فأنا الباكية بلا احزان
وانا الفارسة بلا عنوان
وأنا البركان في غضبي
انا الأوجاع في قلبي.
وأنا المجروحة من صغري
انا الموجوعة لن اصرخ لأني أمرأة عفوانيه.
_______________________
ود : كاعدة بالهول بيدي الفون أخذته من ماما قبل لاطلع اتصفح بي بملل البيت هدوء لو اشمر ابرة أسمع صوتها وهذا الهدوء عكس الثورة البداخلي
كسر الصمت صوت أحمد
وداد مظل وكت راح يصير المغرب اروح اشوف شجيب عشى هسه هما أكيد على جية
.. اوك اجي وياك اساعدك
.. لالا ابقي كاعدة ادري مالج خلك
ابتسمتله بجمود ههه ترى مبية شي لاتخاف عليه
.. غريب امرج كل هذا الديصير وانتي دمعة موكعت من عينج والله كمت احسدج على هاي قوتج
اني لو كنت بمكانج يمكن انصبها مناحة وتالي انذب مستشفى من القهر
.. ههههه لاتحسدني ولا احسدك ويلا امشي جيب عشى إكيد المغوار وفلك عله جيـه.
_______________________
فلك :فزيت ع صوت باب انفتح واصوت خطوات تتقرب عليه
واحد يتقرب عليه
دقايق وبعد رجع صوت خطوات وانوب هدوء ثواني وصار صوت شي ينسحب
وانشمر بكل قوة وبهل اللحضه صوت صرخه قويه وبعدها راح الصوت
بعدها اتكرفصت ع روحي
طبكت رجليه ع صدري وضليت
ساكته لا اكدر اسوي شي ولا هم يحزنون ع شني اتعب روحي وابجي اول وتالي راح يقتلوني وبلكي هل المرة موتي واخلص
ساعه اتمدد بصعوبه ع وجهي لان ايديه وارة ضهري وساعه اكعد واتكرفص ع روحي
كل فترة اسمع صوت صراخ وكأنو ديقتلون بشـر
صكيت من الخوف ورجف جسمي تأذو أديه من الوجع بس حلكي مصمغ وعيوني مشدوده لاأكل ولاشرب ومرات يغمى عليـه وصحا ألكه نفسي بمكاني تمنيت يجي احـد يقلتني ولاهل ذلـه
ڰمت اركع راسي بقوه بالحايط حسيته حينفـجر وماكو فايده
لحد ما غفيت بس هل المرة عبالك فقدت كتلني الجوع والعطش وانا ع حطتي بس صوت الونين والصراخ يتكرر براسي تخبلت ڰمت بس اسمع حركه ارعب
سمعت احد ديفتح الباب سويت نفسي نايمه اريد أشوف منو هذول بس للاسف ماڰدر اشوف وشيردون معقوله حيقتلوني ان شآء آلَلَهّ لا رجعت نمت
فزيت ع روحي مخترعه حلمت حلم يموت خوف يمه چن اجوني أشخاص كبار شكلهم يخوف ربطوني ونطوني أبره ماعرف شنو وبدو يتفحصون جسمي وكأنو خايفين من شي بس شكلهم وحوش موبشـر .
احساسي بهاي اللحضه عبالك
ملك الموت جاي حته يقبض روحي
بس ياريت لو صدك ملك الموت
جايني حته يخلصني من هل
الحياة كضيتها من عمامي لشارع وكلساع احـد ماخذني ماعرف شمسويه وهيج جاي أتعذب
فزيت ع صوت طكطكه صار وفتحه الباب يعيط واني بالكوة اجر النفس احس ماكدر اتنفس
عيوني بعدهن مشدودات وحلكي مصمغ
وايدي ورجليه ماكدر أحركهم من الجوع
اختنكت مادري شسوي
بس ادموعي اتجر ع خدي هي يا يوم وكفت حته توكف اليوم
_______________________
ود : طلع أحمد جاب عشـه حطيت شالي ورحت أساعده
عيب شيڰول عليه خدم عدها زين منهم من ديساعدونه
سمعنا صوت سيارات أحمد كال يمكن اجوي
مجاوبته ظليت واكفة بمكاني
صوت هوستهم بالحوش
فاتوا للمطبخ جانوا يباعون عليه بقهر
أحمد والمغوار بسرعة تركوا المطبخ راحوا للهول
جنت اسمع أحمد يحجي ويا ويسأله شسووا اهناك وشصار
جانن يجاوبه برتباك عرفته ميريد يحجي شي كدامي يخاف لا انقهر
يا الله معقولة اني وضعي صعب الهدرجة والكل مقهورين علينه
اجة المغوار وكف بصفي مد ايدة اخذ بطاطاية وهمس بأذني
.. أريدج دوم هيجي قوية جبل ميهزج ريح ارفعي راسج يبويـه بنت عمج مارجعتها عذريني بس أوعد أرجعها الج.
.. المغوار عافني وراح استغربت من كلامة هو بحياتة موكف وياي بس فلك وين ليش مڰال شصار الها معقوله قتلوها لالا مستحيل فلك متتركني وحدي ڰمت أبجي وطلعت بره املخ بروحي وينننن رحتتي فلك تعاي شوفي أهلي شسوو بيـه ولـج ماعندي اهل وسند مثلللج ضليت أتحسر ياربي اريد فلك منك رجعها وخذ عمري فدوه لأسمك ربي.
صحاني من شرودي صوت أحمد مركز عليـه.
اجة احمد يمي فتح ايدي وخلى بيها قلاده بيها سيف الأمام علي ڰال خليها عندج راح تحميج وتحمي بنت عمج.
... ود هزيت راسي ولبستها برڰبتي أشكرته ودخلت للمطبخ.
.. حطيت طاوه وبديت أقلي البطاطه طفر دهن عله أيدي ماحسيت أله أحمد سحب أيدي ويهفي بيهم
سحبت أيدي بقوه ودفعته منو سمحلك تتقرب مني نطيتني قلاده مومعناها انـو سمحتلك تتقرب مني خلي حدود بيناتنه تمام لاتفكـر تلعب وياي وتفضل اطلع يلا.
أحمد.. همست بأذنها وعلي اذا ماكسرت هذا خشمج العالي فلا اتسمى أحمد وهاي عيونج الوكحة يجي يوم افكسهن ألج
ود :- ابتسمت بثقة اني خشمي مايدنك غير بس للخلقني امة مجايبتة اليكسره
وحق أميري علي الأنت حلفت بي قبل شوية اله اندمك لوحاولة بس تتقرب مني وحندم كل واحد يحاول يأذيني .....
_______
فلك :- ابجي وحجي وي نفسي
يمه تعاي حبابه تعاي بس لمرة
وحده تعاي نقذيني خذيني وياج
يمه تعاي اترجاج تعاي بابا بابا
حباب تعال موتحبني أنتَ موعزيزتك اني
تعال ساعدني بابا خذوني يمكم شيبت بصغري
بابا تعال شوف بنتك شحاله دهورها الوكت والزمن.
حبابين تعالو اني اخاف خايفه والله خايفه شهكت بكتمه من انشال
الغطه عن عيني
ضليت افتح واغمض افتح واغمض
من الغواش لدرجه حسيت اني انعميت
لان جنت محبوسه فترة كو گصيرة
عيوني يجرن دمووع ياربي ما خلصن والله الدموع ملن مني من كد البجي الي بجيته
حاولت اركز اكثر شفت واحد
كدامي مكنبز وكاعد وجهه مغطه
بشي اسود مثل اللثام من جواة عيوني
الركبته
عيونه بعيوني ويخوزر بيهن
مادري منهوو هذاا ولا مرة شايفته
اتقرب عليه ورفع شعري عن وجهي ويحجي بهمس: بت ال*** شكد اتونين وتبجين كااافي عود صايرة شريفه بت ال***
عيني بعينه وانا ابجي واهز براسي
بقوة اريد احجي اريد اكول اني معليه بيهم هما كو*** اني معليه
اتقرب اكثر وسحب الصمغ عن حلكي
بكل قوة احس شلع شفايفي صرخت بقوة: اخخخخخ يوجع
ــ يوجع مو شكد يوجع كليلي
حييل موو حيييل
اتحبين القوة ب** اكيد
كحب.. بن** ل شبعو منج وشردتي فرخه صايره مالـ
ني****
حجيت بقهر وشهكه: انجب
انت الفرخ يا... وقبل لا اكمل حسيت
بوجهي طبك ع الحايط وايده بركبتي ويعصر بيها بقوة
تفل بوجهي ورڰعني راجدي حسيت خدي نشال
متت قهر ردت ..
فلك : تفلت بوجهه ودفرته :
حقير نذل تستقوي عليـه لوبيك خيـر شيل الربط مني
واني اراويك شسوي بيك ياجبان
ڰاملي ڰاز عله سنونه وسحبني وشمرني بقوه اعضامي حسيتهم طڰن من القوه
صحت بصوت يهز الميت
ااااااااااخخخخخ يممممهههههه اللله ينتققـم منك
ياااحيوان عووفني ياخسيس بيكك خخير
طلع رجولتك وي البشارع مويمي صاير أرنب
أجه حط بسطاله عله ࢪاسي
أستحقرة نفسي من هاي فعلته لهل نذل بس مابين
ولانزلت دمعه مني مادري منين اجتني القـوه ودفرته
حيلل.
فـك عيونه يضحك-:
وردف بصيغه تلعب النفس هسه بده العد التنازلي ياذيبه
_______________________
مساء العسل غوالي
مشتاقتلكم كووومات
رجعت وياكم بارت علمـا اكل باقـي الاحداث
ونزلها فـرد مره وانـي انطيت علم للبنات الي بالقـنا
وماقبلت انـزل بارت
بس علمودهم وحلفوني بخالي انـزل وهاي نزلته يمؤنساتي احبـكم.
الانستا بالبايـو ذا تردون تابعوتـي 🫶🏻🫶🏻
وهاذ التلي ڰرام. ᰔᰔᰔ
https://t.me/Maia_s1