هلو حبايبي
***
بداخلها عجوز رمه تعرف من الحكمه مايغنيها عن الكلام
***
_ مااعرف شكد نمت كعدت ؏ صوت جهازي يتصل
كنت كلش تعبانه نفسيا وجسديا بسبب الي سمعته من تميم بخصوص الدكتور باوعت الدنيا ليل وبرد شديد
الكهرباء طافيه واني نايمه بس باافرشه رجع جهازي يتصل
اخذته كانت هدئ
حور ،، نعم
هدئ ،، حور وينج صار وقت العشاء وانتي ماكو
حور ،، ماشي
قفلت الخط و كمت ؏ الحمام
غسلت وطلعت بدلت ملابسي لبست فستان اسود سميك
وطلعت سليبر سوده انيقه لبستهم خليت بس مرطب شفه
ومرطب الوجهي فتحت الضفيره ولفيت شعري ليفوك كعكه
بعض الخصل نزلت ؏ وجهي تعطرت رجعت لبست
تخم مجوهرات ناعم وطلعت
شفت البنات يرتبون السفره عمو سالم كاعد و ابو عداي هم
وحجيله وام هارون هدئ شايله فهد سلمت وفتت ؏ الممر
اشرت الهدئ لحكتني
هدئ ،، شبيج مو ؏ بعضج
حور ،، مابيه
_ اخذت فهد بوسته وتعلب وياه وتحجي
حور ،، منو اكو يم تميم
هدئ ،، مااعرف كل الولد يمه
حور ،، ممم اخذي فهد عشي
هدئ ،، ماشي وانتي
حور ،، راح اشوف تميم بلغي خديجه تحضر عشاء النا سوئ
_ هزت راسها وراحت توجهة للمطبخ اول مدخلة باوعت الخديجة وحجة مع ابتسامه
هدئ ،، خاله حور راح تتعشئ ويه شيخ احسبي حسابها
خديجة ،، صار
_ راحت خلت اكل بصحن وكعدت ؏ ميز الطعام البنات يصبن
هاجر ،، انتي منو
_ باوعتلها هدئ ومحجة ردت رغد بدالها
رغد ،، هاي رفيجة مرة الشيخ اجتي هين حتئ ترعئ الفرخ
هاجر ،، چا امه شمالها مترعئ فرخها
رغد ،، خاب ماسكتين لج ماتحل الجربه بسها مشلتحه وتتموع كدام الرايح وجاي
_ تجاهلتهن هدئ بس وجها احتقن لكن خديجة انقذت الموقف من حجة بس خطيه وكعت بيها
خديجة ،، خفن اديجن الشيوخ جاعدين ينتضرون
رغد ،، نشتغل جوه ايدج خدوج شمالج مسودنه تامرين
چانحن مو بنات الشيوخ شايفتنه خدم هين
خديجة ،، لا استغفر الله بس
رغد ،، كافي تمسلت يلا هاجر امشي
_ اخذن ياايدهن صواني وطلعن هدئ كانت ساكته من طلعن باوعت ؏ خديجة بتسائل حجة المراة
خديجة ،، مااعرف شمالهن يكشمن بالوادم
هدئ ،، ولا يهمك خاله جهال
خديجة ،، ليش جهال خاله تراهم نسوان ومجوزات
هدئ ،، اقصد جاهلات مايعرفن الاحترام ولا يحسبن حساب للاكبر منهن
خديجة ،، لا عاب حلكج حبيبه
_ هدئ خلصت وكمت غسلت الفهد وطلعت الكل كاعد ؏ العشئ فاتت خديجة شايله صينيه توجهة ؏ الاستقبال
حجيله ،، تعالي تعشي حبوبه
هدئ ،، اي بس اودي فهد الغرفته
_ وديت فهد ورجعة كعدت قريب ؏ حجيله صرت اكل
كنت كلش جوعانه
حجيله ،، زين سويتي رجعتي الج خلوه حبوبه
هدئ ،، تسلمين بيبي
حجيله ،، شلونهم اهلج
_ قبل لا ترد هدئ حجة ام عداي
ام عداي ،، منين طلعو الها اهل
_ الكل باوع ؏ هدئ الي شفتها رجفة لكن بسرعه خفت حزنها وحجة بصوت ناعم عكس النار الي بصدرها
موجها كلامها لحجيله
هدئ ،، بخير الحمد الله خالو كلش فرح من شافني ويريد
ياخذني وياه بس اني مقبلت
ام عداي ،، ياا ليش مارحتي وياه
هدئ ،، حور تريدني هنا وياها خاله
ام عداي ،، عشتو
_ عوجة حلكها مو عاجبها هدئ ترخصة وكامت عداي رفع راسه باوعلها عرف بيها انغثت من امه بااول يوم رجعة بي
عند حور
وكفت يم الباب واتصلت ؏ تميم بسرعه رد
حور ،، هلاو
تميم ،، هلا بويا وينج
حور ،، ورئ الباب منو عندك
تميم ،، دقيقه ضلي عندج
_ سد التلفون وحجة ويه عداي بدون محد يحس من جماعه
تميم ،، عداي خذ الجماعه ؏ المضيف اريد ارتاح
_ هز راسه وكام
عداي ،، يلا شباب خلونا نروح ؏ المضيف العشئ هناك
_ نص تعذر وطلع ونص توجه ؏ المضيف مع عدنان
عداي دخل ؏ صاله من طلع شاف حور واقفه
عداي ،، كواج الله ام فهد
حور ،، هلاو طلعو
عداي ،، اي خويه فوتي
_ خلته يروح دخلت باوعت ؏ تميم وجها كان ثكيل كعدت يمه ؏ طرف سرير وحجة بالمختصر
حور ،، شلونك
_ مارد عليها ضل صافن اول مره يشوفها هيج ضايجه
تميم ،، شبيج
حور ،، مبيه
تميم ،، حور احجي شمالج احد غاثج احجي بويا وجعانه
_ من شافته توتر خافت عليه ابتسمت وحجة بصوت هادئ
حور ،، والله مبيه بس تعبانه شوي لا تهتم طلبت العشئ
راح ناكل سوئ
تميم ،، هيه مو هاي هيه بس هاي هيه امشيها
_ ابتسمت ؏ كلامه وقربت منه قبلته ؏ خده ببطئ قبله
رطبه لخبطت فيها كل مشاعره ابتعدت عنه ابتسمت وحجة
حور ،، شتقتلك
_ ضل صافن عليها اول مرة تعبر عن مشاعرها اله اول مرة تشتاقله نسئ شلون يتنفس او يمكن حبس انفاسه
لحد مااستوعب ابتسم بتوتر ورد
تميم ،، مشتاقه ليه صح سمعت مو
حور ،، ههه اي شتقتلك
تميم ،، بويا والي يرحم والديج ارحمي بحالي
حور ،، تمام شلون وضعك حاليا
تميم ،، حيل وجعتني رجلي
حور ،، اكيد راح توجعك بعد العشاء انطيك برو..
بعد متحس بالم راح ترتاح
تميم ،، ماارتاح الئ بحضنج
_ صفنت عليه ثواني بعدها حجة
حور ،، احم شهرين حتئ تتحسن حالتك بعدها تكدر ترجع
تنام عندي
تميم ،، بالله ماسكتين لا
حور ،، لا شنو
تميم ،، شنو شهرين ترئ بعدني عريس شمالج حسي بيه
حور ،، واني عروس ومو اي عروس
تميم ،، شنو قصدج مو اي عروس
حور ،، اقصد اني بنت تفهم معنئ هل العلاقه وفائدتها للطرفين لكن مقدره وضعك
_ بلع ريكه وحجة
تميم ،، يعني ترديني حور
حور ،، طبعا اريدك
_ حجتها ودنكت بعدها رفعت راسها لكته مبتسم
حجة بصوت هادئ عكس نبض قلبه الصاخب
تميم ،، حور تحبيني
_ من حجه هيج تلخبط عقلها وحجة بلا تفكير
حور ،، مااعرف مشاعري شبه معدومه وماتبقئ منها كلها
مصوبه ناحيتك يمكن ميكون حب وهل شيئ لا ارادي
لكن في شيئ بالنسبة الي اهم من الحب
تميم ،، شنو هو
حور ،، الاهتمام يعني اني عندي اهم شيئ الاهتمام
تميم ،، وشنو قصدج مصوبه نحوك
حور ،، اقصد احب قربك واهتمامك وحنيتك عليه
من تبعد افتقدك ومن تمرض اخاف عليك كلش
من اشوفك مرتاح ارتاح ومن تعصب اتوتر من تبتسم
كدام الناس انقهر و
_ قبل لا تكمل حجة
تميم ،، ليش تنقهرين
حور ،، مااعرف
تميم ،، ههههههههه لج بويا هو هاذا الحب
حور ،، معقوله هاذا هو الحب
تميم ،، چا شنو الحب هو المشاعر الجياشه الي مصوبه ؏ شخص معين الي نحس وياه براحه واذا بعد نشتاقله
ونغار عليه ونزعل ؏ زعله
حور ،، ماعرف اول مره احس بهيج مشاعر اتجاه انسان
تميم ،، بوياا انتي ناويه ؏ جتلي اليوم شو تعالي
_ سحبها خلت راسها ؏ صدره مبتسمه بهل اثناء اندك الباب
ابتعدت عنه وهو صافن عليه دخلت خديجة رتبت السفره
وحور وياها وهو يفكر اول مرة تحجيله عن مشاعرها
اتجاها وكل شيئ يدل انها تحبه لكن ناقص تعترف
_ طلعت خديجه وهيه وياه صارو يتعشون خلصت شالت صينيه وحجة
حور ،، راح اجيب الك جاي
تميم ،، بسرعه قبل لا يجون الولد
حور ،، ماشي
_ طلعت من الاستقبال شايله صينيه اخذتها للمطبخ
دخلت تلكتها خديجه
خديجة ،، ياا ليش جبتيها جان انه خذيتها
حور ،، لا باجي شكو
خديجة ،، چاانه شنو شغلتي هين حبوبه غير خدمتج
وخدمت شيخ
حور ،، ممقصره باجي تسلمين
خديجة ،، الله يسلمج ويعافيلج الشيخ ويخلي خيمه ؏ راسج يمه
حور ،، امين شكرا اريد جاي جاهز
خديجة ،، هساع اصبلج
_ ضلت واكفه تباوع شافت هاجر ترتب بالمواعين ابتسمت الها بس ذيج صدت ؏ صفحه حور مااهتمت اجتي خديجه
خديجة ،، هاذا جاي
حور ،، تسلم ايدج
_ اخذته وطلعت رجعت التميم شربو جاي قبل لا يخلصون
اندك الباب دخل عداي
عداي ،، شيخ جماعه جاين يشوفوك
تميم ،، هلا بيهم
_ طلع عداي تقربت منه وحجة
حور ،، اني اروح
تميم ،، ماشي
_ رجعت للصاله كعدت يم نسوان
حجيله ،، شلونه شيخ
حور ،، حالته احسن
ام عداي ،، وين الاحسن كل العصريه يلوب يكول عداي
فارعين رجله وبطنه فرع
حور ،، اي
ام عداي ،، شنو اي اطباء اخر وكت بس ملتهين يكرفون فلوس براس الناس لا ذمه ولا ضمير
حور ،، مصارو دكاتره بسهوله بالاخر هاذا حقهم
ام عداي ،، چاغير يشتغلون مثل الخلك
_ تجاهلتها حور وصارت تحجي ويه حجيله بمواضيع عده
بهل اثناء اجتي هدئ كعدت يمها وحجة
هدئ ،، اتصل عليه انور يكول حور مترد
حور ،، خير
هدئ ،، مااعرف
_ طلعت جهازها كان يتصل ردت لكن حجة وياه بالانجليزية وهاذا طبع الاطباء من يكونو بمكان عام او بالمستشفى وفي ناس يحجون بالاجنبي وبمصطلحات طبيه حتئ الناس ماتخاف وهم مايصير حجي زايد
حور ،، نعم دكتور
انور ،، مرحبا دكتورة حور اعتذر عن الازعاج لكن ضروري
تحضرين المستشفى
حور ،، اني مجازه انت تعرف كنت مسافره
انور ،، اعرف لكن زينب خارج البلاد وعبير والده
وطبيبة الخفر تخربطة والصاله تايها شلون الاداره بلغتني
انو اصلج ضروري تحضرين فورا
حور ،، تمام راح احجي مع شيخ واشوف
انور ،، ضروري دكتوره ضروري
حور ،، تمام
_ قفلت الجهاز باوععت ؏ هدئ وحجة
حور ،، لازم اروح ؏ المستشفى
هدئ ،، ليش شصاير
حور ،، ماكو احد الاداره طلبتني
هدئ ،، شلون وشيخ
حور ،، راح احجي وياه
_ ترخصت وكامت طبعا محد فهم شكو راحت دكت باب الاستقبال شوي وطلع عداي شافها تفاجئ
عداي ،، خير ام فهد
حور ،، ضروري احجي مع شيخ
عداي ،، مستحيل ناس كاعده
حور ،، انت بلغه حور ؏ الباب
عداي ،، ماشي
_ راح عداي بلغه ؏ لسان حور
تميم ،، ساعدني خلي اكوم
_ ترخص مو جماعه وكام وكف طلع وكف بصعوبه
تميم ،، خير بويا شصاير
_ كانت مسجله المكالمه شغلتها ضل صافن لحد مخلصت
باوعلها بغضب قوة نفسها وحجة
حور ،، هاذا حياة ناس تميم واني مضطره اروح
تميم ،، وحياتج اهم بالنسبة الي
حور ،، اعرف لكن متااكده تكدر تحميني
تميم ،، مراح تفاركين عيون سلمان وتاخذين هدئ وياج
حور ،، تمام
_ تقربت عليه باسته بخده وراحت هو رجع للاستقبال
من دخل تلكاه عداي ساعده كعد
_ حور رحت بسرعه لبست بوت طويل جلد وطوت ايضا طويل وكبوس اخذت جنطتي وموبايلي طلعت شافتني حجيله كالت
حجيله ،، يااا وين طارشه بهل ليل حبوبه
حور ،، ؏ المستشفئ بيبي اكو مرضئ بحاجتي
ام عداي ،، لازم قحط دكاتره واكفه عليج نسوان اخر وكت
صوت زلمه يرن مااعرف شكالج وطلتي طايره ماتستحين
طالعه بهل ليل اناس تاكل وجوهنا اذا احد عرف
حجيله ،، وانتي شمالج كليتي البنت عندها رجل
_ تركتهن حور وطلعت هدئ وراها سلمان كان ينتضرهن
لكن هل مره كان في سيارتين وراهم يمكن لان دنيا ليل
وصلو المستشفى بعد ساعه لان ضباب وماكدرو يمشون
اول مدخلة توجهة ؏ مكتبها دخل وياها سلمان محجة والعجيب الامن مامنعوه وكف باب المكتب لحد ماغيرت ملابسها وطلعت لبست سكراب مالتها وتوجهة للصاله مباشرتا سلمان وكف يم الامن بالاستقبال مال صالة الولاده
حور ،، شنو الوضع
الممرضه ،، شوفت عينج دكتوره القابلات مكاعد يقصرن
بس اليوم ماشاء الله كل نسوان متفقين يولون سوئ
حور ،، ههه يلا لعد انتي وهدئ راح ساعدني
_ بلشت تشتغل تفحص هاي وترطع ؏ ذيج
فحصت الكل باوعت الهدئ وحجة
حور ،، رتبي حالات العمليات ؏ نسبت الخطوره وجهزو
هدئ ،، فورا
حور ،، انتي شنو اسمج
_ الممرضه
نور ،، اسمي نور
حور ،، حلو انتي ساعدي هدئ شتكلج نفذي
نور ،، حاضر دكتورة
_ ضلت تشتغل لحد ساعه اثنين الصبح تقريبا خلصت
توجهة ؏ صالة العمليات ساعتين خلصت كانت ساعه اربعه وربع تقريبا طلعت كعدت ؏ مقعد اتصلت ؏ سلمان
حور ،، سلمان نكدر نرجع هسه
سلمان ،، نكدر
_ كامت توجهة ؏ مكتبها سلمان وراها
حور ،، خلصت لازم اطلع
انور ،، مقصرتي الباقي عندي
_ غيرت ملابسها وطلعت جان الجو كلش مضبضب
ساعه ونص يلا وصلو البيت نزلت من سيارة مباشرتا
الغرفتها دخلت غسلت وطلعت لبست بجامه مال نوم وقميص رتبت نفسها وطلعت توجهة للاستقبال فتحت الباب ودخلت كان عداي نايم يم تميم تجاهله وفترت من صفحه ثانيه رفعت البطانيه ودخلت يمه تميم كان نومه ثقيل بسبب العلاج من مددت يمه يلا حس واضاهر نسئ هو وين
من شافها قربه فتح الها ذراعه خلت راسها بعقه
قبلها من راسها وحجة
تميم ،، حوري اخر مره طلعين بليل
حور ،، همم
تميم ،، شبيج
حور ،، تعبانه ونعسانه نومني
تميم ،، اخخ حور اخ نامي يلا
عداي ،، ابد ماسمعت شيئ
تميم ،، كوم روح المرتك وبلا ماتسمع
عداي ،، رايح عمي رايح
تميم ،، سد الباب وراك
_ طلع عداي وهو مبتسم اما تميم حضنها وضل يلعب بشعرها دقائق ونامت عداي حس عليها من دخلت لكن مثل النوم لحد ماتغطت وكام طلع وريته ماطلع ضل واكف ويباوع كانت هدئ متوجها ؏ المطبخ الشعر منثور
وحافيه لابسه بجامه وتشيرت ربع ردن واضح عليها شبه نايمه تقرب من باب المطبخ يباوع عليها شسوي
راحت عبت ترمز ماي حار من البراد و رجعت سحبت كرسي
من يم طاوله خلته يم الكاونتر وصعدت رفعت ايدها طلعت بطنها غمض عيونه سمع باب مال الملحق انفتح رجع يباوعلها لكن حاول مايباوع المفاتنها البارزه نزلت علبه ونزلت خلتهن ؏ طاوله و رفعت بجامتها بحوكه طفوليه
رجعت لمت شعرها وشدته كانت خاله كتر باايدها بعدها اخذتهم وتوجهت ؏ الباب حتئ تطلع هنا عداي ابتعد وقف يم درج ضل يباوع عليها لحد مااختفت بعدها فرك
وجها بحزن وصعد دخل ؏ غرفته باوع هاجر نايمه ماانتبه حتئ ؏ شكلها تقرب منها حست عليه
هاجر ،، عداي
عداي ،، هسسس لا تحجين قزومتي
_ ابتسم ؏ القب صار يتقرب من هاجر وهو يعاملها
مثل شي اميره طارت من الفرح
عداي ،، ليش نايمه بدشداشه
هاجر ،، مو بارده
عداي ،، انه ادفيج
_ نزعها ملابسها وهو فاقد لحد ماخلص شغلته ابتعد تقربت منه حضنته من ضهره وهيه طايره من الفرح حتئ بالعرس
معاملها هيج كان حيل مشتاق الها
صار الصبح كعد من نومه باوع عليها نايمه يمه عاريه غطاها
وتوجه للحمام وهو يلعن بنفسه سبح وطلع دخل للمطبخ
صارت هدئ بوجها كعد يم ابوه جكاره باايده وعينه عليها
يراقبها كانت لابسه فستان نص ساق يبرز جمال سيقانها
الناعمه ومنحنيات جسمها الرقيقه لعن نفسه الف مره بداخله
وحجة بداخله
عداي ،، انت من امتئ صرت تباوع ؏ مفاتنها ليش
قبل من جنت اعزب ماجنت هيج شبيك عداي شبيك تخبلت
عوف البنت بحالها طلع من صفنته ؏ صوتها
هدئ ،، تفضل
_ رفع راسه باوعلها ماده اله كوب جاي اخده منها رجعت
تشتغل وهو كام بسرعه الكوب باايده طلع وكف بالحديقه قبل لا يدخل للمضيف اخذ نفس قوي واستغفر ربه ودخل
تريك ويه العمال بعدها راح ؏ العزبه يساعد هارون
للظهر اتصل سلمان عليه اهل دكتور جاين وعامه
رجع للبيت امس دز الهم خبر ماتوقع بهل سرعه يجون
كان متوقع ممكن العصر يجون ربع ساعه وصل نزل
من سيارة كان في كثير ناس وحمايات والعجيب كانو داخلين للبيت يعني للاستقبال مو للمضيف عداي صار نار
ليش يدخلون للبيت هاذا مو مضيف تميم مريض وكان مكلفه بهل مهمه ليش فشلو عدام خويه وصديقه دخل للاستقبال سلم وفات كعد قرب تميم باوعله وحجة بهمس
عداي ،، اعذرني جنت بالعزبه
تميم ،، مو مهم
_ صار الحجي وشيخ سالم مستلم الحجايه دكتور صار
يتعذر ويحجي
دكتور ،، اتمنئ من حضراتكم تسمعوني اني من استلمت حالت الشيخ كان مستحيل يطلع منها كان شبه ممزق
جمعت لحم علئ لحم النزف كان ماخذه ساعات طويله واني
احاول اربط الاورده المتضرره والاعصاب تصورو تعب
الي تعبته حتئ لا يتضرر المريض كان ممكن ينشل او يصبح
عاجز او يموت حاولت جاهدا انقذه ستة ساعات واني اشتغل ؏ الحاله من خلصت تمكن مني الارهاق واني
گ دكتور صح مسؤل عن العمليه لكن اني مااغلقة الجرح
دكتور المساعد اغلقه واذا كان في خطا فهو مو غلطي
لكن مع ذلك اني اتحمل المسؤليه
تميم ،، لازم تتحمل المسؤليه
دكتور ،، وانه حاضر
تميم ،، انت سبب بهاي حالتي وانت سبب بالحاله الي عاشوها اهلي زين اكتشفت هل كارثه قبل لا تقضي عليه
خل اي واحد من الحاضرين يكون بدالي ويقرر انه مااحجي
بس اكلكم شنو شعوركم من دكتور يكلك احتمال بيك ورم
يعني سرطان ويسوي الك زرع وابقئ انتظر ثلاث ايام
_ صارت الوادم نص تدين ونص تفزع لحد مكال تميم
تميم ،، انه عفيت عنك لخاطر من خاطر بس سدك يمين
والغايب يبلغ الحاضر اي غلط يجي من ناحيتك تحلم
تمارس الطب بعدها حياة الناس مو لعبه بوياا هاي
امانه بين اديك لازم تحافظ عليها
_ الكل ايد كلام تميم و اهل الدكتور كيفو وكعو ؏ تميم
وتشكرو منه رادو يطلعون بس غداهم كان جاهز مايجوز
يطلعون بلا غدا
_ عداي كان مصدوم من قرار تميم ليش عفئ عن الدكتور
وماعاقبه ولا حتئ كرصة اذن ضل كاعد ؏ نار لحد مافهم ليش غير رئيه ومعاقب الدكتور
_ ميعرف بالمعركه الي صارت قبل ساعات قليله
وشكد قدم تنازلات لحتئ يكدر يسامح هل طبيب المهمل
قراره صدم الكل وغالبا حتئ هو ممصدك
لكن كان مغلرب ؏ امره
***
تجاهلو الاخطاء الاملائيه بليز لانو البارت بلا تصليح كلش نعسانه 😣
قرأءة ممتعه احبتي ❤️