#منتقم_وغريبه
بقلمي فاطمه🤎
تصويت...
تعليق بين الفقرات بنوتات 🦋
____________________
أنه بگلبي حچي أيبچيـك ،
حچي أيرخصني و أيغليـك .
______________________
اجوان:وخررر عنني منووو انننتت؟!
الدنيا ضلمه هندس كلشي ماشوف منه ادفع بي وهو مجتفني بأيدي مقيد حركتي احاول اتملص منه انفتح ضوه البره فجأه اشوف دمارات وجهه البارزه
وعيونه الفاتحهن على وسعهم حجه بحروف متقاطعه وصوت شبه الهمس
صائب:شتسوين هناا!؟
ضليت ماعرف شحجي امتمت سكتت رجع صاح
بصوت فززني
صائب:كلمتي ماعيده شتسوين هنااا!!!
نزلت دمعتي وهمست واني مدنكه
اجوان:بيت عمتي
فتح عيونه دفعني وابتعد مني هد ايديه حجه وهو عاصر راسه بين اديه
صائب:ليش اجيتي هناا؟
ضليت ساكته مانطقت حرف ارجف من الخوف احس رجليه نملن بعد ماكدر احمل روحي من ماجاوبته رفع رأسه خازرني
صائب:مو احججي ويااج
اجوان:بلعت ريك وهمست ، اخوي جابني هنا اضل يمكم فتره انريد ننتقل ببيت جديد
حجيته ورفعت راسي اباوع رده فعله فرك وجهه بايديه
صائب:شتسوين طالعه نص الليل وين موليه
اجوان:انتبهت على جنطتي واكعه بالكاع
_ردت اشتم هوا بره مختنكه
_والمختنك ياخذ جنطه وياه
اجوان:حجه هيج ورفع حاجبه مثل المامصدك
_بيه غراض غاليه عندي ماكدرت اعوفه
_قصدج احنه حراميه
_مو هيج بس خفت يضيعن
حجيت هيج شفت خالتي طلعت بس لمحتنا فتحت عيونه على وسعه واجت تركض علينه تقدمت على ابنه كامت تحضن وتبوس بكل مكان بوجه
ضمائر:ولك يمه ليش هيج تلوع كلبي عليك
صائب:يمه هاي اني كبالج كلشي مابيه
اجوان:اشوفه خطيه مثل المامصدكه عبالك صار سنه ماشايفته بس لمحتني التفتت عليه بكل جسمه
ضمائر:وين طالع بهليل ؟
اجوان:هنا خاله ماكدرت انام كلت اكعد شويه بالحديقه
ضمائر:تعاي طبي جوه يمه الدنيا نص ليل
اجوان:خليت الجنطه وره ضهري همزين ماشافته
ابنه واكف وراها يباوعلي ورافع حاجبه
سحبت ايدي دخلنه جوه البيت صنته كعدت على التخم شمرت الجنطه بصف التخم بدون متشوفني
كعدت بصف ابنه تحجي وتعاتب وياه
ضمائر:يمه وين جنت ؟
صائب:يمه تدرين بالحموله بيه مشكله اضطريت اسافر واشوفه بنفسي
ضمائر:ليش ماكتلي وليش جهازك مغلق ؟
صائب:صارت فجأه مالحكت اتصل عليج وجهازي وكع مني وانكسرت شاشته
اجوان:تحجي وياه وهو مدنك ابد مارفع عينه عليه
التفتت عليه وحجت
ضمائر:كومي يمه نامي
اجوان:عفتهم وصعدت فوك وكفت على حافه الدرج اريد اشوفهم رفع راسه بس لمحني خزرني درت وجهي بسرعه وركضت للغرفه غطيت راسي وغفيت
ضمائر:وين جنت يمه ليش تجذب عليه
صائب:شعده هايه يمنه ؟
ضمائر:يمه خطار يمنه
صائب:منو جابه ؟
ضمائر:اخوه وصله للباب
صائب:باجر خل ترجع لهله مااستقبل مجرمين ببيتي
ضمائر:عفيه بابني السبع عفيه يوم عن يوم اتفاجأ بيك
صائب:اذا ناسيه عمه هو الكتل رجلج
ضمائر:ماتهم الناس باطل اني كلمن وحد يومه
والله أخذ أمانته الله يرحمهم ويرحمنه كلنه
صائب:الله لايرحمه هسه تلكينه معلكينه يم ابو لهب يصيح الغوث
ضمائر:شعليك بالرجال الله يرحمه يمه ميجوز على الميت غير الرحمه
صائب:يمه اسكتي لخاطر ذاك الرجال الطيب
اريد انام مطفي من النعاس واذا يحترك البيت لتكعديني
__________________
اجوان:كعدت الصبح على صوت هاجر وعذراء يتعاركن
هاجر:منو لزمته بالاول
عذراء:اني جيبي لاادفرج اوصلج لمكه
هاجر:امشط بي وانطي الج من اخلص
عذراء:والحسين هسه انزل لامي اخليه تكتلج
هاجر:اذا بيج زود نزلي كليله
اجوان:اشوفهن تلازمن على المشط وخرت الغطه مني رحت الجنطتي طلعت المشط مالتي انطيته لعذراء
عذراء:شني هذا
اجوان:ريموت ..شتشوفين يعني
أخذته مني تكلب بي
عذراء:شو هذا زغير مو مثل مالتنه وخشبي
شنو تمشطين لعاباتج بي
اجوان:هو خشبي حتى شعرج يطول وميوكع هذا فائدته
عذراء:خاف ينكسر هذا ميفيد وي عطوبي
اجوان:اذا انكسر بالعافيه عليج
عذراء:هذا الحجي اليرد الروح
باوعت على هاجر تمشط ولا يمه كرصته وشردت للحمام
هاجر:خببييثه مصيرللج جاره
اجوان:رجعت لفراشي تمددت
هاجر:شنو هايه راح تنامين شوط ثاني
اجوان:تعبانه البارحه ماكدرت انام
هاجر:يلا لعد خل انزل اشوف اني رجعي نامي انتي
نزلت لكيت امي بالمطبخ كالعاده صبحت عليه وكعدت يمه اجت مره رضا لازمه بطنه ايكلك الحمل اول طيحته ولايكلك عده طفل
رضاب:عمه رضا سأل على صائب يمول شوكت اجه
ضمائر:اليوم الفجر اجه شيريد منه
رضاب:علمود سيارته يريد يبيعه
ضمائر:خل يكعد واكله
هاجر:يمه صائب اجه ؟
ضمائر:ايي الصبح اجه ونام من التعب
هاجر:اجت عذراء يمنه كعدنه نتريك سوه
ضمائر:لعد البنيه وين ؟
هاجر:تكول تعبانه رجعت نامت
ضمائر:البارحه لكيته كاعده الفجر يلا نامت
هاجر:دخلت يمنه سهام وذيله ميسم
سهام:ها اليوم الوجوه تضحك
عذراء:ليش لازم احنه يوميه تلكينه نلطم
سهام:انتي خوش صايره فد مره والسانج طويل
عذراء:خليلي شكر اذا مره
ميسم:شكد دمج ثكيل
عذراء:مو بثكل دمج حبيبتي
ضمائر:اكلي عذراء واسكتي
سهام:ضمائر شنو صائب رجع البارحه
ضمائر:ايي رجع
سهام:شعجب؟
ضمائر:ليش لازم يستأذن منج يلا يجي للبيت
هاجر:عافتنه وراحت ماعاجبه وعذراء تخوزر بيه
عذراء:بس عوفوني اني وميسم بغرفه وحده الا اخليه تصيح الغوث شايله طن حقد عليه
ضمائر:ماعلينه يمه
هاجر :كملنه ريوك اندكت الباب راحت عذراء تفتحه
طب صادق وفضل
صادق:شلونج بؤبؤ عيني
ضمائر:هلا خاله شلونك
صادق:هسه صرت حصان
فضل:شلونج عمه
ضمائر:هلا عمه شلونك
فضل:من وره ابنج ماضن اصير زين
ضمائر:ليش شبي
فضل:ماتدرين يوميه خطيه يفتر على المجاديه ينطيهم صدقات سوده بحذائي كلبه طيب
ضمائر:هنياله يمه فاعل الخير بهل الوكت
هاجر :دخلو للصاله كعدو اجت عمتي سهام يمهم
سهام:شعجب اليوم من الصبح يمنه
صادق:بهمس من هاي دشداشتج جنه ضروك مال فار
هاجر:عذراء غصت من الضحك جاوبه فضل
فضل:ليش لازم ناخذ رأيج يلا نجي
سهام:لا بس مو من عوايدكم تجون من وكت
صادق:تعودي انوب يوميه تصبحين بوجهنه
هاجر:اشوفه كامت تكلب بعيونه
صادق:بهمس هايه تضرب ابر مال نفاق
هاجر:نزلت اجوان التفتوا عليه وهيه مامهتمه صبحت علينه وطبت للمطبخ
صادق:هذا بيت عمي لو اني متوهم
فضل:اني عبالي داخل فندق
ضمائر:شبيكم ولكم
صادق:خالتي منو هاي
ضمائر:هايه بت اخو سهام
هاجر:باوعو لامي بصدمه وحجو بنفس الوقت
فضل +صادق:بت عدناان ؟
ضمائر:ايي شبيكم لعد
صادق:لا بس هيج انصدمنه لان جنه برغي
ضمائر:خلقت ربك لاتعيب عليه
فضل:زين هايه مو عمه ذاك اليوم مات شو كاعده هنا
ضمائر:شمدريكم ؟
هاجر:ضلو فضل وصادق واحد يباوع على الثاني
استوعبو جفصتهم كامت وكفت وحجت
ضمائر:كومو وراي
هاجر:أخذتهم وراحت للاستقبال ضلينه اني وعذراء وحده تباوع للثانيه اجت أجوان يمنه كعدت سألتنه على فضل وصادق جاوبته عذراء
عذراء:فضل ابن عمي
والثاني اسمه صادق ابن خالي
اجوان:دائما يجوكم
عذراء :من عدهم شغل وي صائب يجون
هاجر:كمنه نسمع صياح امي من الاستقبال
لمحت صائب نزل من الدرج مبدل بس سمع الصياح حتى مالتفتلنه ولا شافنه دخل للاستقبال
صوت الصياح هرج البيت صوت امي وصوت صائب
وكفنه ترجف اني والبنات كل وحده طكطك باصابيع اديه على إثر الصياح اجت سهام وميسم ومرت رضا
ولمياء وكفن وجوهن تسأل شكو ميسم وسهام وحده تحجي باذن الثانيه
احس رجليه كامت وحده اطك بالثانويه من الخوف كعدت يمي اجوان مستغربه وتحجي شكو
منحس غير صار هدوء وطلع صائب شايل امي باثنين اديه احس روحي راحت من الخوف ...
يتبع🦋