ههلاو قلبـي🌚💙
#الكاتبه زازا
#ابوضبع 904
قلبي لاتنسون التصويت +تعليق على كل فقره لطفاً🫶
اعذروني عن تأخير بـ تنزيل لبارت بس لخلل مو مني ولله ابرولي ذمه ياروحيَ 🥹
حساب الانستا للتواصل معي ومع الابطال
its.zlzala0
إجَيتك و الدَرُب عاگول
و أحسه لخاطرَك مَرمَر ♥.
"" "" "" "" "" "" "" "" "" "" "" "" ❥َ َِ
"نيلا"
مرت الايام وجانن احلى شي مرُو بحياتي كأني ولدت من جديد من بعد مانخطبت وعقد عليه وصرت زوجته رسميه وباركولنه ضلام وصكر ونوره اكيد ماعفتني صارتلي اخُت وعمر كلمه قليله اوصفه عوضني بكُلشي جنت مفتقدة صارلي اهل اعترف اني هايمه بكل تفاصيله هوه روحي وسندني وعوضيَ جنت لافه روب فوك تراكي اكل نستله انتظره يجي واكفه بلباب شفته فتح باب لبيت دخل فكيت عيوني ضاحكه اجه بأتجاهي مبتسم بفرحهَ فتح ادينه لحتى احضنه ركضت غصت بحضنه اضحك وهوه يبوس بخدودي حجيت بزعل
نيلا-: وينك عني هاا مفكرت بيه ماكلت هاي حبيبتي وزوجتي عايفهه من صبح وهسه ضلمت دنيه يلا أجيت يلا كول وين جنت تخوني مو مو
عمر-: لاوعيونچ تعاي جوه اسولفلج شسويتَ
لف ايده ؏ متني تمشينه جوه قفل باب لمبطخ شالني خلاني ؏ كاونتر مسحت حلكي بأيدي هوه بقه يتحارش عطت بي ضحك حك ارنبه خشمه حجه
عمر-: شوفي تدرين بأخر فتره من بعد مابيدي كتلت مختار وياي؟
نيلا-: اي وياك وشسصار؟؟
عمر-: من بعد ما مات مختار طلع اله ضهر ولحد هسه همه يدورون بينه
نيلا-: يبوووو عزا صدك؟
عمر-: والله العظيم
نيلا-: زين ليش هيج متلوعين انتو ثلاثه وخاصتاً ضلام عود ليش
عمر-: اكو سر بلماضي خطير
نيلا-: وهل سر شنو هوه
عمر-: شوفي مختار وضلام جانو اصدقاء فهَ من بعد ما ضلام جان هوه ويا روح بروح هوه مختار انطه سلاح لضلام كاله خلي وياك هوه هنا ضلام كاله تريد تورطني هوه كاله لا كلشي يصير بهاي دنيه فه ضلام اخذه وصار يخلي بخاصرته وين مايروح صارت مشاكل بين ولد عمه هوه ابن عمه لمرحوم مادري شمسوي وضلام هنا فاقد يعني اني اول مره بعمري اشوفه هيج ينكلب شيطان رجيم
نيلا-: دخيلك ربي شكاله ابن عمه لحتى ضلام بيده نهى حياته
عمر-: صارت ناس دمي ناس وضلام خله ابن عمه مدمي لطول طول راد يعوفه بس هوه كوم واكف كباله فه كام يعيره بموضو؏ قديم حيل بس خط احمر عند ضلام هوه فقد عيونه نكلبن حمر من صدك من يمي خفت منه حيل تغيررت ملامحه وصار يرجف
نيلا-: يما اسم الله زين مفهمت شكاله
عمر-: كاله ثلث ارقام وهوه نهى حياته بأقل ثانيه طلقه براسه وعافه
نيلا-: صخاااام يمااااا ارقام شنهووو؟؟؟
عمر-: 904
عكدت حواجبي مستغربه حجيت باستغراب-: شنو يعني هل ارقام؟
عمر-: ولله يروحي اني هم مثلج ما ادري حالج حالي من افتح لموضو؏ ويا تتغير ملامحه ويفقد ؏ اخر يكوم لكدامه ميشوفه شكو شي كباله يدمي
نيلا-: لهدرجه!!
عمر-: وأكثر من تتوقـعين هذا ضلام قصته تخوف
نيلا-: ليش مايسولفلك مع العلم انته ويا روح بـروح ابد ماشفت انو يضوج منك
عمر-: هوه صحيح اني ويا سنين طويله بس هوه عيشني بوهم بلـ بدايه انو ألفلي قصه سكران وضربه ميدري وره ما قوت علاقتنه وعاشرني وصرنه سوه بكلشي حجالي عن مختار ومختصر سوا كتله شنو سبب وليش ضحكت علي كال ماضحكت عليك بس اختبرتك ردت اشوفك صدك ينگال عنك اخو زود لو هيج مملحه نفس مختار اني هنا صدكته بس جان بالي سالفه سألته عنه تغيرت ملامحه صار يرجف حجالي جمله وأكتفيت بيهه
"خلي ملچومك مدفون لايغرك لوكت وتخنان"
نيلا-: يعني شقصده!!!
عمر-: مادري بس لفهمته مايريد يحجي سره وعفته براحته بس مبين حيل ملچوم منهه وخطره بحياته بنظري
نيلا-: خطيه الله يكون بعونه سالفته تخوف ولله
زين حبيبي صكر شلون تعرفتو عليه
عمر-: شسوين بي
نيلا-: حابه اعرف شلون تعرفتو هاي
عمر-: صكر جان صاحبي من لبدائيه لحد ثانويه اني صراحه كسلان من الله خلقني
نيلا-: ههههههه
عمر-: اي وحق الله ههه المهم كل مرحله واني انام سنتين اخر شي لمدير تفل بوجهي طردني
نيلا-: متت يما ههههههه تدري اكو سؤال ببالي محيرني وكلما ارد اسئلك انسه
عمر-: اسئلي حبيبي
نيلا-: شسمه اهلك وين؟
عمر-: موجودين ڪلبي
نيلا-: زين ليش خافيهم وابد مشفتك حجيت بيهم ولاجبت سيره الهم وماشفتك يوم زرتهم
عمر-: خايف عليهم من كلشي اني شوفيني وحيد لهلي بس عندي اخت وغير امي وابوي واني مخليهم بعيدين عني يجوز بسنه حسنه اروح خايف لا ذوله اعدائنه يكتلوهم اموت وراهم ولله
كلبي نعصر لزمت وجهي بأديه بست كصته اردفت-: اسم الله عليك لاتحجي هيج عمريَ انته الله يبعد عنهم شر ويطول بعمرهم
ابتسمت جريت ايدهه ناعمه بست بطن ايدهه حجيت-: اغدي فدوه للحنينه بنياتي انتي
نيلا-: يعيوني انته ابويه ضحك حضني شالني للغرفه
بقه يبوس واني من جهه ارد افاجئه دفعته بخفه عكد حواجبه مستغرب حجيت واني اوخر كذلتي لوره اذني
نيلا-: عمر شسمه لاتتقربلي
عمر-: وليش؟
نيلا-: شسمه مو باوع شسمه
عمر-: بيج شي حبيبتي شكو احجي
نيلا-: اني حامل
فك عيونه على وسعهن مصدوم تقدم عليه اكثر لزم اديه مثل ممصدك حجه
عمر-: بداعت اعزازج صدك؟
نيلا-: ماعرف بس شاكه بنفسي حامل لان شسمه تأخرت عليه هوه شسمه شهريه ووو، دنكت راسي خجلانه بس سمعت صوت ضحكته
عمر-: يمه يبعد كلبي ولج ان شاءلله حامل امشي نروح للدكتوره تفحصج ويارب لخبر زين
نيلا-: ويعني هسه نروح؟؟؟
عمر-: اي بعد وكت يلا بسع همي نفسج يلا بنيتي
نيلا-: ضحكت رحت ركض احضر نفسي لفيت شالي لبست صايه خلصت كلشي طلعت لكيته ينتظرني رحنه لدكتوره كعدت ؏ كرسي انتظر وهوه راح يشوفلي تقارير ولحجز شوي ورجع كعد ينتظر يطلع اسمي لحتى ادخل ربع ساعه صاحو اسمي كمت متوتره بداخلي فرح وخوف لزم ايدي عرفته يريد يطمني ابتسمتله دخلت جوه طلبت مني انام ؏ سديه كلبي يدك طبول فحصتني وسوتلي سونار واني بس ادعي وارجف خايفه خلصتلي كمت رتبت نفسي حجيت
نيلا-: طمنيني دكتوره شنو وضعي؟
-: حبيبتي انتي حامل ربي يكومج بسلامه
بقيت كاعده ؏ سديه ولدمو؏ لمعن بعيوني ضحكت وبنفس لوقت بجيت دخل عمر هوه هيج شافني انخرع اجه عليه لزم وجهي واني مادري منين نزلني هلبجي حجه
عمر-: دكتوره شبيهه مرتي ليش تبجي؟؟؟
-: ههه عادي فرحانه لان حامل الف مبروك
سكت حسيته نصدم دنك عليه يضحك مسح دموعي باس ايدي كمت ويا لحتى اشوف شنو وضعه ومن هسوالف
دكتوره-: لجنين بعده عمره اسبوعين ونص انتبهي نفسج زين تمام عمري وهاي راح اكتبلج علاجات ومن تخلصيهن وتخلصين شهر الاول بخير وسلامه تعاليلي
نيلا-: صار
كتبت لعلاجات لي لازم يجيبهن من صيدليه طلع هوه يجيبهن اجت بالي سؤال خاف اكلهه لو عيب حجيت بخجل وافرك بأديه
نيلا-: احم دكتوره
-: تفضلي حبيبتي؟
-: شسمه عادي زوجي يتقربلي هلفتره لو شسمه
-: ههههه عادي كلبي بس انتبهي لنفسج زين والتزمي بلعلاجات لي كتبتهن الج
نيلا-: ابتسمت الهه، ان شاءلله طلعت لاكاني عمر ثنينه مبتسمين بفرح بس هادئيييين لزم ايدي مشينه كعدت بسياره صعد مشه بينه وكف كبال محل حلويات شوي واجه جايب علاليك صعد مد ايده الي كفختني ريحه بقلاوه ضحكت
عمر-: جبتهن الج كلهن اكلي يبعد هلي انتي
نيلا-: ضحكت على سوالفه جايب عصاير ومن جهه حلويات شغل اغنيه لازم ايدي وكل شوي يبوسهه واني احس فراشات بداخلي مخليه ايدي ؏ بطني اتلمسهه فرحانه وصلنه للبيت نزل الغراض دخلت لغرفتي غيرت ملابسي لبست دشداشه گصيره كلعاده ارتاح بيهه كلش خفيفه ونص ردان رشيت عطر حليت شعري اغني ولازمه بطني اضحك دخل باوعت عليه من لمرايه درت وجهي ضحكت اجه شالني ضحكت من كل كلبي بقه يبوس بخدودي واني لازمه وجهه مدمعه عيوني نزلني دنك كنبص باس بطني حضني ضحكت نزلت دموعي ممصدكه تحقق حلمي تلمست فروه شعره كام عيونه حمر برطمت شفايفي لزم وجهي بكفوف اديه حجه بفرحه
عمر-: شكد جانت امنيتي اعيش هلشعوࢪ عندي زوجه صالحه واكون أسرة بس جنت اكول مستحيل واني اتحلم ومايتحقق بس صارت سوالف واني هسه عندي احلى واجمل مره شافتهه عيني وصارتلي صديقه وحبيبه وزوجه وام لطفالي اني شريد من ربي بعد غير بس يحفظكم الي من عمري على عمركم اتمنه من ربي يطول بعمري لحتى عيوني تنقري بشوفه ابنه وضحكتج لحلوه نيلاتي انتي عوض ربي انتي حلاوه سنيني ضايع صدكيني جنت مطشر وانتي لميتيني حبيتيني عوضتيني وصرتي وفيه شكد ماأحجي لو اضل طول عمري احجيلج حبي الج وشعوري هسه مراح يكفه انتي حلاوه سنين عمر ضايعهَ اعشكج هايم بكل شبر بيج اني عاشكج يبعد امي وابويه انتي .
كل هلكلام واني صافنه احس كلبي يدك طبول شهكت ابجي حضني بقوه بجينه ثنينه بست ركبته لزم وجهي حجيت واني اناشغ
نيلا-: انته كل اهلي اني وحده وسخه وبنت شارع بس بس ولله، مخلاني اكمل قاطعني
عمر-: اشش خلص هذا ماضي ابويه انتي لفات مات اني هسه بنظري اطهر بينه وهيه انتي ادري جنتي مجبوره على كلشي بس لحتى تحصلين لگمه وصدكيني ماقصر وياج بشي لأخر نفس بيه يـعزيزت گليبي انتِ
نيلا-: اني احبك الله عوضني بيك انته صرتلي اخ وصديق وحبيب وزوجي واهلي وابو اطفالي لاتعوفني صدكني من جدمي للراس بس الك وللموت ابقى الك
عمر-: اموت واحيه بتفاصيل حبج اليه
ضحكت بفرح قرب نفسه باسني بشفايفي وخر شعري عن وجهي لفيت اديه حول ركبته اعيش شعور لحب تجاهه وماريد ايشي من دنيا غيره شالني وهوه فقد بعد و و و و.....
____________________♕
بقيت مصدومه معقوله حبني معقوله!!!!!
دفعته حجيت واني معصبه
ايڤن-: شقصدك من هلحجي شنو احبج شنو شمامه كلبي شهل خريط
سند نفسه ؏ حايط ورث جكاره حجه
ضلام-: ومنو كال اني احبج صدكتي؟؟
رفعت حاجبي مستغربه-: ولعد لهستوه منهو حجه امي
ضلام-: يمكن
ايڤن-: شكد سخيف
ضلام-: اوخ لهدرجه
ايڤن-: انجب سرسري تقرب عليه لزم ايدي عطت بي
وخررر عني حقير عفته وطلعت احس دم صعد راسي كعدت ؏ طاوله مطنكره اكيد نفس هذاك الحقير متيم شترجه منه انتبهت اليه سيلين حجت
سيلين-: شبيج ايڤن مو على بعضج صايرلج شي؟
ايڤن-: لاحياتي بس شوي راسي يوجعني ياريت نرجع للبيت
اجه ايهم اردف-: اذا مالج خلك امشي اوديج للبيت ترتاحين
ايڤن-: اي ولله ياريت عمري ترجعني اشرلي نطلع شلت جنطتي طلعت امشي وره نص زلن لبره دارو وجهم عليه مثل مشايفين واغلبيتهن دنكو روسهم انتبهت ضلام واكف يم رجال وخازرني بوده يرفسني هذا شبي ولله مخبل صعدت بسياره وصلني للبيت صعدت لغرفتي مخنوكه غيرت ملابسي طبيت سبحت مسحت لمكياج طلعت لفيت برنصل عليه شسورت شعري نشفته لبست تراك طفيت الاضويه طلبت من رولا محد يدك بابي شمرت روحي بلفراش حضنت لمخده صفنت يعني معقوله يحبني لو قشمرني بقيت فوك ربع ساعه واني افكر يحبني لو لا لو جذااااب اخر شي عطت متنرفزه من تصرفاتي لغبيه
ايڤن-: اهووووووو هسه شبيج هامه نفسسج عليه واصلا اكرهه حتى لو يحبني صدك مستحيل راح اتقبله مكروووه ومغرور شايف نفسه لفيت روحي بلحاف مطنكره اكرهه لحقير من يوم الـ اجه بس يستفزني سرسري الله اعلم على هاي سوالفه وشخصيته الف بنيه نايمه بحضنه ايع كلهم نفس طينه شترجه منهم كوه غفيت من وره تفكير ثاني يوم يلا كعدت تمطيت بكسل شعري مكرفش لغرفه ضلمه هندس فتحت جهازي شفتهه ساعه ٥ ونـص لفجر شغلت ضوه عاكده حواجبي مطنكره مدري شبيه دخلت للمطبخ بطني تقرقر من جو؏ فتحت ثلاجه شفت جايبين كباب ومقبلات ومن هسوالف ضحكت فديتهم مخليلي حصتي شلتهن حطيت بلكا؏ تربعت اكل بشراهه من جوع نسفت صينيه نسف جريت بطل ببسي شربته كله وبعدني جوعانه صعدت لغرفتي فتحت جراره ميز مالتي طلعت اندومي طلعت بس ثنين نزلت جوه خليت طاوه ؏ نار خليت ؏ صفحه لندومي يستوي بس بدون بهارات كليت لحم مثروم طلعته من لفريز ويا خليت بهارات فلفل اسود ثرمت لبصل ولفلفل كليتهن سوه خليت دبس رمان طلعت صلصه و خليت جبن سايل صارت تبقبق ركضت للندومي بزلته من لمي صفيته خليته فوك طبختهن صرت اخبطهن سوه لحتى يكمل غطيته وخليت نار هادئه عليه شوي جبت صينيه لخاصه بس الي خشبيه صبيت بلكوب ببسي بارد طفيت لندومي حطيته بكاسه صعدت فوك اغني مرتاحه حيلل مادري شبيه ليوم بس اكلت نزل عليه نشاط ونومه طارت من عيني انتبهت ساعه بسته ونص هسه اكيد بابا راح يكعد لدوامه واني وراي دوام احوي شغلت مسلسل تركي تابع واكل مندمجه ماحسيت اله ولباب يندك بهدوء صوت بابا طفرت من مكاني فتحت لباب مستغرب اردف
احمد-: بويه خرعتيني هاي انتي كاعده واني اكول شنهو هاي الاصوات طلعتي كاعده مغبشه
ايڤن-: ههههه بابا مو تدري لبارحه تعبانه جريتهه نومه قبل شوي كعدت جوعانه وهاي راح اتحضر لدوامي
احمد-: شلون صرتي حبيبتي ضل بالي عليج من كالولي مالهه خلك ردت اكعدج بس كلت خل ترتاح من تكعد اجي اتطمن عليهه
حضنته باس راسي-: يابعد روحي صرت زينه هياتني مابيه
احمد-: غير هسه يلا ردتلي روحيَ
ايڤن-: شنو رايك اسويلك ريوك وانته علما تتحضر لحتى نتريك سوهَ
جريت ارنبه خشمهه حجيت-: ميحتاج بنيتي امج كعدت هاي دتحضر وريوك محضر رولا حضرتهن وانتي تحضري حتى نطلع كلنه سوه
ايڤن-: اووو ههه اوكي يلا نزل بابا واني بسرعه طبيت سبحت وطلعت ركض ركض شسورت شعري سويته ذيل حصان عفت كذلتي نازله نص على وجهي لبست بنطرون عريض ويا قميص اسود لبست لكعب طلعت من غرفتي دخلت لغرفه لبنات كلهن متحضرات حجيت بأبتسامه
ايڤن-: صباح الخير حبيباتي
الكل-: صباح النور
عفتهن يكملن نزلت وملازم بيدي كعدت بصف بابا اكل خفيف شوي سمعت صوت ابو الخط شربت شوي كهوه طلعت اركض مستعجله صعدت اول ماكعدت حجيت
ايڤن-: صباح الخير عمو
-: صباح النور بويه اول مره بتاريخ اجي وماتشلعين كلبي بلهورن ولنتضار
ايڤن-: هههههه منا وهيج راح اكون دقيقه بلموعايد
زهراء-: شلونهه لحلوه
ايڤن-: بوستهه، بخير وانتي؟
زهراء-: زينه زينه وجايبتلج الاخبار تلسع
ايڤن-: احجي شنو لخبار حمستيني
زهراء-: دخل نوصل وبلستراحه هناك بلكفتريا اسولفلج
ايڤن-: اووكي وصلنه لجامعتي نزلت ويا البنات بلشنه بلـ امنتحانات الكورس الاخير ويارب مايخيب تعبي وره ساعتين خلصت زفرت بتعب واني بداخلي ان شاءلله اجاوب طلعت من القاعه رحت ؏ قسم زهراء بعدهي مطالعه اعرفهه راح ضل تماطل وخايفه رحت للكفتريا اشتريت كهوه كلعادهَ كعدت صافنه بلفراغ صار لبارحه لحد هسه مطبو؏ براسي ياخوفي يتقدملي وتنلاص من جهه اهلي يموتون عليه وخاصتاً ابويه بس هوه صدم شنو يشتغل مسئلته طردت الافكار من راسي معكمشه وجهي لعبانه روحي منه كعدت بصفي زهراء درت نفسي عليهه حجيت بحماس
-: يلا احجيلي تره لفضول اكلني اكل
زهراء-: هههههه باوعي هيثم تقدملي
ايڤن-: ولله؟؟؟
زهراء-: اي ولله من كتلج اعترفلي وصرنه كبل هههه طلع حافض بيتي وين وكذا وكذا وطلع محاجي اهلي اشوف امي لبارحه تباوعلي وتلوب طلع اكو أنه بلموضو؏ فه همه اهلي موافقين وبقيت بس اني ينتظرون جواب مني
ايڤن-: اي موعلساس انتي ماتعرفي لحتى تاخذين وقت تفكرين توافقين لاء
زهراء-: هههههههه
ايڤن-: ولنبي يا زهراء اذا ماوافقتي بي لموتج
-: اهوو تره هوه اني جبته لبيتنه فهَ على شنو ارفضه
ايڤن-: عوذه منج عوذه
-: هههههههههه
ضحكت على سوالفهه شوي وطلعنه من جامعه قررنه نسويلنه طلعه لسوك أخذنه تكسي لحتى نوصل نزلنه بلـ مول هيه اخذت اغراض نسائيه لعدهه ناقصه واني اخذت تشيرتات للنوم وحمر واخذت تكرمون شبشب ماكثرت لأن بس ناقصين اخذت طلعنه من بعد ساعه كامله لي لازم نصفن ناخذ حاجه انرجع حاجه وهكذا هيه خابرت اخوهه اجه اخذهه وهيه بعيد بيتهه عني فه اجرت تكسي وصلني لبيتي نزلت شايله لعلاليك ومن جهه لملازم وجنطتي وتلفوني يبوو اصابعي تكسرو حسيتهن طبيت جوه فحطانه لاكتني امي اردفت
ايلين-: واني اكول شو تأخرت ايڤن اثاريج بلسوك
ايڤن-: اي ولله ماما اخذت صديقتي كلت اخذلي كم غرض ناقصني وهاي
ايلين-: تمام حبيبتي براحتج
ايڤن-: رولا حبيبتي رولا وينج؟؟؟
ايلين-: بنيتي رولا استقالت
درت وجهي-: ها ليش؟
ايلين-: مو اني تركت شغلي تدرين بيه عمري كبر وهاي لمفاصل جاي يتعبني يوم عن يوم فه كلت على شنو مكسره ضهري خل اترك وضيفتي
ايڤن-: هم صحيح صحتج اهم من كلشي وانتي مو بحاجه لوضيفه ؏ شنو متعبه نفسج
ايلين-: اي ولله
ايڤن-: بس ولله تعودنه ؏ رولا حيل حبابه
ايلين-: كلهن حبابات
عفتهه وصعدت لغرفتي اخواتي غرفهن مطبوكه عرفتهن نايمات خليت لعلاليك ؏ لميز عزلتهن رتبت غرفتيَ عيوني احسهن كوه مفتحتهن بعد طفيت طفيت الاضويه شمرت روحي بلفراش نمت مرت ايامي عاديه وبين امنتحاتي وروتيني ليومي ماكو ايشي جديد صار وقت احضر لخطوبه صديقه طفولتي وهيه زهراء ليوم انخطبت وشي لقهرني وره الامتحانات يسوولهه زفه للمطار ويسافرون خارج العراق متت قهر بعد ماشوفهه يبو على حظي لبست فستان طويل احمر حصر ومن فوك صلوخ وتصميمه هادئ وحلو بسيط كلش خليت مكياج خفيف سويت شعري كيرلي واخواتي همات تحضرو وامي لان بعد أمرت عائله احمد لكُل تحضر خلصنه ايهم كام يصيح بسرعه شون مجان خطيت لكحُله رشيت عطر اخذت جنطتي صغيره ولونهه ذهبي تجنن شلت تلفوني نزلنه سوه صعدنه طلعت وياهه من صبح صنعتهه ودزيتهه للبيت مع لعلم اني ماصنعت مالي خلك مدري شبيه وكلتلهه اتحضر واجيج وطبعاً تلفوني كام يكمز من كدما دك عليه كل شوي وينج وينج وصلنه لبيتهم نزلنه اني واهلي بيتهم يجنن مسوينهه بلحديقه بوست اخواتهه جانت واكفه لابسه بدله مدنفشه ذهبي وطالعه تخبل صليت ؏ نبي رحت بوستهه وباركتهه كرصتني خزرتهه
زهراء-: لمعفنه عفتيني يم هذن لمسموطات ورحتي
ايڤن-: انجبي قابل اجي هنا اني ومجامتي غير وصلتج للبيت ورجعت ركض لبيتي البس فستاني
زهراء-: المهم ولج شو يوميه تصيرين بعد احلى لا وسمنانه
ضحكت كرصتني مكزكزه على غمازتي اخذنه صور وهاي سمعنه انو راح يدخل لعريس ابتعدت عنهه شوي وكفت ؏ صفحه صار لهلاهل واغاني دخل هوه يباوعلهه وهيه همات شلون حلوين فدوه الله يكتبلهم لخير مشت لحفله ولعبنه لعب بلركص واخذنه هواي صور فحطت كعدت ؏ كرسي اجت مريه جبيره بلعمرَ تباوعلي وتبتسم رديتلهه لبتسامه كعدت بصفي دارت نفسهه عليه صلي ؏ نبي بقيت اباوعلهه مستغربه وهيه ماشاءالله عليهه اكلتني اكل اخر شي كالت
-: بنيتي انتي شسمج؟
-: خاله اسمي ايڤن
-: ماشاءالله عليج حبيبه لعين لبارده عليج بت منو يعيوني؟
ايڤن-: بت احمد يلقبونه بيت ابو ايهم
-: هاء اي يبعد يمه انتو كرايب للعاروس
-: لا خاله اني صديقه لعاروس وعزمتني بمهرهه
-: اها خير ان شاءلله يمه تحفظج الزهراء يحبيبه شو تعاي خل احبج (ابوسج)
ضحكت على تصرفاتهه شكد محبوبه بقت تسئل بيه انتو منين واصلكم شني اخر شي كالت
-: امج وين يحبيبه
-: خاله هياتهه كدامج لكاعده بصف العاروس هايه امي
-: زين زين ضلي كاعده كافي تتمركصين يمفلوكه
ايڤن-: ههه اوووكي هيه كامت ؏ امي هاي شكو شلت لسالفه من راسي وامي ولمريه كاعدات ؏ صفحه ماعرف شيحجن يبوو من يمي عطشت ماعطشن من كدما يسولفن كضت لحفله بوست زهراء ودعتهه رجعنه للبيت وهيج مشت ايامي عاديه وبعد ماخلصت امتحاناتي مر اربع اشهر وضلام ماسمعت صوته ولاأجه ابد مشفته اخر لقاء جان بينه هوه بيوم لعترف الي واختفى شلته من راسي ومن جهه صارت عندي عطله وحيل فرحانه بيهه علقل خلصت من دوام لمزعج هواي صرت اكل وزاد وزني واكفه كبال لمرايه اتمايز شكل جسمي لابسه شورت وكيمونه مشغله اغنيه
"مايا نصري" وصلت لمقطع لحبه صرت امايل بجسمي واغني
". اخبارك ايه حبيبي
طمني عليك حبيبي
وحشني عينيك حبيبي
اخبارك ايه... ."
بقيت اغني واهز على اغاني روبي تجنن اغانيهه باوعت لنفسي زفرت بقهر صايره جني دبه جسمي مليان صاير بس لحمدلله كرش ماعندي اباوع لخدودي طنن صايرات يبو عليه من باجر لازم ابدي ارجع لجم وكفت كبال لمرايه اجه بالي اكص شعري اسوي تغييرات شو عجبني جبت مكص مشطته وهوه جان مبلل هستوني سابحه كصيته لي عد كتوفي بس شوي اكصر رجعت ؏ كذلتي مشطتهه كصيت شوي منهه خليتهه واصله لخدي شسورت شعري لحتى اشوف نتيجه يارب ماتخرب بقيت اشسوره لحد ما صار مكرفش انتبهت بلمرايه شكلي صار يخبل بس شعري صار اكصر كلش هواي ولو عجبني وعدت نفسي عود ماكل بس جعت نزلت سويت سبكتي طلعتلي عصير بارد صعدت ركض انتبهت ساعه بـ١٢:٠٩ شغلت ايباد مالتي مخليته خاص بس للمسلسلات هلفتره طامسه مسلسل حب لايفهم لكلام يجنن يمكن راح اختمهه من كدما اتابع حلقه جر حلقه بقيت سهرانه للـ ١ونص نعس كلش رتبت فراشي رشيت عطر نفسي ولغرفتي لحتى تروح ريحه الاكل طفيت الاضويه سديت برده بسرعه غفيت من كدما تعبانه حسيت ماعرف وين اني احس ضايعه بين الواقع ولحلم حسيت ايد خشنه تتمشى ؏ خدودي وره شوي صار نفس حار يلفح بركبتي انزعجت فزيت من طبع بوسه بشفتي شهكت كعدت فازه شفته مزروع وجهه بوجهي عطت كبل خله ايده ؏ حلكي كلبي يدك طبول من لخوف لابسه شفقه دفعت ايده بقوه جريت نفسي منه حجيت واني روحي فايره
ايڤن-: انته شجاااابك هناااا شسويي جنك جنيي بغرفتيي
ضلام-: تعبان ايڤن
ايڤن-: واني شعليةةة؟؟؟؟؟!!!!
ضلام-: عالجيني راح اموت
ايڤن-: وموتتهم
ضلام-: اوخ عنيفه
ايڤن-: وبعدين شجابك بغرفتي منين اجيييت فهمنيي
ضلام-: شعليج
ايڤن-: دنجب مارد عليه عيونه حمر شكله حيلل متغير غمض عيونه متوجع مادري شبيه نقهرت حجيت
-: بيك شي؟
متت من لخوف هذا شبي عيونه يتكلبن ويرد يعض شفته يجر نفس بتعب مبين حيل متوجع مارد عليه جان كاعد ؏ طرف سريري دار ضهره عليه راد ينزع تشيرت عطت
ايڤن-: هيووووو ولك شتسويييي
حجيت بوجع-: حسسسج بتل هتلي بس عالجيني
بقيت عاكده حواجبي نزع تشيرته شهكت فكيت عيوني ؏ وسعهن واني فاكه حلكي على ضهره صاير ازرك طفرت من جربايتي وكفت كباله حتى نسيت نفسي اني شلابسه حجيت بخوف صوتي يرجف
ايڤن-: هذااا شبييي ضهررررك منوو ضارببك احجيي حباب
نزل عيونه على جسمي بسرعه استغفر دار وجهه عني صاح بهمس وبعصبيه
ضلام-: احتركوووو اهلج ان شاءلله بانزين لابستلي شورت بتللل هتلي تحشمي وتعاليلي ليش تخلين شياطين تتكامز براسي يلاا
حسيت بشفله ردت اطم روحي بكبور صحت دورر وجهك ممنوع تباوع فهمت غمض عيونه حجه
ضلام-: اذا طولتي افتحهن ومعليه
ايڤن-: انجب سرسري ولله اموتك هنا بقه يضحك مغمض عيونه ماصدك بي ادري بي خبيث شلت مخدتي لزكتهه بوجهه حضنهه حجيت
-: ابقه حاضنهه ممنوع توخرهه عن وجهك فهمت
-: افيشششش شهل ريحه اويني بويه
ركضت البس دشداشه فوك ملابسي عندي دشداشع عريضه ومستوره لبستهه وعيني عليه خاف يوايج عليه عفت شعري مكرفش صاح
ضلام-: خلصتي؟
وكفت كباله وخرت لمخده عن وجهه كفختهه بخفه على راسه حجيت معكمشه وجهي
-: هسه الكا ريحتك بيهه ايع
-: تموتين على ريحتي
-: ايييع مصدك روح الاخ
بقه يضحك بوجع كعدت ؏ طرف جربايتي جسمي كزبر برطمت شفايفي حجيت بقهر
ايڤن-: شبي ضهرك ضلام؟
-: حبابه لاسئلين امسحي لجروح مو شليتي كلبي
مرديت عليه مشيت ايدي ؏ لجروح ولزراك لبضهرهَ شهكت مقهوره دار نفسه عليه لزم وجهي حجه
ضلام-: انعل ابوي شجابني واجي عليج نوب انتي عياره كبل تتبجبجين شيخلصني
ايڤن-: انجب وين ابجي بس نقهرت على ضهرك كبر لفك صوجي ولله
ضلام-: ههههه ولج ضهري يوجعني يلا يلا تعاي عالجي
رفعت حواجبي ممصدكته-: تره لمتوجع مبين ذاكه وينه ميكدر يحجي حرف وانته تتعير كبالي من هسه كول هاي طلعتلك حجه شوف لو عمر كتله تعال شوي اضرب ضهري
ضلام-: ايي مو اني زمال بتل زمال
ايڤن-: احترررم نفسسك ابو لسان زفر محترمتك احترمني
ضلام-: افاا اني لساني زفر اني لساني ولج يخرخر عسل وداعتج غمزتلهه
عكمشت وجهي كمت أشرت للباب-: يلا اطلع جافيني وجهك منين جيت زين محد شافك
ضلام-: جؤ نايمين واني حتى جعت فتحت ثلاجتكم اخذت تفاحه اكلتهه واجيتج
ايڤن-: متستحي تبوك من عدنه
ضلام-: اي بت لذينه بايك دفاتر ابيج
ايڤن-: استغفرالله ياربي
ضلام-: هسه تعالجيني لو لا
ايڤن-: اي يمه مو شايفني ممرضه واجيت عليه لو هاي حجه
ضلام-: دنجبي لاخلفه عليج انتي وهذا راسج جنه فسيفس مهلوس
ايڤن-: اطلللللع برره
زمخت بيهه بهمس-: وهرش وطحيل يطلحك
ايڤن-: هاي عليمن؟؟؟؟
ضلام-: ﻋلى عمر
ايڤن-: مم عبالي شوف امشي اطلع ضلام لحد يحس وشيخصلني
ضلام-: لا اطمني محد يجي يلا يسع جيبلي شياش شي لفيلي هذا جرح من وراج شك ضهري انعل ابوج
ايڤن-:وانيي شعليةةة؟؟؟؟؟
ضلام-: صمي لهل حلك مو خبلتيني
زفرت طن هوه منين هذا جاني جنت خلصانه منه طلعت شاش من جرارتي مخليته للحتياط كلشي يصير جبت معقم كعدت وره ضهره بقيت امسح بدم ليابس بلكينكس واعقم لجروح مشككه داير مداير ضهره ورث جكاره حجيت
ايڤن-: يابروده كلبك لهدرجه ماتوجعت
ضلام-: لا
ايڤن-: ممم لفيت شاش عليه كوه كدرت الفه من خلصت حجيت بتعب
-: اييع حسستني ممرضه واكره هذا شي ونوب جنك فيل كوه لفيت عليك شياش
ضلام-: انجبي شو تعاي كعدي چدامي
عفته رحت غسلت اديه خليت عطر مال ادين خاص الي اجيت كعدت يمه صافن عليه حجيت
ايڤن-: فصلت عندك لفيشه شو صافن
ضلام-: تدرين احب لمره لي مهتمه بنفسهه بدقيق
ايڤن-: واني من هلـنو؏ اذا ماعطر نفسي يوميه ماحس اني نظيفه
ضلام-: شو خل اشمج
ايڤن-: لاااا شو جنك اخذت ميانه
ضلام-: نحيسه ولله
وخرت كذلتي عن وجهي-: اي احسن بقه صافن ضحكت على ملامح شكله شلون مركز حجه وهوه مبتسم
ضلام-: دحچ لغمازه ياعلي
ايڤن-: يااا ههههه شبيهه غمازتي؟؟
ضلام-: حلوه
ابتسمت اله-: شكراً
كمت كتله-: يلا عيني كوم لم جوالاتك وروح لبيتك ارد انام يلا ضحك وكف كبالي عفته كعدت على فراشي لفيت روحي بلغطى صار يدندن
ضلام-: نامت عليج سليمه شلون تنامين
ايڤن-: تره اكرهك امشي بره
ضلام-: هوه ادري بحضي
بقيت خازرته جر كرسي كعد كبالي لزكت روحي بلحايط حجيت-: شكووو مو كلت حطلع شو كعدت كدامي
ضلام-: اشش يلا نامي
ايڤن-: لابله
ضلام-: ولله
-: خزرته لفيت روحي بلغطى بس طلعت وجهي ورث جكاره يباوع عليه تنرفزت حجيت بكلبي ولله خبل وحق الله بس اريم اشوفه وين يريد يوصل رد حجه
ضلام-: خل اسمعج هاي لغنيه شو جت بالي
ايڤن-: ضلام اطلع بره تره نرفزتني ولله
ضلام-: دنجبي وسمعي
ايڤن-: استغفرك ياربي خليت ايدي على خدي اسمعه صار يدندن ومركز بوجهي
ضلام-: افيدك
ايڤن-: بشنو؟
ضلام-: لك افيدك
ايڤن-: تره لحيت
ضلام-:
تعال بحضني لك عيني افيدك
حبيبي انسيك اسمك وعمرك
اخلي شفه ؏ شفه
حجيت بعصبيه-: غدي اطلع بررره مارد عليه ضحك رجع يغني
-: ومن كيفه جرح يشفه
بيه نار ماتطفى احبك مووت
اريدك بس الي اني تضل للموت تهواني
ضل ياعمري بحضاني احبك موت
ايڤن-: ضلااام كافييي امشي بره
جريت ارنبه خشمهه حجيت-: ليش تتهربين مني؟
ايڤن-: ما أتهرب بس انته مدري شبيك
ضلام-: شبيه چدامي رجال ضايع بس عاشگج بيهه شي
نزلت راسي العب بأضافري زفر طن هوه مبين مهموم رد حجه
ضلام-: يشهد ربي عليه ماعندي اي نيه تجاهج دمر حياتج او غايه بس شوفيني هيج تكولين هذا ماعنده رحمه كلبه ميت بس من يوم شفتج طبعتي براسي شكد ردت اكول مالي دخل بيهه شبيه افكر بيهه بس الكه نفسي اني يمج
رفعت راسي بصدمه حجيت-: ويين وشوكت جايني؟
ضلام-: اني من يوم لعرفتج اجي بأخر ليل اشوفج بس وغلات امي ما لمستج ولاسويت شي بس اكعد يمج اباوع بوجهج ارتاح واطلع
ايڤن-: من كل عقلك؟؟
ضلام-: اي وحگ الله
هزيت راسي ممصدكته حجيت-: انته مريض
ضلام-: اي مريض وعلاجي يمج
ايڤن-: واني شعليه بيك؟
ضلام-: عقلي وكلبي وكلشي بيه رايدج
ايڤن-: ضلام اطلع بره تره خوفتني
ضلام-: خافي من دنيه ولامني اني من سابع المستحيلات أذيج لو مسايه من شعرج بس خليهه بالج كلبي يريدج
ايڤن-: بس تدري اني اكرهك
ضلام-: اي مو ادري بحضي خر*
ايڤن-: ههههههههه
بقه صافن بوجهي مبتسم كام عدل نفسه حجه
ضلام-: احبچ يـبطريقي
ايڤن-: اكرهك لفيل
ضحك جر سترته طلع ركضت قفلت لباب غرفتي ورا خاف يجي باوعت من طرف لبرده ماكو سديتهه بسرعه حجيت ولله هذا جني فركت وجهي شيخصلني من هذا لمجنون اوووف اووف وين لمطيوح حضه لزايعته دنيه يجيني نزعت دشداشتي تأكدت من باب غرفتي مقفول بعد منا وهيج اقفلهه صرت مأمن ولخوف اكلني انتبهت ساعه بـ٥ونص لفجر دثرت بفراشي افكر بهل حيره وين صرت وين جنت اني ولله حاسه روحي بفلم كوه نمت لفكار هلكني غفيت.....
________________♕
نيلا-: شايله وصلت لمسح امسح كل شوي اخذ نفس هلكت من تنظيف خلصت رجعت شغلت لمبخره بصاله وعليت صوت لقران باوعت نفسي بلمرايه بطني شوي كبرانه ضحكت سمعت باب لمطبخ انفتح عرفته اجه رحت لاكيته حجيت
نيلا-: حبيبي جبت زيتون وباكله
عمر-: كلشي جبت يلا بنيتي همي ايدج اريد غده لحتى اطلع لشغلي
نيلا-: تمام حبيبي دخل جوه واني بلشت اطبخ غده اجه هوه ساعدني شوي واكفه ابزل تمن شفته يفتر شايل تلفونه متوتر حجيت مستغربه
نيلا-: حبيبي شبيك؟؟
عمر-: ضلام ماكو من لبارحه اخر مكالمه لبارحه لمغرب واختفى وهاي صارلي من لبارحه لحد هسه ادك عليه ماكو رحت لبيته ماكو كلبي مامرتاح احس اكو شي صايرله
نيلا-: دخيلك ربي ان شاءلله مابي شي لتخاف حبيبي يجوز يريد يرتاح بعد شوي قابل هوه صغير ياعيني طول بالك
عمر-: نيلا شطول بالي ضلام مايبتعد من مكان اله اذا جانت عنده شغله ومع لعلم مايسوي شي اذا ميكلي جهازه مغلق خايف لا لزمو ولله اموت
نيلا-: طفيت لكدر حجيت-: اشش اسم الله بعيد شر ان شاءلله كلشي ماكو
عمر-: لا لازم اروح ادوره خل اخابر صكر نطلع ندوره انتي هنا قفلي لباب وممنوع تفتحي لحد
نيلا-: عمررر
عمر-: الله ياخذني شكوو ولح بابا اخويه ماكوو وانتي تنكين
ردت ارده بس لباب ندك استغربنه ثنينه فتحه طلع ضلام كبل لزمه عمر
-: شبيك ضلام صايرلك
نيلا-: شهكت خليت ايدي على حلكي واني اشوف ضلام دمه لطول طول......
#يتبع 🌚🖤
برأيكم شراح يصير بلـ بارتات جايه ويا ابطالنه لمشتاقيلهم غايبين عنه اكيد عرفتوهم منو مو🙊!!!
بارت قصير بس جداً تعبانه وضروف ومشاكل بين الابطال ان شاءلله اعوضكم ياروحي ادعو لـ ايڤن تكوم بخير قلبي🥺💋🧡
عمري لاتنسون تصويت+تعليق على كل فقره لطفاً💚
حسابي تابعits.zlzala0
#الكاتبه زازا
#ابوضبع 904
دمتم سالمين عيوني🤍.