وصية رسول الله ﷺ
بقلم:
Rowan Mahmoud Dawoud.
.
----------------
اقتباس
"في نهاية اليوم تستوعب أن الأيام المشحونة بالإنشغال تحفظك من خطيئة الإكتراث لتوافه الأمور."
~محمد هاني~
-----------------
وفي يوم جديد استيقظ على اصوات ضوضاء في الخارج استقام في جلسته وامسك هاتفه ينظر الى الساعه....مهلا الساعة الان التاسعه واليوم عطله وقد نام الجميع بعد صلاة الفجر اذن ماذا يحدث.
نهض من فراشه متجهها الى الباب وما ان فتح الباب حتى وجد احدى وسادات المجلس تصطدم في وجهه وعم بعدها الصمت.
ازاح الوسادة عن وجهه بهدوء مخيف ينظر للجميع حسنا ابنة عمه العزيزة وتوأمها المزعج يتشاجران كالعادة وشقيقته تساعد في اشتعال الشجار.....القى الوسادة جانبا يشمر عن ساعديه يقول بهدوء:
-اهلا بالحبايب شكل العلقة بتاع اخر مره وحشتكو.
-طيب علقة على الصبح كدة ما فيش صباح الخير يا شوشو ولا صباح الخير يا ابو سمرة حتى ولا صباح الخير يا جوجو طيب.
نظر لها آسر بتشنج قائلا:
-جوجو وشوشو وأبو سمرة ايه الأسماء دي.
-ده دلع يابا.
-يابا؟!.....غوري من وشي يا شروق اشكال تسد النفس عالصبح.
قال ذلك وهو يتوجه الى المرحاض فالتفتت شروق لشقيقها قائلة:
-كدة اعتقد يا سامر ان احنا فلتنا.
أومأ سامر برأسه بالإيجاب فرددت بروج:
-لا ما اظنش....لو آسر عرف انكم بهدلتوا الشيتات اللى هو عاملها وانتو بتحدفوها على بعض هيشرحكو.
نظر لها سامر يتوسل لها ان تنفى ما تقول ولكن ملامحها الجادة تلك اثبتت له العكس فردد بولوله وهو يلطم وجنته:
-يا صغير عالموت يا سامر يا مرارك يا سامر ياللى ما دخلتش دنيا يا ضنايا يا مرارك ياما.
-الله بتولول ليه يا واد.
قالتها رانيا اللتى خرجت من المطبخ تحمل بعض اطباق الافطار فعقب سامر على حديث زوجة عمه واللتي تكون خالته قائلا:
-ابنك هيشرحني يا خالتي هيبيعني اعضاء في السوق السودا.
-ليه يا موكوس؟
-بصي يا خالتي أنا كدة بكل هدوء كدة كنت بتخانق مع شروق قامت بنتك الحلوة دي حطت البنزين على النار قمت كدة بالصلاه على النبي مسكت الشيتات بتاع آسر وحدفناها على بعض ودلوقتي اتلغبطوا ومش عارفين نعمل ايه.
نظرت رانيا للأوراق بتفكير قائلة:
-بصوا هو دخل ياخد شاور يعني هيتأخر شويه هو آسر بيرقم الصفحات فانتوا هتقوموا مرتبينهم حسب الرقم وخلو بالكم من اسم الفصل لان آسر بيدرس لأكتر من فصل.
نظرت بروج للاوراق قائلة:
-بس دول مش مترقمين يا ماما هنعمل ايه؟
-يبقى عوضكوا على الله في عمركو يا حبيبة قلب ماما يلا عشان ناكل.
♡ROWAN DAWOUD♡
-بت يا لميس.
نظرت لميس لشهد اللتى دلفت للمطبخ للتو.
-وراكي ايه يا شهد اوعي تكون مصيبه.
-لا يا شيخه استغفرالله وهل أنا وجه ذلك أنا بس عاوزاكي تخرجي معايا نعمل شوبينج.
نظرت لها لميس بدقه قائلة بشك:
-شوبينج بس يا شهد ولا مصيبة اعترفي يا بت اخلصي.
-احم هو انا مكشوفة اوي كدة انا عوزاكي تيجي معايا معرض الكتاب في المنصورة.
شهقت لميس بصدمة قائلة:
-المنصورة؟ المنصورة يا شهد كان ماله المعرض بتاع القاهرة ....ما ينفعش يا حبيبتي لو روحنا لوحدنا ويوسف عرف هيقل بقيمتنا.
-لااا ما هو....احم ما هو انا بقولك عشان تحاولي تقنعي يوسف نروح حتى لو هييجي معانا مش مشكلة.
-أنا يا بنتي انتي بتكلميني انا؟!
قالتها لميس وهي تنظر حولها لعلها تحدث شخصا اخر فقالت شهد:
-هو فيه حد هنا غيرك؟
-أنا وأقنع يوسف في جملة واحدة ده كدة بتحمليني فوق طاقتي أنا مش حمل شخطة منه ولا زقه.
ما كادت شهد ترد عليها حتى سمعا صوت فتح باب الشقة ثم صوته يقول بصوت مرتفع:
-السلام عليكم.
نظرت لميس الى شهد بمعنى أنه لا فائدة ثم خرجت من المطبخ تقول:
-وعليكم السلام حمد الله عالسلامه يا حبيبي.
-الله يسلمك يا روحي جهزي نفسك انتي وشهد عشان هنروح نستقبل ابويا في المطار.
- بابا عادل جه وحشني أوي.
-وانتي كمان وحشتيه وهو اللى طلب تيجوا معايا امال فين شهد وأحمد؟
أشارت لميس للمطبخ قائلة:
-شهد في المطبخ وأحمد في الدرس هتاكل.
-لا ما فيش وقت يا دوب نلحق.
.
.
.
.
.
.
.
♡ROWAN DAWOUD♡
وفي مكان اخر يقف يربع ذراعيه يناظر ابن عمه المزعج وبينما الآخر يصيح فيه:
-فكني يا آسر بقولك.
نظر له آسر ببرود قائلة:
-لو جيبتلي وزير الداخليه مش هفكك وهتفضل كده لحد اما عمي ييجي ويفكك بنفسه مع اني اشك انه هيفكك.
-يا آسر ابوس ضوافر ايدك ضافر ضافر فكني بدل منظري الزباله قدام البنات.
نظر آسر لشروق وبروج ثم اعاد النظر له قائلا:
-وماله يعني ما تكونش خطيبتك مثلا دي اختك التوأم وأختك في الرضاعه عادي يعني متعودين على قلة قيمتك.
-ايوه يعنى هفضل مربوط كده لامته.
قالها سامر وهو يحاول تخليص نفسه من تلك الحبال فعندما علم آسر بالجريمة اللتى افتعلها وهي افساد اوراق الاختبارات اللتى اعدها قام بتقييده في أحد أعمدة البيت كان يأمل أن يغير آسر رأيه ويفك وثاقه ولكن جاءه الرد لامباليا من آسر وهو يتحرك جهة غرفته:
-لحد اما عمي ييجي ويفكك.
دخل آسر الى غرفته واغلق الباب على نفسه فقالت بروج موجهة حديثه لسامر:
- كدة افقد الأمل انك تتفك غير على ايد ابويا لأن عمي مش هيفكك.
-ولسه دورنا جاي يختى ما تستعجليش.
قالتها شروق وهي تمني نفسها بيوم سيء هي وبروج فقد توعد آسر لهما بالكثير ولكن في وقت مذاكرتيهما.
ثم قالت لسامر:
-ده انت احمد ربنا انه ربطك بس وانك في هندسه ومش هيذاكرلك ده احنا هناخد منه اقلام لما نشبع.
وفي الداخل تلقى آسر مكالمة من شقيق مخطوبته فتح المكالمه يلقى التحية يستمع الى كلمات الطرف الآخر ثم انتفض واقفا يقول وهو يتجه ويبدل ملابسه ويقول:
-يعني هو عاوز يقابلني دلوقتي؟؟.....طيب طيب ربع ساعة وجاي.....وعليكم السلام.
ثم ارتدى حذائه وخرج من غرفته ومن البيت بأكمله.
♡ROWAN DAWOUD♡
فوت وفولو وكومنت بليييز.