#منتقم_وغريبه
بقلمي_فاطمه🤎
تصويت....
تعليق بين الفقرات بنوتات 🦋
_____________________
لو غَركان وأنتَ أخِر نَفس تِنقَذني مَا شمك .
_____________________
اجوان:التفتت عليه شفته ولد شاب تقدم عليه وكفت مصتكه من الخوف خفت اتحرك وصل يمي مبتسم
::-السلام عليكم، اعتذر اجيت لهنا بس اضطريت
اجوان: بأرتباك ،وعليكم السلام ،تفضل اخي محتاج شي
ضليت اطكطك من الخوف فوكاه واكفين بالشارع
الي يشوفنه راح يفكر غير شي
::-اجيت اريد اسئل على اخوج احمد مقطوعه أخباره من باع بيتهم وانتقل بعد محد يعرف عنهم شي
::-باع البيت ؟؟
::-ايي باعه متدرين !
::-شلون اندليت عنواني منو وصلك لهنا
::-مره اجيت اني وابوج لهنا وعرفت هذا بيت عمتج ردت اسئل عمتج عليه بس لكيتج انتي اذا تكدرين تنطيني رقمه
::-اعتذر منك ماعندي موبايل فماعرف رقمه
خفت انطي رقمه خاف يطلع يريد يسويله شي بس انصدمت من كال باع البيت معقوله لعد ليش مكالي
::-بس سؤال ؟
::-تفضلي؟
::-متعرف ليش انتقلوا من بيتهم
::-والله مادري رحت اشوفه لكيت كاتبين على الباب والحايط مطلوب دم واجيت استفسر منج
ماعبالي متدرين
::-مطلوب دددمم؟
::-ايي ،اعتذر على الازعاج اني اترخص
اجوان:ترخص وراح ضليت على صفنتي مصدومه
اني من خابرت ايات ذيج المره بعد ماخابرتني حاضرتني ماعرف بسبب أمه لغير سبب حتى هو حاضرني يربي شسوي ليش شمروني هلشمره
افتريت افتح الباب اول مافتحته صار بوجهي يريد يطلع وجه معبس بس يريد يتعارك بس لمحني وكف وحاشيته وراه يباوعون مصدومين ماعرف شبيهم
عبرتهم وردت ادخل استوقفني صوته
صائب:وين جنتي ؟
اجوان:وي صاحبي
التفتت اريد ادخل ماحس الا نتر ايدي من زندي
ودارني عليه ميفصلنه شي وجهه قريب عليه وعيونه بعيوني مخنزر يباوعلي بغضب عيونه ناطه يريد ينفجر أحسه كوه لازم روحه
صائب:من احجي وياج احجي بأدب لا اسوي شي
ميعجبج
اجوان:باوعتله بتحدي وابتسمت بطرف شفتي
::-خفت يمه كمت ارجف
نترت ايدي منه ودفعته ماتحرك شثكله درت وجهي عفته ورحت اول ما دخلت المطبخ اتلكتني عذراء وهاجر حاطه ايده على خده بقلق
عذرا:حيواانه وينن جنتي
هاجر:ضل بالنه عليج ليش هيج اتأخرتي
اجوان:كعدت يمهن على الكرسي التفتت عليهن
::-اخذني احمد للمركز انطيت اقوالي ورجعت بس هيه الإجراءات طولت
هاجر:كومي خل نروح يم امي كلبه نار عليج
دخلنه يم امي اول مالمحته هدءت ملامحه
ضمائر:خاله وين جنتي كلبي نار عليج ليش هيج اتسوين
اجوان:كعدت يمه بس ايده وطمنته عليه حجيتله وين رحت ضليت يمه شويه استفسر عن حاله مبينه كلش تعبانه خطيه من وره ابنه الله يساعده شلون عايشه وياه سولفت وياه شويه وهاجر يمنه بس عذراء صعدت فوك حسيته تعبت كلش عفته تنام ترتاح صعدنه اني وهاجر فوك اول مافتحنه الباب عذراء جانت حاطه الموبايل على أذنه من شافتنه كبل نزلته بعدين رفعته على أذنه
عذراء:يلا حبيبتي بعدين اخابرج اشوفج باجر ونسولف
اجوان:كبل سدته وجهه مبين عليه الارتباك كعدت هاجر بصفه تسأله
هاجر:منو هاي صديقتج شو ماعرفه
عذراء:تعرفت عليه ذاك اليوم من انتي غايبه حبابه كلش يتيمه وعايشه بيت خالته رادت رقمي وانطتيه
هاجر:ليش خابرتج بهل الوقت
عذراء: رادت تحاضير يوم الخميس لان جانت غايبه
هاجر:هزيت راسي بعدم تصديق أحسه ضامه شي من خوفه ووجهه بين عليه الارتباك
فرشت اجوان فراشه وتمددت واني وعذراء هم تمددنه اباوعله صافنه بالسكف وعيونه تبجي بدون صوت
هاجر:اجوان شبيج ؟
اجوان:ماكو شي
هاجر:دارت وجهه على جهه الحايط وغطت راسه بالغطه أحسه تكتم بجيه متريد احد يشوفه تبجي مرات افز بليل على صوت بجيه تبجي بصوت ناصر حتى منسمعه ضليت اتكلب حتى انام غفيت وماكعدت غير على صوته المزنجر
عذراء:والحسين اذا متكومين اجيب طشت مي واذبه على راسي
هاجر:كايمممه افتتهمتت
وخرت الغطه اباوع لفراش اجوان ماهيه
::-اجوان وين لعد؟
عذراء:طالبه نشيطه اول ماندسته طفرت من الفراش
راحت تغسل
هاجر:طلعت من الغرفه اتلكاني صائب استوه يطلع من غرفته صبحت عليه رحت للحمام دكيت الباب
اشوف منو جوه طلعت اجوان عيونه حمر
هاجر:شبيهن عيونج
اجوان:الصابون طب بيهن مشوفيني شلون المض
هاجر:ضحكت عليه تقلد على نفسه
اجوان:رحت للغرفه لكيت محد موجود استغليته حتى أبدل كبل طلعت ملابس نزعت بسرعه استوني اريد البس الصدريه واندكت الباب لبسته بسرعه ورحت افتحه اول مافتحته صار بوجهي فتحت عيني بصدمه اتذكرت نفسي بدون حجاب كبل سديت الباب بوجهه شكد ميستحي شكو يدك بالباب مو غرفه بنات
لبست حجاب وفتحته من جديد لكيته على وكفته
::-خير من الصبح
::-هو اليشوف وجهج يشوف الخير
::-شترييد
::-هاجر وين
::-ضامته بجيبي
::-متلوكلج دمج كلش ثكيل
::-مو اثكل من دمك
::-احجي وينه؟؟
::-نزلت جوه
اجوان:عافني ونزل طبكت الباب بكل قوتي شلون جهره صبحت بيه اني مشطت شعري ولفيت حجابي عدل ونزلت لكيتهم كاعدين والبنات يحضرن الريوك
بس لمحني خزرني رجعتله الخزره مشيت مامهتمه
هاجر:اجت اجوان يمنه نقلنه الاكل وكعدنه ناكل
وديت اكل لامي ورجعت للصاله كلنه ملتمين
هاجر: شويه واجت اجوان كعدت يمي وهمست
اجوان:وديتي اكل لخالتي
هاجر:شفته كامت راحت لغرفه امي اباوع على سهام وميسم يباوعله
كملنه الاكل صعدنه اني وعذراء نبدل كملنه ونزلته
وصلنه صائب للمدرسه نزلت ويانه اجوان قبل لاانزل صاحني صائب
صائب:هاج ذني مصرف انتي وعذراء
هاجر:اخذتهن منه دخلت للمدرسه وبدت المحاضرات
___________________
فضل:طلعت الصبح دكيت الباب طلعلي ابن رضا
::-وين عمك
::-راح للمدرسه
::-شيسوي للمدرسه شنو يريد يرجع يدرس
::-لا راح يوصل هاجر وعذراء والبنيه الجديده
::-دطب طب سويلي درب خل اشوف عمتي
طب ليجوه انتضرته شويه وطبيت وراه لاكتني سهام
سهام: السلام لله
فضل:وانتي كلتيه لله مو للعبدالله
عفته ودخلت لعمتي
فضل: صباح الخير
ضمائر:صباح النور هلا يمه
فضل:كعدت يمه اسولف دخل صائب
صائب:شبيك ماشايف يوميه جاي ماعدكم بيت
فضل:ماجاي لخلقتك جاي لحبيبتي عمتي
بست ايده بعناده لان هيه زعلانه منه وهو يشعوط من يشوفه تتجاهله مستغله استفزه ميت ضحك عليه شلون يغار عليه من اسولف وياه لو ابوس ايده
كعد بعيد عنه يباوعلنه ويدخن شعوط اشعوط وهيه لابسته اتسولف وياي
صائب:كافي ماشبعت شبيك لازك
فضل:ماكاعد على كلبك اذا ماعاجبك كوم منا
اشوفه شلون ينافخ ضايج
ضمائر:يمه وهسه وين راحوا ؟
فضل:عمه حال الضيم حالهم أجرة بيت وباعو هذا البيت بسعر رخيص كلش من وره ابنج
ضمائر: ليش باعو رخيص
فضل:غير كاتب على الباب مطلوب دم
يازوج يشتري بيت واحد مطلوب عشائريا
ضمائر:سوده بوجهي اتهجرت الوادم اخ يالقهر
فضل:يلا عمه لضوجين مو زين عليج دبرو أمورهم
وكاعدين وعايشين حياتهم
صائب:وليش تحجي بالتفاصيل لو الا تحجي مترتاح
ضمائر:أاانته بالذااات لتحجييي ولا حرفف
صائب:يمه تدرين بيه ليش هيج سويت ماكو داعي اشرح
ضمائر:وهذا الشي صحيح اخ شكول لربي من اموت شلون اوكف كدامه
فضل: إنشاء الله عنرج طويل عمه
اجه يريد يبوس راسه دارت وجهه عنه متريده
خله وطلع ضايج
ضمائر:كوم يمه شوف وين راح خاف شيصير بيه
فضل:هوه اني مبتلي بي ...
يتبع🦋