روحي اعنادج بطلييي ورجعي وخلي شهد تبات يمج انه احجي ويا ضاري انه اعترف الصار غلط بس مامتقصد بي
وحقج يوصلج
شذر: مالحيت ويا خفت يعصب همست تاخرت علئ الشغل
ايوب: امشي نتريك وانه اوصلج
شذر: مجوعانه
ايوب: امشي ناكل لكمه
شذر: خابرت شهد راحت كدامي للشغل كعدنا تريكنا واحنا ساكتين بس هو كل شوي يجر حسره
خلصنا
ايوب: يلا اوصلج
شذر: كمت ويا ركبنا سياره وصلني لمكان شغلي وراح تركيبته غريبه هل رجال خبلني دخلت شفت شهد اشرتلي بمعنئ تعالي رحت يمها وكفت
شهد: شراد منج
شذر: كال ليش بايته عندج وميصير وزحمه ومن هلـ حجي هذه
شهد: خلـ يولي يعرف الزحمه والميصير اي حجيتيله لو لا
شذر: حجيتله كلشي وكاد ترجعين للبيت ماتبقين بغير مكان
شهد: جان رفضتي
شذر: ماقبل كال اترك البيت اني واحجي ويا ضاري علمود شهد تبقى يمج
شهد: خوش والله امشي ولي بودي كارد مال الخلفوج اني
شذر: لا تصيرين مكرووهه وها كال اني زمال ابن سطعش زمال اعرفج على شهد طلعت عينجشهد: دخيل ربج علساس انتي علويه وهذاك السربووت الدايح صاير سيد براااسي امشي وولي من كدددامي لا اكوملج اطلع بيج تعب البارحه عابت جهرتج ويا جهره السربووت
شذر: ضحكت علئ كلامها ورحت لمكاني كوه اشتغلت احس روحي تعبانه وبعدني نعسانه كملنا شغلنا وطلعنا ساعه بـ 8 كعدنا بمكان يبيع لفات سمج عدهم كعدنا ناكل دك جهازي شلته ايوب رديت
ايوب: وينج شذر؟
شذر: هسه طلعنا دناكل ونرجع للبيت
ايوب: روحو للشقه ضاري منتضركم
شذر: وانت
ايوب: امدبر نفسي لا تفكرين
شذر: لا تبهذل نفسك علمودي
ايوب: شذر كملي اكلج وگبلج للشقه ماريد اي اعتراض يلا تصبحين على خير
شذر: وانت من اهله كطعته منه رجعته لجيبي
شهد: شيريد
شذر: يكول ضاري بلـ شقه منتضركم
شهد: شكووو منتضرنا نروح لبيتنا شصخم بلـ شقه
شذر: ميقبل
شهد: طاح حضج الوكعج بيد ايوب الخبل
شذر: كملت اكلي غسلنا ايدنا ورجعنا مشي للبيت طول الطريق نسولف على الشغل علما وصلنا صعدنا فوك دكينا الباب فتحها ضاري طفرت شهد حضنته وهو مبتسم دخلت سلمت عليه رد السلام كعدنا
شهد: شبي هذه صديقك الخبل شيريد منها واذا بقت يمي
ضاري: السانج
شهد: مجذبه والله خبل مو عاقل
ضاري: اهنا احسن وانه حجيت ويا الاهل وقبلو تبقين لفتره علما تنحل هلـ سالفه
شهد: تبقى يمنى
ضاري: لا رايح اذا احتاجيتو شي خابروني وهاي مفاتيح الشقه خلوها يمكم
شذر: خلاها على الطبله وكام باس راس شهد وطلع باوعتلي
شهد: تعبااانه ميته تعببب اريد افراااشي
شذر: كووومي ولي روحي لفرراشج ميته هليج اني
شهد: عااااب هلـ شكل دكول خبله متلحكيلها بابره
شذر: كووومي ولي نااامي لا اشمرج من البلكونه
شهد: ماتنطمرين انتي هم
شذر: اريد ادرس شوي وبعدين انام
هزت راسها وكامت دخلت للغرفه كمت وراها اخذت ملابس من الكنتور ورحت سبحت وكعدت بلصاله طشرت كتبي بديت اراجع ماحسيت بلوكت الا من شفت الساعه بـ 3 ونص الفجر عزززه بعيني باجر عندي شغل ولازم اكعد من وكت طفرت من مكاني حتى بدون ما اشيل الهوسه دخلت للغرفه وقتت المنبه ونمت ماكعدت الا على صوت شهد وهي تصيح عليه فتحت عيوني بلكوه شبييج هرجتينه هرج
شهد: لج تاخرنا وهاااي تريدها من الله تكعد ترزل بينا طيح الله حضج شذر على هلـ دكه بالله اني تمبل مال نوم انتيي شبيج
شذر: كمت غسلت وجهي نمت متاخره البارحه وقتت الكنبه بس شو ماحسيت عليه دگ او لا
بدلنا وبسرعه طلعنا اخذنا سياره وصلنا لمكان الشغل وحده ترزل بلـ ثانيه دخلنا وفعلاً شفناها منتضرتنا همزين اني لا افتهم لغتهم ولا اعرف احجيها ضليت بس اهز براسي مادري تغلط تمدح
رفعت راسي لازمتني ضحكه اباوع على شهد صايره حمره من العصبيه حجت وياها ودخلنا كل وحده على مكانها الحقيره طلعت معاقبتنا على ساعات شغل اضافيه
باوعتلي شهد مبوزه الحلك
شهد: اركعج ميه بلوك وانعل الساعه الشفتج بيها
شذر: دولي لشغلج خليني اخلص لا تضلين تلغين فوك راسي رجعت لشغلها هلكت علما خلصت اتنفست براحه شفت شهد بعدها تتعارك ويا المكينه مخبله كمت يمها همست اساعدج عاطت بوجهي
شهد: وليي من يمي راح ابجي والله
شذر: جيبي اساعدج
شهد ماريد هسه تجي وتعاقبج فوك العقاب الماخذي بسببج وبسبب الخبل
شذر: ابتسمت وهي احترگت اكثر عفتها ورحت كعدت علما خلصت وطلعنا سوه ساكتين اخاف احجي ودگب بوجهي مخبله
وصلنا للشقه ميته جوع فتحت الثلاجه صفنت ماعرف شسوي
تالي سويت مخلمه وكعدنا اكلنا بدون مانحجي ولا حرف علما شهد زمخت بيه
شهد: فوووك الضيم الشفته اليوم رافعه خشمج عليه
شذر: لزمت خشمي والله مرافعته هياته
شهد: كومي نطلع نفتر شوي ضايجه
شذر: ساعه بـ 8 وين نروح تعبانه ونعسانه اريد انام
شهد: منتاخر والله ضايجه اغير جو شوي ارجع لنشاطي
شذر: ابتسم يلا كومي لعد اذا ترجعين لنشاطج راضيه لمينا الميز ورحنا بدلنا طلعنا نتمشئ وحده لازمه ايد الثانيه
شهد: الله شكد جنت اتمنى يصير عندي اخت
شذر: نفس الشعور
شهد: اكلج شوفي ذاك الحات الصاك المصكوك
شذر: التفت شفت ايوب واكف ويمه بنيه وضاري هم واكف باوعتلها رفعت حاجبها
شهد: ادورين صكوك ولج شكو التفتي
شذر: غير اشوف
شهد: دمشي نسلم عليهم
شذر: لا ماريد خلينا نتمشى نروح منا
شهد: دتعااي شبيج بس نسلم
شذر: سحبتني من ايدي وكفنا يمهم ايوب باوعلي بخزره وضاري حضن شهد
ايوب: شعدكم بره بهلـ وكت
شهد: شقتك تخنك طلعنا نتنفس شويه خوما حرام شيخ ايوب
ايوب: ضاري كص السان اختك لا انه اكصه الها وانتي الثانيه منو بلع لساانج متحجين
شذر: مو ضجنه كلنا شويه نتمشى ونرجع
ايوب: لا والله
شذر: اي والله
ايوب: امشي كدامي
شهد: ويين تمشي كدامك
ايوب: لا تدخلين
شهد: والله اشتكي عليك شو شايف روحك انت
ضاري: شهدد تعاي يحجي وياها مايروح لمكانشذر: اشرلي بمعنى امشي مشيت ويا وصلنا للسياره اشرلي ركبي ركبت حركها همست وين ماخذني
ايوب: لجهنم شكو طالعه بدون مادكولين
شذر: ليش اكول
ايوب: شذر لا تخبليييني يعني انه جايبج لهنا على مسئوليتي واهنا بلد غرررب كلشي يصير دكليلي ليش اكلك
شذر: ليش تصيح تره هسه طلعنا كلنا نغير جو ونرجع ماكو داعي ترفع صوتك عليه
ايوب: لج بابا لا تمشين وره كلام شهد المصخمه
تصخمج وياها
شذر: لا تحجي عليها تره حبابه كلش
هز راسه بدون مايحجي وين ماخذني ممكن اعرف
ايوب: مو ضايجه تردين تفرفرين حضرتج دافرفج
شذر: بطلت ماريد رجعني للبيت
ايوب: تراجعين لو بطلتي مراجعه؟
شذر: لا بعدني داراجع
ايوب: اي زين هلـ اسبوع نرجع
شذر: ليش
ايوب: احسن
شذر: لا خلينا اهنا ليش نرجع باوعلي صفح
ايوب: حلتلج السالفه
شذر: اي مو علمود الشغل حرامات يروح مني وباقي هواي للامتحانات
ايوب: ميخالف نرجع واهناك كعدي اقري
شذر: ما ارجع اني ابقى يم شهد روح انت
ايوب: انعل ابو شهددد لا تخبليني شذر شنو يعني ماترجعين مو بكيفج
شذر: بكيفي ماعليك بيه انت شكراً على كلشي سويته لهنا وكافي اتمنى ببعد ماتدخل بحياتي
ايوب: هاي سالفه جديده؟
شذر: اي سالفه جديده معليك بيه روح وين ماتريد تروح وشقتك اطلع منها هم
ايوب: واذا سألني عنج ابوج شكله ديحت بنتك بتركيا ورجعت؟
شذر: كله راحت يم امها
ايوب: شنو المكرهج بيه شوفي اعرف الشفتي صعب عليج بس انه مامتقصد تشوفي شغله صارت وراحت لا تخليها تلعب براسج
شذر: مو علمود شي بس اني اريد اعتمد على نفسي واعيش حياتي بما يرضى الله ومثل ماحب اني واذا ارجع ماكدر اسوي شي فـ اهنا احسن لي
ايوب: مو بكيفج شذر شتعرفين من اهنا وتبقين اهنا غاااابه ثووواني ياكلووج اكل هو اني سنين عايش بيها وشغلي بيها مرات احس انغلبت وياهم
شذر: لا تدخل بيه ايوب روح ارجع اني بعد مارجع
ضرب السكان حيل رجعت ليوره مصدومه من ردة
فعله
ايوب: لااا دكولييين لا تددددخل عجبج الانفلات الي اهنااااا
شذر: اني وين رايحه علمود اشوف الانفلات اني عجبني ماكو هيثم ولا اكو جواد ولا اكو صخااام وجهي لااا تدخل بيه وبس ماعليك بيييه اني اشكرك على كلشي سويته وياي بس لهنا وكااافي اني مو لعبه وانت كاعد تتحكم بيه بمزاجك
ايوب: حلوووو كلام جديد بعد طلعي لا تبقين شي موغف علئ گلبج
شذر: ماكو شي موغف علئ گلبي اني مانكدر فضلك عليه ولا انكر السويته الي بس لعنا وكافي ماريد اشوف شي ثاني يصدمني بيك اكثر خلي صورتك نضيفه بعيني باوعلي عيونه يردن يطلعن بلعت ريك ودرت وجهي على الجامه
ايوب: راح اسوي نفسي ماسمعت كلمه من
هلـ خرط كله بس وراس امي اذا انعاااد حرف واحد من هلـ كلام هذه ادفنج بكاعج وماخلي احد يندل كبرج
شذر: باوعتله مصدومه عنده القتل عاد بقيت فاتحه عيوني متفاجئه من صلافته بلـ كلام
همست تسويها مو بعيده ولا شي جديد عليك مسويها قبل وكف السياره ببريك قوي رجعت ليكدام همزين مو بنص الشارع وكفها على صفحه
ايوب: عيددي شكلتي؟
شذر: ماكلت شي رجعني للبيت زمخ بعلو صوته
ايوب: شكلتتتتتييي
شذر: ماااكلتتت شي افتح الباب انزززززل
لزم ايدي لواها ردت اسحبها ضغط عليها اكثر
ايوب: عيدددي الكلتي
شذر: مو بغيده ولا جديده عليك مسويها قبل حجيتها وتزلت دمعتي
ايوب: شهد؟
شذر: شنوو شهد
ايوب: شهد حجتلج؟
شذر: لا اني مره سمعتكم انت وهيثم تسولفون
ايوب: لااا تجذبين مالحكتي تتتسمعييين كلشي شهد الحجتلج؟
شذر: لاا دفعني حيل ورجع يسوق بدون مايحجي حرف وصلني للشقه والصدمني من نزل وياي وكفت وين مجاوبني صعد قبلي عززه بس لا راح يتعارك ويا شهد رحت ورااء دخلت جوه شفت شهد وصاري كاعدين شمر مفاتيحه
ايوب: على ياااا اساسزتكعدين تحجين على حياااتي الخااصه بصفتج منو
ضاري: شصاير؟
ايوب: اسااالها شصاااير
شذر: كتلك مو هي حجتلي
شهد: غير اعرف شنو بضبط علمود اكلك اني او لا
ايوب: علئ يااا اساس تنبشين بلمااضي وتكعدين ادگين فچ بي؟
شهد: اي اني حجيت الها علمود تعرف ويا منو عااايشه ليش هيج مغثوث قابل حاجيه شي من جيبي
ضاري: شهدددد
ايوب: ههههههه اسلوبج يضحك تره ماينرفز خففي لعب شهد لا تخليني اكسررر راسج الرافعته
شهد: بعده مطاالع من بطن امه اليكسر راااسي استاذ ايوب
ايوب: طلعهااا منا لا ارتكب بيها جريمه
شذر: سحلها ضاري وهي ماتسكت سحبتني من ايدي وياها
شهد ماتبقى وياك اخذها وياي
ايوب: شهد روحي كااافره مالي. خلكج ولييي من كدامي احسن لج
شذر: همستلها روحيربعدين اجي دفعتني وهي كازه على اسنانها
شهد: ابقيييي جباااانهشذر: اخذها ضاري وطلعو درت وجهي على ايوب ديدخن وصافن بلـ فراغ لييش هيج سويت كتلك مو هييي مجاوبني طفه جكارته ودخل لغرفته نرفزني اكثر كعدت بمكاني ابالي ادخل لغرفته وافترسه حرك دمي مسحت وجهي بعصبيه وكمت دكيت الباب مافتحها رجعت كعدت بمكاني احس دمي يفور تالي دخلت الغرفه قفلتها وانطمرت شكد حقير كعدت الصبح على دگ الباب اخذت موبايلي باقي على الشغل الحمدالله رجعت نمت ماهتميت للباب مثل ماسره بيه البارحه دك جهازي شلته شهد جريت نفس استعد للرزاله فتحت الخط اجاني صوتها
شهد: شلونج ويا هلـ خبل هذه
شذر: ليش رحتي
شهد: طرردتني لج كرامتي انسحلت ابو ابوها بس ميخالف اليوم جايتج اريد اشكل ويا سكر والضغط البارحه خفت من ضاري احجي يجيبني براجدي يشمرني بغرفتي وبعدين انتي شكو رايحه مصخمه وجهج وحاجيتله طلعتي بحجايتين تخرطين الاول وتالي اضرب من حالي الزفت
شذر: نرفزني واستفزني
شهد: اي هو مستفز فعلاً خوما اذاج بلـ كلام
شذر: لا محجه وياي رحتو دخل لغرفته نام
شهد: اخ يابه لج هاي توجع اكثر لو حاجي ومفرغ گلبه احسن حرب بارده
شذر: اي اني هم كلت والله
شهد: دكومي حضري روحج عود اشوفج بلـ شغل
شذر: ديلا باي كطعته منها وكمت لبست حجابي وطلعت شفته كاعد بلـ صاله ماهتميت دخلت للحمام غسلت ورحت للمطبخ انداريت لكيته واكف يم الباب
ايوب: صباح الخير
شذر: صباح النور كعد على الميز حضرت الريوك اكلنا وكمت بدلت طلعت شفت يباوعلي ومجتف ايده
ايوب: ماكو طلعه
شذر: شنو ماكو طلعه راح اتاخر على الشغل
ايوب: شغل هم ماكو
شذر: مو بكيفك رفع حاجبه
ايوب: تمردتي حيل رجعي على النسخه القديمه
شذر: معليك بيه وشغلي ماعوفه
ايوب: اليوم راجعين حضري روحج
شذر: واني كتلك مارجع
ايوب: مو بكيفففج تحضرررين روحج
شذر: كتلك مارجع ليش تريد ترجعني شكووو
ايوب: ماتفيدج العيشه اهنا
شذر: جوابك مو مقنع الصراحه شوفلك عذر ثاني
ايوب: خلي اعنادج على صفحه وحضري روحج نرجع
شذر: مارجع كتلك
ايوب: زين طلعه ماكو من البيت تبقين كاعده وتهتمين بدروسج
شذر: ممكن افهم ليش هيج دتسوي
ايوب: لمصلحتج
شذر: شعليك بمصلحتي
ايوب: تبقين هيج تتصرفين فكري شوي. بعقلج
كافي اعناد
شذر: مراح اروح للشغل اليوم علمود تفهمني شنو سبب تصرفاتك بس باجر اروح اذا مانطيتني سبب مقنع عفته ورجعت للغرفه حايره بكلامه ايوب اكو شي صاير لهل سبب يريد يرجع غيرت ملابسي وكعدت اقره بس مالي خلك افكر بكلامه شنو السبب الـ هيج غيره وغير كلامه هو مو كال قبل الامتحانات نرجع شغير رئيه هسه اكيد صاير شي
اخذت موبايلي اتصلت بشهد
شهد: وينج صدك تحجين تره تاخرتي
شذر: ماراح اكدر اجي
شهد: ماقبل اطلعين مو
شذر: اي ماقبل مادري ليش مجان هيج هو اصلاً جان يشجعني اعتمد على نفسي شنو الاتغير
شهد: شاكه ريم الها ايد بلموظوع تره مو سهله
هلـ ريم تلدغ مثل الحيه ام الراسين
شذر: شلون اعرف
شهد: ايوب يحجيلج مستحيل يسويها خليني اسحب لسان ضاري اكيد يعرف واردلج خبر
شذر: زين منتضرتج
كطعته منها رجعت طلعت شفته كاعد يشتغل على الحاسبه كعدت كدامه ممكن تفهمني شديصير
ايوب: ليش شكو؟
شذر: لا سلامتك ماكو شي بس ليش ماخليتني اطلع
ايوب: احسن متحتاجين شغل شكو متعبه نفسج
شذر: لا والله
ايوب: اي والله
شذر: ايوب احجيلي شصاير حباب ماكو داعي تضم عليه اذا صاير شي خليني اعرف مسح وجه ورجع باوعلي
ايوب: احسن ولا تسألين ليش
شذر: تره ريم اني مائذيتها هي الهددتني وهي الحجت
ايوب: ومنو كلج ريم ؟
شذر: تره واضحه هي السبب تريد تبعدني منا خايف على مشاعرها
ايوب: مو هي
شذر: لا هي لا تنكر متاكده هي ماكو احد غيرها
ايوب: انه غلطت من جبت اهنا انتي ماتكدرين تعيشين اهنا
شذر: ليش ماكدر شكيتلك من شي سمعت احد شكه مني انطيني فرصه اعيش حياتي لا تاذيني فوك اذيتي
ايوب: ليش تحسسيني ماخذج للموت مو للعراق
شذر : لأن اهناك جواد موجود وهيثم وثنينهم ميخلوني اتنفس لو بتيدهم حتى النفس يكطعو مني ومااريد اشوفهم كارهتهم
ايوب: تبقين بلـ شقه محد يوصلج
شذر: قبل الامتحانات نروح اريد اشتغل حباب لا تمنعني باوعلي مبتسم
ايوب: واذا نقصت درجاتج
شذر: ماتنقص والله داقره ومنضمه وقتي
ايوب: هاهي براحتج بس ماريد طلعات بليل مثل ذاك اليرم ولا تمشين وره كلام شهد
شذر: يعني شنو
ايوب: يعني قبل الامتحانات نرجع
شذر: شكراً وشهد تره ماعوفها
ايوب: لا تعوفيها بس كلامها لا تسمعي
شذر: مو هي الحجتلي
ايوب: لا هي لا تحاولين تجذبين انه اعرفها
ماتوكف حجايه بلسانها
شذر: يعني ثار بيناتنا حجي ومن بين الحجي سولفتلي بس مو قصدها شي ثاني
ايوب: تردين تعرفين شي اسأليني الي لا ترحين تسألين احد ثاني
شذر: ليش هيج سويت رجع نفسه ليوره شغل جكارته باوعلي بقهر جر نفس
ايوب: تستاهل برئي السوته هي شويهشذر: لا مو شويه بس جان طلكتها وعفتها ليش وصلتها لمرحله القتل
ايوب: الكلام كلش سهل اني منظرهم لليوم مديطلع من بالي متحسف على الحب الانطيته الها متحسف على كل لحظه حلوه عشتها وياها متعرفين شنو يعني تنطين كل طاقتج وحياتج وضحكتج وفرحتج لشخص وبعدين يخذلج بكل سهوله والله لو جنت مقصر وياها اكول حقها لو جنت مخليها بعازه شي هم اكول ميخالف
شذر: انت تريد تسافر ليش ماخذتها بيت اهلها
ايوب: هي ماقبلت بحجه حامل ومارتاح اهناك بسبب هوسه جهال اخوي كتلها اخذج يم الوالده تخيلي هم ماقبلت انه الاثول عفتها براحتها كلت خطيه حقها الحمل ماذيها
شذر: انت دكول جنتو تحبون بعضكم ليش ماسمعت منها ليش تسرعت باوعلي عيونه حمر
ايوب: شفتهم منها مثلاً اكلج شفتها بفراشي ويا غيري اكثر من هيج شفتهم
شذر: ممكن يكون مهددها او شي
ايوب: مو عذر ابد هي طبيعيه جانت يعني مو خايفه او مرتبكه من شي لو خايفه او احد مهددها مجان بقت بلبيت
شذر: اهلها هم سبب موت مريم طفه جكارته وكام يفتر الموظوع صدك ماثر بي وماخذ حيز من حياته لان اوضاعه اختلفت من سمع بيها وكأنو هسه صار الحادث
ايوب: اي هم الاذواني واخذوها مني يدرون ماكو شي ياذيني غير اذيتها تخيليي كتلووها مووت وهي جانت تخاف من ضلها بشهر اني فقدت 3 اشخااص واعز اشخاص بشهر انسلبت مني روحي
تتخيلين الوضع اختي مالها ذنب اني الوصخت ايدي بدمها اني الكتلتها ليشش اذوها الها ليش سلبو منها حياتها الها جان كتلوني الي اني استاهل
شذر: بقيت صافنه على حالته من يسولف دموعه بطرف عينه بس يكابر ماينزلهن تقرب اخذ جكاره ثانيه ايده بيها رجفه بس مسيطر عليها
ايوب: لليوم ماكدرت اخذ حقها وحق شبابها الندفن بدون ذنب
شذر: انت غلطت وهمه هم غلطو انت تصرفك غلط وهم نتيجه تصرفك الغلط حاسبو انسانه مالها ذنب
ايوب: لا دكوولين غلطتتتت انيي لو بايدي اشرررب من دمها وهم مابرررد انتتييي لو شااايفه المنظر الشفتها بي ماااتحجين هيج مادكوووولين هيييج
شذر: سكتت منه شفته مو مال اتناقش ويا
ايوب: انه ساعدتج شذر تدرين ليش؟
شذر: ليش
ايوب: شفتج نظيفه شاارده ومتبهذله من اهلج بس لأن ماتردين ادخلين للحرام حبييت عفتج والتزاامج وحجاابج الميوكع من راسج حبيت من وكفتي بوجهه اهلج لأن غلطانين رفضتي تعيشين نفس حياتهم الغلط رغم طريقهم سهل
لهلـ سبب ساعدج
هي جان كلشي متوفرلها اهل زينين يحبوها وميرفضولها طلب زوج يعبدها عباده مو بس يحبها
بيت دافي وكلشي على ذوقها لو تريد لبن العصفور اكللها تم وتدللين مايووم اذيتها حتى بشقه مايوم سمعتها حجااايه كل هذه وتجاازيني هيج ليييش؟
اني لهلـ يوم ندمااان لأن ماسئلتها ليييش هيج سوت اريد اسمع السبب علمود ارتاااح علمووود اكول اي اني مقصر وياها وهيج سوت
فوك كل هذه خسرت مريم ماتعرفين النار البگلبي
شذر: مسحت دموعي حالته تلجي ممتعلمه اشوفه بهلـ حاله ورافض ينزل دموعه هذه القهرني اكثر
الله يرحمها ويصبرك ماعرف شكلك
ايوب: لا دكولين شي انه الغلطان الي وثقت بيها
مجان لازم اثق بيها كل هلـ ثقه
شذر: مسح وجه ورجع يحجي بحركه گلب
ايوب: بسببها انه خسرت اختي وعائلتي
بسببها انه مالي وحه اباوع بوجه احد
شذر: هي الخسرت صدكني خسرت دنياها واخرتها
بباوعلي وابتسم بقهر
ايوب: انه طالع قفلي الباب وراي
شذر: لا تطلع وانت بهلـ حاله كلشي يصير
ماحجه بس اشر علئ الباب بمعنى قفليها العبره خانكته
كعدت صافنه معقوله اكو هيج بشر
دك جهازي شفت الرقم شهد جاوبت عليها
شهد: بالي يمج اكيد ضايجه لأن يومج مابي اني
شذر: اي ان شالله باجر اجي
شهد: والخبل قبل
شذر: لا دكولين عليه هيج خطيه
شهد: لا صلوات تكورات بشنو قشمرج
شذر: بشنو قشمرني يعني خطيه تمشين ولازمته عليه خبل وخبل شايفته ينزع ملابسه بلـ شارع
شهد: اعصابج بس هو هم خبل تلوكله هلـ كلمه
شذر: اندكت الباب التفت اكول هاي الباب تندك افتحها لو لا
شهد: منتضره احد
شذر: لا
شهد: شوفي منو وبعدين فتحيها
شذر: كمت وكفت وره الباب صحت منوو اجاني صوت ريم
يتبع><