اللهم صل وسلم على نبينا محمد وعلى آله وصحبه أجمعين
.
.
.
.
باوعتله مضيقه عيوني
وتين : عود ليش؟
اخذ نفس من الجكاره وضيق عيونه
ادم : لانو ماكو بعد
عمه تاشرله بعيونه حتى يسكت وهوا مركز معايه يريد احجي،بعمري ماسمعت كلام احد شكد جانو ويلاد عمامي يدخلون بيه واسوي بعنادهم حتى الحجاب لمن ابويه كلي لبسي رفضت وحرك الدنيا ومحد قنعني بي غير عمه الي باسلوبها تسحب غضبي وتهديني،كمت على حيلي اخذ شالي من الميز
وتين : يلا عمه اني رايحه
مشيت للباب وعيوني بعيونه بتحدي وهوا ياخذ يدخن ويضيق عيونه من وصلت ليمه زفر الدخان لجهتي طلعت وسديت الباب بغضب مشيت للبيت واني ادردم منو حاسب روحك متكلي اول مفتت لغرفتي مسكت جهازي وطلعت صوره لنص وجهي ونشرتها على اغنيه الأصالة
هل تعلم مهما يحكى عنه
بعذره لانه احنا اصلا مستفزين
كتبت احنا اصلا مستفزين وحطيت جواها خطين حمر ونشرتها شويه وكبل شافها حسيت بانتصار مو طبيعي شغلت الاغنيه وفكيت شعري وضليت اركص واباوع للمرايه بين قوصين فصلت طفيت الاغنيه وكعدت اقرا ليما تعبت وسويت روتيني المعتاد ونمت كعدت ثاني بدلت وطلعت اتمشى حتى اروح لبيت جنا نسوي فره ع الشله ونروح للمدرسه بعدني دا اعبر دجه بابنه جان يدك هورن بسيارته الواكفه يم بابهم مهتميت كلت مو الي كملت مشي وكفت سيارته يمي
ادم : صعدي خلي اوصلج
باوعتله ورجعت درت راسي امشي
وتين :؛ شكرا هسا شويه واصل
ادم : دتعاي طلعي يلا يمعوده
صعدت وحطيت جنطتني بحظني وهوا طلع من للشارع العام مع انو مدرستي بالافرع
وتين :وين طالع
ما ردت عليه ضل يمشي لحد مفات بجوله مبيها احد طفى السياره وطلع باكيته شغل جكاره اخذ منها نفس وحجه
ادم : ليش نشرتي صورتج البارحه
تنرفزت اباوعله بغضب وهوا ولا يمي يباوع لكدام ويدخن راجي ايديه على مخده السياره
وتين : كلتلي اوصلج وين جبتني راح اتأخر ع المدرسه
ست الجكاره من الجام واسده اندار عليه باوعلي وحجه
ادم : ولا تغير طبعج بعدج شايفه روحج
وسعت عيني اباوعله ليش ايمت حجيت معايه علمود شايفه روحي رجيت راس ع الكرسي
وتين : يحقلي
ضحك بخفه يهز براسه شغل جكاره ثانيه وعدل كعدته يباوعلي وياخذ نفس من الجكاره
ادم : ليش نشرتي ورا مكتلج لا تنشرين
وتين : ما احب احد يتحكم بيه
ادم : واذا جنتي على غلط
وتين : اني ما اغلط
ادم : نرجسية
زفرت نفس بغضب بس اني اجذب بالعكس جثير فرحانه لان حسيت نفسي حمسته باوعتله ورفعت حاجبي مبتسمه بطرف شفتي
وتين : هسا انت شتريد
ادم : لتنشرين صورج بعد
ضحكت ضحكه قويه حسيته تنرفز
وتين : ليش تغار
زفر نفس حرك السياره بدون ميجاوب
شفته طلع لطريق المدرسه وبقيت ادردم هسا
نسد الباب منين يفوتوني جان بس يباوعلي ويدير وجهه للطريق شخط السياره يم باب المدرسه كسر عظامي نزلت ونزل وياي
عكدت حاجبي باستغراب شجابه هذه دك باب المدرسه وطلعت ام ياسر ترعد رعد شكد كريهه ولا تنحب بالف يا زور يلا دخلتنا اول فتت اتمشى للصف مالي وهوا وراي كلبي يرجف رجف من يشوفه جانت عدنا ام الأحياء دك الباب اني دخلت وهوا ضل يحجي ويا المدرسه شويه وراح وكل الدرس نفس تكرص بيه والبنات بس تندار المدرسه يباوعلي يسوولي بسيطه بيدهم
مرام تخوف اول مدخلت تباوعله وترجع تباوعلي والقرآن خفت منها بس خلص الدرس وطلعت المدرسه اندرات نفس الي واجت مرام من رحلتها تركض تصفك بايدها ونفس مع الخيل يا شكره تصفك معاها اباوعلهم حابسه ضحكتي مرام تعوج حلكها وتحجي
مرام : والله ما احب سوالف مضرطه هاي يا جذابه يا خاينه تعرفين كم واحد رفضت من رراجج كل ما اكلج لا ولج لا تقربين لجنس ادم ما منهم غير وجع الراس تالي تجيني هليوم مع ادم شخصيا
متتت ضحك عليها ونفس متخصره وتهز جسمها
عود متعصبه عليه الفاهيه
نفس : ممكن توضحيلنا ست وتين
توني دا احجي وجان تفوت مدرسه للصف
ابتسمت بانتصار ومرام اشتعلت شويه وتنكص اصبعها من قوه العضه العضتها كل الدرس ما مركزه وابتسم بداخلي شكد جنت افكر ذيج الفتره ان مستحيل يباوعلي بسبب بروده متت كلبي يرجف شعور يجننن شعور البدايات غير
خلص الدرس واجت الفرصه واجتمعو البنات حجيت الهم كلشي هاي التكلي فكي معاه وهاي لتكلي لا ثكلي بس براء جان الها رأي ثاني
براء : اني اكول لا تنطي مجال ابد اذا يريدج خلي يخطبج حتى لو بس تقرون الفاتحه والله هيج احسنلج
كاعده كدامي بحضنها دفتر،،صارت بطني تخبط وكلبي يدكك بسرعه
دلال : اني هم رأيي من رأيها
كاعده ومرام راجيه ايدها عليها ورجليها على نفس عبالك بيت الخلفها أذكر فد مره لمحتها المشرفه ورزلتها رزاله حشك ولبك بس ما توب،
مرام : لا ولكم خلي اول شي تفهم مشاعره بعدين
باوعت النفس ساكته ايديها جوا حنجها هزيت الها راسي بمعنى وانتي اخذت نفس وزفرته
نفس : شمدريني
مرام : انتي ايمت دريتي متكليلي
نفس : من جوعانه معرف افكر شبيكم عابت
رجعت للبيت افكر بكلام براء مقتنعه بي بس بعد وكت علي يعني اني اصلا مو متأكده اذا هوا يحبني او لا وصلت للبيت بدلت وغسلت ورحت فرغتلي اكل اباوع برامج كوريه عن الايدول فاتت امي للمطبخ كعدت كبالي
: ام علي رايدتج لابنها الصغير كايله لاختج الولد شايفج وعاجبته حيل
اخذت نفس احاول اهدي نفسي واتمالك اعصابي
ستيت المعلقه من ايدي رفعت راسي الها
وتين : تعرفين جوابي ليش كل مره تغثيني
: لج الولد محامي واله سمعته وعنده ماركت بال.... وعنده كاع ورا ميزوج يبنيها شبيج متكليلي
وتين : إنشالله ميكون ملياردير كتلج ما اريد ازوج شبيج تحمليني هل ثلاث سنوات بس يصير عندي راتب مشوفين وجهي بالبيت بعد
عافتني وكامت ضلت تصيح وتعد وتصف انسميت كلما اكل انسم ضلت تدعي عليه بدعاء يهودي ما يدعي وكفت الغصه ببلعومي عفت الصحن
وكمت دا افتح باب المطبخ اجت وراي تهدد باصابيعها
: شوفي ولج والقرآن اتمم هل زواج لو تموتين
خليها ابالج
طلعت عدل لبيت عمتي حتى بدون حجاب بس حطيت الكبع مالت الهودي براسي لا بشت لا شي بس بالهودي والستريج اريد اصل لحضن عمتي وابجي بس بحضنها ابجي براحتي دكيت الباب مره ومرتين لحد ما اجا راغب فتحلي الباب
باوع الوجهي
راغب : شبيج وتين
دفعته وفتت ادور على عمه اول مفتحت باب المطبخ جان متمدد بس شافني تعدل كعد ومن انتبه لوجهي وكف على حيله فات يباوع لراغب بمعنى شكو دخلت للهول وعدل لغررفه عمتي بس فتحت الباب جانت كاعده يم الصوبه تنسج وتسمع قصص باليوتيوب من شافت وجهي كامت على حيلها اجت تركض عليه مبين على وجهه ملامح القلق
عمه : شبيج يمه كلبي شبيج
حضنتها وانفجرت ابجي واشهك من اذكر دعواتها عليه بس صوت شهكاتي ملت المكان وعمه بس تريد تعرف شبيه مسكت ايديه كعدتني اخذت كف أيدي بين ايديها
عمه : احجيلي عمه بس كليلي شبيج منو معاج
وتين : كلت الهم ما اريد ازوج كل يوم جايبتلي واحد من اكللها ما اريدو تضل تدعي عليه
احجي واشهك جنت منهاره لحد ما هدتني عمه ووعدتني تحجي معا ابويه تمدد بحضنها ضلت تمسد على شعري لحد ما غفيت فزيت عليها هيا وتحط راسي ع المخده بين النايمه والكاعده اسمعه يكول لامه
ادم : شبيها
عمه : خطيه والله علوا لو أكدر أخذها تعيش يمي شكد متعذبه هل بنيه
ادم : غير تحجي يالله
عمه : ولك يمه امها مدري شتريد منها تريد تزوجها وهيا يطير عقلها تكول عمه اريد اكمل دراستي واعتمد على نفسي واسافر ما اريد ازوج
ادم : لمنو تزوجها
عمه : شمدريني يمعوده مكدرت افهم منها شي جانت فاقده خطيه ادم هاويها كلبك مو
ادم : راح تعبني جثير يوم عنيده
عمه : وتين كلبها ابيض ثلج بس تريد من يهتم بيها لان مشافت اهتمام
ادم : يمه ما نطتني مجال
عمه : ادم أعقد عليها
.
.
.
اسفه على تأخير البارت وشكرا لكل البنات الي دعموني وشجعوني بالكلام اللطيف شكرا من القلب
دمتم بخير ❤️❤️.